Tag: Cristiano

លោក Ralf Rangnick បានស្នើឲ្យលោក Erik Ten Hag ដែលជាគ្រូបង្វឹកថ្មីរបស់ Manchester United ប្រញាប់ប្រញាល់ទិញខ្សែប្រយុទ្ធពីររូបមកពង្រឹងក្រុមនៅរដូវកាលក្រោយនេះ។ ​លោកក៏បាននិយាយដែរថា ក្រុមទាំងមូលរាងពឹងផ្អែកទៅលើខ្សែប្រយុទ្ធ Cristiano Ronaldo ពេកហើយក្រោយកីឡាករសញ្ជាតិព័រទុយកាល់រូបនេះបានស៊ុត១គ្រាប់ជួយសង្គ្រោះ Manchester United ឲ្យលេងស្មើ Chelsea ១ ទល់នឹង១ កាលពីថ្ងៃទី២៩ខែមេសាកន្លងទៅ។ ​ថ្លែងក្រោយចប់ការប្រកួត លោក Rangnick បាននិយាយថា៖ “ពួកយើងត្រូវតែមានភាពយុត្តិធម៌ចំពោះកីឡាករ។ ខ្ញុំចាំបានថា ក្នុង១០ប្រកួតដំបូង ពួកយើងមានអ្នកស៊ុតបញ្ចូលទី១០នាក់ខុសៗគ្នា។ នេះជារបៀបដែលពួកយើងអាចបង្កើតឱកាសនិងដឹងថាតើមានខ្សែប្រយុទ្ធប៉ុន្មាននាក់សម្រាប់ស៊ុតក្នុងក្រុម។ ឥលូវនេះពួកយើងដូចជាពឹងផ្អែកលើ Cristiano ជ្រុល តែគេក៏បានបង្ហាញទម្រង់លេងល្អដែរ នៅពេល Chelsea គ្រប់គ្រងបាល់។ ប៉ុន្តែពួកយើងគួរផ្ដោតទៅលើការទិញយកខ្សែប្រយុទ្ធ២ទៅ៣ទៀត គឺច្បាស់ណាស់”៕

