Tag: ​​​​​​ Uefa Euro 2020

​ក្រុម​ដាណឺម៉ាក ​ទទួល​បាន​កៅអី​ឡើង​លេង​ពាន​រង្វាន់ FIFA World Cup 2022 ​នៅ​ប្រទេស​កាតា​ហើយ ​បន្ទាប់​ពី​ពួកកេ​ឈ្នះ​ក្រុម​អូទ្រីស​ក្នុង​លទ្ធផល ១-០ ​ទៀត​នៅ​យប់មិញ​នេះ។ ​ដាណឺម៉ាកលេង​វគ្គ​ជម្រុះ World Cup ​នៅ​តំបន់​អឺរ៉ុប​នេះ​ជា​កំណត់ត្រា​ល្អ​ខ្លាំង​មែនទែន។ ​ពួកគេ​លេង​៨​ប្រកួត​ក្នុង​ពូល​កន្លង​មកឈ្នះ​ទាំង​ ៨ ​ប្រកួត​តែ​ម្ដង។ អ្វី​ដែល​កាន់​តែ​ពិសេស​ថែម​ទៀត​នោះ ​ក្រុម​នេះ​ឈ្នះ​ទាំង​៨​ប្រកួត ​និង​គ្មាន​ក្រុម​ណា​មួយ​អាច​ស៊ុត​ពួកគេ​ចូល​នោះ​ទេ ពោល​គឺ​រក្សា​សំណាញ់​ទី​បាន​ល្អ​ណាស់។ ក្រុម​មួយ​នេះ​ដែរក៏​បាន​បង្ហាញ​ភាព​ខ្លាំង​របស់​ខ្លួនកាល​ពី​លេង Euro 2020 ​កន្លង​ទៅ​រូច​ហើយ​ដែរ ​ដោយ​កាល​នោះ​ពួកគេ​ឡើង​ដល់​វគ្គ​ពាក់​កណ្ដាល​ផ្ដាច់ព្រ័ត្រ។ ​រំលឹក​ថា​ការ​ឈ្នះ​៨​ប្រកួត​ជាប់​គ្នា​នេះ​ដែរ​បាន​ធ្វើ​ឱ្យ​ដាណឺម៉ាក​មាន ​២៤​ ពិន្ទុ​ឈរ​នៅ​លេខ ​១​ ពូល F ​និង​ដាច់​ក្រុម​លេខ​ ២ ​ស្កុតឡែន ​៧​ ពិន្ទុ។ ​ការ​ប្រកួត​ក្នុង​ពូល​នេះ ​នៅ​សល់ ​២ ​ប្រកួត​ទៀត​ទើប​ចប់​សព្វ​គ្រប់៕

អ្នកចាំទីរបស់ក្រុមមាន់ខ្នាយមាស Tottenham Hotspur និងជម្រើសជាតិបារាំងកីឡាករ Hugo Lloris បានធ្វើអត្ថាធិប្បាយអំពីការប្រកួតជម្រុះបាល់ទាត់ពិភពលោកឆ្នាំ ២០២២ ទល់នឹងអ៊ុយក្រែនដែលបានបញ្ចប់ក្នុងលទ្ធផលស្មើ ១: ១ ។ “ យើងខ្វះការប្តេជ្ញាចិត្តនិងការប្រយុទ្ធ យើងត្រូវតែរក្សាភាពវិជ្ជមានហើយចាប់ផ្តើមការប្រកួតជាមួយហ្វាំងឡង់ដើម្បីទទួលបានជោគជ័យ” – អ្នកចាំទីរូបនេះបានប្រាប់សារព័ត៌មាន Eurosport France ។ ក្រុមរបស់លោក Didier Deschamps កំពុងតស៊ូដើម្បីឈ្នះ ៥ ប្រកួតជាប់ៗគ្នាចាប់តាំងពីជ័យជម្នះ ១-០ លើអាល្លឺម៉ង់នៅ Euro កាលពីខែមិថុនា។

