Tag: Leo Messi

អ្នកចាំទី Gianluigi Buffon បាននិយាយថា Neymar គឺជាកីឡាករល្អដាច់គេនៅលើលោក។ ជាការពិតណាស់ Buffon ធ្លាប់ជាមិត្តរួមក្រុមរបស់ Neymar កាលពីគេផ្លាស់ពី Juventus មក Paris Saint Germain កាលពីឆ្នាំ ២០១៨។  Buffon បានចំណាយពេលអស់មួយរដូវកាលជាមួយ​ PSG មុននឹងគេត្រលប់មក Juv វិញនៅឆ្នាំ ២០១៩។ Buffon បាននិយាយថា៖ “កាលដែលខ្ញុំបានលេងរួមក្រុមជាមួយ Neymar ទើបខ្ញុំដឹងថាគេមានទេពកោសល្យអស្ចារ្យខ្លាំងប៉ុណ្ណា។ ខ្ញុំសំណាងណាស់ដែលបានលេងរួមក្រុមជាមួយកីឡាករលំដាប់ពិភពលោកជាច្រើន តែខ្ញុំមិនងាយចាំឈ្មោះពួកគេទេ ទោះយ៉ាងសម្រាប់ Neymar វិញ ខ្ញុំចងចាំគេជានិច្ចព្រោះសម្រាប់ខ្ញុំគេគឺជាកីឡាករដែលល្អដាច់គេទាំងអស់ក្នុងចំណោមកីឡាករល្អៗដទៃទៀតដែលខ្ញុំស្គាល់”៕

គ្រូបង្វឹកក្រុម Real Madrid លោក Carlo Ancelotti បានឆ្លើយតបទៅនឹងសំណួររបស់អ្នកសារព័ត៌មានដែលចង់ដឹងថាតើការចាកចេញរបស់ Lionel Messi និង Sergio Ramos នឹងប៉ះពាល់ដល់ការប្រកួតដ៏ធំបំផុតរបស់ La Liga យ៉ាងដូចម្តេច។ លោក Carlo Ancelotti បានប្រាប់សារពត៍មាន Marca ថា៖ “ក្រុមទាំងពីរកំពុងផ្លាស់ប្តូរ ប៉ុន្តែវានឹងតែងតែជាការប្រកួតដ៏ធំមួយ។ ហើយយើងមិនទាន់ដឹងថាកីឡាករដូចជា Fati និង Vinicius អាចទៅដល់ទីណានោះទេ។ យើងគ្រាន់តែដឹងថាការប្រកួតនេះនឹងតែងតែជាការប្រកួតដ៏ធំ។ អារម្មណ៍របស់ខ្ញុំគឺដូចគ្នា។ ដូចគ្នាដែលខ្ញុំមានជាមួយ Cristiano និង Messi នៅលើទីលាន។ វាជាការប្រកួតពិសេស។ ឥឡូវនេះមានកីឡាករផ្សេងទៀត ហើយសម្រាប់ខ្ញុំ Barça មានកីឡាករវ័យក្មេងពិសេស”។ El Clasico នឹង​គ្មានវត្តមានរបស់ខ្សែប្រយុទ្ធ Messi, Ronaldo នឹងខ្សែការពារ Ramos នោះទេក្នុងរដូវកាលនេះ ៕

