Sarri ថា Mandzukic មិនអាចចូលហ្វឹកហាត់បានទេបើមិនទាន់ដោះស្រាយបញ្ហាដោះដូរបានសម្រេច
20 Oct 2019 - 03:21:23 SHARE
អនាគតរបស់កីឡាករ Mario Mandzukic កាន់តែមានភាពស្រពេចស្រពិលជាមួយនឹង Juventus បន្ទាប់ពីគ្រូបង្វឹក Maurizio Sarri បានបញ្ជាក់ថា ខ្សែប្រយុទ្ធរូបនេះ នឹងមិនចូលរួមហ្វឹកហាត់ជាមួយនឹងមិត្តរួមក្រុមឡើយ ដរាបណាស្ថានភាពអនាគតរបស់គេមិនទាន់មានការផ្លាស់ប្ដូរ។
ខ្សែប្រយុទ្ធវ័យ៣៣ឆ្នាំរូបនេះ មិនទាន់បានចូលរួមប្រកួតនោះទេ ចាប់តាំងពីលោក Sarri ចូលកាន់តំណែង ជាគ្រូបង្វឹករបស់ Juve ហើយរូបគេត្រូវបានដកឈ្មោះចេញពីបញ្ជីកីឡាករទាំង២២រូប ដែលត្រូវចូលរួមប្រកួត Champions League ថែមទៀតផង ថ្វីបើកីឡាករសញ្ជាតិក្រូអាស៊ីរូបនេះ ទើបបានបន្ដកុងត្រាថ្មីជាមួយក្លឹបកាលពីខែមេសាក្ដី។
គ្រូបង្វឹក Sarri បាននិយាយនៅក្នុងសន្និសីទសារព័ត៌មានកាលពីថ្ងៃសុក្រថា៖ “Mandzukic មិនបានចូលហ្វឹកហាត់ជាមួយនឹងពួកយើងទេ នៅក្នុងកិច្ចព្រមព្រៀងជាមួយក្លឹប។ ប្រសិនបើការព្រមព្រៀងនេះត្រូវបានផ្លាស់ប្ដូរ ខ្ញុំនឹងបើកដៃឲ្យគ្រប់យ៉ាង។”
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
បង្ហាញខ្លួនលើកដំបូងអោយក្រុមខ្សែប្រយុទ្ធ Erling Haaland ធ្វើបាន Hat-trick
ខ្សែប្រយុទ្ធចំណូលថ្មី Erling Braut Haaland របស់ក្រុម Borussia Dortmund បានបង្ហាញទម្រង់លេងល្អបំផុតសម្រាប់ការចូលលេងលើកដំបូងអោយក្រុម Dormund កាលពីយប់ថ្ងៃសៅរ៍ម្សិលមិញជាមួយនឹងការស៊ុតបាល់បញ្ចូលទី៣គ្រាប់នៅចន្លោះត្រឹមតែ ២៣ នាទីតង់ទី២ដើម្បីវាយបកផ្តួលក្រុមម្ចាស់ផ្ទះAugsburgក្នុងលទ្ធផល៥ទល់និង៣។ កីឡាករវ័យ ១៩ ឆ្នាំសញ្ជាតិន័រវេរូបនេះបានចូលរួមជាមួយ Dortmund ក្នុងតម្លៃ ១៧,១ លានផោនកាលពីខែធ្នូបន្ទាប់ពីរកបាន ២៨ គ្រាប់ក្រោយចូលរួមប្រកួត ២២ លើកសម្រាប់ Red Bull Salzburg នៅលីកកំពូលអូទ្រីសរដូវកាលនេះ។ Haaland ដែលចូលលេងក្នុងនាមកីឡាករបម្រុង នៅនាទី ៥៦ ដោយកីឡាករ Dortmund