Tag: Chelsea

អ្នកចាំទី​ក្លឹប​ Chelsea កីឡាករ​​ Edouard Mendy បាន​និយាយ​ទៅ​កាន់​សារព័ត៌មាន​ Foot Mercato នៅ​ក្នុង​ថ្ងៃ​នេះ​ថា​ គេ​ចង់​ឲ្យ​ ខ្សែ​ប្រយុទ្ធ​ក្លឹប​ Liverpool គឺ​ Sadio Mane ឈ្នះ​ពាន​ UEFA Champions League ក្នុង​រដូវកាល​នេះ​។ Mendy បាន​និយាយ​ថា​៖” ខ្ញុំ​ចង់​ឲ្យ​ Mane គេ​ឈ្នះ​ពាន​ Champions League ប្រាកដ​ណាស់។ នៅ​ក្នុង​រដូវកាល​នេះ​គេ​ធ្វើ​បាន​ល្អ​ណាស់​។ គេ​កំពុង​តែ​ស្ថិត​ក្នុង​ការ​ប្រកួត​ប្រជែង​ដណ្ដើម​ពាន​ Ballon D’or អញ្ចឹង​ហើយ​បើ​ឈ្នះ​ Champions League ទៀត​គឺ​អាច​បន្ថែម​ទម្ងន់​ និង​ឱកាស​ឲ្យ​គេ​បាន​ច្រើន​ “។ អ្នកចាំទី​រូប​នេះ​ថា​៖” និយាយ​គេ​លេង​ប្រកួត​តទល់នឹង​ជា​មួយ​នឹង​គូរ​ប្រកួត​ធំ​បំផុត​ហើយ​។ អញ្ចឹង​ហើយ​អ្នកណា​ឈ្នះ​ អ្នក​នោះ​ដឹង​តែ​ខ្លាំង​ជាង​ហើយ​ “។ Liverpool នឹង​ប៉ះ​ជា​មួយ​ Real Madrid ក្នុង​ប្រកួត​ UEFA Champions League វគ្គ​ផ្ដាច់ព្រ័ត្រ​ នៅ​ថ្ងៃ​ទី​២៩ ខែ​ឧសភា​ ឆ្នាំ​២០២២ខាង​មុខ​នេះ​ហើយ​

ក្លិប Chelsea នឹងដាក់លក់កីឡាករ Hakim Ziyech នៅក្នុងទីផ្សារដោះដូរកីឡាកររដូវក្តៅនេះប្រសិនបើមានក្លិបណាមួយហ៊ានផ្តល់តម្លៃខ្លួនតាមអ្វីដែលក្រុមតោខៀវចង់បាន។ ជាការពិតណាស់ កីឡាករសញ្ជាតិម៉ារុកខាងលើ បានចូលរួមជាមួយ Chelsea កាលពីឆ្នាំ២០២០ ពី Ajax និង ត្រូវបានគេរំពឹងថា រូបនឹងលេចធ្លោខ្លាំងនៅលើទឹកដីអង់គ្លេស ប៉ុន្តែ គ្រប់យ៉ាងហាក់ខុសពីការរំពឹងទុកបន្តិច បន្ទាប់ពីការលេងរបស់គេពុំមានទម្រង់លេងល្អជាប់លាប់ ដោយពេលខ្លះក៏ល្អ ពេលខ្លះក៏មិនសូវល្អ ដូច្នេះឪកាសបង្ហាញខ្លួននៅលើទីលានក៏ពុំសូវបានបង្ហាញជាប់លាប់។  បើយោងទៅតាមការចុះផ្សាយរបស់អ្នកកាសែតកីឡាដ៏ល្បី គឺ លោក Fabrizio Romano បានទម្លាយឲ្យដឹងថា Chelsea នឹងលក់ Ziyech តែម្តងនៅក្នុងទីផ្សារដោះដូរកីឡាកររដូវក្តៅនេះ ឲ្យតែមានក្លិបណាយល់ព្រមតម្លៃដែលក្លិបចង់បាន នោះ Chelsea នឹងសម្រេចចិត្តលក់គេហើយ៕

