Tag: David Moyes

អ្នក​ចាត់​ការ​របស់​ក្លឹប West Ham លោក David Moyes ជឿជាក់​ថា ខ្សែ​ការពារ Declan Rice ពេល​នេះ​មាន​តម្លៃ​ដល់​ទៅ​ជាង ​១០០​លាន​ផោន ហើយ​អនាគត​ជា​ប្រធាន​ក្រុម​របស់​អង់គ្លេស។ Rice នៅ​សល់​កុងត្រា​​រយៈពេល ​២​ឆ្នាំ​ទៀត​​​នៅ​ពេល​បញ្ចប់​រដូវ​កាល​នេះ​ជាមួយ West Ham។ Manchester United ត្រូវ​បាន​រាយការណ៍​ថា​ចាប់​អារម្មណ៍​លើ Rice ប៉ុន្តែ​ត្រូវ​ប្រជែង​ជាមួយ Chelsea និង Man City សម្រាប់​កីឡាករ​សញ្ជាតិ​អង់គ្លេស។ សាកសួរ​តើ Rice ពេល​នេះ​​មាន​តម្លៃ​ខ្លួន​​ជាង​ ១០០​លាន​ផោន​ឬ​អត់? Moyes បាន​ឆ្លើយ​ថា ត្រូវ​ហើយ​ប្រាកដ​ណាស់។ គេ​គឺ​ជា​កីឡាករ​សំខាន់​សម្រាប់ West Ham និង​​ជា​មនុស្ស​ដែល​ក្រុម​ឲ្យ​តម្លៃ​។ គេ​​គឺ​ជា​បុគ្គល​ល្អ ហើយ​ក្រុម​ពិត​ជា​រីករាយ​ដែល​មាន​រូប​គេ។ កីឡាករ​វ័យ ​២៣​ឆ្នាំ​​​កំពុង​ជួយ West Ham ឲ្យ​ឈរ​លេខ​៥​ក្នុង​តារាង​ពិន្ទុ Premier League និង​ប្រជែង​ក្នុង​ពាន​រង្វាន់ FA Cup និង Europa League៕

​លោក David Moyes ​បាន​និយាយ​ថា​ក្រុម West Ham ​របស់​លោក​នឹង​មិន​ខ្លាច​ក្រុម​ដូចជា Barcelona ​នោះ​ទេ​ក្នុង​ការ​ប្រកួត Europa League ព្រោះ​ពួកគេ​បាន​យក​ឈ្នះ​ក្រុម​ខ្លាំង​ៗ​ជា​ច្រើន​មក​ហើយ​នៅ​រដូវ​កាល​នេះ។ ​ក្រុម West Ham ​បាន​ឡើង​វគ្គ​បន្ដ​ពាន​រង្វាន់ Europa League ​ហើយ ​ក្រោយ​ពី​ពួកគេ​ធ្វើ​បាន​ល្អ​ណាស់​កន្លង​មក ​ដោយ​ឈរ​នៅ​កំពូល​តារាង​ស្រេច​ទៅ​ហើយ។ ​នៅ​វគ្គ​បន្ទាប់​នេះ​ដែរ ​នឹង​មាន​ក្រុម​លេខ​៣​ពី​ពាន​រង្វាន់ UEFA Champions League ​មក​ចូល​រួម​ប្រកួត​ដែរ ដូចជា​ក្រុម Barcelona , Sevilla ​អី​ជា​ដើម។ ​តែ​សម្រាប់​ក្រុម West Ham ​មិន​មាន​ខ្លាច​ក្រុម​ខ្លាំង​នៅ​អេស្ប៉ាញ​នេះ​ឡើយ។ ​លោក Moyes ​អ្នក​ចាត់ការ​ក្រុម West Ham ​បាន​និយាយ​ថា​៖ “យើង​ទទួល​បាន​ក្រុម​ធំ​ៗ​ជា​ច្រើន​មក​ចូល​រួម​លេង​ពាន​នេះ ប៉ុន្តែ​យើង​គិត​ថា​យើង​កំពុង​ប្រឈម​ជាមួយ​ក្រុម​ខ្លាំង​ៗ​រូច​ទៅ​ហើយ។ ក្រុម​ជា​ច្រើន​នឹង​មិន​ចង់​ជួប​យើង​ទេ​។ មាន​ក្រុម​ធ្លាប់​ឈ្នះ​ជើង​ឯក Champions League ​ជា​ច្រើន​ធ្លាក់​មក​លេង Europa League ​ប៉ុន្ដែ​សម្រាប់​យើង​មិន​ជា​បញ្ហា​ឡើយ។ ​យើង​បាន​ឈ្នះ​ក្រុម​ជើង​ឯក​កន្លង​មក​រូច​ទៅ​ហើយ​នៅ​ប៉ុន្មាន​សប្ដាហ៍​កន្លង​មក​នេះ ​យើង​នឹង​មិន​ខា្លច​ពួកគេ​នោះ​ទេ”៕

