Tag: La Liga

តារាឆ្នើមរបស់ Atletico Madrid កីឡាករ Luis Suarez អាចនឹងវិលត្រលប់មកកាន់ Barcelona វិញ បន្ទាប់ពីគ្រូបង្វឹកលោក Xavi បានបើកភ្លើងខៀវព្រមទទួលយកកីឡាករសញ្ជាតិអ៊ុយរ៉ាហ្កាយខាងលើមកកាន់កីឡដ្ឋាន Camp Nou វិញ។ ជាការពិតណាស់ កាលពីឆ្នាំ២០២០កន្លងទៅ Suarez មានការខកចិត្តយ៉ាងខ្លាំងបន្ទាប់ពីរូបគេបានសម្រេចចិត្តចាកចេញពី Barcelona ទាំងបង្ខំ ដោយសាររូបគេមិនស្ថិតនៅក្នុងផែនការរបស់អតីតគ្រូបង្វឹក Ronald Koeman។ រូបនេះក៏បានធ្វើឲ្យលោក Koeman សោកស្តាយតាមរយៈការផ្ទេរទៅកាន់ Atletico Madrid និង បានជួយក្រុមឲ្យឈ្នះពានរង្វាន់ La Liga ផងដែរ។ យ៉ាងណាក្តី បច្ចុប្បន្ននេះ កីឡាករដែលមានវ័យ៣៤ឆ្នាំខាងលើ នៅសេសល់កុងត្រាជាមួយ Atletico Madrid តែចំនួន៦ខែទៀតប៉ុណ្ណោះ ខណៈ ទំនាក់ទំនងរវាងគេជាមួយនឹងក្លិប កំពុងឃ្លាតឆ្ងាយគ្នាបណ្តើរៗហើយ។ បើយោងទៅតាមការចុះផ្សាយរបស់កាសែត Fichajes របស់អេស្ប៉ាញបានលើកឡើងថា Barcelona ជាជម្រើសមួយសម្រាប់ Suarez នារដូវកាលក្រោយ ខណៈ លោក Xavi ក៏ចង់ឃើញវត្តមានរបស់គេមកកាន់កីឡដ្ឋាន

ក្លិប Manchester City ត្រូវបានគេរាយការណ៍ថាចង់ទិញយកខ្សែបម្រើវ័យក្មេង Pablo Gavi ដែលប្រៀបដូចជាគ្រាប់ពេជ្ររបស់ក្រុម Barcelona ។ កីឡាករវ័យត្រឹមតែ ១៧ឆ្នាំរូបនេះបានក្លាយជាតារាឆ្នើមជួរមុខម្នាក់របស់ភាគីលោក Xavi Hernandez បន្ទាប់ពីត្រូវកោះហៅឲ្យចូលលេងនៅឈុតធំកាលឆ្នាំ២០២១ ហើយមិនត្រឹមតែប៉ុណ្ណោះ Gavi ក៏ត្រូវក្រុមគោជល់អេស្ប៉ាញកោះហៅទៀតផង។ សារព័ត៌មាន El Nacional បានចុះផ្សាយថា ភាគីលោក Pep Guardiola ពិតជាស្រឡាញ់និងចង់បាន Gavi ណាស់ដោយហ៊ានឲ្យថ្លៃដល់ទៅជាង ៥០លានអឺរ៉ូ(ស្មើនឹងប្រមាណ ៥៦.៨លានដុល្លារ)ខណៈដែល Barcelona ចង់ស្វះស្វែងបន្តកុងត្រាថ្មីចងជើងកីឡាករឆ្នើមរូបនេះដោយគ្រោងនឹងដាក់តម្លៃផ្ដាច់កុងត្រាចំនួន១ពាន់លានដូច Ansu Fati និង Pedri Gonzalez ដែរ។ យ៉ាងណាមិញ Barca មិនទាន់អាចចុះឈ្មោះខ្សែប្រយុទ្ធ Ferran Torres ដែលទើបទិញពី Manchester City នោះឡើយដោយសារប្រាក់ខែកីឡាករបានខិតឡើងដល់ចំនួនអតិបរមាដែល La Liga បានកំណត់ដូច្នេះស្របពេលការចាកចេញរបស់ Philippe Coutinho ទៅខ្ចីជើងនៅ Aston Villa គឺ

