Silva 2រូបរកបានម្នាក់មួយគ្រាប់ ជួយ ព័រទុយហ្គាល់​ឈ្នះ​ប៉ូឡូញ​ (វីដេអូ)

ក្រុមជម្រើសជាតិព័រទុយហ្គាល់បានផ្ដួលក្រុមជម្រើសជាតិប៉ូឡូញក្នុងលទ្ធផល 3-2 ទាំងលំបាក ក្រោយពីពួកគេបានអវត្តមានខ្សែប្រយុទ្ធឆ្នើម Cristiano Ronaldo ក្នុងប្រកួតពាន UEFA Nations League កាលពីយប់មិញនេះ។

ក្នុងប្រកួតកាលពីយប់មិញ ក្នុងម្ចាស់ផ្ទះ ប៉ូឡូញ បាននាំមុខមួយគ្រាប់មុនដោយខ្សែប្រយុទ្ធ Krzysztof Piatek នៅនាទីទី 18 ក្រោយពីបានបាល់ជ្រុង។​ លុះដល់នាទីទី 31 ព័រទុយហ្គាល់ បានរកមួយគ្រាប់តាមស្មើវិញដោយខ្សែប្រយុទ្ធ André Silva មកពី Sevilla។ ខ្សែការពារ Kamil Glik ធ្វើឱ្យចូលទីខ្លួនឯងនៅនាទីទី 41 លុះដល់នាទីទី 51 ខ្សែបម្រើរបស់ Man City កីឡាករ Bernardo Silva បានស៊ុតបញ្ចូលទីពីចម្ងាយយ៉ាងស្អាត់។

សម្រាប់ក្រុមម្ចាស់ផ្ទះវិញក៏បានដាក់សម្ពាធទៅលើក្រុមភ្ញៀវយ៉ាងខ្លាំងនៅចុងម៉ោងរហូតដល់ពួកគេអាចស៊ុបញ្ចូលទីតាមបាន 1គ្រាប់មកវិញ គឺនៅនាទីទី 77ដោយខ្សែបម្រើ Jakub Błaszczykowski ដែលបានប្តូរចូលជំនួសកីឡាករ Mateusz Klich នៅនាទីទី 63។

ព័រទុយហ្គាល់​បាន​លេង​ទាំង​​គ្មាន​វត្តមាន​ Ronaldo ដែល​គ្រូ​បង្វឹក​​មិន​បាន​កោះ​ហៅ​នៅ​ប្រកួត​នេះ​ និង​ប្រកួត​ប៉ះ​ស្កុតឡែនខាងមុខ៕

Update ព័ត៏មានបាល់ទាត់ Highlights បាល់ទាត់ ព័ត៏មានបាល់ទាត់, ពិន្ទុ និង កម្មវិធីបាល់ទាត់នៅ https://km.buaksib.com

ប្រភពពី៖ BBC