Tag: Inter Milan

ខ្សែ​បម្រើ​ Christian Eriksen មាន​ឈ្មោះ​ចូល​លេង​ឲ្យ​ក្រុម​ជម្រើស​ជាតិ​ដាណឺម៉ាក​របស់​ខ្លួន​វិញ​ជា​លើក​ដំបូង​ ចាប់​តាំង​ពី​មាន​បញ្ហា​បេះ​ដូង​នៅ​ក្នុង​ប្រកួត​ Euro 2020 នៅ​ខែ​មិថុនា​ ឆ្នាំ​២០២១​កន្លង​មក​។ ក្រោយ​មាន​បញ្ហា​គាំង​បេះដូង​ Eriksen ក៏​ត្រូវ​បាន​ក្លឹប​ Inter Milan បញ្ចប់​កុងត្រា​ផង​ដែរ​ ដោយសារ​តែ​លក្ខខណ្ឌ​នៅ​លីគកំពូល​អ៊ីតាលី​គឺ​មិន​ឲ្យមាន​កីឡាករ​ណា​មាន​បញ្ហា​បេះ​ដូង​លេង​ក្នុង​ប្រកួត​របស់​លីគ​ខ្លួន​បាន​ឡើយ​។ កីឡាករ​នេះ​បាន​សម្រាក​ព្យាបាល​រហូត​ដល់​ខែ​ធ្នូ​ ឆ្នាំ​២០២១​កន្លង​ទៅ​ទើប​ចេញ​ហ្វឹកហាត់​បាន​ ហើយ​ក៏​បាន​ចូល​លេង​ជា​កីឡាករ​អាជីព​វិញ​នៅ​ Premier League ដោយ​លេង​ឲ្យ​ ក្លឹប​ Brentford មាន​កុងត្រា​ចាប់​តាំង​ពី​ចុង​ខែ​មករា រហូត​ដល់​ថ្ងៃ​ទី​៣០ ខែ​មិថុនា ឆ្នាំ​២០២២នេះ​។ ចាប់​តាំង​ពី​ចូល​លេង​ឲ្យ​ Bretford មក​ Eriksen ចូល​លេង​បាន​៣ ប្រកួត​ហើយ​។ ចំពោះ​ការ​ចូលលេង​ឲ្យ​ក្រុម​ជម្រើសជាតិ​ដាណឺម៉ាក​លើក​នេះ​គឺ​ចូល​លេងជា​ប្រកួត​លក្ខណៈ​មិត្តភាព​រវាង​ ក្រុម​ជម្រើសជាតិ​ហុល្លង់​ នៅ​ថ្ងៃ​ទី​២៧ និង​ក្រុម​ស៊ែប​នៅ​ថ្ងៃ​ទី​២៩ ខែ​មីនា ឆ្នាំ​២០២២ខាង​មុខ​នេះ​៕

យោងតាមសេចក្ដីរាយការណ៍គឺខ្សែប្រយុទ្ធ Gabriel Jesus អាចនឹងចាកចេញពីក្លិប Manchester City និងផ្ទេរទៅ Inter Milan ដើម្បីជំនួសកន្លែង Lautaro Martinez ។ ថ្មីៗនេះ Martinez ត្រូវបានគេរាយការណ៍ថាអាចនឹងផ្ទេរចេញពី Inter Milan ទៅក្លិប Tottenham Hotspur ឬ Arsenal។ ដូច្នេះសារព័ត៌មាន Calciomercato បានចុះផ្សាយថា Jesus អាចនឹងចាកចេញពីទឹកដី Etihad ដោយសារកុងត្រារបស់គេជាមួយ Man City នៅសល់តែ១៨ខែទៀតប៉ុណ្ណោះ។ លោក Piero Ausilio ដែលជាប្រធានដឹកនាំផ្នែកកីឡារបស់ក្លិប Inter Milan បានស្ញើចសរសើរសមត្ថភាពរបស់ Jesus យូរមកហើយ និងធ្លាប់ចង់បានគេតាំងពីគេលេងនៅក្លិប Palmeiras ម៉្លេះ។ គួរបញ្ជាក់ផងដែរថា នៅរដូវកាលនេះ Gabriel Jesus ចូលលេងបានតែ ១៥ប្រកួតប៉ុណ្ណោះ ខណៈដែល Man City កំពុងចង់បាន