បន្ទាប់ពីក្រុមភ្ញៀវដេញតាមពីក្រោយការនាំមុខរបស់ម្ចាស់ផ្ទះAugsburg ក្នុងលទ្ធផល ៣-១ រូបគេបានធ្វើការវាយបក៣គ្រាប់នាំមុខនិងជាគ្រាប់បាល់ជ័យជំនះ មុនពេលខ្សែប្រយុទ្ធស្លាបអង់គ្លេស Jadon Sancho តាមស្មើ ៣ទល់និង៣ ។ បច្ចុប្បន្នBorssia Dortmund ឈរនៅចំណាត់ថ្នាក់លេខ៤មាន៣៣ពិន្ទុតាមពីក្រោយក្រុមកំពូលតារាង RB Leipzig ចំនួន៧ពិន្ទុគិតត្រឹមសប្តាហ៏ទី១៨នេះ។
19 Jan 2020
Other News
ក្រុម Chelsea ចុកឈាមក្នុងនាទី៩០+៤នៅទឹកដី Newcastle
Newcastle បានបង្ហាញថាពួកគេមានចំណង់ក្នុងការឡើងឱ្យផុតពីពាក់កណ្ដាលតារាងខាងក្រោម ស្របពេល Isaac Hayden តែតគ្រាប់ជ័យជម្នះក្នុងនាទី៩០+៤ ដើម្បីឆក់យក៣ពិន្ទុពេញដ៏សំខាន់ពី Chelsea ដែលបានត្រួតត្រាការប្រកួតនៅ St James’ Park យប់ថ្ងៃសៅរ៍ទី១៨ខែមករាឆ្នាំ២០២០។ ក្រុមលោក Frank Lampard លេងបានល្អជាងសឹងគ្រប់នាទី តែមិនអាចរកគ្រាប់បាល់បាន។នេះទើបតែជាជ័យជម្នះលើកទី២ប៉ុណ្ណោះសម្រាប់លោក Steve Bruce ក្នុងចំណោមការដឹកនាំក្រុមប្រកួតលីគទល់នឹង Chelsea ២៣លើកក្នុងអាជីពទាំងមូល។ ពេលនេះ Chelsea បានចាញ់៨ដងក្នុង២៣ប្រកួតដំបូងនៃរដូវកាលនេះ ស្មើនឹងចំនួនបរាជ័យសរុបរបស់ពួកគេក្នុងរដូវកាល២០១៨-១៩។ តាំងពីដើមរដូវកាលមក មានតែ Liverpool, Man City និង Spurs ប៉ុណ្ណោះដែលឈ្នះក្នុងផ្ទះក្នុងក្របខ័ណ្ឌ Premier League ច្រើនដងជាង Newcastle។Newcastle ឥឡូវនេះឡើងមកលេខ១២ មាន២៩ពិន្ទុ ខណៈ Chelsea ឈរលេខរៀងទី៤ដដែល មាន៣៩ពិន្ទុ៕
19 Jan 2020
Other News
Chelsea គ្រោងសម្រេចកិច្ចព្រមព្រៀងផ្ទេរខ្សែបម្រើ Kays Ruiz Atil របស់ក្លឹប PSG
មានព័ត៌មានថា ក្លឹប Chelsea ជិតសម្រេចកិច្ចព្រមព្រៀងផ្ទេរកីឡាករវ័យក្មេង Kays Ruiz Atilរបស់ក្លឹប Paris Saint-Germain ខណ:អតីតកីឡាកររបស់ក្លឹប Chelsea លោក Claude Makeleleបានធ្វើដំណើរទៅទីក្រុងប៉ារីស ដើម្បីធ្វើការងារជាមួយខ្សែបម្រើវ័យក្មេងរូបនេះ ដែលកំពុងមិនសប្បាយចិត្តចំពោះថ្នាក់ដឹកនាំនៅក្របខណ្ឌ Ligue 1 ។ Chelsea