Tag: Brighton

ខ្សែ​បម្រើ​ Enock Mwepu ដែល​បច្ចុប្បន្ន​លេង​ឱ្យ​ក្លឹប​លីគ​កំពូល​អង់គ្លេស Brighton បាន​បង្ខំ​ចិត្ត​ចូល​និវត្តន៍​ក្រោយ​ពី​រក​ឃើញ​ថា​មាន​ជំងឺ​បេះដូង​ត​ពូជ។ នេះ​បើ​តាម​សេចក្ដីថ្លែងការណ៍​របស់​ក្លឹប​នៅ​ថ្ងៃ​ច័ន្ទ​នេះ។ កីឡាករ​រូប​នេះ​បាន​ធ្លាក់​ខ្លួន​ឈឺ អំឡុង​ពេល​ចូល​រួម​ជាមួយ​ក្រុម​ជម្រើស​ជាតិ​ហ្សំប៊ី កាល​ពី​ថ្មីៗ​នេះ។ លោក​មិន​បាន​ចូល​រួម​ហាត់​ជាមួយ​មិត្ត​រួម​ក្រុម​ដទៃ​ទៀត​សម្រាប់​ត្រៀម​ប្រកួត​ប៉ះ​នឹង​ក្រុម​ជម្រើស​ជាតិ​ម៉ាលី​ទេ ដោយសារ​តែ​លោក​បាន​សម្រាក​ព្យាបាល​នៅ​មន្ទីរពេទ្យ។ លុះ​នៅ​ពេល​ត្រលប់​មក​អង់គ្លេស​វិញ កីឡាករ Mwepu បាន​ធ្វើ​តេស្ត​សុខភាព​នៅ​ក្លឹប Brighton ហើយ​តេស្ត​នេះ​បាន​រក​ឃើញ​ថា ខ្សែ​បម្រើ​រូប​នេះ​មាន​ជំងឺ​បេះដូង។ ខាង​ក្លឹប​បាន​បញ្ជាក់​ថា ជំងឺ​បេះដូង​នេះ​ទើបតែ​រើ​ឡើង​ នៅ​ពេល​ដែល​កីឡាករ​រូប​នេះ​លេង​កីឡា​ធ្ងន់ៗ។ Mwepu បាន​ចូល​រួម​ជាមួយ​ក្លឹប​អង់គ្លេស​នេះ​តាំង​ពី​ឆ្នាំ២០២១​មក។ កីឡាករ​រូប​នេះ​បង្ហាញ​ខ្លួន ២៧ដង និង​រក​បាន ៣គ្រាប់។ ខ្សែ​បម្រើ​ដើម​កំណើត​អាហ្វ្រិក​រូប​នេះ​បាន​និយាយ​ថា ការ​ចូល​និវត្តន៍​នេះ​ជា​រឿង​ដ៏​ក្រៀមក្រំ​ តែ​ខ្លួន​នឹង​នៅ​តែ​ពាក់ព័ន្ធ​នឹង​កីឡា​បាល់ទាត់ ក្រោម​រូបភាព​ណា​មួយ៕

យោងតាមសេចក្ដីរាយការណ៍បានឲ្យដឹងថាអ្នកចាត់ការទូទៅថ្មីរបស់ក្លិបតោខៀវ Chelsea លោក Graham Potter ត្រូវបានរំពឹងថាទទួលបាន ថ្លៃឈ្នួលនឿយហត់ចំនួន៦០លានផោន (ឬប្រមាណ ៦៩លានដុល្លារ) សម្រាប់កុងត្រា៥ឆ្នាំនៅទឹកដី  Stamford Bridge។ ជាការពិតណាស់ លោក Potter បានចាកចេញពីក្លិប Brighton ក្រោយចំណាយពេលដឹកនាំអស់រយៈពេល៣ឆ្នាំ ផ្លាស់មក Chelsea បន្តតួនាទីពីលោក Thomas Tuchel ។ ជាមួយគ្នានេះ Chelsea ត្រូវបានគេរាយការណ៍ បានចាយ១៥លានផោន​ ដែលជាថ្លៃសំណងជូនក្លិប Brighton ក្នុងការយក លោក Potter មកដឹកនាំ Chelsea ក្នុងកិច្ចសន្យារយៈពេល៥ឆ្នាំ។ ហើយបើយោងតាមកាសែត Daily Mail បានឲ្យដឹងថា លោក Potter ទទួលបាន១ឆ្នាំ ១២លានផោន ដូច្នេះក្នុងកុងត្រារយៈពេល៥ឆ្នាំ លោកទទួលបាន៦០លានផោន៕

