Tag: La Liga

ក្លិប Atletico Madrid បានប្រកាសជាផ្លូវការថា ខ្សែប្រយុទ្ធ Luis Suarez នឹងចាកចេញពីក្លិបក្រោយបញ្ចប់រដូវកាលនេះ។ ជាការពិតណាស់ Suarez បានចាកចេញពី Barcelona មករួមរស់ជាមួយ Atletico Madrid នៅក្នុងឆ្នាំ២០២០ ដោយ រូបគេបានរួមចំណែកជួយក្រុមឲ្យឈ្នះពាន La Liga នៅក្នុងឆ្នាំដំបូងតាមរយៈការបង្ហាញទម្រង់លេងដ៏លេចធ្លោ ២១គ្រាប់ក្នុងមួយរដូវកាល។ យ៉ាងណាក្តី មកទល់ពេលនេះ កុងត្រារបស់គេជាមួយក្លិបនឹងអស់សុពលភាពក្រោយបញ្ចប់រដូវកាលនេះ ហើយ ការចរចារលើការបន្តកិច្ចសន្យាថ្មីក៏មិនបានធ្វើឡើងដូចគ្នា។ ក្រោយការប្រកាសចាកចេញរបស់ Suarez ក៏មានពាក្យចចាមអារ៉ាមមួយចំនួនបានលើកឡើងថា រូបគេទំនងជានឹងវិលត្រឡប់ទៅកាន់ Barcelona បើពុំដូច្នោះទេគេនៅបន្តលេងនៅតំបន់អឺរ៉ុប ពោលគេមិនមានបំណងចង់ផ្លាស់ទៅកាន់លីគនៃសហរដ្ឋអាមេរិកនៅឡើយទេ៕

ខ្សែ​ប្រយុទ្ធ Karim Benzema បាន​​ចូលរួម​ក្លាយ​ជា​​អ្នក​ទាត់​បញ្ចូល​ទី​ច្រើន​ជាង​គេ​ទី​២​របស់ Real Madrid បន្ទាប់​ពី​រក​បាន​មួយ​គ្រាប់​ជួយ​ក្រុម​យក​ឈ្នះ Levante ៦-០ កាល​ពី​យប់​មិញ។ Benzema វ័យ​៣៤​ឆ្នាំ​​រក​បាន​គ្រាប់​​​បាល់​នៅ​វគ្គ​ទី​មួយ​ដោយ​ការ​តែត​បញ្ចូល​ទី ក្រោយ​មាន​ការ​បញ្ជូន​ពី Vinicius Junior។ មួយ​គ្រាប់​នេះ​​ធ្វើ​ឲ្យ​កីឡាករ​សញ្ជាតិ​បារាំង​មាន​៣២៣​គ្រាប់​ ស្មើ​គ្រាប់​បាល់​គ្នា​ជាមួយ Raul ឈរ​​ទន្ទឹម​គ្នា​ជា​អ្នក​ទាត់​បញ្ចូល​ទី​ច្រើន​ជាង​គេ​នៅ Madrid។ កីឡាករ​ដែល​កំពុង​កាន់កាប់​ជា​អ្នក​ទាត់​បញ្ចូល​ទី​ច្រើន​​ជាង​គេ​នៅ Real គឺ Cristiano Ronaldo មាន​៤៥០​គ្រាប់។ ក្នុង​ការ​ប្រកួត​យប់​មិញ Vinicius Junior ធ្វើ​បាន​ Hat-Trick ហើយ Mendy និង Rodrygo ជា​អ្នក​រក​២​គ្រាប់​បន្ថែម​ឲ្យ Real Madrid។ Real Madrid បាន​ដឹងខ្លួន​ជា​ម្ចាស់​ជើងឯក La Liga តាំងតែ​ពី​សប្ដាហ៍​ទី​៣៤ បន្ទាប់​ពី​មាន​ពិន្ទុ​ដាច់។ ពួក​គេ​នៅ​មាន​ភារកិច្ច​​លេង​វគ្គ​ផ្ដាច់ព្រ័ត្រ Champions League នៅ​ថ្ងៃ​ទី​ ២៩ ខែ ឧសភា​ខាង​មុខ​ទល់នឹង Liverpool៕

