Tag: Florentino Perez

ប្រធាន​ក្លឹប Real Madrid លោក Florentino Perez បាន​និយាយ​កាល​ពី​យប់​ថ្ងៃ​ច័ន្ទ​ថា ខ្សែ​ប្រយុទ្ធ​បារាំង​កីឡាករ Karim Benzema មាន​គុណភាព​ស្មើ​នឹង​ខ្សែ​ប្រយុទ្ធ​ Ronaldo ប្រេស៊ីល និង​ខ្សែ​បម្រើ​បារាំង​ Zinedine Zidane បូក​បញ្ចូល​គ្នា។ ថ្លែង​ក្រោយ​ពេល​ដែល​ Benzema ឈ្នះ​ពាន Ballo d’Or លោក Perez បាន​លើកឡើង​ថា៖ «[Benzema] សក្ដិសម​នឹង​ឈ្នះ​ពាន​នេះ​យូរ​ហើយ ព្រោះ​ថា​គេ​ជា​កីឡាករ​ល្អ​ជាង​គេ​លើ​លោក​ក្នុង​រយៈពេល ៣-៤ឆ្នាំ​ចុង​ក្រោយ​នេះ»។ «គេ​ជា​កីឡាករ​លេខ ៩ (សំដៅ​លើ​កីឡាករ​ខ្សែ​ប្រយុទ្ធ​កណ្ដាល) ដែល​មាន​គុណភាព​ស្មើ​នឹង​ ខ្សែ​ប្រយុទ្ធ Ronaldo Nazario និង​ Zinedine Zidane បូក​បញ្ចូល​គ្នា។ គេ​រត់​ទៅ​មុខ​ដូច​ Zidane ហើយ​ស៊ុត​ដូច​ Ronaldo»។ នេះ​ជា​ការ​បន្ថែម​របស់​លោក៕

ក្លឹប Real Madrid មាន​បំណង​លក់​ខ្សែ​បម្រើ​-ប្រយុទ្ធ​បែលហ្សិក Eden Hazard ចេញ​ដោយ​ឥត​គិត​តម្លៃ​ខ្លួន។ នេះ​បើ​តាម​ការ​ចុះ​ផ្សាយ​របស់​សារព័ត៌មាន​អេស្ប៉ាញ El Nacional។ សារព័ត៌មាន​ខាង​លើ​បាន​ចុះ​ផ្សាយ​ថា ប្រធាន​ក្លឹប​អេស្ប៉ាញ​មួយ​នេះ​ លោក Florentino Pérez ហត់​ចិត្ត​នឹង​អត្តចរិត​របស់​កីឡាករ​រូប​នេះ ដោយ​ហេតុ​ថា Hazard មិន​ខិតខំ​ថែទាំ​កាយសម្បទា​របស់​ខ្លួន ក៏​ដូច​ជា​ប្រឹងប្រែង​ហ្វឹកហាត់​ត្រៀម​ការ​ប្រកួត។ ក្រោយ​ពី​ការ​ប្រកួត​ប៉ះ​នឹង​ក្លឹប Shakhtar Dotnesk គេ​សង្កេត​ឃើញ​មាន​ការ​ខឹង​សម្បារ​ពី​សំណាក់​អ្នក​គាំទ្រ​យ៉ាង​ខ្លាំង ដោយ​ Hazard បង្ហាញ​ទម្រង់​លេង​មិន​សូវ​ល្អ។ យ៉ាងណាមិញ មិន​ទាន់​មាន​សេចក្ដីរាយការណ៍​ណា​ជាក់លាក់​ថា​ កីឡាករ​រូប​នេះ​នឹង​មាន​អនាគត​យ៉ាង​ណា​នោះ​ទេ។ តាំង​ពី​ចូល​លេង​ជាមួយ Real Madrid នៅ​ឆ្នាំ២០១៩​មក Hazard ត្រូវ​បាន​ញាំញី​ដោយ​របួស ហើយ​ចូល​លេង​បាន ៧១ប្រកួត ស៊ុត​ចូល​ទី​បាន ៧គ្រាប់​ប៉ុណ្ណោះ៕