ព័រទុយហ្គាល់​ក្រុម​របស់ Cristiano Ronaldo នឹង​ត្រៀម​ប្រកួត​ជាមួយ​​ក្រុម​កំពុង​ឡើង​ជើង​ម៉ាសេដូន​នៅ​រាត្រី​នេះ​​ក្នុង​វគ្គ​ជម្រុះ​ World Cup ក្នុង​តំបន់​អឺរ៉ុប។ ម៉ាសេដូន​បាន​ធ្វើ​ឲ្យ​ពិភពលោក​ភ្ញាក់ផ្អើល​ជា​ខ្លាំង​កាល​ពី​សប្ដាហ៍​មុន ដោយ​ពួក​គេ​បាន​ទម្លាក់​ក្រុម​​ជើង​ឯក​ទ្វីប​អឺរ៉ុប​អ៊ីតាលី​ក្នុង​លទ្ធផល ១-០។ ពួក​គេ​នឹង​បន្ត​ដំណើរ​ទៅ​ជួប​ក្រុម​ខ្លាំង​​មួយ​ទៀត​​គឺ​ព័រទុយហ្គាល់​​ដែល​បាន​បំបាក់​ទួរគី ៣-១ ក្នុង​វគ្គ​ជម្រុះ​ជាមួយ​គ្នា​នេះ។ ក្រោយ​ធ្វើ​បាន​លទ្ធផល​​​គួរ​ឲ្យ​កត់សម្គាល់​ជាមួយ​អ៊ីតាលី​ ប្រធានាធិបតី​របស់​ម៉ាសេដូច​លោក Stevo Pendarovski បាន​បង្ហោះ​សារ​​ឌឺដង​ទៅ​កាន់​ Ronaldo ថា៖ “ត្រៀម​រួចរាល់ Cristiano ​អ្នក​គឺ​ជា​វេន​បន្ទាប់”។ មិន​ចាំ​យូរ​​មុន​ប៉ះ​គ្នា​នៅ​យប់​នេះ​​ម៉ោង​១:៤៥​នាទី​ Ronaldo បាន​ឆ្លើយ​តប​​ទៅ​វិញ​ថា៖ “ម៉ាសេដូន​​បាន​ធ្វើ​ឲ្យ​គ្រប់​គ្នា​ភ្ញាក់ផ្អើល ប៉ុន្តែ​ពួក​គេ​មិន​អាច​ធ្វើ​ឲ្យ​ព័រទុយហ្គាល់​ភ្ញាក់ផ្អើល​ឡើយ។ ព័រទុយហ្គាល់​នឹង​​ធ្វើ​បាន​ល្អ​​ជាង​និង​​ឡើង​ទៅ​កាន់​ព្រឹត្តិការណ៍ World Cup”។ ដោយ​សារ​តែ​យប់​នេះ​លេង​ក្នុង​ទីក្រុង Porto នៃ​ទឹក​ដៃ​ប្រទេស​ព័រទុយហ្គាល់​ Ronaldo បាន​ជម្រុះ​ឲ្យ​អ្នក​គាំទ្រ​របស់​ខ្លួន​ទាំង​​អស់​បង្ហាញ​​​​ការ​គាំទ្រ​ឲ្យ​ខ្លាំង​ដូច​ដែល​ពួក​គេ​បាន​ធ្វើ​មុន​ពេល​យក​ឈ្នះ​ទួរគី។ ​ក្នុង​​វគ្គ​ជម្រុះ World Cup ៣​ប្រកួត​ចុងក្រោយ​ម៉ាសេដូន​មិន​​ដែល​ចាញ់​ឡើយ។ ប្រសិន​បើ​ពួក​គេ​ឈ្នះ​ព័រទុយហ្គាល់​ទៀត វា​ជា​លើក​ដំបូង​ឲ្យ​ដែល​ពួក​គេ​បាន​ទៅ​លេង​ក្នុង​ព្រឹត្តិការណ៍ World Cup៕

Toni Kroos ខ្សែបម្រើរបស់ក្រុម Real Madrid បានលើកឡើងពីចំណុចពិសេសៗមួយចំនួនរបស់អតីតមិត្តរួមក្រុម Cristiano Ronaldo ហើយគាត់ប្រាប់ថាខ្សែប្រយុទ្ធសញ្ជាតិ ព័រទុយកាល់ តែងតែផ្តល់ជាកម្លាំងចិត្ត និងជម្រុញឱ្យក្រុមទាំងមូលលេងដោយភាពអង់អាច និង ឆន្ទៈ។ ជាការពិតណាស់ Ronaldo ត្រូវបានគេចាត់ទុកជាវីរបុរសមួយរូបរបស់ Real Madrid ដោយគាត់ធ្លាប់រួមរស់ជាមួយក្រុមអធិរាជសរយៈពេល ៩ ឆ្នាំ បន្ទាប់ពីចាកចេញពី Manchester United នៅឆ្នាំ ២០០៩, យ៉ាងណាមិញ ខ្សែប្រយុទ្ធវ័យ ៣៧ ឆ្នាំរូបនេះក៏ជាដៃគូដ៏យល់ចិត្តមួយរូបរបស់ Kroos ផងដែរ អំឡុងពេលស្នាក់នៅទឹកដី Santiago Bernabeu។ Kroos បាននិយាយរៀបរាប់ពី Ronaldo យ៉ាងដូច្នេះថា៖ “ញុំមិនមែនជាអ្នកគាំទ្ររបស់កីឡាករតែម្នាក់នោះឡើយប៉ុន្តែជាមួយ Cristiano ខ្ញុំមានអារម្មណ៍ថាគាត់អាចផ្តល់អ្វីៗគ្រប់យ៉ាងប្រសិនបើក្រុមទាំងមូលសហការគ្នាបានល្អ។ គាត់តែងតែជម្រុញឱ្យក្រុមទាំងមូលលេងដោយភាពអង់អាច និងឆន្ទៈ។ គាត់ជាកីឡាករម្នាក់ដែលអាចសម្រេចលទ្ធផលរបស់ក្រុមបាន”៕

