Tag: Hakim Ziyech

ក្លិបតោខៀវ Chelsea និង Paris Saint-Germain ត្រូវបានគេរាយការណ៍ថាចាប់អារម្មណ៍ចង់ទិញយកខ្សែប្រយុទ្ធ Marco Asensio ពីក្លិប Real Madrid បន្ទាប់ពីឃើញថាកីឡាករសញ្ជាតិអេស្ប៉ាញរូបនេះស៊ុតបញ្ចូលទីបាន៧គ្រាប់ក្នុងការបង្ហាញខ្លួន២៣ប្រកួត។ កុងត្រារបស់ Asensio ក្នុងការស្នាក់នៅទឹកដី Santiago Bernabeu នឹងផុតកំណត់នៅរដូវកាលក្រោយដូច្នេះ Chelsea ដាក់គោលដៅចង់បានគេយកមកជំនួស Hakim Ziyech, Kai Havertz និង Timo Werner ជាដើមនិងអាចចាប់ផ្ដើមដាក់សំណើទិញយកគេនៅរដូវក្ដៅខាងមុខ។ PSG ឯណោះវិញដឹងច្បាស់ថា ខ្សែប្រយុទ្ធ Kylian Mbappe នឹងចាកចេញពីក្លិបដោយគ្មានតម្លៃខ្លួននៅរដូវក្ដៅនេះទើបចង់បាន Marco Asensio មកជំនួសកន្លែង។ គួរបញ្ជាក់ផងដែរថា  Asensio បានផ្ទេរពីក្លិប Real Mallorca មក Real Madrid កាលឆ្នាំ២០១៦ ដោយស៊ុតបញ្ចូលទីបាន១១គ្រាប់ក្នុងការបង្ហាញខ្លួន ២៦ប្រកួត នៅរដូវកាល ២០១៧/២០១៨ មុននឹងរងរបួសជង្គង់ធ្ងន់ធ្ងរកាលឆ្នាំ ២០១៩៕

២ ​គ្រាប់​​នៅ​វគ្គ​ទី​ពីរ​បាន​ជួយ​ឲ្យ Chelsea យក​ឈ្នះ Spurs ក្នុងលិទ្ធផល ២ ទល់នឹង ០ កាល​ពី​យប់​មិញ​​ក្នុង​ក្របខណ្ឌ Premier League។ បន្ទាប់​ពី​មិន​មាន​គ្រាប់​បាល់​នៅ​វគ្គ​ទី​មួយ ខ្សែ​បម្រើ​ប្រយុទ្ធ Hakim Ziyech បាន​ទាត់បញ្ចូល​ទី​យ៉ាង​ស្អាត​ពី​លើ​ប្រអប់​គ្រោះថ្នាក់ ជួយ Chelsea នាំ​មុខ​ ១ ទល់នឹង ០។ ខ្សែ​ការពារ​ជើង​ចាស់ Thiago Silva ជា​អ្នក​បន្ថែម​គ្រាប់​ទី​ពីរ​ឲ្យ​តោ​ខៀវ ក្រោយ​មាន​ការ​​បញ្ជូន​ពី​បាល់ Free-Kick របស់ Mason Mount។ នេះ​​គឺ​ការ​ឈ្នះ​លើក​ទី​៣​សម្រាប់ Chelsea លើ​ក្រុម​ Spurs ក្នុង​រយៈពេល​៣​សប្ដាហ៍​ចុង​ក្រោយ។ ២​លើក​មុន Chelsea បាន​ឈ្នះ​ក្នុង​ពាន​រង្វាន់​ League ​ទាំង​ពីរ​ជើង​ ២ ទល់នឹង ០ និង ១ ទល់នឹង ០។ ជ័យជម្នះ​យប់​មិញ​ក្រុម​លោក Thomas Tuchel បន្ត​ឈរ​លេខ​៣​ក្នុង​​តារាង​ពិន្ទុ​លីគ​​មាន​៤៧​ពិន្ទុ គម្លាត​ពី​ក្រុម​ Man