គ្រូបង្វឹកក្លិប Real Madrid លោក Carlo Ancelotti បានប្រាប់ពីមូលហេតុដែលកីឡាករ Karim Benzema បង្ហាញទម្រង់លេងបានល្អនៅពេលដែលគ្មានវត្តមានរបស់ Cristiano Ronaldo។ ជាការពិតណាស់ គ្រប់គ្នាពិតជាបានទទួលស្គាល់អំពីសមត្ថភាពរបស់ Benzema ចាប់តាំងពី Ronaldo ចាកចេញពី Real Madrid នៅក្នុងឆ្នាំ២០១៨ មក គឺ កីឡាករសញ្ជាតិបារាំងខាងលើ ពិតជាបានរួមចំណែកជួយក្រុមច្រើនមែនទែនទាក់ទងនឹងការស្វែងរកគ្រាប់បាល់ ជាក់ស្តែងនៅក្នុងរដូវកាលនេះគេបានជួយក្រុមឈ្នះពានរង្វាន់ La Liga ព្រមទាំងបានឡើងទៅកាន់វគ្គផ្តាច់ព្រ័ត្រ Champions League ផងដែរ។ លោក Ancelotti បាននិយាយថា៖ “ខ្ញុំពិតជាពិបាកណាស់ក្នុងការហៅ Benzema ជា ខ្សែប្រយុទ្ធកណ្តាលពីព្រោះគាត់ជាកីឡាករដ៏អស្ចារ្យដែលរ៉ាប់រងនៅផ្នែកខាងលើ។ គាត់មិនមែនត្រឹមតែជាអ្នកគ្រាប់ទេច្រើនទេ ប៉ុន្តែគាត់ក៏រួមចំណែកបញ្ជូនបាល់ឲ្យមិត្តរួមក្រុម និង រួមចំណែកក្នុងការបង្កើតប្រព័ន្ធលេងផងដែរ។ ខ្ញុំគិតថា Benzema បានក្លាយជាអ្នកដឹកនាំក្រុមនៅពេលដែល Ronaldo ចាកចេញជាហេតុធ្វើឲ្យគាត់មានទំនួលខុសត្រូវ និង បានក្លាយជាផ្នែកដ៏សំខាន់មួយនៅក្នុងក្រុម”៕

​ខ្សែ​ការពារ​របស់ Barcelona កីឡាករ Ronald Araujo ត្រូវ​បាន​បញ្ជូន​នៅ​មន្ទីរពេទ្យ បន្ទាប់​​ពី​ដេក​ដួល​លើ​ទីលាន​ក្នុង​ការ​ប្រកួត​ទល់​នឹង Celta Vigo ក្នុង​ក្របខណ្ឌ La Liga។ កីឡាករ​វ័យ​២៣​ឆ្នាំ​បាន​​ទទួល​រង​របួស​​ដោយ​សារ​តែ​ប៉ះ​ទង្គិច​ក្បាល​គ្នា​ជាមួយ​មិត្តរួម​ក្រុម Gavi អំឡុង​​ពេល Barca កំពុង​នាំ​មុខ Celta Vigo ៣-១ ក្នុង​កីឡដ្ឋាន Nou Camp។ Araujo ត្រូវ​បាន​សង្គ្រោះ​​ជា​ច្រើន​នាទី​លើ​ទីលាន មុន​ពេល​បញ្ជូន​ឡើង​ឡាន​ពេទ្យ​​ចេញ​ទៅ​ក្រៅ។ ​ចុង​បញ្ចប់​នៃ​ការ​ប្រកួត Barcelona បាន​យក​ឈ្នះ Celta Vigo ៣-១។ ៣​គ្រាប់​​របស់​ក្រុម​លោក Xavi ធ្វើ​បាន​ដោយ​ខ្សែ​ប្រយុទ្ធ Memphis Depay និង Pierre-Emerick Aubameyang ២​គ្រាប់​ម្នាក់​ឯង។ ក្រោយ​បញ្ចប់​ការ​ប្រកួត Xavi បាន​ប្រាប់​ពី​អាការៈ​របស់ Araujo ថា គេ​បាន​ដឹង​ខ្លួន​ ហើយ​​ត្រូវ​ចំណាយ​ពេល​មួយ​យប់​នៅ​មន្ទីរពេទ្យ ប៉ុន្តែ​គេ​បាន​គេច​ផុត​ពី​គ្រោះ​ថ្នាក់​ហើយ៕

អតីត​កីឡាករ​របស់ Liverpool លោក Jamie Carragher បាន​និយាយ​ថា Real Madrid នឹង​មិន​មាន​ឱកាស​​ឈ្នះ​ពាន​ Champions League នៅ​រដូវ​​កាល​នេះ​ឡើយ។ ក្រុម​ជើងឯក​របស់ La Liga បាន​វាយ​បក​យកឈ្នះ​ PSG, Chelsea និង Manchester City ក្នុង​​វគ្គ​ចាញ់​ធ្លាក់ ធានា​បាន​​កៅអី​វគ្គ​ផ្ដាច់ព្រ័ត្រ​ដែល​នឹង​ត្រូវ​លេង​នៅ​ថ្ងៃ​ទី ២៩ ខែ​ ឧសភា​ទល់​នឹង Liverpool ​ក្នុង​ទីក្រុង​ប៉ារីស។ ត្បិត​តែ​ Madrid ធ្វើ​បាន​ល្អ​បែប​នេះ​ក្ដី​ តែ​ក្នុង​កម្មវិធី​របស់ CBS Studio លោក Carragher ​បាន​រំឭក​ពាក្យ​ដែល​ខ្លួន​ធ្លាប់​និយាយ​​ថា Real Madrid នឹង​មិន​​អាច​ឈ្នះ Champions League ឡើយ។ ឮ​បែប​នេះ Micah Richards ដែល​ស្ថិត​ក្នុង​កម្មវិធី​ជាមួយ​គ្នា​បាន​សើច និង​និយាយ​ទៅ​កាន់ Carragher ថា៖ “ឯង​នឹង​ភ័យ​នៅ​វគ្គ​ផ្ដាច់ព្រ័ត្រ”។ ​មិន​ទុក​យូរ ភ្លាម​នោះ Carragher បាន​តប​វិញ​ថា៖

