Tag: Mino Raiola

កំពូល​ភ្នាក់ងារ​បាល់ទាត់​ដ៏​ល្បី Mino Raiola បាន​ចេញ​មក​បដិសេធ​ចំពោះ​ព័ត៌មាន​​ចុះ​ផ្សារ​ថា​ លោក​បាន​ស្លាប់​ដោយ​សារ​តែ​ជំងឺ​កាល​ពី​យប់​មិញ។ សារព័ត៌មាន​ប្រទេស​អ៊ីតាលី​​បាន​ចុះ​ផ្សាយ​ខុស​ថា Raiola វ័យ​៥៤​ឆ្នាំ​បាន​ស្លាប់​ បន្ទាប់​មក​​រឿងរ៉ាវ​នេះ​ត្រូវ​បាន​កាសែត​ជុំវិញ​ពិភពលោក​បាន​ចុះ​ផ្សាយ​បន្ត។ សូម្បី​តែ​ក្លឹប Real Madrid ក៏​បាន​ផ្ញើ​សារ​ចូលរួម​រំលែកទុក្ខ​ផង​ដែរ ក្រោយ​ព័ត៌មាន​ក្លែងក្លាយ​​នេះ​​បាន​ផ្ទុះ​ឡើង។ យ៉ាងណាមិញ Raiola សាមី​ខ្លួន​បាន​​ចេញ​សារ​បដិសេធ​​ព័ត៌មាន​​ខាង​លើ​ពី​​លើ​គ្រែ​នៅ​មន្ទីរពេទ្យ។ តាម​ការ​ឲ្យ​ដឹង Raiola មាន​​បញ្ហា​ជំងឺ​​សួត កំពុង​សម្រាក​នៅ​មន្ទីរពេទ្យ។ សូម្បី​តែ​គ្រួសារ​និង​មិត្តភ័ក្ដិ​របស់ Raiola ក៏​បាន​ចេញ​មក​បដិសេធ​​អំពី​ដំណឹង​ស្លាប់​នេះ​ដែរ។ Raiola ជា​ភ្នាក់ងារ​របស់​កីឡាករ​ល្បី​ៗ​ជា​ច្រើន​ដូច​ជា​ Zlatan Ibrahimovic, Paul Pogba, Erling Haaland, Marco Verratti, Moise Kean, Henrikh Mkhitaryan, Gianluigi Donnarumma, Mario Balotelli និង​កំពូល​កីឡាករ​ជា​ច្រើន​រូប​ទៀត​៕

លោក​ Mino Raiola កំពូល​ភ្នាក់ងារ​កីឡាករ​ប្រចាំ​បាល់ទាត់​អឺរ៉ុប​ដ៏​មាន​ឥទ្ធិពល​មួយ​រូប​ បាន​បាត់​បង់​ជីវិត​នៅ​វ័យ​៥៤ឆ្នាំ​ ដោយ​សារ​តែ​បញ្ហា​សុខភាព​។ នេះ​បើ​យោង​ Mirror ។ លោក​ជា​ភ្នាក់ងារ​កីឡាករ​បស់​ Zlatan Ibrahimovic, Paul Pogba, Erling Haaland, Marco Verratti, Moise Kean, Henrikh Mkhitaryan, Gianluigi Donnarumma, Mario Balotelli និង​កំពូល​កីឡាករ​ជា​ច្រើន​រូប​ទៀត​។ បើ​តាម​សារព័ត៌មាន​ជា​ច្រើន​នៅ​ប្រទេស​អ៊ីតាលី​គឺ​លោក​បាន​ស្លាប់​ដោយ​សារ​តែ​ជំងឺ​សួត​ ដោយ​លោក​ធ្លាប់​ចូល​បន្ទប់​វះកាត់​ព្យាបាល​ម្ដង​រួច​មក​ហើយ​កាល​ពី​ខែ​មករា​ ឆ្នាំ​២០២២​ ប៉ុន្តែ​ព័ត៌មាន​មួយ​នេះ​មិន​បាន​ទម្លាយ​នៅ​ពេល​នោះ​ឡើយ​។ គួរ​បញ្ជាក់​ផង​ដែរ​ថា​ លោក​ Mino Raiola ចាប់​ផ្ដើម​អាជីព​ជា​ភ្នាក់ងារ​កីឡាករ​នេះ​ចាប់​តាំង​ពី​ឆ្នាំ​១៩៩៣រហូត​មក​ ដោយ​លោក​មាន​ភាព​ជោគជ័យ​នៅ​ក្នុង​អាជីព​នេះ​ខ្លាំង​ និង​មាន​មជ្ឈដ្ឋាន​បាល់ទាត់​ទទួល​ស្គាល់​៕

