Tag: Cristiano Ronaldo

នៅក្នុងកម្មវិធីមួយរបស់ ក្រុមហ៊ុនផលិតសំភារៈកីឡា Nike ខ្សែប្រយុទ្ធឆ្នើម​ Cristiano Ronaldo បាននិយាយពីបុគ្គលិកលក្ខណៈរបស់ តារាឆ្នើមវ័យក្មេង Kylian Mbappe របស់ក្រុម Paris Saint-Germain។ ទើបតែមានវ័យ២១ឆ្នាំ Mbappe ត្រូវបានគេចាត់ទុកថា ជាកីឡាករដែលមានអនាគតភ្លឺស្វាង ជាមួយនឹងល្បឿនដែលបង្កគ្រោះថ្នាក់ដល់គូប្រកួត ក៏ដូចជាបច្ចេកទេសស៊ុតបញ្ចូលទីរបស់រូបគេផងដែរ។ Ronaldo បាននិយាយថា៖ “គេគឺជាអនាគត គេគឺ[កំពូលកីឡាករម្នាក់]នាពេលបច្ចុប្បន្ន។ គេជាកីឡាករដ៏អស្ចារ្យម្នាក់ ដែលមានល្បឿនលឿនណាស់។” នេះជាអ្វីដែល ម្ចាស់ពាន Ballon d’Or ៥សម័យរូបនេះ បាននិយាយទៅកាន់​កីឡាករសញ្ជាតិបារាំង នៅពេលដែលពួកគេនៅលើទីលានប្រកួតជាមួយគ្នា។  

Cristiano Ronaldo ទទួល​បាន​ប៉េណាល់ទី​យ៉ាង​ចម្រូងចម្រាស​​ចុង​ម៉ោង ជួយ​ឲ្យ Juventus ប្រកួត​ស្មើ​គ្នា ១-១ ទល់​នឹង AC Milan ពាន Coppa Italia វគ្គ​ពាក់​កណ្ដាល​ផ្ដាច់ព្រ័ត្រ​ជើង​ទី​មួយ។ Juventus ស្ទើរ​តែ​ចាញ់​ជា​លើក​ទី​៣​ជាប់​គ្នា​សម្រាប់​ការ​ប្រកួត​ក្រៅ​ផ្ទះ បន្ទាប់ពី Ante Rebic របស់ Milan ទាត់​បញ្ចូល​ទី​នាទី​៦១។ ម្ចាស់​ផ្ទះ Milan បាន​បាត់បង់​សមាជិក​ម្នាក់​គឺ Theo Hernandez នៅ​នាទី​៧១ បន្ទាប់​ពី​បាន​កាត​​លឿង​២ដង។ នៅ​នាទី​៩០​បូក​ទៅ​ហើយ Juventus​ ស្រាប់​តែ​​ទទួល​បាន​បាល់​ប៉េណាល់ទី ក្រោយ​អាជ្ញាកណ្ដាល​ពិនិត្យ VAR ឃើញ​ថា មាន​ការ​បង្ក​កំហុស​លើ Ronaldo។ Ronaldo ជា​ពិជឃាត​​​មិន​ធ្វើ​ឲ្យ​ធ្លោយ ទាត់​ចូល​យ៉ាង​ស្អាត បន្ត​ក្ដី​សង្ឃឹម​ដល់​ក្រុម។ ក្រុម​ទាំង​ពីរ​នឹង​ត្រូវ​ជួន​គ្នា​ជើង​ទី​ពីរ​នៅ​ទីក្រុង Turin ថ្ងៃ​ទី ៤ ខែ មីនាខាង​មុន៕ ​​​

Cristiano Ronaldo បានក្លាយជាកីឡាករទី១ ដែលរកបានគ្រាប់ក្នុងចំណោមជ័យជម្នះ ៩ប្រកួតចុងក្រោយរបស់ក្លឹបគិតចាប់តាំងពីឆ្នាំ២០០៥ មក នៅពេលដែល Juventus បំបាក់គូប្រជែង Fiorentina ក្នុងលទ្ធផល ៣-០ នាយប់មិញនេះនៅក្របខណ្ឌកំពូល Serie A។ ២គ្រាប់របស់ Ronaldo កើតឡើងដោយបាល់ប៉េណាល់ទីទាំងអស់នៅនាទីទី៤០ និងនាទីទី៨០ មុនពេលមិត្តរួមក្រុម Matthijs de Ligt រកបានគ្រាប់ទី៣ នៅនាទី ៩០+១។ ប៉ុន្តែ ក្រុមគូប្រជែង Inter Milan និង Lazio ក៏បានវិលទៅកាន់ផ្លូវនៃជ័យជម្នះផងដែរ ខណៈដែលកីឡាករ Romelu Lukaku និង Ciro Immobile បានស៊ុតបាល់បញ្ចូលទី២គ្រាប់ដូចគ្នា សម្រាប់ក្រុមរបស់ខ្លួនរៀងៗខ្លួន ដើម្បីរក្សាការដាក់សម្ពាធលើក្រុមម្ចាស់ការពារជើងឯក។ Juventus កំពុងតែនាំមុខ៣ពិន្ទុលើក្រុមឈរលេខ២ Inter Milan ដែលបានផ្តួលក្រុម Udinese ក្នុងលទ្ធផល ២-០។ ដោយឡែក ក្រុម Lazio កំពុងតែដេញតាមពីក្រោយ២ពិន្ទុ ជាមួយនឹងការនៅសល់១ប្រកួតក្នុងដៃ