លោកគ្រូបង្វឹក Massimiliano Allegri ជឿជាក់ថាក្រុមមកពីអង់គ្លេសដូចជា Liverpool និង Man City , Paris Saint-Germain, Real Madrid និង Bayern Munich មានភាគរយខ្ពស់អាចឈ្នះពាន Champions League ខ្ពស់ជាងគេនៅរដូវកាលនេះ។ Liverpool, Manchester City និង PSG សុទ្ធតែបានលេងឈ្នះនៅការប្រកួតវគ្គ១៦ក្រុមពាន UCL ជើងទី១ ដោយ Liverpool យកឈ្នះ Inter Milan ក្នុងលិទ្ធផល ២ ទល់នឹង ០ រីឯ Man City យកឈ្នះ Sporting Lisbon ក្នុងលិទ្ធផល ៥ ទល់នឹង ០ ខណះក្រុម PSG យកឈ្នះ Real Madrid ក្នុងលិទ្ធផល ១ ទល់នឹង

ខ្សែបម្រើ​ Christian Eriksen បាន​ត្រលប់​មក​វិស័យបាល់ទាត់​វិញ​ហើយ​ ដោយ​មក​​​លេង​ឲ្យ​ ក្លឹប​ Brentford។ កីឡាករ​រូប​នេះ​បាន​ចុះ​កុងត្រា​លេង​ឲ្យ​​ក្លឹប​ Premier League រហូត​ដល់​ចប់​រដូវកាល​ឆ្នាំ​២០២១/២២នេះ​ និង​មាន​លក្ខខ័ណ្ឌ​បន្ត​ ១ឆ្នាំ​ទៀត​ផង​ដែរ​។ Eriksen បាន​បាត់​មុខ​ពី​វិស័យ​បាល់ទាត់​មួយ​រយៈ​ធំ​ហើយ​ ដោយ​សារ​រក​មាន​បញ្ហា​គាំង​បេះដូង​ ចាប់​ពី​តាំង​ពី​កំឡុង​ពេល​ ប្រកួត​ Euro 2020 ឆ្នាំ​មុន​កន្លង​មក​ ដោយ​សារ​តែ​បញ្ហា​ជំងឺ​នេះ​ហើយ​​ ខ្សែ​បម្រើនេះ ត្រូវ​បាន​ Inter Milan បញ្ចប់​កុងត្រា​ជា​មួយ​ផង​ដែរ​ ព្រោះ​តែ​នៅ​លីគ​កំពូល​អ៊ីតាលី​ មិន​ឲ្យ​កីឡាករ​ដែល​រក​ឃើញ​មាន​បញ្ហា​គាំង​បេះ​ដូង​ បន្តលេង​ទេ​ឡើយ។​ នៅ​ក្នុង​អាជីពបាល់ទាត់​ Eriksen ធ្លាប់​ចូល​លេង​ឲ្យ​ក្លឹប​ដូច​ Ajax, Spurs និង​ Inter Milan ដោយ​ចូល​ប្រកួត​សរុប​ ៥២៧ប្រកួត​ និង​រក​គ្រាប់​បាល់​បាន​ ១០៩គ្រាប់​៕