ខ្សែបម្រើ Xavi Simons របស់ Paris Saint-Germain ត្រូវបានក្លឹបយក្សនៅអេស្ប៉ាញគឺ Barcelona ចាប់អារម្មណ៍ក្នងការនាំយកមកចូលរួមជាមួយក្រុម។ យោងតាមគេហទំព័រ Cadena SER បានឲ្យដឹងថា Barcelona មានបំណងក្នុងការនាំយកកីឡាករវ័យ 18 ឆ្នាំរូបនេះមកក្លឹបវិញ។ បញ្ចប់ការវឹកហាត់ជាមួយក្រុម La Masia ខ្សែបម្រើសញ្ជាតិហូឡង់រូបនេះបានផ្លាស់ទៅទីក្រុងប៉ារីសវិញក្នុងឆ្នាំ 2019 បច្ចុប្បន្នជាផ្នែកសំខាន់មួយនៃក្រុម PSG អាយុក្រោម 19 ឆ្នាំ។ ភ្នាក់ងាររបស់កីឡាករសញ្ជាតិហូឡង់លោក Mino Raiola ត្រូវបានគេរាយការណ៍ថាបានពិភាក្សាអំពីការផ្ទេរ Xavi Simons ជាមួយប្រធានក្លឹបអ្នកមានបុណ្យ Barcelona លោក Joan Laporta ខណៈដែលកិច្ចសន្យារបស់ Xavi Simons ជាមួយក្លឹបបារាំងនឹងផុតកំណត់នៅរដូវក្តៅឆ្នាំ 2022 ហើយក៏ជាឱកាសសម្រាប់ក្លឹបកាតាឡានក្នុងការចុះហត្ថលេខាលើ Simons ដោយឥតគិតថ្លៃផងដែរ។ Xavi Simons បានស៊ុតបញ្ចូលទីបាន 2 គ្រាប់ និងបញ្ជូនបាល់ឲ្យមិត្តរូមក្រុម 4 ដងបន្ថែមទៀតក្នុងការបង្ហាញខ្លួន 4

ក្លិប Manchester City ដែលកំពុងត្រូវការខ្សែប្រយុទ្ធម្នាក់បានបង្ហាញចំណាប់អារម្មណ៍ក្នុងការចុះហត្ថលេខាជាមួយខ្សែប្រុយុទ្ធឆ្នើមវ័យក្មេង Erling Haaland របស់ក្លិប Borussia Dortmund ។ កាសែត The Times បានអះអាងថាភ្នាក់ងាររបស់កីឡាករសញ្ជាតិន័រវែសលោក Mino Raiola នឹងជួបពិភាក្សាជាមួយភាគីខាងក្លឹប Man City នៅខែមករាខាងមុខនេះជុំវិញការផ្លាស់ប្តូរកីឡាករវ័យ ២១ ឆ្នាំរូបនេះនៅរដូវក្តៅខាងមុខនេះ។ កិច្ចសន្យារបស់ខ្សែប្រយុទ្ធកម្ពស់ខ្ពស់ Haaland ជាមួយក្រុម Borussia Dortmund មានសុពលភាពរហូតដល់ឆ្នាំ ២០២៤ តម្លៃផ្ដាច់កុងត្រា ៧៥ លានអឺរ៉ូនៅឆ្នាំ ២០២២ ។ Haaland រកបាន ៦៨ គ្រាប់ក្នុង ៦៨ ប្រកួតគ្រប់ការប្រកួតទាំងអស់សម្រាប់ក្លឹបចាប់តាំងពីចូលរួមជាមួយ Dortmund នៅឆ្នាំ ២០២០ ៕