ប្រធាន​ក្លឹប​របស់ Barcelona លោក Joan Laporta បាន​ធ្វើតេស្ត​ឃើញ​វិជ្ជមាន​កូវីដ​១៩​ដែរ ​ក្រោយ​ពេល​រូប​លោក​ចូល​រួម​ការ​បង្ហាញ​ខ្លួន​របស់​កីឡាករ​ថ្មី Ferran Torres កាល​ពី​ពេល​ថ្មី​ៗ​។ ​ខ្សែ​ប្រយុទ្ធ​សញ្ជាតិ​អេស្ប៉ាញ Ferran Torres បាន​បង្ហាញ​ខ្លួន​នាម​ជា​កីឡាករ​ថ្មី​បាន​​តែ​ប៉ុន្មាន​ម៉ោង​ប៉ុណ្ណោះ​ ក៏​ត្រូវ​បាន​គេ​ផ្សាយ​ថា ​បាន​​ធ្វើតេស្ត​ឃើញ​​វិជ្ជមាន​កូវីដ​១៩។ ​ខណៈ​ដែល​ក្នុង​ការ​បង្ហាញ​ខ្លួន​នោះ​​ប្រធាន​ក្លឹប​ខាង​លើ​បាន​សម្ដែង​ការ​ស្និទ្ធស្នាល​ជា​មួយ​​អតីត​កីឡាករ​របស់​ Man City ​​ផង​ដែរ​។ តាម​គម្រោង​ប្រធាន​ក្លឹប​ខាង​លើ​នឹង​ទៅ​ជា​មួយ​ក្រុម ដើម្បី​ទស្សនា​ការ​ប្រកួត​នៅ​​តំបន់ Andalusia ដែល​ជា​ទឹក​ដី​​ក្រុម Linares Deportivo ក្នុង​ពាន​​ Copa យប់​នេះ និង​មួយ​ប្រកួត​ទៀត​ត្រូវ​ទៅ​លេង​នៅ​ទឹកដី Granada ក្នុង​ពាន La Liga ​នា​ថ្ងៃ​ទី​៩ ខែ​មករា ឆ្នាំ​២០២២​។ ប៉ុន្តែ​ដោយសារ​ការ​ធ្វើតេស្ត​ឃើញ​វិជ្ជមាន​កូវីដ ១៩ ​​ធ្វើ​ឲ្យ​លោក​មិន​អាច​ទៅ​បាន​។ ប្រធាន​ក្លឹប​ខាង​លើ​​បច្ចុប្បន្ន​​​មាន​សុខភាព​ល្អ​ធម្មតា ​ពោល​គឺ​មិន​មាន​រោគសញ្ញា​អ្វី​កើត​ឡើង​ទេ។ ខណៈ​ដែល​ប្រធាន​ក្លឹប​រង​លោក Rafael Yuste ​ដែល​បាន​ទៅ​​ចូល​រួម​ការ​បង្ហាញ​ខ្លួន​របស់ Torres ដែរ​នោះ​គឺ​​​ធ្វើតេស្ត​​អវិជ្ជមាន ប៉ុន្តែ​ដើម្បី​​​ជា​ការ​​ការ​ពារ​លោក​ក៏​ត្រូវ​ដាក់​ខ្លួន​ឲ្យ​ដាច់​ដោយ​ឡែក​ដែរ៕

យោងតាមរបាយការណ៍របស់ Mundo Deportivo បានឲ្យដឹងថា Rafinha ជិតចាកចេញពីក្លិប Paris Saint-Germain ទៅចូលរួមជាមួយក្លិប Real Sociedad របស់អេស្ប៉ាញ។ កីឡាករសញ្ជាតិប្រេស៊ីលរូបនេះ បានលាមិត្ដរួមក្រុមរួចហើយ ហើយគ្រោងចាកចេញនាខែមករាខាងមុខនេះតែម្ដង។ របាយការណ៍បញ្ជាក់ថា កិច្ចព្រមព្រៀងក្នុងការផ្ទេរ Rafinha ត្រូវបានគេរំពឹងថា នឹងធ្វើឡើងជាផ្លូវការ មុនបុណ្យណូអែល ដើម្បីធានាថា កីឡាកររូបនេះ នឹងអាចចូលរួមការហ្វឹកហាត់ជាមួយក្រុម Real Sociedad នៅសប្ដាហ៍ក្រោយ ហើយអាចបង្ហាញខ្លួននៅថ្ងៃទី០២ ខែមករា ក្នុងការប្រកួតទល់នឹងក្រុម Alaves ។ សូមបញ្ជាក់ថា កីឡាករវ័យ ២៨ឆ្នាំរូបនេះ ទៅចូលរួមជាមួយក្រុម Real Sociedad នៅក្នុងក្របខណ្ឌ La Liga ក្នុងលក្ខខណ្ឌខ្ចីជើង រហូតដល់ចប់រដូវកាល ហើយពុំមានរួមបញ្ចូលលក្ខខណ្ឌទិញផ្ដាច់ឡើយ៕

