Tag: AFF U18 Championship 2019

ក្រុមជម្រើសជាតិកម្ពុជាអាយុក្រោម១៨ឆ្នាំ បានយកឈ្នះក្រុមវៀតណាម ដោយលទ្ធផល ២-១ មុននេះបន្តិច ក្នុងពាន AFF U18 នៅទីក្រុងហូជីមិញ។ តាមពិតទៅនេះគ្រាន់តែប្រកួតបង្ហើយដែលមិនអាចជួយកម្ពុជាទៅវគ្គបន្តឡើយ។ ប៉ុន្តែខាងវៀតណាមវិញ ត្រូវការឈ្នះដាច់ខាតដើម្បីប្រជែងនិងថៃ។ យ៉ាងណាក្តី ក្រុមនាគជំទង់មួយនេះ បានត្រឹមខកចិត្ត ដោយតាមស្មើនៅនាទីទី៩០ទៅហើយ ប៉ុន្តែកម្ពុជាបន្ថែមគ្រាប់ជ័យជម្នះនៅនាទីទី៩០+៥។ សរុបលទ្ធផលរបស់កម្ពុជាក្នុងពាន AFF U18 ឆ្នាំនេះ៖ ចាញ់អូស្ត្រាលី ៥-១ ឈ្នះថៃ ៤-៣ ចាញ់ម៉ាឡេស៊ី ៣-០ ចាញ់សិង្ហបុរី ១-០ ឈ្នះវៀតណាម ២-១

ក្រុមបាល់ទាត់ជម្រើសជាតិកម្ពុជា អាយុក្រោម១៨ឆ្នាំ នឹងចាប់ផ្ដើម​ការប្រកួត AFF U18 Championship 2019 នៅថ្ងៃពុធ ទី០៧ ខែកក្កដា នេះ​តទល់​អូស្ត្រាលី នៅវេលាម៉ោង៤និង៣០នាទីល្ងាច។ មុនឈានទៅ​ប្រកួតផ្លូវការ​ ក្រុម U18 កម្ពុជា បានបោះជំរំហ្វឹកហាត់នៅហូជីមិញមួយសប្ដាហ៍ និងប្រកួតមិត្តភាពឈ្នះយុវជនហូជីមិញលីយ៉ុង U19 ១ទល់នឹង២ និងឈ្នះ U17 ហូជីមិញលីយ៉ុង០ទល់នឹង៣។ ព្រឹត្តិការណ៍យុវជនអាយុក្រោម១៨ឆ្នាំប្រចាំតំបន់អាស៊ីអាគ្នេយ៍ខាងលើ កម្ពុជា ស្ថិតនៅពូល B ដែលមាន ម៉ាឡេស៊ី, ថៃ, វៀតណាម, សិង្ហបុរី និងអូស្ត្រាលី។ ពូល A មានមីយ៉ាន់ម៉ា, ឥណ្ឌូនេស៊ី, ឡាវ, ទីម័រខាងកើត, ហ្វីលីពីន និងប្រ៊ុយណេ។ ការប្រកួតនេះប្រព្រឹត្តទៅចាប់ពីថ្ងៃទី០៦ ដល់ថ្ងៃទី១៩ ខែសីហា។ លោក Gyotoku Koji គ្រូបង្គោល U18 កម្ពុជា រៀបរាប់ថា មិនមានពេលវេលាច្រើនដើម្បីប្រមូលផ្ដុំទេ តែអ្វីសំខាន់នោះ លោកសន្យាថា នឹងប្រឹងប្រែងរកបានលទ្ធផលសមប្រកួតមួយសម្រាប់ក្រុម៕