Tag: Mikel Arteta

អ្នកចាត់ការ Arsenal លោក Mikel Arteta សប្បាយចិត្តខ្លាំងបន្ទាប់ពីក្រុមកីឡាករវ័យក្មេងរបស់លោកបានបង្ហាញភាពក្លាហានដើម្បីយកឈ្នះក្រុម Bournemouth ២-១ នៅកីឡដ្ឋាន Vitality ក្នុងជុំទី៤ FA Cup យប់ថ្ងៃចន្ទទី២៧ខែមករាឆ្នាំ២០២០។ ក្រុមកីឡាករវ័យក្មេងរបស់លោក Arteta បានបង្ហាញសមត្ថភាពល្អដើម្បីយកជ័យជម្នះដែលបានពីគ្រាប់បាល់ក្នុងវគ្គទី១របស់ Bukayo Saka និង Eddie Nketiah។កីឡាករបម្រុង Sam Surridge របស់ Bournemouth តបត១គ្រាប់វិញក្នុងនាទី៩០+៤។ ការប្រកួតបន្ទាប់ Bournemouth នឹងស្វាគមន៍ Aston Villa ក្នុង Premier League នៅថ្ងៃទី១ខែកុម្ភៈ ចំណែក Arsenal នឹងទៅផ្ទះ Burnley នៅថ្ងៃទី២ខែកុម្ភៈ៕

ខ្សែការពារកណ្តាលកំពស់ខ្ពស់ John Stones បានត្រៀមខ្លួនរួចរាល់ហើយ ដើម្បីពិភាក្សាជាមួយ អតីតគ្រូបង្វឹកជំនួយកំលុងពេលនៅក្លឹប Man.City លោក Mikel Arteta ដើម្បីផ្លាស់មកកាន់កីឡាដ្ឋាន Emirate Stadium ជាមួយក្រុម Arsenal នៅខែមករានេះ។ ប្រភពព៌តមានពីគេហទំព័រ The Sun បានអោយដឹងថា Stones ចាប់អារម្មណ៍ផ្លាស់មកក្រុមកាំភ្លើងធំ Arsenal ខណៈដែលរូបគេចង់មានពេលវេលាទៀងទាត់នៅក្នុងក្រុមតោកំណាចអង់គ្លេសត្រៀមប្រកួតព្រឹត្តិការណ៏ឆ្នាំ ២០២០ ។ កីឡាករវ័យ ២៥ឆ្នាំរូបនេះបានបរាជ័យទទួលការជឿជាក់ពីលោក Pep Guardiola បន្ទាប់ពីមិនបានបង្ហាញទម្រង់លេងគួរជាទីពេញចិត្ត និងបានសាងកំហុសឆ្គងមួយចំនួនកំលុងចុងក្រោយនេះក្រោយពេល ៣ ឆ្នាំកន្លះ នៅទឹកដី Etihad ខណៈតួនាទីរបស់គេនិងខ្សែការពារកណ្តាលរូបនេះត្រូវបានជំនួសដោយខ្សែបម្រើ-ការពារ Fernandinho។ ក្រុមកាំភ្លើងធំ Arsenal កំពុងតាមប្រមាញ់រកខ្សែការពារកណ្តាលដើម្បី ពង្រឹងតំបន់ការពារបន្ទាប់ពី Calum Chambers ត្រូវបានអវត្តមានរហូតបញ្ចប់រដូវវបកាលនេះក្រោយរងរបួសជង្គង់ធ្ងន់ធ្ងរហើយ គ្រូបង្វឹកថ្មីArteta ចង់នាំយក Stonesមកបំពេញតួនាទីដែលកំពុងចន្លោះប្រហោងនេះ ។