គ្រូបង្វឹកក្រុម Real Madrid លោក Carlo Ancelotti បានឆ្លើយតបទៅនឹងសំណួររបស់អ្នកសារព័ត៌មានដែលចង់ដឹងថាតើការចាកចេញរបស់ Lionel Messi និង Sergio Ramos នឹងប៉ះពាល់ដល់ការប្រកួតដ៏ធំបំផុតរបស់ La Liga យ៉ាងដូចម្តេច។ លោក Carlo Ancelotti បានប្រាប់សារពត៍មាន Marca ថា៖ “ក្រុមទាំងពីរកំពុងផ្លាស់ប្តូរ ប៉ុន្តែវានឹងតែងតែជាការប្រកួតដ៏ធំមួយ។ ហើយយើងមិនទាន់ដឹងថាកីឡាករដូចជា Fati និង Vinicius អាចទៅដល់ទីណានោះទេ។ យើងគ្រាន់តែដឹងថាការប្រកួតនេះនឹងតែងតែជាការប្រកួតដ៏ធំ។ អារម្មណ៍របស់ខ្ញុំគឺដូចគ្នា។ ដូចគ្នាដែលខ្ញុំមានជាមួយ Cristiano និង Messi នៅលើទីលាន។ វាជាការប្រកួតពិសេស។ ឥឡូវនេះមានកីឡាករផ្សេងទៀត ហើយសម្រាប់ខ្ញុំ Barça មានកីឡាករវ័យក្មេងពិសេស”។ El Clasico នឹង​គ្មានវត្តមានរបស់ខ្សែប្រយុទ្ធ Messi, Ronaldo នឹងខ្សែការពារ Ramos នោះទេក្នុងរដូវកាលនេះ ៕

Cristiano Ronaldo បាន​រួម​ចំណែក​ដ៏​សំខាន់​រក​បាន​គ្រាប់​ចុងក្រោយ​ជួយ Manchester United យក​ឈ្នះ Villarreal ២-១ ក្នុង​ការ​ប្រកួត Champions League។ ​កាល​ពី​យប់​មិញ​គឺ​ជា​ការ​លេង​លើក​ទី​ ១៧៨​ ប្រកួត​ក្នុង​កម្មវិធី UCL ​សម្រាប់ Ronaldo។ ហើយកីឡាករ​សញ្ជាតិ​ព័រទុយហ្គាល់ក៏​រក​បាន​គ្រាប់​​​ចុង​ម៉ោង​បំផុត​​របស់ United នៅ Champions League ជួយ​សង្គ្រោះ​​ពិន្ទុ​ដល់​ក្រុមផងដែរ។ ជ័យជម្នះ​បែប​នេះ Ole បាន​សរសើរ​ថា ឲ្យ​តែ​មាន Ronaldo សង្ឃឹម​នៅ​តែ​មាន។ ​ចប់​ការ​ប្រកួត Ole បាន​និយាយ​ថា ពេល​​ដែល​នេះ​មាន Cristiano លើ​ទីលាន ឱកាស​សម្រាប់​ក្រុម​នៅ​តែ​មាន។ គេ​ល្អ​នៅ​មុខ​​ទី​ និង​​មាន​ឥទ្ធិពល​​លើ​គ្រប់​គ្នា ទាំង​អ្នក​គាំទ្រ​និង​កីឡាករ​ក្នុង​ក្រុម​ទាំង​មូល។ គេ​ធ្លាប់​ធ្វើ​បាន​បែប​នេះ​ច្រើនដង​ហើយ។ ចាំ​ទេ​ពេល​​ព័រទុយហ្គាល់​ប៉ះ​អៀរឡង់​​មួយ​ខែ​មុន គេ​ទាត់​ប៉េណាល់ទី​​មិន​ចូល និង​ប៉ះ​បាល់​បាន​តិច​មែនទែន ប៉ុន្តែ​នៅ​ចុង​ម៉ោង​គេ​រក​បាន​២​គ្រាប់។ ជ័យជម្នះ​នេះ​បាន​ជួយ​ឲ្យ​បិសាច​ក្រហម​ទទួល​បាន​៣​ពិន្ទុ​ជា​លើក​ដំបូង​នៅ UCL រដូវ​កាល​នេះ។ កាល​ពី​ប្រកួត​ទី​មួយ​របស់​ពួក​គេ​បាន​ចាញ់ Young Boys ១-២៕

