Tag: Ancelotti

គ្រូបង្វឹកក្លិប Real Madrid លោក Carlo Ancelotti បានលើកឡើងថា ការងាររបស់លោកនឹងសុវត្ថិភាព ព្រោះលោកជឿជាក់ថា កីឡាករ Federico Valverde នឹងអាចរកគ្រាប់បាល់បានលើសពី១០គ្រាប់ក្នុងរដូវកាលនេះ។ ជាការពិតណាស់ នាពេលថ្មីៗនេះ លោក Ancelotti ធ្លាប់បាននិយាយាថា លោកនឹងហែកសញ្ញាប័ត្រគ្រូបង្វឹករបស់លោកចោល និង ចាកចេញពីក្លិប ប្រសិនបើរដូវកាលនេះ Valverde មិនអាចរកគ្រាប់បាល់បានលើសពី១០គ្រាប់ ខណៈ ពេលនេះរូបគេរកបាន៦គ្រាប់ហើយ។ លោក Ancelotti បាននិយាយថា៖ “Valverde ជា កីឡាករមិនធម្មតានោះទេ។ ខ្ញុំជឿជាក់ថា គេនឹងអាចរកបានលើស១០គ្រាប់ក្នុងរដូវកាលនេះ ដូច្នេះការងាររបស់ខ្ញុំនឹងសុវត្ថិភាព”៕

លោក Carlo Ancelotti គ្រូ​បង្គោល​ក្លឹប Real Madrid បដិសេធ​មិន​ឆ្លើយ​នឹង​សំណួរ​ពាក់ព័ន្ធ​នឹង​ទំនាក់ទំនង​របស់​ខ្សែ​ប្រយុទ្ធ​បារាំង Kylian Mbappe ជាមួយ​នឹង​ក្លឹប​របស់​លោក។ Mbappe ត្រូវ​បាន​សារព័ត៌មាន​មួយ​ចុះ​ផ្សាយ​ថា មាន​បំណង​ចង់​ចេញ​ពី​ក្លឹប​យក្ស​បារាំង​ Paris Saint-Germain នៅ​ខែ​មករា​នេះ។ សារព័ត៌មាន Goal ចុះ​ផ្សាយ​ថា Real ធ្លាប់​ទាក់ទង​ខ្សែ​ប្រយុទ្ធ​សញ្ជាតិ​បារាំង​រូប​នេះ​ជា​ច្រើន​ដង​មក​ហើយ តែ​លើក​ចុង​ក្រោយ​សំណើ​របស់​ក្លឹប​អេស្ប៉ាញ​នេះ​ត្រូវ​បាន​ទាត់​ចោល​កាល​ពី​ខែ​ឧសភា។ ពាក់ព័ន្ធ​នឹង​រឿង​នេះ លោក Ancelotti បាន​លើកឡើង​ថា៖ «តើ​ Mbappe នឹង​មក​ Real នៅ​ខែ​មករា​អត់? សូម្បី​តែ​សំណួរ​បែប​នេះ​ក៏​លោក​ចង់​សួរ​ដែរ តែ​ខ្ញុំ​អត់​ឆ្លើយ។ ខ្ញុំ​អត់​ចាំ​បាច់​ឆ្លើយ​នឹង​សំណួរ​នេះ​ទេ»៕

លោក​ Carlo Ancelotti គ្រូ​បង្គោល​ក្លឹប​ Real Madrid បាន​និយាយ​នៅ​ក្នុង​ថ្ងៃ​នេះ​ក្រោយ​ឈ្នះប្រកួត​ UEFA Champions League នឹង​ក្លឹប​ Leipzig នូវ​លទ្ធផល​ ២-០ យប់​មិញ​ថា​ លោក​សុខ​ចិត្ត​ឈប់​ធ្វើ​គ្រូ​បង្គោល​បើ​ខ្សែបម្រើ​ Fede Valverde ស៊ុត​ចូល​ក្រោម​១០គ្រាប់​ ក្នុង​រដូវកាល​នេះ​។ លោក Ancelotti បាន​និយាយ​ថា​៖” ខ្ញុំ​មិន​ប្រាប់​ Valverde ថា​បើ​គេ​​មិន​ស៊ុត​ចូល​បាន​យ៉ាង​តិច​១០គ្រាប់​ទេ​នៅ​ក្នុង​រដូវកាល​នេះ​ ខ្ញុំ​មិន​ចោល​អជ្ងាប័ណ្ណ​គ្រូបង្គោល​របស់​ខ្ញុំ​ចោល​ ហើយ​ចាកចេញ​ពី​អាជីព​នេះ​ “។ ទាក់ទង​នឹង​សមត្ថភាព​ Valverde លោក​ Ancelotti និង​ក្រុមការងារ​លោក​ សុទ្ធ​តែ​យល់​ឃើញ​ថា​ គេ​ស្ថិត​ក្នុង​ចំណោម​ខ្សែបម្រើ​ដែល​ល្អ​បំផុត​លើ​លោក​នេះ​សម្រាប់​ពេល​ និង​អនាគត​ផង​ដែរ​។ នៅ​ក្នុង​រដូវកាល​នេះ​ គេ​ចូល​លេង​ឲ្យ​ Real បាន​៨ប្រកួត​ និង​ស៊ុត​ចូល​៣គ្រាប់​ហើយ​ ដោយ​កីឡាករ​នេះ​ក៏​បាន​ចូល​រួម​ស៊ុត​ចូល​១គ្រាប់​ក្នុង​ការ​ប្រកួត​ខាង​លើ​ផង​ដែរ​៕