ក្លឹប​ Manchester City បាន​យល់​ព្រម​កិច្ចព្រមព្រៀង​លក់​ខ្សែ​ប្រយុទ្ធ Ferran Torres ទៅ​ឲ្យ​ក្លឹប​​យក្ស​របស់​អេស្ប៉ាញ Barcelona ហើយ។ ​គេ​បាន​ដឹង​ថា Barca បាន​យល់​ព្រម​ចំណាយ​​ដល់​ទៅ​៥៥​លាន​ផោន ជាមួយ​ប្រាក់​​បន្ថែម​លើក​ទឹក​ចិត្ត​ផ្សេង​​​ៗ១០​លាន​ផោន​​ទៀត​សម្រាប់​កីឡាករ​វ័យ​២១​ឆ្នាំ។ Barca អាច​ឈាន​ដល់​កិច្ចព្រមព្រៀង​ ត្បិត​កំពុង​​មាន​បញ្ហា​ហិរញ្ញវត្ថុ ដោយ​សារ​តែ​បាន​កម្ចី​ប្រាក់​ពី​ធនាគារ។ យ៉ាងណាក្ដី ពួក​គេ​​មិន​អាច​បន្ថែម Torres ក្នុង​ជួរ​កីឡាករ​របស់​​ពួក​គេ​​បាន​ឡើយ លុះត្រា​តែ​លក់​កីឡាករ​មួយ​ចំនួន​ចេញ​សិន ដើម្បី​អនុលោម​តាម​​​បទប្បញ្ញត្តិ​ Financial Fair Play របស់ La Liga។ Torres សញ្ជាតិ​អេស្ប៉ាញ​ធ្លាប់​បង្ហាញ​ខ្លួន​បាន​៤៣​ប្រកួត និង​រក​បាន​១៦​គ្រាប់​ឲ្យ Man City ចាប់​តាំង​ពី​ផ្ទេរ​ពី Valencia កាល​ពី​ខែ​សីហា ឆ្នាំ ២០២០៕

បន្ទាប់​ពី​លើក​ពេល​ប្រកួត​កាល​ពី​ថ្ងៃ​ទី ១២ ខែ កញ្ញា​កន្លង​ទៅ ជំនួប​រវាង Sevilla និង Barcelona នឹង​ត្រូវ​លេង​នៅ​រាត្រី​នេះ​នៃ​​​ក្របខណ្ឌ La Liga។ ក្រុម Real Madrid បច្ចុប្បន្ន​នេះ​កំពុង​តែ​ស្ថិត​នៅ​កំពូល​តារាង La Liga គម្លាត​ដល់​ទៅ​ ១៦ ​ពិន្ទុ​ពី​​​ក្លឹប Barcelona។ ត្រង់​ចំណុច​នេះ​ Xavi ដែល​អ្នក​​ចាត់​ការ​របស់ Barcelona បាន​និយាយ​ថា ​វា​ជា​គម្លាត​​ដ៏​អាក្រក់​ជាមួយក្រុមអធិរាជស Real Madrid ប៉ុន្តែ​​នៅ​សល់​ច្រើន​រដូវ​កាល​ទៅ​មុខ​ទៀត ហើយ​​ក៏​មិន​អាច​បដិសេធ​អ្វី​​បាន​កើត​ឡើង​ដែរ។ លោក Xavi ក៏​បាន​បន្ថែម​ទៀត​ថា អ្វី​ដែល Barca ត្រូវ​ធ្វើ​ពេល​នេះ​ត្រូវ​ហ៊ាន​លេង​ជាមួយ Sevilla ដែល​ជា​ក្រុម​កំពុង​ឈរ​លេខ​ ២​ ក្នុង​តារាង​ពិន្ទុ។ Sevilla បច្ចុប្បន្ន​ជា​ក្រុម​ខ្លាំង​មួយ ក្រោម​ការ​ដឹក​នាំ​របស់​លោក Julen Lopetegui។ Barcelona ពេល​នេះ​កំពុង​ស្ថិត​នៅ​លេខ ​៨​ ក្នុង​តារាង​ពិន្ទុ La Liga ទើប​តែ​មាន​ ២៧ ​ពិន្ទុ​ប៉ុណ្ណោះ។

Real Madrid មិន​អាច​រក​ជ័យជម្នះ​៨​ប្រកួត​ជាប់​គ្នា​ក្នុង​លីគ​បាន​ឡើយ​ បន្ទាប់​ពី​លេង​ស្មើ​គ្នា​ ០-០ ជាមួយ​ក្រុម​ក្បែរ​បាត​​តារាង Cadiz ក្នុង​កីឡដ្ឋាន Bernabeu។ លទ្ធផល​ស្មើ​គ្នា​នេះ ធ្វើ​ឲ្យ Real ​​ដាច់​ត្រឹម​៦​ពិន្ទុ​ប៉ុណ្ណោះ​ឈរ​លើ​កំពូល​តារាង La Liga និង​លេង​លើស​​មួយ​ប្រកួត​មុន​ក្រុម Sevilla ​ដែលស្ថិតលេខ​ ២ ។ ក្នុង​ការ​ប្រកួត​កាល​ពី​យប់​មិញ ក្រុម​ម្ចាស់​ផ្ទះ​គ្រប់គ្រង​បាល់​ស្ទើរ​តែ​ទាំង​ស្រុង ពោល ​៨២​% ទល់​នឹង​ ១៨​%។ ងាក​មក​មើល​ស្ថិតិ​​ទាត់​វិញ Madrid មាន​ដល់​ទៅ​៣៦​ជើង និង​ចំ​គោលដៅ​៩​ជើង ខណៈ Cadiz ​ទាត់​មិន​ចំ​គោល​ដៅ​សូម្បី​មួយ​ជើង។ យ៉ាងណា​ ក្រោយ​បញ្ចប់​៩០​នាទី​ក្រុម​ទាំង​ពីរ​សុទ្ធ​តែ​មិន​អាច​រក​គ្រាប់​បាន​ដូច​គ្នា បាន​ត្រឹម​ ០ ទល់នឹង ០ ប៉ុណ្ណោះ៕