Bukayo Saka បាន​ទទួល​សារ​លើក​ទឹក​ចិត្ត​ជា​ច្រើន​ពី​អ្នក​គាំទ្រ​ Arsenal បន្ទាប់​ពី​គេ​ត្រឡប់​មក​កាន់​ក្លឹប​ជា​លើក​ដំបូង​ចាប់​តាំង​ពី​មាន​ការ​រើសអើង​ពូជសាសន៍​អំឡុង​ពេល​អង់គ្លេស​ចាញ់​នៅ Euro។ កីឡាករ​វ័យ​១៩​ឆ្នាំ​​ជា​តារា​វ័យ​ក្មេង​លេច​ធ្លោ​ម្នាក់​​ក្នុង​ក្រុម​ជម្រើសជាតិ​អង់គ្លេស​ និង​បាន​ជួយ​ក្រុម​ឡើង​ដល់​ផ្ដាច់ព្រ័ត្រ​កម្មវិធី Euro ២០២០។ ប៉ុន្តែ​ដោយ​សារ​តែ​គេ​​ទាត់​ប៉េណាល់ទី​បាល់​ចុងក្រោយ​មិន​ចូល​ទល់​នឹង​អ៊ីតាលី ទើប​ធ្វើ​ឲ្យ​មាន​ការ​រើសអើង​ពូជសាសន៍​កើត​ឡើង។ កត្តា​នឿយហត់​នៅ​ជម្រើសជាតិ Arsenal បាន​បន្ថែម​ថ្ងៃ​សម្រាក​ឲ្យ Saka ហើយ​ពួក​គេ​បាន​ប្រមូល​សារ​​លើក​ទឹក​ចិត្ត​ពី​អ្នក​គាំទ្រ​ដើម្បី​​បិទ​នៅ​ជញ្ជាំង​​​របស់​ក្លឹប។ នៅ​ពេល​ដែល Saka ត្រឡប់​មក​កាន់​ក្លឹប​ជា​លើក​ដំបូង គេ​ភ្ញាក់ផ្អើល​និង​បង្ហាញ​ស្នាម​ញញឹម​ជា​ថ្មី​ក្រោយ​ឃើញ​សារ​ជា​ច្រើន​លើ​ជញ្ជាំង។ សារ​​ធំ​មួយ​បាន​សរសរ​ភ្ជាប់​ជាមួយ​រូប​ទង់​ជាតិ​អង់គ្លេស​ថា គេ​ចង់​បាន​អាវ​របស់ Saka។ Saka ក្រោយ​បាន​អាន​សារ​មួយ​ចំនួន គេ​ពិត​ជា​សប្បាយ​ចិត្ត​មិន​ដឹង​ត្រូវ​អរគុណ​ដោយ​របៀប​ណា​ទេ ហើយ​ចង់​ប្រមូល​សារ​ទាំង​នោះ​ទៅ​ផ្ទះ​ទៀត​ផង៕

លោក Andriy Shevchenko បាន​សម្រេច​ចុះ​ចេញ​​ពី​តំណែង​ជា​គ្រូ​របស់​ជម្រើសជាតិ​អ៊ុយក្រែន​ហើយ បន្ទាប់​ពី​ដឹក​នាំ​ក្រុម​ឡើង​​ដល់​វគ្គ​៨​​ក្រុម​ចុងក្រោយ​ Euro ២០២០ កាល​ពី​ពេល​ថ្មី​ៗ​កន្លង​ទៅ។ បុរស​វ័យ​៤៤​ឆ្នាំ​ត្រូវ​បាន​តែងតាំង​ជាមួយ​គ្រូ​របស់​អ៊ុយក្រែន​កាល​ពី​ខែ កក្កដា ឆ្នាំ ២០១៦ ដឹក​នាំ​សរុប​បាន​៥២​ប្រកួត រួម​បញ្ចូល​​ទាំង​៥​ប្រកួត​នៅ​ព្រឹត្តិការណ៍ Euro។ អតីត​កីឡាករ​របស់ AC Milan និង Chelsea បាន​ប្រកាស​ពី​ការ​ចាកចេញ​ពី​ជម្រើសជាតិ​តាមរយៈ​បណ្ដាញ​សង្គម Instagram។ “ថ្ងៃ​នេះ​ កិច្ចសន្យា​របស់​ខ្ញុំ​ជាមួយ​​សហព័ន្ធ​បាល់ទាត់​អ៊ុយក្រែន​បាន​ដល់​ទី​បញ្ចប់​ហើយ”។ នេះ​ជា​សារ​របស់​ Shevchenko បាន​បញ្ចាក់។ Shevchenko ដែល​ចូល​និវត្តន៍​ពី​បាល់ទាត់​នៅ​ឆ្នាំ​២០១២ គឺ​ជា​កីឡាករ​ដែល​រក​បាន​គ្រាប់​ច្រើន​ជាង​គេ​បំផុត​ដោយ​អ៊ុយក្រែន​មាន​៤៨​គ្រាប់ ក្នុង​ការ​លេង​១១១​ប្រកួត៕

អតីតនាយកផ្នែកកីឡារបស់ក្រុម Barcelona លោក Ariedo Brainda បានព្យាករណ៍ថា កីឡាករ Federico Chiesa គាត់នឹងអាចក្លាយជាអ្នកឈ្នះពានរង្វាន់ Ballon d’Or ដ៏មានសក្តានុពលម្នាក់ បន្ទាប់ពីគាត់បង្ហាញខ្លួនបានយ៉ាងល្អនៅក្នុងព្រឹត្តិការណ៍ Euro ២០២០ រដូវក្តៅនេះ។ ជាការពិតណាស់ Chiesa បានលេងគ្រប់ប្រកួតឱ្យក្រុម អ៊ីតាលីនៅ Euro ក្រោមការដឹកនាំរបស់អ្នកចាត់ការលោក Roberto Mancini ហើយក្នុងនោះគេរកគ្រាប់បាល់បានចំនួន ២ គ្រាប់ផងដែរ, គួរបញ្ជាក់ថា ក្រុម Juventus បានចុះកុងត្រាយកខ្សែប្រយុទ្ធស្លាបវ័យ ២៣ ឆ្នាំរូបនេះពីក្រុម Fiorentina ក្នុងលក្ខខណ្ឌខ្ចីជើងរយៈពេល ២ ឆ្នាំ ដោយអមជាមួយជម្រើសទិញផ្តាច់ក្នុងតម្លៃ ៣៦ លានផោន ឬស្មើនឹង (៥០ លានដុល្លាអាមេរិក)។ Chiesa បានបង្ហាញខ្លួនសរុបឱ្យក្រុម សេះបង្កង់បានចំនួន ៤៦ ប្រកួតកាលពីរដូវកាលមុន ហើយរូបគេរកបានគ្រាប់បាល់ចំនួន ១៥ គ្រាប់ និងបញ្ជូនឱ្យមិត្តរួមក្រុមសម្រេចគោលដៅបានចំនួន ១១ លើក,

