Tag: Cristiano Ronaldo

​លោក Joan Laporta ​ប្រធាន​ក្លឹប FC Barcelona ​បាន​បញ្ជាក់​ថា​កុងត្រា​ដែល​គ្រោង​ត​ថ្មី​ឱ្យ Lionel Messi ​នោះ​ត្រូវ​បាន​ពន្យា​ពេល​សិន​ហើយ ​ដោយ​រង់ចាំ​ក្លឹប​លក់​កីឡាករ​ចេញ​បាន​ខ្លះ​សិន ដើម្បី​កុំ​ឱ្យ​ខុស​គោលការណ៍ FFP rules។ ​បន្ទាប់​ពី​លោក Laporta ​ចូល​កាន់​តំណែង​ប្រធាន​ក្លឹប​មក​លោក​បាន​ធ្វើ​គ្រប់​យ៉ាង​ដើម្បី​អាច​បន្ដ​កុងត្រា​ថ្មី​ឱ្យ Messi ​។ ​រហូត​ដល់​ប៉ុន្មាន​សប្ដាហ៍​មុន​នេះ ​ធ្លាយ​ដំណឹង​ថា​ប្រធាន​ក្រុម​រូប​នេះ​បាន​យល់​ព្រម​ត​កុងត្រា​ថ្មី​ហើយ ​ដោយ​មាន​រយៈ​ពេល​ដល់​ទៅ​២​ឆ្នាំ​ឯ​ណោះ ​ដោយ​រង់ចាំ​តែ​ចុះ​ហត្ថលេខា​ប៉ុណ្ណោះ។ ​តែ​ពេល​នេះ​បើ​តាម​សម្ដី​លោក Laporta ​បាន​បញ្ជាក់​ថា​គម្រោង​បន្ដ​កុងត្រា​២​ឆ្នាំ​នោះ​ត្រូវ​ពន្យា​ពេល​សិន​ហើយ។ ការ​ពន្យា​ពេល​នេះ គឺ​រង់ចាំ​ឱ្យ​ក្លឹប​អាច​បញ្ចេញ​កីឡាករ​ខ្លះ​ដែល​មាន​ឈ្មោះ​ក្នុង​បញ្ជី​លក់​ចេញ ​ដើម្បី​បាន​ចំណូល​ចូល​ក្លឹប។ ​មួយ​វិញ​ទៀត ​ដើម្បី​កុំ​ឱ្យ​ខុស​គោលការណ៍​ចំណាយ​របស់​ UEFA’s Financial Fair Play ​ផង​ដែរ។ លោក ​ក៏​បាន​បញ្ជាក់​ទៀត​ថា​តាម​គម្រោង​ក្លឹប​នឹង​ដាក់​ឱ្យ​កីឡាករ​គេ​ខ្ចី​ជើង​ច្រើន​ផង​ដែរ។ រំលឹក​ថា​នៅ​ខែ​កុម្ភៈ​ដើម​ឆ្នាំ​២០២១​នេះ ​របាយការណ៍​មួយ​បាន​ចេញ​ថា​ក្លឹប Barcelona ​មាន​បំណុល​កើន​ដល់​១​ពាន់​លាន​ផោន​ទៅ​ហើយ។ ដែល​នេះ ​អាច​បញ្ជាក់​បាន​ថា​ក្លឹប​នេះ​នឹង​មិន​អាច​ចំណាយ​ប្រាក់​ច្រើន​ទៅ​លើ​ការ​ទិញ​ដូរ​កីឡាករ​បាន​នោះ​ទេ៕

ខ្សែ​បម្រើ​ប្រយុទ្ធ​អាល្លឺម៉ង់​កីឡាករ Kai Havertz បាន​និយាយ​ប្រាប់​សារព័ត៌មាន​អាល្លឺម៉ង់​ថា ខ្លួន​មាន​សម្ពាធ​ណាស់​នៅ​ពេល​មក​លេង​ Chelsea ដោយ​គ្រប់​គ្នា​រំពឹង​ទុក​ថា ខ្លួន​ជា​ខ្សែ​ប្រយុទ្ធ​ព័រទុយហ្គាល់​ Cristiano Ronaldo ជំនាន់​ថ្មី។ កីឡាករ​កើត​ឆ្នាំ១៩៩៩រូប​នេះ​បាន​និយាយ​ថា៖ “មនុស្ស​គ្រប់​គ្នា​រំពឹង​ខ្ញុំ​ថា Cristiano Ronaldo ជំនាន់​ថ្មី។ តែ​វា​មិន​បាន​លឿន​អញ្ចឹង​ទេ គ្រប់​យ៉ាង​គឺ​ថ្មី​សម្រាប់​ខ្ញុំ ហើយ​ខ្ញុំ​មិន​បាន​លេង​ល្អ​ផង​នៅ​ពេល​បើក​រដូវ​កាល​ដំបូង​ៗ​។ ខ្ញុំ​មាន​អារម្មណ៍​ថា​រង​សម្ពាធ​ប្លែក​ខ្លាំង​ ខុស​ពី​ពេល​ដែល​ខ្ញុំ​លេង​នៅ Leverkusen”។ Havertz ផ្លាស់​មក​កាន់​ Chelsea កាល​ពី​ឆ្នាំ២០២០ ដោយ​តម្លៃ​ខ្លួន ៩៩លាន​ដុល្លារ។ កីឡាករ​រូប​នេះ​ ២៧ដង និង​រក​គ្រាប់​បាល់​បាន ៤គ្រាប់។ កីឡាករ​រូប​នេះ​បាន​ជាប់​ទៅ​លេង​ Euro ជាមួយ​ក្រុម​ជម្រើស​ជាតិ​អាល្លឺម៉ង់៕

