Tag: Barcelona
Football News
De Jong ឆ្លើយតបពីមូលហេតុមិនទៅ Man Utd ឬ Chelsea ខណៈក្លឹបទាំងពីរចង់បាន
ខ្សែបម្រើ Frenkie de Jong បាននិយាយទៅកាន់សារព័ត៌មានឆ្លើយនឹងបញ្ហាពាក់ព័ន្ធនឹងមូលហេតុដែលកីឡាករនេះមិនផ្លាស់ចេញពីក្លឹប Barcelona ទៅកាន់ក្លឹប Manchester United ឬក៏ក្លឹប Chelsea ខណៈក្លឹបទាំងពីរដេញចង់បានគេរហូតមកកាលពីរដូវកាលទិញដូរកីឡាកររដូវកាលក្ដៅកន្លងទៅនេះ។ De Jong បាននិយាយថា៖” សម្រាប់ខ្ញុំគឺថាខ្ញុំធ្លាប់សម្រេចច្បាស់លាស់ហើយកាលពីខែឧសភា ថាខ្ញុំនឹងនៅបន្តជាមួយក្លឹបនេះដដែល អញ្ចឹងហើយចិត្តរបស់គឺអត់ត្រូវមានការគិតគូរពីរឿងទាំងហ្នឹងទេ។ ខ្ញុំមានអារម្មណ៍ថានៅក្លឹបនេះស្វាគមន៍ខ្ញុំ ទាំងមិត្តរួមក្រុមខ្ញុំក៏អញ្ចឹង អត់មានអីប្រែប្រួលផង “។ កីឡាករនេះបន្តថា៖” ពាក់ព័ន្ធនឹង Chelsea និង Man Utd ចង់បាន? និយាយទៅមានរឿងជាច្រើនដែលបានកើតឡើង ហើយរឿងខ្លះស្មុគស្មាញបន្តិច ប៉ុន្តែខ្ញុំសម្រេចចិត្តហើយតាំងពីដំបូងថានៅទីនេះបន្ត “។ កាលពីរដូវកាលទិញដូរកីឡាកររដូវកាលក្ដៅកន្លងទៅនេះ De Jong ត្រូវបាន Man Utd និង Chelsea ចង់បានដោយជាពិសេសគឺ Man Utd បានហ៊ានឲ្យថ្លៃជាច្រើនដើម្បីចង់បាន ប៉ុន្តែនៅតែត្រូវបានបដិសេធដោយសមីខ្លួន។ តាមប្រភពល្ហិចល្ហៀងជាច្រើនបានឲ្យថា មូលហេតុមួយក្នុងចំណោមច្រើន ដែលធ្វើឲ្យ De Jong មិនទាន់ចង់ចាកចេញ ព្រោះ Barca មិនទាន់ឲ្យលុយជំពាក់នឹងកីឡាករនេះអស់នៅឡើយ៕
23 Sep 2022
15 views
Football News
Ramos ខកចិត្តខ្លាំងរឿងមិនជាប់ជម្រើសជាតិអេស្ប៉ាញ
ខ្សែការពាររបស់ PSG កីឡាករ Sergio Ramos ខកចិត្តជខ្លាំងដែលមិនជាប់ក្នុងជម្រើសរបស់លោក Luis Enrique លេងពាន Nations League ខណៈអេស្ប៉ាញត្រៀមជួបស្វីសនិងព័រទុយហ្គាល់។ ក្រៅពី Ramos លោក Enrique ក៏មិនបានកោះហៅខ្សែបម្រើរបស់ Liverpool កីឡាករ Thiago Alcantara និងកីឡាករវ័យក្មេង Ansu Fati របស់ Barcelona។ ប៉ុន្តែលោកបានកោះហៅកីឡាករចំណូលថ្មី Borja lglesias និង Nico Williams។ Ramos បានជួបបញ្ហាកាយសម្បទាបន្ទាប់ពីផ្លាស់ទៅកាន់ PSG កាលពីខែកក្កដា ឆ្នាំ២០២១។ ប៉ុន្តែសម្រាប់រដូវកាលថ្មីនេះគេបានបង្ហាញទម្រង់លេងល្អឡើងវិញ ដោយចាប់ផ្ដើមជាជម្រើសដំបូង១០ប្រកួតក្នុងចំណោម១១ប្រកួតគិតគ្រប់កម្មវិធីរបស់ PSG។ ក្នុងនោះគេរកបានមួយគ្រាប់ និងបិទមិនឲ្យមានគ្រាប់បាល់ចំនួន៦ប្រកួត។ ប្រភពពី Football Espana ឲ្យដឹងថា អតីតកីឡាកររបស់ Real Madrid រូបនេះបាននិយាយថា គេពិតជាសោកស្ដាយខ្លាំងដែលមិនបានជាប់ទៅលេងនៅ Nations League ទោះបីបានបង្ហាញការពង្រឹងសមត្ថភាពនៅចាប់ផ្ដើមរដូវកាលនេះក៏ដោយ។ យ៉ាងណាមិញ