Real Madrid នឹង​ត្រូវ​ស្វាគមន៍​​ជើង​ខ្លាំង​មក​ពី​អង់គ្លេស Manchester City ​ក្នុង​កីឡដ្ឋាន Santiago Bernabeu សម្រាប់​ជើង​ទី​ពីរ​​វគ្គ​ពាក់​កណ្ដាល​​ផ្ដាច់ព្រ័ត្រ​ Champions League នៅ​រាត្រី​នេះ។ Man City កំពុង​មាន​គ្រាប់​​​បាល់​នាំ​មុខ​មួយ​គ្រាប់​ បន្ទាប់​ពី​ជើង​ទី​មួយ​ក្នុង​កីឡដ្ឋាន Etihad ពួក​គេ​ឈ្នះ Real Madrid លិទ្ធផល ៤-៣។ យ៉ាងណាមិញ Real Madrid ពេល​នេះ​កំពុង​តែ​​មាន​អារម្មណ៍​ល្អ​ ដោយ​សារ​ទើប​តែ​​លើក​ពាន La Liga ជាមួយ​៤​ប្រកួត​ដែល​នៅ​សល់ ក្រោយ​​យក​ឈ្នះ Espanyol លិទ្ធផល ៤-០។ អារម្មណ៍​ខុស​គ្នា Man City កំពុង​តែ​តានតឹង​ក្នុង​លីគ​ ត្បិត​តែ​កំពុង​ឈរ​លេខ​មួយ​ក្នុង​តារាង​ពិន្ទុ​មែន​តែ​គម្លាត​តែ​១​ពិន្ទុ​ប៉ុណ្ណោះ​ពី​ក្រុម​លេខ​ពីរ Liverpool។ នេះ​មាន​ន័យ​ថា​ ប្រសិន​បើ​ពួក​គេ​ភ្លាត់​ចាញ់​​ឬ​ស្មើ ហង្សក្រហម​អាច​មាន​ឱកាស​ឡើង​​កំពូល​តារាង​វិញ។ មុន​ការ​ប្រកួត​ជើង​ទី​ពីរ​នៅ UCL មក​ដល់ Real Madrid មាន​ទំនុក​ចិត្ត​​វាយ​បក​លើ Man City វិញ​ដូច​ដែល​ធ្លាប់​ធ្វើ​បាន​ជាមួយ PSG និង Chelsea។

ជាមួយ Real Madrid ឈ្នះ​ពាន La Liga ជា​លើក​ទី​៣៥​​របស់​ខ្លួន​ គ្រប់​ក្រសែ​ភ្នែក​ពេល​នេះ​កំពុង​​រង​ចាំ​ការ​ប្រកួត​នៅ​ថ្ងៃ​អាទិត្យ​ខាង​មុខ​ Madrid Derby ដែល​នឹង​​លេង​នៅ​កីឡដ្ឋាន Estadio Wanda Metropolitano។ Real Madrid បាន​ក្លាយ​ជា​​ជើងឯក​លីគ​ក្នុង​រដូវ​កាល​​នេះ ប៉ុន្តែ​​មាន​ការ​ពិភាក្សា​​គ្នា​ជា​ច្រើន​​អំពី​តើ Atl Madrid នឹង​ឈរដើម្បី​អបអរ​ជើង​ឯក​ក្នុង​កីឡដ្ឋាន​របស់​ខ្លួន​ឬ​អត់? ការ​សម្រេច​​នៅ​តែ​មិន​ទាន់ធ្វើ​ឡើង​នៅ​ឡើយ ប៉ុន្តែ​​មួយ​ផ្នែក​ធំ​នៃ​ក្រុម​កីឡាករ​របស់ Atl Madrid មិន​ចាប់​អារម្មណ៍​​លើ​គំនិត​ឈរ​អបអរ​នេះ​ឡើយ។ អ្នក​ចាំ​ទី Jan Oblak បាន​បញ្ចេញ​គំនិត​របស់​ខ្លួន​​ក្រោយ​ប្រកួត​ចាញ់ Bilbao ២-០ កាល​ពី​ចុង​សប្ដាហ៍​ថា ក្នុង​នាម​ជា​ប្រធាន​ក្រុម គេ​​ជា​ម្នាក់​​ក្នុង​ចំណោម​កីឡាករ​​​ដែល​មិន​ពេញ​ចិត្ត​ក្នុង​ការ​ឈរ​អបអរ​នេះ​ទេ។ គ្រប់​យ៉ាង​​មិន​ទាន់​បាន​សម្រេច​ ហើយ​ក្លឹប​នឹង​ពិភាក្សា​លើ​រឿង​នេះ​ជាមួយ​កីឡាករ​ទាំង​អស់​នៅ​សប្ដាហ៍​នេះ។ កីឡាករ​ចាស់​​ៗ​មួយ​ចំនួន​ក្នុង​ជួរ​របស់ Atl Madrid រួម​ទាំង​ Oblak នៅ​​ចាំ​បាន​ថា ពេល​ដែល​ក្រុម​របស់​ពួក​គេ​ឈ្នះ​ពាន​លីគ​កាល​ពី​ឆ្នាំ​២០១៤ ក្រុម Real Madrid មិន​បាន​ឈរ​អបអរសម្រាប់​ពួក​គេ​ឡើយ​ក្នុង​ការ​ប្រកួត​​បន្ទាប់។ ហេតុផល​របស់ Real ពេល​នោះ ដោយ​សារ​តែ​ពួក​គេ​ត្រូវ​​លេង​ផ្ដាច់ព្រ័ត្រ​​ជាមួយ Atl Madrid ក្នុង​ទីក្រុង

