Tag: ព្រះខ័នរាជស្វាយរៀង

​ក្នុង​ការ​ប្រកួត​ពាន​រង្វាន់ AFC Cup ​កាល​ពី​យប់មិញ​នេះ ក្រុម​ព្រះ​ខ័ន​រាជ​ស្វាយ​រៀង​របស់​កម្ពុជា ​បាន​បរាជ័យ​ក្រោម​ថ្វី​ជើង​ក្រុម Ceres ​របស់​ហ្វីលីពីន​ក្នុង​លទ្ធផល ៤-០។ និយាយពីការប្រកួត ៤គ្រាប់របស់ម្ចាស់ផ្ទះ Ceres Negros គឺរកបាននៅវគ្គទី១ ចំនួន ២គ្រាប់ ដោយកីឡាករ​ Takashi Odawara នៅនាទី១២ និងគ្រាប់ទី២ ដោយកីឡាករ Joshua Grommen នៅនាទី១៤។ ចូលដល់វគ្គទី២ គ្រាប់បាល់ចំនួន ២គ្រាប់ទៀតរកបានដោយកីឡាករ Bienvenido Maranon របស់ Ceres ២គ្រាប់ម្នាក់ឯង នានាទី៥៥ និង៧០ នាំឲ្យលទផលបញ្ចប់ ៩០នាទីពេញ ព្រះខ័នរាជស្វាយរៀង បានប្រកួតចាញ់ Ceres Negors ដោយលទ្ធផល ៤ទល់០។ ​លោក Conor Nestor ​ដែល​ជា​គ្រូ​បង្វឹក​ក្រុម​ព្រះ​ខ័ន​រាជ​ស្វាយ​រៀង ​បាន​បញ្ជាក់​ថា​ជា​ចំណុច​របត់​ក្នុង​ការ​ប្រកួត​ៗថា ” ​ក្រុម​ស្វាយ​រៀង​បាន​បង្កើត​កំហុស​មែន​សម្រាប់​ប្រកួត​នេះ ទើប​បង្ក​ឱ្យ​មាន​គ្រាប់​បាល់​ទី​១។ តែ​សម្រាប់​គ្រាប់​បាល់​ទី​២​វិញ ​ជា​គ្រាប់​បាល់ Handball ​(បាល់​ប៉ះ​ដៃ)

ក្នុងពហុកីឡដ្ឋានជាតិកាលពីម្សិលមិញ ក្រុមជើងឯកលីគកំពូលកម្ពុជា ព្រះខ័នរាជស្វាយរៀង បានប្រកួតឈ្នះក្រុមជើងឯករងលីគកំពូលឡាវ Master 7 ដោយលទ្ធផល ៤ទល់នឹង១ នៅក្នុងការប្រកួតវគ្គជម្រុះ Play-Off ពានរង្វាន់ AFC Cup ជើងទីមួយ។   ៤គ្រាប់របស់ក្រុមជើងឯកលីគកំពូលកម្ពុជារកបានដោយខ្សែប្រយុទ្ធ Privat ២គ្រាប់ និងខ្សែបម្រើ ហួយ ផល្លីន ២គ្រាប់ផងដែរ ខណៈ១គ្រាប់របស់ក្រុមភ្ញៀវរកបានដោយខ្សែប្រយុទ្ធ Souleymane Coulibaly។ គួរឱ្យដឹងថា ព្រះខ័នរាជស្វាយរៀង នឹងត្រូវប្រកួត Master 7 ក្នុងជើងទីពីរ នៅទីក្រុងវៀងចន្ទន៍ នាថ្ងៃពុធ ទី២៩ មករាខាងមុខនេះ។ ដោយឡែកសម្រាប់ការប្រកួតពូល G មាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali United ឬក្លិបលេខ៣នៅលីគកំពូលឥណ្ឌូនេស៊ីកំពុងរង់ចាំស្រាប់៕