អតីតខ្សែប្រយុទ្ធឆ្នើមប្រចាំក្លិប Liverpool គឺ Luis Suarez បាននិយាយថារូបគេនឹងគាំទ្រក្រុមហង្សក្រហមរបស់លោក Jurgen Klopp ពេញទំហឹង នៅការប្រកួតវគ្គផ្ដាច់ព្រ័ត្រ Champions League ប៉ុន្តែក៏បានកោតសរសើរខ្សែប្រយុទ្ធ Karim Benzema នៃក្លិប Real Madrid ផងដែរ។​ Liverpool នឹងត្រូវជួបតទល់ជាមួយ Real Madrid នាទីក្រុងប៉ារីស ថ្ងៃទី២៩ ខែឧសភា ក្នុងការប្រកួតវគ្គផ្ដាច់ព្រ័ត្រ UCL ខាងមុខនេះហើយដោយក្រុមទាំងពីរជាគូសងសឹក ព្រោះកាលពីឆ្នាំ២០១៨ គឺ Real Madrid ធ្លាប់ទម្លាក់ Liverpool ក្នុងលទ្ធផល ៣ ទល់នឹង ១។ យ៉ាងណាមិញ Suarez បាននិយាយថា៖ “ខ្ញុំជាអ្នកគាំទ្ររបស់ Barcelona, Liverpool និង Atletico ដែលជាក្លិបខ្ញុំធ្លាប់លេងឲ្យ។ ប៉ុន្តែគ្រាប់បាល់ស៊ុតបញ្ចូលទីរបស់ Benzema គឺគ្រាប់ទី២ដែលស៊ុតទល់នឹង Chelsea គឺខ្ញុំពិតជាចង់ទះដៃអបអរដល់គេ ព្រោះខ្ញុំពិតជា ស្ញើចសរសើរអ្វីដែលគេបានធ្វើណាស់”៕

អ្នក​ចាត់​ការ Mikel Arteta បាន​​និយាយ​ថា លោក​នៅ​តែ​​ដិតដាម​​​ចំពោះ​ការ​ចាញ់ Newcastle ធ្វើ​ឲ្យ Arsenal បាត់​កៅអី​​ទៅ​លេង​​នៅ Champions League ត្បិត​ឈ្នះ Everton ៥-១ នៅ​ប្រកួត​ចុងក្រោយ​ក៏​ដោយ។ ណាត់​ប្រកួត​ចុងក្រោយ​នៅ Premier League កាំភ្លើង​ធំ​បាន​លត់ Everton ដល់​ទៅ​៥-១ ក្នុង​កីឡដ្ឋាន Emirates Stadium។ Gabriel Martinelli, Eddie Nketiah, Cedric Soares, Gabriel Magalhaes និង Martin Odegaard ធ្វើ​បាន​ម្នាក់​មួយ​គ្រាប់​​ជួយ Arsenal បញ្ចប់​​ឈរ​លេខ​៥​ក្នុង​លីគ​មិន​មាន​កន្លែង​ទៅ​លេង​នៅ UCL រដូវ​កាល​ក្រោយ​​ឡើយ។ តំណែង​លេខ​៤​ក្នុង​ Premier League រដូវ​កាល​នេះ​បាន​ធ្លាក់​ទៅ​លើ​ដៃ Spurs ក្រោយ​ពួក​គេ​ឈ្នះ ៥-០ លើ Norwich។ Arsenal បាន​​ភ្លាត់​បាត់​​តំណែង​លេង​៤​របស់​ខ្លួន បន្ទាប់​ពី​​ចាញ់ Newcastle ២-០នៅ​សប្ដាហ៍​ទី​៣៧ ក្នុង​កីឡដ្ឋាន

នាយករបស់ក្រុម Juventus គឺ លោក Federico Cherubini បានធ្វើដំណើរមកកាន់ទីក្រុង ឡុងដ៍ ប្រទេសអង់គ្លេស ដើ​ម្បីជជែកលើការផ្ទេររបស់ ខ្សែបម្រើ Jorginho ពីក្លិប Chelsea ខណៈដែល កីឡាករសញ្ជាតិអ៊ីតាលីរូបនេះក៏ចង់ចាកចេញពីទឹកដី Stamford Bridge ដែរ។​ យោងតាមសារព័ត៌មាន Gazzetta dello Sport បានចុះផ្សាយថា Juventus បានដាក់គោលដៅធំយក Jorginho ដែលបានជួយក្រុមជម្រើសជាតិអ៊ីតាលីលើកពាន Euro 2020 នោះ មករួមក្រុមនៅរដូវក្ដៅខាងមុខស្របពេលដែល Jorginho ក៏បានព្រមព្រៀងលក្ខខណ្ឌផ្ទាល់ខ្លួនក្នុងការផ្លាស់ទៅទឹកដី ក្រុង Turin។​ កុងត្រារបស់ Jorginho ជាមួយ Chelsea នៅសល់តែ១ឆ្នាំទៀតប៉ុណ្ណោះស្របពេល Juventus ត្រៀមដាក់លក់កីឡាករពីររូបគឺ Arthur Melo និង Weston McKennie ដើម្បីអាចទិញយកខ្សែបម្រើរូបនេះបាន៕