អ្នកគាំទ្រ Real Madrid បានទទូចសុំអង្វរកុំឱ្យក្លិបលក់ខ្សែបម្រើ Dani Ceballos ចេញ បន្ទាប់ពីកីឡាករវ័យ ២៥ ឆ្នាំរូបនេះបានបង្ហាញទម្រង់លេងល្អសឹងមិនគួរឱ្យជឿនៅក្នុងការប្រកួតរវាងក្រុមអធិរាជស ទល់នឹង Espanyol យប់មិញ។ ជាការពិតណាស់ នៅក្នុងជំនួបសប្តាហ៍ទី ៣៤ នៃក្របខណ្ឌ La Liga យប់មិញ Real Madrid បានយកឈ្នះទៅលើក្រុម Espanyol យ៉ាងចាស់ដៃក្នុងលទ្ធផល ៤-០, ខណៈលទ្ធផលបែបនេះបានជួយឱ្យក្រុម អធិរាជសក្លាយជាជើងឯកនៃលីគកំពូល អេស្ប៉ាញ ផ្លូវការ ទាំងដែលការប្រកួតនៅសល់ ៤ ប្រកួតទៀត។ យ៉ាងណាមិញ ក្រោយបញ្ចប់ការប្រកួត អ្នកគាំទ្រ Real Madrid ហាក់មានភាពភ្ញាក់ផ្អើលជាមួយទម្រង់លេងរបស់ Ceballos ជាខ្លាំង ដោយពួកគេបានបង្ហោះសារនៅលើ Twitter មិនចង់ឱ្យក្លិបលក់កីឡាកររូបនេះចេញឡើយ, ព្រោះរយៈពេលកន្លងមកលេចឮថាក្លិបយក្សរបស់ អេស្ប៉ាញគ្រោងលក់រូបគេចេញ ដោយសារតែគាត់មិនមានកីអីដើម្បីប្រជែងតំណែងជាមួយមិត្តរួមក្រុមឯទៀត។ ក្រោយឃើញទម្រង់លេងដ៏អស្ចារ្យរបស់ Ceballos យប់មិញ, អ្នកគាំទ្រ Real Madrid បាននាំគ្នាបង្ហោះសារនៅលើ Twitter

កាលពីរាត្រីម្សិលមិញ ត្រូវនឹងថ្ងៃទី ៣០ ខែ មេសា ឆ្នាំ ២០២២ ក្រុមម្ចាស់ផ្ទះ Real Madrid បានបើកទ្វាកីឡដ្ឋាន Santiago Bernabeu របស់ខ្លួនទទួលស្វាគមន៍ក្រុមភ្ញៀវ Espanyol នៅក្នុងការប្រកួតសប្តាហ៍ទី ៣៤ នៃក្របខណ្ឌ La Liga របស់ អេស្ប៉ាញ។ ជាការពិតណាស់ ក្រុមម្ចាស់ផ្ទះ Real Madrid ពិតជាធ្វើបានល្អមែនទែន ដោយអាចទទួលជ័យជម្នះទៅលើក្រុមភ្ញៀវ Espanyol ៤-០ ក្នុងនោះ ៤ គ្រាប់របស់ក្រុម អធិរាជស គឺរកបានដោយ Rodrygo ២គ្រាប់នៅនាទីទី ៣៣ និង ៤៣, Marcos Asensio មួយគ្រាប់នៅនាទីទី ៥៥ និង គ្រាប់ចុងក្រោយរកបានដោយ Karim Benzema នៅនាទីទី ៨១។ តាមរយៈជ័យជម្នះនេះបានធ្វើឱ្យ Real Madrid ក្លាយជាជើងឯកនៃពានរង្វាន់ La