អ្នកចាត់ការរបស់ក្រុម Real Madrid លោក Carlo Ancelotti បានមានប្រសាសន៍ដោយបើកចំហថា ការប្រកួតនៅក្នុងក្របខណ្ឌ La Liga សម្រាប់រដូវកាល ២០២១-២០២២ នេះ, លោកមិនបានចាត់ទុក Barcelona ជាក្រុមគូប្រជែងឡើយ។ ជាការពិតណាស់ នៅរដូវកាលនេះ Barca ហាក់ធ្លាក់ទម្រង់លេងខ្លាំងមែនទែន, ជាពិសេសក្រោយពេល Lionel Messi និងកីឡាករឆ្នើមៗមួយចំនួនទៀតចាកចេញ, ខណៈបច្ចុប្បន្នពួកគេឈរនៅលេខរៀងទី ៧ នៃក្របខណ្ឌ La Liga ដោយឆ្លងកាត់ ១៧ ប្រកួត, ឈ្នះ ៧ ស្មើ ៦ និង ចាញ់ ៤ មាន ២៧ ពិន្ទុ, ហើយថ្មីៗនេះពួកគេក៏ទើបតែធ្លាក់ចេញពី Champions League ផងដែរ។ រម្លឹក មុនប្រកួតជាមួយក្រុម Elche យប់មិញលោក Xavi បានមានប្រសាសន៍ថា លោកនឹងខិតខំប្រឹងជួយឱ្យ Barca ឈរនៅចំណាត់ថ្នាក់ក្រុមកំំពូលទាំង

កាលពីរដូវក្ដៅឆ្នាំមុន ខ្សែប្រយុទ្ធ Harry Kane នៃក្លិប Tottenham Hotspur ប៊ិះនឹងចាកចេញពីទ្រនំចាស់ផ្លាស់ទៅក្លិបមេឃខៀវ Manchester City ទៅហើយប៉ុន្តែដោយសារការចរចាមិនត្រូវតម្លៃគ្នា។ ទើបភាគីលោក Pep Guardiola បានងាកមកទិញយក ខ្សែបម្រើ Jack Grealish ជាអតីតប្រធានក្រុមរបស់ Aston Villa ក្នុងតម្លៃជាង ១៣៤លានដុល្លារវិញ។ ដូច្នេះហើយ Manchester City គ្មានគម្រោងចង់ទិញយកប្រធានក្រុមជម្រើសជាតិអង់គ្លេសរូបនេះឡើយ។ ឥលូវនេះយោងតាមសារព័ត៌មាន El Nacional គឺ Kane ចង់ផ្លាស់ទៅក្រៅលីគអង់គ្លេសវិញគឺទៅក្លិប Real Madrid ស្ថិតនៅក្របខណ្ឌ La Liga ប្រទេសអេស្ប៉ាញ។ លោក Antonio Conte បានបើកភ្លើងខៀវឲ្យ កីឡាករវ័យ២៨ឆ្នាំរូបនេះចាកចេញ ប៉ុន្តែគេមិនដឹងទេថា Real Madrid ព្រមទិញយកគេឬអត់ព្រោះក្លិបកំពុងតាមទិញយក Kylian Mbappe និង Erling Haaland ៕

ក្រុម Real Madrid បាន​ឈ្នះ ​១០​ប្រកួត​ជាប់​គ្នា​ បន្ទាប់​ពី​បំបាក់​​ Atletico Madrid ក្នុងលិទ្ធផល ២ ទល់នឹង ០ កាល​ពី​យប់​មិញ និង​ធ្វើ​ឲ្យ​ពួក​គេ​គម្លាត ​៨​ពិន្ទុ​ពី​ក្រុម​លេខ​ពីរ​ Sevilla បន្ត​ឈរ​កំពូល​តារាង។ ម្ចាស់​ Top Scorer បច្ចុប្បន្ន​នៅ La Liga កីឡាករ Karim Benzema បាន​ទាត់ Volley មួយ​ជើង​​យ៉ាង​ស្អាត ជួយ​ឲ្យ Real នាំ​មុខ​ ១-០។ ខ្សែ​បម្រើ​ប្រយុទ្ធ Marco Asensio ជា​អ្នក​បន្ថែម​គ្រាប់​ទី​ពីរ ក្រោយ​មាន​ការ​បញ្ជូន​ពី​មិត្តរួម​ក្រុម Vinicius Jr ។ Real បាន​ចាញ់​តែ​២​ប្រកួត​ប៉ុណ្ណោះ​ក្នុង​ចំណោម​២៣​ប្រកួត​ចុងក្រោយ​របស់​ពួក​គេ និង​មិន​ចាញ់​សោះ​ចាប់​តាំង​ពី​ថ្ងៃ​ទី ៣ ខែ តុលា។ Real ពេល​នេះ​កំពុង​នៅ​កំពូល​តារាង La Liga មាន​៤២​ពិន្ទុ ខណៈ AT Madrid