សារព័ត៌មាន El Nacional បានចុះផ្សាយថា ក្លិប Real Madrid កំពុងពិចារណាយកលោក Thomas Tuchel ទៅដឹកនាំក្រុមបន្តពីលោក Carlo Ancelotti ។ កាលពីថ្ងៃទី៧ខែកញ្ញាកន្លងទៅ លោក Tuchel ត្រូវក្លិប Chelsea ប្រកាសបញ្ចប់តំណែងបន្ទាប់ពីដឹកនាំឲ្យក្រុមចាញ់ Dinamo Zagreb ១ ទល់នឹង០ នៅការប្រកួតបើកឆាក Champions League ព្រមទាំងមានរឿងខ្វែងគំនិតគ្នាជាមួយលោក Todd Boehly ជាម្ចាស់ក្លិបពាក់ព័ន្ធនឹងការទិញយក Matthijs de Ligt និង Cristiano Ronaldo ផងដែរ។ យ៉ាងណាមិញ ក្រោយលោកត្រូវបណ្ដេញចេញ ក្លិប Real Madrid ឯណោះវិញបានសម្លឹងឃើញលោកជាបេក្ខភាពយកមកជំនួស Ancelotti ដោយសារលោក Florentino Perez ជាប្រធានក្លិបមានការកោតសរសើរទៅលើ Tuchel ខ្លាំងណាស់។ ថ្វីត្បិតរដូវកាលមុន លោក  Ancelotti ដឹកនាំ

លោក​ Carlo Ancelotti គ្រូបង្គោល​ក្លឹប​ Real Madrid បាន​និយាយ​ទាក់ទំនឹង​នឹង​ការ​សម្រេច​ចិត្ត​របស់​ ខ្សែបម្រើ​ Casemiro ទៅ​កាន់​ក្លឹប​ Manchester United ទៅ​កាន់​អ្នក​កាសែត​នៅ​ក្នុង​ថ្ងៃ​នេះ​ថា​ កីឡាករ​នេះ​ចង់​ចាកចេញ​ពី​លោក​ ដើម្បី​ទៅ​ការ​ការ​ប្រកួត​ប្រជែង​បែប​ថ្មី​ទៀត​។ លោក​ Ancelotti បាន​និយាយ​ថា​៖” ខ្ញុំ​បាន​និយាយ​ដោយ​ផ្ទាល់​ជា​មួយ​នឹង​ Casemiro។ គេ​ថា​គេ​ចង់​សាក​ល្បង​ការ​ប្រកួត​ប្រជែង​ថ្មី​។ យើង​ត្រូវ​តែ​គោរព​ការ​សម្រេច​ចិត្ត​របស់​គេ​បែប​នេះ​ហើយ​។ ការ​ចរចា​រឿង​ហ្នឹង​កំពុង​តែ​កើត​ឡើង​ហើយ​ យ៉ាង​ណា​ក៏​ដោយ​គេ​សម្រេច​ចិត្ត​ច្បាស់​ហើយ​ថា​ គេ​ចង់​ចាកចេញ​ “។ បើ​តាម​កំពូល​អ្នកកាសែត​ Fabrizio Romano ក្លឹប​ Man Utd កំពុង​តែ​រៀបចំ​លើ​ក្នុង​ការ​នាំ​យក​ Casemiro មក​កាន់​ក្លឹប​របស់​ខ្លួន​ដោយ​ព្រម​ព្រៀង​ក្នុង​តម្លៃ​ប្រមាណ​៦០លាន​ដុល្លារ​ និង​ប្រាក់​លើក​ទឹក​ចិត្ត​១០លាន​ដុល្លារ​ទៀត​ ជា​មួយ​នឹង​កុងត្រា​៤ឆ្នាំ​។ ក្នុង​ឆ្នាំ​នេះ​ Casermiro មាន​អាយុ​៣០ឆ្នាំ​ហើយ​ កីឡាករ​នេះ​មក​លេង​នៅ​ Real Madrid តាំង​ពី​រដូវកាល​ឆ្នាំ​២០១២/១៣ ដោយ​ធ្លាប់​ឈ្នះ​ពាន​ La Liga និង​ Champions League ជា​មួយ​នឹង​ក្រុម​រួច​រាល់​ហើយ​៕