យោងទៅតាមសារកាសែត El Nacional បានចុះផ្សាយឲ្យដឹងថា ក្លិប Paris Saint Germain ត្រូវបង់ផ្តាច់កុងត្រាតម្លៃ ២៥០លានអឺរ៉ូ ប្រសិនបើពួកគេចង់បាន ខ្សែការពារស្លាប Ferland Mendy ពី Real Madrid មករួមក្រុម។ ជាការពិតណាស់ PSG នៅតែចិញ្ចឹមចិត្តចង់បាន Mendy មករួមក្រុមវិញ តាំងពី Mendy នៅមានវ័យ ១៧ឆ្នាំ មកម្ល៉េះ។ ពោលគឺ PSG ចង់បាន Mendy តាំងពីគេប្រកបអាជីពនៅក្លិប Lyon ក៏ប៉ុន្តែត្រូវបរាជ័យ ដោយសារ Real Madrid លូកថ្លើមបានមុន។ យ៉ាងណាមិញ បើយោងទៅតាមប្រភពខាងលើដដែល លោក Florentino Perez ដែលជាប្រធានក្លិប Real Madrid លែងចង់ធ្វើការចរចាជាមួយក្លិប PSG បន្តទៀតហើយ ចាប់តាំងពី ទីផ្សារចង់បាន Mbappe មករួមក្រុម តែបរាជ័យមកម្ល៉េះ៕

ក្លិបអធិរាជស Real Madrid ត្រូវបានគេរាយការណ៍ថាបានយល់ព្រមលើសំណើរបស់ក្លិប Newcastle United ដែលយកចង់ទិញយក Eden Hazard នៅរដូវកាលក្រោយក្នុងតម្លៃ ២០ លានដុល្លារអាមេរិកហើយ។ ជាការពិតណាស់ Hazard ត្រូវបាន Real Madrid ទិញយកពី Chelsea នៅឆ្នាំ ២០១៩ ក្នុងតម្លៃបំបែកកំណត់ត្រារហូតដល់ទៅ ១១៥ លានដុល្លារអាមេរិកឯណោះ ប៉ុន្តែការមកដល់របស់ខ្សែប្រយុទ្ធសញ្ជាតិប៊ែលហ្ស៊ិកហាក់មិនសូវសមប្រកបតាមអ្វីដែលក្លិបចង់បានឡើយ ហើយជារឿយៗរូបគេតែងតែអវត្តមានពីលើទីលានជាញឹកញាប់ដោយសារបញ្ហារបួសញាំញី។ យ៉ាងណាមិញ កាសែត El Nacional បានចុះផ្សាយថា ក្លិប Newcastle នឹងដាក់សំណើនៅលើតុចរចាចំនួន ២០ លានដុល្លារអាមេរិក ក្នុងទិញយក Hazard ហើយប្រធានក្លិបលោក Florentino Perez ហាក់អស់ការអត់ធ្មត់សម្រាប់ខ្សែប្រយុទ្ធវ័យ ៣១ ឆ្នាំរូបនេះហើយជាមួយគ្នានេះលោកក៏បានទទួលយកសំណើក្នុងការលក់រូបគេចេញនៅរដូវកាលក្រោយដែរ៕

លោក​ Florentino Perez ប្រធាន​ក្លឹប​ Real Madrid បាន​និយាយ​ទៅ​កាន់​អ្នកកាសែត​ក្រោយ​ឈ្នះ​ពាន​ UEFA Super Cup នៅ​ក្នុង​ថ្ងៃ​នេះ​ថា​ គិត​មក​ទល់​នឹង​ថ្ងៃ​នេះ​ ក្លឹប​របស់​លោក​មិន​គិត​គូរ​រឿង​នាំ​ចូល​កីឡាករ​ថ្មី​សម្រាប់​រដូវកាល​ក្ដៅ​នេះ​ទៀត​ទេ​។ លោក​ Perez បាន​និយាយ​ថា​៖” អ្វី​ដែល​យើង​ត្រូវ​ធ្វើ​ពេល​នេះ​គឺ​បន្ត​ហ្វឹកហាត់​ឲ្យ​បាន​ល្អ​ទៀត​ ហើយ​លោក​ Ancelotti ទទួល​ខុស​ត្រូវ​លើ​ការ​បង្វឹក​ក្រុម​ហ្នឹង​ហើយ​ អញ្ចឹង​នៅ​ខណៈ​នេះ​យើង​មិន​គិត​គូរ​រឿង​នាំ​ចូល​កីឡាករ​ថ្មី​សម្រាប់​រដូវកាល​ក្ដៅ​នេះ​ទៀត​ទេ​ “។ ប្រធាន​ក្លឹប​ Real Madrid រូប​នេះ​បាន​ធ្វើ​ការ​លើក​ឡើង​ដោយ​ជឿជាក់​លើ​កីឡាករ​ដែល​ស្រាប់​នៅ​ក្លឹប​របស់​លោក​នៅ​ពេល​នេះ​ ជា​ពិសេស​គឺ​នៅ​តំបន់​ប្រយុទ្ធ​ លោក​ជឿជាក់​ថា​ ​​Benzema នឹង​ធ្វើ​បាន​ល្អ​ ទោះ​បី​ជា​ពេល​កីឡាករ​នេះ​មាន​របួស​ ក៏​មាន​ខ្សែប្រយុទ្ធ​ផ្សេងៗ​នៅ​ក្រុម​អាច​ធ្វើ​បាន​ល្អ​ផង​ដែរ​។ មក​ទល់​នឹង​ពេល​នេះ​ Real នាំ​ចូល​កីឡាករ​៣នាក់​ដោយ​សុទ្ធ​តែ​ស្ថិត​នៅ​ក្នុង​តំបន់​ការពារ​ទាំង​អស់​តែ​ម្ដង​។ កីឡាករ​ទាំង​នោះ​ដូច​ជា​ Aurélien Tchouameni, Antonio Rüdiger និង​ Miguel Gutiérrez៕