21 Sep 2022
22 views
Football News
Xavi ចង់យក Asensio មក Barcelona នៅខែមករាខាងមុខ
Barcelona កំពុងត្រៀមដេញថ្លៃទិញយកខ្សែបម្រើប្រយុទ្ធរបស់ Real Madrid កីឡាករ Marco Asensio មកកាន់ទឹកដី Camp Nou។ ក្រុមរបស់លោក Xavi កំពុងមានគម្រោងបន្តការចំណាយរបស់ពួកគេពេលដែលទីផ្សារដោះដូរកីឡាករបើកម្ដងទៀតនៅខែមករាខាងមុខ។ Asensio ត្រូវបានរាយការណ៍ថាជាគោលដៅមួយរបស់អ្នកចាត់ការវ័យ៤២ឆ្នាំ។ Asensio នៅសល់កុងត្រាតិចជាងមួយឆ្នាំក្នុងកិច្ចសន្យារបស់គេក្លឹប Madrid។ ហើយបើតាម The Sun កីឡាករវ័យ២៦ឆ្នាំឆាប់ៗអាចនឹងផ្លាស់មកកាន់ក្លឹបគូប្រជែង Barcelona។ កីឡាករសញ្ជាតិអេស្ប៉ាញមានការទាក់ទងផ្ទេរចេញពី Bernabeu អំឡុងពេលរដូវក្ដៅនេះ ប៉ុន្តែមិនអាចកើតឡើង ខណៈគេនឹងចាកចេញដោយគ្មានតម្លៃខ្លួននៅឆ្នាំក្រោយ។ ត្បិតរដូវក្ដៅនេះ Barca បាននាំចូលកីឡាករសំខាន់ៗដូចជា Robert Lewandowski និង Raphinha ប៉ុន្តែពួកគេនៅតែមានគម្រោងចង់បន្តចំណាយលុយទៀត ដើម្បីពង្រឹងខ្លួនឲ្យឡើងជាក្រុមកំពូលនៅអឺរ៉ុបវិញ។ Barca ចាប់អារម្មណ៍លើ Asensio ដោយសារតែគេនៅក្មេង កម្រិតនៃការលេង និងបច្ចេកទេស៕
20 Sep 2022
22 views
Football News
Fabrizio Romano បង្ហើបឲ្យដឹងពីអនាគតរបស់ Messi ជុំវិញដំណឹងថា Barca ចង់យកមកវិញ
អ្នកកាសែត Fabrizio Romano បានចុះផ្សាយថា ខ្សែប្រយុទ្ធ Lionel Messi មិនទាន់បានធ្វើការសម្រេចចិត្តលើអនាគតរបស់គេនៅឡើយទេគឺទាល់តែព្រឹត្តិការណ៍បាល់ទាត់ពិភពលោក នៅកាតា ចប់សព្វគ្រប់។ Messi បានចំណាយពេលមួយរដូវកាលហើយជាមួយ Paris Saint-Germain បន្ទាប់ពីផ្ទេរពី Barcelona មកកាន់ទឹកដី Parc des Princes ដោយគ្មានតម្លៃខ្លួននៅរដូវក្ដៅឆ្នាំមុនខណៈពេលនេះ កុងត្រារបស់គេជាមួយក្លិបអ្នកមាននៅបារាំងមួយនេះនឹងអស់សុពុលភាពនៅរដូវក្ដៅឆ្នាំក្រោយនេះហើយ។ Romano បានបង្ហើបថា ទាំង PSG និង Barca សុទ្ធតែចង់បានម្ចាស់ពាន Ballon d’Or ៧សម័យរូបនេះ ពោលគឺ PSG ចង់បន្តកុងត្រាថ្មីដល់រូបគេ ប៉ុន្តែ Barcelona ក៏ចង់បានគេមករួមក្រុមវិញដែរ៕
14 Sep 2022
36 views
Football News
Xavi ថា ជាថ្ងៃត្រូវឈ្នះ Bayern Munich មិនសមចាញ់សោះ