លោក​ Thomas Tuchel អ្នកចាត់ការ​ក្លឹប​ Chelsea បាន​និយាយ​ទៅ​កាន់​សារព័ត៌មាន​នៅ​ក្នុង​ថ្ងៃ​នេះ​ថា​ ខ្សែ​បម្រើ​ N’golo Kante ជា​កីឡាករ​បង្គោល​ដ៏​សំខាន់​របស់​ក្លឹប​លោក​ គេ​ហ្នឹង​ហើយ​ជា​ Salah, Van Dijk, De Bruyne, Neymar និង​ Mbappe របស់​តោខៀវ​។ លោក​ Tuchel បាន​និយាយ​ថា​៖” ខ្ញុំ​គិត​ថា​ Kante កីឡាករ​បង្គោល​ដ៏​សំខាន់​របស់​ក្រុម​យើង​។ ធម្មតា​ទេ​កីឡាករ​បង្គោល​ដ៏​សំខាន់​របស់​ក្រុម​ត្រូវ​តែ​នៅ​ទីលាន​ឲ្យ​បាន​ច្រើន​ប្រកួត​ តែ​គេ​ក្នុង​រដូវកាល​នេះ​លេង​បាន​តែ​ ៤០% នៃ​ប្រកួត​ទាំង​អស់​របស់​យើង​ទេ​ អញ្ចឹង​ហើយ​ចេះ​សំណាង​ទៀត​ដែល​យើង​អាច​ឈរ​នៅ​លំដាប់​ទី​៣ នៃ​តារាង​ប្រកួត​ PL បាន​ទៀត​ “។ លោក​បន្ត​ថា​៖” គេ​ហ្នឹង​ហើយ​ជា​ Mo Salah, Van Dijk, De Bruyne, Neymar និង​ Mbappe របស់​ក្រុម​តោ​ខៀវ​យើង​ “។ ក្នុង​រដូវកាល​នេះ​ Kante មិន​បាន​ចូល​រួម​ប្រកួត​ជា​មួយ​ Chelsea មួយ​ចំនួន​ដោយ​សារ​តែ​របួស​កាយ​សម្បទា​ ក៏​ដូច​ឆ្លង​ជំងឺ​កូវីដ-១៩៕

ក្លិប Newcastle United ត្រូវបានគេរាយការណ៍ថាចាប់អារម្មណ៍ចង់យកលោក Jose Mourinho មកដឹកនាំក្រុមបើទោះបីជាគ្រូបង្វឹកបច្ចុប្បន្នគឺលោក Eddie Howe កំពុងដឹកនាំបានល្អក៏ដោយ។ សារព័ត៌មាន Marca បានចុះផ្សាយថាថ្នាក់ដឹកនាំរបស់ Newcastle មានមហច្ឆិតាខ្ពស់ចង់ពង្រឹងក្លិបឲ្យខ្លាំងសមល្មមអាចក្លាយជាក្លិបកំពូលបានទើបចង់បាន Mourinho ដែលជាគ្រូបង្វឹកដ៏មានបទពិសោធន៍ធ្លាប់ដឹកនាំក្លិបនៅ Premier League ដូចជា Manchester United,Chelsea និង Tottenham Hotspur ជាដើម។​ ឥលូវនេះ Mourinho កំពុងដឹកនាំក្លិប Roma នៅឯក្របខណ្ឌ Serie A ប្រទេសអ៊ីតាលីដោយដឹកនាំឲ្យក្លិបនេះឈរនៅលេខរៀងទី៦ក្នុងតារាង Serie A ។​ ខណៈនោះដែរលោក Eddie Howe បានដឹកនាំឲ្យ Newcastle ឈរនៅលេខរៀងទី១២ក្នុងតារាង Premier League មាន៤៦ពិន្ទុក្នុងដៃ៕