ក្រុម Barcelona បាន​ប្រកួត​ស្មើ​គ្នា​ជាមួយ ​Osasuna ក្នុងលិទ្ធផល ២ ទល់នឹង ២ កាល​ពី​យប់​មិញ ក្រោយ​ពួក​គេ​ភ្លាត់​ធ្វើ​ឲ្យ​របូត​គ្រាប់​បាល់​ចុង​ម៉ោង។ កីឡាករ​ក្មេង​ៗ​នៅ​តែ​បន្ត​មាន​ឱកាស​លេង​ក្រោម​ការ​ដឹក​នាំ​របស់ Xavi។ ក្នុង​ការ​ប្រកួត Barca កំពុង​តែ​នាំ​មុខ ២-១ ទៅ​ហើយ​នោះ នៅ​នាទី​​៨៦ Ezequiel Avila បាន​ទាត់​បញ្ចូល​ទី​មួយ​គ្រាប់ ជួយ​ឲ្យ Osasuna តាម​ស្មើ​ ២-២។ ក្រោយ​ការ​ប្រកួត​ Xavi បាន​សរសើរ​ពី​ការ​លេង​របស់​កីឡាករ​ក្មេង​ៗ​ដូច​ជា Gavi, Nico និង Abde ប៉ុន្តែ​ពួក​គេ​ស្ថិត​នៅ​ក្នុង​ពេល​ក្រុម​កំពុង​ធ្លាក់​ចុះ។ ” Gavi, Nico និង Abde ពិត​ជា​គួរ​​ឲ្យ​ភ្ញាក់ផ្អើល ពួក​គេ​កំពុង​ជួយ​ស្រោចស្រង់​​ក្នុង​ពេលវេលា​លំបាក។ កីឡាករ​ក្មេង​ៗ​​កំពុង​​ធ្វើ​ឲ្យ​មាន​ការ​ផ្លាស់ប្ដូរ។ វា​គឺ​មាន​ចំណុច​វិជ្ជមាន​និង​អវិជ្ជមាន ព្រោះ​ពួក​គេ​មិន​អាច​លេង​ល្អ​គ្រប់​ពេល​ទេ ព្រោះ​ពួក​គេ​នៅ​ក្មេង។ Barcelona ពេល​នេះ​កំពុង​នៅ​លេខ​៨​ក្នុង​តារាង​ពិន្ទុ La Liga គម្លាត​ពី​ក្រុម​កំពូល​តារាង Real Madrid ដល់​ទៅ​១៨​ពិន្ទុ​ឯណោះ។ ហើយ​ថ្មី​ៗ​នេះ​ពួក​គេ​ទើប​តែ​ធ្លាក់​ចេញ​ពី​ពាន Champions League