ក្រុម Barcelona នៅតែមិនអាចសងសឹក Bayern Munich បាន បន្ទាប់ពីចាញ់ ២-០ ក្នុងការប្រកួតសន្សំពិន្ទុក្នុងពូល C នៃពានរង្វាន់ Champions League។ ២គ្រាប់របស់ក្រុមម្ចាស់ផ្ទះ Bayern ធ្វើបានដោយខ្សែការពារ Lucas Hernandez និងខ្សែបម្រើប្រយុទ្ធ Leroy Sane។ ជំនួបនេះលោក Xavi ពិតជាចង់ឈ្នះ Bayern ខ្លាំងណាស់ បន្ទាប់ពីរដូវកាលមុនក្នុងពាន UCL នេះដូចគ្នា Barca បានចាញ់ក្រុមយក្សរបស់អាល្លឺម៉ង់ទាំងពីរជើងសរុប ៦-០។ ក្រោយបញ្ចប់ការប្រកួត អ្នកចាត់ការ Xavi បានបង្ហាញអារម្មណ៍មិនសប្បាយចិត្ត ដោយគិតថាក្រុមរបស់ខ្លួនសមតែឈ្នះ មិនសមចាញ់សោះ។ និយាយប្រាប់សារព័ត៌មានបុរសសញ្ជាតិអេស្ប៉ាញលើកឡើងថា Barca ល្អជាង Bayern ក្នុងទិដ្ឋភាពជាច្រើន ជាពិសេសការគ្រប់គ្រងនៅវគ្គទីមួយ។ វាជាថ្ងៃត្រូវឈ្នះ ដោយសារក្រុមលេងដោយអារម្មណ៍ល្អនិងមានឱកាសទាត់ច្បាស់ៗដល់ទៅ៧ដង។ តាមរយៈលទ្ធផលខាងលើ Bayern ឈរកំពូលតារាងពូល C ឆ្លងកាត់២ប្រកួតមាន៦ពិន្ទុពេញ ខណៈ Barcelona នៅលេខពីរមាន៣ពិន្ទុស្មើគ្នាជាមួយ Inter
14 Sep 2022
33 views
Football News
Gavi បន្តកុងត្រាថ្មីនឹង Barca ជាមួយតម្លៃផ្ដាច់កុងត្រា ១ពាន់លានដុល្លារ
ខ្សែបម្រើ Gavi បានបន្តកុងត្រាថ្មីជាមួយក្លឹប Barcelona ជាផ្លូវការនៅក្នុងថ្ងៃនេះ។ កីឡាករវ័យ១៨ឆ្នាំរូបនេះ បានព្រមព្រៀងបន្តកុងត្រាថ្មីនឹង Barca រហូតដល់ថ្ងៃទី៣០ ខែមិថុនា ឆ្នាំ២០២៦ ជាមួយនឹងតម្លៃផ្ដាច់កុងត្រារហូតទៅដល់ ១ពាន់លានដុល្លារ (១ប៊ីលានដុល្លារ)។ Gavi ជាចំណោមកីឡាករវ័យក្មេងដែលមានតម្លៃខ្លួនខ្ពស់បំផុតរហូតទៅដល់ ៦០លានដុល្លារ។ កីឡាករនេះជាកីឡាករដែលបណ្ដុះបណ្ដាលដោយ Barca តាំងពីវ័យក្មេងមក ដោយមកលេងឲ្យក្រុមឈូតធំ Barca នៅរដូវកាលឆ្នាំ២០២១/២២ រហូតមកដោយចូលលេងបាន ៥៤ប្រកួត និងស៊ុតចូល២គ្រាប់៕
14 Sep 2022
24 views
Football News
Xavi ព្រមានថា នឹងផ្លាស់ប្ដូរប្រវត្តិសាស្រ្ដពេលប៉ះ Bayern Munich យប់នេះ
អ្នកចាត់ការ Xavi ជឿជាក់ថា Barcelona នឹងអាចផ្លាស់ប្ដូរប្រវត្តិសាស្រ្ដ បន្ទាប់ពីធ្វើមិនសូវបានល្អរាល់ពេលប៉ះ Bayern Munich នៅប៉ុន្មានប្រកួតចុងក្រោយនេះ។ Barcelona នឹងត្រូវទៅសួរសុខទុក្ខ Bayern នៅរាត្រីនេះក្នុងការប្រកួតវគ្គសន្សំពិន្ទុពូល C នៃពានរង្វាន់ Champions League។ Bayern បានឈ្នះនៅ៤ប្រកួតចុងក្រោយពេលប៉ះ Barca ក្នុងនោះពួកគេបានឈ្នះ ៣-០ ក្នុងវគ្គសន្សំពិន្ទុកាលពីរដូវកាលមុន និងឈ្នះ ៨-២ ក្នុងវគ្គ៨ក្រុមចុងក្រោយកាលពីឆ្នាំ២០២០។ ត្បិតជួបលទ្ធផលមិនបានល្អបែបនេះក្ដី តែលោក Xavi