កំពូលខ្សែប្រយុទ្ធសញ្ជាតិព័រទុយហ្កាល់កីឡាករ Cristiano Ronaldo បានក្លាយជាបុគ្គលទី១លើលោក ដែលមានចំនួនអ្នក​ Followers ច្រើនជាងគេលើបណ្ដាញសង្គម Instagram ពោលគិតមកទល់ពេលនេះ ចំនួនអ្នក Follow គាត់បានកើនឡើងដល់លើស ២០០លាននាក់ហើយ។ តាម​តួលេខ​ចុងក្រោយ​​កីឡាករ​សញ្ជាតិ​ព័រទុយហ្គាល់​​មាន​អ្នក​តាមដាន​ដល់​ទៅ​២០០​​លាន​​លើ Instagram។ ចំនួន​អ្នក​តាមដាន​ដ៏​ច្រើន​នេះ​បាន​ធ្វើ​ឲ្យ Ronaldo ឈរ​លើ​​កីឡាករ​និង​តារា​ល្បី​ៗ​លើ​ពិភពលោក​ទាំង​អស់​រួម​មាន Ariana Grande, Dwayne Johnson, Selena Gómez ,Beyoncé, Leo Messi និងNeymar។ View this post on Instagram Wow 200 million!!! Thank you to each and every one of you for sharing this journey with me every day!!👏🏽❤️ A post shared by Cristiano Ronaldo

ខ្សែប្រយុទ្ Cristiano Ronaldo រកគ្រាប់បាល់បាន២គ្រាប់ ជួយឲ្យក្រុមកំពូលតារាង Serie A, Juventus ទទួលបានជ័យជំនះទៅលើ Parma ដោយលទ្ធផល 2-1 កាលពីយប់ថ្ងៃអាទិត្យកន្លងទៅ ហើយវាក៏ជាកំណត់ត្រាដ៏ល្អរបស់ខ្សែប្រយុទ្ធវ័យ៣៤ឆ្នាំរូបនេះផងដែរ។ ខ្សែប្រយុទ្ធព័រទុយហ្គាល់រូបនេះ បានរកគ្រាប់បាល់បើកឆាកនៅក្នុងការប្រកួត នៅនាទីទី៤៣ នៅទឹកដី Allianz Stadium មុនពេលដែលរូបគេរកបានមួយគ្រាប់ទៀត នៅនាទីទី៥៨ បន្ទាប់ពីក្រុម Parma រកបានមួយគ្រាប់តាមស្មើ។ សំរាប់គ្រាប់បាល់២គ្រាប់នេះ បានធ្វើឲ្យ Ronaldo រកគ្រាប់បាល់បាន៧ប្រកួតជាប់គ្នានៅ ក្នុងការប្រកួត Serie A ហើយរូបគេជាកីឡាករ Juventus ដំបូងដែលអាចធ្វើបាន ចាប់តាំងពីខ្សែប្រយុទ្ធ David Trezeguet កាលពីខែធ្នូ ២០០៥។ គួរបញ្ជាក់ថា បច្ចុប្បន្ន Ronaldo រកគ្រាប់បាល់បានសរុប ១៦គ្រាប់នៅក្នុងលីគកំពូលអ៊ីតាលី រដូវកាលនេះ ដោយឈរនៅលេខ២ តាមពីក្រោយ ខ្សែប្រយុទ្ធ Ciro Immobile ដែលរកបាន២៣គ្រាប់៕

