Tag: Mane
Football News
Mane នឹងអវត្តមានពីព្រឹត្តិការណ៍ World Cup
ខ្សែប្រយុទ្ធសេណេហ្គាល់កីឡាករ Sadio Mane នឹងអវត្តមានខកខានមិនបានលេងព្រឹត្តិការណ៍ World Cup ឆ្នាំ២០២២ នៅប្រទេសកាតានោះទេ។ នេះបើតាមការប្រកាសរបស់ក្លឹប Bayern Munich កាលពីថ្ងៃព្រហស្បតិ៍។ មូលហេតុដែលអត់បានទៅលេងគឺដោយសារតែកីឡាកររូបនេះទើបតែវះកាត់ជង្គង់ ដែលរបួសរួចរាល់ ដែលតម្រូវឱ្យរូបគេសម្រាកព្យាបាលរបួសនេះ។ ដំបូងឡើយ ខាងសេណេហ្គាល់ដាក់ឈ្មោះ Mane ចូលក្នុងបញ្ជីក្រុមកីឡាករដែលត្រៀមទៅលេងនៅក្នុង World Cup។ ខាងសេណេហ្គាល់ធ្លាប់អះអាងថា Mane អាចនឹងខកខានលេងប្រកួតដំបូងៗ តែចុងក្រោយនៅតែមិនបានលេងដដែល។ Mane ជាកីឡាករឆ្នើមរបស់សេណេហ្គាល់ ដោយធ្លាប់ឈ្នះពានកីឡាករឆ្នើមអាហ្វ្រិកចំនួន ២ដង ហើយធ្លាប់ជួយសេណេហ្គាល់ឈ្នះពានបាល់ទាត់អាហ្វ្រិកទៀតផង៕
19 Nov 2022
28 views
Football News
Sadio Mane នៅតែជាប់ក្នុងបញ្ជីក្រុមជម្រើសជាតិសេណេហ្គាល់ទោះរូបគេមានរបួសក៏ដោយ
ខ្សែប្រយុទ្ធក្លឹប Bayern Munich កីឡាករ Sadio Mane នៅតែជាប់ក្នុងបញ្ជីក្រុមជម្រើសជាតិសេណេហ្គាល់ ទោះបីជាកីឡាកររូបនេះរបួសធ្ងន់ធ្ងរក្ដី។ កាលពីដើមសប្ដាហ៍នេះដែរ Mane ត្រូវបានព័ត៌មានជាច្រើនរាយការណ៍ថា កីឡាកររូបនេះខកខានលេងឱ្យសេណេហ្គាល់នៅក្នុងព្រឹត្តិការណ៍បាល់ទាត់ពិភពលោកនៅក្នុងប្រទេសកាតារ ក្រោយពីមានរបួសជង្គង់ក្នុងប្រកួតមួយកាលពីថ្ងៃអង្គារ។ យ៉ាងណាមិញ នៅក្នុងថ្ងៃសុក្រនេះសហព័ន្ធបាល់ទាត់សេណេហ្គាល់សម្រេចដាក់បញ្ចូលឈ្មោះ Mane ទៅក្នុងបញ្ជីឈ្មោះក្រុម ដែលនឹងហោះទៅកាន់កាតារ។ នេះបើតាមការចុះផ្សាយរបស់សារព័ត៌មានបារាំង AFP៕
12 Nov 2022
37 views
Football News
Mane រំឭក Muller ហាមធ្វើរឿងមួយនេះពេលលេងទល់នឹង Lewandowski
Thomas Muller នឹងឈរលើទីលានម្ដងទៀតជាមួយ Robert Lewanowski ក្នុងពានរង្វាន់ Champions League ប៉ុន្តែលើកនេះពាក់អាវក្លឹបខុសគ្នា។ មុនការប្រកួតមកដល់ Muller បានទម្លាយរឿងមួយដែល Sadio Mane បានប្រាប់ខ្លួនមុនពេលលេងទល់មុខនឹង Lewandowski។ “Mane បានប្រាប់ខ្ញុំកាលពី១០ថ្ងៃមុនត្រូវប្រុងប្រយ័ត្នមិនត្រូវប៉ះបាល់ឲ្យ Lewandowski