អ្នកដឹកនាំក្រុម Paris Saint Germain លោក Mauricio Pochettino បានបដិសេធសំណើរបស់ក្លិប Manchester United ហើយចង់ទៅដឹកនាំនៅ Real Madrid វិញ។ ជាការពិតណាស់ លោក Pochettino ត្រូវបានគេសន្និដ្ឋានថា អាចនឹងចាកចេញពី PSG នៅពេលចប់រដូវកាលនេះហើយ លើសពីនេះផងដែរ មានរបាយការណ៍ជាច្រើន បានចុះផ្សាយថា Man Utd កំពុងតាមបញ្ចុះបញ្ចូលលោក Pochettino ខ្លាំង ដើម្បីឲ្យលោកមកជំនួស លោក Rangnick។ បើយោងទៅតាមសារកាសែត Sport បានចុះផ្សាយថា លោក Pochettino បានបដិសេធសំណើរបស់ Man Utd ហើយ ព្រោះលោកមានបំណងចង់ទៅដឹកនាំ Real Madrid ជាង។ ស្របពេលដែលលោក Florentino Perez កំពុងគិតគូរចង់បណ្តេញលោក Carlo Ancelotti ចេញ បន្ទាប់ពីចាញ់ PSG នៅ

ខ្សែ​ប្រយុទ្ធ​ Eden Hazard បាន​​បដិសេធ​មិន​ទៅ​លេង​នៅ​ក្លឹប​ Newcastle United ទោះ​ក្លឹប​ Real Madrid បាន​ព្រមព្រៀង​លក់​ឲ្យ​ក៏​ដោយ​។ នេះ​បើ​យោង​តាម​ការ​ចុះ​ផ្សាយ​របស់​ El Nacional ។ បើ​ប្រភព​ដដែល​នេះ​ ក្រោយ​ Hazard ប្រកាស​ថា​ចង់​ចាកចេញ​ពី​ Real ក្លឹប​ Newcastle ក៏​បាន​ចរចា​ចង់​បាន​ខ្សែ​ប្រយុទ្ធ​រូប​នេះ​ ដោយ​ឲ្យ​ថ្លៃ​ជាង​ ៤៥លាន​ដុល្លារ​ បន្ថែម​ជា​មួយ​នឹងជាង ១១លាន​ដុល្លារ​ សរុប​ទៅ​ជាង​ ៥៦លាន​ដុល្លារ​ ដើម្បី​ទិញ​រូប​គេ​។ លោក​ Florentino Pérez ប្រធាន​ក្លឹប​ ​ Real Madrid ក៏​បាន​ព្រមព្រៀង​នឹង​សំណើ​ចង់​បាន​នេះ​ផង​ដែរ​ ប៉ុន្តែ​ Hazard មិន​ព្រម​ ដោយ​ថា​ គេ​នឹង​ចាក​ចេញ​ប៉ុន្តែ​ទៅ​ក្លឹប​ណា​ដែល​ធំៗ​ដូច​ជា​ក្លឹប​ Chelsea ជា​ដើម​។ នៅ​ក្នុង​រដូវកាល​នេះ​ Hazard បាន​ចូល​លេង​ឲ្យ​ Real Madrid បាន​ ១៦ប្រកួត​ និង​មិន​ទាន់​​រក​បាន​គ្រាប់​បាល់​សោះ​ខណៈ​កីឡាករ​នេះ​នឹង​បញ្ចប់​កុងត្រា​ជា​មួយ​ក្លឹប​នេះ​នៅ​ឆ្នាំ​២០២៤ខាង​មុខ​៕