ខ្សែ​ការពារ​របស់​អ៊ីតាលី Giorgio Chiellini បាន​បញ្ជាក់​ថា គេ​នឹង​ចុះ​កុងត្រា​ថ្មី​ជាមួយ​ក្លឹប Juventus ដោយ​ប៉ង​ចង់​ឈ្នះ​ពាន​បន្ថែម​ទៀត។ Chiellini បាន​ចំណាយ​ពេល​១៧​ឆ្នាំ​ក្នុង​អាជីព​លេង​ជាមួយ​ Juventus ចាប់​តាំង​ផ្ទេរ​ពី​ក្លឹប Livorno កាល​​ឆ្នាំ​២០០៤។ ប៉ុន្តែ​កុងត្រា​របស់ Chiellini ជាមួយ​ក្លឹប​បាន​​អស់​កាល​ពី​ថ្ងៃ​ទី ៣០ ខែ មិថុនា មុន​ពេល​ដែល​គេ​ជួយ​អ៊ីតាលី​ឈ្នះ​ពាន Euro ២០២០។ យ៉ាងណាក្ដី កីឡាករ​វ័យ​៣៦​ឆ្នាំ​បាន​ទម្លាយ​ថា គេ​នឹង​​បន្ត​នៅ​ជាមួយ Juventus ទៅ​មុខ​ទៀត។ បច្ចុប្បន្ន​គេ​កំពុង​សម្រាក​លំហែកាយ​ ក្រោយ​ធ្វើ​ការ​ធ្ងន់​នៅ Euro។ Chiellini បង្ហាញ​ខ្លួន​​បាន​៥៣៥​ប្រកួត​ឲ្យ​សេះបង្កង់ និង​ជួយ​ក្លឹប​ឈ្នះ​ពាន​២០​គ្រឿង៕

ជាការពិតណាស់ Lorenzo Insigne បានបង្ហាញទម្រង់លេងយ៉ាងល្អនៅក្នុងព្រឹត្ដិការណ៍ EURO 2020 និងរហូតបានជួយក្រុមជម្រើសជាតិអ៊ីតាលីឈ្នះជើងឯកផងដែរ។ ពេលនេះ Insigne កំពុងស្ថិតនៅលើរ៉ាដារបស់ក្លិបមួយចំនួន តែទោះជាយ៉ាងក្លិប Napoli មិនមានបំណងចង់ឲ្យកីឡាករវ័យ ៣០ឆ្នាំរូបនេះចាកចេញទៅដោយងាយៗទេ ដោយក្លិបបានដាក់តម្លៃខ្លួនរូបគេចំនួន ៣០លានអឺរ៉ូ (ឬប្រមាណ ៣៥លានដុល្លារអាមេរិក)។ គួរឲ្យដឹងថា Insigne បានបង្ហាញខ្លួនឲ្យក្រុមធំ Napoli ចំនួន ៣៩២ប្រកួត ដោយរកគ្រាប់បាល់ ១០៩គ្រាប់ និងបានបញ្ជូនបាល់ឲ្យមិត្ដរួមក្រុមទាត់បញ្ជូលទី ៨១លើក។ កុងត្រារបស់គេជាមួយក្លិប Napoli នឹងផុតកំណត់នៅពាក់កណ្ដាលឆ្នាំ២០២២ ហើយលោក Ariedo Braida ដែលទីប្រឹក្សាក្រុម Barcelona បាននិយាយថា Insigne ត្រូវបានក្លិបយក្សអេស្ប៉ាញមួយនេះ ចាប់អារម្មណ៍ផងដែរ៕