ទេ។ ពួកយើងត្រូវលេងការប្រកួតរបស់ពួកយើងនៅថ្ងៃស្អែក ហើយមិនផ្ដោតខ្លាំងទេលើ Lewandowski “។ សម្ដី Muller ក្នុងសន្និសីទកាសែត។ Lewandowski និង Muller បានចាប់ដៃគូប្រយុទ្ធជាមួយគ្នា៨រដូវកាលនៅ Bayern ដោយសហការរកគ្រាប់បាល់បានជាច្រើនគ្រាប់។ យ៉ាងណាមិញ ក្នុងរដូវក្ដៅនេះ កីឡាករសញ្ជាតិប៉ូឡូញបានផ្លាស់មកកាន់ Barcelona ដើម្បីស្វែងរកការប្រកួតប្រជែងថ្មី។ Bayern Munich នឹងបើកកីឡាដ្ឋាន Allianz Arena ស្វាគមន៍ Barcelona ក្នុងការប្រកួតវគ្គសន្សំពិន្ទុពូល C នៃពានរង្វាន់ Champions League រាត្រីនេះម៉ោង២រំលងអាធ្រាត្រ៕
13 Sep 2022
69 views
Football News
Mane ផ្ញើកាដូរទៅកាន់បុគ្គលិក Liverpool ដើម្បីជាអរគុណ ក្រោយចេញទៅ Bayern
ខ្សែប្រយុទ្ធ Sadio Mane ត្រូវបានគេដឹងថាកាលពីពេលថ្មីៗនេះបានផ្ញើកាដូរចំនួន ១៥០សម្រាប់ ទៅឲ្យបុគ្គលិកក្លឹប Liverpool គ្រប់ផ្នែកទាំងអស់ ដើម្បីជាការអរគុណដែលបានជួយគេកន្លងមក។ នេះបើយោងតាមការចុះផ្សាយរបស់ Daily Mail ក្នុងថ្ងៃនេះ។ នៅក្នុងកាដូរនេះបានភ្ជាប់ជាមួយនឹងប្រអប់សុកក្រឡា រូបថតគេ ក៏ដូចជាក្រដាសសម្ដែងការអរគុណដែលបានជួយគាំទ្រគេ ក៏ជាមានសំណេរ You Never Walk Alone ។ Mane បានរួមរស់ជាមួយ Liverpool ៦ឆ្នាំ ចូលរួម២៦៩ប្រកួត និងស៊ុតចូល ១២០គ្រាប់ ដោយឈ្នះពានជាច្រើនជាមួយក្លឹបទាំង PL និង Champions League។ កីឡាករនេះផ្លាស់ទៅកាន់ Bayern Munich ក្នុងរដូវកាលថ្មីនេះ ក្នុងតម្លៃប្រមាណ ៤២លានដុល្លារ៕
18 Aug 2022
88 views
Football News
Klopp ថា Liverpool ត្រូវធ្វើបែបនេះ ក្រោយអស់ពី Mane
លោក Jorgen Klopp អ្នកចាត់ការក្លឹប Liverpool បាននិយាយនៅក្នុងថ្ងៃនេះថា បន្ទាប់ពីខ្សែប្រយុទ្ធ Sadio Mane ចាកចេញទៅកាន់ Bayern Munich ក្រុមរបស់លោកត្រូវតែខិតខំសហការគ្នាជាធ្លុងមួយសារជាថ្មីនឹងកីឡាករដែលកំពុងមានវត្តមានស្រាប់នៅក្លឹបលោក។ លោក Klopp បាននិយាយថា៖” ពិតប្រាកដណាស់ យើងមានការផ្លាស់ប្ដូរតិចតួចនៅក្នុងក្រុមបន្ទាប់ពីយើងបានបាត់ Mane ចេញទៅដែលជាកីឡាករម្នាក់ស្ថិតក្នុងជម្រើសដំបូងជានិច្ចនៅក្នុងក្លឹបយើងអស់រយៈពេល៦ឆ្នាំចុងក្រោយនេះ។ យ៉ាងណាក្ដីរឿងក្នុងបាល់ទាត់តែអញ្ចឹងឯង។ យើងមិនអាចនៅជាមួយក្រុមតែមួយជារៀងរហូតបានទេ “។ លោកបន្តថា៖” និយាយទៅយើងត្រូវផ្លាស់ប្ដូរមួយចំនួន ព្រោះពេល Mane មកប្រាប់យើងថាចង់ទៅធ្វើនូវការប្រកួតប្រជែងបទពិសោធន៍ថ្មីព្រោះតែកន្លងមកនេះនៅ Liverpool គឺគ្រប់គ្រាន់សម្រាប់គេហើយនោះ អញ្ចឹងពួកយើងក៏យល់ព្រម ហើយក៏ត្រូវធ្វើតាមហ្នឹងផងដែរ។ ដូច្នេះយើងក៏ត្រូវការពេលគ្រប់គ្រាន់សម្រាប់រៀបចំធ្វើរឿងហ្នឹងផងដែរ ហើយយើងក៏បានធ្វើវាដូចដែលមើលឃើញអញ្ចឹង។ ហើយឥឡូវនេះអ្វីដែលចាំបាច់របស់យើង គឺត្រូវតែខិតខំសហការគ្នាជាធ្លុងមួយសារជាថ្មីនឹងកីឡាករដែលកំពុងមានវត្តមានស្រាប់នៅក្លឹបយើងនេះ។ រឿងនេះជារឿងធម្មតាទៅហើយដែលយើងត្រូវធ្វើជាប្រចាំ “។ ក្រោយ Mane ចេញទៅ Bayern ខាង Liverpool ក៏បាននាំយក Darwin Nunez ពី Benfica ដើម្បីជំនួសផងដែរ៕
01 Aug 2022
78 views
Football News
នេះហើយជាថ្លៃពលកម្មដែល Mane ទទួលបាននៅ Bayern Munich
ខ្សែប្រយុទ្ធ Sadio Mane បានក្លាយជាកីឡាករដែលមានថ្លៃពលកម្មខ្ពស់ជាងគេម្នាក់លើលោក បន្ទាប់ពីចាកចេញពី Liverpool ទៅចូលរួមជាមួយ Bayern Munich។ ផ្អែកតាមសារព័ត៌មានរបស់អាល្លឺម៉ង់ Bild បានចុះផ្សាយថា Mane នឹងទទួលបានថ្លៃពលកម្ម១៧លានផោនក្នុងមួយឆ្នាំនៅ Bayern ក្រោយចុះកុងត្រារហូតដល់ឆ្នាំ២០២៥។ ហង្សក្រហមបានយល់ព្រមលក់កីឡាករសញ្ជាតិសេណេហ្គាល់ទៅឲ្យ Bayern ក្នុងតម្លៃខ្លួន២៧,៤លានផោន ហើយអាចឡើងដល់៣៥លានផោនអាស្រ័យលើការបង្ហាញខ្លួន បូករួមសមិទ្ធផលបុគ្គលនិងក្រុម។ Bild បានបញ្ជាក់ថា Mane អាចរកចំណូលបានចន្លោះ៥ទៅ១០លានផោនក្នុងមួយឆ្នាំៗនៅ Liverpool។ ប៉ុន្តែពេលនេះគេអាចរកបានដល់ទៅ១៧លានផោនក្នុងមួយឆ្នាំជាមួយ Bayern។ មានពាក្យលេចឮថា Mane បានទាមទារសុំ Liverpool តំឡើងប្រាក់ពលកម្ម ដើម្បីបន្តនៅ។ ប៉ុន្តែភ្នាក់ងាររបស់កីឡាករវ័យ៣០ឆ្នាំបានច្រានចោលព័ត៌មាននេះ ដោយលើកឡើងថា កីឡាកររបស់ខ្លួនចាកចេញដោយចង់ស្វែងរកបទពិសោធន៍ថ្មី។ រយៈពេល៦រដូវកាលរួមរស់ជាមួយហង្សក្រហម Mane បានជួយក្រុមឈ្នះពានធំៗជាច្រើនដូចជា Premier League, FA Cup, League Cup, Champions League, UEFA Super Cup និង FIFA Club World
27 Jun 2022