កីឡាករជាច្រើនបានចូលនិវត្តន៍ស្ទើរតែអស់ទៅហើយក្នុងសម័យ Cristiano Ronaldo ប៉ុន្ដែកីឡាកររូបនេះ ដែលមានវ័យ ៣៤ ឆ្នាំនៅតែមានឈ្មោះជាកីឡាករកំពូលរបស់ពិភពលោកក្នុងឆ្នាំ ២០២០។ ពេលនេះ Ronaldo បានលាតត្រដាងអាថ៍កំបាំង ដែលជួយឱ្យកីឡាករវ័យ ៣៤ ឆ្នាំនេះរូបនេះមានរាងកាយមាំមួន និងបន្តភាពខ្លាំងក្លារបស់ខ្លួននៅលើទីលាន។ តារាបាល់ទាត់របស់ក្លឹបសេះបង្កង់ Juventus មានល្បិច និងតិចនិចរបស់គាត់។ គាត់បានបរិភោគតិចតួច តែញឹកញាប់ដោយរាល់ ៣ ទៅ ៤ ម៉ោងម្ដង ដើម្បីទទួលបាននូវសារធាតុចិញ្ចឹម ដែលអ្នកកីឡាត្រូវការ និងគាំទ្រដល់ប្រព័ន្ធរំលាយអាហារលឿន ដែលអ្នកកីឡាត្រូវតែមានដាច់ខាត។ របបអាហាររបស់គាត់ អនុញ្ញាតឱ្យគាត់មានសាច់ដុំធំៗ និងមានជាតិខ្លាញ់តិច។ គាត់មានអ្នកជំនាញអាហាររូបត្ថម្ភ ដែលតាមគាត់តាំងពីលេងឱ្យក្លឹប Real Madrid។ គាត់បរិភោគគ្រាប់ធញ្ញាជាតិ ផ្លែឈើស្រស់ និងសាច់គ្មានខ្លាញ់ដែលមាននៅក្នុងត្រីដូចជា ត្រីដាវ ត្រីសមុទ្រឈ្មោះ Sea Bass ត្រីសមុទ្រឈ្មោះ Sea Bream និង ត្រីម៉រុយ។ ពពួកត្រីនេះ គេក្លាសេ ហើយវាមិនកកទេ។ ក្រៅពីអាហារសាច់ Ronaldo នៅបរិភោគអាហារដូចជាឈីស សាច់បន្ទះ

Cristiano Ronaldo បានសាងកំណត់ត្រាអាក្រក់បំផុតនៅក្នុងប្រវត្តិសាស្ត្ររបស់ខ្លួន ក្រោយពីអវត្តមានក្នុងបញ្ជីអ្នកស៊ុតបញ្ចូលទីច្រើនជាងគេទាំង ៥ ប្រចាំឆ្នាំ២០១៩ ។ អ្នកស៊ុតបញ្ចូលទីច្រើនបំផុតទាំង៥ នៅលើពិភពលោកសម្រាប់ឆ្នាំ២០១៩ រួមមាន ខ្សែប្រយុទ្ធដ៏មុតស្រួចរបស់ក្លឹប Bayern Munich កីឡាករ Robert Lewandowski រកបាន ៥៤ គ្រាប់, Lionel Messi របស់ Barcelona រកបាន ៥០ គ្រាប់ , Kylian Mbappe របស់ក្លឹប Paris Saint-Germain រកបាន ៤៤ គ្រាប់ , Raheem Sterling របស់ Manchester City រកបាន ៤១ គ្រាប់ និង Eran Zahavi របស់ Guangzhou រកបាន ៤០ គ្រាប់ ។ ទន្ទឹមនឹងនេះខ្សែប្រយុទ្ធកំពុងធ្លាក់ទម្រង់លេង Ronaldo

កីឡាករ Romelu Lukaku បានបង្ហើបពីពាក្យសម្តីមួយឃ្លាដែល Cristiano Ronaldo បានប្រាប់រូបគេ មុនពេលកីឡាករសញ្ជាតិបែលហ្ស៊ិកសម្រេចផ្លាស់ពី Man.United ទៅ Inter Milan ក្នុងតម្លៃ ៦៥ លានផោនកាលពីរដូវក្តៅនេះ។ Lukaku កីឡាករវ័យ ២៦ឆ្នាំដែលកំពុងរកបាន ១២គ្រាប់ក្នុងការបង្ហាញខ្លួន ១៧ប្រកួតនៅ Serie A បានបង្ហើបប្រាប់ថាៈ Ronaldo បានប្រាប់ខ្លួនយ៉ាងដូច្នេះថាៈ លីកកំពូលអ៊ីតាលី Serie A គឺជាក្របខណ្ឌដែលមានខ្សែការពាររឹងមាំ និងពិបាករកគ្រាប់បាល់បំផុតក្នុងពិភពបាល់ទាត់ពិសេសនៅលីកកំពូលអឺរ៉ុបទាំង៥។ នៅក្នុងបទសម្ភាសន៍ជាមួយកាសែតNew York Times អតីតកីឡាករ Chelsea និង Everton WestBrom បន្តថាៈ ខ្ញុំទទួលស្គាល់ថា Serie A ពិតជាពិបាករកគ្រាប់បាល់ជាងនៅអង់គ្លេស យ៉ាងណាមិញវានិងរឹតតែធ្វើអោយយើងជាកីឡាករមានការខិតខំបន្ថែមទៀតកាន់តែខ្លាំង និងរៀនសូត្រពីបទពិសោធន៏នៃការលេងបាល់ទាត់ជាមួយក្របខណ្ឌផ្សេងគ្នានេះ។

