Tag: Harvey Elliott

កីឡាករ​វ័យ​ក្មេង​​កំពុង​ឡើង​ជើង​របស់ Liverpool គឺ Elliott បាន​របួស​បាក់​ក​ជើង ក្នុង​ជំនួប​ក្រុម​របស់​គេ​​យក​ឈ្នះ Leeds United ៣-០ កាល​ពី​យប់​មិញ។ Elliott វ័យ​១៨​ឆ្នាំ​បាន​រង​របួស បន្ទាប់​ពី​មាន​ការ​ទាក់​ជើង​ពី​ខ្សែ​ការពារ​របស់ Leeds គឺ Pascal Stujik ធ្វើ​ឲ្យ​អាជ្ញាកណ្ដាល​​ផ្ដល់​កាត​ក្រហម​បណ្ដេញ​ចេញ​ពី​ទីលាន​ក្នុង​វគ្គ​ទី​២។ Elliott បាន​ស្រែក​បង្ហាញ​ការ​ឈឺ​ចាប់​ជា​ខ្លាំង ក្រោយ​ពេល​របួស​ក​ជើង និង​ត្រូវ​សែង​ចេញ​បញ្ជូន​ទៅ​មន្ទីរពេទ្យ។ ក្លឹប​ Liverpool បាន​បញ្ជាក់​ថា Elliott ត្រូវ​បាន​គេ​អនុញ្ញាត​ឲ្យ​ចេញ​ពី​មន្ទីរពេទ្យ Leeds General Infirmary និង​​បាន​ត្រឡប់​ទៅ​វិញ​​ហើយ។ គេ​នឹង​ត្រូវ​ធ្វើ​ការ​វះកាត់ ខណៈ​ព័ត៌មាន​ផ្សេង​ក្លឹបនឹង​ជូន​ដំណឹង​ជា​បន្ត​បន្ទាប់។ ជ័យជម្នះ ៣-០ លើ Leeds បាន​ជួយ​ឲ្យ​ Liverpool ឡើង​ឈរ​ចំណាត់​ថ្នាក់​លេខ​៣​ក្នុង​តារាង​ពិន្ទុ Premier League ​មាន​១០​ពិន្ទុ​ស្មើ​​គ្នា​ជាមួយ​ក្រុម​លេខ​១​និង​២ Man Utd និង Chelsea៕

ខ្សែប្រយុទ្ធ Harvey Elliott របស់ Liverpool បានរងពិន័យ មិនឲ្យចូលរួមសកម្មភាពជាមួយក្លឹប រយៈពេល១៤ថ្ងៃ បន្ទាប់ពីរូបគេបានប្រើពាក្យមិនសមរម្យទៅលើ ខ្សែប្រយុទ្ធ Harry Kane នៅក្នុងវីដេអូមួយ។ Elliott ដែលជាកីឡាករវ័យក្មេងជាងគេទី២របស់ក្រុមហង្សក្រហម ដែលបានបង្ហាញខ្លួននៅក្នុងការប្រកួតសំរាប់ក្លឹបកាលពីខែមុន បានធ្វើការសូមទោសទៅលើកំហុសដែលបានប្រព្រឹត្ត ប៉ុន្ដែ នៅតែត្រូវបានពិន័យមិនឲ្យចូលរួមក្រុម និង ត្រូវពិន័យជាទឹកប្រាក់ ៣៥០ផោន ហើយត្រូវចូលរួមក្នុងកម្មវិធីអប់រំ។ គួររំឮកថា Elliott បានប្រើពាក្យ «F***ing Mong» ទៅលើ Kane នៅក្នុងវីដេអូ ដែលរូបគេបានថត កំឡុងការប្រកួត Champions League វគ្គផ្ដាច់ព្រ័ត្រ រវាង Livcerpool និង Tottenham។ https://videos.dailymail.co.uk/video/mol/2019/08/01/6637527179802069652/640x360_MP4_6637527179802069652.mp4 ទោះយ៉ាងណាក្ដី ក្រោយមករូបគេបានធ្វើការសុំទោស នៅលើគណនីបណ្ដាញសង្គមរបស់ខ្លួន ចំពោះកំហុសដែលបានប្រព្រឹត្ត៕