77 views
Football News
ផ្លូវការ! Mane ចុះកុងត្រាផ្លាស់មក Bayern ហើយ
ខ្សែប្រយុទ្ធ Sadio Mane បានចុះកុងត្រាជាមួយក្លឹប Bayern Munich ជាផ្លូវការនៅក្នុងថ្ងៃនេះ ដោយមានកុងត្រារយៈពេល៣ឆ្នាំ ចាប់ពីរដូវកាលថ្មីឆ្នាំ២០២២/២៣ រហូតដល់ថ្ងៃទី៣០ ខែមិថុនា ឆ្នាំ ២០២៥ ខាងមុខ។ កាលពីម្សិលមិញ Mane ត្រូវបានគេដឹងថាមកទៅដល់ក្លឹប Bayern Munich ដើម្បីទៅធ្វើតេស្តសុខភាព ក៏ដូចជាចុះកុងត្រារយៈពេល៣ឆ្នាំ។ យ៉ាងណានៅក្នុងថ្ងៃនេះគឺក្លឹបនិង Mane ផ្ទាល់បានធ្វើការប្រកាសជាផ្លូវការហើយ។ នៅក្នុងការទិញ Mane ពី Liverpool សារព័ត៌មានជាច្រើនចុះផ្សាយថា Bayern ចាយអស់ប្រមាណ៤៣លានដុល្លារ៕
22 Jun 2022
92 views
Football News
លោក Dean Saunders និយាយថា គិតខុសដែលសម្រេចចិត្តចេញពី Liverpool
លោក Dean Saunders ថា កីឡាករ Sadio Mane គិតខុសហើយ ដែលសម្រេចចិត្តដើរចេញ ពីក្លិប Liverpool។ ជាការពិតណាស់ Mane សម្រេចចិត្តដើរចេញពី Anfield ហើយត្រូវបាន ក្លិប Bayern Munich ចែចូវបានសម្រេចថ្មីៗនេះ។ ក្លិប Bayern បានចុះកុងត្រាយក Mane ពី Liverpool ក្នុងតម្លៃខ្លួន ៣២លានអឺរ៉ូ ជាមួយនឹងកុងត្រារយៈពេល ៣ឆ្នាំ។ លោក Saunders បាននិយាយថា៖ “ខ្ញុំនៅតែមិនជឿថា ហេតុអ្វីបានជា Mane សម្រេចចិត្ត ចាកចេញពី Liverpool។ គេអាយុ ៣០ឆ្នាំហើយ ខ្ញុំគិតថា រយៈពេលប្រមាណជា ៦ខែចុងក្រោយជាមួយ Liverpool នេះគេធ្វើបានល្អណាស់ មិនមានអ្នកបញ្ឃប់គេបានទេ។ ពេល Diaz មកដល់ គេនៅលេងតំបន់កណ្តាល គេធ្វើបានកាន់តែល្អ។ ខ្ញុំនៅតែវិលវល់ មិនយល់ថា ហេតុអ្វីបានជាគេចេញពី
19 Jun 2022
102 views
Football News
ក្លឹប Liverpool បានបដិសេធសំណើរបស់ Bayern ជាលើកទី ២ ក្នុងការតាមទិញ Mane
ក្លឹប Liverpool បានបដិសេធសំណើ៣០លានផោនរបស់ Bayern Munich ក្នុងការតាមទិញខ្សែបម្រើប្រយុទ្ធ Sadio Mane។ នេះគឺជាលើកទីពីរហើយដែល Bayern ដាក់សំណើ បន្ទាប់សំណើលើកទីមួយ២៥លានផោនត្រូវហង្សក្រហមច្រានចោល។ Liverpool ចង់បានតម្លៃខ្លួនរបស់ Mane ដល់ទៅ៤២,៨លានផោន ដូចទៅនឹងតម្លៃខ្លួនរបស់ Robert Lewandowski ដែល Bayern ទាមទារចង់លក់ឲ្យ Barcelona។ ទាំង Mane និង