ប្រធានក្លិបលោក Florentino Perez បានបង្ហាញការកោតសរសើរជាខ្លាំងចំពោះសមត្ថភាពរបស់ខ្សែបម្រើឆ្នើម Toni Kroos ក្នុងនោះលោកបានលើកឡើងដោយមិនលាក់លាមថា កីឡាករសញ្ជាតិ អាល្លឺម៉ង់ រូបនេះកើតមកគឺដើម្បីលេងឱ្យតែក្លិប Real Madrid មួយប៉ុណ្ណោះ។ ជាការពិតណាស់ Kross បានរួមរស់ជាមួយក្រុម អធិរាជស អស់រយៈពេល ៧ ឆ្នាំមកហើយ ដោយរូបគេបានផ្លាស់ចេញពីក្រុម Bayern Munich មកកាន់ទឹកដី Santiago Bernabeu តាំងពីឆ្នាំ ២០១៤ មកម្ល៉េះ ខណៈបច្ចុប្បន្នខ្សែបម្រើវ័យ ៣២ ឆ្នាំកំពុងក្លាយជាកម្លាំងចលករដ៏សំខាន់របស់ក្លិបក្រោមការដឹកនាំរបស់លោក Carlo Ancelotti។ ទាក់ទងនឹងរឿងខាងលើ, លោក Perez បានមានប្រសាសន៍យ៉ាងដូច្នេះថា៖“Kroos មានស្ទីលលេងមួយ ដែលធ្វើឱ្យអ្នកគាំទ្រទាំងអស់ចង់ធ្វើដំណើរមកកាន់ទីលានដើម្បីមើលគាត់លេងមែនទែន។ សម្រាប់ខ្ញុំ គាត់ជាកីឡាករម្នាក់ ដែលកើតមកសម្រាប់លេងឱ្យ Real Madrid មួយប៉ុណ្ណោះ” ៕

លោក​ Aleksander Ceferin ប្រធាន​ UEFA បាន​និយាយ​នៅ​ក្នុង​កិច្ច​សម្ភាសន៍​ដែល​ត្រៀម​ចុះ​នៅ​ Der Spiegel ចុង​សប្ដាហ៍​ថា​ លោក​មិន​ខ្វាយខ្វល់​ទេ​ប្រសិន​បើ​ក្លឹប​ Real Madrid ក្លឹប​ Barcelona និង​ Juventus ចាក​ចេញ​ពី​ការ​ប្រកួត​ UEFA Champions League នៅ​ក្នុង​រដូវកាល​នេះ​។ លោក​ Cerferin បាន​និយាយ​ថា​៖” ខ្ញុំ​មិន​ខ្វល់​ទេ​ប្រសិន​បើ​ពួក​គេ​ចាក​ចេញ​ (ក្លឹប​ Real Madrid ក្លឹប​ Barcelona និង​ Juventus)។ វា​ពិត​ជា​គួរ​ឲ្យ​អស់​សំណើច​ណាស់​ ដែល​ពួក​គេ​ចង់​បង្កើត​ការ​ប្រកួត​ថ្មី​ ខណៈ​ពេល​ដែល​ពួក​គេ​នៅ​ចង់​លេង​ UCL ក្នុង​រដូវកាល​នេះ​ “។ លោក​បាន​បន្ត​ថា​៖” ច្បាស់​ណាស់​ក្លឹប​ទាំង​បី​ហ្នឹង​គឺ​មាន​មេ​ដឹក​នាំ​អសមត្ថភាព​។ ពួក​គេ​ទាំង​នោះ​( លោក​ Florentino Perez​ លោក​ Joan Laporta និង​លោក​ Andrea Agnelli) តែ​ងព្យាយាម​សម្លាប់​វិស័យ​បាល់ទាត់​នេះ​រហូត​មក​ “។ សូម​រំលឹក​ផង​ដែរ​ថា​ UEFA តែង​តែ​យាយី​