អតីតកីឡាករជម្រើសជាតិបារាំង លោក Thierry Henry គិតថា ខ្សែប្រយុទ្ធ Real Madrid កីឡាករ Karim Benzema នឹងឈ្នះពានរង្វាន់ Ballon d’Or នៅក្នុងរដូវកាលនេះ។ ជាការពិតណាស់ នៅក្នុងរដូវកាលនេះ Benzema ពិតជាបានបង្ហាញទម្រង់លេងល្អខ្លាំងមែនទែន ដោយក្នុងចំណោមការបង្ហាញខ្លួន៤១ប្រកួត គេអាចរកបានដល់ទៅ៤០គ្រាប់ទៅហើយ។ គេជាកីឡាកររកគ្រាប់បាល់បានច្រើនជាងគេក្នុងក្របខណ្ឌ Champions League និង La Liga ផងដែរ។ លោក Henry បាននិយាយថា៖ “Benzema នឹងឈ្នះពានរង្វាន់ Ballon d’Or នៅក្នុងឆ្នាំនេះ ”៕

លោក Pep Guardiola បាន​និយាយ​ថា Manchester City ត្រូវ​លេង​​២​ប្រកួត​ដ៏​មាន​សារសំខាន់​​ដើម្បី​យក​ឈ្នះ Real Madrid ឈាន​ទៅ​កាន់​វគ្គ​ផ្ដាច់ព្រ័ត្រ Champions League។ Man City ក្រុម​កំពូល​តារាង Premier League ត្រូវ​​ស្វាគមន៍​ Real Madrid ក្រុម​កំពូល​តារាង La Liga នៅ​រាត្រី​នេះ​ជើង​ទី​មួយ​ក្នុង​​ផ្ទះ​ខ្លួន​ឯង​នៃ​ពាន​រង្វាន់ UCL។ Real Madrid គឺ​ជា​ក្រុម​ជោគជ័យ​បំផុត​​នៅ Champions League ធ្លាប់​ឈ្នះ​១៣​ដង ខណៈ​ក្រុម​លោក Guardiola បាន​ឡើង​មក​វគ្គ​​ផ្ដាច់ព្រ័ត្រ​​ក្នុង​ពាន​រង្វាន់​នេះ​បាន​តែ​ម្ដង​គត់​កាល​ពី​រដូវ​កាល​មុន​​​ចាញ់​ Chelsea ១-០។ លោក Pep Guardiola បាននិយាយថា៖“វា​មិន​សំខាន់​អ្វី​ទេ​ក្នុង​ការ​និយាយ​​តើ Real Madrid ល្អ​បែប​ណា។ ប្រសិន​បើ​​ពួក​យើង​ត្រូវ​ប្រកួត​ជាមួយ​ប្រវត្តិសាស្ត្រ​របស់​ពួក​គេ​ ពួក​យើង​​មិន​មាន​ឱកាស​នោះ​ទេ។ ប្រវត្តិសាស្ត្រ​គឺ​នៅ​ទី​នេះ ពួក​​យើង​មិន​អាច​ប្ដូរ​វា​បាន​ទេ។ ប៉ុន្តែ​វា​គឺ​​ជា​ការ​​លេង​១១​ទល់​នឹង​១១ ជាមួយ​បាល់​មួយ​​បម្លាស់ទី​​។ ពួក​យើង​នឹង​ព្យាយាម​​ធ្វើ​ជា​ខ្លួន​យើង លេង​ឲ្យ​ល្អ។ ពួក​យើង​ត្រូវ​លេង​២​ប្រកួត​ដ៏​សំខាន់​ដើម្បី​ឈាន​ទៅ​វគ្គ​ផ្ដាច់ព្រ័ត្រ”៕

ក្រោយរកបាន ១ គ្រាប់នៅក្នុងជំនួបរវាង Arsenal ទល់នឹង Manchester United យប់មិញ, ខ្សែប្រយុទ្ធ Cristiano Ronaldo បានក្លាយជាកីឡាករដំបូងគេដែលរកគ្រាប់បាល់បានលើស ១០០ គ្រាប់ទាំងនៅក្របខណ្ឌ La Liga និង Premier League។ ជាការពិតណាស់ នាជំនួបសប្តាហ៍ទី ៣៤ នៃក្របខណ្ឌ Premier League យប់មិញ Man UTD បានរងបរាជ័យក្រោមថ្វីជើងក្រុម Arsenal នៅទឹកដី Emirates Stadium ក្នុងលទ្ធផល ៣-១។ ក្នុងនោះ ៣ គ្រាប់របស់ក្រុមកាំភ្លើងធំគឺរកបានដោយ Nuno Tavares, Bukayo Saka និង Granit Xhaka ម្នាក់មួយគ្រាប់ដោយឡែកមួយគ្រាប់របស់ក្រុមបិសាចក្រហមគឺរកបានដោយ Ronaldo។ យ៉ាងណាមិញ តាមរយៈគ្រាប់បាល់មួយគ្រាប់នេះបានធ្វើឱ្យ Ronaldo ក្លាយជាកីឡាករដំបូងគេនៅក្នុងប្រវត្តិសាស្ត្របាល់ទាត់ ដែលរកគ្រាប់បាល់បានលើស ១០០ គ្រាប់ទាំងនៅ La