អ្នកចាត់ការលោក Carlo Ancelotti បានអះអាងថា ខ្សែប្រយុទ្ធស្លាប Eden Hazard នឹងមិនចាកចេញពី Real Madrid នៅរដូវកាលក្រោយនេះទេ។ ជាការពិតណាស់ Hazard ក្រោយចាកចេញពី Chelsea មកចូលរួមជាមួយ Real Madrid រូបគេពុំសូវបានលេងទៀងទាត់ឡើយ ដោយសារមានបញ្ហារបួសរ៉ាំរ៉ៃជាញឹកញាប់, ខណៈបច្ចុប្បន្នខ្សែប្រយុទ្ធសញ្ជាតិ ប៊ែលហ្ស៊ិករូបនេះក៏ធ្លាក់ទម្រង់លេងខ្លាំងណាស់ដែរ ដោយនៅតំណែងរបស់គេតែងតែត្រូវបានជំនួសដោយ Vinicius Jr.។ យ៉ាងណាមិញ តាមរយៈភាពអសកម្មបែបនេះបានធ្វើឱ្យអ្នកគាំទ្រក្លិបមិនសូវសប្បាយចិត្តនោះទេ ហើយមួយរយៈមុនក៏មានព័ត៌មាននៅបរទេសជាច្រើនបានចុះផ្សាយថា Real Madrid ចង់លក់ខ្សែប្រយុទ្ធវ័យ ៣១ ឆ្នាំរូបនេះផងដែរ ប៉ុន្តែនៅពេលនេះអ្វីៗហាក់មានការប្រែប្រួលមកជាល្អឡើងវិញ ក្រោយពេលលោក Ancelotti បញ្ជាក់ថា Hazard នឹងបន្តស្នាក់នៅជាមួយក្រុមអធិរាជសបន្តទៀត។ ដកស្រង់ពាក្យសម្តីដើមលោក Ancelotti បានមានប្រសាសន៍យ៉ាងដូច្នេះថា៖ “Hazard បានបញ្ជាក់ពីគម្រោងរបស់គាត់យ៉ាងច្បាស់ ដោយគាត់ចង់បង្ហាញពីគុណភាពខ្លួននៅរដូវកាលក្រោយ”៕

លោក Erik ten Hag ត្រូវបានរាយការណ៍ថា លោកចង់បានកីឡាករ N’Golo Kante របស់ Chelsea មកចូលរួមក្រុម Manchester United។ ជាការពិតណាស់ បន្ទាប់ពីត្រូវបានតែងតាំងជា អ្នកដឹកនាំក្រុមថ្មីរបស់ Man Utd លោក​ Ten Hag បានកំពុងព្យាយាមរុះរើក្រុមឡើងវិញ ដោយលោកបានដាក់គោលដៅទៅលើកីឡាករជាច្រើន មិនថាអតីតកូនក្រុមរបស់លោក ឬក៏កីឡាករលំដាប់កំពូលណាផ្សេងនោះទេ គឺលោកកំពុងតែស្វះស្វែងខ្លាំងបំផុត ដើម្បីពង្រឹងក្រុមបិសាចក្រហមបានប្រសើរដូចដើម។ បើយោងទៅតាមសារកាសែត Daily Mirror បានចុះផ្សាយថា​ លោក Ten Hag មានទំនុកចិត្តលើ គុណភាពរបស់ Kante ដោយលោកជឿថា Kante មានបទពិសោធន៍ច្រើន ហើយមានភាពស្រេកឃ្លាន ក្នុងការជួយពង្រឹងតំបន់បម្រើរបស់ក្រុម Man Utd ដូចគ្នា៕

សារព័ត៌មាន Sport បានរាយការណ៍ថាលោក Xavi Hernandez គ្រូបង្វឹករបស់ក្រុម Barcelona បានបើកភ្លើងខៀវអនុញ្ញាតឲ្យក្លិបលក់ ខ្សែការពារ Sergino Dest ចេញ។​ កីឡាករវ័យ២១ឆ្នាំរូបនេះបានផ្ទេរពី Ajax មកកាន់ទឹកដី Camp Nou កាលឆ្នាំ២០២០ ប៉ុន្តែដោយសារក្លិបជិតនឹងនាំយក ខ្សែការពារ Andreas Christensen និង Cesar Azpilicueta ពី Chelsea នោះ គឺ Xavi គ្មានបញ្ហានោះឡើយបើសិនក្លិបលក់ Dest ចេញ។ Dest នៅតែពុំទាន់លេងបានល្អត្រូវចិត្តលោកគ្រូបង្វឹកសញ្ជាតិអេស្ប៉ាញនេះនោះឡើយ ហើយលោកត្រូវការខ្សែការពារដែលមានបទពិសោធន៍ច្រើនជាងនេះ។ ​គួរបញ្ជាក់ផងដែរថា Sergino Dest ចូលលេងឲ្យ Barcelona បាន៣០ប្រកួតនៅរដូវកាលនេះ៕