​ក្រុម​កាំភ្លើង​ធំ Arsenal ​បាន​ប្រកាស​តែងតាំង​លោក Mikel Arteta ​ជា​អ្នក​ចាត់ការ​ផ្លូវការ​ហើយ ​កាល​ពី​យប់មិញ​នេះ ​ដើម្បី​ដឹក​នាំ​ក្រុម​ប្រកួត​នៅ​ពេល​ខាង​មុខ។វត្តមាន​របស់​អ្នក​ចាត់ការ​ថ្មី ​ដែល​ធ្លាប់​ជា​អតីត​កីឡាករ​ក្រុម Arsenal ​ស្រាប់​នោះ ​បាន​ធ្វើ​ឱ្យ​មាន​អ្នក​គាំទ្រ​ជា​ច្រើន​ពេញចិត្ត ​ហើយ​ចង់​ឃើញ​ពី​ទម្រង់​លេង​និង​ចិត្តសាស្ត្រ​ដឹក​នាំ​ក្រុម​របស់​គេ​ខ្លាំង​ណាស់។ ​ សាមី​ខ្លួន ​ក្នុង​សន្នីសីទកាសែត​បាន​បញ្ជាក់​ដែរ​ថា​ការ​ដែល​បាន​មក​ដឹក​នាំ​ក្រុម Arsenal ​ជា​មោទនភាព​មួយ​សម្រាប់​លោក។ ​មួយ​វិញ​ទៀត ​នេះ​ជា​ជំហាន​ដំបូង​ក្នុង​អាជីព ​ដូច្នេះ Arteta ​រំពឹង​ថា​នឹង​ធ្វើ​បាន​ល្អ។ អ្នក​ចាត់ការ​វ័យ​ក្មេង​នេះ ​បាន​បញ្ជាក់​ទៀត​ថា​អ្វី​ដែល​លោក​នឹង​ធ្វើ​មុន​គេ គឺ​លើក​ទឹក​ចិត្ត​ក្រុម​កីឡាករ​ទាំង​អស់ ​ឱ្យ​ប្រឹងប្រែង​លេង​អស់​ពី​សមត្ថភាព។ ​កីឡាករ​ដែល​មិន​ប្រឹងប្រែង​១០០%​ទេ ​នោះ​នឹង​អស់​ឱកាស​បាន​ចូល​លេង​ឱ្យ​ក្រុម Arsenal ​ទៀត​ហើយ។ សូម​បញ្ជាក់​ថា​នៅ​ល្ងាច​ម៉ោង​៧:៣០​នាទី​នេះ ​ក្រុម Arsenal នឹង​ត្រូវ​ប៉ះ​ក្រុម Everton ​ហើយ ដែល​ជា​ប្រកួត​ដំបូង​ក្រោម​ការ​ដឹក​នាំ​របស់​អ្នក​ចាត់ការ​ថ្មី៕  

លោក Pep Guardiola ​ចង់​បាន​កីឡាករ​ថ្មី​ចំនួន​៣​នាក់​ទៀត ​សម្រាប់​ពង្រឹង​ក្រុម​ឡើង​វិញ ​បើ​មិន​ដូច្នេះ​ទេ​លោក​អាច​នឹង​ចាកចេញ​ពី​ក្រុម Manchester City ​ហើយ​។Man City ​នៅ​ឆ្ងាយ​ពី​ក្រុម​កំពូល​តារាង Liverpool ​ណាស់​នា​រដូវ​កាល​នេះ ​ត្បិត​អី​ពួកគេ​ជា​ក្រុម​ការពារ​តំណែង​ជើង​ឯក​ក៏​ដោយ។ ​ កត្តា​លេង​មិន​សូវ​បាន​ល្អ​នេះ​ហើយ ​ទើប​ធ្វើ​ឱ្យ​លោក Pep ​ហាក់​ដូចជា​អន់​ចិត្ត​នឹង​ខ្លួន ​ហើយ​ក៏​ត្រៀម​នឹង​ស្នើ​ថ្នាក់​ដឹក​នាំ​ក្រុម​ដើម្បី​ទិញ​កីឡាករ​ចំណូល​ថ្មី​មក​ពង្រឹង​ក្រុម​ឡើង​វិញ​ទៀត​ផង​ដែរ។ លោក ​ធ្លាប់​បញ្ជាក់​ថា​ប្រសិន​បើ​លោក​ដឹក​នាំ​ក្រុម​មិន​បាន​ល្អ​ទេ ​នោះ​លោក​នឹង​ចាកចេញ​ពី​តំណែង​ដោយ​ខ្លួន​ឯង​តែ​ម្ដង។ ស្រប​ពេល​ដៃ​ស្ដាំ Arteta ​បាន​ចាកចេញ​ពី​លោក Pep ​ទៅ​ដឹក​នាំ​ក្រុម Arsenal ​ទៀត ​វា​កាន់​តែ​ដាក់​បន្ទុក​លើ​អ្នក​ចាត់ការ​ខាង​លើ​ដើម្បី​មក​អ្នក​ជំនួស។ ​Pep ​ធ្លាប់​បញ្ជាក់​ថា Arteta ​ជា​ចំណែក​មួយ​ដ៏​ធំ ដែល​បាន​ធ្វើ​ឱ្យ​ក្រុម Man City ​ក្លាយ​ជា​ជើង​ឯក​ក្នុង​លីគ​កំពូល​អង់គ្លេស។ ដូច្នេះ ប្រសិន​បើ​មិន​អាច​រក​អ្នក​ជំនួស​តំណែង​ជំនួយ​ការ​នេះ​បាន​ត្រឹមត្រូវ​ទេ ​នោះ​ក្រុម​នឹង​ជួប​បញ្ហា​មិន​ខាន៕    