អ្នក​ចាត់​ការ​ Ronald Koeman កំពុង​តែ​រៀបចំ​ដើម្បី​រដូវ​កាល​២០២១-២១ ហើយ​សង្ឃឹម Barcelona អាច​ពង្រឹង​នូវ​អ្វី​ដែល​ពួក​គេ​សម្រេច​បាន​ក្នុង​ឆ្នាំ​ដំបូង​របស់​លោក​ក្នុង​ការ​ដឹក​នាំ។ អ្នក​ចាត់​ការ​សញ្ជាតិ​ហូឡង់​​​សម្លឹង​ឃើញ​ការ​ពង្រឹង​គ្រប់​តំបន់ ហើយ​ជា​ពិសេស​ចង់​ឲ្យ​ខ្សែ​បម្រើ​របស់​លោក​ទាំង​អស់​គួរ​ឲ្យ​អាច​រក​គ្រាប់​ឲ្យ​​បាន​ច្រើន។ មក​កាន់ Barca នៅ​ឆ្នាំ​ដំបូង​ Koeman បាន​ជួយ​ក្រុម​​ឈ្នះ​ពាន Copa del Rey តែ​មួយ​គត់ និង​ឈរ​លេខ​៣​នៅ​តារា​ពិន្ទុ La Liga។ ក្នុង​កិច្ចសម្ភាសន៍​មួយ​ Koeman អំពី​ខ្សែ​បម្រើ​​ក្មេង​ៗ​របស់​ក្លឹប​ដូច​ជា Frenkie de Jong ថា ត្រូវ​តែ​ពង្រឹង​ទៅ​មុខ​ ហើយ​ក្លឹប​នឹង​បន្ត​ធ្វើ​ការ​ជាមួយ​គេ​ដើម្បី​ឲ្យ​ទទួល​បាន​លទ្ធផល​ល្អ​ប្រសើរ​ទៅ​មុខ។ ដូច​ខ្សែ​បម្រើ​ទាំង​​អស់​ក្នុង​ក្លឹប បូក​រួម​ទាំង​ De Jong ផង​​ គួរ​តែ​​អាច​រក​គ្រាប់​បាល់បាន​​ចន្លោះ​ពី ៣​ទៅ​៦​គ្រាប់​ ក្នុង​រដូវ​កាល​ថ្មី។ Koeman ក៏​បាន​សរសើ​ពី​ខ្សែ​បម្រើ​វ័យ​១៨​ឆ្នាំ Pedri ដែល​បង្ហាញ​សមត្ថភាព​អស្ចារ្យ​ក្នុង​ព្រឹត្តិការណ៍ Euro ២០២០។ តែ​ដោយ​សារ​ភាព​នៅ​វ័យ​ក្មេង លោក​ចង់​ឲ្យ Pedri បន្ត​ពង្រឹង​ខ្លួន​បន្ថែម ខណៈ​បច្ចុប្បន្ន​គេ​កំពុង​បន្ត​ជួយ​អេស្ប៉ាញ​ទៅ​លេង​នៅ​ព្រឹត្តិការណ៍​អូឡាំពិក៕

ចាប់​តាំង​ពី Sergio Ramos ចាកចេញ​ទៅ​កាន់ PSG ​ក្នុងក្លឹប​ Real Madrid មិន​ទាន់​មាន​កីឡាករ​ណា​ម្នាក់​ស្នើ​សុំ​ស្នង​អាវ​លេខ​៤​របស់​គេ​នៅ​ឡើយ​ទេ។ ពេល​ដែល Ramos មក​ដល់​ Real Madrid គេ​បាន​សម្រេច​ចិត្ត​ពាក់​អាវ​លេខ​៤ ដែល​ធ្លាប់​​​កម្មសិទ្ធ​របស់​លោក Fernando Hierro។ ប៉ុន្តែ​ទល់​នឹង​ពេល​នេះ​ប្រមាណ​ជា​ជិត​៣​សប្ដាហ៍​ទៅ​ហើយ មិន​ទាន់​មាន​​កីឡាករ​ Real ណា​ម្នាក់​សុំ​យក​អាវ​លេខ​៤​នេះ​ទេ ចាប់​តាំង​ពី Ramos ចេញ​ពី​ក្លឹប។ ​ក៏​មិន​ខុស​គ្នា​ដែរ​នៅ​ក្នុង​ជម្រើស​ជាតិ​អេស្ប៉ាញ។ Ramos បាន​ពាក់​អាវ​លេខ​១៥​ក្នុង​ជម្រើស​ជាតិ ប៉ុន្តែ​ក្នុង​ព្រឹត្តិការណ៍ Euro ២០២០ កន្លង​ទៅ មិន​មាន​កីឡាករ​ណា​ហ៊ាន​យក​លេខ​នេះ​ឡើយ។ ហេតុផល​ កីឡាករ​អេស្ប៉ាញ​ទាំង​អស់​ចង់​បង្ហាញ​ការគោរព​​ទៅ​កាន់ Ramos ដែល​ជា​ប្រធាន​ក្រុម​​​បាន​​ជួយ​អេស្ប៉ាញ​លេង​ជម្រុះ​បាន​ឡើង​​មក​លេង​ជុំ​ផ្ដាច់ព្រ័ត្រ មុន​ពេល​​មិន​ត្រូវ​កោះហៅ​ចូល​លេង​ក្នុង​កម្មវិធី Euro។ បក​ទៅ​និយាយ​ក្នុង​ក្លឹប Real Madrid កីឡាករ​ចំណូល​ថ្មី​​ម្នាក់​ខ្សែ​ការពារ David Alaba អាច​ជា​បេក្ខភាព​មួយ​រូប​ស្នង​តំណែង​លេខ​៤ ប៉ុន្តែ​​ពេល​នេះ​មិន​ទាន់​ច្បាស់​ថា​គេ​ចង់​យក​លេខ​នេះ​ឬ​អត់​ទេ៕

