Tag: Man Utd

ខ្សែប្រយុទ្ធកីឡាករ Cristiano Ronaldo ត្រូវបានគេរាយការណ៍ថាកំពុងតេសប្បាយរីករាយយ៉ាងខ្លាំងក្រោយយកឈ្នះក្នុងលទ្ធផល ៣-២ ដោយ Ronaldo រកបាន១គ្រាប់ដោយបាល់ប៉េណាំងទី។ ជាការពិតណាស់ Ronaldo ត្រូវបានក្លិប Man Utd ផ្តាច់កុងត្រាបន្ទាប់ពីរូបគេមានរឿងជាមួយលោកគ្រូ Eric Ten Hag និងនិយាយថារូបគេត្រូវបានគេក្បត់នៅក្លិប Man Utd។ ជាក់ស្តែងគេសង្កេតឃើញថា Ronaldo ហាក់គ្មានប្រតិកម្មអ្វីនោះទេ ពីព្រោះរូបគេកំពុងផ្តោតជាមួយក្រុមជម្រើសជាតិព័រទុយកាលក្នុងព្រឹត្តិការណ៍ World Cup ដោយគ្រាន់តែលោកគ្រូបង្វឹកលោក Fernando Santos ឱ្យសម្រាកពីហ្វឹកហាត់ Ronaldo បាននាំមិត្តរួមក្រុមជម្រើសជាតិព័រទុយកាលទៅពិសាអាហារពេលល្ងាចនៅភោជនីយដ្ឋានដែលមានឈ្មោះថា Tatel De Doha លើកោះ Al Maha ដោយភោជនីយដ្ឋាននេះ រូបគេមានហ៊ុនរួមជាមួយកីឡាករវាយកូនបាល់ឈ្មោះថា Rafael Nasal។ គួរបញ្ជាក់ដែរថា Ronaldo ផ្តោតលើពានរង្វាន់នេះខ្លាំដោយសារតែវាជាឱកាសលើកចុងក្រោយរបស់គាត់ ពីព្រោះ World Cup 2022 រួចគាត់អាចនឹងចូលនិវត្តពីបាល់ទាត់ហើយ៕

ក្លិប Al Nassr របស់អារ៉ាប៊ីសាអូឌីតក្នុងមជ្ឈឹមបូព៌ាហ៊ានឲ្យ Cristiano Ronaldo ៦២លានផោនក្នុង១ឆ្នាំ (ប្រមាណ៧៥លានដុល្លារអាមេរិក) ប្រសិនបើរូបគេព្រមទៅលេងឲ្យនោះ។ ជាការពិតណាស់ Ronaldo ត្រូវបានក្លិប Man Utd ផ្តាច់កុងត្រាបន្ទាប់ពីរូបគេមានរឿងជាមួយលោកគ្រូ Eric Ten Hag និងនិយាយថារូបគេត្រូវបានគេក្បត់នៅក្លិប Man Utd ក្នុងបទសម្ភាសន៍ជាមួយលោក Piers Morgan។ ដូច្នេះមានន័យថា Ronaldo កំពុងតែជាកីឡាករ Free Agent ដែលគ្មានតម្លៃសំខាន់។​ អ្វីដែលកាន់តែពិសេសនោះគឺ ក្លិបយក្សនៅមជ្ឈឹមបូព៌ា Al Nassr កំពុងដាក់កុងត្រាស្នើទៅកាន់ Ronaldo ដោយកិច្ចសន្យារយៈពេល ៣ឆ្នាំមានតម្លៃ ១៨៦លានផោន (២២៥លានដុល្លារអាមេរិក) ប៉ុន្តែ Ronaldo មិនទាន់សម្រេចចិត្តនោះទេ ក៏ព្រោះតែរូបគេកំពុងតែជាប់ភារកិច្ចជួយក្រុមជម្រើសជាតិព័រទុយកាល់ក្នុងព្រឹត្តិការណ៍ World Cup 2022។ ដូច្នេះ តើ Ronaldo អាចប្តូរមកលេងនៅមជ្ឈឹមបូព៌ាដែរឬទេក្រោមតម្លែខ្លួន ៦២លានអុឺរ៉ូក្នុង១ឆ្នាំ?