​ខ្សែ​ការពារ Gerard Pique ​ថា​រូបគេ​ស្គាល់​ក្រុម​អាល្លឺម៉ង់​ច្បាស់ ​ដូច្នេះ​ប្រកួត​នៅ​យប់​នេះ ​Bayern Munich ​មិន​បន្ធូរ​ជើង​អ្វី​នោះ​ទេ ​ពោល​គឺ​ពួកគេ​នៅ​តែ​ចង់​ឈ្នះ​ដដែល។ ​ក្រុម Barcelona ​នឹង​ត្រូវ​តតាំង​ជាមួយ​ក្រុម Bayern Munich ​ដើម្បី​ដណ្ដើម​យក​៣​ពិន្ទុ​ឱ្យ​បាន ដើម្បី​ឡើង​ទៅ​វគ្គ​១៦​ក្រុម​ចុង​ក្រោយ។ ​ប្រកួត​នេះ ​នឹង​ធ្វើ​ឡើង​នៅ​ទឹក​ដី​អាល្លឺម៉ង់ ​ហើយ​លេង​បិទ​ទ្វា​មិន​មាន​អ្នក​គាំទ្រ​ចូល​ទស្សនា​នោះ​ទេ ដោយសារ​តែ​ខ្លាច​ផ្ទុះ​ឡើង​វិញ​នៃ​មេរោគ​កូវីដ​១៩​។ ​មួយ​វិញ​ទៀត ​Bayern Munich ​ប្រកួត​នេះ ​មិន​សំខាន់​អ្វី​ទេ ព្រោះ​ពួកគេ​បាន​កក់​កៅអី​លេខ​១​ក្នុង​ពូល​រួច​ទៅ​ហើយ។ ​តែ​បើ​តាម​ការ​យល់​ឃើញ​របស់ Pique ​វិញ ​គឺ​មិន​ដូច្នេះ​ឡើយ។ ​ខ្សែ​ការពារ​សំបូរ​បទ​ពិសោធ​ខាង​លើ​ថា​ខ្លួន​ស្គាល់​ក្រុម​អាល្លឺម៉ង់​ច្បាស់ ​ពួកគេ​មិន​ដែល​ខ្វល់​ថា​បាន​ឡើង​វគ្គ​បន្ដ​រូច​ហើយ ឬ​លេង​ដោយ​គ្មាន​អ្នក​គាំទ្រ​មើល​នោះ​ទេ។ អ្វី​ដែល​ពួកគេ​តែងតែ​ចង់​បាន​នោះ គឺ​ប្រឹងប្រែង​អស់​ពី​សមត្ថភាព​និង​យក​ឈ្នះ​ដៃ​គូ​ឱ្យ​បាន។ Barcelona ​ទាមទារ​ទម្រង់​លេង​ល្អ​បំផុត ​និង​ប្រឹង​ខ្លាំង​បំផុត​ដើម្បី​យក​ឈ្នះ​លើ​ពួកគេ​ឱ្យ​បាន៕

​ក្រុម Real Madrid ​បាន​ប្រកួត​បិទ​ពូល​នៅ​យប់មិញ​នេះ​ហើយ ​ដោយ​យក​ឈ្នះ​លើ​ក្រុម Inter Milan ​បាន​ក្នុង​លទ្ធផល ២-០ ​ឈរ​នៅ​កំពូល​តារាង។ ​ក្រោយ​ពី​ចប់​ការ​ប្រកួត​នេះ​ទៅ ​លោក Carlo Ancelotti ​អ្នក​ចាត់ការ​ក្រុម Real Madrid ​បាន​និយាយ​ថា​៖ “យើង​មាន​សមត្ថភាព​ក្នុង​ការ​ឈ្នះ La Liga ​ហើយ​និង​អាច​ប្រជែង​ពាន​រង្វាន់ Champions League ​បាន​។ មិន​មាន​ក្រុម​ណា​ដឹង​ច្បាស់​ថា​មាន​សមត្ថភាព​អាច​ឈ្នះ Champions League ​បាន​ទេ​នៅ​ត្រឹម​នេះ ប៉ុន្តែ​បើ​និយាយ​ពី​សមត្ថភាព​អាច​ប្រជែង​គឺ​បាន។ ​មាន​ក្រុម​ជា​ច្រើន​ទៀត​សុទ្ធ​តែ​រៀប​ចំ​បាន​ល្អ​ដែរ ​ពួកគេ​ក៏​មាន​សមត្ថភាព​ដូច​គ្នា”។ ​នា​ពេល​បច្ចុប្បន្ន​នេះ​ក្រុម​អធិរាជ​ស​ឃើញ​ថា​រៀប​ចំ​ក្រុម​បាន​ល្អ​ជា​ពិសេស​នៅ​តំបន់​ការពារ​ដែល​អាច​រក្សា Clean-sheet ​បាន​។ ​មួយ​វិញ​ទៀត​សមាជិក​សំខាន់​ៗ​ក្នុង​ក្រុម​នៅ​ពេល​នេះ ​ក៏​មិន​មាន​បញ្ហា​របួស​ទៀត ​ដូច្នេះ​ហើយ​ទើប​ធ្វើ​ឱ្យ​លោក Ancelotti ​មិន​ពិបាក​ក្នុង​ការ​រៀប​ទម្រង់​លេង​នោះ​ទេ៕