ខ្សែ​ការពារ​ Dani Alves ​ថា​ក្រុម Real Madrid ​ពិត​ជា​សំណាង​ហើយ​ដែល​រដូវ​កាល​នេះ ​ក្រុម FC Barcelona ​រក​ឃើញ​ទម្រង់​លេង​ល្អ​យឺត​ពេល​ក្នុង​ការ​ប្រជែង​ពាន​រង្វាន់។ ​ក្រោយ​ពី​ក្រុម FC Barcelona ​យក​ឈ្នះ​លើ​ក្រុម Real Sociedad ​បាន​ក្នុង​លទ្ធផល ១-០ ​នៅ​យប់មិញ​នេះ ​ខ្សែ​ការពារ Alves ​បាន​បង្ហាញ​ចំណាប់​អារម្មណ៍​ថា​ក្រុម​របស់​ខ្លួន​ធ្វើ​បាន​ល្អ​ណាស់​នៅ​ចុង​រដូវ​កាល។ ប្រសិន​បើ​ពួកគេ​មិន​មាន​បញ្ហា​នៅ​ដើម​រដូវ​កាល​នេះ​ទេ ​នោះ​ឱកាស​ប្រជែង​ពាន​រង្វាន់​ច្បាស់​ជា​អាច​មាន​មិន​ខាន ពោល​គឺ​វា​ពិត​ជា​រឿង​សោកស្ដាយ​ដែល​ក្រុម Barcelona ​រក​ឃើញ​ទម្រង់​លេង​ល្អ​យឺត​ពេល​នៅ​រដូវ​កាល​នេះ ដែល​ឱ្យ Real Madrid ​ក្ដោប​ឱកាស​បាន​មុន។ ​កីឡាករ​ប្រេស៊ីល​វ័យ​៣៨​ឆ្នាំ​ដែល​ឈ្នះ​ពាន​រង្វាន់​ជា​ច្រើន​ខាង​លើ​និយាយ​ថា​៖ “Real Madrid ​ជា​ក្រុម​មាន​សំណាង​ដែល​យើង​ងើប​យឺត​ពេល ​ហើយ​យើង​មិន​អាច​ប្រកួត​ប្រជែង​ពាន​រង្វាន់​បាន​។ នៅ​ពេល​នេះ​យើង​ត្រូវ​តែ​គិត​ពី​គោល​បំណង​ផ្សេង​វិញ”។ ​ រំលឹក​ថា​ក្រុម Barcelona ​ឆ្លង​កាត់​៣២​ប្រកួត​មក​នេះ ​ឈរ​នៅ​លេខ​២​ក្នុង​តារាង La Liga ​មាន​៦៣​ពិន្ទុ។ ស្រប​ពេល​ក្រុម​លេខ​១ Real Madrid ​វិញ​លេង​៣៣​ប្រកួត ​មាន​ដល់​៧៨​ពិន្ទុ​ឯ​ណោះ ដោយ​លើស​ក្រុម Barcelona ​ដល់​១៥​ពិន្ទុ។ ​ក្រុម​របស់​លោក

លោក​ Carlo Ancelotti គ្រូ​បង្គោល​ក្លឹប​ Real Madrid បាន​និយាយ​មុន​ប្រកួត​តទល់នឹង​ Osasuna នៅ​យប់​នេះ​ថា​ លោក​ជឿជាក់​ក្លឹប​លោក​បាន​ឈ្នះ​ពាន​ La Liga ក្នុង​រដូវកាល​នេះ​រួច​បាត់​ទៅ​ហើយ​។ លោក​ Ancelotti បាន​និយាយ​ថា​៖” ខ្ញុំ​មាន​បទពិសោធន៍​គ្រប់គ្រាន់​នឹង​ជឿជាក់​ថា​ យើង​បាន​ឈ្នះ​ពាន​ La Liga រួច​បាត់ទៅ​ហើយ​។ យើង​ជិត​ឈ្នះ​វា​មែន​ទែន​ហើយ​។ យើង​កំពុង​ធ្វើ​បាន​ល្អ​ណាស់​រាល់ថ្ងៃ​នេះ​ ហើយ​យើង​នឹង​បន្ត​អញ្ចឹង​ទៀត​។ ឈ្នះ​ការ​ប្រកួត​ជា​បន្ត​ទៀត​ គឺ​ផ្ដល់​ឱកាស​ឲ្យ​យើង​កាន់​តែ​កៀក​បំផុត​នឹង​យក​ពាន​មួយ​នេះ​ “។ នៅ​ក្នុង​ពេល​នេះ​ Real Madrid កំពុង​នាំ​មុខ​ក្នុង​តារាង​​ប្រកួត​ La Liga ដោយ​មាន​ ៧៥ពិន្ទុ​ រី​ឯ​ Barca, Sevilla និង​ Atletico ជា​អ្នក​នាំ​មុខ​ជា​បន្ត​បន្ទាប់​ក្នុង​តារាង​មាន​៦០ពិន្ទុ​ប៉ុណ្ណោះ​ ខណៈ​ការ​ប្រកួត​នៅ​លីគកំពូល​នេះ​សល់​ ៦ប្រកួត​ទៀត​ប៉ុណ្ណោះ​ ដូច្នេះ​ក្នុង​រដូវកាល​នេះ Real Madrid មាន​ឱកាស​ច្រើន​ខ្លាំង​នឹង​ឈ្នះ​ពាន​មួយ​នេះ​៕