លោក​ Graham Potter ត្រូវ​បាន​តែង​តាំង​ជា​ផ្លូវការ​​ក្លាយ​ជា​អ្នកចាត់ការ​ថ្មី​របស់​ Chelsea កាល​ពី​យប់​មិញ​នេះ​ ដោយ​លោក​នឹង​ចាកចេញ​ពី​តំណែង​អ្នកចាត់ការ​ Brighton & Hove Albion។ លោក​ Potter និង​ Chelsea បាន​ព្រមព្រៀង​គ្នា​ធ្វើ​កុងត្រា​រយ​ពេល​វែង​រហូត​ទៅ​ដល់​៥ឆ្នាំ​ ចាប់​ពី​ថ្ងៃ​ប្រកាស​ រហូត​ដល់​ឆ្នាំ​២០២៥។ អ្នកចាត់ការ​ថ្មី​នេះ​ ត្រូវ​បាន​គេ​ដឹង​ថា​ទទួល​បាន​ទុក​ចិត្ត​ និង​ពេញ​ចិត្ត​ខ្លាំង​ពី​ លោក​ Todd Boehly ម្ចាស់​ក្លឹប​របស់​ Chelsea។ ក្រោយ​ចុះ​កុងត្រា​លោក​ Potter សម្ដែង​ក្ដី​រីករាយ​យ៉ាង​ខ្លាំង​ រី​ឯ​ម្ចាស់​ក្លឹប​បាន​ធ្វើ​ការ​អបអរ​ និង​ពេញ​ចិត្ត​ដែល​លោក​ទទួល​ការងារ​នេះ​។ លោក​ Graham Potter មាន​បទពិសោធន៍​នៅ​ក្នុង​ការ​ដឹកនាំ​ក្លឹប​រយៈពេល​១៥ឆ្នាំ ហើយ​ដោយ​ធ្លាប់​ជា​ប្រធាន​បច្ចេកទេស​ឲ្យ​ក្លឹប​បាល់ទាត់​នារី​ គ្រូ​បង្គោល​ក្លឹប​ Östersund អ្នកចាត់ការ​ក្លឹប​ Swansea និង​ Brighton ៕

អតីតវីរបុរស Manchester United លោក Rio Ferdinand ជឿជាក់ខ្ពស់ថាកីឡាករ Reece James, Mason Mount និង Conor Gallagher នឹងឡើងជើងខ្លាំង ក្រោមការដឹកនាំរបស់អ្នកចាត់ការថ្មីលោក Graham Potter។ ជាការពិតណាស់ កាលពីល្ងាចថ្ងៃពុធ កន្លងទៅ Chelsea បានសម្រេចចិត្តបណ្តេញលោក Thomas Tuchel ចេញពីតំណែង បន្ទាប់ក្រុមតោខៀវបរាជ័យក្រោមថ្វីជើងក្រុម Dinamo Zagreb នៃពានរង្វាន់ Champions League ក្នុងលទ្ធផល ១-០ ខណៈនាល្ងាចម្សិលមិញនេះក្លិបដែលមានមូលដ្ឋាននៅទីក្រុងឡុងស៍បានប្រកាសតែងតាំងលោក Potter ជំនួសជាគ្រូបង្វឹកថ្មីជាផ្លូវការ។ ក្រោយ Chelsea តែងតាំងអតីតគ្រូបង្វឹក Brighton លោក Potter ជាគ្រូបង្វឹកថ្មីលោក Ferdinand បានមានប្រសាសន៍យ៉ាងដូច្នេះថា៖ “មានកីឡាករក្មេងៗមួយចំនួន ដែលនឹងអាចឡើងជើងក្រោមការដឹកនាំរបស់គាត់(លោក Potter) ក្នុងនោះមាន Reece James, Mason Mount និង

​លោក​ Graham Potter អ្នកចាត់ការ​ Brighton & Hove Albion នឹង​ក្លាយ​ជា​អ្នកចាត់ការ​ថ្មី​របស់​ Chelsea ដោយ​រង់ចាំ​តែ​ពេល​ប្រកាស​ជា​ផ្លូវការ​ប៉ុណ្ណោះ​។ នេះ​បើ​យោង​តាម​ការ​ចុះ​ផ្សាយ​របស់​កំពូល​អ្នកកាសែត​ Fabrizio Romano នៅ​ក្នុង​ថ្ងៃ​នេះ​។ នៅ​ខណៈ​នេះ​គឺ​ លោក​ Potter និង​ Chelsea បាន​ព្រមព្រៀង​គ្នា​ផ្ទាល់​មាត់​រួច​រាល់​ហើយ​ ដោយ​អ្នកចាត់ការ​រូប​នេះ​នឹង​មក​ដឹកនាំ​ឲ្យ​តោខៀវ​នេះ​ក្នុង​រយៈពេល​យូរ​ ដោយ​នៅ​ក្នុង​ពេល​​រង់​ចាំ​ការ​ធ្វើ​ឯកសារ​កុងត្រា​ដើម្បី​បញ្ចប់​ការ​នាំ​យក​នេះ​។ លោក​ Graham Potter មាន​បទពិសោធន៍​នៅ​ក្នុង​ការ​ដឹកនាំ​ក្លឹប​រយៈពេល​១៥ឆ្នាំ ហើយ​ដោយ​ធ្លាប់​ជា​ប្រធាន​បច្ចេកទេស​ឲ្យ​ក្លឹប​បាល់ទាត់​នារី​ គ្រូ​បង្គោល​ក្លឹប​ Östersund អ្នកចាត់ការ​ក្លឹប​ Swansea និង​ Brighton ៕