អ្នកចាត់ការទូទៅក្រុមបិសាចក្រហម Man Utd លោក Ole Gunnar Solskjaer បានច្រានចោលការរំពឹង​ទុករបស់អតីតមិត្តរួមក្រុម Rio Ferdinand ដែលបានលើកឡើងថាប្រសិនខ្លួនជាគ្រូបង្វឹកនោះរូបលោកនិង អោយ Cristiano Ronaldo អង្គុយនៅកៅអីរង់ចាំជៀសវាងការចេញមកស្រែកបញ្ជា កីឡាករកំលុងពេលបរាជ័យកាល​ពី​ថ្ងៃ​អង្គារជាមួយម្ចាស់ផ្ទះ​ Young Boys ។ រំលឹកដល់ការដកខ្សែប្រយុទ្ធស្លាបព័រទុយហ្គាល់ ចេញក្នុងតង់ទី ២ ជាមួយមិត្តរួមជាតិ Bruno  បាន​ធ្វើអោយមានការតវ៉ានិងរិះគន់លើការសម្រេចចិត្តរបស់គ្រូបង្វឹកសញ្ជាតិន័រវេរូបនេះ។ ទោះយ៉ាងណាលោក Solskjaer បានស្រាយចំងល់និងទទូចថាការបកស្រាយព្រឹត្តិការណ៍ខាងលើរបស់ អតីតមិត្តរួមក្រុម Ferdinand គឺជាការគិតខុស។​ អតីតខ្សែប្រយុទ្ធ Man Utd បានបញ្ជាក់បា្រប់យ៉ាងដូច្នេះថាៈ ពេលខ្លះ Rio បាននិយាយអំពីអ្វីដែលគាត់មិនបានដឹង​ពិតប្រាកដ។ Martins Pereira គួរតែទទួលបានកាតលឿងពេលដែលរូបគេបង្កកំហុសដាក់ក់ Nemanja Matic ទាំង Bruno និង Cristiano ពួកគេបានចូលរួមតវ៉ាអោយខ្ញុំនិងប្រយោជន៏ក្រុម។ ទាំងពីរនាក់បាននិយាយពាក្យរិះគន់និងតវ៉ាស្រែកប្រាប់អាជ្ញាកណ្តាល ដោយធ្វើ ឡើងប្រឆាំងនិងការ សម្រេចចិត្ត​មិនល្អមួយប្រឆាំងនិងក្រុមយើង។ ប៉ុន្តែបន្ទាប់មក Cristiano បានដើរទៅអង្គុយជាមួយ