ខ្សែប្រយុទ្ធក្រុមជម្រើសជាតិបែលហ្សុិក កីឡាករ Romelu Lukaku បានបង្ហាញនូវទម្រង់លេងដ៏អស្ចារ្យក្នុងការប្រកួតយប់មិញនេះទល់នឹងក្រុមជម្រើសជាតិរុស្សីនៃព្រឹត្តិការណ៍ ។ នៅក្នុងវគ្គទី១ ចាប់ផ្តើមបានតែ១០នាទីប៉ុណ្ណោះ Lukaku បានស៊ុតបញ្ចូលទីដោយប្រើប្រាស់ជើងឆ្វេងរបស់ខ្លួនដាច់ចង្កេះអ្នកចាំទី Antoin Shunin មុនពេលដែល Thomas Meunier បានបន្ថែមមួយគ្រាប់ទៀតនៅនាទីទី៣៤ ហើយបានបើកការនាំមុខមុន២ទល់នឹង០។  ក្រោយមករហូតឈានដល់នាទី ៨៨ ទើបមានគ្រាប់បាល់តាមរយៈការស៊ុតបញ្ចូលទីមួយគ្រាប់របស់ Lukaku ដែលជាគ្រាប់ទីពីររបស់គេប្រចាំការប្រកួត និងជាគ្រាប់ជ័យជម្នះជួយ បែលហ្ស៊ិក យកបីពិន្ទុពីរុស្សីក្នុងការប្រកួតបើកឆាកជាមួយនឹងលទ្ធផលដ៏ត្រចែសត្រចង់ ៣ទល់នឹង០ ផងដែរ។ គួរបញ្ជាក់ផងដែរថា៖ សម្រាប់២គ្រាប់ដ៏ល្អនេះ Lukaku បានផ្ញើទៅកាន់មិត្តសម្លាញ់របស់គេម្នាក់ដែលបានដួលសន្លប់គឺកីឡាករ Eriksen ហើយថែមទាំងបាននិយាយពាក្យមួយឃ្លាទៀតថា “ខ្ញុំស្រលាញ់អ្នក”។

ខ្សែប្រយុទ្ធ Cristiano Ronaldo អាចនឹងចាកចេញពីក្លឹប Juventus ។ នេះយោងតាមសារពត៍មាន ESPN បាននិយាយថាភ្នាក់ងាររបស់ Cristiano កំពុងពិភាក្សាអំពីអនាគតរបស់គេជាមួយក្លឹបប៉ុន្តែក៏មានទំនាក់ទំនងជាមួយក្រុមផ្សេងទៀតផងដែរ។ ក្រុមបិសាចក្រហម Manchester United, Real Madrid និង PSG ត្រូវបានទាក់ទងដើម្បីពិនិត្យមើលថាតើកីឡាករសញ្ជាតិព័រទុយហ្កាល់រូបនេះគឺជាផ្នែកមួយនៃផែនការរបស់ក្លឹបទាំងនោះដែរឬទេ។ ខណះមានការកត់សម្គាល់ថា Cristiano Ronaldo ទំនងជាមិនធ្វើការសម្រេចចិត្តលើកន្លែងដែលគាត់មានបំណងបន្តអាជីពរបស់គាត់រហូតដល់ការប្រកួតជើងឯកអឺរ៉ុប EURO 2020 បានបញ្ជប់។ ការចាកចេញរបស់ Ronaldo មិនត្រូវបានគេច្រានចោលនោះទេប៉ុន្តែការទាមទារហិរញ្ញវត្ថុរបស់ Juventus និងការទាមទារហិរញ្ញវត្ថុរបស់កីឡាករមានលក្ខណះហួសហេតុពេកដោយសារតែវិបត្តិដែលបណ្តាលមកពីជំងឺរាតត្បាត Covid 19 ។

ក្លឹប Real Madrid នឹងមិនបានទាមទារសំណងពីលោក Zinedine Zidane នោះទេ ខណះដែលលោកបានចាក់ចេញពីក្លឹបមុនកាលកំណតក៏ដោយ។ គ្រូបង្វឹកសញ្ជាតិបារាំងរូបនេះបានលាឈប់ពីតំណែងជាគ្រូបង្វឹកក្រុមអធិរាជស Real Madrid  ជាលើកដំបូងកាលពីឆ្នាំ ២០១៨ ។ បន្ទាប់ពីការវិលត្រឡប់របស់ Zidane ក្នុងឆ្នាំ ២០១៩ ក្លឹបម៉ាឌ្រីដបានយល់ព្រមលើកិច្ចសន្យាជាមួយគាត់ជាមួយនឹងលក្ខខណ្ឌដែលភាគីទាំង ២ នឹងត្រូវបង់ប្រាក់ ១០ លានផោនក្នុងករណីមានការបញ្ចប់ការងារមុនកាលកំណត់។ Real Madrid បានសំរេចចិត្តអោយគ្រូបង្វឹករូបនេះទៅដោយមិនតម្រូវអោយគាត់ពិន័យជាប្រាក់ឡើយ។ ទោះបីជាមានលិខិតចំហរពីលោក Zinedine Zidane ដែលលេចចេញមកភ្លាមៗក៏ដោយក៏ក្លឹបមិនបានផ្លាស់ប្តូរការសម្រេចចិត្តរបស់ពួកគេដែរ។

