Tag: Erling Haaland

កាល​ពី​ម្សិលមិញ​នេះ ខ្សែ​ប្រយុទ្ធ​ន័រវែស Erling Braut Haaland បាន​ចាប់​ផ្ដើម​ជម្រើស​ ១១នាក់​ជា​លើក​ដំបូង​របស់​ក្លឹប Dortmund ពេល​ប្រកួត​ប៉ះ​នឹង​ក្លឹប Union Berlin ដោយ​ក្នុង​ប្រកួត​នោះ​ដែរ​កីឡាករ​រូប​នេះ​រក​បាន ២គ្រាប់​ និង​ជួយ​ឲ្យ​ក្លឹប​ឈ្នះ​ក្នុង​លទ្ធផល ៥-០។ សម្រាប់គ្រាប់បាល់២គ្រាប់នេះ មានន័យថា រូបគេជាកីឡាករដំបូងបង្អស់នៅក្នុងប្រវត្តិសាស្ដ្រ Bundesliga ដែលរកគ្រាប់បាល់បាន៧គ្រាប់ សម្រាប់៣ប្រកួតដំបូង នៅក្នុងការប្រកួតពាននេះ។ អ្វីដែលកាន់តែអស្ចារ្យនោះគឺ រាល់ការស៊ុតចំគោលដៅរបស់ អតីតខ្សែប្រយុទ្ធក្រុម RB Salzburg រូបនេះដំបូងទាំង៧លើក គឺសុតតែចូលទី។ ខាង​ក្រោម​នេះ​ជា​វីដេអូ​ហាយឡាយ (គ្រាប់​បាល់​របស់ Haaland នៅ​នាទី​ទី២ និង​នាទី​ទី៥)៖ X

តាមព័ត៌មាន​ថា ក្លឹប​ Man Utd បានបរាជ័យ​ក្នុង​ការ​​​ចុះកិច្ច​ព្រមព្រៀង​ផ្ទេរ​​ខ្សែប្រយុទ្ធ​ Erling Haaland ដោយសារក្លឹប Juventus ​មាន​អន្តរាគមន៍​ពី​ភ្នាក់ងារ Mino Raiola ។ ភ្នាក់ងារលោក Raiola កំពុង​ធ្វើ​ការងារ​ជាមួយ​​Erling ក្នុង​នាមជាអន្តរការីក្នុងការផ្ទេរនៅ​ខែ​មករា​នេះ ចំពេល​មាន​ក្លឹបធំៗជា​ច្រើន​នៅអឺរ៉ុបដូចជាក្លឹបRB Leipzig, Man Utdនិង​ Dortmund ​កំពុងចាប់អារម្មណ៍​លើ​ Erling។ ប៉ុន្តែ​តាម​សេចក្តី​រាយការណ៍​នៅអ៊ីតាលី​អះអាងថា ក្លឹប Juventus ​នឹង​សម្រេចកិច្ច​ព្រមព្រៀង​នេះ តាមរយៈ​ទំនាក់ទំនង​ជិតស្និទ្ធជាមួយ​លោក Raiola ដែល​កំពុង​ដើរតួនាទី​សំខាន់​ក្នុង​កិច្ច​ព្រមព្រៀងនេះ។ តាមការអះអាងថាភ្នាក់ងាររូបនេះបាន​ធានាចំពោះក្លឹប Juventus ក្នុងការ​ផ្ទេរ​ Erling ហើយតាមប្រភពដដែលថា ក្លឹប Juventus បាន​យក​ឈ្នះ​គូប្រជែង​របស់ខ្លួន​ ដើម្បី​សម្រេចកិច្ច​ព្រមព្រៀងផ្ទេរដែលមានតម្លៃផ្ទេរ​ប្រហែល​២៥លានផោននេះ៕