ខ្សែ​ប្រយុទ្ធ​ Cristiano Ronaldo ឈ្នះ​ពាន​កីឡាករ​ឆ្នើម​ Premier League ប្រចាំ​ខែ​មេសា​ ក្នុង​ថ្ងៃ​នេះ​។ កាល​ពី​ខែ​មេសា​ ឆ្នាំ​២០២២កន្លង​ទៅ​នេះ​ Ronaldo ចូល​លេង​ឲ្យ​ Man Utd ក្នុង​ក្របខ័ណ្ឌ​លីគ​កំពូល​អង់គ្លេស​នេះ​បាន​ ៦ប្រកួត​ ដោយ​ស៊ុត​ចូល​៥គ្រាប់​។ ក្នុង​ចំណោម​៥គ្រាប់​នោះ​​ ៣គ្រាប់​ ស៊ុត​ចូល​ក្នុង​ប្រកួត​តទល់នឹង​ក្លឹប​ Norwich City ក្នុង​លទ្ធផល​ឈ្នះ​ ៣-២ ស៊ុត​ចូល​១គ្រាប់​ទៀត​ក្នុង​ប្រកួត​ចាញ់​នឹង​ Arsenal ក្នុង​លទ្ធផល​ ៣-១ និង​រក​បាន​១គ្រាប់​ទៀត​ក្នុង​ប្រកួត​ស្មើ​នឹង​ក្លឹប​ Chelsea ក្នុង​លទ្ធផល​ ១-១។ ក្នុង​រដូវកាល​នេះ​ Ronaldo ឈ្នះ​ពាន​កីឡាករ​ឆ្នើម​ Premier League នេះ​ជា​លើក​ទី​២ហើយ​ ដោយ​លើក​ទី​១ ឈ្នះ​ក្នុង​ខែ​កញ្ញា​ ឆ្នាំ​២០២១។ យ៉ាង​ណា​បើ​រាប់​សរុប​ចាប់​តាំង​ពី​ ខ្សែ​ប្រយុទ្ធ​នេះ​មក​លេង​ឲ្យ​ Man Utd ជា​លើក​ដំបូង​ រហូត​មក​ដល់​លើក​ទី​២​នេះ​ នេះ​ជា​លើក​ទី​៦ដែល​​ឈ្នះ​ពាន​កីឡាករ​ឆ្នើម​របស់​ Premier League ចំពោះ​គេ​៕

Real Madrid បាន​​ដាក់​តម្លៃ​ទិញ​ផ្ដាច់​កុងត្រា​​របស់ Antonio Rudiger ដល់​ទៅ​៣៤០​​លាន​ផោន​ បន្ទាប់​​ពី​ខ្សែ​ការពារ​របស់ Chelsea បាន​បញ្ចប់​ការ​ផ្លាស់​មក​កាន់​ប្រទេស​អេស្ប៉ាញ​កាល​ពី​ថ្ងៃ​អង្គារ។ កីឡាករ​សញ្ជាតិ​អាល្លឺម៉ង់​​​បាន​ចុះ​កុងត្រា​រយៈពេល​៤​ឆ្នាំ​ជាមួយ Real Madrid ដោយ​ទទួល​បាន​ថ្លៃ​នឿយហត់​៣១,៥​ម៉ឺន​ផោន​ក្នុង​មួយ​សប្ដាហ៍។ ការ​ប្រកាស​ជា​ផ្លូវការ​​ Rudiger ក្លាយ​ជា​កីឡាករ​របស់ Madrid រំពឹង​នឹង​បង្ហាញ​​នៅ​ចុង​ខែ​ឧសភា​ឬ​ដើម​ខែ​មិថុនា។ Rudiger បាន​បដិសេធ​សំណើ​​ធំ​ៗ​ជា​ច្រើន​ពី​ក្លឹប​ក្នុង​តំបន់​អឺរ៉ុប ដើម្បី​បាន​ចូលរួម​ជាមួយ Real ដោយ​គ្មាន​តម្លៃ​ខ្លួន (អស់​កុងត្រា​ជាមួយ Chelsea)។ Manchester United, Barcelona, Paris Saint-Germain និង Juventus សុទ្ធសឹងតែ​ចាប់​អារម្មណ៍​លើ កីឡាករ​វ័យ​២៩​ឆ្នាំ។ ដោយ​សារ​តែ​ជាប់​ទណ្ឌកម្ម​របស់​រដ្ឋាភិបាល​អង់គ្លេស ក្លឹប​ Chelsea មិន​​អាច​បន្ថែម​កុងត្រា​ថ្មី​លើ​កីឡាករ​របស់​ខ្លួន​បាន​ឡើយ។ Rudiger បាន​​ចូលរួម​ជាមួយ Chelsea ផ្លាស់​ពី​ក្លឹប Roma ក្នុង​តម្លៃ​ខ្លួន​២៩​លាន​ផោន​កាល​ពី​ឆ្នាំ​២០១៧ ជាមួយ​កុងត្រា​៥​ឆ្នាំ។ ទល់​នឹង​ពេល​នេះ ៥​រដូវ​កាល​ជាមួយ​ក្លឹប គេ​រក​បាន​១២​គ្រាប់​​ក្នុង​ការ​បង្ហាញ​ខ្លួន​១៩៩​ប្រកួត​គិត​គ្រប់​កម្មវិធី៕

