Tag: Carrasco

យោងតាមការចុះផ្សាយរបស់អ្នកកាសែត Fabrizio Romano គឺក្លិប Atletico Madrid បានស្នើឲ្យ Manchester United ទិញយក Yannick Carrasco កាលពីទីផ្សារដោះដូរកីឡាករនារដូវក្ដៅកន្លងទៅ។ ភាគីលោក Erik Ten Hag បានស្វែងរកខ្សែប្រយុទ្ធមកពង្រឹងក្រុម ដូច្នេះទើប Atletico Madrid ចង់ឲ្យក្លិបនេះទិញយក Carrasco ដែលបានបង្ហាញខ្លួន២២៥ប្រកួត និងស៊ុតបញ្ចូលទី ៣៨គ្រាប់ព្រមទាំងបញ្ជូនបាល់៣៩គ្រាប់ឲ្យក្លិបផងដែរ។ យ៉ាងណាមិញ Man UTD បានបដិសេធសំណើនេះនិងងាកមកទិញយក Antony ពី Ajax វិញក្នុងតម្លៃដល់ទៅ១០០លានដុល្លារឯណោះ។ នៅរដូវកាលនេះ Yannick Carrasco បានបង្ហាញខ្លួន៦ប្រកួតនិងស៊ុតបញ្ចូលទី១គ្រាប់នៅរដូវកាលនេះ៕

​ក្រុម Cadiz ​បាន​យក​ឈ្នះ​លើ​ក្រុម Atletico Madrid ​ដោយ​បាល់​កាត់​សេចក្ដី​១១​ម៉ែត្រ ​៤-២ ​លើក​ពាន​មិត្ភភាព Pre Season ​ឈ្មោះ​ថា ​Ramon de Carranza cup ​បាន​ហើយ​។ ​សម្រាប់​ការ​ប្រកួត​នេះ​ដែរ ​អ្វី​ដែល​គេ​ចាប់​អារម្មណ៍​ជាង​គេ​នោះ​គឺ​ពាន​រង្វាន់​តែ​ម្ដង។ Cadiz ​លើក​ពាន​នេះ​ត្រូវ​ប្រើ​គ្នា​ដល់​ទៅ​៤​នាក់​ទើប​អាច​លើក​ឱ្យ​ខ្ពស់​បាន។ ខណៈ​ដែល​វិបសាយ​បរទេស​សឹង​តែ​គ្រប់​ទៅ​ហើយ​ដែល​បាន​បង្ហាញ​ចាប់​អារម្មណ៍​ទៅ​លើ​អ្នក​ធ្វើ​ពាន​រង្វាន់​នេះ​ឡើង ដែល​មើល​ទៅ​ពិត​ជា​ធំ​សម្បើម​មែនទែន។ ​ ​និយាយ​ពី​ការ​ប្រកួត​ខាង​លើ​នេះ​វិញ ​ក្រុម AT Madrid ​ជា​អ្នក​បើក​ការ​នាំ​មុខ​មុន​នៅ​នាទី​៤១ ​ដោយ Carrasco ​ប៉ុន្តែ​ជិត​ចប់​ការ​ប្រកួត​ទៅ​ហើយ​នោះ Alberto Perea ​ក៏​រក​គ្រាប់​បាល់​តាម​ស្មើ​ឱ្យ​ក្រុម Cadiz ​វិញ​បាន។ ​ឈាន​ដល់​វគ្គ​ប៉េណាល់ទី ​ក្រុម​របស់​លោក Simeone ​ធ្វើ​មិន​បាន​ល្អ​នោះ​ទេ ដោយ​ចាញ់​ក្នុង​លទ្ធផល ​៤-២៕