លោក Jurgen Klopp បានផ្តាំផ្ញើដំបូន្មានខ្លះៗដល់លោក Erik Ten Hag នៃក្រុម Manchester United បន្ទាប់ពីក្រុមនេះចាញ់ការប្រកួតបើកឆាក Premier League ទាំងពីរប្រកួតរួចមក។ មុនដំបូង Manchester United បានចាញ់ Brighton ២ ទល់នឹង១ បន្ទាប់មក ក៏បន្តចាញ់ Brentford ៤ ទល់នឹង០ ដែលធ្វើឲ្យផ្ទុះការរិះគន់ពីសំណាក់អ្នកគាំទ្រ ខណៈ Man UTD ឈរនៅលេខរៀងទី១៩ក្នុងតារាង Premier League ។ យ៉ាងណាមិញ លោក Klopp បាននិយាយថា៖ “នៅពេលខ្ញុំមកដល់ទីនេះជាង៧ឆ្នាំមុន ខ្ញុំមិនគិតថាពួកយើងនឹងត្រូវលេងល្អភ្លាមៗទេ។ វាមិនមែនលទ្ធផលនោះផ្ដល់ផលមកវិញភ្លាមៗនោះឡើយ។ អ្វីដែលខ្ញុំអាចនិយាយបានគឺខ្ញុំមិនបានអានអ្វីទាំងអស់ ហើយនោះវាធ្វើឲ្យយើងកាន់តែងាយស្រួល។អ្នកមិនចាំបាច់អានពាក្យអស់ទាំងនោះឬត្អូញត្អែរពីវាទេ។ អ្នកត្រូវផ្ដោតសមាធិលើការធ្វើការហើយចាប់ផ្ដើមពីជំហានតូចៗ”៕

អ្នក​ចាត់​ការ​​របស់ Manchester United លោក Erik ten Hag ត្រូវ​បាន​រាយការណ៍​ពិចារណា​ទម្លាក់​ប្រធាន​ក្រុម Harry Maguire ចេញ​ពី​ជម្រើស​​ក្នុង​ជំនួប​ទល់​នឹង Liverpool នៅ​សប្ដាហ៍​ក្រោយ។ ខ្សែ​ការពារ​សញ្ជាតិ​អង់គ្លេស​បាន​ចាប់ផ្ដើម​ជា​ជម្រើស​ដំបូង​នៃ​​​២​ប្រកួត​ដំបូង​ក្នុង​ Premier League ដោយ​លទ្ធផល​ចាញ់ Brighton និង Brentford ធ្វើ​ឲ្យ Man United ស្ថិត​នៅ​បាត​តារា​ជា​លើក​ដំបូង​ចាប់​តាំង​ពី​​ខែ សីហា ឆ្នាំ ១៩៩២។ Maguire បាន​លេង​ចាប់​ដៃ​គូ​គ្នា​ជា​​កីឡាករ​​ចំណូល​ថ្មី​​តម្លៃ​ខ្លួន​៥៥,៣​លាន​ផោន Lisandro Martinez ក្នុង​​២​ប្រកួត​ដំបូង​ ប៉ុន្តែ​​វា​អាច​នឹង​ផ្លាស់​ប្ដូរ​ពេល​ដែល Man United ជួប​ជាមួយ Liverpool។ ប្រភព​ពី Manchester Evening News ឲ្យ​ដឹង​ថា ពេល​ប៉ះ​ហង្សក្រហម លោក Teg Hag ទំនង​នឹង​ដាក់ Martinez លេង​ជាមួយ Raphael Varane វិញ​ម្ដង។ បញ្ជាក់​ថា កាល​ពី​រដូវ​កាល​មុន Man

ខ្សែការពារ​ Harry Maguire ប្រធាន​ក្រុម​ Manchester United ត្រូវ​បាន​អ្នកគាំទ្រ​ឌឺ​ដង​រឿង​ ដឹក​នាំ​កូន​ក្រុម​របស់​ខ្លួន​ឈរ​ច្រឡំ​ជួរ​ មុន​ការ​ប្រកួត​តទល់នឹង​ Bighton កាល​ពី​ថ្ងៃ​អាទិត្យ​កន្លង​ទៅ​នេះ​។ បើ​តាម​វីដេអូ​ដែល​ថត​ជាប់​បាន​ឲ្យ​ដឹង​ថា​ Maguire និង​អ្នក​ចាំទី​ David De Gea បាន​ប្រកែក​គ្នា​រឿង​ការ​ឈរ​របស់​ក្រុម​ Man Utd របស់​ខ្លួន​ ដោយ​ Mgauire ឲ្យ​កូន​ក្រុម​ឈរ​នៅ​ឆ្វេង​ រី​ឯ​ De Gea ចង្អុល​ឲ្យ​ឈរ​នៅ​ខាង​ស្ដាំ​ទើប​ត្រឹម​ត្រូវ​ព្រោះ​ Man Utd ជា​ម្ចាស់​ផ្ទះ​នៃ​ការ​ប្រកួត​។ ជា​លទ្ធផល​ក្រុម​ Man Utd និង​ក្រុម​ Brighton ត្រូវ​បាន​ប្ដូរ​ខាង​គ្នា​ ដោយ​ Man Utd ឈរ​នៅ​ខាង​ស្ដាំ​ រី​ឯ​ Brighton ឈរ​នៅ​ខាង​លើ​ឆ្វេង​។ ដោយ​សារ​តែ​រឿង​នេះ​ Maguire ត្រូវ​បាន​អ្នក​គាំទ្រ​សើច​ចម្អក​ ខណៈ​ដែរ​កីឡាករ​នេះ​ត្រូវ​បាន​អ្នកគាំទ្រ​ សើច​ចម្អក​ និង​ខឹង​សម្បារ​ខ្លាំង​នឹង​សមត្ថភាព​របស់​គេ​តាំង​ពី​រដូវកាល​មុន​មក​ម្ល៉េះ​។ ក្នុង​ការ​ប្រកួត​ខាង​លើ​ Man Utd បាន​ចាញ់​ Brighton