ក្រុម​ម្ចាស់​ផ្ទះ Real Madrid បាន​យក​ឈ្នះ​ទៅ​លើ​ក្រុម Athletic Bilbao ១-០ សម្រាប់​ការ​ប្រកួត​ La Liga ​សប្ដាហ៍​ទី​១៥ នៅ​ទឹក​ដី Bernabeu របស់​ Real Madrid កាល​ពី​យប់មិញ​។ ក្នុង​ជ័យ​ជម្នះ​នេះ​អ្នក​ចាត់​ការ Carlo Ancelotti និយាយ​ពី​ភាព​មិន​ពេញ​ចិត្ត​ទម្រង់​លេង​​ក្រុម​របស់​ខ្លួន​ពីរ​ចំណុច​។ អ្នក​ចាត់​ការ​សញ្ជាតិ​អ៊ីតាលី​មានភាព​​សប្បាយ​ចិត្ត​ជា​ខ្លាំង​ជា​មួយ ៣ ពិន្ទុ​ដែល​ទទួល​បាន​ពី​យប់មិញ​នេះ ប៉ុន្តែ​លោក​យល់​ថា ​ចំណុច​ទី​១ Real លេង​នៅ​វគ្គ​ទី​១ ហាក់​ដូច​ជា​​​ដាវ​ដែល​​មិន​បាន​សំលៀង​។ ការ​និយាយ​នេះ​​ក្នុង​ន័យ​ថា ក្រុម​របស់​ខ្លួន​ហាក់​មិន​មាន​ភាព​មុត​ស្រួច​ក្នុង​ការ​ប្រយុទ្ធ​ទៅ​លើ​ក្រុម​ភ្ញៀវ​។ ​ចំណែក​ចំណុច​ទី​២ ដែល​លោក​មិន​ពេញ​ចិត្ត​គឺ​ការ​មិន​អាច​រក​​បាន​គ្រាប់​បាល់​ទី​២ ​ដោយ​លោក​បាន​លើក​ឡើង​ថា បើ​សិន​មិន​អាច​បង្កើត​ការ​នាំ​មុខ​ឲ្យ​បាន​មួយ​គ្រាប់​ទៀត​ ហេតុការណ៍​អ្វី​ក៏​អាច​កើត​ឡើង​បាន​ដែរ។ យ៉ាង​ណា​លោក​​​ក៏​បាន​​ពេញ​ចិត្ត​ចំពោះ​ទម្រង់​លេង​របស់ Real Madrid នៅ​វគ្គ​ទី​២​កាល​ពី​យប់​មិញ​នេះ​ដែរ​។ ក្រោយ​ការ​ប្រកួត​យប់មិញ​​អ្នក​ចាត់ការ​សញ្ជាតិ​អ៊ីតាលី​មើល​ឃើញ​ថា ​កីឡាករ​របស់​ខ្លួន​ហាក់​មាន​ភាព​ហត់​នឿយ​ក្រោយ​ពេល​​​មាន​ការ​ប្រកួត​ញឹកញាប់​៕

​ក្រុម Bayern Munich ​នឹង​ត្រូវ​ប្រកួត​ទល់​ក្រុម Barcelona ​នៅ​ប្រកួត​ចុង​ក្រោយ​ក្នុង​ពូល ​ដោយ​គ្មាន​អ្នក​គាំទ្រ​ចូល​រួម​ទស្សនា​នោះ​ទេ ដោយសារ​តែ​អត្រា​ឆ្លង​កូវីដ​១៩​បាន​កើន​ឡើង។ ​Barcelona ​ទាមទារ​ឈ្នះ​ដាច់​ខាត​លើ​ក្រុម Bayern ​ដើម្បី​ទទួល​បាន​ឱកាស​ឡើង​ទៅ​លេង​វគ្គ​១៦​ក្រុម​ចុង​ក្រោយ។ ​តែ​យ៉ាង​ណា​ការ​ទៅ​លេង​នៅ​ទឹក​ដី​អាល្លឺម៉ង់​នឹង​មិន​ងាយ​ស្រួល​សម្រាប់​ក្រុម​របស់​លោក Xavi ​ឡើយ ព្រោះ​កាល​ពី​ជើង​ទី​១​កន្លង​ទៅ​ដី​អេស្ប៉ាញ ​បាន​បរាជ័យ​ក្នុង​លទ្ធផល ៣-០ ​ទៅ​ហើយ។ ​ដូច្នេះ​ការ​ប្រកួត​ជើង​ទី​២​ត្រូវ​បាន​គេ​ដឹង​ថា​នឹង​តឹងតែង​ជាក់​ជា​មិន​ខាន។ ​យ៉ាង​ណា​សម្ពាធ​នឹង​ថយ​ចុះ​វិញ​ច្រើន ​នៅ​ពេល​ដែល​អាល្លឺម៉ង់​បាន​បញ្ជាក់​ថា​ការ​ប្រកួត​រវាង​ក្រុម​ទាំង​ពីរ​ខាង​លើ​នឹង​ត្រូវ​លេង​ដោយ​បិទ​ទ្វា​នោះ។ ​រដ្ឋបាល​ក្រុង​បាន​សម្រេច​ការ​ប្រកួត​មួយ​នេះ ដោយ​លេង​បិទ​ទ្វារ​តែ​ម្ដង ​បើ​ទោះ​ជា​រដ្ឋាភិលបាល​នៅ​មិន​ទាន់​ចេញ​សេចក្ដី​សម្រេច​មិន​ឱ្យ​អ្នក​គាំទ្រ​ប្រមូល​ផ្ដុំ​គ្នា​ច្រើន​ក៏​ដោយ។ ​វិធានការ​បិទ​មិន​ឱ្យ​អ្នក​គាំទ្រ​ចូល​នេះ គឺ​ធ្វើ​ឡើង​ដោយ​រដ្ឋបាល​ក្រុង​ផ្ទាល់ ​ដើម្បី​ធានា​សុវត្ថិភាព​ដល់​ប្រជាជន៕