លោក Mino Raiola ភ្នាក់ងាររបស់កីឡាករ Zlatan Ibrahimovic បានឲ្យដឹងថាខ្សែប្រយុទ្ធក្រុម AC Milan រូបនេះ ចង់ក្លាយជាអ្នកគ្រប់គ្រងក្លិប បន្ទាប់ពីចូលនិវត្ដន៍ពីអាជីពបាល់ទាត់។ លោក Raiola បានក្លាយជាភ្នាក់ងាររបស់ Zlatan មួយរយៈមកហើយ និងបានដឹងពីបំណងដែលកីឡាករសញ្ជាតិស៊ុយអ៊ែត វ័យ៣៩ឆ្នាំរូបនេះចង់ធ្វើនៅថ្ងៃអានាគតផងដែរ។ ទោះជាយ៉ាងណា លោកបញ្ជាក់ថា កីឡាកររូបនេះនៅតែបន្ដអាជីពជាកីឡាករដដែល រហូតដល់ថ្ងៃណាមួយគាត់លែងជាកីឡាករសំខាន់សម្រាប់ក្រុម ដែលគាត់លេង។ លោក Raiola បាននិយាយថា៖ យើងនឹងឃើញអ្វីដែល Zlatan ចង់ធ្វើនៅខែមិថុនា។ គាត់តែងតែសម្រេចចិត្ដពីមួយឆ្នាំទៅមួយឆ្នាំ ដោយគ្មានការសម្រេចចិត្ដបែបបន្ទាន់ណាឡើយ។ ប្រាកដណាស់ នៅថ្ងៃដែលគាត់គិតថាខ្លួនគាត់លែងជាកីឡាករសំខាន់សម្រាប់ក្លិប គាត់នឹងចូលនិវត្ដន៍ ហើយចាប់ផ្ដើមទំព័រជីវិតថ្មី ជាអ្នកគ្រប់គ្រងក្លិប៕

Manchester United កំពុង​ស្ថិត​ក្រោម​សម្ពាធ​​ក្នុង​ការ​លក់ Paul Pogba ក្នុង​រដូវ​ក្ដៅ​​នេះ ក្រោយ​ក្លឹប​យក្ស​នៅ​បារាំង Paris Saint-Germain ដាក់​ការ​ចាប់​អារម្មណ៍​ខ្សែ​បម្រើ​រូប​នេះ​យ៉ាង​ខ្លាំង។ រឿង​ត្រូវ​បាន​គេ​ដឹង​ថា ភ្នាក់ងារ​របស់ Pogba លោក Mino Raiola កំពុង​ពិភាក្សា​លក្ខខណ្ឌ​ផ្ទាល់​ខ្លួន​ជាមួយ PSG។ សម្រាប់​បច្ចុប្បន្ន​ PSG អាច​នឹង​នាំ​យក​កីឡាករ​វ័យ​២៨​ឆ្នាំ​ទៅ​កាន់​ប្រទេស​បារាំង​​ក្នុង​តម្លៃ​ខ្លួន​ត្រឹម​តែ​​៤៣​លាន​ផោន​ប៉ុណ្ណោះ តិច​ជាង​ពាក់​កណ្ដាល​កាល Pogba ផ្ទេរ​មក​ United កាល​ឆ្នាំ​២០១៦។ Pogba នៅ​សល់មួយ​ឆ្នាំ​​ទៀត​លើ​កិច្ចសន្យា​ទទួល​បាន​២៩​ម៉ឺន​ផោន​ក្នុង​មួយ​សប្ដាហ៍​ ហើយ​​ដូច​គ្មាន​តម្រុយ​​ថា​គេ​ចាប់​អារម្មណ៍​ក្នុង​ការ​ចុះ​កុងត្រា​ថ្មី​នោះ​ទេ​ជាមួយ United។ ប្រសិន​បើ​​បិសាច​ក្រហម​ទុក​អតីត​កីឡាករ​ Juventus រូប​នេះ​រហូត​ដល់​អស់​កុងត្រា​ គេ​នឹង​ដើរ​ចេញ​ពី Old Trafford ដោយ​គ្មាន​តម្លៃ​ខ្លួន​នៅ​​រដូវ​ក្ដៅ​ក្រោយ៕

ក្រុមយក្សអ៊ីតាលី Juventus និងក្រុម AC Milan កំពុងតែពិចារណារឿងផ្លាស់ប្តូរកីឡាករ ។  ខ្សែបម្រើ Federico Bernardeschi អាចក្លាយជាកីឡាករ ដែលមានមូលដ្ធាននៅឯទីក្រុម Milan  ខណៈដែលខ្សែការពារ Alessio Romagnoli អាចបន្តអាជីពរបស់គាត់ជាមួយក្រុមយក្ស Juventus ។ អ្នកតំណាងក្លឹបមានបំណងរៀបចំការប្រជុំដើម្បីពិភាក្សាពីលទ្ធភាពនៃការផ្លាស់ប្តូរកីឡាករទាំងពីរ ។ លោក Mino Raiola តំណាងកីឡាករនឹងចូលរួមនៅក្នុងកិច្ចពិភាក្សានេះ ។  