គូ​ធំ​ប្រចាំ​យប់​មិញ​ក្នុង​ជំនួប​មិត្ត​ភាព​ អេស្ប៉ាញ និង​ព័រទុយហ្គាល់ ​​បញ្ចប់​ទៅត្រឹម​០-០ ដែល​ការ​ប្រកួត​ធ្វើ​ឡើង​នៅ​ទឹក​ដី​ប្រទេស​អេស្ប៉ាញ​ ហើយ​ការ​ស៊ុត​គ្នា​វិញ​ ម្ចាស់ផ្ទះ​ស៊ុត​ចំ​គោលដៅ​ពីរ​ជើង ខណៈ​ក្រុម​ភ្ញៀវ​ស៊ុត​ចំ​គោលដៅមួយ​ជើង​នេះ​បើ​តាម​ស្ថិតិ​ក្នុង​ Livescore ​។ ​សរុប​ការ​ស៊ុត​របស់​ម្ចាស់​ផ្ទះ​គឺ​​ចំនួន​ស៊ុត​សរុប​​ចំនួន​៩​ជើង​ក្នុង​នោះ​ស៊ុត​​ខុស​គោលដៅ​៥​ជើង​ស៊ុត​ចំគោលដៅ​២ ជើង​និង​ស៊ុត​ដោយ​មាន​ការ​រារាំង​ចំនួន​២​ជើង​។ ចំណែក​ក្រុម​ភ្ញៀ​​វ​វិញ​​សរុប​ចំនួន៥​ជើង​ក្នុង​នោះ​ចំ​គោលដៅ​តែ​មួយ​ជើង​ប៉ុណ្ណោះ។ ​​បើ​និយាយ​ពី​កម្រិត​កីឡាករ​វិញ​ក្រុម​ទាំង​ពីរ​ដាក់​ល្អ​​ៗ​ដូច​គ្នាមាន​ទាំង Ronaldo , Jota និង Joao Felix សម្រាប់​ក្រុម​ភ្ញៀវ ស្រប​ពេល​ម្ចាស់​ផ្ទះ​ដាក់ Alvaro Morata និង Ferran Torres របស់​ Man City ជា​ដើម​។

​អ្នក​ចាំទី​របស់ អេក្វាឌ័រ កីឡាករ​ Alexander Domínguez Carabalí ទទួល​បាន​កាត​លឿង​ភ្លាម​ៗ​ក្រោយ​ចង់​ដើរ​ចេញ​ពី​ទីលាន​​ ដោយ​សារ​ខឹង​អាជ្ញាកណ្ដាល​សម្រេច​ឲ្យ Neymar ទាត់​ប៉េណាល់ទី​ម្ដង​ទៀត សម្រាប់​ការ​ប្រកួត​​ជម្រុះ​ World Cup Qualification South America 2022 Qatar ដែល​ការ​ប្រកួត​បញ្ចប់​ទៅ​មុន​​នេះ​ផ្ចាស់ផ្ទះ​ ប្រេស៊ីល ឈ្នះ​អេក្វាឌ័រ​ ២-០​។ ការ​សម្រេច​ចិត្ត​ចង់​​ដើរ​ចេញ​ពី​ទីលាន​នេះ​ត្រូវ​បាន​​កីឡាករ និង​គ្រូ​បង្វឹក​ឃាត់​ទើប​ត្រូវ​បាន Alexander Domínguez Carabalí ​ត្រឡប់​ចូលទីលាន​វិញ​លេង​ដល់​ចប់​ការប្រកួត​។ ប៉ុន្តែ​បើ​និយាយ​ពី​ការ​ផ្ដល់​ការ​ទាត់​ប៉េណាល់ទី​លើក​ទី​២​នេះ​ដោយ​សារ Alexander Domínguez Carabalí ​​ត្រូវ​បាន​អាជ្ញាកណ្ដាល​មើល​ឃើញ​ថា បាន​ដើរ​ចេញ​ពី​បន្ទាប់​មុន​ពេល​ Neymar ទាត់​បាល់​។ ​យ៉ាង​ណា​ការ​ប្រកួត​ត្រូវ​បាន​បញ្ចប់​ខណៈ​ Neymar ជា​កីឡាករ​ល្អ​ប្រចាំ​ការ​ប្រកួត​ដោយសារ​ការ​បញ្ជូន​បាល់​ឲ្យ​មិត្ត​រួម​ក្រុម​ស៊ុត​បាន​មួយ​គ្រាប់​នាទី​៦៥ និង​ស៊ុត​ប៉េណាល់​ទី​ខ្លួន​ឯង​បាន​មួយ​គ្រាប់​នៅ​នាទី​៩០+៤។