សារព័ត៌មាន The Daily Mail បានចុះផ្សាយថា ក្លិបបិសាចក្រហម Manchester United គ្រោងនឹងចុះកុងត្រាយកអតីតកីឡាករម្នាក់របស់ខ្លួនគឺ Memphis Depay ត្រឡប់មកទឹកដី Old Trafford វិញ។ Cristiano Ronaldo ទើបតែចែកផ្លូវជាមួយ Man UTD កាលពីថ្មីៗមកនេះដូច្នេះហើយទើបក្លិបចង់បាន Depay មកជំនួសគេ។ កីឡាករសញ្ជាតិហូឡង់រូបនេះ កំពុងលេងនៅក្លិប Barcelona ប៉ុន្តែគេនៅសល់កុងត្រាស្នាក់នៅទឹកដី Camp Nou ត្រឹមចុងបញ្ចប់រដូវកាលនេះប៉ុណ្ណោះ ខណៈគេពុំសូវមាននាទីលេងនៅរដូវកាលថ្មីនេះឡើយ។ Depay ធ្លាប់លេងនៅ Man UTD ម្ដងរួចមកហើយកាលពីឆ្នាំ២០១៥ ដោយផ្ទេរពី PSV ដោយស្នាក់នៅទឹកដី Old Trafford បាន១ឆ្នាំកន្លះគឺបង្ហាញខ្លួនបាន៥៣ប្រកួតនិងស៊ុតបញ្ចូលទីបាន៦គ្រាប់៕

ក្នុង​ថ្ងៃ​នេះ លោក Avram Glazers សហ​ម្ចាស់​ក្លឹប Manchester United មិន​ឆ្លើយ​សំណួរ​ទាក់​ទង​នឹង​ពាក្យ​ចចាមអារ៉ាម​ទាក់ទិន​នឹង​គម្រោង​លក់​ក្លឹប។ មួយ​រយៈ​ចុង​ក្រោយ​នេះ មាន​ពាក្យ​ចចាម​អារ៉ាម​ជា​ច្រើន​ក្នុង​មជ្ឈដ្ឋាន​បាល់ទាត់​បាន​រំលេច​ថា​ ម្ចាស់​ក្លឹប Manchester United មាន​ចេតនា​ក្នុង​ការ​លក់​ក្លឹប​។ ឆ្លើយ​តប​ទៅ​នឹង​ពាក្យ​ចចាមអារ៉ាម​នេះ លោក Avram Glazers មិន​បាន​លើក​ពាក្យ​ថា លក់ ឬ​មិន​លក់​ឡើយ ដោយ​លោក​គ្រាន់​តែ​និយាយថា៖ “គណៈ​គ្រប់​គ្រង​របស់​ក្លឹប​កំពុង​ពិនិត្យ​សម្រេច​ជ្រើសរើស​ជម្រើស​យុទ្ធសាស្ត្រ​មួយ​ចំនួន​ដើម្បី​ភាព​រីក​ចម្រើន​នៃ​ក្លឹប Manchester United”។ ក្រុម​គ្រួសារ​មហាសេដ្ឋី​អាមេរិក​ត្រកូល Glazers បាន​ទិញ​ក្លឹប​បិសាច​ក្រហម​កាល​ពី​ឆ្នាំ​ ២០០៥។ តាំង​ពី​ពេល​នោះ​មក ក្លឹប​បាន​ឆ្លង​កាត់​ពេល​វេលាមួយ​ដ៏​គួរឲ្យ​ចាប់​អារម្មណ៍។ បើ​ទោះ​ជា​មាន​ភាព​ជោគជ័យ​មួយ​ចំនួន​ក៏​ដោយ កាល​ពី​អំឡុង​ពេល​ប៉ុន្មាន​ឆ្នាំ​ដំបូងៗ ក្លឹប​ត្រូវ​បាន​គេ​សង្កេត​ឃើញ​ថា​បាន​ធ្លាក់​សមត្ថភាព​ប្រជែង​ពាន​ធំៗ​របស់​ខ្លួន​ក្នុង​រយៈ​ពេល​ជាង ១០​ឆ្នាំ​ចុង​ក្រោយ​នេះ។ អតីត​កីឡាករ អ្នក​គាំទ្រ​ក្លឹប​បិសាច​ក្រហម ព្រម​ទាំង​មជ្ឈដ្ឋាន​ជំនាញ​បាល់​ទាត់​ជា​ច្រើន​ បាន​ទិតៀន​ការ​គ្រប់​គ្រង​ក្លឹប​របស់​គ្រួសារ​ត្រកូល Glazers ដោយ​ថា​ក្រុមអ្នក​ជំនួញត្រកូល​នេះ​គិត​អំពី​លុយ​ជា​ធំជាងអ្វីៗទាំងអស់ ហើយ​មិន​បាន​ខ្វល់​ខ្វាយ​គ្រប់​គ្រាន់​អំពី​ផែន​ការ​វិនិយោគ​រយៈ​ពេល​វែង​សម្រាប់​ស្ដារ​សមត្ថភាព​របស់​ក្លឹប​ក្នុង​ការ​ប្រកួត​ប្រជែង​យក​ពាន​ធំៗ​ជាមួយ​ក្លឹប​យក្ស​ដទៃ​ទៀត៕