លោក Jose Mourinho បានលើកសរសើរ អតីតកូនក្រុមលោក កីឡាករ Mesut Ozil ថា បើដាក់ឲ្យលេងក្រុមណា គឺដឹងតែល្អក្រុមហ្នឹង។ ជាការពិតណាស់ Ozil បានលេងក្រោមការដឹកនាំរបស់លោក Mourinho​ ចំនួនបីរដូវកាល នៅ Real Madrid ដោយពេលនោះពួកគេទាំងពីរបានជួយឲ្យ Real Madrid លើកពាន La Liga នៅក្នុងឆ្នាំ ២០១១/១២ មុនពេលពួកគេទាំងពីរ ចែកផ្លូវគ្នាពី Real Madrid ដោយ Ozil បានទៅចូលរួមជាមួយ Arsenal និង លោក Mourinho បានទៅដឹកនាំ ក្លិប Chelsea។ លោក Mourinho បាននិយាយថា៖ “Ozil គឺជា កីឡាករមួយដ៏ល្អប្លែកគេ ហើយគ្មានអ្នកណាចម្លងគេបានទេ មិនថា ចម្លងកន្លែងល្អ ឬ អាក្រក់ទេ គឺមិនបានទាំងអស់។ Ozil គេល្អខ្លាំងណាស់

លោក​ Carlo Ancelotti គ្រូ​បង្គោល​ក្លឹប​ Real Madrid បាន​តេស្ត​ឃើញ​វិជ្ជមាន​កូវីដ-១៩ នៅ​ក្នុង​ថ្ងៃ​នេះ​។ បើ​យោង​តាម​ការ​ចុះ​ផ្សាយ​របស់​ក្លឹប​អេស្ប៉ាញ​នេះ​ផ្ទាល់​។ យ៉ាង​ណា​ខាង​ក្លឹប​មិន​បាន​បញ្ជាក់​ថា​ លោក​មាន​អាការៈ​បែប​ណា​នោះ​ទេ​ បន្ទាប់​ពី​ឆ្លង​ជំងឺ​កូវីដ​-១៩។ នៅ​ក្នុង​សប្ដាហ៍​នេះ​ Real Madrid ត្រូវ​ប្រកួត​ជា​មួយ​ក្លឹប​ Celta Vigo ក្របខ័ណ្ឌ​ La Liga នៅ​ថ្ងៃ​ទី​០២ ខែ​មេសា ឆ្នាំ​២០២២ខាង​មុខ​ រី​ឯ​សប្ដាហ៍​ក្រោយ​មាន​ប្រកួត​ដែល​សំខាន់​បំផុត​នោះ​គឺ​ ត្រូវ​ប្រកួត​តទល់នឹង​ក្លឹប​ Chelsea ក្របខ័ណ្ឌ​ UEFA Champions League វគ្គ​៨ក្រុម​ចុង​ក្រោយ​ ជើង​ទី​១ នៅ​ថ្ងៃ​ទី​០៧ ខែ​មេសា ឆ្នាំ​២០២២ (ម៉ោង​កម្ពុជា)។ ដូច្នេះ​បើ​ លោក​ Ancelotti មិន​មាន​លទ្ធផល​តេស្ត​អវិជ្ជមាន​មុន​ថ្ងៃ​ប្រកួត​ខាង​មុខ​នេះ​ លោក​នឹង​មិន​អាច​ទៅ​ចូល​រួម​ដឹក​នាំ​ការ​ប្រកួត​ទាំង​នេះ​ឡើយ​៕

