Tag: Camavinga

ខ្សែបម្រើការពារ Eduardo Camavinga បាននិយាយចេញជាលើកដំបូងចាប់តាំងពីផ្លាស់មកកាន់ក្លឹប Real Madrid ។ ក្លឹបអធិរាជស Real Madrid បានប្រកាសពីការចុះហត្ថលេខាលើកីឡាករសញ្ជាតិបារាំងរូបនេះក្នុងកិច្ចសន្យារយៈពេល ៦ ឆ្នាំរហូតដល់ខែមិថុនាឆ្នាំ ២០២៧ ។ Camavinga៖ “ការលេងឱ្យក្រុម Real Madrid គឺជាក្តីសុបិន្តតាំងពីកុមារភាពរបស់ខ្ញុំ។ ហើយខ្ញុំពិតជារីករាយដែលបានបំពេញក្តីសុបិន្តរបស់ខ្ញុំ”។

ក្រុមអធិរាជស Real Madrid បានចំណាយប្រាក់លើថ្លៃផ្ទេរជាលើកដំបូងក្នុងរយៈពេលពីរឆ្នាំដោយចុះហត្ថលេខាជាមួយខ្សែបម្រើ Eduardo Camavinga ពីក្លឹប Rennes ។ យោងតាមសេចក្តីថ្លែងការណ៍កីឡាករសញ្ជាតិបារាំងវ័យ ១៨ ឆ្នាំរូបនេះបានយល់ព្រមចុះកិច្ចសន្យារយៈពេល ៦ ឆ្នាំជាមួយក្លឹប Real Madrid ក្នុងកិច្ចព្រមព្រៀងដែលមានតម្លៃរហូតដល់ ៤៥ លានផោន។ នេះគឺជាលើកទីមួយហើយដែលក្រុមម្ចាស់ជើងឯកពានរង្វាន់ Uefa Champions League ចំនួន ១៣ សម័យនេះបានចំណាយកញ្ចប់ប្រាក់ផ្ទេរចាប់តាំងពីការចុះហត្ថលេខាជាមួយកីឡាករ Eden Hazard ពី Chelsea ក្នុងតម្លៃ ១០០ លានផោនក្នុងឆ្នាំ ២០១៩ ។

Real Madrid កំពុងខិតជិតមកដល់ហើយក្នុងការចុះហត្ថលេខាជាមួយខ្សែបម្រើការពារ Eduardo Camavinga ពីក្លឹប Rennes របស់លីកបារាំង ។ ក្លឹបស្ដេចស Real Madrid បានដាក់ការដេញថ្លៃចំនួន ៣០ លានផោនជាមួយនឹងការបន្ថែមប្រាក់ផ្សេងៗរួមបញ្ចូលផងដែរនៅក្នុងសំណើនេះបើតាមការបញ្ជាក់ពីលោក Fabrizio Romano បានអះអាង។ Camavinga ខ្លួនឯងចង់ចូលរួមជាមួយក្លឹបស្ដេចស Real Madrid នៅរដូវក្តៅនេះជាជាងក្លាយជាកីឡាករឥតគិតថ្លៃនៅឆ្នាំ ២០២២ ខាងមុខនេះ។ មានសេចក្តីរាយការណ៍ថាខ្សែបម្រើសញ្ជាតិបារាំងវ័យ ១៨ ឆ្នាំរូបនេះបានធ្វើការព្យាបាលរបួសរបស់គាត់រួចហើយ។

យោងតាមគេហទំព័រ Le10Sport បានអោយដឹងថាក្រុម Arsenal ត្រូវបានគេរាយការណ៍ថាអស់សង្ឃឹមក្នុងការនាំយកកីឡាករ Eduardo Camavinga របស់ក្លិប Rennes  ទៅកាន់ទីក្រុងឡុង។ ខ្សែបម្រើសញ្ជាតិបារាំង Eduardo Camavinga មានបាយការណ៍ថាក្រុមធំៗជាច្រើនបានចាប់អារម្មណ៍រូបគេរួមមានក្រុម Real Madrid, Manchester United និង Paris Saint-Germain ។ ទន្ទឹមនឹងនេះបើយោងតាម Mundo Deportivo បានឱ្យដឹងថា Barcelona ចាប់អារម្មណ៍ក្នុងការចុះហត្ថលេខាលើកីឡាករវ័យ ១៨ រូបនេះដើម្បីយកជំនួសកន្លែង Sergio Busquets ដែលមានវ័យកាន់តែច្រើនទៅហើយ ។