ក្លិប Brighton ត្រូវបានគេរាយការណ៍ថា បានយល់ព្រមក្នុងការលក់ខ្សែការពារ Ben White ទៅកាន់ Arsenal ក្នុងតម្លៃ៥០លានផោន ហើយ ការប្រកាសជាផ្លូវការ នឹងធ្វើឡើងនៅក្នុងពេលឆាប់ៗខាងមុខនេះ។ ជាការពិតណាស់ សម្រាប់ទីផ្សារដោះដូរកីឡាកររដូវក្តៅនេះ គឺ លោក Mikel Arteta ពិតជាចង់បានខ្សែការពារកណ្តាលថ្មីម្នាក់មែនទែន បន្ទាប់ពីការប្រកាសចាកចេញរបស់ David Luiz ហើយ គោលដៅទីមួយដែលលោកចង់បានបំផុត គឺ កីឡាករសញ្ជាតិអង់គ្លេស White ដែលទើបតែបញ្ចប់ភារកិច្ចជាមួយក្រុមជម្រើសជាតិក្នុងព្រឹត្តិការណ៍ EURO។ បើយោងទៅតាមរបាយការណ៍ពីប្រទេសអងគ្លេស បានចុះផ្សាយថា Brighton បានយល់ព្រមទទួលសំណើ Arsenal ហើយ រូបគេនឹងត្រូវធ្វើការតេស្តសុខភាពជាមុនសិន មុនពេលការដោះដូរក្នុងតម្លៃខ្លួន៥០លានផោនទទួលបានជោគជ័យដែលត្រូវបានគេរំពឹងថានឹងបញ្ចប់នាចាប់សប្តាហ៍ក្រោយ៕

ក្លិប Real Madrid គ្រោងនឹងរក្សាទុកខ្សែប្រយុទ្ធ Gareth Bale តែមួយឆ្នាំទៀតប៉ុណ្ណោះបន្ទាប់ពីគ្មានក្លិបណាមួយទាក់ទងចង់ទិញយកគេនោះឡើយ។ ប្រធានក្រុមជម្រើសជាតិវែលល៍រូបនេះនៅសល់កុងត្រាមួយឆ្នាំទៀតជាមួយក្លិបដូច្នេះ Real Madrid នឹងត្រូវបង្ខំចិត្តឲ្យ Bale ដោយគេនឹងត្រូវលេងក្រោមការដឹកនាំរបស់ លោកគ្រូបង្វឹក Carlo Ancelotti។ Bale ទើបតែបញ្ចប់ការខ្ចីជើងពីក្លិប Tottenham Hotspur មួយរដូវកាលមកហើយ។ យ៉ាងណាមិញ ទម្រង់លេងរបស់ Bale នៅព្រឹត្តិការណ៍ Euro 2020 គឺមើលទៅល្អគួរឲ្យកត់សម្គាល់ដោយបានដឹកនាំវែលល៍ឡើងមកកាន់វគ្គ១៦ក្រុម និងបានឈ្នះពានតារាឆ្នើមប្រចាំការប្រកួតទល់នឹង តួកគី ទៀតផងប៉ុន្តែគេមិនដឹងថាលោកគ្រូ Ancelotti នឹងដាក់ឲ្យគេចូលលេងជម្រើស១១នាក់ដំបូងដែរឬអត់។ Gareth Bale រកបាន១១គ្រាប់ក្នុងការបង្ហាញខ្លួនចំនួន២០ប្រកួតឲ្យ Tottenham Hotspur នៅរដូវកាលមុន៕

ខ្សែប្រយុទ្ធ Cristiano Ronaldo បានជូនដំណឹងដល់អ្នកគ្រប់គ្រងក្លឹបថាគាត់នឹងមិនចាកចេញពីទីផ្សារដោះដូរកីឡាករនេះទេគាត់នឹងបន្តលេងឱ្យក្លឹបអ៊ីតាលី។ ខ្សែប្រយុទ្ធវ័យ ៣៦ ឆ្នាំរូបនេះនឹងចូលរួមប្រកួតជាមួយក្លឹបសេះបង្កង់ Juventus នៅថ្ងៃទី ២៥ ខែកក្កដា។ អ្វីដែលពិសេសជាងនេះទៅទៀតទាំង Ronaldo និង Juventus មិនបានទទួលការផ្ទេរជាផ្លូវការនោះទេ។ ខ្សែប្រយុទ្ធសញ្ជាតិព័រទុយហ្កាល់រូបនេះបានក្លាយជាអ្នករកគ្រាប់បាល់បានច្រើនជាងគេនៅលីគកំពូល Serie A រដូវកាលមុនដោយរកបាន ២៩ គ្រាប់។ គាត់ក៏ជាអ្នករកគ្រាប់បាល់បានច្រើនជាងគេនៅ Euro 2020 ផងដែរដោយមាន ៥ គ្រាប់ នឹងបញ្ជូនឲ្យមិត្តរួមក្រុម ១ ។