យោងតាមសារពត៍មាន Marca នឹងមិនមានការចុះហត្ថលេខាកីឡាករថ្មីនៅរដូវកាលដោះដូរកីឡាករនារដូវក្តៅនេះទេបន្ទាប់ពីលោក Florentino Perez បានបញ្ជាក់ដូចគ្នាទៅនឹងក្រុមប្រឹក្សាភិបាលរបស់ក្លឹប។   ពាក្យចចាមអារ៉ាមអំពីការផ្ទេរបានផ្សារភ្ជាប់ជាមួយក្លឹប Real Madrid ជាមួយនឹងខ្សែប្រយុទ្ធ Kylian Mbappe, Erling Haaland នឹងខ្សែបម្រើ Paul Pogba និងឈ្មោះល្បីផ្សេងទៀត។ សរុបសេចក្តីមកក្លឹបអធិរាជស Real Madrid បានបញ្ចប់ការផ្ទេរ David Alaba ក្នុងនាមជាកីឡាករឥតគិតថ្លៃនិងអនុញ្ញាតឱ្យប្រធានក្រុម Sergio Ramos របស់ពួកគេទៅ PSG ។

​សារសម្លេង​បែក​ធ្លាយ​កាល​ពី​ឆ្នាំ​២០០៦​ របស់​លោក​ Florentino Perez ប្រធាន​ក្លឹប​ Real Madrid ត្រូវ​បាន​ចុះ​ផ្សាយ​ដោយ​កាសែត​ El Confidencial កាល​ពី​ពេល​ថ្មី​ៗ​នេះ​ថា​ Raul និង​ Iker Casillas ជា​កីឡាករ​​មិន​ស័ក្ដិសម​លេង​ឲ្យ​ក្លឹប​លោក​នោះទេ។ លោក​ Perez បាន​និយាយថា​៖” Casillas មិន​មែន​ជា​អ្នក​ចាំទី​ស្តង់ដារ​របស់​ Real នោះ​ទេ​ នេះ​ជា​អ្វី​ដែល​ខ្ញុំ​អាច​និយាយ​បាន​។ គេ​មិន​មែន​ ហើយ​ក៏​មិន​ដែល​ធ្លាប់​ទេ​។ គេ​ហ្នឹង​ហើយ​ជា​ភាព​បរាជ័យ​របស់​យើង​។ បញ្ហា​នោះ​គឺ​ថា​មាន​មនុស្ស​ស្រលាញ់​គេ​ខ្លាំង​ពេក​ ការពារ​គេ​ខ្លាំង​ពេក​។ គេ​មិន​ស័ក្ដិសម​លេង​ឲ្យ​យើង​ទេ​ មួយ​ទៀត​នោះ​គឺ​ Raul និយាយ​ទៅ​គេ​ទាំង​ពីរ​នាក់​នេះ​ហើយ​ ទី​១​គឺ​ Casillas ទី​២​គឺ​ Raul ។ លោក​ក៏​បាន​បន្ថែម​ដែរ​ថា​៖” និយាយ​ទៅ​កីឡាករ​មួយ​ចំនួនដូច​ពួក​គេ​ហ្នឹង​គិត​តែ​ចិត្ត​ខ្លួន​ឯង​ទេ​។ យើង​អត់​អាច​រំពឹង​អី​ពី​ពួក​គេ​បាន​សោះ​។ ប្រសិន​ជា​យើង​គិត​ថា​រំពឹង​លើពួក​គេ​បាន​ នោ​ះគឺខុស​ហើយពួក​គេ​នឹង​ធ្វើឲ្យ​យើង​ខក​ចិត្ត​ជា​មិន​ខាន​។ និយាយ​ទៅ​ខ្ញុំ​មិន​សូវ​ជា​មាន​ការយល់ឃើញល្អ​ប៉ុន្មានទេសម្រាប់​កីឡាករ​មួយ​ចំនួន​​ “។ សារ​សម្លេង​បែក​ធ្លាយ​នេះធ្វើ​ឡើង​បន្ទាប់ពី​លោក​ Perez ចាកចេញ​ពីតំណែង​ប្រធាន​ Real កាល​ពី​ឆ្នាំ​២០០៦ ក្រោយ​ពី​លោក​ឡើង​ដឹកនាំ​បាន​ ៦ឆ្នាំ​ចាប់​ពី​ឆ្នាំ​២០០០មក។ យ៉ាង​ណា​ក្ដី​លោក​ត្រូវ​បាន​គេ​តែងតាំង​ជា​ប្រធាន​ក្លឹប​ម្ដង​ទៀត​នៅ​ឆ្នាំ​២០០៩ ដែល​នៅ​បន្ត​ដឹក​នាំ​រហូត​ដល់​បច្ចុប្បន្ន៕