ខ្សែការពារស្លាបស្តាំ ឈិន ឈឿន បានបង្ហើបពីមូលហេតុដែលចាកចេញពីក្រសួងការពារជាតិ ផ្លាស់មកចូលរួមជាមួយ ព្រះខ័នរាជស្វាយរៀង គឺដោយសារតែការចង់លេងនៅក្នុងព្រឹត្តិការណ៍ AFC Cup នៅក្នុងអាជីពរបស់ខ្លួន។ ម្ចាស់អាវលេខ១៧នៅក្រុមជម្រើសជាតិបានបន្ថែមថា៖ “ខ្ញុំត្រូវស្វែងរកការប្រកួតប្រជែងថ្មីៗ និងទទួលបានបទពិសោធន៍បន្ថែមទៀត ការចាកចេញរបស់ខ្ញុំនឹងក្លាយជាឱកាសសម្រាប់កីឡាករយុវជនទទួលបានការលេងច្រើន។ ដោយឡែក វាជាឱកាសដ៏ល្អសម្រាប់ខ្ញុំក្នុងការលេងក្នុងពានរង្វាន់ AFC Cup ហើយអ្វីដែលសំខាន់បំផុតនោះគឺការលេងនៅក្នុងព្រឹត្តិការណ៍ AFC Cup ដែលយើងនឹងត្រូវជួបជាមួយក្លឹបបរទេស។” គួរឲ្យដឹងថា ព្រះខ័នរាជស្វាយរៀងគឺទើបតែទទួលបានសិទ្ធិចូលរួមប្រកួតពានរង្វាន់នេះពីសហព័ន្ធកីឡាបាល់ទាត់ទ្វីបអាស៊ីក្រោយក្លាយជាជើងឯកក្របខណ្ឌ Metfone Cambodian League 2019។ ព្រះខ័នរាជស្វាយរៀង នឹងទទួលភ្ញៀវជើងឯករងលីគកំពូលឡាវ ក្លិប Master 7 នៅថ្ងៃពុធ ទី២២ មករា សម្រាប់ជើងទីមួយ មុនទៅលេងនៅវៀងចន្ទន៍ ជើងទីពីរ ថ្ងៃពុធ ទី២៩ មករា។ ពូល G នេះមាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali

បឹងកេត លើក​​ពាន​សម្ដេច​ ហ៊ុន សែន លើក​ដំបូង​​ក្រោយ​ឈ្នះ​បាល់​ប៉េណាល់​ទី​កាត់​ក្ដី ​លើ​ព្រះខ័នរាជ​ស្វាយរៀង​ ដោយ​លទ្ធផល ៥-៤ ​បន្ទាប់​ពី​បញ្ចប់​ ១-១ ​​ត្រឹម​៩០​នាទី ​​នៅ​វគ្គ​ផ្ដាច់​ព្រ័ត្រ​កាលពីម្សិលមិញ​នៅ​​កីឡដ្ឋាន RSN។ ការ​ប្រកួត​វគ្គ​ទី១​ ​បាន​បញ្ចប់​ទៅ​​ដោយ​លទ្ធផល ០-០ ទោះ​ជា​​មាន​ឱកាស​​​ស៊ុត​បញ្ចូល​គ្នា​ទៅ​វិញ​ទៅ​មក​ក៏​ដោយ។ គ្រាន់​តែ​ចូល​​​វគ្គ​ទី​២ ​ ម៉ុន វ៉ាន់ ​បាន​តែត​បញ្ចូល​ទី​ឲ្យ​បឹងកេត​នាំ​មុខ​នាទី​ទី​​៤៧ ​ក្រោយ​ការ​​​បញ្ជូន​បាល់​​យ៉ាង​ល្អ​ពី​សំណាក់​ ជា វេសលី។  ព្រះ​ខ័នរាជស្វាយរៀង ​ត្រូវ​​រង់​ចាំ​ដល់​នាទី​ទី​ ៦៩ ​ដែល ស៊ុត​បាល់​ពិន័យ ១១ ម៉ែត្រ​ដោយ​ ណុប តុលា បន្ទាប់​ពី សេត រ៉ស៊ីប ​​​ធ្វើ​ឲ្យ​បាល់​ប៉ះ​ដៃ​ក្នុង​ប្រអប់​គ្រោះ​ថ្នាក់ ​ហើយ រ៉ស៊ីប ​ក៏​ត្រូវ​​អាជ្ញា​កណ្ដាល លឺម ប៊ុនធឿន ដក​កាត​​ក្រហម​ពិន័យ​​ឲ្យ​ចេញ​ពី​ទីលាន​ផង​ដែរ។ ​​​បាល់ប៉ះ​​ដៃ របស់ រ៉ស៊ីប ដោយ​សារ​តែ​បាល់​ ​សម្រុក​មុខ​ទី​រញ៉េរញ៉ៃ ​ពី​សំណាក់​ ​ព្រះខ័នរាជស្វាយរៀង។ ​ ដ្បិត​សល់​គ្នា ១០ នាក់