ខ្សែ​ប្រយុទ្ធ Cristiano Ronaldo ​រក​គ្រាប់​បាល់​បាន​ជួយ​ក្រុម Juventus ​យក​ឈ្នះ​លើ​ក្រុម ​Sampdoria ​ក្នុង​លទ្ធផល ២-១ ​កាល​ពី​យប់មិញ​នេះ​។ ​១​គ្រាប់​លោត​តែត​បញ្ចូល​ទី​យ៉ាង​ស្អាត​នេះ​ដែរ កំពុង​ទទួល​បាន​ការ​ចាប់​អារម្មណ៍​ខ្លាំង ព្រោះ Ronaldo ​លោត​ខ្ពស់​ខ្លាំង​មែនទែន ដល់​ទៅ ២,៦​ម៉ែត្រ​ឯ​ណោះ។ ​ជាមួយ​ការ​លោត​បាន​យ៉ាង​ខ្ពស់​នេះ​ដែរ ​កីឡាករ​វ័យ​៣៤​ឆ្នាំ​នេះ ​ស្ថិត​នៅ​លើ​លំហ ជាង​១,៥​វិនាទី​ថែម​ទៀត។ ​ ក្រោយ​ចប់​ការ​ប្រកួត ​បុរស​សង្ហា ​សង្សារ​ច្រើន​ខាង​លើ​នេះ​បាន​និយាយ​ថា​៖ “ខ្ញុំ​សប្បាយ​ចិត្ត​ក្នុង​ការ​ប្រកួត​នេះ ​វា​ជា​ការ​ប្រកួត​ដ៏​លំបាក ​ប៉ុន្តែ​យើង​នៅ​តែ​យក​ជ័យជម្នះ​បាន។ ១​គ្រាប់​របស់​ខ្ញុំ​ពិត​ជា​ល្អ ​ហើយ​ខ្ញុំ​កាន់​តែ​សប្បាយ​ចិត្ត​ថែម​ទៀត​នៅ​ពេល​រក​គ្រាប់​បាល់​បាន​ហើយ​ក្រុម​ទទួល​បាន​ជ័យជម្នះ”៕ X

ភ្នាក់ងាររបស់កីឡាករ Cristiano Ronaldo លោក Jorge Mendes បានលើកឡើងថាកំពូលខ្សែប្រយុទ្ធ ឆ្នើមក្រុមជម្រើសជាតិព័រទុយហ្កាល់រូបនេះអាចបញ្ចប់អាជីពរបស់ខ្លួននៅប្រទេសអ៊ីតាលីជាមួយនឹងក្លឹប Juventus ដែលរូបគេកំពុងលេងសម្រាប់រដូវកាលទី២នាពេលបច្ចុប្បន្ននេះ ក្រោយចាកចេញពី កីឡាដ្ឋាន Estadio Santiago Bernabeu កាលពីរដូវក្តៅឆ្នាំមុន។ យ៉ាងណាមិញកិច្ចសន្យា របស់អតីតខ្សែប្រយុទ្ធ Man Utdនិង Real Madrid មានសុពលភាពត្រឹម ឆ្នាំ ២០២២ពោលគឺក្រោយពីព្រឹត្តការណ៏ World Cup បានបញ្ចប់និងជាពេលវេលាដែលរូបគេឈាន ចូលដល់វ័យ ៣៧ ឆ្នាំ។ លោក Mendes បានបញ្ជាក់យ៉ាងដូច្នេះថាៈ Ronaldo សប្បាយចិត្ត និងជីវិតរស់នៅទីក្រុង ទូរីនហើយមិនមាន បំណងចង់បន្តអាជីពជាមួយក្លឹបដទៃទឿតនោះទេមួយវិញទៀតបច្ចុប្បន្ននេះម្ចាស់ពានបាល់មាស៥សម័យដែលឈានចូលវ័យ៣៥ឆ្នាំនៅក្នុងខែកុម្ភៈរូបនេះ អាចឆ្លៀតពេលប្រកបអាជីពធ្វើជំនួញមួយចំនួនក្នុងប្រទេសអ៊ីតាលីផងដែរ។