​លោក​ Joan Laporta ប្រធាន​ក្លឹប​ Barcelona បាន​និយាយ​ទៅ​កាន់​សារព័ត៌មាន​ RAC1 នៅ​ក្នុង​ថ្ងៃ​នេះ​ថា​ នៅ​ខណៈ​នេះ​ក្លឹប​លោក​មិន​គិត​គូរ​នាំ​យក​ខ្សែ​ប្រយុទ្ធ​ Lionel Messi ត្រលប់​មក​វិញ​នោះ​ទេ​។ លោក​ Laporta បាន​និយាយ​ថា​៖” រហូត​មក​ទល់​នឹង​ពេល​នេះ​ខ្ញុំ​អត់​ទទួល​បាន​ដំណឹង​ពី​ Messi ក៏​ដូច​ជា​ខាង​ក្លឹប​គេ​និយាយ​រឿង​ពាក់ព័ន្ធ​នឹង​ការ​ត្រលប់​មក​ Barca វិញ​នៅ​ឡើយ​ទេ​។ ខ្ញុំ​មិន​ដែល​បាន​ទាក់ទង​​និយាយ​ជា​មួយ​គេ​ឲ្យ​បាន​ជាក់លាក់​នោះ​ទេ​ចាប់​តាំង​ពី​គេ​ចាកចេញ​ពី​ក្លឹប​យើង​ទៅ​។ និយាយ​ទៅ​ការ​ចាកចេញ​របស់​គេ​នេះ​ធ្វើ​ឲ្យ​ខ្ញុំ​អារម្មណ៍​មិន​ល្អ​សោះ​ “។ លោក​បាន​បន្ត​ថា​៖” យ៉ាង​ណា​ក្នុង​ពេល​នេះ​យើង​មិន​គិត​គូរ​នាំ​យក​ Messi មក​វិញ​នោះ​ទេ។​ ឥឡូវ​នេះ​យើង​កំពុង​តែ​កសាង​ក្រុម​ថ្មី​របស់​យើង​ដែល​លាយ​បញ្ចូល​នឹង​កីឡាករ​វ័យក្មេង​ និង​កីឡាករ​មាន​បទពិសោធន៍​ ដើម្បីលេងឲ្យ​មាន​ភាព​ស៊ី​សង្វាក់​គ្នា​ល្អ​។ តែ​ Messi នៅ​តែ​ Messi អញ្ចឹង​គេ​នឹង​តែង​តែ​ល្អ​ជានិច្ច​។ សម្រាប់​ខ្ញុំ​ការ​ចាកចេញ​របស់​គេ​មិន​មែន​ជា​រឿង​ល្អ​ទេ​ តែ​ធ្វើ​ម៉េច​​ក្លឹប​មាន​វិបត្តិ​ហិរញ្ញវត្ថុ​ យើង​មិន​អាច​ប្រហែស​បាន​នោះ​ទេ​ យើង​ធ្វើ​អ្វី​ ដែល​យើង​អាច​ធ្វើ​បាន​ “។ នៅ​ក្នុង​រដូវកាល​នេះ​ Messi ​ផ្លាស់​ទៅ​លេង​ឲ្យ​ PSG​ ចូល​រួម​លេង​បាន​ ២៦ប្រកួត​ និង​រក​បាន​៧គ្រាប់​ហើយ​។ PSG ស្ថិត​ក្នុង​ចំណាត់​ថ្នាក់​ទី​១ក្នុង​ការ​ប្រកួត​ Ligue 1 ដោយ​មាន​ ៦៥ពិន្ទុ​ រី​ឯ​

លោក​ Xavi គ្រូបង្គោល​ក្លឹប​ Barcelona បាន​និយាយ​នៅ​ក្នុង​កិច្ច​សម្ភាសន៍​ក្រោយ​ឈ្នះ​ក្លឹប​ Real Madrid នៅ​ទីលាន​ Santiago Bernabeu យប់​មិញ​នេះ​ថា​ លោក​មិន​រំពឹង​ក្រុម​របស់​លោក​ធ្វើ​បាន​ល្អ​ខ្លាំង​ រហូត​ដល់​ថ្នាក់​យកឈ្នះ​ក្នុង​លទ្ធផល​ ៤ ទល់នឹង ០ បែប​នេះ​នោះ​ទេ​។ លោក​ Xavi បាន​និយាយ​ថា​៖” យើង​ខិត​ខំ​ខ្លាំង​ណាស់​ រហូត​ដល់​ក្រុម​របស់​យើង​ទទួល​បាន​លទ្ធផល​បែប​នេះ​។ ប៉ុន្តែ​យើង​មិន​រំពឹង​ថា​យើង​ធ្វើ​បាន​ល្អ​ខ្លាំង​រហូត​ទទួល​បាន​លទ្ធផល​បែប​នេះ​ក្នុង​ទីលាន​របស់​ពួក​គេ​​នោះ​ទេ​ “។ លោក​បាន​បន្ត​ថា​៖” យ៉ាង​ណា​យើង​រំពឹង​នឹង​ជួប​ការ​ប្រកួត​ប្រជែង​បែប​តឹង​តែង​ខ្លាំង​ទៀត​។ ខ្ញុំ​សប្បាយ​ចិត្ត​មែន​ទែន​នឹង​លទ្ធផល​ និង​ការ​ប្រកួត​អស់​ទាំង​នេះ​ “។ នៅ​ក្នុង​រដូវកាល​នេះ​ Barca បាន​ប៉ះ​នឹង​ Real Madrid ចំនួន ៣ដង​ហើយ​ ដោយ​ចាញ់​២ដង​ និង​ឈ្នះ​១ដង​ក្នុង​យប់​មិញ​នេះ​។ នៅ​ក្នុង​ពេល​​ថ្មីៗ​នេះ​ Barca ត្រូវ​បានសង្កេត​ឃើញ​ថាឡើង​ទម្រង់​លេង​ខ្លាំង​ ដោយ​នៅ​ខណៈ​នេះ​កំពុង​ស្ថិត​ក្នុង​ចំណាត់​ថ្នាក់​ទី​៣ មាន​ ៥៤ពិន្ទុ​ ក្នុង​ការ​ប្រកួត​ La Liga រី​ឯ​ Real Madrid ជា​ក្រុម​នាំ​មុខ​មាន​ ៦៦ពិន្ទុ​៕