Tag: Nicolas Pepe

ខ្សែបម្រើកណ្តាល Joseph Willock  របស់ក្រុមសារិកាព្រៃ Newcastle បានក្លាយជាកីឡាករល្អបំផុតប្រចាំ ខែឧសភាបន្ទាប់ពីបានរកគ្រាប់បាល់បាន ៤ គ្រាប់ក្នុង ៤ ប្រកួត។ កីឡាករ Willock ដែលបានខ្ចីជើងពីក្រុមកាំភ្លើងធំ Arsenal បានផ្តួលអ្នកចាំទី Alisson និងខ្សែប្រយុទ្ធ Sadio Mane របស់ក្រុមហង្សក្រហម Liverpool ក៏ដូចជាកីឡាករ Christian Benteke, Gareth Bale, Nicolas Pepe, Aaron Ramsdale និង Rodrigo ដើម្បីក្លាយជាកីឡាករល្អបំផុតប្រចាំ Premier League។ ខ្សែបម្រើសញ្ជាតិអង់គ្លេសរូបនេះបានចូលរួមជាមួយក្លិប Newcastle ក្នុងលក្ខខណ្ឌខ្ចីជើងមួយរដូវកាលកាលពីខែកុម្ភៈគឺជាផ្នែកសំខាន់មួយនៃការប្រកួតរបស់ក្រុមសារិកាព្រៃ Newcastle ដើម្បីរក្សាខ្លួនបន្តក្នុងក្របខ័ណ្ឌ Premier League របស់ពួកគេដោយរកបាន ៧ គ្រាប់ក្នុង ៧ ប្រកួតដើម្បីជំរុញពួកគេចេញពីបាតតារាងទាំង ៣ និងឈរនៅចំណាត់ថ្នាក់លេខ ១២ ។

ក្លិប Arsenal បានចុះហត្ថលេខាជាផ្លូវការនាំយកខ្សែប្រយុទ្ធសញ្ជាតិកូតឌីវ័រ Nicolas Pepe ពីក្លិបនៅបារាំង Lille ជាមួយតម្លៃខ្លួនបំបែកឯតទគ្គកម្មក្លិប ៧២លានផោន

ក្រុម Arsenal ​នឹង​បង់​រំលោះ ​កីឡាករ Nicolas Pepe ​ពី​ក្រុម Lille ​រយៈ​ពេល​៥​ឆ្នាំ ​ក្រោយ​ពី​ការ​ផ្ទេរ​របស់​គេ​កាន់​តែ​កៀក​មែនទែន​ហើយ​ក្នុង​តម្លៃ​៧២​លាន​ផោន។ កាំភ្លើង​ធំ​ចង់​បាន​ខ្សែ​ប្រយុទ្ធ​រូប​នេះ​ខ្លាំង ប៉ុន្តែ​ពួកគេ​មិន​អាច​មាន​លុយ​ច្រើន​សម្រាប់​ចំណាយ​ដល់​ទៅ​៧២​លាន​ផោន​នោះ​ទេ​ក្នុង​១​រដូវ​កាល។ ដូច្នេះ​ហើយ​ការ​ទិញ Pepe ​នេះ គឺ​ក្រុម Arsenal ​ប្រើ​យុទ្ធសាស្ត្រ​បង់​រំលោះ​៥​ឆ្នាំ ​ដោយ​ការ​ចុះ​កុងត្រា​ដំបូង​នឹង​បង់​ឱ្យ​២០​លាន​ផោន ​ហើយ​រយៈ​ពេល​៥​ឆ្នាំ​ទៅ​មុខ ​នឹង​បង់​បន្ដ​បន្ទាប់​ចំពោះ​លុយ​នៅ​សល់​៥២​លាន​ផោន​ទៀត​នោះ។ ខ្សែ​ប្រយុទ្ធ​ស្លាប​ខាង​លើ​ត្រូវ​បាន​គេ​ដឹង​ថា​នឹង​មក​ពិនិត្យ​សុខភាព​ជាមួយ​ក្រុម Arsenal ​នៅ​ចុង​សប្ដាហ៍​នេះ ​ក្រោយ​ពី​ការ​ចរចា​គ្នា​រវាង​ក្លឹប​និង​ក្លឹប​បាន​ជោគជ័យ​ទៅ​ហើយ។ កីឡាករ​វ័យ​២៤​ឆ្នាំ​នេះ ​ជា Top Scorers ​លេខ​២​នៅ​លីគ​បារាំង​កាល​ពី​រដូវ​កាល​មុន ដោយ​រក​បាន​២២​គ្រាប់ និង​បញ្ជូន​បាល់​ឱ្យ​មិត្ត​រួម​ក្រុម​បាន​១១​គ្រាប់៕

ក្លិបកាំភ្លើងធំ Arsenal បានព្រមព្រៀងជាមួយក្លិបបារាំង Lille ដើម្បីទិញខ្សែប្រយុទ្ធស្លាបកូឌីវ័រ Nicolas Pepe ក្នុងតម្លៃ៨០លានអឺរ៉ូ (៧២លានផោន)។ Arsenal នឹងបង់តម្លៃផ្ទេរក្នុងលក្ខណៈរំលស់ជាដំណាក់កាលស្របតាមកញ្ចប់លុយដែលមានតិចតួចជាក់ស្ដែងក្នុងរដូវក្ដៅនេះ។ Napoli ក៏បានដាក់សំណើស្មើថ្លៃចង់បានរបស់ Lille ដែរ តែសាមីកីឡាករបដិសេធ។ Pepe វ័យ២៤ឆ្នាំ រកបាន២៣គ្រាប់សម្រាប់ Lille រដូវកាលមុន។ គេមានល្បឿនលឿននិងបច្ចេកទេសខ្ពស់ត្រូវតាមការចង់បានរបស់លោក Unai Emery៕