ខ្សែការពារ Kieran Trippier របស់ Atletico អាចបន្តអាជីពរបស់គាត់នៅ Manchester United ។ ប្រភពពីកាសែតអង់គ្លេស Evening News បានដកស្រង់សំដីរបស់ប្រភពពត៌មាន Manchester Evening News បានអោយដឹងថាកីឡាករអង់គ្លេសរូបនេះចង់ផ្លាស់ទៅកាន់ក្លឹប Manchester ហើយជឿជាក់ថាកិច្ចព្រមព្រៀងមួយនឹងត្រូវធ្វើឡើងមុនចប់រដូវកាលដោះដូរកីឡាករនារដូវក្តៅ។ Trippier បានយល់ព្រមលើកិច្ចព្រមព្រៀងផ្ទេរជាមួយ United មុនពេល Euro ២០២០ ចាប់ផ្តើម។ កុងត្រារបស់ Kieran Trippier  ជាមួយ Atletico នឹងផុតកំណត់នៅរដូវក្តៅឆ្នាំ ២០២៣ ហើយខាងក្រុម Atletico Madrid អាចនឹងលក់រូបគេដើម្បីរកលុយបន្ថែម។ ក្រុមបិសាចក្រហម Manchester United កំពុងមានបំណងចុះហត្ថលេខាលើខ្សែការពារសញ្ជាតិអង់គ្លេស Kieran Trippier។ វាត្រូវបានគេចង្អុលបង្ហាញថាខ្សែការពាររូបនេះមិនមានបំណងធ្វើជាអ្នកជំនួសទេតែគាត់ចង់ជំនួស Aaron Wan-Bissaka ក្នុងការចាប់ផ្តើម ។ បុគ្គលិករបស់ Man United មិនពេញចិត្តនឹងការចូលរួមចំណែករបស់ Wan-Bissaka ក្នុងការវាយប្រហារកាលពីរដូវកាលមុន។ Trippier

​ក្រុម​បាល់ទាត់ Juventus ​បាន​ច្រាន​ចោល​សំណើរ​របស់​ក្លឹប Chelsea ​ដើម្បី​ទិញ​យក​ខ្សែ​ប្រយុទ្ធ​ Federico Chiesa ​ក្នុង​តម្លៃ​ខ្លួន​៨៥​លានផោន​ទៅ​ហើយ។ Federico Chiesa ​លេច​ធ្លោ​ខ្លាំង​ក្នុង​ព្រឹត្តិការណ៍​ Euro 2020 ​កន្លង​ទៅ ​ក្រោយ​ពី​រក​គ្រាប់​បាល់​បាន​ជា​បន្ដ​បន្ទាប់​ឱ្យ​អ៊ីតាលី ​ជា​ពិសេស​ល្បឿន​នៃ​ការ​ប្រយុទ្ធ​របស់​គេ​តែ​ម្ដង។ ​ក្រោយ​ពី​ចប់ Euro ​ភ្លាម ​ក្លឹប​ជា​ច្រើន​បាន​ចាប់​អារម្មណ៍​លើ​កីឡាករ​វ័យ​២៣​ឆ្នាំ​នេះ ​ដោយ​ក្នុង​នោះ Chelsea ​ទៅ​មុន​គេ ​ដោយ​ផ្ដល់​តម្លៃ​ខ្លួន​៨៥​លាន​ផោន​ដើម្បី​ទិញ​ផ្ដាច់​កុងត្រា​ពី​ក្រុម Juventus ​។ ​យ៉ាងណាមិញ ​តម្លៃ​នេះ​ត្រូវ​បាន​ខាង​ក្រុម​សេះ​បង្កង់​មិន​ព្រម​នោះ​ទេ។ ​ខណៈ​ដែល​កីឡាករ Chiesa ​នេះ ក៏​ស្ថិត​នៅ​ក្នុង​លក្ខខណ្ឌ​ខ្ចី​ជើង​នៅ​ឡើយ​ដែរ។ រូបគេ​ទើប​តែ​ផ្លាស់​មក​លេង​នៅ Juventus ​កាល​ពី​រដូវ​កាល​មុន ក្រោម​លក្ខខណ្ឌ​ខ្ចី​ជើង​ទី​ក្រុម Florentina ​មក​២​ឆ្នាំ ​ជាមួយ​កិច្ច​សន្យា​ទិញ​យក​ដាច់​ក្រោយ​ផុត​ខ្ចី​ជើង​ផង​ដែរ​ក្នុង​តម្លៃ​ខ្លួន​៣៤​លាន​ផោន។ ​ក្រៅ​ពី Chelsea ​ហើយ ក្រុម Bayern Munich ​ក៏​បាន​ចាប់​អារម្មណ៍​លើ​ខ្សែ​ប្រយុទ្ធ​ខាង​លើ​ដែរ ប៉ុន្តែ​លោក ​Julian Nagelsmann ​ដែល​ជា​អ្នក​ចាត់ការ​ក្រុម ​ដឹង​ច្បាស់​ថា​តម្លៃ​ខ្លួន​របស់​គេ​មិន​ថោក​នោះ​ទេ។ ​ដូច្នេះ Bayern Munich ​ដែល​កម្រ​ទិញ​កីឡាករ​ថ្លៃ​នោះ

