Sevilla កំណត់តម្លៃខ្លួន Steven N’Zonzi ២៧លានផោន អោយទៅ Roma
30 Jul 2018 - 16:06:13 SHARE
ក្រុមបាល់ទាត់ Sevilla បានសម្រេចកំណត់តម្លៃខ្លួនកីឡាករ Steven N’Zonzi ចំពោះក្រុមដែលចង់បាន កីឡាកររូបនេះទៅចូលរួមជាមួយពួកគេ ក្រោយពីបញ្ចាប់ពានរង្វាន់ FIFA World Cup រួច ដោយតម្លៃខ្លួនរបស់គេបានឡើងថ្លៃគួរអោយកត់សម្គាល់ផងដែរ។
ក្នុងការរៀបចំដាក់តម្លៃខ្លួនថ្មីនេះ គឺក្រុមបាល់ទាត់ Sevilla បានដាក់ក្នុងតម្លៃខ្លួន ២៧លានផោន ដែលកើនឡើងច្រើន ខុសភ្លែកពីការកំណត់តម្លៃខ្លួនកាលពីកីឡាកររូបនេះ កំពុងជួយក្រុមបាល់ទាត់ជម្រើសជាតិបារាំង ប្រកួតក្នុងពូល ដោយតម្លៃខ្លួនស្ថិតនៅត្រឹម ២២លានផោនប៉ុណ្ណោះ។
គួរអោយដឹងផងដែរថា កីឡាករ Steven N’Zonzi ធ្លាប់ទទួលចំណាប់អារម្មណ៌ក្នុង ការចង់បានពីសំណាក់ក្រុមបាល់ទាត់ Arsenal និង Roma ដោយបច្ចុប្បន្ន Arsenal បានដកខ្លួនពីការតាមប្រមាញ់យកកីឡាកររូបនេះហើយ ដែលនៅសល់តែ AS Roma មួយប៉ុណ្ណោះក្នុងការទាក់ទងផ្លាស់កីឡាកររូបនេះមកកាន់លីកកំពូល Seria A។
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Real Madrid ចុះហត្ថលេខានាំយកខ្សែប្រយុទ្ធយុវជនប្រេស៊ីល Reinier Jesus
ក្លិប Real Madrid បានបំពេញការចុះហត្ថលេខាជាមួយនឹងខ្សែបម្រើប្រយុទ្ធអន្តរជាតិប្រេស៊ីល Reinier Jesus វ័យ១៨ឆ្នាំ ក្នុងតម្លៃខ្លួន៣០លានអឺរ៉ូ (ស្មើនឹង៣៣,៣លានដុល្លារអាមេរិក)។ Reinier ដែលបានចុះកិច្ចសន្យារយៈពេល៦ឆ្នាំ កន្លះជាមួយនឹងក្លិបយក្សអេស្ប៉ាញ បានបង្ហាញខ្លួនក្នុងក្រុមឈុតធំត្រឹមតែ១លើកគត់សម្រាប់ក្លិប Flamengo កាលពីថ្ងៃទី៣១ ខែកក្កដា ឆ្នាំមុន។ រូបគេគឺជាសមាជិកក្រុម Flamengo ដែលបានឈ្នះពានក្របខ័ណ្ឌលីកប្រេស៊ីល និងពាន Copa Libertadores កាលពីរដូវកាលមុន។ ក្លិប Flamengo បានឲ្យដឹងក្នុងសេចក្តីប្រកាសមួយថា៖ «យើងសូមជូនពរឲ្យរូបគេទទួលបានជោគជ័យក្នុងដំណាក់កាលថ្មីនៃជីវិតរបស់គេ»។ Reinier គឺជាអ្នករកបានគ្រាប់បាល់ច្រើនជាងគេក្នុងព្រឹត្តិការណ៍ World Cup អាយុក្រោម១៦ឆ្នាំ ក្នុងឆ្នាំ២០១៨ ដោយក្លិបរបស់គេ បានផ្តួលក្រុម Real Madrid ក្នុងវគ្គផ្តាច់ព្រ័ត្រ។ ក្នុងសេចក្តីប្រកាសមួយនេះ ក្លិប Real Madrid បានបញ្ជាក់ថា Reinier នឹងត្រូវចូលលេងជាមួយនឹងក្រុម Castilla ដែលជាក្រុមទី២របស់ក្លិបនេះ និងលេងក្នុងក្របខ័ណ្ឌលំដាប់ទី៣របស់អេស្ប៉ាញ ក្រោយពីការប្រកួតជម្រុះសម្រាប់ព្រឹត្តិការណ៍អូឡាំពិកអាមេរិកខាងត្បូង ជាមួយនឹងក្រុមអាយុក្រោម២៣ឆ្នាំរបស់ប្រេស៊ីល៕
21 Jan 2020
Other News