Cristiano Ronaldo រកបាន ២គ្រាប់ក្នុងជំនួបដែលម្ចាស់ផ្ទះ Juventus យកឈ្នះគូប្រជែង Udinese ៣-១ កាលពីម្សិលមិញ ដែលធ្វើឲ្យរូបគេកើនគ្រាប់ស៊ុតបាន ៩គ្រាប់ ដេញពីតាមពីក្រោយកីឡាករ ៣រូបក្នុងតារាង Top Scorer នៅក្របខណ្ឌ Serie A នារដូវកាលនេះ។ ក្នុងការប្រកួតនេះក្រុមទាំងពីរមានឱកាសសម្រុកគ្នាទៅវិញទៅមក ដោយក្រុមម្ចាស់ផ្ទះ ស៊ុតបាន១៣ជើង ចំគោលដៅ៩ដង ទម្លុះសំណាញ់ទីបាន៣គ្រាប់ ចំណែកឯក្រុមភ្ញៀវ ស៊ុត៨ជើង ចំគោលដៅ៦ដង សម្រេចទីបាន១គ្រាប់។ ក្រុមម្ចាស់ផ្ទះ ជាអ្នកស៊ុតបើកឆាកនាំមុខមុន៣គ្រាប់ក្នុងតង់ទី១ ដោយកំពូលខ្សែបម្រើប្រយុទ្ធសញ្ជាតិព័រទុយហ្កាល់កីឡាករ Cristiano Ronaldo ធ្វើបានគ្រាប់ទី១និងទី២ ចំណែក​ឯគ្រាប់ទី៣រកបានខ្សែការពារវ័យ៣២ឆ្នាំកីឡាករ Leonardo Bonucci ។ លុះចូលមកដល់តង់ទី២ ក្រុមភ្ញៀវក៏មានឱកាសតដៃវិញបាន១គ្រាប់ដោយកីឡាករ Ignacio Pussetto ។ ដូច្នេះក្រោយបញ្ចប់៩០នាទី ក្រុមម្ចាស់ផ្ទះ Juventus ទទួលជ័យជម្នះទៅលើក្រុមភ្ញៀវ Udinese ក្នុងលទ្ធផល ៣ទល់នឹង១។ តាមរយៈលទ្ធផលនេះ ជួយឲ្យក្រុម Juventus ឡើងមកឈរកំពូលតារាងសាជាថ្មីក្នុងសប្ដាហ៍ទី១៦នេះ ខណៈក្រុម

យោង​តាម​របាយការណ៍​ចេញ​ពី TransferMarkt ​បាន​បង្ហាញ​នៅ​តម្លៃ​ទីផ្សារ​ចុង​ក្រោយ​នៃ​ថ្លៃ​ខ្លួន​កីឡាករ​នៅ​លីគ​កំពូល​អ៊ីតាលី Serie A ​ដោយ​ក្នុង​នោះ Cristiano Ronaldo ​បាន​ធ្លាក់​ចុះ​ខ្លាំង​ជាង​គេ​បង្អស់។តម្លៃ​ខ្លួន​របស់​ខ្សែ​ប្រយុទ្ធ​ព័រទុយហ្គាល់ Cristiano Ronaldo បាន​ធ្លាក់​ត្រឹម​ ៨៣លាន​ដុល្លារ​នៅ​ក្នុង​ខែ​ធ្នូ​ ឆ្នាំ២០១៩​ នេះ។ តម្លៃ​ខ្លួន​ចុង​ក្រោយ​នេះ ធ្លាក់​ចុះ​ពី​តម្លៃ​ចាស់ ដែល​កំណត់​កាល​ពី​ខែ​មិថុនា ឆ្នាំ២០១៩ ជិត​ ២០​លាន​ដុល្លារ ដោយ​កាល​នោះ​ Ronaldo មាន​តម្លៃ​ក្នុង​ទីផ្សារ​ប្រមាណ ១០០លាន​ដុល្លារ។ តម្លៃ​ខ្លួន​ជាង ៨៣​លាន​ដុល្លារ ធ្វើ​ឲ្យ Ronaldo ជាប់​លេខ ២ នៅ​ Juventus ខាង​តម្លៃ​ខ្លួន​កីឡាករ​ថ្លៃ​ជាង​គេ ដោយ​លេខ ១ បាន​ទៅ​លើ ខ្សែ​ប្រយុទ្ធ​ជំនួយ​អាហ្សង់ទីន Paulo Dybala ដែល​មាន​តម្លៃ​ជាង ៩៥លាន​ដុល្លារ។ ចំណែក​ឯ​នៅ​ព័រទុយហ្គាល់​វិញ Ronaldo ជាប់​លេខ ៣ ដោយ​ ខ្សែ​ប្រយុទ្ធ​វ័យ​ក្មេង Joao Felix និង​ខ្សែ​ស្លាប Manchester City កីឡាករ Bernardo