ព្រឹត្តិការណ៍​បាល់ទាត់​ទ្វីប​អាមេរិក​ខាង​ត្បូង Copa America ដែល​នឹង​ចាប់​ផ្ដើម​នៅ​ខែ​មិថុនា​នេះ គ្រោង​នឹង​រៀប​ចំ​នៅ​ប្រទេស​ប្រេស៊ីល ក្រោយ​សហ​ម្ចាស់​ផ្ទះ​អាហ្សង់ទីន និង​កូឡុំប៊ី បាន​ដក​ខ្លួន​ចេញ​ពី​ភាព​ជា​ម្ចាស់​ផ្ទះ ខណៈ​ស្ថានភាព​នៅ​កូវីដ-១៩​នៅ​ប្រទេស​ទាំង​ពីរ​កំពុង​តែ​ដុនដាប។ ទោះ​ជា​យ៉ាងណា​ក្ដី កីឡាករ​ប្រេស៊ីល​មួយ​ចំនួន​ដូច​ជា​ខ្សែ​បម្រើ​ក្លឹប Real Madrid កីឡាករ Casemiro ជា​ដើម បង្ហាញ​ភាព​មិន​សប្បាយ​ចិត្ត​ចំពោះ​ការ​សម្រេច​ចិត្ត​នេះ។ នេះ​បើ​តាម​ការ​លើកឡើង​របស់​គ្រូ​បង្គោល​ប្រេស៊ីល លោក Tite។ លោក​ Tite បាន​ឲ្យ​ដឹង​ថា ក្រុម​កីឡាករ​ប្រេស៊ីល​បាន​ចូល​ជួប​ជាមួយ​ប្រធាន​សហព័ន្ធ​កីឡា​បាល់ទាត់​ប្រេស៊ីល​លោក Rogério Caboclo កាល​ពី​ថ្ងៃ​ព្រហស្បតិ៍។ លោក​បាន​លើកឡើង​ថា៖ ” ពួក​កីឡាករ​មាន​គំនិត​របស់​គេ​ផ្ទាល់​ខ្លួន ហើយ​ពួក​គេ​បាន​បញ្ចេញ​ប្រាប់​ប្រធាន​សហព័ន្ធ​ ហើយ​ពួក​គេ​នឹង​បញ្ចេញ​ជា​សាធារណៈ​នៅ​ពេល​វេលា​ណា​មួយ​សម​ស្រប។ សូម្បី​តែ​ប្រធាន​ក្រុម Casemiro មិន​មាន​វត្តមាន​នៅ​សន្និសីទ​កាសែត​ ក៏​បង្ហាញ​ពី​ចំណាប់​អារម្មណ៍​មួយ​ពាក់ព័ន្ធ​នឹង​រឿង​នេះ​ដែរ ” ។ យ៉ាងណាមិញ លោក Tite បាន​សុំ​ចិត្ត​កីឡាករ​ឲ្យ​លេង​ប្រកួត​ជម្រុះ​ World Cup ២ប្រកួត​ទៀត​ទេ​គឺ លេង​ប៉ះ​នឹង​អេក្វាឌ័រ និង​ប៉ារ៉ាហ្គាយ។ ក្រោយ​ពី ២ប្រកួត​នេះ​ហើយ គ្រូ​បង្វឹក​ប្រេស៊ីល​បាន​ឲ្យ​ដឹង​ថា ក្រុម​កីឡាករ​ចង់​សម្រេច​ចិត្ត​បែប​ណា​ក៏​បាន​៕

ថ្ងៃ​ទី ១១ ខែ មិថុនា ព្រឹត្តិការណ៍ Euro ២០២០ នឹង​ឈាន​ចូល​មក​ដល់​ហើយ។ ប្រទេស​ទាំង​២៤​ក្នុង​តំបន់​អឺរ៉ុប​ត្រូវ​ប្រជែង​គ្នា​រយៈពេល​១​ខែ​ពេញ ដើម្បី​រក​មួយ​ក្រុម​ក្លាយ​ជា​ម្ចាស់​ជើង​ឯក​ឆ្នាំ​នេះ។ មុន​ព្រឹត្តិការណ៍​ពិសេស​នេះ​មក​ដល់ Sabay សូម​បង្ហាញ​ប្រាក់​រង្វាន់​ដែល​ក្រុម​នីមួយ​ត្រូវ​ទទួល​បាន៖ ក្រុម​ទាំង​២៤​ដែល​បាន​ឡើង​មក​វគ្គ​ចែក​ពូល​​ត្រូវ​ទទួល​បាន​មួយ​ក្រុម​៩,២៥​លាន​អឺរ៉ូ សម្រាប់​ការ​ប្រកួត​​ក្នុង​ពូល​​ដែល​មួយ​ក្រុម​ៗ​ត្រូវ​លេង​៣​ប្រកួត​នោះ បើ​ឈ្នះ​មួយ​ប្រកួត​ទទួល​បាន​១,​៥​លាន​អឺរ៉ូ តែ​បើ​ស្មើ​បាន​៧៥​ម៉ឺន​អឺរ៉ូ ក្រុម​ដែល​បាន​ឈាន​ចូល​វគ្គ​១៦​ក្រុម​ចុងក្រោយ​នឹង​ទទួល​បាន​២​លាន​អឺរ៉ូ សម្រាប់ក្រុម​ដែល​បាន​បន្តឈាន​ចូល​វគ្គ​៨​ក្រុម​ចុងក្រោយ​នឹង​ទទួល​បាន​៣,២៥​​លាន​អឺរ៉ូបន្ថែម លើស​ពី​នេះ​ក្រុម​ដែល​បាន​ឈាន​ចូល​វគ្គ៤​ក្រុម​ចុងក្រោយ​នឹង​ទទួល​បាន​៥​​លាន​អឺរ៉ូ​បន្ថែម​ទៀត ចំពោះ​ក្រុម​​លេង​បញ្ចប់បាន​ចំណាត់​ថ្នាក់​​​លេខ​២​​ទទួល​បាន​​ប្រាក់​រង្វាន់៧​លាន​អឺរ៉ូ ចុងក្រោយក្រុម​​ទទួល​បាន​ជើង​ឯក​នឹង​ទទួល​បាន​១០​លាន​​អឺរ៉ូ សង្ខេប​​មក​វិញ ក្រុម​ដែល​យក​​បាន​ជើង​ឯក Euro ២០២០ នឹង​ទទួល​បាន​ប្រាក់​រង្វាន់​សរុប​ប្រមាណ​៣៤​​លាន​អឺរ៉ូ៕