អតីត​កីឡាករ​របស់ Liverpool លោក Jamie Carragher បាន​និយាយ​ថា Real Madrid នឹង​មិន​មាន​ឱកាស​​ឈ្នះ​ពាន​ Champions League នៅ​រដូវ​​កាល​នេះ​ឡើយ។ ក្រុម​ជើងឯក​របស់ La Liga បាន​វាយ​បក​យកឈ្នះ​ PSG, Chelsea និង Manchester City ក្នុង​​វគ្គ​ចាញ់​ធ្លាក់ ធានា​បាន​​កៅអី​វគ្គ​ផ្ដាច់ព្រ័ត្រ​ដែល​នឹង​ត្រូវ​លេង​នៅ​ថ្ងៃ​ទី ២៩ ខែ​ ឧសភា​ទល់​នឹង Liverpool ​ក្នុង​ទីក្រុង​ប៉ារីស។ ត្បិត​តែ​ Madrid ធ្វើ​បាន​ល្អ​បែប​នេះ​ក្ដី​ តែ​ក្នុង​កម្មវិធី​របស់ CBS Studio លោក Carragher ​បាន​រំឭក​ពាក្យ​ដែល​ខ្លួន​ធ្លាប់​និយាយ​​ថា Real Madrid នឹង​មិន​​អាច​ឈ្នះ Champions League ឡើយ។ ឮ​បែប​នេះ Micah Richards ដែល​ស្ថិត​ក្នុង​កម្មវិធី​ជាមួយ​គ្នា​បាន​សើច និង​និយាយ​ទៅ​កាន់ Carragher ថា៖ “ឯង​នឹង​ភ័យ​នៅ​វគ្គ​ផ្ដាច់ព្រ័ត្រ”។ ​មិន​ទុក​យូរ ភ្លាម​នោះ Carragher បាន​តប​វិញ​ថា៖

គ្រាប់​បាល់​របស់ Karim Benzema នៅ​ម៉ោង​បន្ថែម​ទល់​នឹង Manchester City ធ្វើ​ឲ្យ​គេ​តាម​ស្មើ​កំណត់ត្រា​​មួយ​របស់​ Cristiano Ronaldo នៅ​ក្នុង​ពាន​រង្វាន់ Champions League។ Benzema ទាត់​បញ្ចូល​ទី​បាល់​ប៉េណាល់ទី​​​នៅ​ម៉ោង​បន្ថែម UCL ​ជួយ Real Madrid យក​ឈ្នះ Man City សរុប​ទាំង​ពីរ​ជើង​ ៦-៥។ វា​គឺ​ជា​គ្រាប់​បាល់ Champions League ​ទី​១០​​សម្រាប់​រូប​គេ​នៅ​រដូវ​កាល​នេះ គិត​ត្រឹម​វគ្គ​ចាញ់​ធ្លាក់ និង​តាម​ស្មើ​ម្ចាស់​​កំណត់ត្រា​ចាស់​ Cristiano Ronaldo ដែល​ជា​អតីត​មិត្តរួម​ក្រុម​នៅ Real Madrid។ កីឡាករ​សញ្ជាតិ​បារាំង​វ័យ​៣៤​ឆ្នាំ​​រក​បាន​៤​​ទល់​នឹង​ Chelsea កាល​ពី​វគ្គ​៨​ក្រុម​ចុងក្រោយ និង​៣​គ្រាប់​ពេល​ប៉ះ​ជាមួយ Paris Saint-Germain នៅ​វគ្គ​១៦​ក្រុម​ចុងក្រោយ។ ហើយ​សម្រាប់​ការ​ប្រកួត​វគ្គ​ពាក់​កណ្ដាល​ផ្ដាច់ព្រ័ត្រ​ជាមួយ Man City រូប​គេ​​រក​បាន​៣​គ្រាប់​បន្ថែម​ទៀត ធ្វើ​ឲ្យ​គេ​មាន​១០​គ្រាប់​ក្នុង​វគ្គ​ចាញ់​ធ្លាក់។ បើ​គិត​គ្រាប់​គ្រប់​ជុំ​​ក្នុង​​ពាន​រង្វាន់ UCL រដូវ​កាល​២០២១-២២​នេះ Benzema កំពុង​ឈរ​ជា​អ្នក​ទាត់​បញ្ចូល​ទី​ច្រើន​ជាង​គេ​មាន១៥​គ្រាប់។ ការ​ប្រកួត​វគ្គ​ផ្ដាច់ព្រ័ត្រ​រវាង Real Madrid និង