ប្រភពពត៌មានពីទូរទស្សន៍ Sky Sport បានចុះផ្សាយថាៈ Cristiano Ronaldo បានប្រាប់អតីតមិត្តរួមក្រុម Real Madrid មួយចំនួនថាខ្លួនមានអារម្មណ៏សោកស្តាយក្រោយចាកចេញពីក្លឹបចាស់ ទៅកាន់ក្លឹប Juventus។ យ៉ាងណាមិញខ្សែប្រយុទ្ធអន្តរជាតិព័រទុយហ្គាល់វ័យ ៣៤ឆ្នាំរូបនេះ ជឿជាក់ថាគាត់នឹងឈ្នះពានបាល់មាស Ballon D’or រយៈពេល ២ឆ្នាំចុងក្រោយនេះបន្ថែមទៀតពោលគឺនៅឆ្នាំ ២០១៨និង២០១៩ បើសិនជានៅបន្តលេងឱ្យក្រុមអធិរាជសបន្តទៀត។ ប៉ុន្តែបន្ទាប់ពីធ្វើអោយមជ្ឈដ្ឋានបាល់ទាត់ពិភពលោកមានការភ្ញាក់ផ្អើលក្រោយពីសម្រេចចិត្តព្រមព្រៀងផ្ទេរទៅ Juventus នៅខែកក្កដាឆ្នាំ២០១៨ក្នុងតម្លៃផ្ទេរ១១២លានផោនក្រោយពីព័រទុយហ្កាល់ធ្លាក់ចេញពីព្រឹត្តការណ៏ FIFA World Cup ២០១៨ នៅប្រទេសរុស្ស៊ី គិតមកដល់ពេលនេះរយៈពេល២ឆ្នាំហើយដែល Ronaldo ខកខានលើកពានកិត្តិយសនេះ ខណៈអតីតមិត្តរួមក្រុម Luka Modric ជាអ្នកលើកពាននៅឆ្នាំ២០១៨ និងគូប្រជែងចាស់វស្សា Messi លើកពាន ឆ្នាំ២០១៩នេះ។ ក្នុងរដូវកាល ២០១៨-១៩ Ronaldo រកបាន ២៨គ្រាប់និងចែកបាល់មិត្តរួមក្រុមស៊ុតបញ្ចូលទីបាន ១០គ្រាប់ក្នុងការបង្ហាញខ្លួន ៤៣លើកឱ្យ Juventus។ ទោះយ៉ាងណារដូវកាលថ្មី២០១៩-២០ ខ្សែប្រយុទ្ធឈានចូលដល់វ័យ ៣៤ឆ្នាំរូបនេះបានបានតែ ៩គ្រាប់(២គ្រាប់នៅChampion League) ក្នុងការបង្ហាញខ្លួនចំនួន ១៧លើកគ្រប់ការប្រកួតទាំងអស់។

ខ្សែ​ប្រយុទ្ធ​ Juventus ​កីឡាករ Cristiano Ronaldo បាន​និយាយ​ប្រាប់​សារព័ត៌មាន​ Record កាល​ពី​ពេល​ថ្មីៗ​នេះ​ថា ខ្លួន​មិន​ចូល​ចិត្ត​ឲ្យ​គ្រូ​បង្វឹក​ផ្លាស់ប្ដូរ​រូប​គេ​ចេញ​ទេ ប៉ុន្តែ​សុខ​ចិត្ត​ជួយ​ក្លឹប​ Juventus ទាំង​ខ្លួន​មាន​របួស។ កីឡាករ​រូប​នេះ​បាន​និយាយ​ថា៖ ” ខ្ញុំ​មិន​ចូល​ចិត្ត​ឲ្យ​មាន​គេ​ជំនួស​ខ្ញុំ​ទេ។ ខ្ញុំ​ដឹង​ច្បាស់​ថា ៣​ សប្ដាហ៍​នេះ​ សមត្ថភាព​ខ្ញុំ​នៅ​មាន​កម្រិត តែ​ខ្ញុំ​ព្យាយាម​ជួយ​ Juventus ទាំង​ខ្ញុំ​មាន​របួស ” ។ Ronaldo បាន​បន្ត​ថា៖ ” នៅ​ពេល​នេះ​ដែរ​ ខ្ញុំ​មិន​ទាន់​ជា​ ១០០%​ទេ ប៉ុន្តែ​នៅ​ពេល​ដែល​ត្រូវ​លះ​បង់​ឲ្យ​ក្លឹប ខ្ញុំ​សុខចិត្ត​ចូល​លេង​ទាំង​មាន​មោទនភាព ” ។ ទន្ទឹម​នឹង​នេះ​ដែរ Ronaldo ក៏​បាន​បដិសេធ​ថា គ្មាន​រឿង​ចម្រូងចម្រាស​អ្វី​ឡើយ ពាក់ព័ន្ធ​ការ​ប្ដូរ​គេ​ចេញ។ គួរ​បញ្ជាក់​ផង​ដែរ​ថា សារព័ត៌មាន​ធំៗ​មួយ​ចំនួន​បាន​ចុះ​ផ្សាយ​ថា Ronaldo មាន​ភាព​ខឹង​សម្បារ​ក្រោយ​ពេល​ដែល លោក Maurizio Sarri បាន​ដូរ​រូប​គេ​ចេញ​កាល​ពី​ថ្មីៗ​នេះ៕