ថ្មីៗនេះ ​កីឡាករ Privat Mbarga ខ្សែប្រយុទ្ធរបស់ក្លិបបាល់ទាត់ ព្រះខ័នរាជស្វាយរៀង បានបន្តចុះកុងត្រារយៈពេលវែង នៅបន្តរួមរស់ជាមួយនឹងក្លឹបបន្តទៀត ក្រោយពេលដែលរូបគេ គឺជាចំណែកដ៏ធំក្នុងការនាំពានរង្វាន់លីគកំពូលកម្ពុជា ដល់ក្រុមមកពីខេត្តស្វាយរៀងមួយនេះ។ Privat Mbarga រកបាន ៣៤គ្រាប់ហើយ នៅលីគកំពូលកម្ពុជា គិតត្រឹមសប្តាហ៍ទី ២៥ នេះ តាមពីក្រោយដោយកីឡាកររបស់ក្លឹបក្រសួងការពារជាតិ Dzamar Bata (៣១គ្រាប់)។ កីឡាកររូបនេះ បានចាកចេញពីក្លឹបអាស៊ីអ៊ឺរ៉ុប កាលពីដើមរដូវកាល មកកាន់ក្លិបព្រះខ័នរាជស្វាយរៀង ក្រោយពេលដែលជាប់ជាកីឡាករលេខ២ ស៊ុតបញ្ចូលទីបានច្រើនជាងគេ ក្នុងរដូវកាល ២០១៨៕  

