Tag: Olympique Lyonnais

Memphis Depay ដែលជាកីឡាករថ្មីរបស់ក្រុម Barcelona ត្រូវបានគេឲ្យដឹងថាបានយល់ព្រមលើការកាត់ប្រាក់ឈ្នួល ៣០ ភាគរយនៅមុនរដូវកាល La Liga 2021/22 ចាប់ផ្ដើម ។ បន្ទាប់ពីផុតកុងត្រាពីក្រុម Olympique Lyonnais ខ្សែប្រយុទ្ធសញ្ជាតិហូឡង់រូបនេះបានចុះកិច្ចសន្យារយៈពេល ២ ឆ្នាំជាមួយនឹងក្រុមអ្នកមានបុណ្យ Barcelona ដោយបានជួបជុំគ្នាជាមួយអតីតគ្រូបង្វឹកលោក Ronald Koeman ។ ទោះជាយ៉ាងណាក៏ដោយមហិច្ឆតានៃការផ្ទេររបស់ Koeman ត្រូវបានគេចោទសួរនៅក្នុងប៉ុន្មានថ្ងៃថ្មីៗនេះដោយក្លិបបានបញ្ជាក់ថាមិនមានកីឡាករថ្មីណាមួយនឹងត្រូវបានចុះកិច្ចសន្យាបន្តទៀតទេដោយសារតែក្លឹបកំពុងជួបវិបត្តិហិរញ្ញវត្ថុ។ រចនាសម្ពន្ធ័ប្រាក់ឈ្នួលបច្ចុប្បន្នរបស់ក្លឹប Barcelona គឺលើស ២០០ លានផោនហើយដូច្នេះលោក Koeman នឹងត្រូវកាត់បន្ថយប្រាក់ខែរបស់គាត់និងត្រូវលក់កីឡាករដែលមិនមានក្នុងគម្រោងរបស់លោកចេញ។ យោងតាមគេហទំព័រ Goal.com បាន ឲ្យដឹងថា Depay បាននាំមុខគេក្នុងការកាត់បន្ថយប្រាក់ឈ្នួលភ្លាមៗដោយធ្លាក់ចុះពី ៧ លានផោនទៅ ៥ លានផោនក្នុងមួយឆ្នាំ។

កីឡាករ​ Memphis Depay ខ្សែ​ប្រយុទ្ធ​ក្លឹប​ Olympique Lyonnais បាន​និយាយ​កាល​ពី​ពេល​ថ្មីៗ​នេះ​ថា​ នៅ​ក្នុង​ពេល​នេះ​មិន​មែន​មាន​តែ​ក្លឹប​ Barcelona មួយ​ទេ​ ដែល​ចង់​បាន​គេ​​សម្រាប់​រដូវកាល​ខាងមុខ។ Depay បាន​និយាយថា​៖” Barca បាន​ចាប់​អារម្មណ៍​ចង់​បាន​ខ្ញុំ​សម្រាប់​រដូវកាល​ខាង​មុខ​ តែ​ខ្ញុំ​ចង់​ប្រាប់​ថា​ មិន​មែន​តែ​ក្លឹប​មួយ​នេះ​ទេ​ដែល​ចង់​បាន​ខ្ញុំ​។ គ្រាន់​តែ​នៅ​ខណៈ​នេះ​ ខ្ញុំ​មិន​ទាន់​បាន​ឆ្លើយ​តប​អី​ទាំង​អស់​​​ទៅ​ពួក​គេ​វិញ​ទេ​ “។ កីឡាករ​នេះ​បន្ត​ថា​៖” នៅ​ក្នុង​ពេល​នេះ​ផ្ទាល់​ខ្ញុំ​ចង់​ផ្ដោត​លើ​ប្រកួត​ Euro សិន​។ ចំពោះ​អនាគត​ខ្ញុំ​នៅ​ពេល​ខាង​មុខ​នេះ​ ខ្ញុំ​ត្រូវ​ការ​ពេល​គិត​សិន​។ យ៉ាង​ណា​ខ្ញុំ​ចង់​​បញ្ចប់​កុងត្រា​នឹង​ Lyon នេះ​ព្រោះ​​ខ្ញុំ​ទទួល​បាន​សេរីភាព​ និង​អាជីព​បាល់ទាត់​នេះ​ហើយ​ “។ Depay បាន​មក​លេង​ឲ្យ​ Lyon តាំង​ពី​ឆ្នាំ​២០១៧​មក ដោយ​ចូល​រួម​លេង​បាន​ ១៧៦​ប្រកួត​ និង​រក​គ្រាប់​បាល់​បាន​ ៧៥​គ្រាប់​៕