ខ្សែប្រយុទ្ធErling Haaland  អាចនឹងទទួលបានប្រាក់ឈ្នួលច្រើនជាងមុន​១០​ដង​ ប្រសិនបើ​កីឡាករ​រូបនេះ​សម្រេចចិត្ត​ផ្ទេរ​ម​កលេងនៅក្លឹប​ Man Utd ខណ:ក្លឹបនៅក្របខណ្ឌ EPL នេះជា​ចង់​បាន​ខ្សែប្រយុទ្ធ​វ័យក្មេងរបស់ក្លឹប Red Bull Salzburg រូបនេះចាប់តាំងពី​ធ្វើ​បាន​ល្អនៅរដូវកាលនេះ ។ ហើយប្រសិនបើ​​ Man Utd អាចនាំយក​ Erling មកកាន់ក្របខណ្ឌ PLមែមនោះមានន័យថា ប្រាក់ខែ​របស់​ Erling នឹង​កើន​ពី​២០.០០០ផោន​ក្នុងមួយសប្តាហ៍​ដល់​២០០.០០០ផោន​ក្នុងមួយសប្តាហ៍។ កីឡាករ​​រូបនេះ​អាចនឹង​ទទួលបាន​ប្រាក់លើកទឹកចិត្ត​បន្ថែម​ផងដែរ ប្រសិនបើ​អាចលើកពានបាល់មាស ហើយនឹងទទួល​បាន​ប្រាក់បំណាច់ឆ្នាំ​ផងដែរ ប្រសិនបើ​ Man Utd​អាចជាប់លេងនៅក្របខណ្ឌ CL ​ឬលើកពានណាមួយនោះ។ Man Utdក៏មាន​ផែនការ​ឲ្យ​ Erling លេងខ្ចីជើងនៅ​ក្លឹប Salzburg រហូត​ដល់ចប់រដូវកាល​ផងដែរ ប្រសិនពួកគេអាចទិញកីឡាកររូបនេះនៅខែមករា៕

ខ្សែប្រយុទ្ធវ័យក្មេងកំពុងលេចធ្លោ Erling Haaland របស់ Red Bull Salzburg និយាយថាគេកំពុងរស់ក្នុងក្ដីស្រមៃរបស់គេនិងត្រៀមខ្លួនរួចរាល់ហើយដើម្បីធ្វើឱ្យរដូវកាលដ៏ចិញ្ចែងចិញ្ចាចរបស់គេកាន់តែប្រសើរឡើងមួយកម្រិតទៀតតាមរយៈការផ្ដួល Liverpool យកកៅអី១៦ក្រុមចុងក្រោយ Champions League ជូន Red Bull Salzburg។ កីឡាករវ័យ១៩ឆ្នាំ កម្ពស់១.៩៤ម៉ែត្ររូបនេះបានស៊ុតចូលគ្រប់ប្រកួតក្នុងពូល E ហើយកេរ្តិ៍ឈ្មោះនិងសមត្ថភាពរបស់គេបានទាក់ទាញចំណាប់អារម្មណ៍ក្លិបធំៗជាច្រើន ពិសេស Manchester United ដែលមានលោក Ole Gunnar Solskjaer ជាគ្រូចាស់របស់គេកាលនៅក្លិប Molde។ យប់នេះ Salzburg ត្រូវការឈ្នះដាច់ខាត ពោលគឺធ្វើឱ្យបានស្មើឬប្រសើរជាងជ័យជម្នះដែល Liverpool យកពីពួកគេនៅ Anfield ក្នុងខែតុលាកន្លងទៅ (៤-៣) ដើម្បីឡើងទៅវគ្គ១៦ក្រុមចុងក្រោយ។ ប្រសិនពួកគេធ្វើបានមែន ហើយ Napoli មិនចាញ់ Genk នោះ Liverpool នឹងក្លាយជាក្រុមការពារជើងឯក UCL ទី១ដែលឆ្លងមិនផុតពូល ចាប់តាំងពី២០១២មកដែល Chelsea បានពើបប្រទះ។ Haaland បាននិយាយក្នុងសន្និសីទសារព័ត៌មានថា៖ «ពួកយើងអាចឈានជើងចូលការប្រកួតនេះជាមួយអារម្មណ៍ស្រឡះស្អាត។