ជឿជាក់ថាក្រុមរបស់ខ្លួននឹងបញ្ចប់ដំណើរអវិជ្ជមាន។ មុនការប្រកួតមកដល់អ្នកចាត់ការសញ្ជាតិអេស្ប៉ាញបាននិយាយថា៖ “ខ្ញុំគិតថាមានការរំពឹងទុកជាច្រើនមកលើពួកយើង។ ការប្រកួតមិនអាចផ្លាស់ប្ដូរអ្វីបានឡើយ ពួកយើងមិនអាចសន្និដ្ឋានបានទេ”។ លោកបានបន្ថែមទៀតថា៖ “៩ខែបានកន្លងផុតទៅ ហើយគ្រប់យ៉ាងមើលទៅខុសគ្នា។ ពួកយើងបានផ្លាស់ប្ដូរទិដ្ឋភាពជាច្រើន។ ពួកយើងមើលឃើញថាពួកយើងមានសមត្ថភាពប្រកួតប្រជែង។ ពួកយើងពិតជារំភើប និងអាចឈ្នះការប្រកួតនេះ ផ្លាស់ប្ដូរប្រវត្តិសាស្រ្ដ។ ពួកយើងនឹងបង្ហាញថាពួកយើងស្ថិតនៅកម្រិតណា”៕
13 Sep 2022
19 views
Football News
Mane រំឭក Muller ហាមធ្វើរឿងមួយនេះពេលលេងទល់នឹង Lewandowski
Thomas Muller នឹងឈរលើទីលានម្ដងទៀតជាមួយ Robert Lewanowski ក្នុងពានរង្វាន់ Champions League ប៉ុន្តែលើកនេះពាក់អាវក្លឹបខុសគ្នា។ មុនការប្រកួតមកដល់ Muller បានទម្លាយរឿងមួយដែល Sadio Mane បានប្រាប់ខ្លួនមុនពេលលេងទល់មុខនឹង Lewandowski។ “Mane បានប្រាប់ខ្ញុំកាលពី១០ថ្ងៃមុនត្រូវប្រុងប្រយ័ត្នមិនត្រូវប៉ះបាល់ឲ្យ Lewandowski ទេ។ ពួកយើងត្រូវលេងការប្រកួតរបស់ពួកយើងនៅថ្ងៃស្អែក ហើយមិនផ្ដោតខ្លាំងទេលើ Lewandowski “។ សម្ដី Muller ក្នុងសន្និសីទកាសែត។ Lewandowski និង Muller បានចាប់ដៃគូប្រយុទ្ធជាមួយគ្នា៨រដូវកាលនៅ Bayern ដោយសហការរកគ្រាប់បាល់បានជាច្រើនគ្រាប់។ យ៉ាងណាមិញ ក្នុងរដូវក្ដៅនេះ កីឡាករសញ្ជាតិប៉ូឡូញបានផ្លាស់មកកាន់ Barcelona ដើម្បីស្វែងរកការប្រកួតប្រជែងថ្មី។ Bayern Munich នឹងបើកកីឡាដ្ឋាន Allianz Arena ស្វាគមន៍ Barcelona ក្នុងការប្រកួតវគ្គសន្សំពិន្ទុពូល C នៃពានរង្វាន់ Champions League រាត្រីនេះម៉ោង២រំលងអាធ្រាត្រ៕
13 Sep 2022
26 views
Football News
Xavi ប្រកាសថា Pjanic នឹងចាកចេញពី Barca ផ្លាស់កាន់ក្លឹបនៅអារ៉ាប់រួម
លោក Xavi គ្រូបង្គោលក្លឹប Barcelona បាននិយាយទៅកាន់សារព័ត៌មាននៅក្នុងថ្ងៃនេះថា ខ្សែបម្រើ Miralem Pjanic នឹងចាកចេញពីក្លឹបផ្លាស់ទៅក្លឹប Sharjah ដែលជាក្លឹបនៅលីគកំពូលរាជាណាចក្រអារ៉ាបរួម។ លោក Xavi បានលើកឡើងថា៖” Pjanic សម្រេចចាកចេញដើម្បីស្វែងរកឱកាសផ្សេងៗបន្ថែមទៀត។ គេជាកីឡាករអាជីពដ៏អស្ចារ្យមួយរហូតមក អញ្ចឹងខ្ញុំធ្លាប់គិតថាគេនឹងមានឱកាសជាមួយយើងនៅនេះ ប៉ុន្តែមនុស្សម្នាក់ៗគេរើសផ្លូវដើរគេរៀងខ្លួនអញ្ចឹងហើយ។ បើយោងតាមការចុះផ្សាយរបស់កំពូលអ្នកកាសែត Fabrizio Romano