ក្រុមព្រះខ័នរាជស្វាយរៀង បានទទួលពានជើងឯកលីគកំពូលកម្ពុជា ឆ្នាំ២០១៩ ផ្លូវការហើយ ដោយទទួលបានប្រាក់រង្វាន់ចំនួន ៦០លានរៀល បន្ទាប់ពីបញ្ចប់ការប្រកួតសប្ដាហ៍ទី២៥ ដោយយកឈ្នះ ក្រុមអាស៊ីអឺរ៉ុប ៦-១ នៅកីឡដ្ឋានខេត្តស្វាយរៀង កាលពីយប់មិញ។ ដើម្បីអបអរសាទរថ្ងៃពិសេស ថ្ងៃលើកពានផ្លូវការ មុនបញ្ចប់រដូវកាល ក្រុមព្រះខ័នរាជស្វាយរៀង បានធ្វើឲ្យអ្នក គាំទ្ររបស់ខ្លួន មានការពេញចិត្តកាន់តែខ្លាំង ចំពោះសមិទ្ធផលក្នុងរដូវកាលឆ្នាំ២០១៩ ពិសេសការយកឈ្នះ ក្រុមអាស៊ីអឺរ៉ុប ៦-១ ដើម្បីរក្សានូវកំណត់ត្រាមិនស្គាល់ចាញ់ ពោលគឺ ២៥ប្រកួតឈ្នះ២០ និងស្មើ៥។ ទន្ទឹមជាមួយភាពសប្បាយរីករាយរបស់ក្រុមព្រះខ័នរាជស្វាយរៀង ក៏មានមហាជន និងអ្នកគាំទ្រមួយចំនួន បាននាំគ្នារិះគន់ទៅលើប្រាក់រង្វាន់ខាងលើដែរ ដោយពួកគេនាំគ្នាបញ្ចេញមតិស្រដៀងៗគ្នាថា ប្រាក់រង្វាន់ ៦០លានរៀល មិនសាកសម្យ ចំពោះការខំប្រឹង និងការចំណាយធនធានដ៏ច្រើនរបស់ក្លឹបនីមួយៗ ឡើយ។ ប៉ុន្ដែទោះមានការរិះគន់យ៉ាងណា គណៈកម្មការរៀបចំការប្រកួត នៅតែរក្សាគោលការណ៍របស់ខ្លួនដដែល ជាក់ស្ដែងប្រាក់រង្វាន់ ៦០លានរៀល ត្រូវបានអនុវត្តជាច្រើនឆ្នាំមកហើយ ហើយការរិះគន់ ក៏មិនមែនទើបមានដែរ ពោលគឺរៀងរាល់ឆ្នាំ ក្រោយចប់ការប្រកួត រឿងប្រាក់រង្វាន់សម្រាប់ក្រុមជើងឯកនេះ តែងតែក្លាយជាប្រធាន បទក្ដៅ។ តែក៏មានក្លឹបមួយចំនួន លួចបង្ហើបទាំងមិនពេញចិត្ត ចំពោះប្រាក់រង្វាន់នេះដែរ។ ក្រឡេកមកចាប់អារម្មណ៍ការប្រកួតលីគកំពូលកម្ពុជា

តាមការប្រកាសពីគណៈកម្មការរៀបចំការប្រកួតបាល់ទាត់កម្ពុជា ពិធីប្រគល់ពានរង្វាន់លីគកំពូលកម្ពុជា រដូវកាល ២០១៩ គ្រោងនឹងធ្វើឡើងនៅថ្ងៃអាទិត្យ ទី ២៧ ខែតុលា ឆ្នាំ ២០១៩ នេះ នៅកីឡដ្ឋានខេត្តស្វាយរៀង ដោយនឹងត្រូវប្រគល់ទៅដល់ក្លិបបាល់ទាត់ព្រះខ័នរាជស្វាយរៀង ក្នុងជំនួបប្រកួតលីគកំពូលកម្ពុជា ប្រចាំសប្តាហ៍ទី ២៥ ខាងមុននេះ ពោលគឺ ១ សប្តាហ៍មុនលីគកំពូលកម្ពុជាបញ្ចប់ការប្រកួតជាផ្លូវការ ។ អមជាមួយនឹងការប្រកួតជាមួយនឹងក្រុមអាស៊ីអឺរ៉ុប យូណាយធីត ក្នុងសប្តាហ៍ទី ២៥ នេះ ក្រុមព្រះខ័នរាជស្វាយរៀង មាន ៦២ ពិន្ទុ ដាច់ក្រុមលេខ ២ វិសាខា ចំនួន ៨ ពិន្ទុ ដោយនៅសល់ការប្រកួតចំនួន ២ ប្រកួតទៀតប៉ុណ្ណោះ ដោយពិន្ទុនេះគ្រប់គ្រាន់ហើយក្នុងការគ្រងដំណែងជើងឯកនេះ ។ គួរបញ្ជាក់ដែរថា ក្រោយពីទទួលបានតំណែងជើងឯកលីគកំពូលកម្ពុជា រដូវកាល ២០១៩ នេះហើយ ក្រុមព្រះខ័នរាជស្វាយរៀងនឹងត្រូវតំណាងឱ្យកម្ពុជា ចូលរួមវគ្គជម្រុះការប្រកួតក្នុងពានរង្វាន់ AFC CUP 2020 ហើយអាចនឹងចូលរួមក្នុងពានរង្វាន់មហាអនុតំបន់ទន្លេមេគង្គ ​Toyota Mekong Club