ព្រឹត្តិការណ៍ Euro 2020 ត្រូវ​បាន​បញ្ចប់​កាល​ពី​ថ្ងៃ​អាទិត្យ​កន្លង​ទៅ ដោយ​ក្រុម​ជម្រើស​ជាតិ​អ៊ីតាលី ជា​អ្នក​លើក​ពាន ក្រោយ​បំបាក់​ក្រុម​ជម្រើស​ជាតិ​អង់គ្លេស​នៅ​ក្នុង​វគ្គ​បាល់​ប៉េណាល់ទី​កាត់​សេចក្ដី។ ទន្ទឹម​នឹង​ជើងឯក​នៃ​ពាន​នេះ​ដែរ ក្រុម​ជម្រើស​ជាតិ​ដែល​មាន​រហស្សនាម​ថា Azzurri ក៏​ជា​ក្រុម​ដែល​បង្ក​កំហុស​ច្រើន​ជាង​គេ​នៅ​ក្នុង​ការ​ប្រកួត​ផង​ដែរ។ អ៊ីតាលី​លេង​ប្រកួត​សរុប​នៅ​ Euro ក្នុង​ឆ្នាំ២០២១​នេះ​ចំនួន ៧ប្រកួត ហើយ​សរុប​ប្រកួត​ទាំង​អស់​នៅ​ព្រឹត្តិការណ៍​នេះ អ៊ីតាលី​បង្ក​កំហុស​ចំនួន ៩៣ដង​ឯណោះ។ ទោះ​ជា​បង្ក​កំហុស​ច្រើន​ជាង​គេ​មែន ក៏​កីឡាករ​នៅ​ក្នុង​ក្រុម​នេះ មិន​ទទួល​បាន​កាត​ក្រហម​ទេ។ ក្រុម​ជម្រើស​ជាតិ​អង់គ្លេស​ ដែល​លេង​ប្រកួត​ស្មើ​នឹង​អ៊ីតាលី​ដែរ បង្ក​កំហុស​សរុប ៧១ដង ប៉ុន្តែ​នៅ​ជាប់​ចំណាត់​ថ្នាក់​លេខ ៤ ទេ។ ក្រុម​ដែល​ជាប់​ចំណាត់​ថ្នាក់​លេខ ២ ខាង​បង្ក​កំហុស​នៅ​ព្រឹត្តិការណ៍​នេះ​គឺ ក្រុម​ជម្រើស​ជាតិ​ដាណឺម៉ាក ដែល​ធ្វើ​ខុស​ ៧៥ដង ខណៈ​លេខ ៣ បាន​ទៅ​លើ អេស្ប៉ាញ ដែល​បង្ក​កំហុស ៧២ដង៕

សហព័ន្ធ​បាល់ទាត់​ទ្វីប​អឺរ៉ុប UEFA បាន​ចោទ​ប្រកាន់​សហព័ន្ធ​បាល់ទាត់​អង់គ្លេស FA លើ​បញ្ហា​៤​ចំណុច ដែល​បាន​កើត​ឡើង​អំឡុង​ពេល​ប្រកួត​វគ្គ​ផ្ដាច់ព្រ័ត្រ Euro ២០២០ នៅ​កីឡដ្ឋាន Wembley។ ស្ថាប័ន​គ្រប់គ្រង​បាល់ទាត់​ទ្វីប​អឺរ៉ុប​​បាន​សម្រេច​ចិត្ត​ចោទប្រកាន់​ទៅ​លើ FA បន្ទាប់​ពី​​ហេតុការណ៍​​​មួយ​ចំនួន​កើត​ឡើង​មុន​និង​អំឡុង​ពេល​​ជំនួប​ប្រកួត​រវាង​អង់គ្លេស​និង​អ៊ីតាលី។ ការ​ចោទ​ប្រកាន់​ទាំង​៤​ចំណុច​នោះ​រួម​មាន៖ ការ​រត់​ចូល​ទីលាន​របស់​អ្នក​គាំទ្រ ការ​គប់​របស់​ផ្សេង​​ចូល​ទីលាន​ដោយ​អ្នក​គាំទ្រ ការ​ស្រែក​រំខានរបស់​អ្នក​គាំទ្រ​ពេល​គោរព​ភ្លេង​ជាតិ​អ៊ីតាលី និង​ការ​សម្រុក​ចូល​កីឡដ្ឋាន។ ការ​ចោទ​ប្រកាន់​នេះ​គឺ​៣​ថ្ងៃ​បន្ទាប់​ពី FA ត្រូវ​បាន​ពិន័យ​ជា​ទឹក​ប្រាក់​២៥ ៦៣០​ផោន​​ដោយ​សារ​បញ្ហា​អ្នក​គាំទ្រ​បាន​បាញ់​ភ្លើង Laser ទៅ​កាន់​កីឡាករ​របស់​ដាណឺម៉ាក​ក្នុង​វគ្គ​ពាក់​កណ្ដាល​ផ្ដាច់ព្រ័ត្រ។ ហើយ​រឿង​ពីរ​ផ្សេង​ទៀត​គឺ​ការ​ស្រែក​រំខាន​អំឡុង​ពេល​គោរព​ភ្លេង​ជាតិ​ដាណឺម៉ាក និង​បាញ់​កាំជ្រួច៕