Real Madrid នឹង​ត្រូវ​ស្វាគមន៍​​ជើង​ខ្លាំង​មក​ពី​អង់គ្លេស Manchester City ​ក្នុង​កីឡដ្ឋាន Santiago Bernabeu សម្រាប់​ជើង​ទី​ពីរ​​វគ្គ​ពាក់​កណ្ដាល​​ផ្ដាច់ព្រ័ត្រ​ Champions League នៅ​រាត្រី​នេះ។ Man City កំពុង​មាន​គ្រាប់​​​បាល់​នាំ​មុខ​មួយ​គ្រាប់​ បន្ទាប់​ពី​ជើង​ទី​មួយ​ក្នុង​កីឡដ្ឋាន Etihad ពួក​គេ​ឈ្នះ Real Madrid លិទ្ធផល ៤-៣។ យ៉ាងណាមិញ Real Madrid ពេល​នេះ​កំពុង​តែ​​មាន​អារម្មណ៍​ល្អ​ ដោយ​សារ​ទើប​តែ​​លើក​ពាន La Liga ជាមួយ​៤​ប្រកួត​ដែល​នៅ​សល់ ក្រោយ​​យក​ឈ្នះ Espanyol លិទ្ធផល ៤-០។ អារម្មណ៍​ខុស​គ្នា Man City កំពុង​តែ​តានតឹង​ក្នុង​លីគ​ ត្បិត​តែ​កំពុង​ឈរ​លេខ​មួយ​ក្នុង​តារាង​ពិន្ទុ​មែន​តែ​គម្លាត​តែ​១​ពិន្ទុ​ប៉ុណ្ណោះ​ពី​ក្រុម​លេខ​ពីរ Liverpool។ នេះ​មាន​ន័យ​ថា​ ប្រសិន​បើ​ពួក​គេ​ភ្លាត់​ចាញ់​​ឬ​ស្មើ ហង្សក្រហម​អាច​មាន​ឱកាស​ឡើង​​កំពូល​តារាង​វិញ។ មុន​ការ​ប្រកួត​ជើង​ទី​ពីរ​នៅ UCL មក​ដល់ Real Madrid មាន​ទំនុក​ចិត្ត​​វាយ​បក​លើ Man City វិញ​ដូច​ដែល​ធ្លាប់​ធ្វើ​បាន​ជាមួយ PSG និង Chelsea។

Chelsea កំពុង​តែ​បារម្ភ​​ខ្សែ​បម្រើ Mason Mount ​ធ្លាក់​លើ​ដៃ​របស់ Manchester City ឬ Liverpool ដោយ​សារ​តែ​​ក្លឹប​របស់​ពួក​គេ​ជួប​វិបត្តិ​​ម្ចាស់​ក្លឹប។ កីឡាករ​សញ្ជាតិ​អង់គ្លេស​វ័យ​២៣​ឆ្នាំ​​គឺ​ជា​កីឡាករ​ Chelsea ម្នាក់​ដែល​មាន​ថ្លៃ​ពលកម្ម​ទាប​ជាង​គេ​បំផុត​រង្វង់​៧​ម៉ឺន​ផោន​ក្នុង​មួយ​សប្ដាហ៍។ Mount នៅ​សល់​កុងត្រា​​២​​ឆ្នាំ​​​ទៀត​លើ​កិច្ចសន្យា​របស់​​គេ ប៉ុន្តែ​ដោយ​សារ​តែ​​ទណ្ឌកម្ម​​បាន​រារាំង​ Chelsea មិន​អាច​ផ្ដល់​កុងត្រា​ថ្មី​ទៅ​កាន់​គេ។ គូ​ប្រជែង Liverpool និង Man City កំពុង​តែ​តាម​ដាន​ចាប់​អារម្មណ៍​ ដែល​ធ្វើ​ឲ្យ​តោខៀវ​កើន​ក្ដី​បារម្ភ​ថា Mount ត្រូវ​ក្លឹប​ទាំង​ពីរ​ឆក់​យក​ទៅ​បាត់។ កន្លង​ទៅ​លោក Jurgen Klopp ធ្លាប់​និយាយ​ជា​សាធារណៈ​សរសើរ​លើ Mount ខណៈ​លោក Pep Guardiola ក៏​ជា​ពេញ​ចិត្ត​កីឡាករ​សញ្ជាតិ​អង់គ្លេស​ដូច​គ្នា។ Mason Mount ជា​កីឡាករ​កើត​ចេញ​ពី​យុវជន​របស់ Chelsea ចូលហាត់​តាំង​តែ​ពី​ឆ្នាំ​២០០៥។ រហូត​ដល់​២០១៩ គេ​មាន​ឱកាស​បាន​មក​លេង​​ក្នុង​ក្រុម​ធំ ប៉ុន្តែ​​ធ្លាប់​ត្រូវ​បាន​ខ្ចី​ជើង​ទៅ​លេង​នៅ​ក្លឹប​ផ្សេង​ៗ​មួយ​រយៈ មុន​ក្លាយ​ជា​កីឡាករ​សំខាន់​ក្នុង​ក្រុម​ដូច​សព្វថ្ងៃ។ Mount ធ្លាប់​ត្រូវ​បាន​ក្លឹប Vitesse លេង​ក្នុង​លីគ​ប្រទេស​ហុល្លង់​ខ្ចី​ជើង​​កាល​ពី​រដូវ​កាល​២០១៧-១៨ និង​ខ្ចី​ជើង​ទៅ Derby County រដូវ​កាល​២០១៨-១៩៕