ខ្សែបម្រើ Christian Eriksen កំពុងស្ថិតក្នុងការចរចាជាមួយក្លិប Brentford ក្នុងលក្ខខណ្ឌព្រមព្រៀងចំនួន៦ខែ ដោយអាចបន្តថែម១ឆ្នាំ បន្ទាប់ពីមុននេះលេចឮដំណឹងថាគេនឹងវិលត្រឡប់មកលេងនៅ Premier League វិញ។ Eriksen ចាកចេញពី Spurs និងផ្ទេរទៅ Inter Milan កាលឆ្នាំ២០២០ ប៉ុន្តែជាអកុសល គេត្រូវក្លិបយក្សនៅអ៊ីតាលីមួយនេះផ្ដាច់កុងត្រា ដោយសារបញ្ហាបេះដូង។ កីឡាករសញ្ជាតិដាណឺម៉ាករូបនេះបានរងអាការៈគាំងបេះដូងក្នុងការប្រកួតរវាំង ហ្វាំងឡង់ និង ដាណឺម៉ាក នាព្រឹត្តិការណ៍ Euro 2020 ប៉ុន្តែសំណាងល្អគេត្រូវបញ្ជូនទៅមន្ទីរពេទ្យទាន់ពេលវេលាហើយពេទ្យក៏បានដាក់ឧបករណ៍ ICD សម្រាប់វាស់ស្ទង់ចង្វាក់បេះដូង។ យ៉ាងណាមិញ Eriksen ត្រូវបង្ខំចិត្តចាកចេញពី Inter Milan ក៏ដោយសារច្បាប់នៅអ៊ីតាលីមិនអនុញ្ញាតឲ្យកីឡាករមានបំពាក់ឧបករណ៍នេះចូលលេងនោះឡើយ៕

សហព័ន្ធកីឡាបាល់ទាត់ប្រទេសនីហ្សេរីយ៉ា បានទាក់ទងទៅលោក Jose Mourinho ដើម្បីហៅមកដឹកនាំក្រុមបន្ទាប់ពីបានចែកផ្លូវគ្នាជាមួយលោកគ្រូបង្វឹក Gernot Rohr រួចមក។ Mourinho ទើបនឹងត្រូវបានតែងតាំងជាគ្រូបង្វឹករបស់ក្លិប Roma បាន៦ខែប៉ុណ្ណោះក្រោយត្រូវ Tottenham Hotspur បញ្ចប់តំណែងលោក។ សារព័ត៌មាន Daily Trust បានបង្ហើបថា សហព័ន្ធកីឡាបាល់ទាត់ប្រទេសនីហ្សេរីយ៉ា ចង់ហៅលោកមកដឹកនាំដើម្បីឲ្យពួកគេឈ្នះពាន Africa Cup Of Nations នៅឆ្នាំក្រោយ ដោយលោក Amaju Pinnick ក្នុងនាមជាប្រធានសហព័ន្ធផ្ទាល់បានទាក់ទងទៅអតីតគ្រូបង្វឹក Real Madrid រូបនេះរួចរាល់ហើយ។ គួរបញ្ជាក់ផងដែរថា លោក Jose Mourinho បានចុះកុងត្រា៣ឆ្នាំជាមួយក្លិប Roma ដោយក្លិបកំពុងស្ថិតនៅលេខរៀងទី៦ក្នុងតារាង Serie A ចាញ់ក្រុមកំពូលតារាង Inter Milan ចំនួន១៤ពិន្ទុ៕

​ក្រុម Real Madrid ​បាន​ប្រកួត​បិទ​ពូល​នៅ​យប់មិញ​នេះ​ហើយ ​ដោយ​យក​ឈ្នះ​លើ​ក្រុម Inter Milan ​បាន​ក្នុង​លទ្ធផល ២-០ ​ឈរ​នៅ​កំពូល​តារាង។ ​ក្រោយ​ពី​ចប់​ការ​ប្រកួត​នេះ​ទៅ ​លោក Carlo Ancelotti ​អ្នក​ចាត់ការ​ក្រុម Real Madrid ​បាន​និយាយ​ថា​៖ “យើង​មាន​សមត្ថភាព​ក្នុង​ការ​ឈ្នះ La Liga ​ហើយ​និង​អាច​ប្រជែង​ពាន​រង្វាន់ Champions League ​បាន​។ មិន​មាន​ក្រុម​ណា​ដឹង​ច្បាស់​ថា​មាន​សមត្ថភាព​អាច​ឈ្នះ Champions League ​បាន​ទេ​នៅ​ត្រឹម​នេះ ប៉ុន្តែ​បើ​និយាយ​ពី​សមត្ថភាព​អាច​ប្រជែង​គឺ​បាន។ ​មាន​ក្រុម​ជា​ច្រើន​ទៀត​សុទ្ធ​តែ​រៀប​ចំ​បាន​ល្អ​ដែរ ​ពួកគេ​ក៏​មាន​សមត្ថភាព​ដូច​គ្នា”។ ​នា​ពេល​បច្ចុប្បន្ន​នេះ​ក្រុម​អធិរាជ​ស​ឃើញ​ថា​រៀប​ចំ​ក្រុម​បាន​ល្អ​ជា​ពិសេស​នៅ​តំបន់​ការពារ​ដែល​អាច​រក្សា Clean-sheet ​បាន​។ ​មួយ​វិញ​ទៀត​សមាជិក​សំខាន់​ៗ​ក្នុង​ក្រុម​នៅ​ពេល​នេះ ​ក៏​មិន​មាន​បញ្ហា​របួស​ទៀត ​ដូច្នេះ​ហើយ​ទើប​ធ្វើ​ឱ្យ​លោក Ancelotti ​មិន​ពិបាក​ក្នុង​ការ​រៀប​ទម្រង់​លេង​នោះ​ទេ៕