បានឲ្យដឹងថា Pjanic និងក្លឹប Sharjah បានព្រមព្រៀងគ្នាតាំងពីកាលថ្ងៃម្សិលមិញម្ល៉េះ។ កីឡាករនេះនឹងផ្លាស់ទៅកាន់ក្លឹបនេះក្នុងកុងត្រា៣ឆ្នាំ។ នៅក្នុងឆ្នាំនេះ Pjanic មានវ័យ៣២ឆ្នាំហើយ ដោយចាប់ជាកីឡាករក្រុមឈុតធំកាលរដូវកាលឆ្នាំ២០០៧/២០០៨ រហូតមកដល់បច្ចុប្បន្ន ដោយលេងក្លឹប Metz, Lyon, Roma, Juventus, Barcelona និង Beşiktaş (ក្នុងលក្ខខ័ណ្ឌខ្ចីជើងកាលពីរដូវកាលឆ្នាំ២០២១/២២៕
06 Sep 2022
31 views
Football News
ខ្សែការពារវ័យក្មេង Dest ការចាកចេញពី Barca ទៅ AC Milan ជារឿងងាយសម្រេចចិត្តបំផុត
ខ្សែការពារសញ្ជាតិអាមេរិក Sergino Dest បានធ្វើការបកស្រាយនៅក្នុងថ្ងៃនេះពីមូលហេតុដែលផ្លាស់ទៅពីក្លឹប Barcelona ទៅកាន់ AC Milan ក្នុងលក្ខខ័ណ្ឌខ្ចីជើងថា ជារឿងងាយសម្រេចចិត្តបំផុត ព្រោះគេត្រូវការម៉ោងលេង ដើម្បីចូលរួមប្រកួត World Cup ។ Dest បាននិយាយថា៖” ខ្ញុំត្រូវការម៉ោងលេងដើម្បីប្រកួត World Cup។ ខ្ញុំត្រូវការលេង មិនសម្រាប់ដើម្បីតែ World Cup តែមួយទេ។ ខ្ញុំត្រូវការអញ្ចឹងតែម្ដង។ ពួកគេផ្ដល់ឱកាសល្អដល់ខ្ញុំ អញ្ចឹងខ្ញុំអត់មានគិតអីច្រើនទេគឺទៅលេងតែម្ដង “។ កីឡាករវ័យ២០ឆ្នាំនេះបានលើកឡើងថា ការសម្រេចចិត្តចាកចេញនេះគឺលឿនមែនទែនត្រឹមតែ១ថ្ងៃ នៅពេលខាង AC Milan ទាក់ទងមក គេក៏សម្រេចទៅតែម្ដង ដើម្បីចាប់យកឱកាសថ្មី។ Dest ផ្លាស់ទៅកាន់ AC Milan ក្នុងលក្ខខ័ណ្ឌខ្ចីជើងមានកុងត្រា១ឆ្នាំ និងក្លឹបមានលក្ខខ័ណ្ឌអាចទិញយកពី Barca បាន៕
05 Sep 2022
51 views
Football News
អ្នកគាំទ្រថា ក្រោយ Jules Kounde គួរតែ Barca ទិញក្នុងតម្លៃ ១០០ លានទើបត្រូវ
ក្រោយ Jules Kounde បង្ហាញទម្រង់លេងនៅក្នុងការប្រកួតទល់នឹង Sevilla យប់មិញល្អពេក អ្នកគាំទ្រថា Barcelona គួរតែទិញយកខ្សែការពារសញ្ជាតិ បារាំង រូបនេះក្នុងតម្លៃ ១០០ លានទើបត្រូវ។ ជាការពិតណាស់ នៅរដូវក្តៅនេះ Kounde ត្រូវបាន Barcelona ទិញយកពី Sevilla ក្នុងតម្លៃ ៥០ លានដុល្លារអាមេរិក ខណៈយប់មិញនេះនៅក្នុងការបង្ហាញខ្លួនជម្រើសដំបូងឱ្យក្រុមអ្នកមានបុណ្យ Kounde បានចូលរួមបញ្ជូន (assist) ២ គ្រាប់ជួយឱ្យ Barca បំបាក់ Sevilla ក្នុងលទ្ធផល ៣-០។ ក្រោយបញ្ចប់ការប្រកួតខាងលើ អ្នកគាំទ្របានបង្ហាការកោតសរសើរចំពោះ Kounde ជាខ្លាំង ហើយពួកគេបានបញ្ចេញមតិនៅលើ Twitter យ៉ាងដូច្នេះថា៖ “Kounde គួរតែមានតម្លៃ ១០០លាននៅទីផ្សារដោះដូររដូវក្តៅនេះ… គាត់ពិតជាអស្ចារ្យណាស់”៕