ខ្សែប្រយុទ្ធ Edinson Cavani សុំចេញពី PSG បន្ទាប់ពី Atletico ចូលទាក់ទង
ខ្សែប្រយុទ្ធអ៊ុយរុយហ្គាយ Edinson Cavani បានប្រាប់ក្លិប Paris St Germain ថាគេចង់ចាកចេញពីក្លិប បន្ទាប់ពី Atletico Madrid បានចូលមកទាក់ទង។ កីឡាករវ័យ៣២ឆ្នាំរូបនេះបានចូលលេងត្រឹម១៤លើកប៉ុណ្ណោះក្នុងរដូវកាល២០១៩-២០នេះ បន្ទាប់ពីការមកដល់របស់ខ្សែប្រយុទ្ធអាហ្សង់ទីន Mauro Icardi លើកិច្ចសន្យាខ្ចីពី Inter Milan។ លោក Leonardo នាយកកីឡារបស់ PSG បាននិយាយក្រោយពេល PSG ឈ្នះ Lorient ១-០ ក្នុងពាន French Cup ថ្ងៃអាទិត្យកន្លងទៅថា ជារឿងពិតដែលថា Cavani បានសុំចេញពីក្លិបនោះ ហើយរឿងថា Atletico ចូលមកទាក់ទងនោះក៏ជារឿងពិតដែរ។ លោកបន្ថែមថាក្លិបកំពុងសិក្សាពីស្ថានភាព។ សូមរំឭកថា Cavani បានផ្លាស់ពី Napoli មកចូលរួម PSG ក្នុងឆ្នាំ២០១៣ មកទល់ពេលនេះរកបាន១៩៨គ្រាប់សម្រាប់ PSG។លោក Leonardo បន្តថាក្លិបត្រូវតែស្ដាប់សំណើរបស់ Cavani ព្រោះក្លិបមានការគោរពយ៉ាងខ្លាំងចំពោះគេ។ប៉ុន្តែគ្រូបង្វឹក Thomas Tuchel និយាយថាលោកចង់ទុក
21 Jan 2020
Other News
អ្នកចាំទី Romero របស់ Man Utd មានគ្រោះថ្នាក់ចរាចរណ៍ក្បែរទីលានហ្វឹកហាត់
អ្នកចាំទី Sergio Romero របស់ក្លិប Manchester United មានគ្រោះថ្នាក់ចរាចរណ៍កាលពីព្រឹកថ្ងៃចន្ទទី២០ខែមករាឆ្នាំ២០២០ នៅលើផ្លូវ Carrington Spur Road ក្បែរមណ្ឌលហ្វឹកហាត់ Carrington របស់ក្លិប ប៉ុន្តែគ្មានគ្រោះថ្នាក់អ្វីឡើយ។ នគរបាលក្រុង Greater Manchester បានបញ្ជាក់ថាមានគ្រោះថ្នាក់រថយន្ត Lamborghini មួយបានកើតឡើងនៅម៉ោង១០ព្រឹក ប៉ុន្តែគ្មាននរណាម្នាក់រងរបួសទេ ហើយក៏គ្មានរថយន្តផ្សេងពាក់ព័ន្ធដែរ។ Romero វ័យ៣២ឆ្នាំ បានអង្គុយបង់បម្រុងពេល Man Utd ចាញ់ Liverpool ២-០ កាលពីថ្ងៃអាទិត្យ។ ក្នុងនាមជាអ្នកចាំទីសឺកួរបស់ David De Gea កីឡាករជម្រើសជាតិអាហ្សង់ទីនរូបនេះបានបង្ហាញខ្លួន៥៣លើក ភាគច្រើនក្នុងការប្រកួត Cup សម្រាប់ក្រុមបិសាចក្រហម តាំងពីផ្លាស់មកពី Sampdoria ក្នុងឆ្នាំ២០១៥មក៕
21 Jan 2020
Other News
Aston Villa លក់ខ្សែប្រយុទ្ធម្នាក់ឱ្យក្លិបនៅកាតារ ហើយទិញម្នាក់ពី Genk មកជំនួសវិញ
Aston Villa បានលក់ខ្សែប្រយុទ្ធជម្រើសជាតិកូឌីវ័រវ័យ៣០ឆ្នាំ Jonathan Kodjia ទៅឱ្យក្លិបកាតារ Al-Gharafa លើកិច្ចសន្យា២ឆ្នាំកន្លះ ក្នុងតម្លៃបិទជិតមួយ។ Kodjia បានផ្លាស់ពី Bristol City ចូល Aston Villa ក្នុងតម្លៃ១១លានផោនកាលពីឆ្នាំ២០១៦។ គេរកបាន៩គ្រាប់ពេល Aston លេងលីគទី២រដូវកាលមុន តែរដូវកាលនេះ គេបង្ហាញខ្លួនបានតែ៦លើកប៉ុណ្ណោះក្នុង Premier League។ បន្ទាប់ពីលក់ Kodjia ទៅកាតារ Aston បានទិញខ្សែប្រយុទ្ធតង់ហ្សានី Mbwana Samatta ពីក្លិបបែលហ្ស៊ិក Genk ក្នុងតម្លៃ១០លានផោនមកជំនួសវិញ។ សូមជម្រាបថាកីឡាករថ្លៃបំផុតរបស់ក្លិប គឺ Wesley ខានលេងដល់ចប់រដូវកាលដោយសាររបួសជង្គង់៕
