Tag: Luis Campos

ខ្សែប្រយុទ្ធក្លិប Paris Saint Germain កីឡាករ Lionel Messi បានបដិសេធចំពោះ ការយល់ឃើញរបស់នាយកប្រតិបត្តិក្លិបលោក Luis Campos ដែលមានបំណងចង់នាំយក Antoine Griezmann មករួមក្រុម។ ជាការពិតណាស់ Messi ធ្លាប់ជាអតីតមិត្តរួមក្រុមរបស់ Griezmann ពីចន្លោះ ឆ្នាំ២០១៩-២០២១ នៅ Barcelona ប៉ុន្តែទម្រង់លេងរបស់អ្នកទាំងពីរហាក់មិនសង់ តង់ជាមួយគ្នាទាល់តែសោះដែលហេតុនេះហើយទើបរូបគេមិនចង់ឲ្យកីឡាករសញ្ជាតិ បារាំងខាងលើ ផ្លាស់ មកកាន់ PSG។ បើយោងទៅតាមការចុះផ្សាយរបស់ កាសែត កីឡា El Nacional លោក Campos កំពុងបង្ហាញចំណាប់អារម្មណ៍ក្នុងការនាំយក Griezmann មកកាន់កីឡដ្ឋាន Parc de Princes ប៉ុន្តែក្រោយទទួលបានដំណឹងនេះ Messi បានចេញមុខបដិសេធភ្លាមៗហើយរូបគេត្រូវបានគេដឹងថាមិនចង់សូម្បីតែឮអំពីលទ្ធភាពក្នុងការចាប់ដៃគូលេង ជាមួយ Griezmann ជាថ្មី៕

យោងតាមអ្នកកាសែត Pedro Morata បានបង្ហើបឲ្យដឹងថា ក្លិប Paris Saint-Germain មិនត្រឹមតែចង់លក់ ខ្សែប្រយុទ្ធ Neymar Jr. ប៉ុណ្ណោះទេតែក៏ត្រៀមចែកផ្លូវគ្នាជាមួយ Lionel Messi ផងដែរ។ ថ្មីៗនេះលេចឮថា Neymar អាចនឹងចាកចេញពីក្លិបដោយ PSG នឹងលក់គេបើសិនក្លិបផ្សេងអាចឲ្យតម្លៃផ្ទេរមួយដ៏សមរម្យ ប៉ុន្តែ លោក Luis Campos ដែលជាប្រធានដឹកនាំផ្នែកកីឡាថ្មីរបស់ក្លិប ក៏មានបំណងចង់លក់ Messi ដែលទើបតែផ្ទេរមកទីនេះបាន១ឆ្នាំ។ Messi នៅសល់កុងត្រាស្នាក់នៅទឹកដី Parc des Princes ចំនួន១ឆ្នាំទៀតហើយនៅរដូវកាលមុន រូបគេបានទទួលបានការរិះគន់យ៉ាងក្រាស់ក្រែលដោយសារខ្សត់គ្រាប់បាល់ដោយរកបានតែ១១គ្រាប់ប៉ុណ្ណោះ។ យ៉ាងណាមិញ អ្នកកាសែត Morata ថាឧបសគ្គដ៏ធំបំផុតសម្រាប់ PSG ក្នុងការលក់ Messi គឺគេមានប្រាក់ឈ្នួលខ្ពស់ពេកដែលក្លិបផ្សេងៗពិបាកនឹងផ្ដល់ឲ្យព្រោះក្លិបបានចាយប្រាក់ឲ្យម្ចាស់ពាន Ballon d’Or ៧សម័យនេះដល់ទៅ ៣.៣៧៥លានអឺរ៉ូ(ស្មើនឹងប្រមាណ ៣.៥១៩ លានដុល្លារ)ក្នុងមួយខែឯណោះ៕

អ្នកកាសែត Fabrizio Romano បានបង្ហើបឲ្យដឹងថាក្លិប Paris Saint-Germain កំពុងចាប់អារម្មណ៍ចង់ទិញយកខ្សែប្រយុទ្ធ Gabriel Jesus ពីក្លិប Manchester City ដោយសារលោក Luis Campos ជាប្រធានដឹកនាំផ្នែកកីឡាករថ្មីរបស់ក្លិប គឺជាអ្នកគាំទ្ររបស់គេ។ កីឡាករសញ្ជាតិប្រេស៊ីលរូបនេះ ត្រូវបានគេរាយការណ៍ថាកាន់តែកៀកក្នុងការផ្លាស់ទៅក្លិប Arsenal ហើយ បន្ទាប់ពីមានការចរចាជាមួយគ្នាកន្លងមកប៉ុន្តែ PSG អាចនឹងចូលប្រជែងយក Jesus ដែរ។ Romano បានថ្លែងប្រាប់ Wett Freunde ពីស្ថានភាពរបស់ Jesus ថា៖ “ខ្ញុំគិតថាពួកគេ(PSG) គ្រាន់តែចង់តាមដានស្ថានការណ៍ដោយសារពួកគេដឹងហើយថា Gabriel នឹងផ្លាស់ទៅ Arsenal ។ PSG មិនប្រញាប់ប្រញាល់ក្នុងការទិញយកខ្សែប្រយុទ្ធនោះទេប៉ុន្តែ Luis Campos ជាអ្នកគាំទ្រដ៏ធំសម្បើមមួយរបស់ Jesus ហើយនេះជាហេតុផលដែលគេតាមដានស្ថានការណ៍នេះ”៕