រឿងរ៉ាវ​រវាង​លោក Maurizio Sarri ​និង​ខ្សែប្រយុទ្ធ Cristiano Ronaldo គឺ​នឹង​ត្រូវ​សម្រេច​ដោះស្រាយ ក្រោយ​ពេល​សាមី​ខ្លួន​វិល​ត្រលប់​ពី​ការ​លេង​ឲ្យ​ក្រុម​ជម្រើស​ជាតិ​ព័រទុយហ្គាល់​វិញ។ បញ្ហា​រវាង​អ្នក​ទាំង​ពីរ​បាន​កើត​ឡើង​នៅ​ការ​ប្រកួត​ទល់ AC Milan អំឡុង​ពេល​ដែល​បុរស​វ័យ ៣៤ ឆ្នាំ ត្រូវ​បាន​គ្រូ​បង្វឹក​ផ្លាស់​ចេញ​នៅ​នាទី ៥៤ ហើយ​កីឡាករ​ពាក់​អាវ​លេខ ៧ រូប​នេះ​បាន​ដើរ​ចេញ​ពី​ទីលាន​ប្រកួត ដោយ​មិន​ធ្វើ​ការ​ចាប់​ដៃ​ជាមួយ​មិត្ត​រួម​ក្រុម​ណា​ទាំង​អស់។ ក្រោយ​បិទ​ការ​ប្រកួត​នៅ​ពេល​នោះ​លោក Sarri លើក​ហេតុផល​ថា​ដោយ​សារ​ឃើញ Ronaldo ​មាន​សភាព​មិន​ស្រួល ពោល​គឺ​ទំនង​ជា​កើត​បញ្ហា​របួស​ត្រង់​ជង្គង់។ មតិ​ខ្លះ​ទៀត​ក៏​និយាយ​ថា Sarri លើក​មូលហេតុ គ្រាន់​បញ្ចៀស​មតិ​រិះគន់ ដោយ​តាម​ពិត​ទៅ​លោក​មិន​ពេញ​ចិត្ត​លើ​ទម្រង់​លេង​មិន​ដល់​កម្រិត​របស់ Ronaldo ទៅ​វិញ​ទេ។  

ខ្សែប្រយុទ្ធ Cristiano Ronaldo បានរកគ្រាប់បាល់អន្តរជាតិ ៣គ្រាប់ក្នុង ១ប្រកួតជាលើកទី៩របស់គេ ខណៈដែលក្រុមបាល់ទាត់ជម្រើសជាតិព័រទុយហ្គាល់ បានខិតកាន់តែកៀកក្នុងការឈ្នះកៅអីទៅលេងក្នុងព្រឹត្តិការណ៍ World UEFA EURO Qualifying ឆ្នាំ២០២០ ក្រោយពីក្រុមខ្លួនបានយកឈ្នះលើក្រុមជម្រើសជាតិលីទុយអានី ក្នុងលទ្ធផល ៦-០ ក្នុងទីក្រុង Faro កាលពីថ្ងៃព្រហស្បតិ៍។ ក្រុមម្ចាស់ជើងឯកទ្វីបអឺរ៉ុបមួយនេះ ត្រូវតែបង្ខំចិត្តធ្វើការរង់ចាំ ដោយសារតែក្រុមជម្រើសជាតិស៊ែប៊ី បានយកឈ្នះក្នុងលទ្ធផល ៣-២ លើក្រុមជម្រើសជាតិលុចសំបួរ ក្នុងការប្រកួតមួយគូផ្សេងទៀតក្នុងពូល B។ ក្រុមជម្រើសជាតិព័រទុយហ្គាល់ កំពុងតែស្ថិតក្នុងចំណាត់ថ្នាក់លេខ២ នៅលើតារាង បន្ទាប់ពីក្រុមជម្រើសជាតិអ៊ុយក្រែន ដែលបានឈ្នះកៅអីទៅជុំផ្តាច់ព្រ័ត្ររួចជាស្រេច និងនាំមុខ១ពិន្ទុលើក្រុមជម្រើសជាតិស៊ែប៊ី ប៉ុន្តែ ពួកគេអាចឈ្នះកៅអីរបស់ខ្លួនសម្រាប់យុទ្ធនាការនៅឆ្នាំក្រោយនេះ តាមរយៈការយកឈ្នះលើក្រុមជម្រើសជាតិលុចសំបួរ នៅថ្ងៃអាទិត្យខាងមុខនេះ។ បច្ចុប្បន្ន Ronaldo បានរកគ្រាប់បាល់ក្នុងការប្រកួតអន្តរជាតិរបស់គេចំនួន៩៨គ្រាប់ ហើយរូបគេកំពុងតែសង្ឃឹមថា នឹងក្លាយជាកីឡាករទី២មិនធ្លាប់មានពីមុនមក ក្នុងការរកបាន១០០គ្រាប់ នៅត្រឹមចុងសប្តាហ៍នេះ។ ខ្សែប្រយុទ្ធដ៏ឆ្នើមរបស់អ៊ីរ៉ង់ Ali Daei គឺជាអ្នកគ្រប់គ្រងកំណត់ត្រានៃការរកបានគ្រាប់បាល់ច្រើនជាងគេ តាមរយៈការរកបាន១០៩គ្រាប់ក្នុងការប្រកួតអន្តរជាតិ។ ខ្សែប្រយុទ្ធ Ronaldo វ័យ៣៤ឆ្នាំរបស់ក្លិប Juventus បានស៊ុតបាល់បញ្ចូលទី១៣គ្រាប់ក្នុងការបង្ហាញខ្លួនចំនួន៧លើកចុងក្រោយរបស់គេសម្រាប់ក្រុមជម្រើសជាតិព័រទុយហ្គាល់៕