Rio Ferdinand ​មាន​ទំនុក​ចិត្ត​ថា​ខ្សែ​ប្រយុទ្ធ Cristiano Ronaldo ​នឹង​រក​គ្រាប់​បាល់​បាន​យ៉ាង​តិច​៣០​គ្រាប់​ឱ្យ​ក្រុម​បិសាច​ក្រហម Manchester United ​នា​រដូវ​កាល​នេះ។ Ronaldo ​នឹង​បង្ហាញ​វត្តមាន​លើ​ទីលាន​ឱ្យ​ក្រុម Man Utd ​ប្រកួត​ទល់​ក្រុម Newcastle United ​នៅ​ម៉ោង​៩​យប់​នេះ​សម្រាប់​ការ​ប្រកួត​ពាន​រង្វាន់ English Premier League ​។ ​វត្ដមាន​តារា​ឆ្នើម​វ័យ​៣៦​ឆ្នាំ​មក Old Trafford ​ជា​លើក​ទី​២​នេះ ​ត្រូវ​បាន​អ្នក​គាំទ្រ​ជា​ច្រើន​កំពុង​ទន្ទឹង​រង់ចាំ​ទស្សនា​ការ​លេង​របស់​គេ​ហើយ ​និង​ជឿ​ជាក់​ថា​រូបគេ​ផ្ដល់​ភាព​វិជ្ជមាន​ច្រើន​ដល់​ក្រុម​ផង​ដែរ។ ​ជាក់​ស្ដែង​លោក Rio ​អតីត​កីឡាករ​បិសាច​ក្រហម ​និង​បច្ចុប្បន្ន​ធ្វើ​ការ​ជា​អ្នក​វិភាគ​បាល់ទាត់​នោះ ​បាន​បង្ហាញ​ចំណាប់​អារម្មណ៏​ថា​៖ “Cristiano ​មក​លើ​នេះ​នឹង​ជួយ​ក្រុម​បាន​ច្រើន។ ​កីឡាករ​ក្មេង​ៗ​ដសូចជា Greenwood ​និង Rashford ​នឹង​មាន​ឱកាស​បាន​រៀន​សូត្រ​ពី​រាម​ច្បង​ម្នាក់​នេះ ​ថា​ត្រូវ​ធ្វើ​យ៉ាង​ដើម្បី​ក្លាយ​ជា​កីឡាករ​កំពូល​ម្នាក់។ ​ខ្ញុំ​សង្ឃឹម​ថា​គាត់​នឹង​រក​បាន​២៥​ទៅ​៣០​គ្រាប់​នៅ​រដូវ​កាល​នេះ គ្រប់​ការ​ប្រកួត​ទាំង​អស់។ បើ​សិន​គាត់​ធ្វើ​មិន​បាន​ទេ ​ខ្ញុំ​នឹង​ភ្ញាក់ផ្អើល​ហើយ”។ ​រំលឹក​ថា​តាំង​ពី​ឆ្នាំ​២០០៩​គ្រា​ដែល Ronaldo ​ចាកចេញ​ពី Man Utd ​ទៅ​នោះ ​មាន​តែ​១​រដូវ​កាល​ប៉ុណ្ណោះ​ដែល​រូបគេ​រក​បាន​តិច​ជាង​៣០​គ្រាប់។ ដោយ​រដូវ​កាល​នោះ​រូបគេ​លេង​ឱ្យ​ក្រុម Juventus ​ឆ្នាំ​២០១៨-១៩ ​រក​បាន​ត្រឹម​២៨​គ្រាប់​ប៉ុណ្ណោះ។

ក្រុមបិសាចក្រហម Manchester United បានបញ្ជាក់ថាខ្សែប្រយុទ្ធឆ្នើម Cristiano Ronaldo នឹងពាក់អាវលេខ ៧ បន្ទាប់ពីគាត់បានត្រលប់មកទឹកដី Old Trafford នេះម្ដងទៀត។ ខ្សែប្រយុទ្ធសញ្ជាតិព័រទុយហ្កាល់បានសម្តែងការដឹងគុណចំពោះមិត្តរួមក្រុមរបស់គាត់គឺ Edinson Cavani ដែលបានពាក់អាវលេខ ៧ ហើយឥឡូវនេះបានយល់ព្រមប្តូរទៅលេខ ២១ វិញ។ ខ្សែប្រយុទ្ធវ័យ ៣៦ឆ្នាំរូបនេះបាននិយាយថា“ ខ្ញុំមិនប្រាកដថាអាចបានពាក់អាវលេខ ៧ ម្តងទៀតទេដូច្នេះខ្ញុំចង់និយាយអរគុណយ៉ាងខ្លាំងដល់ Cavani ខ្លាំងណាស់ចំពោះទង្វើដ៏គួរឲ្យគោរពមួយនេះ” ។ Cristiano Ronaldo ធ្លាប់លេងឱ្យក្រុមបិសាចក្រហម Man United ចន្លោះឆ្នាំ ២០០៣ និង ២០០៩ ដោយស៊ុតបញ្ចូលទីបាន ១១៨ គ្រាប់ក្នុងការបង្ហាញខ្លួន ២៩២ លើកសម្រាប់ក្លឹប។