​អ្នក​ចាត់​ការ​របស់​តោ​ខៀវ Chelsea ​លោក Thomas Tuchel យល់​ឃើញ​ថា​ក្រុម​របស់​ខ្លួន​យក​បាន​​​៣​ពិន្ទុ​​ពី​ក្រុម Watford ​បាន​គឺ​ចាត់​ទុក​ថា សំណាង​​ហើយ សម្រាប់​ការ​ប្រកួត​ Premier League សប្ដាហ៍​ទី​១៤ ដើម្បី​គ្រប់គ្រង​កំពូល​តារាង​។ ​បើ​ក​ការ​ប្រកួត​ក្រុមទាំង​ពីរ​​​ប្រឹងប្រែង​រៀងខ្លួន​រហូត​ដល់​នាទី​ទី​​២៩ Mason Mount ​​​រក​បាន​១​គ្រាប់​មុន​ដើម្បី​បង្កើត​ការ​នាំ​មុខ​១-០។ ​​ដល់​នាទី​ទី​៤៣ មុន​ចប់​តង់ទី​១​ម្ចាស់​ផ្ទះ​ក៏​តាម​បាន​ស្មើ​ដោយ ​Emmanuel​ Bonaventure Dennis។ ចប់​តង់​ទី​១​ ក្រុម​ទាំង​ពីរ​បញ្ចប់​ត្រឹម​១ស្មើ​។ ចូល​ដល់​វគ្គ​ទី​២ ក្រុម​ភ្ញៀវ​រក​បានគ្រាប់​បាល់​​ជ័យជម្នះ​ដោយ Hakim Ziyech ​នៅ​នាទី​ទី​៧២​។ ចប់​ការ​ប្រកួត​ក្រុម​ទាំង​ពីរ​បញ្ចប់​ដោយ​ក្រុម​ផ្ញៀវ​ឈ្នះ ២-១។ ​ទាក់​ទង​ជ័យជម្នះ​នេះ​អ្នក​ចាត់ការ​ក្រុម​តោ​បាន​​ឲ្យ​ដឹង​ថា វា​ហាក់​ដូច​ជា​ការ​លួច​៣​ពិន្ទុ​ពី​ម្ចាស់​ផ្ទះ យ៉ាង​ណា​វា​ក៏​ជា​សំណាង​បំផុត​មួយ​សម្រាប់​​រូប​លោក ដែល​អាច​យក​បាន​៣​ពិន្ទុ​ពី​ក្រុម​​ម្ចាស់​ផ្ទះ​​យ៉ាង​ដូច្នេះ​ដែរ៕

Xavi Hernandez ដែល​ជា​អ្នក​ចាត់​ការ​ថ្មី​របស់​ក្លឹប Barcelona កំពុង​សម្លឹង​ឃើញ​កីឡាករ​ Chelsea ដល់​ទៅ​៣​នាក់ និង​ត្រៀម​យក​មក​នៅ​ខែ​មករា​ខាង​មុខ​ដើម្បី​ជួយ​ពង្រឹង​ក្រុម។ អ្នក​ចាត់​ការ​សញ្ជាតិ​អេស្ប៉ាញ​​​កំពុង​សម្លឹង​ឃើញ​​លើ​ការ​ខ្ចី​ជើង​កីឡាករ​ថ្មី​ចូល ហើយ​ក្នុង​នោះសមាជិក​របស់ Chelsea ចំនួន 3 ​រូប​ដែល​មាន Christian pulisic, Hakim Ziyech និង Hudson-Odoi ​ស្ថិង​ក្នុង​ចំណាប់​អារម្មណ៍​របស់​លោក។ យោង​តាម​សារព័ត៌មាន Diario Sport ឲ្យ​ដឹង​ថា Barcelona ចង់​បាន​កីឡាករ​ទាំង​៣​ខាង​លើ ដែល​មិន​សូវ​បាន​លេង​ក្រោម​ការ​ដឹក​នាំ​របស់​លោក Thomas Tuchel។ ហើយ​ពួក​គេ​អាច​ជា​ជម្រើស​ប្រយុទ្ធ​​បន្ថែម​ដ៏​ល្អ​សម្រាប់​ក្រុម​លោក Xavi។ Pulisic រដូវ​កាល​នេះក្នុង​លីគ​ទើប​តែ​លេង​បាន​២ប្រកួត​ប៉ុណ្ណោះ ហើយ​ប្រសិន​បើ​គេ​ទៅ​ Barca វា​ជា​ឱកាស​អាច​​លេង​ជាមួយ​មិត្តរួម​ជាតិ​អាមេរិក Sergino Dest។ Ziyech ក៏​មិន​សូវ​បាន​បង្ហាញ​ខ្លួន​ឲ្យ​តោខៀវ​ដូច​គ្នា ខណៈ Hudson-Odoi ត្រូវ​ការ​ឱកាស​លេង​ច្រើន​ដើម្បី​បាន​ជាប់​ជម្រើស​ជាតិ​អង់គ្លេស​ទៅ​លេង​នៅ World Cup ឆ្នាំ​ក្រោយ៕