លោក​ Carlo Ancelotti គ្រូបង្គោល​ក្លឹប​ Real Madrid បាន​និយាយ​ទៅ​កាន់​សារព័ត៌មាន​ IL Messaggero កាល​ពី​ចុង​សប្ដាហ៍​កន្លង​ទៅ​នេះ​ថា​ លោក​នឹងចូល​និវត្តន៍​ហើយ​បន្ទាប់​ពី​ចប់​ជា​មួយ​នឹង​ក្លឹប​ Real Madrid ហ្នឹង​។ លោក​ Ancelotti បាន​និយាយ​ថា​៖” សុរប​ខ្ញុំ​ឈ្នះ​ពាន​ទាំង​អស់​ខ្ទង់​២៤ពាន​ ក្នុង​អាជីព​ជា​អ្នកដឹកនាំ​ក្លឹប​នេះ​។ ការ​ពិត​នោះ​គឺ​ថា​ចំនួន​ឈ្នះ​ពាន​ទាំង​នេះ​គឺ​ខ្ញុំ​មិន​ខ្វល់​នោះ​ទេ​។ នៅ​ពេល​ខ្ញុំ​ចប់​អាជីព​នេះ​ ខ្ញុំ​នឹង​គិត​គូរ​ថា​ទុកដាក់​ពាន​ទាំង​នេះ​យ៉ាង​ម៉េច​ឲ្យ​បាន​សម​។ ឥឡូវ​នេះ​ខ្ញុំ​នៅ​ផ្ដោត​លើ​ការ​បង្វឹក​ ខ្ញុំ​ពេញ​ចិត្ត​នឹង​ការងារ​រាល់​ថ្ងៃ​របស់​ខ្ញុំ​ណាស់​។ ប៉ុន្មាន​ឆ្នាំ​កន្លង​ទៅនេះ​ អាទិភាព​របស់​ខ្ញុំ​គឺ​ពង្រឹង​តាក់តិក​លេង​ជា​និច្ច​ តែ​ឥឡូវ​នេះ​ខ្ញុំ​ផ្ដោត​លើ​ទំនាក់​ទំនង​ជា​មួយ​នឹង​មនុស្ស​វិញ​ ខ្ញុំ​ចង់​ស្គាល់​មនុស្ស​ឲ្យ​បាន​ច្រើន​ ជា​ពិសេស​ក្មេង​ជំនាន់​ក្រោយ​ “។ លោក​បន្ត​ថា​៖” ការ​ដឹកនាំ​នៅ​ Real Madrid នឹង​នាំ​មក​នូវ​ទី​បញ្ចប់​នៃ​អាជីព​របស់​ខ្ញុំ​។ បន្ទាប់​ពី​ក្លឹប​នេះ​ ខ្ញុំ​នឹង​ចូល​និវត្តន៍​ហើយ​។ Real Madrid គឺ​ក្លឹប​កំពូល​បំផុត​ក្នុង​បាល់ទាត់​ អញ្ចឹង​គឹ​ថា​ដល់​ពេល​បញ្ចប់​ហើយ​ ក្រោយ​ចប់​នឹង​អាជីព​នៅ​ក្លឹប​នេះ​ “។ Ancelotti ជា​អ្នកដឺកនាំ​ក្លឹប​ដ៏​ជោគជ័យ​មួយ​រូប​ដោយ​លោក​ធ្លាប់​ឈ្នះ​ពាន​លីគ​កំពូល​ ក្នុង​លីគ​កំពូល​ធំៗ​ទាំង​៥របស់​អឺរ៉ុប​ ដោយ​លោក​ក៏​ធ្លាប់​ឈ្នះ​ពាន​ UEFA Champions League ផង​ដែរ​រហូត​ដល់​ទៅ​៤ដង​ឯណោះ​។ លោក​នៅ​សល់​កុងត្រា​ជា​មួយ​ Real Madrid រហូត​ដល់​ឆ្នាំ​២០២៤៕

លោក​ Carlo Ancelotti គ្រូបង្គោល​ក្លឹប​ Real Madrid បាន​និយាយ​ទៅ​កាន់​សារព័ត៌មាន​ Movistar ក្រោយ​ឈ្នះ​ពាន​ UEFA Super Cup នៅ​ក្នុង​ថ្ងៃ​នេះ​ដោយ​លើក​ឡើង​ថា​ ខ្សែប្រយុទ្ធ​ Karim Benzema ជា​កីឡាករ​ល្អ​ជាង​គេ​លើ​លោក​នៅ​ខណៈ​នេះ​ ដោយ​លោក​ជឿជាក់​ថា​គេ​នឹង​ឈ្នះ​ពាន​ Ballon d’Or ឆ្នាំ​នេះ​។ លោក​ Ancelotti បាន​និយាយ​ថា​៖” Benzema ជា​ប្រធាន​ក្រុម​ដ៏​ល្អ​។ យើង​មក​ដល់​ចំណុច​នេះ​គឺ​ដោយ​តែ​មាន​ការ​ចូល​រួម​ចំណែក​ពី​គេ​ច្រើន​ និយាយ​ទៅ​គេ​ស៊ុត​ចូល​ចូល​ច្រើន។ អញ្ចឹង​ទាក់ទង​នឹង​រឿង​ឈ្នះ​ពាន​ Ballon d’or គឺ​គ្មាន​បញ្ហា​ចោទ​សម្រាប់​ ឬ​ក៏​សង្ស័យ​អ្វី​លើ​គេ​ទៀត​ឡើយ​ “។ លោក​បន្ត​ថា​៖” សម្រាប់​ក្លឹប​យើង​ គេ​ជា​កីឡាករ​សំខាន់​ណាស់​។ គេ​ជា​កីឡាករ​ល្អ​ជាង​គេ​នៅ​លើ​លោក​នៅ​ខណៈ​នេះ​។ គេ​ជា​មនុស្ស​សំខាន់​ដែល​ជួយ​ឲ្យ​យើង​ឈ្នះ​បាន​ Champions League។ ពិត​ណាស់​គេ​រក​គ្រាប់​បាល់​ស៊ុត​ចូល​មិន​បាន​នៅ​ពេល​ប្រកួត​ផ្ដាច់ព្រ័ត្រ​នៅ​ពេល​ប្រកួត​ដណ្ដើម​ពាន​នោះ​ តែ​គេ​ជា​អ្នក​ជួយ​ឲ្យ​ឡើង​ដល់​ប្រកួត​ផ្ដាច់ព្រ័ត្រ​នេះ​។ គេ​ស៊ុត​ចូល​យក​ឈ្នះ​ Man City, Chelsea, PSG។ គេ​សំខាន់​សម្រាប់​យើង​ណាស់​ អញ្ចឹង​គ្មាន​អ្វី​សង្ស័យ​ទៀត​ទេ​ គេ​ហ្នឹង​ហើយ​ជា​កីឡាករ​ល្អ​ជាង​គេ​នៅ​ពេល​នេះ​ “។ គួរ​បញ្ជាក់​ផង​ដែរ​ថា​ បញ្ជី​បេក្ខជន​​ដែល​អាច​ពាន​ Ballon