Manchester United បាន​យល់ព្រម​លើ​កិច្ចព្រមព្រៀង​​១៥​លាន​ផោន​ជាមួយ Juventus សម្រាប់​ការ​ផ្ទេរ​​ខ្សែ​បម្រើ Adrien Rabiot ហើយ។ Rabiot ​ដែល​បាន​ធ្លាក់​ចេញ​ពី​​ការ​ពេញ​ចិត្ត​នៅ Juventus និង​​នៅ​សល់​កុងត្រា​តែ​មួយ​ឆ្នាំ​ទៀត​ក្នុង​កិច្ចសន្យា​របស់​គេ​នឹង​ចូលរួម​ជាមួយ Man United ពេល​ដែល​​ភាគី​កីឡាករ​និង​ក្លិប​​និយាយ​លក្ខខណ្ឌ​គ្នា​ត្រូវ​រ៉ូវ។ Juventus បាន​ចុះ​កុងត្រា​​យក​កីឡាករ​វ័យ​២៧​ឆ្នាំ​​ដោយ​គ្មាន​តម្លៃ​ខ្លួន​ពី​ក្លិប PSG កាល​ពី​ឆ្នាំ​២០១៩។ ការ​មក​ដល់​​​សេះបង្កង់​គឺ​ជា​ការ​សម្រេច​ចិត្ត​របស់ Rabiot និង​មាន​ការ​ពិភាក្សា​ជាមួយ​ម្ដាយ​អ្នក​ស្រី Veronique ដែល​ជា​ភ្នាក់ងារ​របស់​គេ​ផ្ទាល់​តែ​ម្ដង។ ត្បិត​តែ​ចរចា​តម្លៃ​គ្នា​ត្រូវ​​ជាមួយ Juventus តែ​ Man United ត្រូវ​និយាយ​លក្ខខណ្ឌ​​ផ្ទាល់​ខ្លួន​​ជាមួយ​អ្នក​ស្រី Veronique ​មួយ​តង់​ទៀត មុន​ឈាន​ដល់​ការ​ចុះ​កុងត្រា​ផ្ទេរ​​យក Rabiot។ បើ​ឆាក​ប្រកួត​ដំបូង​នៅ Premier League ក្លិប​បិសាច​ក្រហម​ធ្វើ​មិន​បាន​ល្អ​ឡើយ​ដោយ​ចាស់ Brighton ២-១ និង​​ចន្លោះប្រហោង​ច្រើន​នៅ​តំបន់​បម្រើ។ ក្រោយ​បញ្ចប់​ការ​ប្រកួត​នេះ​លោក Roy Keane បាន​រិះគន់​ចំ​ៗ​លើ​ខ្សែ​បម្រើ Fred និង McTominay លេង​គ្មាន​គុណភាព ដូច្នេះ​ទើប Man United ចង់​រក​កីឡាករ​ថ្មី​ដើម្បី​បំពេញ​តំបន់​បម្រើ៕

ប្រធានក្រុមរបស់ Manchester United កីឡាករ Harry Maguire បានលើកឡើងថា ក្រុមបិសាចក្រហម នៅតែបង្កើតកំហុសដដែលៗដូចនឹងរដូវកាលមុន ក្រោយរងបរាជ័យក្រោមថ្វីជើងរបស់ Brighton កាលពីយប់មិញ។ ជាការពិតណាស់ កាលពីយប់មិញនេះ Man Utd បានធ្វើឲ្យអ្នកគាំទ្ររបស់ពួកគេជុំវិញពិភពលោកខកចិត្តជាខ្លាំង បន្ទាប់ពីពួកគេបានរងបរាជ័យក្រោមថ្វីជើង Brighton ក្នុងលទ្ធផល ២ទល់នឹង១ នៃការប្រកួតបើកឆាកក្របខណ្ឌ Premier League។ ក្រោយចប់ការប្រកួត Maguire បាននិយាយថា៖ “វាជាសុបិន អាក្រក់ដែលយើងត្រូវបានគេនាំមុខ ២ទល់នឹង០ ក្នុងវគ្គទី១។ វាជាអ្វីដែលយើងត្រូវកែប្រែ បើពុំដូច្នោះទេវានឹងបន្តកើតឡើង។ ការដែលរបូតគ្រាប់បាល់ទី១ បានជះឥទ្ធិពលខ្លាំងមែនទែនដល់កីឡាករទាំង១១នាក់របស់យើងនៅលើទីលាន”៕