អ្នកកាសែត Fabrizio Romano បានបង្ហើបឲ្យដឹងថាខ្សែបម្រើ Vitinha នៃក្លិប Porto បានព្រមព្រៀងលក្ខខណ្ឌផ្ទាល់ខ្លួនក្នុងការផ្លាស់មក ក្លិប Paris Saint-Germain ហើយ។ ខ្សែបម្រើរូបនេះជាកីឡាករវ័យក្មេងមួយរូបក្នុងក្រុមជម្រើសជាតិព័រទុយកាល់ ហើយពេលនេះសមត្ថភាពរបស់គេត្រូវលោកប្រធានដឹកនាំផ្នែកកីឡាថ្មីរបស់ PSG គឺ Luis Campos ចង់ទិញយក។ Vitinha បង្ហាញខ្លួនបាន៤៧ប្រកួតនិងរកបាន ៤គ្រាប់ ព្រមទាំងបញ្ជូនបាល់៥គ្រាប់ឲ្យក្លិប Porto នៅរដូវកាលមុន។ កីឡាកររូបនេះក៏បានបង្ហាញខ្លួនឲ្យជម្រើសជាតិព័រទុយកាល់បានបីប្រកួតហើយ។ អ្នកកាសែត Fabrizio Romano បានចុះផ្សាយថា៖ “Paris Saint-Germain បានឈានដល់កិច្ចព្រមព្រៀងផ្ទាល់ខ្លួនជាមួយ ខ្សែបម្រើសញ្ជាតិព័រទុយកាល់ Vitinha ហើយ។ គេជាគោលដៅចម្បងរបស់លោក Luis Campos នៅតំបន់បម្រើ។ការចរចានឹងចាប់ផ្ដើមឡើងជាមួយក្លិប Porto ។ គេត្រូវ PSG ចាត់ទុកថាជាកីឡាករកំពូលទាំងបច្ចុប្បន្ននិងអនាគត។”៕

​ក្លឹប​ Paris Saint Germain បាន​សម្រេច​ធ្វើ​ការ​តែង​តាំង​លោក​ Luis Campos ជា​អ្នក​ប្រឹក្សា​ថ្មី​ផ្នែក​បាល់ទាត់​របស់​ក្លឹប​បារាំង​នេះ​ជា​ផ្លូវការ​នៅ​ក្នុង​ថ្ងៃ​នេះ​។ លោក​នឹង​ចាប់​ផ្ដើម​ការងារ​នេះ​ចាប់​ពី​រដូវកាល​ថ្មី​ខាង​មុខ​ទៅ​ ដោយ​លោក​នឹង​ចូល​រួម​ទទួល​ខុស​ត្រូវ​ក្នុង​ផ្នែក​បច្ចេកទេស​ រៀប​ចំ​ក្រុម​ ក៏​ដូច​ជា​ការ​ដោះដូរ​កីឡាករ​ផង​ដែរ​។ លោក​ Campos មាន​បទពិសោធន៍​នឹង​ការងារ​ដឹក​ក្លឹប​តាំង​ពី​ឆ្នាំ​១៩៩៣មក​ ដោយ​ធ្លាប់​ធ្វើ​ជា​គ្រូ​បង្គោល​ អ្នក​ស្វែករក​កីឡាករ​ អ្នក​បច្ចេកទេស​ ក៏​ដូច​ជា​អ្នក​ប្រឹក្សា​របស់​ក្លឹប​។ ​លោក​ត្រូវ​បាន​គេ​ដឹង​ថា​ជា​មនុស្ស​ជិតដិត​និង​ស្គាល់​ Mbappe តាំង​ពី​គេ​នៅ​កុមារ​ ដោយ​លោក​នេះ​ក៏​នឹង​ត្រូវ​ទៅ​ធ្វើ​ជា​អ្នក​ប្រឹក្សា​របស់​ Real Madrid សម្រាប់​រដូវកាល​ក្រោយ​ តែ​ចុង​ក្រោយ​លោក​ក៏​សម្រេច​រើស​មក​ធ្វើ​នៅ​ PSG ទៅ​វិញ​៕

លោក Luis Campos អតីត​ជំនួយ​ការ​របស់​លោក Jose Mourinho ជឿថា អតីត​គ្រូបង្វឹក​ក្រុម Man Utd​ទំនង​ជា​វិលត្រឡប់​មក​ដឹកនាំ​ក្រុម Real Madrid ។ គ្រូបង្វឹក​សញ្ជាតិ​ព័រទុយហ្គាល់​រូបនេះ​គ្មាន​ការ​ងារធ្វើ​ ចាប់តាមងពី​ត្រូវ​ក្លឹប​ Man Utd​បណ្តេញ​ចេញ​កាលពីខែធ្នូ​ឆ្នាំ​២០១៨មក​ ប៉ុន្តែលោក Campos អះអាងថា វាមិនយូរប៉ុន្មានទេ មុន​ពេល​លោក Mourinho វិលត្រឡប់​មក​កាន់​ទឹកដី Bernabeu។ លោក Camposនិយាយថា “​ Real Madrid គឺជារឿង​ល្អ។ នៅពេល​យើង​បញ្ចូលចំណុច​ទាំងពីរ​នេះ​ជាមួយ​គ្នា នោះនឹង​នាំមក​លទ្ធផល​ល្អ”​។ លោក Campos ទទួល​ស្គាល់ផងដែរថា ខ្សែប្រយុទ្ធ KylianMbappeរបស់​ក្លឹប Paris Saint Germainនឹង​តាម​លោក​មក​លេងនៅ​អេស្ប៉ាញ។ លោក Campos បាន​និយាយថា “​ខ្ញុំគិត​ថា Mbappe នឹង​មក​លេងនៅ​​ក្លឹប Real Madrid ។ ប្រសិនបើ​គាត់ចង់​ក្លាយ​ជាកីឡាករ​ល្អបំផុតក្នុងពិភពលោក។ គាត់ត្រូវ​តែមក​លេងនៅ​ក្លឹប Real Madrid ។