លោក Ralf Rangnick បានស្នើឲ្យលោក Erik Ten Hag ដែលជាគ្រូបង្វឹកថ្មីរបស់ Manchester United ប្រញាប់ប្រញាល់ទិញខ្សែប្រយុទ្ធពីររូបមកពង្រឹងក្រុមនៅរដូវកាលក្រោយនេះ។ ​លោកក៏បាននិយាយដែរថា ក្រុមទាំងមូលរាងពឹងផ្អែកទៅលើខ្សែប្រយុទ្ធ Cristiano Ronaldo ពេកហើយក្រោយកីឡាករសញ្ជាតិព័រទុយកាល់រូបនេះបានស៊ុត១គ្រាប់ជួយសង្គ្រោះ Manchester United ឲ្យលេងស្មើ Chelsea ១ ទល់នឹង១ កាលពីថ្ងៃទី២៩ខែមេសាកន្លងទៅ។ ​ថ្លែងក្រោយចប់ការប្រកួត លោក Rangnick បាននិយាយថា៖ “ពួកយើងត្រូវតែមានភាពយុត្តិធម៌ចំពោះកីឡាករ។ ខ្ញុំចាំបានថា ក្នុង១០ប្រកួតដំបូង ពួកយើងមានអ្នកស៊ុតបញ្ចូលទី១០នាក់ខុសៗគ្នា។ នេះជារបៀបដែលពួកយើងអាចបង្កើតឱកាសនិងដឹងថាតើមានខ្សែប្រយុទ្ធប៉ុន្មាននាក់សម្រាប់ស៊ុតក្នុងក្រុម។ ឥលូវនេះពួកយើងដូចជាពឹងផ្អែកលើ Cristiano ជ្រុល តែគេក៏បានបង្ហាញទម្រង់លេងល្អដែរ នៅពេល Chelsea គ្រប់គ្រងបាល់។ ប៉ុន្តែពួកយើងគួរផ្ដោតទៅលើការទិញយកខ្សែប្រយុទ្ធ២ទៅ៣ទៀត គឺច្បាស់ណាស់”៕

អ្នកចាត់ការទូទៅក្លិប Manchester United លោក Ralf Rangnick បានសារភាពថា ក្រុមបិសាចក្រហមពិតជាពិបាកក្នុងការទិញយកកីឡាករណាស់ប្រសិនបើមានការប្រជែងពីសំណាក់ក្លិបចំនួនបី Manchester City, Liverpool និង Chelsea។ ជាការពិតណាស់ លោក Rangnick បានលើកឡើងបែបនេះ គឺ វាទាក់ទងទៅនឹងភាពខ្លាំងរបស់ក្រុមនីមួយៗនៅពេលបច្ចុប្បន្ន ដោយយើងក្រឡេកទៅមើល Man City, Liverpool និង Chelsea គឺ ជាក្រុមដ៏ខ្លាំង ខណៈ Man Utd វិញ ពិតជាធ្លាក់ទម្រង់លេងខ្លាំងមែនទែននៅក្នុងរដូវកាលនេះ។ លោក Rangnick បាននិយាយថា៖ “ដរាបណាក្លិបផ្សេងទៀតដូចជា Chelsea, Liverpool, Manchester City ចូលរួមប្រជែង អ្នកត្រូវការហេតុផលល្អខ្លះ និង ត្រូវការនរណាម្នាក់ដើម្បីពន្យល់ដល់កីឡាករ ហើយនេះហើយជាមូលហេតុដែលវាជារឿងសំខាន់ដែល Erik ten Hag ត្រូវគិត”៕