Wayne Rooney បាន​និយាយ​ទៅ​កាន់​សារព័ត៌មាន​ Sports 18 នៅ​ក្នុង​ថ្ងៃ​នេះ​ថា​ លោក​មិន​មាន​អ្វី​ភ្ញាក់ផ្អើល​ទេ​ នៅ​ពេល​ឮ​ដំណឹង​ ខ្សែ​ប្រយុទ្ធ​ Cristiano Ronaldo និង​ក្លឹប​ Manchester United សម្រេច​បញ្ចប់​កុងត្រា​ជា​គ្នា​។ ទាក់ទង​នឹង​រឿង​ Ronaldo និង​ Man Utd កាល​ពី​ពេល​ថ្មីៗ​នេះ​គឺ​មាន​ភាព​មិន​ចុះ​សម្រុង​គ្នា​ខ្លាំង​ ដោយ​កំពូល​ខ្សែប្រយុទ្ធ​រូប​នេះ​បាន​ធ្វើ​និយាយ​ទៅ​កាន់​សាធារណៈ​នៅ​ក្នុង​ពេល​សម្ភាសន៍​ថា​ មិន​ពេញ​ចិត្ត​នឹង​ក្លឹប​នេះ​ ព្រោះ​អ្នកចាត់ការ​ Erik Ten Hag ថ្នាក់ដឹកនាំ​ និង​កីឡាករ​មួយ​ចំនួន​មិន​គោរព​គេ​ ព្រម​ទាំង​ថា​ក្លឹប​នេះ​គ្មាន​ការ​វិវត្តន៍​អ្វី​សោះ​ក្រោយ​ចប់​ពី​លោក​ Alex Ferguson ។ យ៉ាង​ណា​នៅ​ក្នុង​ថ្ងៃ​នេះ​ Man Utd ក៏​ចេញ​សារ​ប្រកាស​ជា​សាធារណៈ​ថា​ ភាគី​ក្លឹប​ និង​ Ronaldo គឺ​បាន​ព្រម​ព្រៀង​គ្នា​សម្រេច​បញ្ចប់​កុងត្រា​មុន​ពេល​កំណត់​។ ពាក់ព័ន្ធ​នឹង​រឿង​ Rooney បាន​លើក​ឡើង​ថា​៖” ​មិន​មាន​អ្វី​ភ្ញាក់ផ្អើល​ទេ​ ព្រោះ​តែ​គ្មាន​ជម្រើសជាតិ​អី​ផ្សេង​ក្រៅ​ពី​ហ្នឹង​នោះ​ទេ​ គ្រាន់​តែ​វា​រាង​អាម៉ាស់​បន្តិច​ ព្រោះ​ថា​គេ​ជា​កីឡាករ​ដ៏​អស្ចារ្យ​សម្រាប់​ក្លឹប​នេះ​ ខ្ញុំ​មាន​តែ​ជូនពរ​គេ​ឲ្យ​ជោគជ័យ​រាល់​កន្លែង​ដែល​គេ​ទៅ​ “។ Ronaldo ផ្លាស់​មក​ Man Utd ជា​លើក​ទី​២គឺ​ចាប់​ឆ្នាំ​២០២១មក​

កីឡាករ​ Cristiano Ronaldo បាន​ឆ្លើយ​តប​បន្ថែម​ទាក់​ទិន​នឹង​បទ​សម្ភាសន៍​ដែល​ខ្លួន​បាន​ធ្វើ​ការ​ទិ​តៀន​ខ្លាំងៗ​ទៅ​លើ​ក្លឹប Manchester United។ ក្នុង​សន្និសីទ​សារព័ត៌មាន​​នា​ថ្ងៃ​នេះ នា​ពេល​អ្នក​កាសែត​សួរ​ពាក់​ព័ន្ធ​នឹង​បទ​សម្ភាសន៍​របស់​ខ្លួន​នា​ពេល​ថ្មី​ៗ​នេះ Ronaldo បាន​បញ្ជាក់​ថា៖ “ខ្ញុំ​ចង់​និយាយ​នៅ​ពេល​ណា​ដែល​ខ្ញុំ​ចង់​និយាយ។​ ខ្ញុំ​មិន​បារម្ភ​អ្នក​ផ្សេង​គិត​អី​នោះ​ទេ។ អ្នក​ណា​ក៏​ដឹង​ដែរ​ថា ខ្ញុំ​ជា​អ្នក​ណា ហើយ​ខ្ញុំ​ជឿ​ជាក់​លើ​គោលការណ៍​អ្វី​ខ្លះ”។ កាល​ពី​សប្ដាហ៍​មុន Ronaldo បាន​ធ្វើ​បទ​សម្ភាសន៍​មួយ​ដែល​បាន​ប្រើ​សម្ដី​ខ្លាំងៗ​ក្នុង​ការ​ទិតៀន​ក្លឹប​បិសាច​ក្រហម។ ក្រោយ​ពី​ចេញ​បទ​សម្ភាសន៍​នេះ ក្លឹប Man Utd បាន​ប្រកាស​ថា​នឹង​ចាត់​វិធាន​ការ​សមស្រប​ផ្សេងៗ ដើម្បី​ឆ្លើយ​តប​នឹង​ទង្វើ​របស់​កីឡាករ​ព័រទុយហ្គាល់​រូប​នេះ។ រហូត​មក​ទល់​ពេល​នេះ ក្លឹប​មិន​បាន​បញ្ជាក់​ថា​វិធាន​ការ​នោះ គឺ​ជា​វិធានការ​បែប​ណា​នោះ​ទេ៕