លោក Jose Mourinho បាន​រិះគន់​លើ​អ្នក​កាសែត​ម្នាក់​ និង​បដិសេធ​​ឆ្លើយ​សំនួរ​ផ្សេង​ៗ បន្ទាប់​ពី​ Roma ចាញ់ Inter Milan ៣-០ កាល​ពី​ចុង​សប្ដាហ៍។ ត្រឹម​វគ្គ​ទី​មួយ Roma បាន​របូត​​ដល់​ទៅ​៣​គ្រាប់ ហើយ​បាន​បរាជ័យ​នេះ​បាន​ធ្វើ​ឲ្យ​ពួក​គេ​ធ្លាក់​ទៅ​លេខ​៧​នៅ​ Serie A ខណៈ Inter ស្ថិត​នៅ​លេខ​ពីរ។ Roma ពេល​នេះ​គម្លាត​ដល់​ទៅ​១៣​​ពិន្ទុ​ពី​ក្រុម​កំពូល​តារាង AC Milan។ ក្រោយ​ពី​បញ្ចប់​ការ​ប្រកួត​លោក Mourinho បាន​បដិសេធ​ឆ្លើយ​​នូវ​សំនួរ​ទី​មួយ​របស់​អ្នក​កាសែត និង​បាន​តប​វិញ​ធ្ងន់​ៗ​ថា៖ “ការងារ​របស់​អ្នក​មាន​ភាព​ងាយស្រួល​ច្រើន​ជាង​ពួក​យើង ដែល​នេះ​ជា​ហេតុ​​ដែល​ពួក​​យើង​រក​ចំណូល​បាន​ច្រើន​ជាង​អ្នក”។ បន្ទាប់​ពី​នោះ​មក​ អ្នក​ចាត់​ការ​សញ្ជាតិ​ព័រទុយហ្គាល់​​មិន​បន្ត​ឆ្លើយ​សំនួរ​ណា​ទៀត​ឡើយ។ នេះ​មិនមែន​ជា​លើក​ទី​មួយ​ទេ លោក Mourinho តែងតែ​មាន​បញ្ហា​ជាមួយ​អ្នក​កាសែត​ពេល​ដែល​​ពួក​គេ​សួរ​សំនួរ​ធ្ងន់​ៗ ស្រប​ពេល​ដែល​ក្រុម​របស់​លោក​កំពុង​ចាញ់៕