ទូរទស្សន៍ Sky Sports បានអះអាងថាកីឡាករ Cristiano Ronaldo បានបញ្ចប់ការពិនិត្យសុខភាពរបស់ខ្លួនក្នុងនាមជាកីឡាករថ្មីរបស់ក្រុម Manchester United នៅប្រទេសព័រទុយហ្កាល់នៅព្រឹកថ្ងៃនេះរួចរាល់ហើយ។ ខ្សែប្រយុទ្ធសញ្ជាតិព័រទុយហ្កាល់រូបនេះបានចុះកិច្ចសន្យារយៈពេល ២ ឆ្នាំរហូតដល់ខែមិថុនាឆ្នាំ ២០២៣ ជាមួយនឹងជម្រើសបន្តរយះពេល ១២ខែបន្ថែមទៀត។ កាលពីមុនមានសេចក្តីរាយការណ៍ថាខ្សែប្រយុទ្ធវ័យ ៣៦ឆ្នាំរូបនេះនឹងក្លាយជាកីឡាករដែលមានប្រាក់ខែខ្ពស់បំផុតនៅ Premier League ជាមួយនឹងប្រាក់ខែ ៤៨០ ០០០ ផោនក្នុងមួយសប្តាហ៍។ Man United នឹងចំណាយប្រាក់ប្រហែល ១៥ លានអឺរ៉ូបូករួមទាំងការបន្ថែម ៨ លានផោនបន្ថែមទៀតសម្រាប់តារាឆ្នើម  Cristiano Ronaldo ។

គ្រូបង្វឹកក្រុម Real Madrid ដែលទើបតែងតាំងថ្មីលោក Carlo Ancelotti បានបដិសេធពាក្យចចាមអារ៉ាមអំពីការវិលត្រឡប់របស់កំពូលកីឡាករឆ្នើម Cristiano Ronaldo ។ មានពាក្យចចាមអារ៉ាមជាច្រើនត្រូវបានគេរាយការណ៍ថាអ្នកចាត់ការជនជាតិអ៊ីតាលី Ancelotti ចង់បានខ្សែប្រយុទ្ធវ័យ ៣៦ឆ្នាំ Cristiano Ronaldo មកចូលរួមជាមួយក្រុមរបស់គាត់។ លោក Ancelotti បានសរសេរក្នុង Twitter ថា៖“ Cristiano Ronaldo គឺជាវីរបុរសរបស់ក្រុម Real Madrid ហើយខ្ញុំពិតជាគោរពគាត់។ ប៉ុន្តែខ្ញុំមិនមានបំណងចង់នាំគាត់ត្រឡប់មកចូលរួមក្នុងក្រុមនៅរដូវក្តៅនេះទេ។ ពួកយើងគឺត្រូវរង់ចាំ”៕

ខ្សែប្រយុទ្ធឆ្នើម Cristiano Ronaldo របស់ក្រុម Juventus អាចនឹងចាកចេញពីក្លឹប។ យោងតាមសារព័ត៌មាន Corriere dello Sport បានអោយដឹងថាលោក Jorge Mendes ភ្នាក់ងាររបស់កីឡាករសញ្ជាតិព័រទុយហ្គាល់រូបនេះបានកំពុងទាក់ទងជាមួយក្លឹប Manchester City ។ ក្លឹបសេះបង្គង់ Juventus  បានត្រៀមខ្លួនរួចជាស្រេចដើម្បីចែកផ្លូវជាមួយខ្សែប្រយុទ្ធវ័យ ៣៦ ឆ្នាំរូបនេះក្នុងតម្លៃត្រឹមតែ ៣០ លានអឺរ៉ូប៉ុណ្ណោះ។ ដើម្បីរំលឹកឡើងវិញ Cristiano បានលេងឱ្យក្រុម Manchester United ក្នុងកំឡុងឆ្នាំ ២០០៣ និង ២០០៩ ។ កិច្ចសន្យាបច្ចុប្បន្នរបស់ Ronaldo នឹងផុតកំណត់នៅរដូវក្តៅឆ្នាំ ២០២២ ។