លោក​ Florentino Perez ប្រធាន​ក្លឹប​ Real Madrid បាន​និយាយ​ទៅ​កាន់​អ្នកកាសែត​ក្រោយ​ឈ្នះ​ពាន​ UEFA Super Cup នៅ​ក្នុង​ថ្ងៃ​នេះ​ថា​ គិត​មក​ទល់​នឹង​ថ្ងៃ​នេះ​ ក្លឹប​របស់​លោក​មិន​គិត​គូរ​រឿង​នាំ​ចូល​កីឡាករ​ថ្មី​សម្រាប់​រដូវកាល​ក្ដៅ​នេះ​ទៀត​ទេ​។ លោក​ Perez បាន​និយាយ​ថា​៖” អ្វី​ដែល​យើង​ត្រូវ​ធ្វើ​ពេល​នេះ​គឺ​បន្ត​ហ្វឹកហាត់​ឲ្យ​បាន​ល្អ​ទៀត​ ហើយ​លោក​ Ancelotti ទទួល​ខុស​ត្រូវ​លើ​ការ​បង្វឹក​ក្រុម​ហ្នឹង​ហើយ​ អញ្ចឹង​នៅ​ខណៈ​នេះ​យើង​មិន​គិត​គូរ​រឿង​នាំ​ចូល​កីឡាករ​ថ្មី​សម្រាប់​រដូវកាល​ក្ដៅ​នេះ​ទៀត​ទេ​ “។ ប្រធាន​ក្លឹប​ Real Madrid រូប​នេះ​បាន​ធ្វើ​ការ​លើក​ឡើង​ដោយ​ជឿជាក់​លើ​កីឡាករ​ដែល​ស្រាប់​នៅ​ក្លឹប​របស់​លោក​នៅ​ពេល​នេះ​ ជា​ពិសេស​គឺ​នៅ​តំបន់​ប្រយុទ្ធ​ លោក​ជឿជាក់​ថា​ ​​Benzema នឹង​ធ្វើ​បាន​ល្អ​ ទោះ​បី​ជា​ពេល​កីឡាករ​នេះ​មាន​របួស​ ក៏​មាន​ខ្សែប្រយុទ្ធ​ផ្សេងៗ​នៅ​ក្រុម​អាច​ធ្វើ​បាន​ល្អ​ផង​ដែរ​។ មក​ទល់​នឹង​ពេល​នេះ​ Real នាំ​ចូល​កីឡាករ​៣នាក់​ដោយ​សុទ្ធ​តែ​ស្ថិត​នៅ​ក្នុង​តំបន់​ការពារ​ទាំង​អស់​តែ​ម្ដង​។ កីឡាករ​ទាំង​នោះ​ដូច​ជា​ Aurélien Tchouameni, Antonio Rüdiger និង​ Miguel Gutiérrez៕

លោក Ancelotti បានបង្ហាញការភ្ញាក់ផ្អើល និងមានការកោតសរសើរជាខ្លាំងទៅលើអ្នកចាំទី Thibaut Courtois បន្ទាប់ពីយប់មិញរូបគេបង្ហាញទម្រង់លេងយ៉ាងអស្ចារ្យ រហូតជួយឱ្យ Real Madrid បំបាក់ Liverpool នៅវគ្គផ្តាច់ព្រ័ត្រនៃពានរង្វាន់ Champions league។ គួរបញ្ជាក់ថា នៅក្នុងការប្រកួតយប់មិញ Real Madrid បានទទួលជ័យជម្នះទៅលើក្រុម Liverpool ក្នុងលទ្ធផល ១-០ ក្នុងនោះមួយគ្រាប់របស់ក្រុម អធិរាជសគឺរកបានដោយ Vinicius Jr. នៅនាទីទី ៥៩ ហើយតាមរយៈជ័យជម្នះមួយនេះបានធ្វើឱ្យក្លិបយក្សអេស្ប៉ាញឈ្នះជើងឯកពាន UCL ជាលើកទី ១៤ នៅក្នុងប្រវត្តិសាស្ត្រក្លិប។ ដកស្រង់ពាក្យសម្តីដើមលោក Ancelotti បាននិយាយពី Courtois យ៉ាងដូច្នេះថា៖ “ជាការពិត, ខ្ញុំសឹងតែមិនជឿលើអ្វីដែល Thibaut Courtois ធ្វើបានកាលយប់មិញឡើយ។ វាពិតជាមិនគួរឱ្យជឿនោះទេ។ ខ្ញុំពិតជារន្ធត់ខ្លាំងណាស់”៕