កីឡាករ Pierre-Emerick Aubameyang ត្រូវបានគេរាយការណ៍មកថា កំពុងស្ថិតនៅលើរ៉ាដារបស់ក្លិបយក្ស ៥ ក្នុងតំបន់ អឺរ៉ុប ស្របពេលជាមួយគ្នានេះ អនាគតរបស់គេជាមួយ Arsenal ក៏កំពុងតែស្ថិតក្នុងភាពស្រពិចស្រពិលផងដែរ។ ខ្សែប្រយុទ្ធវ័យ ៣២ ឆ្នាំហាក់ពុំសូវបង្ហាញទម្រង់លេងបានល្អប្រសើរប៉ុន្មានឡើយនារយៈពេល ១២ ខែចុងក្រោយនេះជាមួយក្រុមកាំភ្លើងធំ, ជាក់ស្តែងសម្រាប់ការប្រកួតទល់នឹង Newcastle និង Manchester United ២ ប្រកួតចុងក្រោយនេះ គេតែងតែទទួលបានកម្រិតពិន្ទុទាបជាងគេប្រចាំការប្រកួត។ Aubameyang បានបន្តកុងត្រាថ្មីជាមួយក្រុម Arsenal រហូតដល់ឆ្នាំ ២០២៣, បន្ទាប់ពីកុងត្រាចាស់របស់គាត់ផុតកំណត់កាលពីរដូវក្តៅមុន, ប៉ុន្តែឥឡូវនេះគាត់កំពុងតែប្រឈមមុខនឹងការចាកចេញ ដោយសាររយៈពេលចុងក្រោយនេះទម្រង់លេងរបស់គាត់ហាក់ធ្លាក់ចុះខ្លាំងគួរឱ្យកត់សម្គាល់។ យោងតាមសេចក្តីរាយការណ៍របស់កាសែត Fichajes បានឱ្យដឹងថា Real Madrid, Barcelona, Atletico Madrid, Inter Milan និង AC Milan សុទ្ធតែមានបំណងចង់បាន Aubameyang និងត្រៀមចុះកុងត្រាយករូបគេនៅឆ្នាំ ២០២២៕

ដោយបានយកឈ្នះលើក្រុម Sheriff Tiraspol ក្នុងលទ្ធផល 3 ទល់នឹង 0 កាលពីល្ងាចថ្ងៃយប់មិញក្រុម Real Madrid បានឡើងទៅវគ្គបន្តនៃក្របខ័ណ្ឌ Champions League ។ យោងតាមកាសែត​ OptaJose ក្រុមអធិរាជស Real Madrid បានឈានដល់វគ្គ 16 ក្រុមចុងក្រោយជាលើកទី 19 ជាប់ៗគ្នា ចាប់តាំងពីវគ្គនេះត្រូវបានណែនាំត្រឡប់មកវិញនៅក្នុងរដូវកាល 2003/04 ដែលធ្វើឱ្យពួកគេក្លាយជាក្រុមតែមួយគត់ដែលមិនមានក្រុមណាធ្វើបានក្នុងព្រឹត្តិការណ៍ដ៏សំខាន់នេះ ។ ជាមួយនឹង 12 ពិន្ទុបន្ទាប់ពីការប្រកួតចំនួន 5 លើកក្រុមរបស់លោក Carlo Ancelotti បានឈរនៅលើកំពូលតារាងនៃពូល D នៅពេលនេះ ខណៈដែលជោគវាសនារបស់អ្នកកាន់កាបកំពូលតារាងក្នុងពូលនេះនឹងត្រូវសម្រេចក្នុងជំនួបទជាមួយក្រុម Inter Milan នៅថ្ងៃទី 7 ខែធ្នូខាងមុខនេះ៕

Christian Vieri អតីតខ្សែប្រយុទ្ធរបស់ក្រុម Inter Milan បាននិយាយអំពីខ្សែប្រយុទ្ធវ័យក្មេងសញ្ជាតិន័រវេស Erling Haaland ។ កាសែត Fabrizio Romano បានស្រង់សម្ដីរបស់លោក Christian Vieri និយាយថា៖ “ខ្ញុំមិនដែលឃើញកីឡាករណាដូចនឹង Haaland នោះទេដែលទើបតែមានអាយុ 21ឆ្នាំតែប៉ុណ្ណោះ។ Haaland មិនស័ក្ដិសមនឹងម្លៃ ៨០ លានអឺរ៉ូនោះទេ? គឺគាត់មានយ៉ាងខ្ពស់គឺតម្លៃ 200 លានអឺរ៉ូ! ទើបសមនឹងសមត្ថភាពរបស់គាត់។ សរុបមក Haaland បានចូលរួមជាមួយ Dortmund ក្នុងខែមករាឆ្នាំ 2020 ដោយចុះហត្ថលេខាលើកិច្ចសន្យារហូតដល់ឆ្នាំ 2024 ដោយស៊ុតបញ្ចូលទីបាន 70 គ្រាប់ និងបញ្ជូនបាល់ឲ្យមិត្តរួមក្រុម 19 ដងបន្ថែមទៀតក្នុងការបង្ហាញខ្លួនត្រឹមតែ 69 ប្រកួតសម្រាប់ក្លឹប៕