04 Sep 2022
42 views
Football News
កីឡាករ Jordi Alba របស់ក្លិប Barca គ្រោងចូលនិវត្តន៍នៅក្លិបតែម្ដង
ខ្សែការពារ Jordi Alba មិនសប្បាយចិត្តសោះនឹងព័ត៌មានចចាមអារ៉ាមដែលថាគេនឹងចាកចេញពីក្លិប ដែលការពិតគឺរូបគេចង់ចូលនិវត្តន៍នៅ Barcelona តែម្ដង។ Alba គឺជាកីឡាកររៀមច្បងម្នាក់ក្នុងក្រុម ដោយរូបគេបានផ្ទេរមកទឹកដី Camp Nou កាលឆ្នាំ២០១២ ហើយថ្មីៗនេះ លេចឮថាក្លិបចង់ដាក់គេឲ្យ Inter Milan ខ្ចីជើងស្របពេលការមកដល់របស់ Marcos Alonso ពី Chelsea ។ នៅរដូវកាលនេះ Jordi Alba បានទទួលការរិះគន់យ៉ាងក្រាស់ក្រែលពីសំណាក់អ្នកគាំទ្រ ក្នុងការប្រកួតទល់នឹង Rayo Vallecano។ ដូច្នេះហើយទើបមានសារព័ត៌មានពីអេស្ប៉ាញចុះផ្សាយថាភាគីលោក Xavi Hernandez មិនត្រូវការ Alba ក្នុងក្រុមទៀតនោះឡើយ។ គួរបញ្ជាក់ផងដែរថា Jordi Alba បង្ហាញខ្លួនបាន៤៣១ប្រកួតឲ្យ Barcelona ដោយស៊ុតបញ្ចូលទីបាន២៥គ្រាប់ និងបញ្ជូនបាល់បាន៩៤គ្រាប់៕
03 Sep 2022
35 views
Football News
កីឡាករ Martin Braithwaite សម្រេចចិត្តផ្លាស់ទៅក្លិប Espanyol ជាផ្លូវការ
កីឡាករ Martin Braithwaite សម្រេចចិត្តផ្លាស់ទៅក្លិប Espanyol ជាផ្លូវការ បន្ទាប់ពីក្លិប Barcelona សម្រេចចិត្តផ្តាច់កុងត្រារបស់គេ។ ជាការពិតណាស់ Braithwaite ចាប់ផ្តើមអស់តួនាទី ក្រោយពី Barca បានយក Lewandowski មករួមក្រុម។ ទោះបីជា Braithwaite ចង់បន្តស្នាក់នៅ Camp Nou ក្តី ក៏លោក Xavi បានបញ្ជាក់ច្បាស់ហើយថា Braithwaite គឺមិនស្ថិតក្នុងគម្រោងរបស់ក្រុមទេ ដូច្នេះហើយទើបថ្មីៗនេះ ក្លិបបានប្រកាសផ្តាច់កុងត្រាគេតែម្តង។ បើយោងទៅតាមសារកាសែត Sports Mole បានចុះផ្សាយឲ្យដឹងថា ក្លិប Espanyol បានយក Braithwaite ទៅរួមក្រុមពី Barca ជាមួយនឹងកុងត្រារយៈពេល ៣បីឆ្នាំ ពោលគឺដល់ឆ្នាំ ២០២៥៕
02 Sep 2022
39 views
Football News
ល្បីថា Chelsea យកបាន Aubameyang ពី Barcelona ហើយ
ក្លឹប Chelsea បាននាំយកបាន ខ្សែប្រយុទ្ធ Pierre Aubameyang ពីក្លឹប Barcelona នៅក្នុងថ្ងៃនេះហើយ។ បើយោងតាមកំពូលអ្នកកាសែត Fabrizio Romano។ នៅខណៈនេះ Chelsea និង Barca បានព្រមព្រៀងគ្នាទិញលក់ Aubameyang ហើយដោយ Chelsea ត្រូវចាយអស់១៤លានអ៊ឺរ៉ូ និងឲ្យ ខ្សែការពារ Marcos Alonso ទៅកាន់ Barca ។ កីឡាករនេះនឹងចុះកុងត្រាជាមួយ Chelsea រយៈពេល២ឆ្នាំ ព្រមទាំងលក្ខខ័ណ្ឌបន្តកុងត្រា១ឆ្នាំទៀត។ Aubameyang ត្រូវបានគេរំពឹងថានឹងធ្វើដំណើរទៅកាន់អង់គ្លេសក្នុងពេលឆាប់ៗនេះ ដើម្បីបញ្ចប់ឯកសារកុងត្រាទាំងនេះ។ Barca យកបាន Aubameyang ដោយ Free Transfer កាលពីខែមករា ឆ្នាំ២០២២កន្លងទៅ ក្រោយគេបញ្ចប់កុងត្រានឹង Arsenal ដោយពេលផ្លាស់មក Barca នេះ គេបានទម្រង់លេងល្អដោយធ្វើឲ្យ Chelsea ចង់បាន៕