អតីត​ខ្សែ​បម្រើ​របស់​ Manchester United លោក Roy Keane បាន​រិះគន់ Fred និង Scott McTominay សម្រាប់​ការ​បង្ហាញ​ទម្រង់​លេង​របស់​ពួក​គេ​កាល​ពី​​ម្សិលមិញ។ បិសាច​ក្រហម​ចាប់​ផ្ដើម​​ប្រកួត​​ដំបូង​សម្រាប់​រដូវ​កាល​២០២២-២៣ ជាមួយ​លទ្ធផល​​ដ៏​ខកចិត្ត​​ចាញ់ Brighton ២-១ នៅ​ក្នុង​កីឡដ្ឋាន Old Trafford។ លោក Keane បាន​ចង្អុល​ទៅ​កាន់ Fred និង McTominay ដោយ​លើក​ឡើង​ថា អ្នក​ទាំង​ពីរ​មិន​ទាន់​ល្អ​គ្រប់គ្រាន់​​ដើម្បី​ជួយ United ឲ្យ​​ត្រលប់​មក​ការ​ប្រកួតប្រជែង​កំពូល​វិញ​ទេ។ United បាន​របូត​គ្រាប់​ទី​មួយ​នៅ​នាទី​៣០ បន្ទាប់​ពី​ Pascal Gross បំប៉ោង​សំណាញ់​ទី។ ខ្សែ​បម្រើ​សញ្ជាតិ​អាល្លឺម៉ង់​ក៏​រក​បាន​មួយ​គ្រាប់​ទៀត​នៅ​៩​នាទី​បន្ទាប់​។ Keane ពិត​ជា​ខឹង​នឹង​លទ្ធផល​នេះ​ណាស់​​​បន្ទាប់​ពី​ការ​ប្រកួត និង​បាន​​បន្ទោស​តំបន់​កណ្ដាល​របស់ Man Utd លេង​គ្មាន​គុណភាព។ និយាយ​ក្រោយ​ចប់​ការ​ប្រកួត Keane ថា Fred និង Mctominay មិន​ទាន់​ល្អ​គ្រប់គ្រាន់​​ក្នុង​ការ​នាំ​បិសាច​ក្រហម​​ត្រលប់​​ទៅ​ការ​ប្រកួត​ប្រជែង​​កំពូល​បាន​នៅ Premier League ឡើយ។ អ្នក​ទាំង​ពីរ​លេង​គ្មាន​ភាព​វ័យ​ឆ្លាត​សោះ សម្រាប់​ទម្រង់​លេង​យប់​មិញ៕

អ្នកចាត់ការទូទៅក្លិប Manchester United លោក Erik ten Hag បានបដិសេធក្នុងការឆ្លើយសំណួររបស់អ្នកសារព័ត៌មានដែលបានសួរលោកថា តើលោកនឹងដាក់កីឡាករ Cristiano Ronaldo ឲ្យលេងជាជម្រើសដំបូងអត់ពេលប៉ះ Brighton។ ជាការពិតណាស់ នៅថ្ងៃអាទិត្យសប្តាហ៍នេះ Man Utd នឹងមានភារកិច្ចសំខាន់ក្នុងការបើកទ្វារកីឡដ្ឋាន Old Trafford របស់ខ្លួនស្វាគមន៍ Brighton ក្នុងការប្រកួតបើកឆាកក្របខណ្ឌ Premier League ខណៈ Ronaldo មិនត្រូវបានគេរំពឹងថានឹងលេងជាជម្រើសដំបូងឡើយ បន្ទាប់ពីរូបគេទើបតែបានវិលត្រឡប់មកហ្វឹកហាត់ជុំគ្នាជាមួយក្រុមឡើងវិញ។ ផ្ទុយទៅវិញ នៅពេលដែលអ្នកកាសែតសួរលោក ថា តើលោកនឹងដាក់ Ronaldo លេងជាជម្រើសដំបូងអត់ ស្រាប់តែលោក Ten Hag បានឆ្លើយយ៉ាងខ្លីថា៖ “ជួបគ្នានៅថ្ងៃអាទិត្យ”៕