កាសែត Calciomercato អះអាងថាក្លឹប Inter Milan មានគម្រោងបន្តកិច្ចសន្យាជាមួយខ្សែការពារ Federico Dimarco រយះពេលយូរជាងមុន។ យោងតាមប្រភពបានឱ្យដឹងថា ក្រុមប្រឹក្សាភិបាលរបស់ក្លឹប Inter Milan មានបំណងចង់បន្តកិច្ចព្រមព្រៀងរបស់កីឡាករវ័យ 24 ឆ្នាំរូបនេះផងដែរ ដែលផ្តល់នូវលក្ខខណ្ឌកាន់តែប្រសើរឡើងទាក់ទងនឹងប្រាក់ខែ។ កិច្ចសន្យាបច្ចុប្បន្នរបស់ Dimarco នឹងផុតកំណត់នៅរដូវក្តៅឆ្នាំ 2023 ខណៈដែលកិច្ចសន្យាថ្មីនេះត្រូវបានគេរំពឹងថានឹងដំណើរការរហូតដល់ឆ្នាំ 2026។ រដូវកាលនេះ Federico Dimarco ស៊ុតបញ្ចូលទីបាន 2 គ្រាប់ និងការបញ្ជូនបាល់ឲ្យមិត្តរូមក្រុមជាច្រើនទៀតក្នុងការបង្ហាញខ្លួន 15 លើកសម្រាប់ក្លឹបនៅគ្រប់ការប្រកួតទាំងអស់ក្នុងរដូវកាលនេះ៕

ក្រុម AC Milan បានផ្តួលក្រុម Roma ក្នុងលទ្ធផល 2 ទល់នឹង 1 នៅកីឡាដ្ឋាន Olimpico កាលពីថ្ងៃអាទិត្យជាមួយនឹងកីឡាករ Zlatan Ibrahimovic បានស៊ុតបាល់បញ្ចូលទីគ្រាប់ដំបូងរបស់ក្រុម AC Milan នៅយប់នេះ ពីការស៊ុតបាល់ហ្វ្រីឃីកដ៏អស្ចារ្យ។ ខ្សែ​ប្រយុទ្ធ​ស៊ុយអែត​រូប​នេះ​បាន​សម្រេច​បាន​គ្រាប់​បាល់​ចំនួន​ ៤០០ ​ក្នុង​លីក​ក្នុង​ស្រុក​ជាមួយ​នឹង​គ្រាប់​បាល់​ដំបូង​សម្រាប់​ក្រុម Malmo កាល​ពី 22 ឆ្នាំ​មុនកាលពី​ខែ​តុលា ឆ្នាំ 1999។ នេះបើតាម Opta Sports រាយការណ៍អំពី Ibrahimovic ដែលទើបតែមានអាយុ 40 ឆ្នាំអាចរកគ្រាប់បាល់បានចំនួន 150 គ្រាប់ក្នុងលីក Serie A ក្នុងនោះ 23 គ្រាប់លេងឲ្យក្រុមសេះបង្កង់ Juventus រីឯ 57 គ្រាប់ក្នុងការលេងឲ្យក្រុម Inter Milan និង 70 គ្រាប់ជាមួយក្រុម AC Milan នេះផ្ទាល់តែម្ដង។