02 Sep 2022
36 views
Football News
Dani Carvajal ត្រូវបានក្រុមចោរ ប៉ុនប៉ងចូលប្លន់ផ្ទះនៅទីក្រុង Madrid អេស្ប៉ាញ
ខ្សែការពារ Dani Carvajal ត្រូវបានចោរមួយក្រុម ប៉ុនប៉ងចូលប្លន់ផ្ទះរបស់គេនៅឯតំបន់ Boadilla del Monte ដែលជាតំបន់ក្បែរទីក្រុង Madrid ប្រទេសអេស្ប៉ាញ កាលពីថ្ងៃទី៣០ ខែសីហា ឆ្នាំ២០២២កន្លងទៅនេះ។ ចោរក្រុមមួយនេះ មានគ្នា៣នាក់ប្រដាប់ដោយរបាដែក ដោយបានធ្វើសកម្មភាពគាស់ផ្ទះកីឡាករ Real Madrid ខាងលើនេះដើម្បីចូលប្លន់យកទ្រព្យសម្បត្តិ ប៉ុន្តែបានដកថយឈប់សកម្មភាពវិញព្រោះប្រព័ន្ធសុវត្ថភាពរបស់ផ្ទះបានពន្លឺសម្លេងឡើង និងថតជាប់សកម្មភាពរបស់ពួកគេ។ នៅក្នុងហេតុនោះ Carvajal មិនបាននៅផ្ទះខាងលើទេ ដោយមានតែអ្នកធ្វើការនៅផ្ទះរបស់គេប៉ុណ្ណោះ ដោយក្នុងថ្ងៃនេះកីឡាករនេះបានដាក់ពាក្យបណ្ដឹង ហើយប៉ូលិសកំពុងតែស៊ើបអង្កេតលម្អិត។ កាលពីពេលថ្មីៗនេះ ចោរមួយក្រុមក៏បានចូលប្លន់ផ្ទះកំពូលកីឡាករបាល់ទាត់ម្នាក់ផងដែរគឺ ខ្សែប្រយុទ្ធ Aubameyang នៅឯទីក្រុង Barcelona ប្រទេសអេស្ប៉ាញ ដែលជាលទ្ធផលគេត្រូវបានក្រុមចោរវាយឲ្យរបួសថ្គាម និងបាត់បង់ទ្រព្យសម្បិត្តិក្នុងផ្ទះ៕
02 Sep 2022
46 views
Football News
Bernardo Silva បញ្ជាក់ច្បាស់ៗហើយថា នឹងនៅបន្តជាមួយ Man City
ខ្សែបម្រើ Bernardo Silva បាននិយាយទៅកាន់សារព័ត៌មាន RAC1 នៅក្នុងថ្ងៃនេះថា គេនឹងនៅបន្តជាមូយក្លឹប Manchester City ខណៈរាល់ដងគេមិនដែលនិយាយច្បាស់ៗបែបនេះទេ។ កន្លងមកនេះកីឡាករខាងលើនេះត្រូវបានគេដឹងថា មានក្លឹបដូចជាក្លឹប Barcelona និង Paris Saint Germain ដែលធ្វើឲ្យសម្រេចចិត្តមិនច្បាស់លាស់នឹងអនាគតបន្តនៅ Man City ដល់ថ្នាក់ លោក Pep Guardiola អ្នកចាត់ការ Man City បានត្រឹមសង្ឃឹមគេនឹងបន្តជាមួយក្រមលោក។ យ៉ាងណានៅក្នុងថ្ងៃនេះ Bernardo បាននិយាយច្បាស់ៗថា៖” ខ្ញុំនឹងបន្តនៅក្លឹប Manchester City បន្តទៀត។ ខ្ញុំមិនទាន់ទទួលសំណើក្លឹបណាមួយឡើយ អញ្ចឹងខ្ញុំនឹងបន្តនៅ Man City។ ខ្ញុំសប្បាយចិត្តនឹងនៅទីនេះ ហើយការសម្រេចច្បាស់លាស់គឺធ្វើរួចហើយនឹងនៅបន្ត”។ Bernardo Silva បានមកលេងឲ្យ Man City តាំងពីឆ្នាំ២០១៧ នឹងមានកុងត្រារហូតដល់ឆ្នាំ២០២៥៕