អ្នក​ចាំ​ទី​របស់​ជម្រើស​ជាតិ​អ៊ីតាលី Gianluigi Donnarumma ទទួល​បាន​ការ​សរសើរ​ជា​ច្រើន​ពី​អ្នក​គាំទ្រ ពេល​ដែល​ចាប់​បាល់​ប៉េណាល់ទី​ចុងក្រោយ​​របស់ Bukayo Sakaបាន​សម្រេច​ក្នុង​វគ្គ​ផ្ដាច់ព្រ័ត្រ Euro។ ជំនួប​រវាង​អង់គ្លេស​និង​អ៊ីតាលី​​បាន​ឈាន​ដល់​ទាត់​ប៉េណាល់ទី​កាត់​សេចក្ដី ក្រោយ​លេង​១២០​នាទី​ស្មើ​គ្នា ១-១។ ជា​រឿង​អស្ចារ្យ​អ្នក​ចាំ​ទី Donnarumma អាច​ចាប់​បាល់​របស់​អង់គ្លេស​បាន​ដល់​ទៅ​២​បាល់ សម្រាប់​ការ​ទាត់​៥​ជើង ជួយ​អ៊ីតាលី​ឈ្នះ ៣-២។ រឿង​ដែល​គេ​ចាប់​អារម្មណ៍​ ពេល​ដែល Donnarumma ចាប់​បាល់​ប៉េណាល់ទី​​​ចុងក្រោយ​របស់ Saka បាន​សម្រេច​​ គេ​មិន​បាន​រត់​​អបអរ​ដូច​កីឡាករ​អ៊ីតាលី​ដ៏​ទៃ​ឡើយ។ មូលហេតុ​គេ​​ច្រឡំ​ស្មាន​តែ​អ៊ីតាលី​​​ត្រូវ​ទាត់​មួយ​គ្រាប់​ទៀត​​ដើម្បី​លើក​ពាន ទើប​ដើរ​ចេញ​​ធ្វើ​មុខ​ធម្មតា។ ​អ្នក​ចាំ​ទី Gianluigi Donnarumma បច្ចុប្បន្ន​មាន​វ័យ​ទើប​តែ​២២​ឆ្នាំ​ប៉ុណ្ណោះ​។ រដូវ​កាល​ថ្មី​ខាង​មុខ​គេ​នឹង​បង្ហាញ​វត្តមាន​ជាមួយ​ក្រុម​អ្នក​មាន PSG​ ដោយ​ទទួល​បាន​​ប្រាក់​ឈ្នួល​១២​លាន​អឺរ៉ូ​ក្នុង​មួយ​ឆ្នាំ ក្រោយ​អស់​កុងត្រា​ជាមួយ AC Milan៕

ក្លឹប Barcelona កំពុង​សម្លឹង​មើល​ការ​ផ្ទេរ​​តារា​របស់​ក្លឹប Lille គឺ Renato Sanches បន្ទាប់​ពី​បង្ហាញ​ទម្រង់​លេង​គួរ​ឲ្យ​ចាប់​អារម្មណ៍​​ក្នុង​ព្រឹត្តិការណ៍ Euro ២០២០ ជាមួយ​ព័រទុយហ្គាល់។ ក្រៅ​ពី Barcelona ក្លឹប​ហង្សក្រហម​ Liverpool ក៏​ជា​ក្រុម​មួយ​ចង់​បាន Sacnhes វ័យ​២៣​ឆ្នាំ​ដូច​គ្នា។ Sacnhes បាន​ធ្វើ​ឲ្យ​ខ្លួន​ឯង​​ល្អ​ប្រសើរ​ឡើង​វិញ​ក្នុង​អាជីព​ពេល​មក​លេង​នៅ Lille ក្រោយ​ចាកចេញ​ពី Bayern Munich កាល​ពី​ឆ្នាំ​២០១៩ និង​ខ្ចី​ជើង​​មួយ​រយៈ​នៅ Swansea City។ គេ​ជា​កីឡាករ​ដ៏​សំខាន់​ជួយ Lille ឈ្នះ​ពាន Ligue 1 យ៉ាង​ភ្ញាក់ផ្អើល​កាល​ពី​រដូវ​កាល​មុន និង​បង្ហាញ​ការ​លេងល្អ​នៅ​ព្រឹត្តិការណ៍ Euro ឆ្នាំ​នេះ។ សម្រាប់ Lille ក៏​មាន​ចិត្ត​ចង់​លក់ Sacnhes​ ចេញ​ដែរ​ដើម្បី​​ទទួល​បាន​ចំណូល​ខ្លះ​មក​វិញ។ Liverpool ជា​​ក្រុម​ដែល​ចង់​បាន​ Sacnhes​ ដូច​គ្នា ដើម្បី​យក​មក​បំពេញ​នៅ​តំបន់​​បម្រើ​កណ្ដាល ក្រោយ​ពេល Georginio Wijnaldum បាន​ផ្លាស់​ទៅ​លេង​នៅ Paris Saint-Germain៕