សារព័ត៌មាន Manchester Evening News បាននិយាយថាអតីតអ្នកចាត់ការក្រុមតោខៀវ Chelsea លោក Antonio Conte ត្រូវបានគេរាយការណ៍ថាបើកចំហរក្នុងការទទួលយកតួនាទីអ្នកចាត់ការទូទៅរបស់ក្រុមបិសាចក្រហម Manchester United ។ យោងតាមប្រភពបានឱ្យដឹងថា អ្នកចាត់ការសញ្ជាតិអ៊ីតាលីរូបនេះដែលមិនទាន់មានការងារថ្មីនោះទេបន្ទាប់ពីការចាកចេញរបស់គាត់ពីក្លឹប Inter Milan ប៉ុន្តែលោកចាប់អារម្មណ៍ក្នុងការមកកាន់ទឹកដីអង់គ្លេស។ សរុបមកលោក Antonio Conte ដែលបានដឹកនាំក្រុម Inter Milan ឲ្យឈ្នះពាន Serie A ជាលើកដំបូងរបស់ពួកគេក្នុងរយៈពេល 11 ឆ្នាំដោយបញ្ចប់ភាពខ្លាំងរបស់ក្រុមសេះបង្កង់ Juventus និងបានឈ្នះពានរង្វាន់ Premier League ក្នុងរដូវកាលដំបូងរបស់គាត់ជាមួយនឹងក្រុមតោខៀវ Chelsea ផងដែរ។ ភាពចាំបាច់ក្នុងការស្វែងរកអ្នកជំនួសលោក Ole Gunnar Solskjaer បានលេចចេញបន្ទាប់ពីចាញ់ Liverpool ក្នុងលិទ្ធផលមិនគួរឲ្យជឿ ៥ ទល់នឹង ០ នៅឯកីឡដ្ឋាន Old Trafford កាលពីថ្ងៃអាទិត្យ។ ទោះបីជាមានយុទ្ធនាការផ្ទេរកីឡាកររដូវក្តៅដ៏ល្បីក៏ដោយ Man United ទទួលបានត្រឹម

Karim Benzema ខ្សែប្រយុទ្ធកណ្តាលរបស់ក្រុម Real Madrid បាននិយាយពីឱកាសរបស់ខ្លួនក្នុងការឈ្នះ Ballon d’Or នៅឆ្នាំនេះ។ ខ្សែប្រយុទ្ធសញ្ជាតិ​បារាំងរូបនេះ​បាន​ប្រាប់ Canal+ ថា៖”ឈ្នះ Ballon d’Or? នោះនឹងធ្វើឱ្យសុបិនពីកុមារភាពដ៏ធំបំផុតរបស់ខ្ញុំក្លាយជាការពិត។ ជាការពិតណាស់ខ្ញុំសុបិនអំពីវាកាលពីក្មេង។ Idol របស់ខ្ញុំមិនថា Ronaldo Nazario ឬ Zinedine Zidane នោះទេពួកគេបានមកកាន់ Real Madrid ហើយឈ្នះ Ballon d’Or។ ហើយនោះជារឿងតូចមួយដែលខ្ញុំគិត។ ខ្ញុំ​គិត​ថា​ខ្ញុំ​នៅ​ជិត​ជាង​ពេល​ណាៗ​ទាំង​អស់ ”។ សរុបមក Ronaldo Nazario ដែលតំណាងឱ្យក្លឹប​ Real Madrid ចន្លោះឆ្នាំ 2002 ដល់ 2007 បានទទួលពានរង្វាន់​ Ballon d’Or ចំនួន ២ដង គឺក្នុងឆ្នាំ 1997 កាលនូវលេងឱ្យក្រុម Inter Milan និងក្នុងឆ្នាំ 2002 ឈ្នះជាមួយក្រុមអធិរាជស