នឹងត្រូវចរចាតម្លៃជាមួយក្លឹប PSG ដើម្បីទទួលបានហត្ថលេខារបស់ Kays ស្របពេលមន្ត្រីនៅក្លឹប PSG កំពុងមិនសប្បាយចិត្តចំពោះកង្វះការចរចារវាងក្លឹបទាំងពីរ។ មានព័ត៌មានលម្អិតថា ក្លឹប Chelsea បានទាក់ទងជាមួយតំណាងរបស់ Kays ជុំវិញលទ្ធភាពផ្ទេរមកទីក្រុងឡុងដ៍។ខ្សែបម្រើកណ្តាលវ័យ១៧ឆ្នាំរូបនេះបានចាកចេញពីក្លឹប Barcelona ទៅកាន់ទីក្រុងប៉ារីសកាលពីឆ្នាំ២០១៥ ៕
18 Jan 2020
Other News
Man Utd គ្រោងបន្តកិច្ចសន្យារយៈពេលពីរឆ្នាំដល់ខ្សែការពារ Eric Baily
ក្លឹប Man Utdបានត្រៀមកិច្ចសន្យាថ្មី២ឆ្នាំទៀត ដើម្បីរក្សាទុកខ្សែការពារ Eric Baillyដល់ឆ្នាំ២០២២។ កិច្ចសន្យារបស់កីឡាករសញ្ជាតិកូតឌីវ័ររូបនេះគ្រោងចប់នៅរដូវក្តៅនេះ ប៉ុន្តែ Man Utdចង់ពន្យារកិច្ចសន្យាបន្ថែមទៀត។ Baily មិនទាន់បានបង្ហាញមុខក្នុងក្រុមជម្រើស Man Utdនៅឡើយទេនៅរដូវកាលនេះ បន្ទាប់ពីរងរបួសក្បាលជង្គង់ អំឡុងប្រកួតកម្តៅសាច់ដុំមុនរដូវកាល ប៉ុន្តែលោក Ole Gunnar Solskjaerបានសារភាពថា Baily អាចនឹងមានឱកាសចូលរួមក្នុងក្រុមជម្រើស Man Utdសម្រាប់ជំនួបជាមួយក្រុម Liverpool ។ លោក Solskjaer បាននិយាយថា “គាត់ជិតនឹងត្រឡប់មកវិញ ហើយ។ គាត់អាចនឹងត្រឡប់មកវិញនៅចុងសប្តាហ៍នេះ។ សង្ឃឹមថា គាត់អាចលេងបាន៩០នាទីពេញ”។ បើទោះបីជាមានបញ្ហាប្រព័ន្ធការពារ ក៏លោក Solskjaer ចាត់ទុក Baily គឺជាផ្នែកសំខាន់នៃក្រុមជម្រើសរបស់លោក៕
18 Jan 2020
Other News
ក្លឹប Inter Milan នឹងសម្រេចកិច្ចព្រមព្រៀងខ្ចីជើងខ្សែបម្រើស្លាប Victor Moses របស់ Chelsea
ក្លឹបអ៊ីតាលីInter Milan ជិតសម្រេចកិច្ចព្រមព្រៀងខ្ចីជើងខ្សែបម្រើស្លាប Victor Moses ពីក្លឹប Chelsea បន្ទាប់ពីអតីតគ្រូបង្វឹកគ្រូបង្វឹក Antonio Conte បានដាក់សំណើរច្បាស់លាស់ ដើម្បីផ្ទេរកីឡាកររូបនេះ។ កីឡាករវ័យ២៩ឆ្នាំរូបនេះ ធ្លាប់លេងនៅក្រោមការដឹកនាំរបស់លោក Conte នៅពេលគ្រូបង្វឹកសញ្ជាតិអ៊ីតាលីរូបនេះដឹកនាំក្លឹប Chelseaហើយបានបង្ហាញពីបំណងចង់ផ្ទេរទៅលេងនៅក្លឹប