Cristiano Ronaldo នឹង​ត្រូវ​​អង្គុយ​នៅ​កៅអី​បម្រុង​​សម្រាប់​ការ​ប្រកួត​បើក​ឆាក​រដូវ​កាល​ថ្មី​២០២២-២៣ Premier League របស់ Manchester United ដោយ​សារ​តែ​អនាគត​របស់​គេ​មិន​ទាន់​ច្បាស់​លាស់។ កីឡាករ​សញ្ជាតិ​ព័រទុយហ្គាល់​​នៅ​សល់​កុងត្រា​រយៈពេល​១២​ខែ​​ទៀត​នៅ Man United ប៉ុន្តែ​​បំណង​របស់​គេ​ចង់​ចាកចេញ​ពី​ក្លឹប​​នៅ​រដូវ​ក្ដៅ​នេះ​​​​ព្រោះ​ចង់​បាន​លេង​នៅ​ពាន​រង្វាន់ Champions League។ កីឡាករ​វ័យ​៣៧​ឆ្នាំ​​បាន​ខកខាន​​សម្រាប់​ការ​ប្រកួត​កម្ដៅ​សាច់ដុំ​របស់ Man United នៅ​ប្រទេស​ថៃ​និង​អូស្ត្រាលី​ ដោយ​សុំ​ច្បាប់​ក្លឹប​ក្រោម​ហេតុផល​គ្រួសារ។ Ronaldo បាន​ត្រឡប់​មក​កាន់​បិសាច​ក្រហម​វិញ​ក្នុង​ការ​ប្រកួត​មិត្តភាព​ទល់​នឹង Rayo Vallecano និង​លេង​​បាន​តែ​៤៥​នាទី​គត់​មុន​ពេល​ដើរ​ចេញ​ពី​កីឡដ្ឋាន​ទាំង​ការ​ប្រកួត​មិនទាន់​​ចប់។ តាម​ប្រភព​ពី The Sun បញ្ជាក់​ថា លោក Erik ten Hag បាន​សម្រេច​ចិត្ត​​​​ Ronaldo នឹង​ចាប់​ផ្ដើម​ប្រកួត​ដំបូង​របស់ Man United ក្នុង​ Premier League ទល់​នឹង​ Brighton ក្នុង​នាម​ជា​កីឡាករ​បម្រុង។ អ្នក​ចាត់​ការ​សញ្ជាតិ​ហុល្លង់​​នឹង​​ដាក់ Jadon Sancho, Anthony Martial និង Marcus Rashford ឲ្យ​ជាប់​ជា​ជម្រើស​១១​នាក់​ដំបូង ក្រោយ​ពួក​គេ​បង្ហាញ​ទម្រង់​លេង​ល្អ​ក្នុង​ការ​ប្រកួត​ Pre-Season៕

ខ្សែបម្រើប្រយុទ្ធ Bruno Fernandes បាននិយាយថា អ្នកគាំទ្រ Manchester United ធ្វើត្រូវហើយ ដែលបានស្រែកចំអកឱ្យគាត់ថា “គាត់មិនសមនឹងពាក់អាវមួយនេះបន្តទៀត” ក្រោយរងបរាជ័យយ៉ាងអាម៉ាស់ក្រោមថ្វីជើងក្រុម Brighton យប់មិញ។ ជាការពិតណាស់ នៅក្នុងការប្រកួតសប្តាហ៍ទី ៣៦ នៃក្របខណ្ឌ Premier League យប់មិញ Man UTD បានរងបរាជ័យយ៉ាងចាស់ដៃក្រោមថ្វីជើងក្រុម Brighton ក្នុងលទ្ធផល ៤ ទល់នឹង ០ ខណៈលទ្ធផលបែបនេះបានធ្វើឱ្យក្រុមបិសាចក្រហមអស់ឱកាសដើម្បីប្រជែងតំណែង top ៤ ហើយ ហើយនៅរដូវកាលក្រោយពួកគេក៏នឹងមិនមានកៅអីលេងនៅ Champions League ឡើយ។ ក្រោយបញ្ចប់ការប្រកួត Bruno ត្រូវបានក្រុមការងារ Sky Sports សួរអំពីចំណាប់អារម្មណ៍យប់មិញ ហើយរូបគេបានឆ្លើយទៅវិញយ៉ាងដូច្នេះថា៖ “ខ្ញុំក៏បានរួមបញ្ចូលនៅក្នុងចំណែកនោះផងដែរ។អ្វីដែលពួកយើងបានធ្វើនៅថ្ងៃនេះ អ្វីដែលខ្ញុំបានធ្វើនៅថ្ងៃនេះពួកយើងគឺមិនសមនឹងពាក់អាវ Man UTD ឡើយ ហើយខ្ញុំគឺព្រមទទួលយកនូវពាក្យនេះ”៕