ខ្សែប្រយុទ្ធ Karim Adeyemi របស់ក្រុម Red Bull Salzburg អាចបន្តអាជីពជាមួយក្រុម Real Madrid នៅឯប្រទេសអេស្ប៉ាញ។ យោងតាមសារព័ត៌មាន Sky Germany បានឱ្យដឹងថា Real Madrid ចាប់អារម្មណ៍ក្នុងការចុះហត្ថលេខាលើកីឡាករវ័យក្មេងអាល្លឺម៉ង់រូបនេះនៅរដូវក្តៅក្រោយខណៈដែលការពិភាក្សាត្រូវបានគេរំពឹងថានឹងធ្វើឡើងនៅដើមសប្តាហ៍ក្រោយ។ ដើម្បីសង្ខេបឡើងវិញក្រុមហង្សក្រហម Liverpool, Inter Milan, Bayern Munich និង Atletico Madrid ក៏បានបង្ហាញចំណាប់អារម្មណ៍ចំពោះកីឡាករវ័យ ១៩ ឆ្នាំរូបនេះផងដែរ។ Adeyemi បានស៊ុតបាល់បញ្ចូលទីចំនួន ១១ គ្រាប់និងបានបញ្ជូនឲ្យមិត្តរួមក្រុម ២ គ្រាប់បន្ថែមទៀតនៅក្នុងការបង្ហាញខ្លួនចំនួន ១៦ លើកសម្រាប់ក្លឹបដែលឈរនៅលេខរៀងទី ១ ក្នុងតារាងពិន្ទុកំពូលនៃក្របខ័ណ្ឌ Bundesliga របស់អូទ្រីស៕

ក្លឹប ACF Fiorentina មានឆន្ទៈពង្រឹងខ្សែប្រយុទ្ធរបស់ខ្លួននៅក្នុងទីផ្សារដោះដូរកីឡាករនាពេលខាងមុខនេះ ។ តាម​ការសែត Calciomercato អះអាងថា“ ក្រុម Fiorentina  បង្ហាញចំណាប់អារម្មណ៍ក្នុងការចុះហត្ថលេខាជាមួយខ្សែប្រយុទ្ធសញ្ជាតិស៊ែប៊ីគឺ Luka Jovic ក្នុងលក្ខខណ្ឌខ្ចីជើងពីក្រុមអធិរាជស Real Madrid ។ រដូវកាលនេះកីឡាករវ័យ ២៣ ឆ្នាំបានបង្ហាញខ្លួនចំនួន ៦ ដងសម្រាប់ក្លឹបជាមួយនឹងការលេងសរុប ៨៤ នាទីដែលរួមចំណែកដល់ការបំពេញការងាររបស់ក្រុម។ មុននេះត្រូវបានគេរាយការណ៍ថាភ្នាក់ងាររបស់ខ្សែប្រយុទ្ធ Luka Jovic បាននិងកំពុងធ្វើការលើការផ្ទេរកីឡាកររូបនេះទៅកាន់ក្រុមអ៊ីតាលីមួយទៀតគឺ Inter Milan ៕

លោក Antonio Conte អាចបន្តអាជីពជាគ្រូបង្វឹកនៅអង់គ្លេសជាមួយក្រុម Newcastle United ។ យោងតាមសារព័ត៌មាន La Gazzetta dello Sport បានអោយដឹងថាក្លឹប Newcastle United ចាប់អារម្មណ៍អ្នកចាត់ការវ័យ ៥២ ឆ្នាំរូបនេះបន្ទាប់ពីសេដ្ធីអារ៉ាប៊ីសាអូឌីតទិញក្លឹបសារិកាព្រៃ Newcastle United ក្នុងទំហំទឹកប្រាក់ ៣០០ លានផោន។ ប្រធានក្លឹប Newcastle ត្រូវបានគេនិយាយថាមានទ្រព្យសម្បត្ដិច្រើនជាងក្លឹបអ្នកមានបារាំង Paris Saint-Germain ដល់ទៅ ៥០ ដងឯណោះ។ ក្លឹបចំនួនពីរចុងក្រោយរបស់លោក Conte គឺ Chelsea និង Inter Milan សុទ្ធតែអាចឈ្នះពានរង្វាន់ទាំងពីរក្រោមការដឹកនាំរបស់លោក ដោយលោកដឹកនាំក្រុម Chelsea ឈ្នះពានរង្វាន់ Premier League ក្នុងឆ្នាំ ២០១៧ និង Inter Milan ឈ្នះពានរង្វាន់ Serie A នៅរដូវកាលមុនផងដែរ ។ បច្ចប្បន្នការចរចាររវាងភាគីទាំងពីរនូវមិនទាន់ដំណើរការនៅឡើយទេ៕