ក្លិបបាល់ទាត់ព្រះខ័នរាជស្វាយរៀងនឹងធ្វើពិធីលើកពានក្របខណ្ឌកំពូលកម្ពុជារដូវកាល២០១៩ នៅថ្ងៃអាទិត្យ ទី២៧ ខែតុលា សប្ដាហ៍នេះលើទឹកដីខេត្តស្វាយរៀងតែម្ដង។ ព្រះខ័នរាជស្វាយរៀង បានក្លាយជាម្ចាស់ជើងឯកក្របខណ្ឌកំពូលកម្ពុជា រដូវកាល២០១៩ ក្រោយឈ្នះការពារជាតិ ៤ទល់នឹង២ សប្ដាហ៍ទី២៤ នៅថ្ងៃអាទិត្យ ទី២០ ខែតុលា។ ជ័យជម្នះនេះបន្ត​ឲ្យក្រុមលោក Conor Nestor នាំមុខលើក្រុម​លេខពីរ វិសាខា ចំនួន៨ពិន្ទុ ខណៈការប្រកួតនៅសល់ពីរលើកទៀត៕

ទីបំផុតរកឃើញក្រុមដែលត្រូវឡើងទៅប៉ះគ្នានៅវគ្គផ្ដាច់ព្រ័ត្រពានរង្វាន់ហ៊ុនសែនខាប់លើកទី១៣ ហើយ ខណះក្រុមព្រះខ័នរាជស្វាយរៀង ត្រូវតទល់ជាមួយ ក្រុមបឹងកេត ។ ម្ចាស់ជើងឯកលីគកំពូលកម្ពុជា ( Metfone Cambodian League ) ៣ សម័យកាល ក្លឹបបាល់ទាត់បឹងកេត អ៊ែបស៊ី បានឡើងទៅកាន់ការប្រកួតវគ្គផ្ដាច់ព្រ័ត្រពានរង្វាន់ហ៊ុនសែនខាប់ ជាលើកដំបូងក្នុងប្រវត្តិសាស្ត្ររបស់ខ្លួនតាំងពីបង្កើតក្លឹបនេះមក បន្ទាប់ពីទម្លាក់ក្រុមខ្លាំង វិសាខា កាលពីថ្ងៃទី១៨ ខែកញ្ញា ក្នុងលទ្ធផលស្ទើរមិនគួរឱ្យជឿ ៤-០ ក្នុងវគ្គពាក់កណ្ដាលផ្ដាច់ព្រ័ត្រ ។ ខណះក្រុមដែលឈ្នះពានរង្វាន់ហ៊ុនសែនខាប់នេះច្រើនជាងគេ ( ឈ្នះ ៤ ដង ) គឹក្លឹបបាល់ទាត់ព្រះខ័នរាជស្វាយរៀង បានទម្លាក់ម្ចាស់ជើងឯកលីគកំពូលកម្ពុជា ៦ សម័យកាល ភ្នំពេញក្រោន ទាំងព្រលឹងចុងសក់នៅក្នុងវគ្គបាល់កាត់សេចក្ដី ១១ ម៉ែត្រ ( ៥-៤ ) ក្រោយពីបញ្ចប់ម៉ោងធម្មតា ០-០ ។ ដូច្នេះ ក្លឹបព្រះខ័នរាជស្វាយរៀង នឹងត្រូវប៉ះជាមួយ ក្លឹបបឹងកេត នាថ្ងៃទី២ ខែវិច្ឆិកា ឆ្នាំ ២០១៩ ខាងមុខ