ក្លឹប​ទាំង​ ១២ ដែល​រួម​គ្នា​បង្កើត​ក្របខ័ណ្ឌ​ប្រកួត​បាល់ទាត់​​ទ្វីប​អឺរ៉ុប​ថ្មី ដែល​មាន​ឈ្មោះ​ថា European Super League នៅ​តែ​បន្ត​កាន់កាប់​ភាគហ៊ុន​របស់​ខ្លួន​នៅ​ក្នុង​ស្ថាប័ន​នេះ​នៅ​ឡើយ​ទេ។ នេះ​បើ​តាម​ការ​ចុះ​ផ្សាយ​​របស់​សារព័ត៌មាន​អេស្ប៉ាញ El Confidencial។ គិត​មក​ត្រឹម​ពេល​នេះ​មាន​តែ​ក្លឹប ៣ប៉ុណ្ណោះ​ ដែល​មិន​ទាន់​ដក​ខ្លួន​ចេញ​ពី​ក្របខ័ណ្ឌ​នេះ។ ក្លឹប​ទាំង ៣នោះ​គឺ ​Real Madrid ក្លឹប Barcelona និង​ក្លឹប Juventus។ យ៉ាងណាមិញ បើ​យោង​តាម​ការ​ទម្លាយ​របស់​សារព័ត៌មាន​ខាង​លើ​បាន​ឲ្យ​ដឹង​ថា ក្លឹប​ទាំង ៩ផ្សេង​ទៀត ដោយ​ក្នុង​នោះ​មាន​ក្លឹប​អង់គ្លេស​ទាំង ៦ ក្លឹប​អេស្ប៉ាញ Atletico Madrid និង​ក្លឹប​អ៊ីតាលី​ Inter Milan និង​ AC Milan ដែល​ប្រកាស​ថា​ដក​ចេញ​នោះ គឺ​ដក​បាន​ត្រឹម​តែ​ពាក្យ​សម្ដី​ប៉ុណ្ណោះ មិនមែន​ដក​ចេញ​ជា​ផ្លូវការ​នោះ​ទេ។ Super League នៅ​ពេល​នេះ​នៅ​តែ​បន្ត​មាន នេះ​បើ​តាម​ការ​លើកឡើង​របស់​លោក Florentino Perez។ យ៉ាងណាមិញ ស្ថាប័ន​នេះ​នៅ​ជាប់​មាន​ក្ដីក្ដាំ​ពាក្យ​បណ្ដឹង​ជាមួយ​នឹង​ស្ថាប័ន​បាល់ទាត់​អឺរ៉ុប UEFA៕

ក្លឹប​ Real Madrid ត្រូវ​បាន​សារព័ត៌មាន​ជា​ច្រើន​បាន​ចុះ​ផ្សាយ​ថា​ កំពុង​ទាក់​ទង់​ចង់​បាន​អ្នកចាត់​ការ​ក្លឹប​ Everton លោក​ Carlo Ancelotti មក​ធ្វើ​ជា​គ្រូ​បង្គោល​ថ្មី​របស់​ខ្លួន​ នេះ​បើ​យោង​តាម​ការ​ចុះ​ផ្សាយ​របស់​ Fotmob ក្នុង​ថ្ងៃ​នេះ​។ បើ​ប្រភព​ខាង​លើ​ លោក​ Florentino Perez ប្រធាន​ក្លឹប​ Real បាន​មក​ទាក់​ទង​សួរនាំ​លោក​ Ancelotti ដោយ​ផ្ទាល់​ពី​រឿង​ខាង​លើ​នេះ​។ មក​ទល់​នឹង​ពេល​នេះ​មិនទាន់​មាន​សារព័ត៌មាន​ណា​មួយ​ចុះ​ផ្សាយ​ពី​ការ​សម្រេច​ចិត្ត​របស់​លោក​ Ancelotti ទាក់​ទង​នឹង​ការ​ចង់​បាន​របស់​ Real នៅ​ឡើយ​ទេ​។ យ៉ាង​ណា​ក្ដី​លោក​ Ancelotti មិន​មែន​ជា​បេក្ខជន​មួយ​រូប​ប៉ុណ្ណោះ​ដែល​ត្រូវ​បាន​ Real ទាក់ទង​ក្រោយ​លោក​ Zinedine Zidane ចាកចេញ​ដោយ​ក្លឹប​នេះ​ក៏​បាន​ទាក់ទង​ទៅ​អ្នក​ដឹកនាំ​ក្លឹប​មាន​បទពិសោធន៍ដទៃ​ជា​ច្រើន​រូប​ផង​ដែរ​ដូច​ជា​លោក​ Antonio Conte លោក​ Raul និង​លោក​ Xabi Alonso​ ។ គួរ​បញ្ជាក់​ផង​ដែរ​ថា​ Ancelotti ធ្លាប់​ដឹកនាំ​ Real Madrid កាល​ពីឆ្នាំ​២០១៣​ ដល់ឆ្នាំ​២០១៥​ ដោយ​​ឈ្នះ​ពាន​ UEFA Champions League ម្ដង​នៅ​ឆ្នាំ​២០១៤៕