អតីតខ្សែបម្រើក្លិប Manchester United កីឡាករ Paul Pogba បានទម្លាយឲ្យដឹងថា ការតាំងចិត្តរបស់ Cristiano Ronaldo គឺ ពិតជាអស្ចារ្យ ខ្លាំងណាស់។ ជាការពិតណាស់ អនាគតរបស់ Ronaldo ជាមួយ Man UTD ទំនងជានឹងដាច់ស្រាច់គ្នាហើយក្រោយបញ្ចប់ព្រឹត្តិការណ៍ World Cup បន្ទាប់ពីរូបគេបានទម្លាយអំពីបញ្ហារបស់ក្លិបជាសាធារណៈ ដែលធ្វើឲ្យថ្នាក់លើរបស់ក្រុមបិសាចក្រហមខឹងសម្ប៉ានឹងរូបគេជាខ្លាំង ខណៈ រូបគេកំពុងតែមានពាក្យចចាមអារ៉ាមក្នុងការផ្លាស់ទៅកា Chelsea,Bayern Munich និង Real Madrid ជាដើម។ ក្នុងនោះចំពោះការយល់ឃើញរបស់ Pogba បាននិយាយថា៖ “វាជាបុគ្គលិកលក្ខណៈរបស់គាត់ គាត់ជាអ្នកឈ្នះពិតតប្រាកដ គាត់មិនដែលពេញចិត្តនឹងអ្វីដែលគាត់បានធ្វើ គាត់តែងតែចង់បានលើសនេះ គាត់អាចធ្វើបានល្អជាងនេះ។ ការតាំងចិត្តរបស់គាត់ គឺ ពិតជាអស្ចារ្យ ខ្លាំងណាស់”៕

អាវរបស់ Manchester United ដែលខ្សែប្រយុទ្ធ Cristiano Ronaldo ពាក់នៅក្នុងការប្រកួតចុងក្រោយ ហើយអាចជាការប្រកួតចុងក្រោយរបស់គាត់ជាមួយក្រុមបិសាចក្រហមផងនោះត្រូវបានគេដេញថ្លៃយកក្នុងតម្លៃរាប់ម៉ឺនដុល្លារអាមេរិក។ អាវក្រៅដីពណ៌ស ដែលកីឡាករក្រុមបិសាចក្រហមពាក់នៅក្នុងការប្រកួតទល់នឹងក្រុម Aston Villa កាលពីដើមខែនេះ ត្រូវបានទិញយកដោយបុរសជនជាតិចិនមិនស្គាល់ឈ្មោះម្នាក់ក្នុងតម្លៃ ៣៩ ម៉ឺនផោន ឬប្រមាណជា (៤៦ ម៉ឺនដុល្លារអាមេរិក)។ យ៉ាងណាមិញ សម្រាប់ការប្រកួតទល់នឹងក្រុម Aston Villa នេះត្រូវបានគេសន្មត់ថាជាការប្រកួតចុងក្រោយហើយដែល CR7 បង្ហាញខ្លួនឱ្យ Man UTD ព្រោះថ្មីៗនេះហាក់មានរឿងចម្រូងចម្រាស់មែនទែន បន្ទាប់ពីខ្សែប្រយុទ្ធវ័យ ៣៧ ឆ្នាំបានធ្វើបទសម្ភាសន៍ជាមួយលោក Piers Morgan ដោយធ្វើការវាយប្រហារក្លិប និងលោក Erik ten Hag មិនសំចៃមាត់៕