ខ្សែប្រយុទ្ធ​ក្លឹប​ Paris Saint Germain កីឡាករ​ Kylian Mbappe បាន​ឆ្លើយ​តប​នឹង​សំនួរ​ដែល​បាន​សួរ​ថា​ មូលហេតុ​អ្វី​បាន​ជា​កីឡាករ​នេះ​មិន​ទៅ​លេង​ឲ្យ​ក្រុម​ថ្នាល​របស់​ក្លឹប​ Real Madrid កាល​ពី​ឆ្នាំ​២០១៤​។ Mbappe បាន​ឆ្លើយ​ថា​៖” នៅ​ពេល​ហ្នឹង​ម្ដាយ​ឪពុក​របស់​ខ្ញុំ​ចង់​ឲ្យ​ខ្ញុំ​ចាប់​អាជីព​ជា​អ្នក​បាល់ទាត់​នៅ​ប្រទេស​បារាំង​ និង​ធ្វើ​ការ​រៀនសូត្រ​អី​ហ្នឹង​នៅ​ប្រទេស​នេះ​តែ​ម្ដង​ “។ កីឡាករ​នេះ​បន្ត​ថា​៖” និយាយ​ទៅ​ពួក​គាត់​ចង់​ឲ្យ​ខ្ញុំ​លេង​បាល់​ផង​ ហើយ​ចង់​ឲ្យ​បន្ត​រៀន​សូត្រ​ធម្មតា​នៅ​ក្នុង​ពេល​ជា​មួយ​គ្នា​តែ​ម្ដង​ហ្នឹង​ផង​។ បើ​ពេល​នោះ​ខ្ញុំ​ព្រម​ទៅ​លេង​ឲ្យ​ក្លឹប​ Real ហ្នឹង​ ទោះ​ជា​មាន​អ្នក​ដឹកនាំ​ជា​ Zidane ក្ដី​ក៏​ខ្ញុំ​ទៅ​ប្រទេស​ផ្សេង​ អញ្ចឹង​ការ​រស់​នៅ​ របៀប​រប​ ប្រពៃ​ណី​ រៀន​សូត្រ​អី​ហ្នឹង​វា​ខុស​ពី​នៅ​នេះ​ “។ នៅ​ចុង​រដូវកាល​នេះ​ Mbappe មិន​ទាន់បាន​បន្ត​កុងត្រា​ថ្មី​តាម​តែ​ PSG ចង់​បាន​នៅ​ឡើយ​នោះទេ​ ខណៈ​ដែរ​ព័ត៌មាន​ជា​ច្រើន​បាន​ចុះ​ផ្សាយ​ថា​ Real បាន​ទាក់ទង​ចង់​បាន​ម្ដង​ទៀត​ ប៉ុន្តែ​​កីឡាករ​នេះ​មិន​ទាន់​ឆ្លើយ​តប​ជា​ផ្លូវការយ៉ាង​ណា​នោះទេ​នឹង​សំណើ​នេះ​៕

ខ្សែបម្រើឆ្នើម Eden Hazard  របស់ក្លិប Real Madrid និងក្រុមជម្រើសជាតិបែលហ្ស៊ិក មានសេចក្តីសោមនស្សរីករាយជាមួយនឹងការតែងតាំងលោក Carlo Ancelotti ជាគ្រូបង្វឹកនៃក្លឹបអធិរាជស Real Madrid ។ អ្នករាល់គ្នានៅទីក្រុងម៉ាឌ្រីដដឹងថាតើលោក Ancelotti បានផ្តល់អ្វីដល់ក្លិបនេះ។ គាត់បានឈ្នះពានរង្វាន់ Champions League ជាមួយក្រុមនេះនិងស្គាល់កីឡាករជាច្រើន។ យើងដឹងថាគាត់គឺជាគ្រូបង្វឹកដែលមានបទពិសោធច្រើន។ គាត់ស្គាល់ទីក្រុងនិងអ្នកគាំទ្រ។ ខ្ញុំគិតថារួមគ្នាយើងនឹងទទួលបាននូវរឿងអស្ចារ្យជាច្រើន។ យើងមិនស្គាល់គ្នាដោយផ្ទាល់ទេប៉ុន្តែខ្ញុំបានដឹង ថាគាត់ជាមនុស្សល្អណាស់ដែលគិតតែចង់ឈ្នះ។ នោះជាអ្វីដែលយើងទាំងអស់គ្នាចង់បាន។ ខ្ញុំនឹងទទួលបានឱកាសធ្វើការជាមួយគាត់។ វាជារឿងល្អ។