ក្រុម​ជោគជ័យ​ជាង​គេ​ ព្រះខ័នខ័នរាជ​ស្វាយរៀង​ ឈ្នះ​ ភ្នំពេញក្រោន​ដោយ​បាល់​​ប៉េណាល់ទី​កាត់​ក្ដី​ដោយ​លទ្ធផល​ ៥-៤ ​​ដើម្បី​​ឡើង​​ទៅ​ជួប​បឹងកេត។ ​អ្នក​ស៊ុត​​​អត់​ចូល​សម្រាប់​ភ្នំពេញក្រោន គឺ​ សឿត បារាំង និង​ ​ប្រាក់ ធីវ៉ា សម្រាប់ ភ្នំពេញក្រោន ខណៈ នេន សុធារ័ត្ន ​ក៏​ត្រូវ​​សង្គ្រោះ​​ដោយ អ្នក​ចាំ​ទី គង់ ច័ន្ទវុទ្ធី។ ​ការ​ស៊ុត​​ប៉េណាល់​ទី​កាត់​ក្ដី​​​នេះ​ចំនួន​ ៦ គ្រាប់​ម្នាក់។​ ការ​ប្រកួត​វគ្គ​ផ្ដាច់​ព្រ័ត្រ​​នឹង​ត្រូវ​ប្រកាស​នា​ពេល​ក្រោយ​ដោយ​គណៈកម្មការ​ប្រកួត​បាល់ទាត់​ជាតិ​កម្ពុជា (CNCC)។ វគ្គ​ទី១​ ​មិន​មាន​ការ​ស៊ុត​បញ្ចូល​ទី​គ្នា​នោះ​ទេ ​ប៉ុន្តែ​​ឱកាស​ស្រាល​ៗ​​ដែល​សង្គ្រោះ​ដោយ​អ្នក​ចាំ​ទី​ទាំង​ពីរ។ ​នៅ​វគ្គ​ទី​១​នេះ ​​ ម៉ៅ ពិសិដ្ឋ, ​វ៉ា សុខថន និង យ៉ើ មូស្លីម សុទ្ធ​តែ​មាន​​ឱកាស​ស៊ុត​តែ​​ត្រូវ​សង្គ្រោះ​ដោយ​ ​ អាំ សុវណ្ណរ៉ាត់ អ្នក​ចាំ​ទី​របស់​ ព្រះខ័នរាជ​ស្វាយរៀង។ ​ចំណែក​ ណុប តុលា , គឺម សុខយុទ្ធ , និង ហូយ ផល្លីន ​សុទ្ធ​តែ​មាន​​ឱកាស​ទាត់​ទី​ដូច​គ្នា​​សម្រាប់​​ក្រុម​មក​ពី​ខេត្ត​ស្វាយរៀង​

ជំនួបដ៏កក្រើកនឹងកើតឡើងនៅកីឡដ្ឋានបឹងកេតថ្ងៃសៅរ៍ ទី២៤ សីហា ខាងមុខ។ នេះបើតាមការយល់ឃើញរបស់លោក Conor Nestor គ្រូបង្គោលព្រះខ័នរាជស្វាយរៀង ព្រោះមើលឃើញ បឹងកេត មិនទាន់ចាញ់នៅឡើយក្នុងទឹកដីខ្លួននៅ MCL ជុំទីពីរ ហើយក្រុមលោកផ្ទាល់ក៏មិនទាន់ស្គាល់បរាជ័យពីការប្រកួតគ្រប់កម្មវិធីនៅរដូវកាលនេះ។ គ្រូបង្វឹកជនជាតិអៀរឡង់អះអាងត្រៀមខ្លួនរួចស្រេចសម្រាប់ជំនួបជាមួយក្រុមជើងឯកលីគកំពូល៣សម័យ។ លោក ថា វាជាការប្រកួតដ៏តានតឹង តែលោកក៏រីករាយចំពោះការប្រឈមនឹងរសជាតិបែបនេះ។ គ្រូបង្គោលព្រះខ័នរាជស្វាយរៀងរៀបរាប់ ៖”យើងសម្លឹងឆ្ពោះទៅកាន់ការប្រកួតដ៏តានតឹងជាមួយបឹងកេត ដែលជាក្រុមធ្លាប់ឈ្នះជើងឯក។ យើងពេញចិត្តការប្រកួតធំបែបនេះ។ មែនហើយ ពួកគេមិនទាន់ចាញ់ក្នុងដីខ្លួនឯង ហើយយើងក៏មិនទាន់ចាញ់ពីគ្រប់កម្មវិធី២៦ប្រកួតកន្លងមក ដូច្នេះយើងចាំមើលថាតើក្រុមណាមានសំណាងល្អជាងនៅថ្ងៃសៅរ៍នេះ”។ កាលជើងទីមួយនៅខេត្តស្វាយរៀង ក្រុមទាំងពីរស្មើគ្នា២ទល់នឹង២។ ដោយឡែក បឹងកេតបានផ្លាស់ទៅកីឡដ្ឋានថ្មីរបស់ខ្លួនកាលដើមខែកក្កដា កន្លងទៅ។ ចំពោះចំណាត់ថ្នាក់វិញ ព្រះខ័នរាជស្វាយរៀង មាន ៥២ពិន្ទុស្ថិតនៅកំពូលតារាង ពីលើបឹងកេត ដែលឈរលេខ៤ ចំនួន១១ពិន្ទុ៕

