Tag: ​ Manchester United

ខ្សែប្រយុទ្ធ Marcus Rashford ត្រូវបានរាយការណ៍ថា ខ្លួនកំពុងរអ៊ូដាក់មិត្តរួមក្រុមថាចង់ ចាកចេញពីក្លិប។ ជាការពិតណាស់ Rashford កំពុងតែជួបឧបសគ្គច្រើន ហើយពិបាករកពេលបង្ហាញខ្លួនលើទីលាន ក្រោមការដឹកនាំ របស់លោក Ralf Rangnick។  លើសពីនេះផងដែរ Rashford ត្រូវបានជ្រុះចេញពីបញ្ចីឈ្មោះក្រុមជម្រើសជាតិអង់គ្លេសទៀត ជាហេតុធ្វើឲ្យគេហាក់ដូចជាមានសម្ពាធខ្លាំង។ បើយោងទៅតាម Football Insider បានចុះផ្សាយថា Rashford បានសម្រេចចិត្តដើរប្រាប់មិត្តរួមក្រុមខ្លួន ថាខ្លួនសម្រេចចិត្តដើរចេញពី Old Trafford ហើយ ដោយខ្លួនចង់ចេញទៅរកការប្រកួតប្រជែងថ្មី ដើម្បីឲ្យអាជីពរបស់ខ្លួនមានជីវិតឡើងវិញ៕

ក្លិប​​ Real Madrid ត្រូវបានរាយការណ៍ថា ពួកគេកំពុងបញ្ចុះបញ្ចូលឲ្យ Erling Haaland ស្នាក់នៅ Borussia Dortmund មួយរដូវកាលទៀតសិន សឹមគិតគូរឿងផ្លាស់មកទឹកដីថ្មី នៅរដូវកាលក្រោយ។ ជាការពិតណាស់ Haaland​ ទំនងជាមិនបន្តស្នាក់នៅជាមួយក្លិប Borussia Dortmund ទៀតទេ នៅរដូវក្តៅខាងមុខនេះ។ លើសពីនេះទៅទៀត​ មានក្លិបយក្សជាច្រើននៅក្នុងទ្វីបអឺរ៉ុបកំពុងតាមប្រមាញ់រូបគេផងដែរ រួមមានក្លិប Barcelona, Real Madrid,​ Manchester United,​ Manchester City និង Chelsea ជាដើម។ គួរបញ្ចាក់ផងដែរថា តម្លៃផ្តាច់កុងត្រារបស់គេ គឺ ៦៤លានអឺរ៉ូ (ឬប្រមាណ ៧២លានដុល្លា)។ បើយោងទៅតាមសារកាសែត SER Deportivos បានចុះផ្សាយថា ដោយក្លិប​​ Real Madrid មានគម្រោងចង់បាន Mbappe មុនក្នុងរដូវកាលនេះ ហើយពួកគេមិនចង់ចាយលុយច្រើនពេក។ ដូច្នេះហើយ ទើបពួកគេសម្រេចចិត្តចង់ឲ្យ Haaland បន្តស្នាក់នៅ Dortmund