លោក William Gallas គិតថាខ្សែប្រយុទ្ធ Cristiano Ronaldo អាចបន្តផ្លាស់ទៅ Chelsea នៅពេលគាត់ចាកចេញពី Man Utd បន្ទាប់ពីបញ្ចប់ព្រឹត្តិការណ៍ World Cup ។ កីឡាករអន្តរជាតិព័រទុយហ្គាល់ខាងលើ បានបង្កឱ្យមានការភ្ញាក់ផ្អើលយ៉ាងខ្លាំងនៅសប្តាហ៍នេះ បន្ទាប់ពីកិច្ចសម្ភាសន៍ដ៏ផ្ទុះមួយជាមួយលោក Piers Morgan ដែលបានចាក់ផ្សាយតាមទូរទស្សន៍ Talk TV ខណៈភាគទី២ នឹងចេញផ្សាយនៅចុងសប្ដាហ៍នេះ។ តាមរយៈការរិះគន់ក្លឹប និងលោក Ten Hag បានបង្ហាញឲ្យឃើញថា Ronaldo មានភាគរយតិចណាស់ នឹងបន្តនៅទឹកដី Old Trafford។ ជាមួយគ្នានេះ អតីតខ្សែការពារក្លិបកាំភ្លើងធំ Arsenal និង Tottenham លោក Gallas គិតថា Chelsea អាចជាក្លិបបន្ទាប់របស់ Ronaldo ។ Gallas បានលើកឡើងយ៉ាងដូច្នេះ ថា៖ “ខ្ញុំគិតថា Cristiano Ronaldo នឹងចាកចេញពី Manchester

ខ្សែប្រយុទ្ធ​ Cristiano Ronaldo បាន​និយាយ​នៅ​ក្នុង​កិច្ចសម្ភាសន៍​ជា​មួយ​លោក​ Piers Morgan ក្នុង​កម្មវិធី​ Talk TV កាល​ពី​ពេល​ថ្មីៗ​នេះ​ថា​ កីឡាករ​ក្មេង​ៗ​របស់​ Manchester United គ្មាន​ផ្លូវ​ឈរ​នៅ​កម្រិត​កំពូល​ក្នុង​អាជីព​បាល់ទាត់​បាន​យូរ​ដូច​ជំនាន់​គេ​បាន​នោះ​ឡើយ​។ Ronaldo បាន​និយាយ​ថា​៖” សម្រាប់​ខ្ញុំ​គឺ​ចម្លែក​ចិត្ត​មែន​ទែន​ ហើយ​​ក៏​មាន​ការ​សោកស្ដាយ​តិច​តួច​ផង​ដែរ​ ដែល​កីឡាករ​ក្មេង​ៗ​នៅ​នេះ​ ពួក​គេ​ហាក់​ដូច​ជា​មិន​សូវ​ជា​យក​តម្រាប់​តាម​យើង​ ព្រោះ​កាល​ខ្ញុំ​ ខ្ញុំ​ចាំ​បាន​ពេល​ខ្ញុំ​អាយុ​១៨-២០ អី​ហ្នឹង​ ខ្ញុំ​តែង​មើល​ និង​ធ្វើ​តាម​កីឡាករ​ឆ្នើម​ៗ​ទាំង​អស់​ហ្នឹង​ដូច​ជា​ Van Nistelrooy, Ferdinand, Roy Keane និង​ Giggs អញ្ចឹង​ហើយ​បាន​ជា​ខ្ញុំ​ជោគជ័យ​ និង​ឈរ​នៅ​កម្រិត​កំពូល​បាន​យូរ​ “។ កីឡាករ​នេះ​បន្ត​ថា​៖” តែ​នេះ​ពួក​គេ​នេះ​ដូចជាអត់​ខ្វល់ សាកល្បង​ជា​មួយ​យើង​ទេ​។ អ្នក​ខ្លះ​ក៏​បាន​ធ្វើ​អញ្ចឹង​ទៅ​ តែ​ភាគ​ច្រើន​គឺ​អត់​ទេ​។ សម្រាប់​ខ្ញុំ​ ខ្ញុំ​មិន​ភ្ញាក់ផ្អើល​ទេ​ ព្រោះ​តែ​ពួក​គេ​នឹង​អាច​ឈរ​នៅ​កម្រិត​កំពូល​ក្នុង​អាជីព​បាល់ទាត់​បាន​យូរ​នោះ​ទេ​ និយាយ​ទៅ​គ្មាន​ផ្លូវ​តែ​ម្ដង​។ ជំនាន់​ខ្ញុំ​ឃើញ​សម្រាប់​ហើយ​ កីឡាករ​ជា​ច្រើន​អាច​លេង​ក្នុង​កម្រិត​កំពូល​ដល់​អាយុ​៣៦-៣៨អី​ណោះ​។ តែ​ជំនាន់​នេះ​គឺ​មិន​អាច​យូរ​អញ្ចឹង​ទេ​ “។ ក្នុង​កិច្ច​សម្ភាសន៍​ខាង​លើ​នេះ​ទាំង​ស្រុង​នេះ​ Ronaldo បាន​បង្ហាញ​អារម្មណ៍​មិន​សប្បាយ​ចិត្ត​ និង​រិះគន់​​ Man Utd ក៏​ដូច​ជា​អ្នកចាត់ការ​ក្លឹប​