ក្លឹប Barcelona កំពុង​ជួប​វិបត្តិ​លក់​សំបុត្រ​មិន​អស់​ក្នុង​ការ​ប្រកួត​ Champions League ដំបូង​របស់​ពួក​គេ​​​ទល់​នឹង Bayern Munich ក្នុង​កីឡដ្ឋាន​ Camp Nou ក្រោយ​អវត្តមាន Lionel Messi។ ក្នុង​ជំនួប​​​ធំ​នា​រាត្រី​នេះ​ ​គេ​អនុញ្ញាត​ឲ្យ​អ្នក​គាំទ្រ​ចូល​ទស្សនា​ត្រឹម​តែ​​៤​ម៉ឺន​នាក់​ប៉ុណ្ណោះ ប៉ុន្តែ​ក្លឹប Barcelona បាន​នៅ​សល់​សំបុត្រ​ជា​ច្រើន​ពាន់​សន្លឹក។ សំបុត្រ​សរុប​លក់​អស់​៣១ ២១៣​សន្លឹក នេះ​មាន​ន័យ​ថា​សំបុត្រ​ជិត​៨០០០​សន្លឹក​ផ្សេង​ទៀត​​គឺ​នៅ​សល់។ សំបុត្រ​សម្រាប់​ការ​ចូល​ទស្សនា​ប្រកួត​រវាង Barca និង Bayern មាន​តម្លៃចាប់​ពី​​១២៩​​ដុល្លារ​ ដល់ ២៣៥​ដុល្លារ។ ក្លឹប​មាន​មូលដ្ឋាន​ក្នុង​តំបន់​កាតាឡាន់​​កំពុង​ពិបាក​ទាក់ទាញ​អ្នក​ទស្សនា ក្រោយ Messi ចាកចេញ​ទៅ​កាន់ PSG។

​លោក Julian Nagelsmann ​គ្រូ​បង្វឹក​ក្រុម Bayern Munich ​ថា​លោក​ពិត​ជា​ចង់​បាន​ ៣​ពិន្ទុ​នៅ​ទឹក​ដី Camp Nou ​សម្រាប់​ការ​ប្រកួត​បើក​ឆាក UEFA Champions League ​រដូវ​កាល​នេះ​។ ​នេះ​ជា​ជំនួប​សំខាន់​ឬ​អាច​និយាយ​បាន​ថា​ជា​ជំនួប​សងសឹក​សម្រាប់​ក្រុម Barcelona ​ទៅ​លើ​ក្រុម Bayern Munich វិញ​ផង​ដែរ ព្រោះ​កាល​ពី​រដូវ​កាល​មុន​នោះ ពួកគេ​ចាញ់​ដល់​ទៅ ​៨-២ ​ឯ​ណោះ។ ​ស្រប​ពេល​ជំនួប​លើក​នេះ ​ក្រុម​ទាំង​ពីរ​ក៏​មាន​ការ​ផ្លាស់​ប្ដូរ​សមាសភាព​ច្រើន​ផង​ដែរ ទាំង​គ្រូ​ទាំង​សង​ខាង​និង​កីឡាករ​មួយ​ចំនួន។ ​ជាក់​ស្ដែង ​លោក Julian Nagelsmann ​គ្រូ​បង្វឹក​ក្រុម Bayern Munich ​បាន​និយាយ​មុន​ការ​ប្រកួត​ថា​៖ ”ពួកគេ​លែង​មាន​នរណា​ម្នាក់​ដែល​អស្ចារ្យ​ដូច Messi ​ទៀត​ហើយ ប៉ុន្តែ​ពួកគេ​មាន​កីឡាករ​ដទៃ​ទៀត​ដែល​អាច​ធ្វើ​រឿង​ផ្សេង​បាន។ យើង​បាន​រៀប​ចំ​ក្រុម​សម្រាប់​គ្រប់​យ៉ាង។ ​ខ្ញុំ​មិន​គិត​ថា​ពួកគេ​នៅ​ពេល​នេះ​ធ្វើ​មិន​បាន​ល្អ​ទេ។ គ្រប់​ករណី​ទាំង​អស់ ​យើង​ពិត​ជា​ចង់​បាន​៣​ពិន្ទុ​ពី​ការ​ប្រកួត​នេះ”៕