អ្នកចាត់ការលោក Carlo Ancelotti បានអះអាងថា ខ្សែប្រយុទ្ធស្លាប Eden Hazard នឹងមិនចាកចេញពី Real Madrid នៅរដូវកាលក្រោយនេះទេ។ ជាការពិតណាស់ Hazard ក្រោយចាកចេញពី Chelsea មកចូលរួមជាមួយ Real Madrid រូបគេពុំសូវបានលេងទៀងទាត់ឡើយ ដោយសារមានបញ្ហារបួសរ៉ាំរ៉ៃជាញឹកញាប់, ខណៈបច្ចុប្បន្នខ្សែប្រយុទ្ធសញ្ជាតិ ប៊ែលហ្ស៊ិករូបនេះក៏ធ្លាក់ទម្រង់លេងខ្លាំងណាស់ដែរ ដោយនៅតំណែងរបស់គេតែងតែត្រូវបានជំនួសដោយ Vinicius Jr.។ យ៉ាងណាមិញ តាមរយៈភាពអសកម្មបែបនេះបានធ្វើឱ្យអ្នកគាំទ្រក្លិបមិនសូវសប្បាយចិត្តនោះទេ ហើយមួយរយៈមុនក៏មានព័ត៌មាននៅបរទេសជាច្រើនបានចុះផ្សាយថា Real Madrid ចង់លក់ខ្សែប្រយុទ្ធវ័យ ៣១ ឆ្នាំរូបនេះផងដែរ ប៉ុន្តែនៅពេលនេះអ្វីៗហាក់មានការប្រែប្រួលមកជាល្អឡើងវិញ ក្រោយពេលលោក Ancelotti បញ្ជាក់ថា Hazard នឹងបន្តស្នាក់នៅជាមួយក្រុមអធិរាជសបន្តទៀត។ ដកស្រង់ពាក្យសម្តីដើមលោក Ancelotti បានមានប្រសាសន៍យ៉ាងដូច្នេះថា៖ “Hazard បានបញ្ជាក់ពីគម្រោងរបស់គាត់យ៉ាងច្បាស់ ដោយគាត់ចង់បង្ហាញពីគុណភាពខ្លួននៅរដូវកាលក្រោយ”៕

គ្រូបង្វឹកក្លិប Real Madrid លោក Carlo Ancelotti បានប្រាប់ពីមូលហេតុដែលកីឡាករ Karim Benzema បង្ហាញទម្រង់លេងបានល្អនៅពេលដែលគ្មានវត្តមានរបស់ Cristiano Ronaldo។ ជាការពិតណាស់ គ្រប់គ្នាពិតជាបានទទួលស្គាល់អំពីសមត្ថភាពរបស់ Benzema ចាប់តាំងពី Ronaldo ចាកចេញពី Real Madrid នៅក្នុងឆ្នាំ២០១៨ មក គឺ កីឡាករសញ្ជាតិបារាំងខាងលើ ពិតជាបានរួមចំណែកជួយក្រុមច្រើនមែនទែនទាក់ទងនឹងការស្វែងរកគ្រាប់បាល់ ជាក់ស្តែងនៅក្នុងរដូវកាលនេះគេបានជួយក្រុមឈ្នះពានរង្វាន់ La Liga ព្រមទាំងបានឡើងទៅកាន់វគ្គផ្តាច់ព្រ័ត្រ Champions League ផងដែរ។ លោក Ancelotti បាននិយាយថា៖ “ខ្ញុំពិតជាពិបាកណាស់ក្នុងការហៅ Benzema ជា ខ្សែប្រយុទ្ធកណ្តាលពីព្រោះគាត់ជាកីឡាករដ៏អស្ចារ្យដែលរ៉ាប់រងនៅផ្នែកខាងលើ។ គាត់មិនមែនត្រឹមតែជាអ្នកគ្រាប់ទេច្រើនទេ ប៉ុន្តែគាត់ក៏រួមចំណែកបញ្ជូនបាល់ឲ្យមិត្តរួមក្រុម និង រួមចំណែកក្នុងការបង្កើតប្រព័ន្ធលេងផងដែរ។ ខ្ញុំគិតថា Benzema បានក្លាយជាអ្នកដឹកនាំក្រុមនៅពេលដែល Ronaldo ចាកចេញជាហេតុធ្វើឲ្យគាត់មានទំនួលខុសត្រូវ និង បានក្លាយជាផ្នែកដ៏សំខាន់មួយនៅក្នុងក្រុម”៕