ក្រុមកាំភ្លើងធំ Arsenal កំពុងព្យាយាមធ្វើកិច្ចព្រមព្រៀងដើម្បីធ្វើឱ្យលោក Mikel Arteta ក្លាយជាគ្រូបង្វឹកថ្មីរបស់ពួកគេ ប៉ុន្តែលោក Freddie Ljungberg នឹងនៅតែជាអ្នកទទួលខុសត្រូវសម្រាប់ជំនួបក្របខ័ណ្ឌ Premier League ដែលត្រូវធ្វើដំណើរទៅកាន់ទីក្រុង Everton នាថ្ងៃសៅរ៍នេះ ។ ក្លឹប Arsenal កំពុងស្ថិតក្នុងដំណាក់កាលនៃការបញ្ចប់លក្ខខណ្ឌចុងក្រោយនៃកិច្ចព្រមព្រៀងជាមួយក្រុម Manchester City ។ អតីតកីឡាកររបស់ក្រុមកាំភ្លើងធំរូបនេះនឹងត្រូវវិលត្រឡប់ទៅកីឡដ្ឋាន Emirates វិញ ហើយបំពេញតួនាទីជាអ្នកចាត់ការជាលើកដំបូងនៃអាជីពជាគ្រូបង្វឹករបស់គាត់ ។ Arteta បានធ្វើការជាមួយលោក Pep Guardiola នៅក្នុងក្រុមមេឃខៀវ Man City ក្នុងនាមជាគ្រូជំនួយ និងមានសមត្ថភាពគ្រប់គ្រាន់ក្នុងការដឹកនាំ Arsenal បើទោះជាគាត់ខ្វះខាតបទពិសោធក្នុងនាមជាគ្រូបង្វឹកយ៉ាងក្ដី ។ ដូច្នេះបុរសសញ្ជាតិអេស្បាញវ័យ ៣៧ឆ្នាំរូបនេះនឹងត្រូវទទួលបន្ទុកក្នុងការនាំយកពេលវេលាល្អៗត្រឡប់មកជូនក្លឹបនៅភាគខាងជើងទីក្រុងឡុងនេះវិញ សម្រាប់ការប្រកួតទាំងអស់នៅក្នុងរដូវកាលនេះ ៕