ខ្សែបម្រើ Gareth Bale របស់ក្លឹប Real Madrid នឹងមិនមានវត្តមានសម្រាប់ក្រុមរបស់លោក Carlo Ancelotti ទេនាពេលខាងមុខនេះទេ។ យោងទៅតាមសារពត័មាន Cope បញ្ជាក់ថាកីឡាករវ័យ 32 ឆ្នាំរូបនេះបានរងរបួសសាច់ដុំកំភួនជើងមួយទៀតខណៈពេលដែលកំពុងបំពេញកាតព្វកិច្ចជួយជម្រើសជាតិ Wales ។ មានសេចក្ដីរាយការណ៍ថាកីឡាករសញ្ជាតិវេលស៍រូបនេះត្រូវបានដកឈ្មោះចេញពីក្រុមជម្រើសជាតិសម្រាប់ការប្រកួតជាមួយបែលហ្ស៊ិកដោយសារប្រយ័ត្នខ្លាចមានរបួសធ្ងន់ជាងនេះ។ ខ្សែបម្រើរូបនេះបានរងរបួសសាច់ដុំអំឡុងពេលប្រកួត ជាមួយជម្រើសជាតិបេឡារុស្សដោយកាលនោះយកឈ្នះក្នុងលិទ្ធ 5 ទល់នឹង 1 កាលពីដើមសប្តាហ៍នេះ ហើយការជាសះស្បើយនឹងចំណាយពេលពីពីរទៅបីសប្តាហ៍។ សរុបមក Bale បានបង្ហាញខ្លួនបានតែ 3 ប្រកួតប៉ុណ្ណោះសម្រាប់ក្លឹបនៅរដូវកាលនេះ ស៊ុតបញ្ចូលទីបានមួយគ្រាប់ ៕

Cristiano Ronaldo និងដៃគូរបស់គាត់អ្នកនាង Georgina Rodriguez កំពុងរំពឹងថានឹងមានកូនភ្លោះជាលើកទី ២ ។  ខ្សែប្រយុទ្ធវ័យ ៣៦ឆ្នាំរូបនេះបានបង្ហោះព័ត៌មាននៅលើ Instagram របស់ខ្លួនជាមួយនឹងរូបថតរបស់ពួកគេទាំងពីរកាន់រូបភាពពិនិត្យផ្ទៃពោះ។ Ronaldo បាន​សរសេរ​ថា​៖ «​យើង​រីករាយ​ជា​ខ្លាំង​ណាស់នឹងសូម​ប្រកាស​ថា​យើង​កំពុង​មាន​កូនភ្លោះម្ដងទៀត​។ បេះដូង​របស់​យើង​ពោរពេញ​ដោយ​ក្តី​ស្រឡាញ់ ហើយ​យើង​មិន​អាចនឹង​រង់ចាំ​​ដើម្បីបានជួប​អ្នក​បាន​ទេ​»​។ ត្រឹមតែ ១០នាទីប៉ុណ្ណោះ រូបភាពនេះត្រូវបានមនុស្សជិត ៣លាននាក់ចុច Like នឹងមានការអបអរសាទររាប់ពាន់នាក់ពីអ្នកគាំទ្រផងដែរ៕

ខ្សែការពារ Caio Henrique របស់ក្លឹប AS Monaco ត្រូវបានក្លឹបអ្នកមានបុណ្យ Barcelona កំពុងចាប់អារម្មណ៍។ យោងតាមសារព័ត៌មាន AS បានឱ្យដឹងថា Barcelona ចាប់អារម្មណ៍ក្នុងការចុះហត្ថលេខាលើកីឡាករវ័យ 24 ឆ្នាំរូបនេះហើយអ្នកតំណាងរបស់ក្លឹបអ្នកមានបុណ្យ Barcelona បានទាក់ទងជាមួយភ្នាក់ងាររបស់កីឡាកររួចហើយ។ ប្រភពបានអះអាងថាកីឡាករសញ្ជាតិប្រេស៊ីលរូបនេះធ្លាប់លេងឱ្យក្រុម Atletico Madrid ចន្លោះឆ្នាំ 2016 ដល់ឆ្នាំ 2018 នឹងមានបំណងចង់លេងនៅ La Liga ម្តងទៀត។ តម្លៃ​ផ្ទេរ​សម្រាប់​ខ្សែ​ការពារ​ខាងលើរូបនេះ​ត្រូវ​បាន​គេ​ប៉ាន់​ស្មាន​ថា​មាន​ប្រហែល ៣០ លាន​អឺរ៉ូ។ Caio Henrique បានបញ្ជូនបាល់ឲ្យមិត្តរួមក្រុមចំនួន 7 ដងក្នុងការបង្ហាញខ្លួន 17 ប្រកួតសម្រាប់ក្លឹបក្នុងរដូវកាលនេះ៕