21 Jan 2020
Other News
PSG គ្រោងផ្ទេរខ្សែការពារកណ្តាល Kalidou Koulibaly របស់ Napoli ក្នុងតម្លៃខ្លួន ១០,២ លានផោនក្នុងមួយឆ្នាំដល់
ក្លឹបយក្សបារាំង PSG បានប្តេជ្ញាផ្ទេរខ្សែការពារកណ្តាល Kalidou Koulibaly របស់ក្លឹប Napoli ហើយត្រៀមផ្តល់កិច្ចសន្យាដែលមានទឹកប្រាក់ច្រើនសន្ធឹកសន្ធាប់ដល់កីឡាកររូបនេះ។ ខ្សែការពារ សញ្ជាតិ្តសេណេហ្គាល់រូបនេះ ត្រូវបានគេចាត់ទុកជាខ្សែការពារឆ្នើមម្នាក់ក្នុងពិភពលោក ហើយត្រូវបានគេភ្ជាប់ទៅនឹងកិច្ចព្រមព្រៀងផ្ទេរទៅចូលរួមជាមួយក្លឹប Man Utd ។ កន្លងមកមានសេចក្តីរាយការណ៍ថា លោក Alex Ferguson ធ្លាប់បានជជែកជាមួយកីឡាករវ័យ២៨ឆ្នាំរូបនេះ ខណៈកីឡាកររូបនេះក៏ធ្លាប់ចង់សម្រេចកិច្ចព្រមព្រៀងផ្ទេរមកចូលរួមជាមួយ Man Utd ផងដែរកាលពីរដូវក្តៅឆ្នាំមុន។ ទោះបីជាយ៉ាងណា មានសេចក្តីរាយការណ៍ថា ក្លឹប PSG ចាប់អារម្មណ៍នឹង Kalidou។ តាមការអះអាងថា លោក Leonado ប្រធានបច្ចេកទេសរបស់ក្លឹប PSG បានចរចាជាមួយភ្នាក់ងាររបស់ Kalidou ហើយក្លឹបនេះមានបំណងផ្តល់កិច្ចសន្យាបួនឆ្នាំ ដែលប្រាក់ឈ្នួល ១០,២លានផោនក្នុងមួយឆ្នាំ។ ក្លឹប Man Utd, Man City និង ក្លឹប Real Madrid សុទ្ធតែចាប់អារម្មណ៍និង Kalidou ៕
20 Jan 2020
Other News
Liverpool ប្រជែង Chelsea ទិញខ្សែប្រយុទ្ធពូកែរកគ្រាប់បាល់ម្នាក់ពី RB Leipzig
យោងតាមគេហទំព័រ Mirror បានចុះផ្សាយថាក្រុមហង្សក្រហម Liverpool បានត្រៀមខ្លួនជា ស្រេចដើម្បីប្រជែងជាមួយក្រុមតោខៀវ Chelsea ដើ់ម្បីដាក់ដេញថ្លៃទឹកប្រាក់ ៦០លានផោន (៧៨ លានដុល្លារ) ដើម្បីចុះហត្ថលេខានាំយកខ្សែប្រយុទ្ធ Timo Werner ពីក្លឹប RB Leipzig។ ក្រុមតោខៀវ Chelsea ក្រោយរួចផុតបម្រាមទិញកីឡាករពីសំណាក់FIFAរួចមក ក្រុម បានបើកការពិភាក្សារួចហើយសម្រាប់ Werner ខណៈគ្រូបង្វឹកលោក Jurgen Klopp ដែលជាបុគ្គលម្នាក់តែងតែសរសើរពីសមត្ថភាពរបស់កីឡាករវ័យ២៣ឆ្នាំដែលមានរហស្សនាមថាម៉ាស៊ីនរកគ្រាប់បាល់នោះ ក៏កំពុងរៀបចំផែនការប្រជែងយករូបគេមករួមក្រុមផងដែរ ។ កីឡាករអន្តរជាតិអាល្លឺម៉ង់អាយុ ២៣ឆ្នាំ Werner រកបាន ២គ្រាប់ទល់នឹង Union Berlin កាលពីថ្ងៃសៅរ៍ដោយរកបាន ២០គ្រាប់ហើយក្នុងការបង្ហាញខ្លួន ១៨ប្រកួតនៅ Bundesliga រដូវកាលនេះ។
20 Jan 2020