Lewandowski សុទ្ធតែសល់កុងត្រាមួយឆ្នាំដូចគ្នាក្នុងក្លឹបរបស់ពួកគេ។ ខ្សែប្រយុទ្ធសញ្ជាតិប៉ូឡូញចង់ផ្លាស់ទៅ Barcelona ក្រោយចំណាយពេលមួយទសវត្សរ៍ជាមួយ Bayern។ ចំណែកឯក Mane វិញគោលដៅរបស់គេខាងមុខគឺ Bayern ក្រោយប្រកាសចង់ចាកចេញពី Liverpool ដើម្បីស្វែងរកបទពិសោធន៍ថ្មី។ កីឡាករសញ្ជាតិសេណេហ្គាល់រកបាន១២០គ្រាប់ឲ្យ Liverpool ចាប់តាំងផ្ទេរចេញពីក្លឹប Southampton កាលពីឆ្នាំ២០១៦ ក្នុងតម្លៃខ្លួន៣៦លានផោន។ គេបានជួយក្លឹបឈ្នះពាន Champions League កាលពីឆ្នាំ២០១៩ និង Premier League ឆ្នាំ២០២០៕
09 Jun 2022
144 views
Football News
Thiago សុខចិត្តផ្ដល់ផ្ទះក្នុងទីក្រុង Munich របស់គេឲ្យ Mane នៅ ប្រសិនបើផ្ទេរទៅ Bayern
ខ្សែបម្រើ Thiago Alcantara បានអនុញ្ញាតឲ្យមិត្តរួមក្រុម Liverpool កីឡាករ Sadio Mane ស្នាក់នៅផ្ទះរបស់គេស្ថិតក្នុងទីក្រុង Munich ប្រទេសអាល្លឺម៉ង់ ប្រសិនបើផ្ទេរទៅកាន់ក្លឹប Bayern Munich។ ការសម្រេចចិត្តបែបនេះកើតឡើង បន្ទាប់ពី Bayern បានបរាជ័យចំពោះសំណើដំបូងក្នុងទំហំទឹកប្រាក់២៥លានផោនសម្រាប់ Mane ដែលចង់ចាកចេញពី Anfield ក្នុងរដូវក្ដៅនេះ។ Mane វ័យ៣០ឆ្នាំបានប្រាប់ Liverpool គេចង់ចាកចេញពីក្លឹប បន្ទាប់ពីឈានចូលកុងត្រាឆ្នាំចុងក្រោយ។ កីឡាករសញ្ជាតិសេណេហ្គាល់មានចំណាប់អារម្មណ៍ចង់ផ្លាស់ទៅលេងនៅអាល្លឺម៉ង់ជាមួយក្លឹបជើងឯក Bayern Munich។ Bayern បានបរាជ័យការដេញថ្លៃដំបូងរបស់ខ្លួន ដោយដាក់សំណើ២១លានផោន បូកជាមួយប្រាក់លើកទឹកចិត្ត៤លានផោនផ្សេងទៀតឲ្យ Liverpool។ ហើយពេលនេះ Mane ទទួលបានសំណើថ្មីមួយទៀតពីមិត្តរួមក្រុម Thiago។ កីឡាករសញ្ជាតិអេស្ប៉ាញបានផ្ដល់ Mane នូវផ្ទះរបស់គេក្នុងទីក្រុង Munich ដើម្បីស្នាក់នៅ ប្រសិនបើមានការផ្លាស់ទៅកាន់ Bayern។ Thiago ធ្លាប់ចំណាយពេល៧ឆ្នាំលេងនៅ Bayern និងជួយក្រុមឈ្នះពានជាច្រើនមុនផ្ទេរមក Liverpool៕
07 Jun 2022
84 views
Football News
Sadio Mane នឹងសម្រេចអនាគតក្រោយលេង UCL វគ្គផ្ដាច់ព្រ័ត្រចប់
