លោក​ Ole Gunnar Solskjaer បាន​ឆ្លើយ​តប​នឹង​សំនួរ​របស់​សារព័ត៌មាន​ Sky Sports នៅ​ក្នុង​ថ្ងៃ​នេះ​ទាក់ទង​នឹង​គម្រោង​ការ​នាំ​ចូល​កីឡាករ​បន្ថែម​របស់​លោក​សម្រាប់​ក្លឹប​ Manchester United នៅ​រដូវកាល​ថ្មី​នេះ​។

Ole Gunnar Solskjaer
Ole Gunnar Solskjaer

លោក​ Solskjaer បាន​និយាយថា​៖” នៅ​ក្នុង​វិស័យ​បាល់ទាត់​នេះ​វា​មិន​ទៀង​ទេ​ អ្នក​មិន​អាច​ដឹង​មុន​នូវ​អ្វី​ដែល​គ្រោង​នឹង​កើត​ឡើង​នោះ​ឡើយ​។ ច្បាស់​ណាស់​មក​ទល់​នឹង​ពេល​នេះ​ យើង​សម្រេច​ទិញ​យក​ Varane បាន​រួច​ស្រេច​ហើយ​ តែ​នឹង​មានអ្វី​ថ្មី​បន្ថែម​ដែល​ធ្វើ​ឲ្យ​អ្នក​ទាំង​អស់​គ្នា​ភ្ញាក់ផ្អើល​ នឹង​អាច​កើតឡើង​បន្ថែម​ទៀត “។

លោក​បាន​បន្ត​ថា​៖” និយាយ​ទៅ​អ្វី​ក៏​អាច​កើត​ឡើង​ដែរ​ យើង​ត្រូវ​ត្រៀម​ទុក​មុន​ឲ្យ​ហើយ​អញ្ចឹង​ហើយ។​ ទោះ​ម៉េច​ក៏​ដោយ​ខ្ញុំ​មាន​ការ​សប្បាយ​ចិត្តជា​ខ្លាំង​នូវ​អ្វី​ ដែល​ក្លឹប​របស់​យើង​បាន​សម្រេច​ចិត្ត​កន្លង​មក​នេះ​ “។

រដូវកាល​ទិញ​ដូរ​កីឡាករ​នៅ​ Premier League នឹង​បញ្ចប់​ទៅ​វិញ​នៅ​ថ្ងៃ​ទី​៣១ ខែ​សីហា ឆ្នាំ​២០២១​ខាង​មុខ​ ខណៈ​មក​ទល់​នឹង​ពេល​នេះ​ Man Utd បាន​ទិញ​យក​កីឡាករ​សំខាន់​ៗ​មក​ក្លឹប​របស់​ខ្លួន​ចំនួន​២​រូប​មក​ហើយ​គឺ​ Sancho និង​ Varane ៕