ខ្សែប្រយុទ្ធ Cristiano Ronaldo បានទម្លាយថា Diogo Dalot និង Lisandro Martinez គឺជាកីឡាករវ័យក្មេងរបស់ Manchester United តែ ២ នាក់គត់ដែលខ្លួនគិតថាជាកីឡាករមានវិជ្ជាជីវៈពេញលេញ និងមានការគោរពវិន័យខ្លាំងបំផុត។ រម្លឹកថា Dalot ដែលបច្ចុប្បន្នវ័យ ២៣ ឆ្នាំបានចាកចេញពី Porto ផ្លាស់មកកាន់ទឹកដី Old Trafford នៅឆ្នាំ ២០១៨, ចំណែក Martinez វិញត្រូវបាន Man UTD ទិញយកពី Ajax នៅដើមរដូវកាលនេះក្នុងតម្លៃ ៥៧ លានផោន ឬប្រមាណជា (៦៨ លានដុល្លារអាមេរិក), ខណៈរដូវកាលនេះអ្នកទាំង២សុទ្ធតែកំពុងបង្ហាញសមត្ថភាពលេចធ្លោរខ្លាំងក្រោមការដឹកនាំរបស់លោក Erik ten Hag។ ថ្លែងនៅក្នុងកិច្ចសម្ភាសន៍ជាមួយលោក Morgan, នៅពេលគេសួរថា តើមិត្តរួមក្រុមរូបណាដែលមានវិន័យខ្លាំង និងអាចមានអាជីពជាកីឡាករបាល់ទាត់បានយូរអង្វែង? Ronaldo បានឆ្លើយទៅវិញយ៉ាងដូច្នេះថា៖ “Diogo Dalot, គាត់នៅក្មេងប៉ុន្តែគាត់ពិតជាមានវិជ្ជាជីវៈខ្លាំងណាស់។ ខ្ញុំគ្មានការសង្ស័យទេគាត់នឹងមានអាជីពក្នុងកីឡាបាល់ទាត់បានយូរអង្វែង។

ក្លិប Manchester United ត្រូវបានគេរាយការណ៍ នឹងផ្តាច់កុងត្រាដែលនៅសេសសល់របស់ Cristiano Ronaldo ប្រសិនបើសមីខ្លួនយល់ព្រមលើលក្ខខណ្ឌមួយនេះ។ ជាការពិតណាស់ នាពេលថ្មីៗនេះ Ronaldo បានផ្តល់កិច្ចសម្ភាសន៍ ជាមួយអ្នកកាសែត និង បានទម្លាយគ្រប់បញ្ហាទាំងអស់របស់ Man UTD ដែលគេបានជួបប្រទះ ដែលធ្វើឲ្យថ្នាក់លើរបស់ក្រុមបិសាចក្រហមខឹងសម្បារនឹងគេខ្លាំងមែន ក្នុងនោះបើយោងទៅតាមការចុះផ្សាយរបស់ The Telegraph បានលើកឡើងថា Man UTD នឹងផ្តាច់កុងត្រា Ronaldo ចោល ប្រសិនបើរូបគេយល់ព្រមក្នុងការយកប្រាក់ឈ្នួលដែលនៅសេសសល់សល់ពីកិច្ចសន្យា ៦ខែ ដែលមានតម្លៃដល់ទៅ ១៣លានផោន (រឺប្រមាណ ១៥លានដុល្លារ)៕

ក្លិបបិសាចក្រហម Manchester United នឹងដាក់ពិន័យជាប្រាក់ទៅកាន់ Cristiano Ronaldo ចំនួន ១ លានផោន ឬប្រមាណជា (១.១៧ លានដុល្លារអាមេរិក)ក្រោយខ្សែប្រយុទ្ធវ័យ ៣៧ ឆ្នាំរូបនេះបាននិយាយដៀមដាមឱ្យក្លិបធ្ងន់ៗកាលពីម្សិលមិញ។ កាលពីយប់ថ្ងៃទី ១៣ ខែ វិច្ឆិកាកន្លងទៅនៅលើបណ្តាញសង្គមហាក់មានភាពក្តៅគគក់មែនទែន បន្ទាប់ពី Ronaldo បានធ្វើបទសម្ភាសន៍យ៉ាងគួរឱ្យភ្ញាក់ផ្អើលមួយជាមួយលោក Piers Morgan ដោយរូបគេបានធ្វើការរិះគន់ទៅកាន់ Man UTD អ្នកចាត់ការលោក Erik ten Hag, Wayne Rooney និងលោក Ralf Rangnick មិនសំចៃមាត់។ យោងតាមការចុះផ្សាយរបស់ Metro បានឱ្យដឹងថា ក្រោយមានការរិះគន់ និងដៀមដាមឱ្យក្លិបបែបនេះ Ronaldo នឹងទទួលត្រូវទទួលរកការពិន័យជាទឹកប្រាក់ចំនួន ១ លានផោន ឬប្រមាណជា (១.១៧ លានដុល្លារអាមេរិក) ដែលចំនួននេះគឺស្មើនឹងថ្លៃឈ្នួលរបស់គាត់នៅ Man UTD ចំនួន ២ សប្តាហ៍៕