Sadio Mane បានលើកជាសញ្ញាសួរក្នុងក្លឹប Liverpool ដោយបាននិយាយថា គេនឹងប្រាប់ពីគម្រោងនៃអនាគត បន្ទាប់ពីលេងវគ្គផ្ដាច់ព្រ័ត្រ Champions League ចប់នៅសប្ដាហ៍នេះ។ Liverpool នឹងត្រូវប្រឈមមុខជាមួយ Real Madrid ក្នុងទីក្រុងប៉ារីសនៅយប់ថ្ងៃសៅរ៍ឈានចូលថ្ងៃអាទិត្យខាងមុខ។ ហើយក៏ជាការប្រកួតសងសឹករវាងក្រុមទាំងពីរដែលធ្លាប់ប៉ះគ្នានៅវគ្គផ្ដាច់ព្រ័ត្រម្ដងកាលពីឆ្នាំ២០១៨ ពេលនោះ Real Madrid បានឈ្នះ ៣-១។ ជាមួយគ្នានេះ Mane ដែលកំពុងមានការទាក់ទងផ្ទេរចេញពី Anfield បានកំណត់ពេលវេលា ដោយនិយាយថាគេនឹងប្រកាសពីអនាគតរបស់ខ្លួន ក្រោយប្រកួតជាមួយ Real Madrid ចប់។ ផ្ទុយពី Mane មិត្តរួមក្រុម Mohamed Salah បាននិយាយរក្សាជំហរថា គេនឹងបន្តនៅ Liverpool នៅឆ្នាំក្រោយ។ “ច្បាស់ណាស់ វានឹងពិសេសដើម្បីឈ្នះ និងលើកពានជាលើកទី៧សម្រាប់ក្លឹប។ ហើយសំនួរពីអនាគតរបស់ខ្ញុំ ខ្ញុំនឹងផ្ដល់ចម្លើយ បន្ទាប់ពី Champions League ថា នៅឬមិននៅ។ ខ្ញុំនឹងឆ្លើយពេល ក្រោយ UCL”។ សម្ដីរបស់ Mane។
26 May 2022
173 views
Football News
Emerson សារភាពថា Sadio Mane គឺជាកីឡាករដែលពិបាកបិទជាងគេ
ខ្សែការពារស្លាបស្តាំក្លិប Tottenham កីឡាករ Emerson Royal បានសារភាពថា Sadio Mane គឺ ជាកីឡាករដែលតែងតែធ្វើឲ្យគេពិបាករាល់ពេលប្រកួតជាមួយគេម្តងៗ។ ជាការពិតណាស់ យើងបានដឹងស្រាប់ហើយថា បច្ចុប្បន្ន Mane ជា កីឡាករម្នាក់ដែលល្អជាងគេនៅលើលោក ពីព្រោះល្បឿន បច្ចេកទេស និង ការបញ្ចប់ទីរបស់គេ គឺ ល្អមួយចប់ ។ ជាក់ស្តែងរដូវកាលនេះ គេបានរួមចំណែកជួយក្រុមជាច្រើនក្នុងការឈ្នះពានពីររួចជាស្រេចដូចជា FA Cup និង EFL Cup ខណៈ ពានរង្វាន់ Champions League ក៏ត្រៀមនឹងលេងវគ្គផ្តាច់ព្រ័ត្រដូចគ្នា។ Emerson បាននិយាយថា៖ “Mane គាត់លឿន បច្ចេកទេសល្អ និង កាយសម្បទាខ្លាំងណាស់។ វាមិនមានច្រើនទេដែលអ្នកមានកីឡាករបែបនេះ”៕
19 May 2022
121 views
Football News
De Bruyne និយាយថា Man City សមតែឈ្នះ Liverpool កាលពីប្រកួតយប់មិញ