កាលពីរាត្រីម្សិលមិញត្រូវនឹងថ្ងៃទី ០៧ ខែ ឧសភា ឆ្នាំ ២០២២ ក្រុមម្ចាស់ផ្ទះ Brighton បានបើកទ្វាកីឡដ្ឋាន Falmer Stadium របស់ខ្លួនទទួលស្វាគមន៍ក្រុមភ្ញៀវ Manchester United នៅក្នុងការប្រកួតសប្តាហ៍ទី ៣៦ នៃក្របខណ្ឌ Premier League។ ជាការពិតណាស់ ក្រុម Brighton ពិតជាធ្វើបានល្អមែនទែន ដោយយប់មិញនេះពួកគេបានទទួលជ័យជម្នះយ៉ាងចាស់ដៃទៅលើក្រុមភ្ញៀវ Man UTD ក្នុងលទ្ធផល ៤ ទល់នឹង ០ ។ក្នុងនោះគ្រាប់ដំបូងរបស់ក្រុមម្ចាស់ផ្ទះគឺរកបានដោយ Moises Caicedo នៅនាទីទី ១៥ គ្រាប់ទី ២ រកបានដោយ Marc Cucurella នៅនាទីទី ៤៩ គ្រាប់ទី ៣ រកបានដោយ Pascal Grob នៅនាទីទី ៥៧ និងគ្រាប់ចុងក្រោយរកបានដោយ Leandro Trossard នៅនាទីទី ៦០។ គួរបញ្ជាក់ថា

​ខ្សែ​ការពារ​ Joel Veltman អតីត​កីឡាករ​របស់​ក្លឹប​ Ajax បច្ចុប្បន្ន​នៅ​លេង​ឲ្យ​ Brighton បាន​និយាយ​ទៅ​កាន់​ Sky Sports នៅ​ក្នុង​ថ្ងៃ​នេះ​ថា​ លោក​ Erik Ten Hag ស័ក្ដិសម​នឹង​ទៅ​ដឹកនាំ​ក្លឹប​ Manchester United នេះ​ណាស់​។ Veltman បាន​និយាយ​ថា​៖” ខ្ញុំ​គិត​ថា​វា​ជម្រើស​ល្អ​ណាស់​សម្រាប់​ក្លឹប​ Man Utd ព្រោះ​លោក​ Ten Hag តិចនិក​បច្ចេកទេស​គាត់​គឺ​ល្អ​ណាស់​ ហើយ​ខ្ញុំ​ក៏​គិត​ផង​ដែរ​ថា​នេះ​ជា​អ្វី​ក្លឹប​នេះ​កំពុង​ត្រូវ​ការ​ឥឡូវ​នេះ​ផង​ដែរ​ “។ កីឡាករ​នេះ​បន្ត​ថា​៖” និយាយ​ទៅ​ក្លឹប​ហ្នឹង​ពួក​គេ​មាន​កីឡាករ​លំដាប់​ៗ​អស់​ហើយ​ កីឡាករ​នីមួយៗ​សុទ្ធ​តែ​បង្ហាញ​កម្រិត​សមត្ថភាព​ដល់​កម្រិត​កំពូល​ប្រចាំ​លីគ​ អញ្ចឹង​ពួក​គេ​គ្រាន់​តែ​ត្រូវ​ការ​អ្នក​ដឹកនាំ​ប្រាប់​តិច​តួច​ច្បាស់​លាស់​តែ​ប៉ុណ្ណឹង​។ ច្បាស់​ណាស់​លោក​ត្រូវ​ការ​ដើម្បី​ធ្វើ​អញ្ចឹង​បាន​ តែ​ខ្ញុំ​គិត​ថា​គាត់​ស័ក្ដិសម​នឹង​ក្លឹប​ហ្នឹង​ណាស់​។ សង្ឃឹម​ថា​គាត់​នឹង​រៀប​ចំ​ក្លឹប​ហ្នឹង​ក្លាយ​ក្រុម​ល្អ​ប្រសើរ​ ដឹកនាំ​បាន​នៅ​រដូវកាល​ក្រោយ​នេះ​ “។ លោក​ Ten Hag ត្រូវ​បាន​តែង​តាំង​ជា​ផ្លូវការ​ជា​អ្នកចាត់ការ​ថ្មី​របស់​ Man Utd ចាប់​ពី​រដូវកាល​ក្រោយ​នេះ​ ដែល​ធ្វើ​ឲ្យ​អ្នកគាំទ្រ​ជា​ច្រើន​យល់​ថា​ លោក​នឹង​អាច​ជួយ​ក្រុម​នេះ​ឲ្យ​ល្អ​ប្រសើរ​ឡើង​វិញ​៕