Manchester City នៅមិនទាន់ព្រមព្រៀងតម្លៃសំណងជាមួយ Arsenal ដើម្បីអនុញ្ញាតឱ្យ Mikel Arteta ទៅស្នងតំណែងអ្នកចាត់ការ Unai Emery នៅឡើយទេ។ Arsenal កំពុងបង្ហើយឯកសារពាក់ព័ន្ធនានាដើម្បីនាំយកជំនួយការរបស់លោក Pep Guardiola គឺ Arteta មកកាន់តំណែងអ្នកចាត់ការថ្មីរបស់ពួកគេ។ Arteta វ័យ៣៧ឆ្នាំដែលជាអតីតប្រធានក្រុម Arsenal បានស្ថិតនៅ Oxford កាលពីរាត្រីថ្ងៃពុធ ពេល Man City ប្រកួត Carabao Cup វគ្គ៨ក្រុមចុងក្រោយ ប៉ុន្តែគេជឿជាក់ថា Arsenal នឹងអាចតែងតាំងលោកនៅក្នុងសប្ដាហ៍នេះ។ យ៉ាងណាក្ដី Man City ត្រូវបានរាយការណ៍ថាមិនសប្បាយចិត្តចំពោះរបៀបធ្វើការរបស់ Arsenal ស្របពេលតម្លៃសំណងដែលមានតួលេខ៧ខ្ទង់ នៅមិនទាន់ត្រូវបានឯកភាពជាផ្លូវការនៅឡើយ៕

ប្រព័ន្ធផ្សព្វផ្សាយអង់គ្លេសជាច្រើនបានរាយការណ៍កាលពីថ្ងៃច័ន្ទថា Manchester City នឹងមិនគាំទ្រគោលបំណងរបស់គ្រូបង្វឹកជំនួយលោក Mikel Arteta ទេប្រសិនរូបលោកចង់ផ្លាស់ទៅ ជាអ្នកចាត់ការទូទៅថ្មីរបស់ Arsenal។ ប្រភពដដែលបន្តថាៈ ក្រុមម្ចាស់ជើងឯកក្របខ័ណ្ឌ Premier League មិនសប្បាយចិត្តចំពោះ កង្វះនៃការទំនាក់ទំនងចរចារជាផ្លូវការណ៏ពីការចង់បានអតីតខ្សែបម្រើអន្តរជាតិអេស្បាញ Arteta ដែលបច្ចុប្បន្នជាជំនួយការគ្រូបង្វឹក Pep Guardiola ទៅដឹកនាំអតីតក្រុមរបស់ពួកគេនោះឡើយ។ Arteta ធ្លាប់ត្រូវបានទាក់ទងពីក្លឹប Arsenal ដែលមានមូលដ្ឋាននៅភាគខាងជើងទីក្រុងឡុងដ៍និងអតីតក្លឹប Everton ដែលជាក្លឹបចាស់មួយផ្សេងទៀតរបស់ខ្លួនផងដែរ។ បរាជ័យ ៣ទល់និង០ ជាមួយ Man.City បានធ្វើឱ្យ Arsenal កាន់តែឃ្លាតឆ្ងាយពីក្រុមកំពូលទាំង៤ និងកំពុងឈរនៅចំណាត់ថ្នាក់លេខ៩ មានន័យថាគ្រូបង្វឹកបណ្តោះអាសន្នលោក Freddie Ljungberg ដឹកនាំក្រុម ឈ្នះត្រឹមតែ ១ប្រកួតក្នុងចំណោម ៤ប្រកួតរបស់គាត់ចាប់ តាំងពីអតីតខ្សែបម្រើរបស់ក្រុមកាំភ្លើងធំរូបនេះត្រូវបានតែងតាំងជាគ្រូបង្វឹកបណ្តោះអាសន្នក្រោយពីក្លឹបបញ្ចប់តួនាទីលោក Unai Emery កាលពីខែមុន។