ខ្សែប្រយុទ្ធ​អង់គ្លេស​ Harry Kane បាន​និយាយ​កាល​ពីពេល​ថ្មីៗ​នេះ​ថា​ គេ​គិត​ថា​ អាជីព​ជា​កីឡាករ​បាល់ទាត់​របស់​គេ​មិន​ជោគជ័យ​ទេ​ បើ​មិន​បាន​ឈ្នះ​ពាន​ធំ​មួយ​ ជា​មួយ​ក្រុម​ជម្រើស​ជាតិ​អង់គ្លេស។ Kane បាន​និយាយថា​៖” ខ្ញុំ​សង្ឃឹម​ថា​ម្ដាយ​ខ្ញុំមិន​ប្រកាន់​រឿង​ខ្ញុំ​ទម្លាយ​អាយុ​របស់​គាត់​ចុះ​ ម្ដាយ​ខ្ញុំ​គាត់​កើត​នៅ​ឆ្នាំ​១៩៦៦ ឪពុក​ខ្ញុំ​កើត​នៅ​ឆ្នាំ​១៩៦៤ ហើយ​ក្រោយ​គាត់​កើត​បាន​២ឆ្នាំ​ ក្រុម​ជ្រើស​ជាតិ​អង់គ្លេស​របស់​យើង​ក៏​បាន​ឈ្នះ​ពាន​ World Cup មួយ​ “។ កីឡាករ​នេះ​បន្ត​ថា​៖” អញ្ចឹង​ហើយ​បាន​ជា​ខ្ញុំ​គិត​ថា​ អាជីព​ជា​កីឡាករ​បាល់ទាត់​របស់​ខ្ញុំ​​មិន​ជោគជ័យ​ទេ​ បើ​មិន​បាន​ឈ្នះ​ពាន​ធំ​មួយ​ ជា​មួយ​ក្រុម​ជម្រើស​ជាតិ​អង់គ្លេស​។ ខ្ញុំ​ដឹងថា​រឿង​យក​ឈ្នះ​ពាន​ធំៗ​អញ្ចឹង​​ ​ពួក​យើង​នូវ​មាន​កម្រិត​ ​តែនេះជាគោលដៅ​ដែល​យើង​ចង់​បាន​ ហើយ​ខ្ញុំ​ក៏​គិត​ផង​ដែរ​ថា​ ពួក​យើង​នឹង​ធ្វើ​បាន​ “។ គួរ​បញ្ជាក់​ផង​ដែរ​ថា​ នៅ​ក្នុង​ថ្ងៃនេះ​ក្រុម​ជម្រើស​ជាតិ​អង់គ្លេស​បាន​យក​ឈ្នះ​​ជម្រើស​ជាតិ​អូទ្រីស​ក្នុង​ប្រកួត​មិត្តភាព​ ដោយ​ប្រកួត​នេះ​ជា​ប្រកួត​សម​សម្រាប់​ប្រកួត​ UEFA Euro 2020 ដែល​នឹង​ចាប់​នៅ​ថ្ងៃ​ទី​១១ ខែ​មិថុនា រហូត​ដល់​ថ្ងៃ​ទី​១១ ខែកក្កដា ឆ្នាំ២០២១​ខាង​មុខ​។

ខ្សែ​ប្រយុទ្ធ​ក្រុម​ជម្រើស​ជាតិ​កូរ៉េ​ កីឡាករ Son Heung-min បាន​បង្ហាញ​ចំណាប់​អារម្មណ៍​ថា ខ្លួន​មិន​មាន​ការ​ព្រួយ​បារម្ភ​ថា ខ្សែ​ប្រយុទ្ធ​អង់គ្លេស​ Harry Kane ចេញ​ពី​ក្លឹប Tottenham Hotspur ឬ យ៉ាង​ណា​នោះ​ទេ ដោយ​គេ​ផ្ដោត​តែ​ការ​លេង​នៅ​ជម្រើស​ជាតិ និង​ក្លឹប​ប៉ុណ្ណោះ។ នៅ​ពេល​គេ​សួរ​អំពី​ពាក្យ​ចចាមអារ៉ាម​ថា Kane ចាកចេញ​ពី​ Spurs កីឡាករ​រូប​នេះ​បាន​តប​ទៅ​វិញ​ភ្លាម​ៗ​ថា៖ ” Kane បាន​ចេញ​ពី​ក្លឹប​នៅ? គ្រប់​យ៉ាង​មិន​ទាន់​បាន​គិត​គូរ​រួច​រាល់​នោះ​ទេ។ ជា​ជាង​ព្រួយ​បារម្ភ​រឿង​ទីផ្សារ​កីឡាករ​របស់ Kane ខ្ញុំ​យក​អារម្មណ៍​មក​គិត​ប្រឹងប្រែង​ឲ្យ​អស់​ពី​សមត្ថភាព​នៅ Tottenham ” ។ កីឡាករ​រូប​នេះ​បាន​បន្ត​ថា៖ ” ខ្ញុំ​ចង់​ផ្ដោត​នៅ​ក្រុម​ជម្រើស​ជាតិ​ និង​ក្លឹប​។ ប្រហែល​ជា Kane គិត​ដូច​គ្នា​ដែរ គេ​កំពុង​តែ​រវល់​ត្រៀម​ខ្លួន​លេង​នៅ Euro ” ។ Kane ត្រូវ​បាន​លេចឮ​ថា មាន​បំណង​ចាក​ចេញ​ពី Spurs កាល​ពី​ពេល​ថ្មីៗ​នេះ​។ យ៉ាងណាមិញ ខាង​សាមី​ខ្លួន​ជា​រឿយៗ​មិន​បាន​បដិសេធ​ ឬ ក៏​និយាយ​ត្រង់​ៗ​ដែរ​ពាក់ព័ន្ធ​នឹង​បញ្ហា​នេះ៕