ប្រធាន UEFA លោក Aleksander Ceferin ចង់ដាក់ទណ្ឌកម្មយ៉ាងធ្ងន់ធ្ងរដល់ក្លិប Real Madrid, Barcelona និង Juventus ដែលមិនបានដកខ្លួនចេញពី European Super League ។ យោងទៅតាមសេចក្ដីរាយការណ៍ Cope បានឲ្យដឹងថាបន្ទាប់ពីការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League នៅថ្ងៃទី ២៩ ខែឧសភាប្រធានសហព័ន្ធ UEFA គឺលោក Aleksander Ceferin នឹងស្នើសុំដកក្លិប Real Madrid, Barcelona និង Juventus ចេញពីការប្រកួតពានរង្វាន់អឺរ៉ុប UCL រយៈពេល ២ ឆ្នាំ ។ ប្រធានក្លិប Real Madrid លោក Florentino Perez ដែលជាអ្នកគាំទ្រសំខាន់នៃ Super League រំពឹងថា UEFA នឹងធ្វើការពិភាក្សាជាមួយក្លឹបស្ថាបនិក ។ ប្រសិនបើរឿងនោះមិនកើតឡើងទេម្ចាស់ក្លិប Real

ការអះអាងរបស់លោក Florentino Perez អំពីពានរង្វាន់ European Super League ត្រូវបាន Javier Tebas សង្ស័យប៉ុន្តែសហព័ន្ធបាល់ទាត់អេស្ប៉ាញ LaLiga នឹងមិនដាក់ទណ្ឌកម្មលើក្រុម Real Madrid ឡើយ។ ប្រធានសហព័ន្ធ LaLiga លោក Javier Tebas មានប្រសាសន៍ថាក្រុម Real Madrid, Barcelona និង Atletico Madrid នឹងមិនត្រូវបានដាក់ទណ្ឌកម្មចំពោះការចាប់ផ្តើមពានរង្វាន់ European Super League ទេពីព្រោះ“ ក្រុមទាំងអស់ត្រូវបានដាក់ទណ្ឌកម្មដោយអ្នកគាំទ្ររបស់ពួកគេ” ។ កាលពីថ្ងៃអាទិត្យក្លឹបធំៗ ទាំងបីរបស់លីកអេស្ប៉ាញបានប្រកាសពីការចូលរួមរបស់ពួកគេនៅក្នុងការចូលរួមប្រកួតប្រជែងគ្នាដែលមើលទៅទំនងជានឹងប្រជែងជាមួយនឹងក្របខ័ណ្ឌ Champions League របស់សហព័ន្ធ UEFA ។ ទោះយ៉ាងណាផែនការទាំងនោះបានរំលាយចោលក្នុងរយៈពេលតែ ២ ថ្ងៃបន្ទាប់ពីមានសម្ពាធទៅលើ“ ក្រុមធំៗ” ទាំង ៦ នៅអង់គ្លេសដែលបានបង្ខំឲ្យពួកគេដកខ្លួនដែលក្រុម At Madrid គឺជាអ្នកសម្រេចចិត្តចាក់ចេញពីគម្រោងពាន Super League សម្រាប់ក្រុមមកពីអេស្ប៉ាញ។