លោក​ Carlo Ancelotti បាន​និយាយ​ទៅ​កាន់​ Amazon Prime នៅ​ក្នុង​ថ្ងៃ​នេះ​ថា​ លោក​នឹង​ចូល​និវត្តន៍​ពី​អ្នកដឹកនាំ​ក្លឹប​ហើយ​ នៅ​ពេល​លោក​ចប់​ការងារ​ជា​មួយ​ក្លឹប​ Real Madrid នៅ​ថ្ងៃ​ខាង​មុខ​។ លោក​ Ancelotti បាន​និយាយ​ថា​៖” បន្ទាប់​ចប់​ពី​ Real Madrid នេះ​ទៅ​ ប្រហែល​ជា​ខ្ញុំ​ឈប់​ដឹកនាំ​ក្លឹប​។ តែ​យ៉ាង​ណា​បើ​ក្លឹប​នេះ​ចង់​​ឲ្យ​ខ្ញុំ​ដឹក​ ១០ឆ្នាំ​ទៀត​ ខ្ញុំ​នឹង​ខំ​បន្ត​១០ឆ្នាំ​ទៀត​ “។ លោក​បាន​បន្ត​ថា​៖” និយាយ​ទៅ​ខ្ញុំ​ចង់​ឈប់​សម្រាក​កម្សាន្ត​ជា​មួយ​ចៅ​ខ្ញុំ​ ប្រពន្ធ​ខ្ញុំ​ម្ដង​។ ព្រោះ​ខ្ញុំ​នៅ​សល់​កិច្ចការ​ច្រើន​ណាស់​ ដែល​ខ្ញុំ​ចង់​ធ្វើ​ជា​មួយ​ពួក​គាត់​។ ណា​មួយ​ខ្ញុំ​មិន​ដែល​បាន​សូវ​ទៅ​ណា​ផង​ ដូច​អូស្ត្រាលី​ និង​ប្រេស៊ីល​កន្លែង​ Rio de Janeiro ខ្ញុំ​អត់​ដែល​ទាន់​បាន​ទៅ​ទេ​។ មួយ​ទៀត​ខ្ញុំ​ក៏​ទៅ​ជួប​បង​ប្អូន​ស្រី​ខ្ញុំ​ញឹកញាប់​ផង​ដែរ​។ អញ្ចឹង​ថ្ងៃ​ដែល​ខ្ញុំ​ឈប់​ពី​ការងារ​នេះ​ គឺ​ខ្ញុំ​ចង់​ធ្វើ​រឿង​ទាំង​នេះ​ “។ លោក​ក៏​បាន​បន្ថែម​ផង​ដែរ​ថា​ ក្រោយ​ឈប់​ពី​អ្នកដឹកនាំ​ក្លឹប​ លោក​អាច​នឹង​ទៅ​ដឹកនាំ​ក្រុម​ជម្រើសជាតិ​ម្ដង​ ជា​ពិសេស​គឺ​ដឹកនាំ​សម្រាប់​ប្រកួត​ World Cup 2026 ដោយ​លោក​ក៏​ចាប់​អារម្មណ៍​ទៅ​ដឹកនាំ​ក្រុមជម្រើសជាតិ​កាណាដា​ផង​ដែរ​ ប្រសិន​ជា​គេ​ត្រូវ​ការ​។ សូម​រំលឹកផង​ដែរ​ថា​ Ancelotti នឹង​អស់​កុងត្រា​នឹង​ Real នៅ​ឆ្នាំ​២០២៤ខាង​មុខ​។ ក្នុង​អាជីព​ជា​អ្នកដឹកនាំ​ក្លឹប​របស់​លោក​

លោក​ Carlo Ancelotti គ្រូ​បង្គោល​ក្លឹប​ Real Madrid បាន​និយាយ​មុន​ប្រកួត​តទល់នឹង​ Osasuna នៅ​យប់​នេះ​ថា​ លោក​ជឿជាក់​ក្លឹប​លោក​បាន​ឈ្នះ​ពាន​ La Liga ក្នុង​រដូវកាល​នេះ​រួច​បាត់​ទៅ​ហើយ​។ លោក​ Ancelotti បាន​និយាយ​ថា​៖” ខ្ញុំ​មាន​បទពិសោធន៍​គ្រប់គ្រាន់​នឹង​ជឿជាក់​ថា​ យើង​បាន​ឈ្នះ​ពាន​ La Liga រួច​បាត់ទៅ​ហើយ​។ យើង​ជិត​ឈ្នះ​វា​មែន​ទែន​ហើយ​។ យើង​កំពុង​ធ្វើ​បាន​ល្អ​ណាស់​រាល់ថ្ងៃ​នេះ​ ហើយ​យើង​នឹង​បន្ត​អញ្ចឹង​ទៀត​។ ឈ្នះ​ការ​ប្រកួត​ជា​បន្ត​ទៀត​ គឺ​ផ្ដល់​ឱកាស​ឲ្យ​យើង​កាន់​តែ​កៀក​បំផុត​នឹង​យក​ពាន​មួយ​នេះ​ “។ នៅ​ក្នុង​ពេល​នេះ​ Real Madrid កំពុង​នាំ​មុខ​ក្នុង​តារាង​​ប្រកួត​ La Liga ដោយ​មាន​ ៧៥ពិន្ទុ​ រី​ឯ​ Barca, Sevilla និង​ Atletico ជា​អ្នក​នាំ​មុខ​ជា​បន្ត​បន្ទាប់​ក្នុង​តារាង​មាន​៦០ពិន្ទុ​ប៉ុណ្ណោះ​ ខណៈ​ការ​ប្រកួត​នៅ​លីគកំពូល​នេះ​សល់​ ៦ប្រកួត​ទៀត​ប៉ុណ្ណោះ​ ដូច្នេះ​ក្នុង​រដូវកាល​នេះ Real Madrid មាន​ឱកាស​ច្រើន​ខ្លាំង​នឹង​ឈ្នះ​ពាន​មួយ​នេះ​៕