ខ្សែបម្រើ Hakim Ziyech របស់ក្រុមតោខៀវ Chelsea អាចនឹងចាក់ចេញពីទឹកដីអង់គ្លេសនឹងបន្តអាជីពរបស់គេនៅឯប្រទេសអាល្លឺម៉ង់។ បើតាមការអះអាងរបស់ Goal.com ថាកីឡាករវ័យ 28 ឆ្នាំរូបនេះសុខចិត្តចាកចេញពីទឹកដី Stamford Bridge ក្នុងខែមករាខាងមុខនេះ ។ កីឡាករសញ្ជាតិម៉ារ៉ុកមិនពេញចិត្តនឹងពេលវេលាលេងជាប្រចាំក្រោមការដឹកនាំរបស់លោក Thomas Tuchel។ រដូវកាលនេះ Hakim Ziyech បង្ហាញខ្លួននៅ Premier League ត្រឹមតែ 4 ដងប៉ុណ្ណោះសម្រាប់ក្លឹបដែលមានតែ 2 ប្រកួតប៉ុណ្ណោះដែលរូបគេជាប់ជម្រើស 11នាក់ដំបូង។ យោងតាមប្រភពបានឱ្យដឹងថាក្លឹប Borussia Dortmund កំពុងស្វែងរកខ្សែបម្រើដើម្បីពង្រឹងក្រុមរបស់ពួកគេ ហើយ Ziyech គឺពិតជាជម្រើសដែលសមនឹងទទួលបានការពិចារណាយ៉ាងម៉ត់ចត់៕

ក្លិប AC Milan ចង់ខ្ចីជើងខ្សែបម្រើ Hakim Ziyech ពី Chelsea បន្ទាប់ពីឆក់យកខ្សែប្រយុទ្ធ Olivier Giroud រួចមក។ យោងតាមសារព័ត៌មាននៅអ៊ីតាលីគឺ Calciomercato លោកគ្រូបង្វឹក Stefano Pioli ចង់បាន Ziyech មករួមក្រុមខ្លាំងណាស់ក្រោយឃើញថាគេរកបាន ៦គ្រាប់ក្នុងការបង្ហាញខ្លួនចំនួន៣៩ប្រកួតនៅរដូវកាលមុន។  កីឡាករសញ្ជាតិម៉ារ៉ុករូបនេះផ្ទេរពី Ajax មកទឹកដី Stamford Bridge កាលពីឆ្នាំ២០២០ ក្នុងតម្លៃខ្លួន៣៦.៧លានផោន(ស្មើនឹងប្រមាណ៥០.៤លានដុល្លារ) ប៉ុន្តែជាក់ស្ដែងគេមិនសូវជាប់ជម្រើស១១នាក់ដំបូងនោះឡើយ។ លោកគ្រូបង្វឹក Thomas Tuchel ចូលចិត្តដាក់ Christian Pulisic, Kai Havertz, Mason Mount មកជំនួសកន្លែងគេដែលធ្វើឲ្យ  Ziyech ពិតជាពិបាកប្រជែង។ យ៉ាងណាមិញ AC Milan នៅតែជ្រើសរើសយក ខ្សែបម្រើ Philippe Coutinho នៃក្លិប Barcelona និង Isco នៅក្លិប Real

ក្លិប Chelsea បានសំរេចការទិញកីឡាករចូលដំបូងបំផុត នៅក្រោមការដឹកនាំរបស់លោក Frank Lampard បន្ទាប់ពីព្រមព្រៀងជាមួយ Ajax ទៅលើខ្សែបម្រើ Hakim Ziyech។ កីឡាករសញ្ជាតិម៉ារ៉ុករូបនេះ មានទំនាក់ទំនងក្នុងការផ្ទេរទៅកាន់ក្លឹបជាច្រើននៅក្នុងរដូវក្ដៅកន្លងទៅ ប៉ុន្ដែទឹកដី Stamford Bridge ជាទ្រនំថ្មីរបស់គេសំរាប់រដូវកាលក្រោយ។ បើតាមកាសែតហូឡង់ De Telegraaf បានរាយការណ៍ថា Ajax នឹងទទួលបាន ៤៥លានអឺរ៉ូពី Ziyech។ ក្លឹបយក្សហូឡង់បាននាំយកកីឡាករវ័យ២៦ឆ្នាំរូបនេះ មកចូលរួមកាលពីឆ្នាំ ២០១៦ ពីក្លឹប FC Twente ក្នុងតម្លៃ ១១លានអឺរ៉ូ ហើយចាប់ពីពេលនោះមក រូបគេបានបង្ហាញខ្លួនលើទីលាន ១៥៩ប្រកួត រកគ្រាប់បាល់បាន ៤៨គ្រាប់ និង បញ្ជូនឲ្យមិត្តរួមក្រុមស៊ុត ៨២លើក៕