អតីត​ជម្រើស​ជាតិ​អាហ្សង់ទីន​​លោក Juan Roman Riquelme ជឿ​ថា Lionel Messi នឹង​អាច​ជួយ PSG ឈ្នះ​ពាន Champions League ហើយ​ត្រឡប់​មក​ចូល​និវត្តន៍​នៅ Barcelona។ Messi បាន​ចាកចេញ​ពី​កីឡដ្ឋាន Nou Camp ក្រោយ​ចំណាយ​ពេល​លេង​អស់ ​១៧​ឆ្នាំ បន្ទាប់​ពី​កុងត្រា​របស់​គេ​អស់​ជាមួយ​ក្លឹប។ ប៉ុន្តែ​លោក Juan Roman ដែល​បច្ចុប្បន្ន​ជា​អនុប្រធាន​ក្លឹប Boca Juniors យល់​ឃើញ​ថា ថ្ងៃ​ណា​មួយ Messi នឹង​វិល​មក​កាន់ Barca វិញ​ ហើយ​បញ្ចប់​អាជីព​នៅ​ទី​នោះ។ Juan Roman៖ “ខ្ញុំ​សង្ឃឹម​ថា Messi បន្ត​រីករាយ​នៅ Paris។ ខ្ញុំ​មិន​ដឹង​ថា​វា​ប្លែក​បែប​ណា​ទេ ប៉ុន្តែ​ពួក​យើង​នឹង​រំភើប​បាន​ឃើញ​​គេ​លេង​ជាមួយ Mbappe និង Neymar។ ប្រសិន​បើ​ពួក​គេ (PSG) មិន​ឈ្នះ UCL ពេល​នេះ​ទេ ពួក​គេនឹង​មិន​ឈ្នះនៅ​ពេល​ខាង​មុខ​ឡើយ។ ខ្ញុំ​គិត​ថា Messi នឹង​ឈ្នះ Champions

​គ្រាន់​តែ​រឿង​នាំ​ចូល Lionel Messi ​នេះ បាន​ធ្វើ​ឱ្យ PSG ​ល្បី​ឈ្មោះ​ខ្លាំង​ទៅ​ហើយ ដែល​អាច​នាំ​យក​កីឡាករ​លំដាប់​ពិភព​លោក​មក​រួម​ក្រុម​បាន ជាមួយ​តម្លៃ​ពលកម្ម​៤១​លាន​ដុល្លារ​ក្នុង​១​ឆ្នាំ។ ​តែ​នេះ​នៅ​មិន​ទាន់​អស់​មហិច្ឆតា​របស់​ប្រធាន​ក្លឹប​ដែល​ជា​សេដ្ឋី​ប្រេង​នោះ​ទេ។ ​ប្រភព​ជា​ច្រើន​មើល​ឃើញ​ថា PSG ​នេះ មាន​បំណង​ចង់​នាំ​យក Cristiano Ronaldo ​មក​បន្ថែម​ទៀត​ដើម្បី​លេង​សហការ​គ្នា​ជាមួយ Messi ​ឱ្យ​ផ្អើល​ម្ដង ប្រសិន​បើ​មាន​ករណី Kylian Mbappe ​មិន​ព្រម​បន្ដ​នៅ PSG ​ទៀត។ ស្រប​ពេល​កុងត្រា​ខ្សែ​ប្រយុទ្ធ​វ័យ​ក្មេង​សញ្ជាតិ​បារាំង​នេះ ​ឈាន​ដល់​ឆ្នាំ​ចុង​ក្រោយ​ហើយ តែ​សាមី​ខ្លួន​មិន​ព្រម​បន្ដ​កុងត្រា​ថ្មី​នៅ​ឡើយ​ទេ។ ​ប្រសិន​បើ​រឿង​នេះ​អាច​កើត​មាន​ឡើង​មែន ​នោះ​នឹង​កើត​នៅ​រដូវ​កាល​ក្រោយ ព្រោះ​ជា​ពេល​ដែល Mbappe ​អាច​ចាកចេញ​ពី PSG ​បាន​ដោយ Free ​តែ​ម្ដង​ក្រោយ​អស់​កុងត្រា។ ​តែ​បើ PSG ​យក Ronaldo ​មក​មែន ​នោះ​ពិភព​បាល់ទាត់​ពិត​ជា​ញ៉ាក់សាច់​ជាមួយ​ក្លឹប​អ្នក​មាន​បារាំង​នេះ​ហើយ ​ព្រោះ​ពោរពេញ​ដោយ Super Star ​ដូចជា Messi, Ronaldo , Neymar ​និង Ramos ​ជា​ដើម៕