Tag: Divock Origi

លោក Jurgen Klopp ជាគ្រូបង្វឹករបស់ក្រុម Liverpool បានបញ្ជាក់ថា ខ្សែប្រយុទ្ធ Divock Origi នឹងចាកចេញពីក្លិបនៅដំណាច់រដូវកាលនេះ។​ កីឡាករសញ្ជាតិបែលស៊ិករូបនេះនឹងចាកចេញដោយគ្មានតម្លៃខ្លួន ដោយអ្នកកាសែ​ត Fabrizio Romano បង្ហើបថាគោលដៅបន្ទាប់របស់គេគឺក្លិប AC Milan នៅក្របខណ្ឌអ៊ីតាលី Serie A។ ​លោក Jurgen Klopp បានថ្លែងច្បាស់ៗថា៖ “ខ្ញុំរំពឹងទុកថា Divock នឹងទទួលបានការលាដ៏ពិសេស។ គឺគេជាកីឡាករដ៏សំខាន់បំផុតម្នាក់ តាមដែលខ្ញុំធ្លាប់មាន។ គេធ្វើឲ្យខ្ញុំរីករាយក្នុងការធ្វើការជាមួយ។ វាមិនទាន់ចប់នៅឡើយទេហើយគេសមគួរនឹងទទួលបានគំនិតល្អទាក់ទងនឹងអនាគតរបស់គេ។ គេនឹងជោគជ័យព្រោះគេពូកែ។ ខ្ញុំបានចងចាំរឿងជាច្រើននៅពេលខ្ញុំគិតពី Divock ។ ការស៊ុតបញ្ចូលទី ទាំងលើនិងក្រោមគឺជាវីរបុរសម្នាក់របស់ Liverpool”៕

ខ្សែប្រយុទ្ធក្លិប Liverpool កីឡាករ Divock Origi នឹងចាកចេញពីកីឡដ្ឋាន Anfield Stadium ផ្លាស់ទៅកាន់ AC Milan ក្រោយបញ្ចប់រដូវកាលនេះ។ ជាការពិតណាស់ Origi ដែលបច្ចុប្បន្នមានវ័យ២៧ឆ្នាំ បានចូលរួមជាមួយ Liverpool តាំងពីឆ្នាំ២០១៤ ដោយរូបគេធ្លាប់បង្ហាញខ្លួនបាន១០៧ប្រកួត រកបាន២២គ្រាប់ ប៉ុន្តែដោយសារតែការមកដល់របស់ខ្សែប្រយុទ្ធក្នុងប្រអប់សំខាន់ៗដូចជា Roberto Firmino, Diogo Jota និង Takumi Minamino ជាដើមធ្វើឲ្យការបង្ហាញខ្លួននៅលើទីលានរបស់គេទទួលបានស្តួចស្តើងខ្លាំងមែនទែន។ ហេតុនេះហើយទើបរូបគេសម្រេចចិត្តថានឹងចាកចេញពី Liverpool ក្រោយបញ្ចប់រដូវកាលនេះដើម្បីផ្លាស់ទៅកាន់ AC Milan ខណៈ រូបគេកំពុងរង់ចាំការហោះទៅធ្វើតេស្តសុខភាព និង ចុះកិច្ចសន្យា នៅប៉ុន្មានសប្តាហ៍ខាងមុខទៀតនេះ៕

អ្នកចាត់ការទូទៅក្លិប Liverpool លោក Jurgen Klopp បានសរសើរថាកូនក្រុមរបស់លោក គឺ កីឡាករ Divock Origi គឺជាវីរបុរសរបស់ក្លិបហង្សក្រហម ទាំងក្នុងនិងក្រៅទីលាន។ ជាការពិតណាស់ Origi ជាកីឡាករនាំសំណាងរបស់ Liverpool ចាប់តាំងពីគេជាអ្នកស៊ុតយកឈ្នះក្រុម Barca នៅចុងម៉ោង កាលពីកំឡុងការប្រកួត UCL ឆ្នាំ ២០១៩ មកម្ល៉េះ។ យ៉ាងណាមិញ Origi បច្ចុប្បន្ននេះនៅតែធ្វើឲ្យលោក Klopp ពេញចិត្ត ដោយគេនៅតែរកឱកាសបញ្ចប់បានជារឿយៗ គ្រប់ពេលគេបង្ហាញខ្លួននៅលើទីលាន ជាពិសេសដូចជាការស៊ុតបញ្ចូលទីទៅលើក្រុម Everton នៅនាទី ទី៨៥​ ដើម្បីរក្សាជ័យជម្នះ កាលពីយប់មិញនេះឯង។ លោក Klopp បាននិយាយថា៖ “Origi ជាវីរបុរសរបស់ Liverpool ទាំងក្នុង និង ក្រៅទីលាន។ គេពិតជាអស្ចារ្យណាស់ គេពិតជាស័ក្តិសមជាខ្សែប្រយុទ្ធលំដាប់ពិភពលោកមែន ហើយគេជាអ្នកបញ្ចប់ទីដ៏ពូកែបំផុតទៀត នៅក្នុងក្រុម”៕

ក្លឹប Everton បាន​ធ្លាក់​​ចូល​ទៅ​ក្នុង​​តំបន់​ត្រូវ​កាត់​ចោល​ហើយ បន្ទាប់​ពី​ប្រកួត​ចាញ់ Liverpool ២-០ កាល​ពី​យប់​មិញ​​ក្នុង​ការ​ប្រកួត​សប្ដាហ៍​ទី​៣២​របស់​ខ្លួន។ ការ​ប្រកួត​​រវាង​ក្រុម​ទាំង​ពីរ​គ្មាន​គ្រាប់​ឡើយ​​ក្នុង​វគ្គ​ទី​មួយ ត្រូវ​រងចាំ​រហូត​​ដល់​នាទី​ទី​៦២​​ទើប​ខ្សែ​ការពារ Andy Robertson រក​បាន​គ្រាប់​ដំបូង​ឲ្យ Liverpool។ ខ្សែ​ប្រយុទ្ធ​ប្ដូរ​ចូល Divock Origi ជា​អ្នក​បន្ថែម​គ្រាប់​ទី​ពីរ​ឲ្យ​ហង្សក្រហម​ទទួល​បាន​៣​ពិន្ទុ​យ៉ាង​មាន​សារៈសំខាន់។ ជ័យជម្នះ​នេះ​បាន​បន្ត​ជួយ Liverpool ដេញ​តាម​​ក្រុម​កំពូល​តារាង Manchester City ១​ពិន្ទុ​ក្នុង​ការ​ប្រជែង​គ្នា​ដណ្ដើម​ពាន Premier League រដូវ​កាល​​នេះ។ ចំណែក​ Everton ​ពេល​នេះ​​បាន​ធ្លាក់​ទៅ​លេខ​១៨ ដែល​ស្ថិត​​នៅ​​តំបន់​ក្រុម​បាត​តារាង​ទាំង​៣​ត្រៀម​កាត់​ចេញ​ទៅ​លេង​នៅ Championship។ លើក​ចុងក្រោយ​ដែល Everton ធ្លាប់​ធ្លាក់​ចូល​ក្នុង​តំបន់​កាត់ចោលគឺ​នៅ​រដូវ​កាល​១៩៩៨-៩៩៕