អ្នកចាត់ការទូទៅក្លិប Chelsea លោក Thomas Tuchel ថា លោកខឹងលោកអាជ្ញាកណ្តាលកាត់សេចក្តី កាលពីយប់មិញ​ ដោយសារលោកបានធ្វើរឿងមួយ ជាមួយលោក Carlo Ancelotti។ ជាការពិតណាស់ ជំនួបជើងទីពីរដ៏ញាក់សាច់ រវាងក្រុម Real Madrid និង Chelsea បានបញ្ចប់ត្រឹម៩០នាទី ជាមួយនឹងលទ្ធផលក្រុម Chelsea យកឈ្នះ ៣-១ ក៏ប៉ុន្តែត្រូវថែមម៉ោងបន្ថែម ១៥នាទី ពីរដងទៀត ធ្វើឲ្យកីឡាករ Karim Benzema ជាអ្នកស៊ុតចូលនៅនាទី ទី៩៦ ជួយឲ្យ Real Madrid ឡើងវគ្គបន្ត សរុបលទ្ធផលទាំងពីរជើង គឺ ៥-៤។ លោក Tuchel បាននិយាយថា៖ “ខ្ញុំចូលចិត្ត លោក Ancelotti ណាស់ ក៏ប៉ុន្តែនៅពេលដែលខ្ញុំដើរទៅចាប់ដៃគេ ខ្ញុំឃើញលោកអាជ្ញាកណ្តាល បានញញឹម និង សើចដាក់ លោក Ancelotti រហូត រួចខ្ញុំក៏បានប្រាប់គាត់វិញថា

លោក​ Carlo Ancelotti គ្រូ​បង្គោល​ក្លឹប​ Real Madrid បាន​តេស្ត​ឃើញ​វិជ្ជមាន​កូវីដ-១៩ នៅ​ក្នុង​ថ្ងៃ​នេះ​។ បើ​យោង​តាម​ការ​ចុះ​ផ្សាយ​របស់​ក្លឹប​អេស្ប៉ាញ​នេះ​ផ្ទាល់​។ យ៉ាង​ណា​ខាង​ក្លឹប​មិន​បាន​បញ្ជាក់​ថា​ លោក​មាន​អាការៈ​បែប​ណា​នោះ​ទេ​ បន្ទាប់​ពី​ឆ្លង​ជំងឺ​កូវីដ​-១៩។ នៅ​ក្នុង​សប្ដាហ៍​នេះ​ Real Madrid ត្រូវ​ប្រកួត​ជា​មួយ​ក្លឹប​ Celta Vigo ក្របខ័ណ្ឌ​ La Liga នៅ​ថ្ងៃ​ទី​០២ ខែ​មេសា ឆ្នាំ​២០២២ខាង​មុខ​ រី​ឯ​សប្ដាហ៍​ក្រោយ​មាន​ប្រកួត​ដែល​សំខាន់​បំផុត​នោះ​គឺ​ ត្រូវ​ប្រកួត​តទល់នឹង​ក្លឹប​ Chelsea ក្របខ័ណ្ឌ​ UEFA Champions League វគ្គ​៨ក្រុម​ចុង​ក្រោយ​ ជើង​ទី​១ នៅ​ថ្ងៃ​ទី​០៧ ខែ​មេសា ឆ្នាំ​២០២២ (ម៉ោង​កម្ពុជា)។ ដូច្នេះ​បើ​ លោក​ Ancelotti មិន​មាន​លទ្ធផល​តេស្ត​អវិជ្ជមាន​មុន​ថ្ងៃ​ប្រកួត​ខាង​មុខ​នេះ​ លោក​នឹង​មិន​អាច​ទៅ​ចូល​រួម​ដឹក​នាំ​ការ​ប្រកួត​ទាំង​នេះ​ឡើយ​៕

អ្នក​ចាត់​ការ​ Carlo Ancelotti បាន​ទទួល​ស្គាល់​ថា លោក​បាន​​សាង​កំហុស​ដែល​ធ្វើ​ឲ្យ Real Madrid ចាញ់ Barcelona ដល់​ទៅ ៤ ទល់នឹង ០ ក្នុង​ជំនួប El Clasico ក្នុង​ទឹក​ដី​របស់​ខ្លួន​ឯង។ ត្បិត​តែ​បរាជ័យ​បែប​នេះ​ក្ដី Real Madrid នៅ​តែ​បន្ត​គម្លាត​ ១២​​ពិន្ទុ​​ពី Barca ប៉ុន្តែ​អ្នក​ចាត់​ការ​សញ្ជាតិ​អ៊ីតាលី Ancelotti បាន​យល់​ច្បាស់​​អំពី​ការ​ខកចិត្ត​ជាមួយ​ការ​​លេង​​នៃ​ក្រុម​របស់​លោក។ នៅ​ក្នុង​កិច្ច​សម្ភាសន៍​ក្រោយ​ចប់​ការ​ប្រកួត Carlo បាន​ប្រាប់​កីឡាករ Real Madrid ទាំង​អស់​ថា កំហុស​បរាជ័យ​គឺ​មក​ពី​លោក។ នៅ​ក្នុង​ការ​ប្រកួត​​ក៏​មាន​សកម្មភាព​ចម្រូងចម្រាស​មួយ​ចំនួន ប៉ុន្តែ Ancelotti មិន​បាន​លើក​រឿង​នោះ​មក​និយាយ​ដើម្បី​ជា​លេស​សម្រាប់​ការ​ចាញ់​ឡើយ។ ដោយ​ទទួល​ស្គាល់​ថា ក្រុម​ពិត​ជា​លេង​មិន​បាន​ល្អ​មែន​ៗ។ Real Madrid បច្ចុប្បន្ន​នៅ​តែ​បន្ត​ឈរ​កំពូល​តារាង​ La Liga ដាច់​ពី​ក្រុម​លេខ​ពីរ Sevilla ចំនួន ៩​ពិន្ទុ។ Barcelona ពេល​នេះ​កំពុង​កើន​ទម្រង់​លេង​មែនទែន​ក្រោម​ការ​ដឹក​នាំ​របស់​លោក Xavi ដោយ​ ១២​ប្រកួត​ចុងក្រោយ​មិន​ទាន់​ចាញ់​សោះ៕