ប្រធានក្លឹប Barcelona លោក Joan Laporta មិនត្រឹមតែពិភាក្សាពីការផ្ទេរខ្សែប្រយុទ្ធ Erling Haaland ពី Borussia Dortmund ក្នុងពេលជួបជាមួយភ្នាក់ងារ Mino Raiola ប៉ុណ្ណោះទេ។ យោងតាមទូរទស្សន៍ El Chiringuito បានអោយដឹងថា Laporta និង Raiola បានពិភាក្សាអំពីការផ្លាស់ប្តូរដែលអាចធ្វើបានរបស់ខ្សែការពារ Matteus de Ligt របស់ក្រុម Juventus មកកាន់ក្លឹបកាតាឡាន។ ខ្សែការពារកណ្តាលវ័យ ២១ ឆ្នាំរូបនេះលេងបាន ១៦ ប្រកួតនៅ Serie A រដូវកាលនេះហើយមិនបានផ្តល់លទ្ធផលអ្វីឡើយ។ De Ligt ស្ថិតក្នុងរដូវកាលទី ២ របស់គាត់នៅក្លឹប Juventus ដោយធ្លាប់លេងឱ្យក្រុម Ajax ។

លោក Mino Raiola ដែល​ជា​ភ្នាក់​ងារ​តំណាង​ឲ្យ​ Paul Pogba បាន​បង្ហើប​ប្រាប់​​ថា តារាឆ្នើម​របស់​ក្លិប Manchester United រូបនេះ អាច​​នឹង​ចាក​ចេញពី​កីឡដ្ឋាន Old Trafford ប្រសិន​បើ​រូប​គេមិន​​មានភាព​រីក​រាយ​នៅ​ចុង​រដូវកាល​នេះ។ Pogba បាន​បង្ហាញខ្លួន​ត្រឹម​តែ​៨​លើក​គត់​សម្រាប់ Man United អំឡុង​ពេល​យុទ្ធនាការ​បច្ចុប្បន្ននេះ ក្រោយពី​ត្រូវ​ជម្នះ​លើ​បញ្ហា​របួស​កជើង ហើយ​ពាក្យ​ច​រ​ចាម​អា​រ៉ាម​ផ្សេង​ៗ​​កំពុង​តែ​កើត​មាន​ជុំ​វិញអនា​គត​របស់ខ្សែ​បម្រើ​អន្តរ​ជាតិ​បារាំង​រូបនេះ ក្នុង​ពេល​រូបគេ​អវត្តមាន​។ Pogba ទើប​តែ​បាន​វិល​ចូល​​លេង​វិញ​តាម​រយៈការ​លេង​ជាកីឡាករ​បម្រុង​២លើក​ក្នុង​ពេល​ប្រកួត​ជា​មួយនឹងក្រុម Watford និង Newcastle កាលពី​ខែធ្នូ ប៉ុន្តែ បាន​ជួប​បញ្ហា​ជង្គង់​ជា​ថ្មី ស្រប​ពេល​ដែលមាន​ពាក្យ​ចរ​ចាម​អា​រ៉ាម​ថា រូប​គេ​ចង់​ចាក​ចេញពីក្លិប Man United​។ លោក Raiola បាន​បន្ថែម​ពាក្យ​ស្រពេច​ស្រពិល​ផ្សេង​ៗ​ទៅលើ​អនា​គត​របស់ Pogba កាលពីថ្ងៃពុធ នៅពេល​ដែល​រូប​គេ​បាន​និយាយ​ថា អតិថិ​ជន​របស់​ខ្លួន មិន​ត្រូវ​បាន​ធា​នា​ថា នឹង​នៅ​តែ​បន្ត​លេង​ឲ្យ​ក្រុម​ធ្លាក់​ទម្រង់​របស់​លោក Ole Gunnar Solskjaer ឡើយ ប្រសិន​បើ​រូបគេ​មិន​សប្បាយ​ចិត្ត​។ លោក Raiola បាន​ប្រាប់​បណ្តាញ​សារ​ព័ត៌​មាន Sky Sports News

តម្លៃ 89លាន​ផោនរបស់ Pogba ​ ផ្លាស់ទៅ Man Utd គឺជាតម្លៃថោកបំផុតខណៈ​តម្លៃ​ខ្លួន​ពិតប្រាកដនោះ គឺ 200លានផោនឯណោះ

ភ្នាក់ងាររបស់កីឡាករ Mario Balotelli លោក Mino Raiola កំពុងជំរុញឱ្យមេដឹកនាំក្របខ័ណ្ឌ Serie A ចុះហត្ថលេខាលើកីឡាកររបស់គាត់

តីតខ្សែប្រយុទ្ធរបស់ក្រុម Man City និង Liverpool រូបនេះ នឹងអាច​ចាកចេញ​ពី​ក្របខ័ណ្ឌ Ligue 1 ទៅ​ Premier League ឬ​ Serie A វិញ