របាយការណ៍​ចុង​ក្រោយ​បង្អស់​បាន​ឲ្យ​ដឹង​ថា​ប្រធាន​ក្លឹប​លោក Florentino Perez ​បាន​ផ្តល់​នូវ​កញ្ចប់​ថវិកា​ប្រមាណ ១៨០ លាន​អឺរ៉ូ​សម្រាប់​អ្នកចាត់ការ​ Zinedine Zidane ក្នុង​ការ​ចាយវាយ​លើ​ការ​នាំ​យក​កីឡាករ​នា​ទីផ្សារ​ដោះដូរ​រដូវ​រងា ដែល​ត្រូវ​បើក​ទ្វារ​នា​ខែ​មករា ឆ្នាំ ២០២០។ តាម​សារព័ត៌មាន Don Balon ​បាន​ចុះ​ផ្សាយ​ថា​ចំពោះ​ទំហំ​លុយ ១៨០ លាន​នោះ Zidane អាច​នឹង​ចាត់ចែង​លើ​គោលដៅ ៣ រូប​ដែល​លោក​ចង់​បាន​រួម​មាន Paul Pogba របស់ ManU, Christian Eriksen របស់ Spurs និង Van de Beek របស់ Ajax។ បញ្ជាក់​ថា​ដើម​រដូវ​កាល ២០១៩/២០ ​ដំបូង​ឡើយ Madrid ហាក់​ធ្វើ​មិន​បាន​ល្អ​ទាល់​តែ​សោះ រហូត​ទើប​ចូល​មក​ដល់ ២-៣ សប្តាហ៍​ចុង​ក្រោយ​ទើប​ស្ថានការណ៍​ហាក់​ប្រែ​ប្រសើរ​មក​វិញ ដោយ​សព្វថ្ងៃ​ស្តេច​ស​កំពុង​ឈរ​នៅ​កំពូល​តារាង LaLiga បណ្តោះ​អាសន្ន៕

ប្រភពពីសារព័ត៌មាន Diario Gol បានចុះផ្សាយថា Paulo Dybala និងជ្រើសរើសការផ្ទេរទៅកាន់ក្រុមអធិរាជស Real Madrid ប្រសិនមានសំណើរណាមួយពីប្រធានក្លឹបលោក Florentino Perez នៅដើមខែមករា ២០២០ ខាងមុខដើម្បីជំនួសខ្សែប្រយុទ្ធដែលក្លឹបចង់បានគឺ Neymar Jr ហើយនិងគោលបំណងមួយទៀតនោះគឺប្រជែងពានរង្វាន់ផ្សេងៗទៀតជាមួយសិស្សច្បង Lionel Messi ក៏ដូចជាកៅអីក្នុងក្រុមជម្រើសជាតិ។ ក្រោយការមកដល់របស់ Cristiano Ronaldo កាលពីរដូវកាលមុនឪកាសរបស់ Dybala ហាក់មានកំរិត ខណៈក្រុមបិសាចក្រហម Manchester United និង Tottenham Hotspur ធ្លាប់បានសម្តែងការចង់បានដូចគ្នា ហើយប្រសិនរូបគេផ្លាស់ទៅកាន់ក្រុម Real Madrid ជាផ្លូវការណ៏នោះពិតណាស់បេក្ខភាពរបស់អតីតកីឡាក្រុម​ Palermo រូបនេះអាច ជំនួសតំណែង Gareth Bale បានផងដែរ។ Dybala ក៏ធ្លាប់បានត្រៀមខ្លួនជាស្រេចកាលពីរដូវក្តៅក្នុងការផ្លាស់ទៅកាន់ក្លឹបយក្សបារាំង Paris Saint-Germain (PSG) ប្រសិន Neymar ចាកចេញប៉ុន្តែកីឡាករប្រេស៊ីលរូបនេះស្ថិតនៅក្នុងស្ថានភាពជាប់គាំង ដូច្នេះខ្សែប្រយុទ្ធអន្តរជាតិអាហ្សង់ទីនមានជំនាញប្រើជើងឆ្វេងរូបនេះក៏បន្តនៅជាមួយ Juventus១បន្តទៀត។

លោក Florentino Perez ប្រធានក្លឹប Real Madrid បានសម្រេច​មិន​បន្ត​កុងត្រា​ជាមួយកីឡាករ ខ្សែបម្រើប្រយុទ្ធ Luka Modric នោះទេនៅពេល​កុងត្រា​ចាស់​ផុត​កំណត់