លោក Maurizio Sarri ​បាន​រង​ការ​រិះគន់​និង​ងឿង​ឆ្ងល់​ជា​ខ្លាំង​ពី​សំណាក់​អ្នក​គាំទ្រ​កីឡាករ​ឆ្នើម Cristiano Ronaldo ក្រោយ​ពេល​ដែល​បុរស​សញ្ជាតិ​ព័រទុយហ្គាល់​ត្រូវ​បាន​ប្តូរ​ចេញ ជំនួស​ដោយ Paulo Dybala។ ត្បិត​ទទួល​បាន​ជ័យជម្នះ​និង​ជា​ការ​សម្រេច​ទី​ដោយ Dybala ក៏​ពិត​មែន តែ​មាន​មតិ​ជា​ច្រើន​ហាក់​មិន​អស់​ចិត្ត​ទាល់​តែ​សោះ។ ក្រោយ​បិទ​ការ​ប្រកួត​លោក Sarri ក៏​បាន​បកស្រាយ​ជុំវិញ​រឿងរ៉ាវ​ទាំង​នេះ​ដូច​គ្នា ដោយ​លោក​ប្រាប់ Sky Sport Italia ថា៖ “វា​ជា​រឿង​ធម្មតា​ហើយ​ដែល​គេ​នឹង​មាន​អារម្មណ៍​មិន​ល្អ​ពេល​ចាកចេញ​ពី​ទីលាន ជា​ពិសេស​នៅ​ពេល​ដែល​គេ​ខិតខំ​ខ្លាំង ប៉ុន្តែ​ដោយ​សារ​មើល​ឃើញ​ភាព​មិន​ស្រួល​របស់ Ronaldo ដែល​កន្លង​ទៅ​គេ​បាន​រង​បញ្ហា​របួស​ជង្គង់ បែប​នេះ​គឺ​លេង​មិន​ដល់​កម្រិត​ដ៏​ល្អ​ដែល​យើង​ចង់​បាន​នោះ​ទេ”។ លោក​សង្កត់​ធ្ងន់៖ “គ្រប់​កីឡាករ​ទាំង​អស់​ដែល​ព្យាយាម​ខ្លាំង អ៊ីចឹង​យ៉ាង​តិច​ក៏ ៥ នាទី​ដែរ ដែល​ទទួល​ការ​រំខាន​ផ្លូវ​ចិត្ត​ពេល​ត្រូវ​ប្តូរ​ចេញ​បែប​នេះ តែ​សម្រាប់​គ្រូ​បង្វឹក​នឹង​ព្រួយ​បារម្ភ​ទៅ​វិញ​ទេ ប្រសិន​ថា​ពួក​គេ​ត្រូវ​ប្តូរ​ចេញ​ហើយ​មិន​មាន​រឿង​អ្វី​កើត​ទុក្ខ​នោះ”៕

​លោក Sarri ​បាន​ប្ដូរ Cristiano Ronaldo ​ចេញ​នៅ​នាទី​៥៥​ក្នុង​ការ​ប្រកួត​ទល់​ក្រុម AC Milan ​ដោយ​ជំនួស​វិញ​Paulo Dybala ​។ ការ​ប្ដូរ​ចេញ​នៅ​ដើម​តង់​ទី​២​នេះ​ហើយ ធ្វើ​ឱ្យ​ខ្សែ​ប្រយុទ្ធ​ព័រទុយហ្គាល់​នេះ​មិន​សប្បាយ​ចិត្ត​នោះ​ទេ ​ហើយ​ត្រូវ​បាន​គេ​ដឹង​ថា​ចេញ​ពី​ទីលាន​ប្រកួត​មុន​ចប់​ការ​ប្រកួត​ថែម​ទៀត​ផង។ ​មិន​ត្រឹម​ប៉ុណ្ណោះ ​Ronaldo ​ក៏​បាន​បង្ហាញ​ទឹក​មុខ​មិន​ពេញ​ចិត្ត​ទាល់តែ​សោះ​តែ​ម្ដង សម្រាប់​ការ​ប្ដូរ​ចេញ​នេះ ​ព្រោះ​ប្រកួត​មុន​ក៏​ត្រូវ​ប្ដូរ​ចេញ​ដែរ។ ជាមួយ​លទ្ធផល​ឈ្នះ AC Milan ​នៅ​យប់មិញ ​ក្រុម Juventus ​នៅ​រក្សា​តំណែង​កំពូល​តារាង​ដដែល ​ដោយ​មាន​១​ពិន្ទុ​លើស​ក្រុម Inter Milan ​៕