ក្លិប Manchester United ត្រូវបានគេរាយការណ៍នឹង ផ្តល់ជូននូវកិច្ចសន្យារយៈពេលវែងឲ្យកីឡាករ Alejandro Garnacho នាពេលឆាប់ៗនេះ។ ជាការពិតណាស់នៅពេលនេះ Garnacho កំពុងតែសាងភាពល្បីល្បាញរបស់គេក្នុងពិភពបាល់ទាត់ហើយជាពិសេសកាលពីយប់មិញនេះគេរកបានគ្រាប់បាល់នៅនាទីទី ៩០+៣ ជួយ Man UTD យកឈ្នះ Fulham ក្នុងលទ្ធផល ២ទល់នឹង១ ខណៈ កុងត្រារបស់រូបគេនឹងអស់សុពលភាពនៅក្នុងឆ្នាំ ២០២៥។ បើយោងទៅតាមការចុះផ្សាយរបស់លោក Fabrizio Romano បានលើកលើកឡើងថា Man UTD នឹងត្រៀមបន្តកុងត្រាថ្មីឲ្យ Garnacho ក្នុងពេលវេលាដ៏ខ្លីខាងមុខនេះឲ្យបានលឿនតាមដែលអាចធ្វើបាន៕

ថ្នាក់ដឹកនាំ​ គ្រូ​បង្វឹក ក៏​ដូច​ជា​មិត្ត​រួម​ក្រុម​ក្លឹប Manchester United បាន​បង្ហាញ​ក្ដី​មិន​សប្បាយ​ចិត្ត​យ៉ាង​ខ្លាំង ក្រោយ​ពេល​ដែល​ខ្សែ​ប្រយុទ្ធ​ Cristiano Ronaldo និយាយ​រិះគន់​ក្លឹប​ដោយ​បើក​ចំហ​នៅ​ក្នុង​ទំព័រ​សារព័ត៌មាន។ នេះ​បើ​តាម​ការ​ចុះ​ផ្សាយ​របស់​អ្នក​យក​ព័ត៌មាន Sky Sports។ លោក Kaveh Sohekol បាន​អះអាង​នៅ​ក្នុង​បណ្ដាញ​ Twitter លោក​ថា លោក Erik Ten Hag ក៏​ដូច​​ជា​កីឡាករ​ដទៃ​ទៀត​ ទើប​តែ​ទទួល​ព័ត៌មាន​នេះ​នៅ​ពេល​ដែល​ធ្វើ​ដំណើរ​ត្រលប់​ពី​ការ​ប្រកួត​ជាមួយ​ក្លឹប Fulham មក​ទីក្រុង​មេនឆេស្ទើរ​វិញ​ប៉ុណ្ណោះ។ អ្នក​កាសែត​រូប​នេះ​បាន​បន្ថែម​ថា ថ្នាក់ដឹកនាំ​ក្លឹប​បាន​ហួស​ចិត្ត​ និង​មាន​ភាព​ងឿងឆ្ងល់​ ដោយ​មិន​យល់​ថា ហេតុអ្វី​បាន​ Ronaldo និយាយ​ដូច្នេះ។ ខាង​ Man Utd ក៏​កំពុង​តែ​គិតគូរ​ពី​វិធានការ​នានា​ ដើម្បី​ឆ្លើយតប​នឹង​ទង្វើ​របស់​ខ្សែ​ប្រយុទ្ធ​ព័រទុយហ្គាល់​នេះ​ផង​ដែរ។ សូមបញ្ជាក់ផងដែរថា Ronaldo អវត្តមាន​ពី​ការ​ប្រកួត​រវាង​ក្លឹប​បិសាច​ និង Fulham ដោយ​យក​ហេតុផល​ថា ខ្លួន​ឈឺ ក្រោយ​ពេល​ដែល​កីឡាករ​រូប​នេះ​មិន​ត្រូវ​បាន​ជ្រើសរើស​ក្នុង​ជម្រើស​ ១១នាក់​ដំបូង​របស់​ក្លឹប៕