ខ្សែបម្រើ Kevin De Bruyne បាននិយាយថាក្រុម Manchester City សមតែឈ្នះការប្រកួតជាមួយក្រុម Liverpool មិនមែនលទ្ធផលស្មើគ្នា ២ ទល់នឹង ២ នោះទេ។ ការប្រកួតនេះដែរពិតជាជក់ចិត្តសម្រាប់អ្នកគាំទ្រខ្លាំងណាស់។ នៅត្រឹមនាទី ៥ដើមតង់ទី១ ខ្សែបម្រើ De Bruyne បើកការនាំមុខមុនទៅហើយ ប៉ុន្តែឈានដល់នាទី១៣ កីឡាករ Jota ក៏អាចរកគ្រាប់បាល់តាមស្មើវិញបាន។ នៅនាទី៣៦ Gabriel Jesus ក៏បើកការនាំមុខជាថ្មីឱ្យក្រុម Man City តែលទ្ធផលនេះមិនបញ្ចប់ត្រឹមនេះឡើយ ពោលគឺនាទី៤៦ ខ្សែប្រយុទ្ធ Mane ក៏រកគ្រាប់បាល់តាមស្មើបានវិញទៀត។ ដោយស្មើគ្នាក្នុងលទ្ធផល ២ ទល់នឹង ២ នេះ De Bruyne បាននិយាយថា៖ “ដោយស្មោះទៅ ខ្ញុំគិតថាយើងលេងល្អ វិធីដែលយើងលេងល្អខ្លាំងណាស់ ហើយយើងគួរតែរកគ្រាប់បាល់បានច្រើនថែមទៀត។ វាគួរតែជាអ្វីដែលត្រូវកើតឡើង។ ខ្ញុំគិតថាយើងបានបង្កើតឱកាសដើម្បីឈ្នះការប្រកួតនេះបាន។ ខ្ញុំគិតថាយើងសមឈ្នះការប្រកួតនេះ”៕
12 Apr 2022
172 views
Football News
Mane ផ្ដោតសំខាន់ទៅលើការឈ្នះរបស់ Liverpool ជាជាងភាពជោគជ័យតែខ្លួនឯង
ខ្សែប្រយុទ្ធ Sadio Mane បាននិយាយទៅកាន់អ្នកកាសែតក្រោយឈ្នះប្រកួត UEFA Champions League វគ្គ៨ក្រុមចុងក្រោយ តង់ទី១ រវាង Liverpool តទល់នឹង Benfica ក្នុងលទ្ធផល ៣-១ នៅក្នុងថ្ងៃនេះថា គេផ្ដោតទៅលើការឈ្នះរបស់ក្លឹប ជាជាងភាពជោគជ័យរកគ្រាប់បាល់បានច្រើនតែឯង។ Mane បាននិយាយថា៖” ដូចអ្វីដែលខ្ញុំតែងតែនិយាយរហូតមកអញ្ចឹងថា ការឈ្នះរបស់ក្រុមខ្ញុំសំខាន់ ជាងខ្ញុំស៊ុតរកគ្រាប់បាល់បានតែឯង។ ខ្ញុំស៊ុតចូលបានមួយគ្រាប់ក្នុងថ្ងៃនេះខ្ញុំសប្បាយចិត្តណាស់ តែអ្វីដែលសំខាន់ជាងនេះទៅទៀតគឺមិត្តរួមក្រុមខ្ញុំក៏ស៊ុតចូលជួយឲ្យឈ្នះផងដែរ “។ កីឡាករនេះបន្តថា៖” យើងនឹងរង់ចាំការប្រកួតមួយតង់ទៀតលើដីរបស់យើងដើម្បីបញ្ចប់ការងារមួយនេះ។ សប្ដាហ៍នេះគឺចាប់ផ្ដើមដោយអស្ចារ្យណាស់ យើងមិនអាចរំពឹងអ្វីល្អជាងហ្នឹងនោះទេ អញ្ចឹងហើយវាធ្វើឲ្យយើងត្រៀមឲ្យបានកាន់តែល្អសម្រាប់ប្រកួតតង់ខាងមុខ “។ Liverpool នឹងត្រូវប៉ះជាមួយ Benfica ក្នុងប្រកួតខាងលើតង់ទី២ នៅថ្ងៃទី១៤ ខែមេសា ឆ្នាំ២០២២ខាងមុខ៕
07 Apr 2022
119 views
Football News
Mane និយាយទៅកាន់ Salah ក្រោយឈ្នះបាល់ប៉េណាល់ទី