​ក្រុម​កាំភ្លើង​ធំ Arsenal ​កំពុង​ត្រៀម​តែងតាំង​លោក Mikel Arteta ​ឱ្យ​ធ្វើ​ជា​អ្នក​ចាត់ការ​ក្រុម​ឱ្យ​បាន​លឿន​បំផុត ​ដើម្បី​ស្រោចស្រង់​ក្លឹប​ឡើង​វិញ។ ថ្នាក់​ដឹក​នាំ​របស់​ក្រុម​កាំភ្លើង​ធំ ​បាន​ជួប​ជាមួយ​អតីត​កីឡាករ​របស់​ខ្លួន​ខាង​លើ​រួច​ហើយ។ ស្រប​ពេល​នៅ​ក្លឹប Manchester City ​វិញ ​លោក Pep ​ក៏​មិន​ហាម​ឃាត់​ប្រសិន​បើ Arteta ​ពិត​ជា​ចង់​ចាកចេញ​ដើម្បី​កសាង​ការងារ​ថ្មី​ផង​ដែរ។ ប្រសិន​បើ​មិន​មាន​អ្វី​ប្រែប្រួល​ទេ ​ក្រុម​កាំភ្លើង​ធំ​នឹង​ធ្វើ​ការ​ប្រកាស​តែងតាំង​ក្នុង​ពេល​ឆាប់​ៗ​ខាង​មុខ​នេះ ដើម្បី​ឱ្យ​ទាន់​ពេល​ប្រកួត​ដ៏​មមាញឹក​នៅ Boxing Day ។ Arteta ​បាន​ចាប់​អាជីព​ជា​គ្រូ​ជំនួយ​ជាមួយ​លោក Pep ​ហើយ​ទទួល​បាន​ការ​សរសើរ​ជា​ច្រើន។ បច្ចុប្បន្ន​នេះ ​រូបគេ​បាន​ក្លាយ​ជា​ដៃ​ស្ដាំ​របស់ Pep ​ទៅ​ហើយ ​ក្នុង​ការ​ដឹក​នាំ​ក្រុម Man City ​ឱ្យ​ជោគជ័យ​និង​ឈ្នះ​ពាន​រង្វាន់​ជា​ច្រើន​កន្លង​មក៕

តាម​ព័ត៌មាន​ថា ក្លឹប Man City នឹង​អនុញ្ញាតឲ្យ​លោក Mikel Arteta ចាកចេញ​ពី​ក្លឹប​នេះ ប្រសិនបើ​ក្លឹប Arsenal ទាក់ទង​លោក ដើម្បី​ទទួល​តំណែង​ជា​គ្រូបង្វឹក​។ជំនួយ​ការ​វ័យ​៣៧​ឆ្នាំ​រូបនេះ​ធ្លាប់ជា​ប្រធាន​ក្រុម​របស់​ក្លឹប Arsenal អំឡុង​ចំណាយ​ពេល​៥​ឆ្នាំ​ពីឆ្នាំ​២០១១​ដល់ឆ្នាំ​២០១៦។ អតីត​ខ្សែ​បម្រើក្រុមកាំភ្លើងធំ​រូបនេះ​បាន​ធ្វើ​ការងារ​ជា​ជំនួយ​ការ​របស់​លោក Pep Guardiola ចាប់តាំងពី​ចូល​និវត្តពីវិស័យបាល់ទាត់​ បន្ទាប់ពីចប់កុងត្រា​ជាមួយ​ក្លឹប Arsenal ។ លោក Mikel ត្រូវ​បានភ្ជាប់ទៅនឹង​កិច្ច​ព្រមព្រៀង​សម្រាប់តំណែង​គ្រូបង្វឹក​នៅពហុកីឡាដ្ឋាន Emirates កាលពីអតីត​កាល​ ប៉ុន្តែ​ឱកាស​នេះបានធ្លាក់ទៅលើ​លោក Unai Emery ដែល​បាន​តែង​តាំង​កាលពីរដូវកាល​មុន។ នៅពេលនេះ លោក Emery ស្ថិតនៅក្រោម​សម្ពាធ​ បន្ទាប់ពី​ធ្វើ​មិនបាន​ល្អ​ ស្របពេលលោក Mikel​ ស្ថិសតនៅក្នុងចំណោម​បេក្ខភាព​ដែល​ត្រូវ​ជំនួស​ប្រសិន​បើលោក Emery ​ត្រូវ​បានបណ្តេញចេញពីតំណែង​នេះមែន។ ក្លឹបស៊ីធីនឹង​មិន​ជំទាស់​នឹងការ​ចាកចេញ​របស់​លោក Mikel ទេ​ ប្រសិនបើ​ក្លឹប​ Arsenal ចង់​បាន ស្របពេល​គ្រូបង្វឹក​សញ្ជាតិ​អេស្ប៉ាញ​រូប​នេះ​ត្រៀម​នឹង​ចាកចេញ​ពី​តំណែង​ជំនួយ​ការ​នេះនាពេលអនាគត៕