ខ្សែ​ប្រយុទ្ធ​ព័រទុយហ្គាល់​កីឡាករ Cristiano Ronaldo សម្ដែង​ក្ដី​ខក​ចិត្ត​នៅ​ពេល​ដែល​ឃើញ​ក្លឹប​បិសាច​ក្រហម​មិន​រីក​ចម្រើន​ទាល់​តែ​សោះ ក្រោយ​ពេល​ដែល​លោក Alex Ferguson ចាកចេញ​នៅ​ឆ្នាំ២០១៣។ លោក Alex ជា​អ្នក​ចាត់ការ​ Man Utd ដ៏​ល្បី​ឈ្មោះ​មួយ​រូប​ ដែល​បាន​ដឹកនាំ​ក្លឹប​បិសាចក្រហម​ឱ្យ​បាន​ជោគជ័យ​ទាំង​ក្នុង​លីគ​កំពូល​អង់គ្លេស​ និង​ក្នុង​ក្របខ័ណ្ឌ​អឺរ៉ុប។ «វឌ្ឍនភាព​គឺ​សូន្យ»។ នេះ​ជា​ការ​លើកឡើង​របស់ Ronaldo។ Ronaldo បាន​បន្ថែម​ថា៖ «តាំង​ពី​ Sir Alex ចេញ​ទៅ ខ្ញុំ​គ្មាន​ឃើញ​ភាព​រីក​ចម្រើន​អី​បន្តិច​សោះ​។ គ្មាន​អ្វី​ផ្លាស់ប្ដូរ​ឡើយ»។ ខ្សែ​ប្រយុទ្ធ​រូប​នេះ​បាន​បន្ថែម​ថា៖ «ខ្ញុំ​គិត​ថា ខ្ញុំ​បាន​ឃើញ​អ្វី​ដែល​ខុស​ប្លែក​ពី​មុន​ដូច​ជា បច្ចេកវិទ្យា ហេដ្ឋារចនាសម្ព័ន្ធ។ ប៉ុន្តែ​ជា​អកុសល ខ្ញុំ​បាន​ឃើញ​អ្វី​ដែល​ខ្ញុំ​ធ្លាប់​ឃើញ​ កាល​ពី​ខ្ញុំ​នៅ​អាយុ ២១ ២២ ២៣ឆ្នាំ»៕

ក្លិប Manchester United នឹងប្រកួតដោយគ្មានអវត្តមានរបស់កីឡាករសំខាន់ៗដល់ទៅ ៣រូប ក្នុងជំនួបទល់នឹង Fulham នៅរាត្រីនេះ។ ជាការពិតណាស់ នៅរាត្រីនេះ Man UTD នឹងត្រូវធ្វើដំណើរទៅកាន់កីឡដ្ឋាន Craven Cottage ដើម្បីធ្វើការប្រកួតជាមួយក្រុម Fulham នៃការប្រកួតក្របខណ្ឌ Premier League ខណៈ កីឡាករក្រុមបិសាចក្រហមចំនួន២០រូប នឹងធ្វើដំណើរទៅកាន់កីឡដ្ឋានខាងលើដើម្បីចូលរួមការប្រកួត។ យ៉ាងណាក្តី បញ្ហាសំខាន់របស់ Man UTD នៅរាត្រីនេះ គឺ ពួកគេនឹងត្រូវលេងដោយគ្មានវត្តមានកីឡាករឆ្នើមដល់ទៅ៣រូបដែលមានដូចជា Cristiano Ronaldo, Anthony និង Jadon Sancho ដែលអ្នកទាំំងបីសុទ្ធតែមានបញ្ហារបួសដូចគ្នា៕

ក្លិប Manchester United ត្រូវបានគេរាយការណ៍ថាកំពុងចាប់អារម្មណ៍ និងតាមដានលើខ្សែការពារកណ្តាលរបស់ Benfica កីឡាករ Antonio Silva។ ខ្សែការពារវ័យ ១៩ ឆ្នាំខាងលើទើបតែដំឡើងមកកាន់ឈុតធំរបស់ Benfica នៅរដូវកាលនេះទេ ហើយរូបគេពិតជាបង្ហាញទម្រង់លេងបានល្អមែនទែនរហូតអាចទាក់ចិត្តគ្រូបង្វឹករបស់ក្រុមបញ្ចខែលព័រទុយកាល់លោក Fernando Santos និងត្រូវបានកោះហៅចូលក្នុងក្រុមជម្រើសជាតិសម្រាប់ការប្រកួត World Cup Qatar ២០២២ ខាងមុខផងដែរ។ យោងតាមការចុះផ្សាយរបស់កាសែត Sunday Mirror បានឱ្យដឹងថា Man UTD គឺជាក្លិបមួយក្នុងចំណោមក្លិបធំៗផ្សេងទៀត ដែលកំពុងតាមដានលើ Silva ខណៈ Barcelona និង Real Madrid ក៏កំពុងតាមដានយ៉ាងយកចិត្តទុកដាក់លើខ្សែការពារសញ្ជាតិព័រទុយកាល់ រូបនេះផងដែរ។ ប្រភពដដែលបានបន្ថែមថា Cristiano Ronaldo និង Bruno Fernandes បានបង្ហាញគំនិតសុទិដ្ឋិនិយម និងបង្ហាញការគាំទ្រជាខ្លាំងក្នុងការជម្រុញឱ្យ Man UTD ទិញយកខ្សែការពាររូបនេះ៕