ក្លឹប​ Manchester United នៅ​តែ​កំពុង​គិត​គូរ​ជ្រើសរើស​អ្នកចាត់ការ​ថ្មី​ពេញ​សិទ្ធ​របស់​ខ្លួន​ សម្រាប់​រដូវកាល​ក្ដៅ​ខាង​មុខ​ ខណៈ​នៅ​ពេល​នេះ​មាន​លោក​ Ralf Rangnick អ្នកចាត់ការ​បណ្ដោះ​អាសន្ន​ ដែល​នឹង​ធើ​អ្នក​ប្រឹក្សា​ឲ្យ​ក្លឹប​នេះ​វិញ​នៅ​រដូវក្រោយ​។​ បេក្ខជន​ឈាន​មុខ​ដែល​អាច​នឹង​ដឹកនាំ​ក្លឹប​ខាង​មុខ​គឺ​ លោក​ Mauricio Pochettino គ្រូ​បង្គោល​ Paris Saint Germain ប៉ុន្តែ​ថ្មីៗ​នេះ​ លោក​ Carlo Ancelotti ជា​ជម្រើស​មួយ​ដែល​ Man Utd ពិចារណា​ផង​ដែរ​។ Ancelotti ត្រូវ​បាន​គេ​ដឹង​មាន​ទំនាក់ទំនងល្អ ​និង​ទទួល​បាន​ការ​ទុកចិត្តពី Sir Alex និង​ថ្នាក់ដឹកនាំ​ Man Utd ។ យ៉ាង​ណា​​ Man Utd នឹង​គិត​គូរ​យក​លោក​ Ancelotti មក​ដឹកនាំ​ក្លឹប​សម្រាប់​រដូវកាល​ថ្មី​ខាង​មុខ​ ប្រសិន​បើ​ លោក​​ Pochettino​ មិន​ព្រម​មក​ដឹកនាំ​ ហើយ​ការ​ឲ្យ​ដឹកនាំ​នេះ​គឺ​​ក្នុង​រយៈពេល​ខ្លី​ប៉ុណ្ណោះ​ ។ ​ជម្រើស​ដែល​ក្រុម​បិសាច​ក្រហម​ចង់​បាន​បំផុត​នោះ​គឺ​ មាន​អ្នក​ចាត់ការ​ដឹកនាំ​ក្នុង​រយៈ​ពេល​វែង​ ដូច្នេះ​បេក្ខជន​ដែល​ក្លឹប​នេះ​នឹង​គិត​គូរ​បន្ទាប់​គឺ​ លោក​ Erik Ten Hag គ្រូ​បង្គោល​

លោក Carlo Ancelotti ​បាន​ហៅ​ខ្សែ​ប្រយុទ្ធ​ Kylian Mbappe ថា​ជា​កីឡាករ​ល្អ​ជាង​គេ​បំផុត​នៅ​តំបន់​អឺរ៉ុប ​ក្រោយ​ពី​រូបគេ​រក​បាន​១​គ្រាប់​ជួយ PSG ​យក​ឈ្នះ​លើ​ក្រុម Real Madrid ​ក្នុងលិទ្ធ ១ ទល់នឹង ០ ​នៅ​ពាន​រង្វាន់ UEFA Champions League ​វគ្គ​១៦​ក្រុម​ចុង​ក្រោយ។ ​ក្នុង​ការ​ប្រកួត​ជើង​ទី​១​នេះ​ដែរ ក្រុម PSG ​មាន​ឱកាស​រក​គ្រាប់​បាល់​ ១​គ្រាប់​មុន​ទៅ​ហើយ ដោយ​ខ្សែ​ប្រយុទ្ធ Lionel Messi ​ទទួល​បាន​បាល់​ប៉េណាល់ទី ​តែ​មិន​សំណាង ​រូបគេ​ទាត់​មិន​ចូល​នោះ​ទេ។ ការ​ប្រកួត​ជិត​នឹង​ចប់​ទៅ​ហើយ ​នាទី​៩០+ ​កីឡាករ Mbappe ​ក៏​មាន​ឱកាស​រក​គ្រាប់​បាល់​បាន ​១​គ្រាប់​ឱ្យ​ក្រុម PSG ​ដើម្បី​យក​ឈ្នះ​ក្នុង​លទ្ធផល ១ ទល់នឹង ០ ​លើ​ក្រុម Real Madrid ​។ ​ក្រោយ​ចប់​ការ​ប្រកួត ​លោក Ancelotti ​អ្នក​ចាត់ការ​ក្រុម Real Madrid ​បាន​និយាយ​ថា​៖ “Mbappe