Tag: FIFA Club World Cup 2019

ជាប្រវត្តិសាស្រ្តថ្មីមួយរបស់ក្រុមខ្លាំងមកពីលីគកំពូលអឺរ៉ុប UEFA Champions League ហង្សក្រហម Liverpool ដែលបានលើកពានរង្វាន់ FIFA Club World Cup 2019 ជាលើកដំបូងក្រោយយកឈ្នះក្រុមមកពីប្រេសុីល Flamengo ក្នុងលទ្ធផល ១-០ នៅវគ្គផ្តាច់ព្រ័ត្រដែលការប្រកួតនេៈ ធ្វើឡើងនាថ្ងៃទី២២ ខែធ្នូ ឆ្នាំ២០១៩ នៅទឹកដីប្រទេសកាតា ដែលជាទីកន្លែងត្រៀមប្រកួតដណ្តើមពានបាល់ទាត់ពិភពលោក World Cup 2022។ ការប្រកួតរវាងក្រុមជើងឯកលីគមកពីតំបន់ផ្សេងគ្នាមាន Liverpool របស់អង់គ្លេស និងក្រុម Flamengo របស់ប្រេសុីល ដែលជាម្ចាស់ពាន Copa Libertadores 2019 នៃតំបន់អាមេរិកឡាទីន ស្ថិតក្នុងការប្រកួតយ៉ាងស្វិតស្វាញនៅ៩០នាទីដំបូងក្រុមទាំងពីបានត្រឹមស្មើគ្នា០-០ ហើយក៏បានឈានដល់ម៉ោងបន្ថែម ១៥នាទី២ដង តែកីឡាករខ្សែប្រយុទ្ធឆ្នើម Roberto Firmino របស់ Liverpool ធ្វើបានគ្រាប់ជ័យជម្នះនៅនាទី៩៩ ខណៈក្រុមទាំងពីរបង្កើតកំហុសត្រូវអាជ្ញាកណ្តាលពិន័យកាតលឿងរហូត ៦លើកក្នុងការប្រកួតវគ្គផ្តាច់ព្រ័ត្រនេះ។ គួរបញ្ជាក់ផងថា សម្រាប់ក្រុមរបស់អង់គ្លេស Liverpool ដែលជាម្ចាស់ពានលីគអឺរ៉ុប UEFA Champions League ៦សម័យកាល

ក្រុមជើងឯកអឺរ៉ុប ហង្សក្រហម Liverpool បានកក់កៅអី១ ដើម្បីឡើងទៅវគ្គផ្តាច់ព្រ័ត្រដណ្តើមពាន FIFA Club World Cup 2019 នៅប្រទេសកាតា បន្ទាប់ពីទម្លាក់គូប្រជែង Monterrey ក្លឹបរបស់មិចស៊ិចក្នុងលទ្ធផល ២-១ នៃវគ្គ ៤ក្រុមចុងក្រោយនាយប់មិញ។ ការប្រកួតដែលត្រូវបានធ្វើឡើងនៅកីឡដ្ឋានដែលស្ថិតក្នុងទីក្រុង Doha ប្រទេសម្ចាស់ផ្ទះ World Cup 2022 ផងនោះ កីឡាករខ្សែប្រយុទ្ធហ្គីណេ Naby Keita ជាអ្នរកបានគ្រាប់បែកពងមាន់ឲ្យក្រុមអង់គ្លេស នៅនាទីទី១២ ដោយទទួលបានពីមិត្តរួមក្រុម Mohamed Salah តែត្រូវបាន Monterrey តាមស្មើ ១-១ វិញនៅ ២នាទីបន្ទាប់ ដោយសារកីឡាករចាំទីដៃស្អិត Alisson Becker ភ្លាត់ស្នៀតក្នុងការសង្គ្រោះបាល់ពីការស៊ុតលើកទី២ របស់កីឡាករមកពីមិចស៊ិច។ យ៉ាងណាក៏ដោយ ការប្រកួតបានអូសបន្លាយរហូតដល់នាទីទី៩០+១ ទើបកីឡាករប្រេស៊ីល Roberto Firmino រកបានគ្រាប់ជ័យជម្នះ ២-១ ពោលគឺក្រោយរូបគេប្តូរចូលលេងក្នុងវគ្គទី២ បានតែ ៥នាទីប៉ុណ្ណោះជំនួបមិត្តរួមក្រុម Divock Origi