​ក្រុម​តោ​ខៀវ Chelsea ​លេង​បាន​ត្រឹម​ស្មើ​ជាមួយ​ក្រុម Brighton ​ក្នុង​លទ្ធផល ១ ទល់នឹង​ ១ ប៉ុណ្ណោះ​ក្នុង​ការ​ប្រកួត​ពាន​រង្វាន់ English Premier League ​នៅ​យប់មិញ។ ​ខ្សែ​ប្រយុទ្ធ Ziyech ​ជា​អ្នក​រក​គ្រាប់​បាល់​បាន​មុន​ឱ្យ​ក្រុម​តោ​ខៀវ Chelsea ​នៅ​នាទី​២៨ ​ក្រោយ​ពី​ទទួល​បាន​បាល់​ពី​ខ្សែ​បម្រើ Kante ​។ ​តែ​លទ្ធផល​នេះ​មិន​រក្សា​រហូត​ដល់​ចប់​ការ​ប្រកួត​ឡើយ ​នៅ​នាទី​៦០ Webster ​ក៏​រក​គ្រាប់​បាល់​តាម​ស្មើ​ឱ្យ​ក្រុម Brighton ​បាន​វិញ។ ​ដោយ​ចប់​ការ​ប្រកួត ​ក្រុម​ទាំង​ពីរ​រក្សា​លទ្ធផល​ស្មើ​គ្នា ១ ទល់នឹង​ ១ ។​ ​នេះ​ជា​ប្រកួត​ទី​៤​ហើយ​នៅ​ក្របខណ្ឌ Premier League ​ដែល​ក្រុម​របស់​លោក Thomas Tuchel ​មិន​ទាន់​ស្គាល់​ពាក្យ​ថា​ឈ្នះ​នោះ​ទេ។ ​ដោយ​ក្នុង​នោះ​ពួកគេ​លេង​ស្មើ​៣​ប្រកួត ​និង​ចាញ់​ ១​ប្រកួត៕

​យប់​មិញ​នេះ​​តោខៀវ​​ Chelsea ​បាន​ត្រឹម​ស្មើ​ក្រុម Brighton ក្នុងលិទ្ធផល ១ ទល់នឹង ១ ​ក្នុង​​ដី​​របស់​តោ​ខៀវ ​ក្រោយ​ប្រកួត​ចប់ អ្នក​ចាត់​ការ​របស់​ក្លឹប​លោក Thomas Tuchel ​បាន​និយាយ​ទាំង​ខឹង​ថា ​ក្រុម​របស់​ខ្លួន​ពេល​នេះ​ស្ថិត​ក្នុង​ស្ថានភាព​ដូច​ឆ្កួត ក្នុង​ការ​ប្រជែង​ពាន​​ English Premier League ​រដូវ​កាល​នេះ​ ដោយ​សារ​កីឡាករ​របួស​ច្រើន ​ព្រម​ទាំង​មាន​កីឡាករ​ឆ្លង​កូវីដ១៩​ថែម​ទៀត​។ ​​​​​លោក Tuchel បាន​ខឹង​សម្បារ​យ៉ាង​ខ្លាំង​​ក្រោយ​ក្រុម​របស់​ខ្លួន​បាន​ត្រឹម​ស្មើ​គ្នា​ជា​មួយ Brighton ក្នុងលិទ្ធផល ១ ទល់នឹង ១ កាល​ពី​យប់មិញ​នេះ បន្ថែម​លើស​ពី​នេះ​ Chelsea ​​មាន​កីឡាករ​រង​របួស​បន្ថែម​ទៀត​គឺ​ខ្សែ​ការពារកំពុង​ពេញ​ល្អ Reece James ។ លោក​បាន​សង្កត់​ធ្ងន់​ជុំ​វិញ​របួស​របស់ Reece James ថា គឺ​ជា​បួស​សរសៃពួរ​។ ខណៈ​ដែល​ការ​ប្រកួត​បន្ទាប់​ត្រូវ​ធ្វើ​ការ​ធ្ងន់​គឺ​ត្រូវ​លេង​ទល់ Liverpool ​​ស្រប​ពេល​​តោ​ខៀវ​កំពុង​មាន​វិបត្តិ​រឿង​កីឡាករ​ ប៉ុន្តែ​លោក​គ្មាន​ជម្រើស​​ផ្សេង​ ដើម្បី​ស្វែង​រក​កីឡាករ​​មក​ជួយ​ក្រុម​តាម​លទ្ធភាព​ដែល​អាច​ធ្វើ​ទៅ​បាន​នោះ​ឡើយ​។ ​អ្នក​ចាត់​ការ​ដដែល​ថាកង្វះ​កីឡាករ​ធ្ងន់​បំផុត​គឺ​ខ្សែ​ការពារ​ស្លាបដែល​ពេល​នេះ​គឺ​របួស​ទាំង​អស់ ​ដោយ​អ្នក​​ខ្លះ​​ឆ្លង​កូវីដនិង​អ្នក​អ្នក​ខ្លះ​រង​របួស​ដោយ​សារ​​ការ​ប្រកួត​ជាប់​ៗ​គ្នា​។ ​យ៉ាង​ណា​ក៏​មាន​កីឡាករ​មួយ​ចំនួន​កំពុង​ត្រឡប់​ពី​កូវីដ​វិញ​ដែរប៉ុន្តែ​លោក​ក៏​ត្រូវ​ការ​​ពេល​ដើម្បី​ថែរក្សា​​សុខភាព​ពួក​គេ​ពោល​គឺ​មិន​អាច​ដាក់​ឲ្យ​លេង​បាន​ភ្លាម​ៗ​នោះ​ដែរ​។ ​ក្រោយ​ស្មើ​គ្នា​ជា​មួយ Brighton យប់​មិញ​ធ្វើ​ឲ្យ​ Chelsea ត្រូវ​ដាច់​ពិន្ទុ​ពី​ក្រុម​កំពូលតារាង