ក្លឹប​ទាំង​ ១២ ដែល​រួម​គ្នា​បង្កើត​ក្របខ័ណ្ឌ​ប្រកួត​បាល់ទាត់​​ទ្វីប​អឺរ៉ុប​ថ្មី ដែល​មាន​ឈ្មោះ​ថា European Super League នៅ​តែ​បន្ត​កាន់កាប់​ភាគហ៊ុន​របស់​ខ្លួន​នៅ​ក្នុង​ស្ថាប័ន​នេះ​នៅ​ឡើយ​ទេ។ នេះ​បើ​តាម​ការ​ចុះ​ផ្សាយ​​របស់​សារព័ត៌មាន​អេស្ប៉ាញ El Confidencial។ គិត​មក​ត្រឹម​ពេល​នេះ​មាន​តែ​ក្លឹប ៣ប៉ុណ្ណោះ​ ដែល​មិន​ទាន់​ដក​ខ្លួន​ចេញ​ពី​ក្របខ័ណ្ឌ​នេះ។ ក្លឹប​ទាំង ៣នោះ​គឺ ​Real Madrid ក្លឹប Barcelona និង​ក្លឹប Juventus។ យ៉ាងណាមិញ បើ​យោង​តាម​ការ​ទម្លាយ​របស់​សារព័ត៌មាន​ខាង​លើ​បាន​ឲ្យ​ដឹង​ថា ក្លឹប​ទាំង ៩ផ្សេង​ទៀត ដោយ​ក្នុង​នោះ​មាន​ក្លឹប​អង់គ្លេស​ទាំង ៦ ក្លឹប​អេស្ប៉ាញ Atletico Madrid និង​ក្លឹប​អ៊ីតាលី​ Inter Milan និង​ AC Milan ដែល​ប្រកាស​ថា​ដក​ចេញ​នោះ គឺ​ដក​បាន​ត្រឹម​តែ​ពាក្យ​សម្ដី​ប៉ុណ្ណោះ មិនមែន​ដក​ចេញ​ជា​ផ្លូវការ​នោះ​ទេ។ Super League នៅ​ពេល​នេះ​នៅ​តែ​បន្ត​មាន នេះ​បើ​តាម​ការ​លើកឡើង​របស់​លោក Florentino Perez។ យ៉ាងណាមិញ ស្ថាប័ន​នេះ​នៅ​ជាប់​មាន​ក្ដីក្ដាំ​ពាក្យ​បណ្ដឹង​ជាមួយ​នឹង​ស្ថាប័ន​បាល់ទាត់​អឺរ៉ុប UEFA៕

យោងតាមកាសែត La Gazzetta dello Sport បានអោយដឹងថាខ្សែប្រយុទ្ធ Cristiano Ronaldo អាចនឹងចូលរួមជាមួយ PSG ដើម្បីជំនួស Kylian Mbappé ខណៈដែលក្រុម Juventus ក៏កំពុងតែគិតអំពីការដោះដូរជាមួយ Paul Pogba ផងដែរ។ បើទោះបីជាកុងត្រារបស់ C.Ronaldo ជាមួយក្លឹប Juventus ផុតកំណត់នៅឆ្នាំ ២០២២ ក៏ដោយក៏តារាឆ្នើមព័រទុយហ្កាល់រូបនេះអាចនឹងចាកចេញពីកីឡដ្ឋាន Allianz ដោយនៅសល់មួយឆ្នាំទៀតលើកិច្ចសន្យារបស់គាត់។ បណ្តាញសារព័ត៌មាននូវអ៊ីតាលីជាច្រើនបានអះអាងថា CR7 មិនសប្បាយចិត្តជាមួយក្រុម សេះបង្គង់ Juventus ទេហើយការវិលត្រឡប់របស់អតឺតគ្រូបង្វឹកលោក Massimiliano Allegri ។ យោងទៅតាមសារព័ត៌មាន La Gazzetta dello Sport បានអោយដឹងថា Ronaldo គឺជាអ្នកនាំមុខគេដើម្បីជោគជ័យឲ្យ Kylian Mbappé នៅក្រុម PSG