ការប្រកួត លីគកំពូលកម្ពុជា សប្តាហ៍ទី២១ នឹងដំណើរការនាថ្ងៃសៅរ៍ស្អែកនេះ ដោយមានការប្រកួតជក់ចិត្ត៣គូដែលអ្នកគាំទ្រចង់ទស្សនាបំផុត

ក្លិបបាល់ទាត់ព្រះខ័នរាជស្វាយរៀង បង្កើនកំណត់ត្រាកាន់តែអស្ចារ្យក្នុងលីគកំពូលកម្ពុជា ដោយឆ្លងកាត់១៩ប្រកួតមកនេះ ពុំទាន់ចាញ់ឡើយ។ ក្នុងនោះពួកគេឈ្នះ១៤ និងស្មើ៤ ខណៈការប្រកួតចុងក្រោយ បានបន្តស្មើអង្គរថៃហ្គឺនៅក្រៅដី ២-២ កាលពីម្សិលមិញ។ ក្រុមលោក Conor Nestor ឆ្លងក្រុមខ្លាំងៗបានមួយចំនួនហើយដូចជា ភ្នំពេញក្រោន អង្គរថៃហ្គឺ ខណៈក្តីបារម្ភធំអាចជា បឹងកេត ណាហ្គា និងក្រសួងការពារជាតិ បន្តទៀត។ លីគកំពូលកម្ពុជា នៅសល់តែ៨សប្តាហ៍ទៀតប៉ុណ្ណោះ នឹងបញ្ចប់។ យ៉ាងណាក្តី ក្រោយការចាកចេញរបស់លោក ហុក សុជីវន្ត ក្លិបវិសាខា ធ្វើបានល្អឡើងវិញ ដោយហក់ឡើងមកលេខ២មាន៤៣ពិន្ទុតាមពីក្រោយស្វាយរៀងតែ៦ពិន្ទុប៉ុណ្ណោះ។

ក្លឹបបាល់ទាត់គិរីវង់សុខសែនជ័យ បានធ្វើឲ្យព្រះខ័នរាជស្វាយរៀង កាន់តែមានឱកាសក្នុងដំណើរឆ្ពោះទៅប្រជែងពានក្របខណ្ឌលីគកំពូលកម្ពុជា ឆ្នាំ២០១៩