Sadio Mane បានទម្លាយពីអ្វីដែលគេបាននិយាយទៅកាន់ Mohamed Salah មិត្តក្នុងក្លឹប Liverpool ក្រោយសេណេហ្គាល់យកឈ្នះអេហ្ស៊ីបលើកពាន Africa Cup of Nations។ Mane បានទាត់បញ្ចូលទីបាល់ប៉េណាល់ទីចុងក្រោយ ជួយសេណេហ្គាល់ឈ្នះពានអាហ្រ្វិកជាលើកដំបូងក្នុងប្រវត្តិសាស្ត្រ។ ប៉ុន្តែក្រោយពីឈ្នះភ្លាមៗ Mane បានដើរទៅនិយាយមិត្តរួមក្លឹបហង្សក្រហម Salah ខណៈមិត្តរួមជាតិផ្សេងទៀតរបស់គេកំពុងអបអរជាមួយអ្នកគាំទ្រ។ និយាយប្រាប់សារព័ត៌មាន Mane បានទម្លាយពីពាក្យដែលគេនិយាយទៅកាន់ Salah ថា៖ “ខ្ញុំបានប្រាប់គេថា គេនៅតែជាកីឡាករល្អម្នាក់ ហើយពិតជារីករាយដែលបានលេងក្នុងក្លឹបជាមួយគ្នា។ ខ្ញុំពិតជាមានការគោរពដល់គេ ហើយគេបានផ្ដល់គ្រប់យ៉ាងទៅកាន់ប្រទេសរបស់គេ។ ប៉ុន្តែសំណាងមិនល្អ គេមិនបានឈ្នះ ប៉ុន្តែមិនមែនមានន័យថាវាចប់នោះទេ”។ “ខ្ញុំក៏បានប្រាប់គេបន្ថែមទៀតថា គេនៅមានពានច្រើនទៀតដើម្បីឈ្នះ រួមទាំង Africa Cup of Nations 2023។ ពួកគេមានកីឡាករក្មេងៗ ដូច្នេះប្រហែលពួកគេនឹងឈ្នះវានៅថ្ងៃណាមួយ”។
09 Feb 2022
167 views
Football News
Mane គ្រោងបន្តកុងត្រាថ្មីជាមួយក្លឹបហង្សក្រហម Liverpool
ក្លឹបបាល់ទាត់ហង្សក្រហម Liverpool មានគម្រោងចុះកិច្ចសន្យាថ្មីបន្តជាមួយខ្សែប្រយុទ្ធ Sadio Mane ។ យោងតាមលោក Nicolo Schira បានបង្ហោះតាមគណនី Twitter របស់គាត់ថាបច្ចុប្បន្នក្លឹបហង្សក្រហម Liverpool កំពុងពិភាក្សាជាមួយខ្សែប្រយុទ្ធវ័យ ២៩ ឆ្នាំរូបនេះជុំវិញកិច្ចព្រមព្រៀងថ្មីរហូតដល់ឆ្នាំ ២០២៥ ។ ខណះកិច្ចសន្យាបច្ចុប្បន្នរបស់កីឡាករសញ្ជាតិសេណេហ្គាល់រូបនេះនឹងផុតកំណត់នៅរដូវក្តៅឆ្នាំ ២០២៣ ។ ខ្សែប្រយុទ្ធ Sadio Mane បានស៊ុតបញ្ចូលទីបាន ២ គ្រាប់ក្នុងការបង្ហាញខ្លួន ៤ ប្រកួតនៅ Premier League រដូវកាលនេះ។
13 Sep 2021
327 views
Premier League News
Mane បន្តកិច្ចសន្យាថ្មីរយៈពេល5ឆ្នាំទៀតជាមួយក្លឹប Liverpool
កីឡាករជម្រើសជាតិសេនីហ្គាល់ វ័យ26ឆ្នាំ បានបន្តកុងត្រាថ្មីជាមួយ Liverpool កាលពីយប់មិញ ដោយចុះកុងត្រារហូតដល់ឆ្នាំ2023
24 Nov 2018
395 views
Premier League News
Mane ជាកីឡាករទី3របស់ Liverpool ដែររងរបួសបន្ទាប់ពី Salah និង Van Dijk
ពិតណាស់ កីឡាករសម្ខាន់ៗរបស់លោក Jurgen Klopp ដូចជា ខ្សែប្រយុទ្ធ Mohamed Salah ខ្សែការពារ Virgil Van Dijk
16 Oct 2018
573 views