ខ្សែ​ប្រយុទ្ធ Cristiano Ronaldo ​បាន​ប្រាប់​មិត្ត​រួម​ក្រុម​នៅ Juventus ​ថា​រូបគេ​ចង់​ចាកចេញ​នៅ​ចប់​រដូវ​កាល​នេះ​ហើយ ​ក្រោយ​ពី​ឈ្នះ​គ្រប់​យ៉ាង​ដែល​ខ្លួន​បាន​សន្យា។ ​អតីត​កីឡាករ Real Madrid ​ខាង​លើ​នេះ​បាន​ចូល​ដល់​ក្រុង Turin ​នៅ​ឆ្នាំ​២០១៨ ​ហើយ​រដូវ​កាល​ចុង​ក្រោយ​នេះ​រូបគេ​ធ្វើ​មិន​សូវ​បាន​ល្អ​ទេ ​ដោយ​បាន​ក្លាយ​ជា​អ្នក​រក​គ្រាប់​បាល់​បាន​ច្រើន​ជាង​គេ​មែន ប៉ុន្តែ​មិន​អាច​ជួយ​ក្រុម​ការពារ​តំណែង​ជើង​ឯក​លីគ​បាន។ ​ដោយ​ឡែក​ក្រោម​ការ​ដឹក​នាំ​របស់​លោក Pirlo ​រូបគេ​ក៏​បាន​បង្ហាញ​ការ​មិន​សប្បាយ​ចិត្ត​ផង​ដែរ។ កីឡាករ​វ័យ​៣៦​ឆ្នាំ​ខាង​លើ​នៅ​សល់​កុងត្រា​ដល់​ឆ្នាំ​២០២២​ដែរ ប៉ុន្តែ​ប្រភព​នៅ​អ៊ីតាលី​បាន​ចុះ​ផ្សាយ​ថា​មុន​បិទ​បញ្ចប់​រដូវ​កាល​នេះ Ronaldo ​បាន​ប្រាប់​សមាជិក​ក្រុម​ដទៃ​ទៀត​ថា​រូបគេ​ចង់​ចាកចេញ​ពី​អ៊ីតាលី​ទៅ​ហើយ។ ​Manchester United ​និង PSG ​ជា​ក្លឹប​ដែល​មាន​ភាគរយ​ខ្ពស់​ក្នុង​ការ​យក Ronaldo ​ទៅ​ចូល​រួម​ក្រុម​សម្រាប់​រដូវ​កាល​ថ្មី៕

UEFA បានបង្ហាញនូវពានរង្វាន់ថ្មីសម្រាប់ក្រុមដែលមកពីទូទាំងទ្វីបអឺរ៉ុបអាចប្រកួតប្រជែងក្នុងពានរង្វាន់ Europa Conference League ។ ECL ត្រូវបានបង្កើតឡើងដើម្បីផ្តល់ឱកាសដល់ក្រុមដែលមានកម្រិតមធ្យមនៅអឺរ៉ុបបន្ថែមទៀតដើម្បីលេងប្រចាំទ្វីបដោយម្ចាស់ជើងឯកនឹងទទួលបានកៅអីមួយនៅ Europa League នៅរដូវកាលបន្ទាប់។ ការប្រកួតប្រជែងថ្នាក់កម្រិតមធ្យមនៅទ្វីបអឺរ៉ុបអ្នកឈ្នះ Europa Conference League នឹងទទួលបានពានរង្វាន់ម៉ាកថ្មីនេះដែលត្រូវបានបង្កើតឡើងដើម្បីតំណាងនៃការប្រកួតប្រជែង។

កីឡាករ Cristiano Ronaldo បានធ្វើដំណើរទៅកាន់ប្រទេសព័រទុយហ្កាល់ដើម្បីហ្វឹកហាត់សម្រាប់ EURO 2020 ភ្លាមៗបន្ទាប់ពីក្រុមសេះបង្កង់ Juventus ទទួលបានកៅអីចូលលេងពានរង្វាន់ Champions League នៅរដូវកាលក្រោយ ។ ប្រធានក្រុមជម្រើសជាតិព័រទុយហ្កាល់រូបនេះបានឈរនៅកៅអីបម្រុងក្នុងការប្រកួតចុងក្រោយជាមួយក្រុម Bologna ដែលក្រុម Juventus ឈ្នះ ៤-១ ដើម្បីបញ្ចប់ក្នុងចំណាត់ថ្នាក់កំពូលទាំង ៤ ។ យោងតាម Tuttomercatoweb អតីតខ្សែប្រយុទ្ធ Man United នឹង Real Madrid មិនបានស្នាក់នៅក្នុងទីក្រុង Turin ទេប៉ុន្តែផ្ទុយទៅវិញបានហោះហើរទៅទីក្រុង Lisbon ទាំងពេលយប់។ គ្រូបង្វឹកលោក Santos និងក្រុមជម្រើសជាតិព័រទុយហ្កាល់កំពុងទន្ទឹងរងចាំមើលកីឡាករវ័យ ៣៦ ឆ្នាំរូបនេះនៅពេលពួកគេចាប់ផ្តើមត្រៀមសម្រាប់ព្រឹត្តិការណ៍ Euro 2020 ។ ការចាប់ផ្ដើមព្រឹត្តិការណ៍ Euro 2020 ចាប់ផ្តើមភ្លាមៗដោយព័រទុយហ្កាល់ធ្វើជាម្ចាស់ផ្ទះពេលប៉ះហុងគ្រីនៅក្នុងការប្រកួតលើកដំបូងរបស់ពួកគេនៅថ្ងៃទី ១៥ ខែមិថុនា។