Tag: Pablo Longoria
Football News
ផ្ទុះអំពើហិង្សាផ្អើល Ligue 1 ក្រោយអ្នកគាំទ្រគប់ Payet ត្រូវមួយដបចំក្បាល
ខ្សែបម្រើប្រយុទ្ធ Dimitri Payet ត្រូវបានអ្នកគាំទ្រគប់មួយដបចំក្បាល់ មុនពេលផ្ទុះអំពើហិង្សាក្នុងទីលាន ដែលធ្វើឲ្យជំនួបរវាង Nice និង Marseille ត្រូវបោះបង់ចោល។ រឿងហេតុកើតឡើងពេលដែល Payet ត្រៀមនឹងទាត់បាល់ជ្រុង ស្រាប់តែអ្នកគាំទ្ររបស់ក្រុមម្ចាស់ផ្ទះ Nice បានគប់គេមួយដបចំក្បាល។ ក្រោយមកដោយសារខឹងសម្បារ Payet ក៏បានគប់ដបសងវិញ ជាហេតុនាំឲ្យអ្នកគាំទ្ររបស់ Nice មិនសប្បាយចិត្តកញ្ចោលរត់ចូលទីលាន។ ក្រោយពន្យាប្រកួតអស់ជាច្រើននាទី កីឡាកររបស់ Nice ចង់លេងដើម្បីបញ្ចប់ការប្រកួត តែកីឡាកររបស់ Marseille បានបដិសេធ។ ដូច្នេះការប្រកួតនេះត្រូវបោះបង់ចោល ក្នុងលទ្ធផល Nice កំពុងនាំមុខ ១-០។ តាមការបញ្ជាក់ពីប្រធានក្លឹប Marseille លោក Pablo Longoria ថា កីឡាកររបស់លោកមួយចំនួនបានទទួលរងរបួស។ ហើយក៏មិនបន្តលេង គឺដើម្បីរក្សាសុវត្ថិភាពកីឡាកររបស់ Marseille ទាំងអស់៕
23 Aug 2021
159 views