01 Sep 2022
38 views
Football News
Aubameyang អាចនឹងសម្រាក៣សប្ដាហ៍ ព្រោះត្រូវក្រុមចោរវាយរបួសថ្គាម
ខ្សែប្រយុទ្ធ Pierre-Emerick Aubameyang អាចនឹងសម្រាក៣សប្ដាហ៍ ដោយសារត្រូវបានក្រុមចោរវាយឲ្យរបួសថ្គាម ក្នុងកំឡុងពេលដែលពួកគេបានធ្វើសកម្មភាពចូលប្លន់ផ្ទះកីឡាកររូបនេះនៅទីក្រុង Barcelona ប្រទេសអេស្ប៉ាញ កាលពីថ្ងៃច័ន្ទ កន្លងទៅនេះ។ នៅក្នុងហេតុការណ៍ខាងលើនេះ Aubameyang និងប្រពន្ធរបស់គេមិនមានរបួសធ្ងន់ធ្ងរឡើយ គ្រាន់តែត្រូវបានចោរវាយ និងប្លន់យកគ្រឿងអលង្ការពីព្រោះគេប៉ុណ្ណោះ។ ក្រុមចោរខាងលើនេះត្រូវបានគេដឹងថា មានគ្នាយ៉ាងតិច ៤នាក់ដោយសុទ្ធតែពាក់ស្រោមមុខ ហើយបានរត់គេចតាមឡានមួយគ្រឿង ក្រោយប្រព្រឹត្តសកម្មភាពប្លន់រួច ដោយពេលនេះសមត្ថកិច្ចកំពុងស្រាវជ្រាវស៊ើបអង្កេតបន្ថែម។ ទោះគេនឹងសម្រាកព្យាយាមបញ្ហាថ្គាមរយៈពេល៣សប្ដាហ៍ក្ដី ប៉ុន្តែរឿងចរចាសិក្សាលើលទ្ធភាពចាកចេញពី Barcelona មកកាន់ Chelsea គឺនៅតែបន្តដដែល៕
01 Sep 2022
32 views
Football News
Aubameyang ត្រូវបានក្រុមចោរវាយ និងចូលប្លន់នៅផ្ទះ ក្នុងទីក្រុង Barcelona
ខ្សែប្រយុទ្ធ Pierre-Emerick Aubameyang ត្រូវបានចោរមួយក្រុមចូលប្លន់នៅផ្ទះរបស់គេ នៅឯទីក្រុង Barcelona ប្រទេសអេស្ប៉ាញ នៅក្នុងថ្ងៃច័ន្ទនេះ។ នេះបើយោងតាមការចុះផ្សាយរបស់ Associated Press។ តាមប្រភពដដែលនេះ Aubameyang និងភារិយារបស់ខ្លួន ត្រូវបានក្រុមចោរវាយ និងបានគម្រាមដោយកាំភ្លើង និងរបាដែក ដើម្បីឲ្យនាំពួកគេទៅកន្លែងទុកគ្រឿងអលង្ការក្នុងផ្ទះខាងលើ។ បើតាមការរាយការណ៍របស់ក្លឹប Barcelona ខ្សែប្រយុទ្ធ Aubameyang និងភារិយារបស់ខ្លួន មានសុវត្ថភាពហើយ មិនមានរបួសធ្ងន់ធ្ងរអ្វីឡើយ គ្រាន់តែបាត់គ្រឿងអលង្ការប៉ុណ្ណោះ។ បើតាមអជ្ងាធរនៅកន្លែងហេតុបានឲ្យដឹង ក្រុមចោរខាងលើនេះ មានគ្នាយ៉ាងតិច ៤នាក់ដោយសុទ្ធតែពាក់ស្រោមមុខ ហើយបានរត់គេចតាមឡានមួយគ្រឿង ក្រោយប្រព្រឹត្តសកម្មភាពប្លន់រួច ដោយពេលនេះសមត្ថកិច្ចកំពុងស្រាវជ្រាវស៊ើបអង្កេតបន្ថែម។ នេះមិនមែនជាលើកទីមួយទេ ដែលកីឡាករបាល់ទាត់ល្បីៗត្រូវបានចោរប្លន់ ដោយកាលពីពេលថ្មីៗនេះក្នុងកំឡុង២សប្ដាហ៍មុន ខ្សែប្រយុទ្ធ Robert Lewandowski ត្រូវបានចោរប្លន់យកនាឡិកាដ៏ថ្លៃមួយគ្រឿង ក្នុងកំឡុងពេល ចុះហត្ថលេខា និងឈរថតរូបជាមួយអ្នកគាំទ្រនៅទីលានហ្វឹកហាត់ Barca ៕
29 Aug 2022
28 views