Inter Milan ភ្លាមៗផងដែរ។ ក្លឹប Fenerbahceគឺជាក្លឹបដែលកីឡាករសញ្ជាតិនីហ្សេរីយ៉ារូបនេះលេងក្នុងកិច្ចសន្យាខ្ចីជើង ប៉ុន្តែនឹងមិនរារាំងការចាកចេញរបស់ Moses ទៅលេងនៅអ៊ីតាលីនោះទេ។ ខ្សែបម្រើស្លាបរូបនេះនឹងវិលត្រឡប់ទៅ Chelsea វិញ ដើម្បីរៀបចំលេងខ្ចីជើងទៅក្លឹប Inter Milan ភ្លាមៗ គឺរហូតដល់ខែមិថុនាដោយឥតតម្លៃផ្ទេរ៕
18 Jan 2020
Other News
Raphael Varane ប្រាប់វិធីបង្អាក់ការបណ្តើរបាល់ដ៏រស់រវើករបស់ Lionel Messi
Raphael Varane បាននិយាយដោយបើកចំហរអំពីការលំបាកក្នុងការរារាំងនិងបញ្ឈប់កំពូលខ្សែប្រយុទ្ធ Lionel Messi ឱ្យនៅស្ងៀមរឺមានន័យថាមិនអោយរូបគេធ្វើចលនាបណ្តើរបាល់នៅទីលានបានដោយងាយនោះ។ កីឡាករអន្តរជាតិបារាំងនិងជាសមាជិកជ័យលាភី World Cup ២០១៨ បានសង្កត់ធ្ងន់យ៉ាងដូច្នេះថាៈ អ្នកមិនអាចធ្វើការការពារការវាយសម្រុកពីរូបគាត់ដូចដែលធ្វើជាមួយខ្សែប្រយុទ្ធដទៃទៀតបានទេ។ មានន័យថារាល់ការប្រកួតដែលប្រឈមមុខមួយទល់និងមួយជាមួយ Messi គឺពិបាកបំផុតព្រោះតែបច្ចេកទេស បណ្តើរបាល់ដូចវេទមន្តរបស់ កំពូលខ្សែប្រយុទ្ធអន្តរជាតិអាហ្សង់ទីនរូបនេះធ្ចើចលនាបំលាស់ទីលឿនបំផុតនៅលើទីលាននោះ។ ប្រធានក្រុម Barcelona រូបនេះគឺជាកីឡាករ រកគ្រាប់បាល់បានច្រើនបំផុតនៅក្របខណ្ឌ La Liga រយៈពេល ១០ឆ្នាំចុងក្រោយ ពោលគឺមិនតិចជាង ២៦គ្រាប់ក្នុង១រដូវកាលនិងជាកីឡាករដ៏គ្រោះថ្នាក់បំផុតសម្រាប់ក្រុមគូប្រជែង។ យ៉ាងណាមិញជាក់ស្តែងសូម្បីតែខ្សែការពារកណ្តាលឆ្នើមនិងជាដៃគូរបស់ Verane គឺ Sergio Ramos ក៏ធ្លាប់ទទួលរងការវាយឆ្មក់និងញ៉ាក់ដាច់ចង្កេះជាញឺកញយផងដែរ ក្រោមថ្វីជើង Lionel Messi អស់រយៈពេលជាច្រើនឆ្នាំកន្លងមកនេះជាពិសសេសគឺក្នុងជំនួប El-Classico។ Varane បានរួមរស់ជាមួយក្លឹបនៅឯកីឡដ្ឋាន Santiago Bernabeu អស់រយៈពេលជិតមួយទសវត្សរ៍ ចាប់តាំងពីផ្លាស់ចេញពីក្លឹប Lens ក្នុងឆ្នាំ ២០១១ ដោយបានលើកពានរង្វាន់ Champion League បួននិង La Liga ២ដង ។
18 Jan 2020