អ្នក​ចាត់​ការ David Moyes បាន​និយាយ​ថា លោក​មិន​ស្ដាយ​ក្រោយ​ឡើយ​ បន្ទាប់​ពី​សម្រេច​ចិត្ត​ប្ដូរ Mark Noble ចូល​ដើម្បី​ទាត់​ប៉េណាល់ទី​ទល់​នឹង United។ West Ham ទទួល​បាន​ប៉េណាល់ទី​មួយ​បាល់​​នៅ​ចុង​ម៉ោង ក្រោយ​ពេល​ Andrily Yarmolenko ទាត់​បាល់​ប៉ះ​ដៃ Luke Shaw ក្នុង​ប្រអប់​គ្រោះ​ថ្នាក់។ លោក Moyes បាន​ប្ដូរ​ Noble ចូល​​ដើម្បី​សម្រេច​លទ្ធផល ប៉ុន្តែ​សំណាង​អាក្រក់​ទាត់​​មិន​ផុត​ពី​ដៃ​របស់​អ្នក​ចាំ​ទី David de Gea។ មូលហេតុ​ដែល Moyes សម្រេច​ចិត្ត​ឲ្យ Noble ចូល​ទាត់ ដោយ​សារ​តែ​គេ​ជា​អ្នក​ទាត់​ប៉េណាល់​ទី​ច្បាស់​បំផុត​ប្រចាំ​ក្រុម។ កំណត់ត្រា​របស់ Noble ទាត់​ប៉េណាល់ទី​៤២​ដង ចូល​៣៨​ដង និង​មិន​ដែល​​ភ្លាត់​សោះ​ចាប់​តាំង​ពី​ខែ ធ្នូ​ ឆ្នាំ ២០១៦។ នេះ​ក៏​ជា​ការ​​សង្គ្រោះ​បាល់​ប៉េណាល់ទី​ជា​លើក​ដំបូង​សម្រាប់ De Gea ក្នុង​រយៈពេល​៥​ឆ្នាំ​ចុងក្រោយ​នេះ៕

ក្លិបស្ករគ្រាប់ Everton  កំពុងស្វែងរកគ្រូបង្វឹកថ្មីម្នាក់បន្ទាប់ពីការចាកចេញរបស់លោក Carlo Ancelotti ទៅដឹកនាំក្លឹប Real Madrid ។ ក្លឹប Everton  មានអទិភាពជម្រើសគ្រូបង្វឹកជាច្រើននៅក្នុងបញ្ជីសម្រាំងរបស់ពួកគេក្នុងពេលតែមួយ។ ដំបូងនិងសំខាន់បំផុតពួកគេកំពុងពិចារណាទៅលើអ្នកចាត់ការដែលមិនទាន់មានការងារ: ពួកគេមាន Rafael Benitez, Paulo Fonseca និង Nuno Espírito Santo កំពុងតែទំនេរ។ លោក David Moyes (West Ham), Roberto Martinez (ក្រុមជម្រើសជាតិបែលហ្ស៊ិក) និង Erik ten Hag (Ajax) ក៏កំពុងត្រូវបានពិចារណាផងដែរ។ ក្លឹបថែមទាំងបានពិភាក្សាពីលទ្ធភាពនៃការអញ្ជើញអ្នកចាត់ការរបស់ក្លិប Ranger គឺលោក Steven Gerrard ដែលបានដឹកនាំក្លឹបមួយនេះលើកពានលីកកំពូល ស្កុតឡែន ជាលើកដំបូងក្នុងរយះពេល ១០ឆ្នាំចុងក្រោយ ។ ខណះលោក Benitez និង Moyes ត្រូវបានគេចាត់ទុកថាជាជម្រើសអាទិភាពដោយការតែងតាំងអ្នកផ្សេងទៀតទំនងជាមិនសូវមានទេ។

អ្នកគាំទ្រក្រុម West Ham ត្រូវបានគេស្នើសុំឱ្យបញ្ឈប់ការហៅ 999 ដើម្បីត្អូញត្អែរបន្ទាប់ពីក្រុមរបស់ពួកគេចាញ់ការប្រកួត

David Moyes បានអំពាវនាវឱ្យមានសាមគ្គីភាពបន្ទាប់ពីអ្នកគាំទ្របង្ហាញការមិនសប្បាយចិត្តរបស់ពួកគេជាមួយក្រុមនៅក្នុងការបរាជ័យរបស់ពួកគេ