នៅល្ងាចថ្ងៃទី២៦ ខែកក្កដានេះ ក្លឹបព្រះខ័នរាជស្វាយរៀង បានប្រកាសដំណឹងគួរឲ្យចាប់អារម្មណ៍មួយ ជុំវិញការបន្ដកុងត្រាថ្មីរយៈពេល ២ឆ្នាំ ដល់គ្រូបង្វឹកលោក Conor Nestor ដែលកំពុងកាន់កំណត់ត្រាដឹកនាំក្រុមមិនទាន់ស្គាល់ពាក្យចាញ់ ក្នុងក្របខណ្ឌលីគកំពូលកម្ពុជា ឆ្នាំ២០១៩ ។ ក្លឹបកំពុងឈរកំពូលតារាងលីគកំពូលកម្ពុជា សប្ដាហ៍ទី១៦ បានបង្ហោះលើបណ្ដាញសង្គមខ្លួនថា៖ «ពួកយើងពិតជាមានក្តីសប្បាយរីករាយខ្លាំងមែនទែន នៅក្នុងការជម្រាបជូនជាផ្លូវការថា ក្លឹបបាល់ទាត់ព្រះខ័នរាជស្វាយរៀងរបស់យើងបានសម្រេចបន្តកុងត្រាថ្មីជាមួយគ្រូបង្វឹក Conor Nestor ដែលពួកយើងពិតជាចង់ឃើញលោកនៅបន្តដឹកនាំក្រុមក្នុងរយៈពេលពីរឆ្នាំបន្ថែមទៀត» ។ ប្រភពដដែលបានបញ្ជាក់ថា៖ «ចំពោះអ្នកទាំងអស់គ្នា ដែលនៅក្នុងក្រុមព្រះខ័នរាជភ្នំពេញស្វាយរៀង ពិតជាមានក្តីរំភើបរីករាយខ្លាំងណាស់ នៅក្នុងការបន្តដំណើររបស់ពួកយើងជាមួយនឹងលោកគ្រូ Conor ហើយពួកយើងសូមជូនពរឲ្យលោកកាន់តែធ្វើបានល្អប្រសើរបន្ថែមទៀត»។  គួរដឹងថា លោក Conor Nestor បានដឹកនាំក្រុមមានមូលដ្ឋាននៅខេត្តស្វាយរៀងនេះ តាំងពីឆ្នាំ២០១៨ តែរដូវកាលដំបូង លោកដឹកនាំក្រុមមិនសូវគាត់ប្រសើរឡើយ ដោយទទួលបានត្រឹមលេខ៦ ។ តែអ្វីដែលគួរឲ្យភ្ញាក់ផ្អើល គឺក្នុងរដូវកាលឆ្នាំ២០១៩ លោកកំពុងដឹកនាំក្រុមព្រះខ័នរាជស្វាយរៀង ឈរកំពូលតារាង និងមាន ៤២ពិន្ទុ ជាមួយកំណត់ត្រាមិនស្គាល់ចាញ់ម្ដងឡើយ ក្រោយឆ្លងកាត់ ១៦ប្រកួតឈ្នះ១៣ និងស្មើ៣ ។ ប៉ុន្ដែភារកិច្ចដ៏សំខាន់ បន្ទាប់ពីត្រូវក្រុមព្រះខ័នរាជស្វាយរៀង ផ្ដល់សេចក្ដីទុកចិត្ត បន្ដកិច្ចសន្យារយៈពេល ២ឆ្នាំថែមទៀត លោក Conor Nestor

គិតមកទល់នឹងពេលនេះ មានក្លិបចំនួន ៩ ហើយ ដែលបានអភិវឌ្ឍន៍ខ្លួនរហូតដល់មានកីឡដ្ឋានផ្ទាល់ខ្លួនដែលមានដូចជា...

ក្លិបព្រះខ័នរាជស្វាយរៀង បានឈានដល់ការចុះកិច្ចសន្យានាំយកខ្សែប្រយុទ្ធ Yeon Gi Sung ដែលធ្លាប់លេងឲ្យភ្នំពេញក្រោនមកចូលរួមសម្រាប់ត្រៀមរដូវកាលថ្មី

ព្រះខ័នរាជស្វាយរៀង បានចុះកិច្ចសន្យាជាមួយខ្សែការពារកណ្តាល Harvey Read សញ្ជាតិអង់គ្លេសដែលធ្លាប់ជាយុវជនថ្នាលក្លិប Southampton និង Stoke City