Tag: Paris St Germain

ក្លឹប Paris St-Germain នឹង​​ត្រូវ​ស្វាគមន៍ Real Madrid នៅ​រាត្រី​នេះ​សម្រាប់​ការ​ប្រកួត​ជើង​ទី​មួយ​វគ្គ​១៦​ក្រុម​ចុងក្រោយ​ពាន​រង្វាន់​ Champions League។ នេះ​ជា​ការ​ប្រកួត​ដ៏​ធំ​ដែល​អ្នក​គាំទ្រ​ក្រុម​ទាំង​ពីរ​កំពុង​រង​ចាំ​ទស្សនា។ PSG បច្ចុប្បន្ន​​ជា​ក្រុម​កំពុង​​ឈរ​នៅ​កំពូល​តារាង Ligue 1 ខណៈ Real Madrid ក៏​កំពុង​​ស្ថិត​នៅ​លេខ​​មួយ​ដូច​គ្នា​​ក្នុង​ក្របខណ្ឌ La Liga។ មុន​ការ​ប្រកួត​មក​ដល់​ខ្សែ​ការពារ Marquinhos បាន​បង្ហាញ​ជំហរ​​​និង​តាំង​ចិត្ត​រួចរាល់​​ក្នុង​ការ​ជួប Real Madrid។ “វា​គឺ​ជា​ការ​ប្រកួត​សំខាន់ ពួក​យើង​លេង​នៅ​ក្នុង​​ផ្ទះ ហើយ​​​នឹង​ព្យាយាម ជា​ពិសេស​​រក​គ្រាប់​បាល់​ដើម្បី​ឈ្នះ”។ សម្ដី Marquinhos។ សម្រាប់ Karim Benzema ក៏​បាន​និយាយ​ខ្លះ​ដែរ​អំពី​ការ​ប្រឈម​មុខ​ជាមួយ Lionel Messi, Neymar និង Mbappe។ កីឡាករ​សញ្ជាតិ​បារាំង​បាន​លើក​ឡើង​ថា លេង​ជាមួយ Mbappe នឹង​មាន​​រឿង​ក្ដី​រំភើប។ ចំពោះ Messi គឺ​ជា​កីឡាករ​អស្ចារ្យ ហើយ​​ធ្លាប់​លេង​ជាមួយ​គ្នា​ច្រើន​ដង​មក​ហើយ​ ខណៈ Neymar ជា​កីឡាករ​កំពូល៕

ក្លឹប​តោ​ខៀវ Chelsea បាន​បន្ថែម​កុងត្រា​ថ្មី​ឲ្យ​ខ្សែ​ការពារ Thiago Silva មួយ​ឆ្នាំ​ទៀត ពោល​រហូត​ដល់​បញ្ចប់​រដូវ​កាល​២០២២-២៣។ កីឡាករ​វ័យ​៣៧​ឆ្នាំ​​សញ្ជាតិ​ប្រេស៊ីល​​បាន​បង្ហាញ​ខ្លួន​២២​ប្រកួត​ហើយ​ឲ្យ Chelsea ក្នុង​រដូវ​កាល​នេះ។ រដូវ​កាល​មុន​ Silva បាន​ជួយ Chelsea យក​ឈ្នះ​ Manchester City លើក​​ពាន Champions League កាល​ពី​ខែ ឧសភា ឆ្នាំ ២០២១។ ទល់​នឹង​ពេល​នេះ​ គេ​រក​បាន​៤​គ្រាប់​ហើយ​​ចាប់​តាំង​ពី​ចូលរួម​ជាមួយ Chelsea ដោយ​គ្មាន​តម្លៃ​ខ្លួន​ពី​ក្លឹប Paris St-Germain កាល​ពី​ខែ សីហា ឆ្នាំ ២០២០។ និយាយ​ប្រាប់​វិបសាយ​​របស់​ក្លឹប អតីត​កីឡាករ​របស់​ក្លឹប AC Milan បាន​​បង្ហាញ​ពី​អារម្មណ៍​ថា គេ​មិន​នឹក​ស្មាន​​អាច​លេង​នៅ Chelsea បាន​៣​ឆ្នាំ​នោះ​ទេ គេ​ពិត​ជា​រីករាយ​ដែល​បាន​លេង​នៅ​រដូវ​កាល​បន្ទាប់​ទៀត៕

ខ្សែ​ការពារ Sergio Ramos ទទួល​បាន​​កាត​ក្រហម ក្នុង​ការ​ប្រកួត Paris St-Germain លេង​ស្មើ​គ្នា​ជាមួយ Lorient ក្នុងលិទ្ធផល ១ ទល់នឹង ១ កាល​ពី​យប់​មិញ។ Ramos ទទួល​បាន​កាត​លឿង​ទី​មួយ​នៅ​នាទី​ទី​៨១ ហើយ​៤​នាទី​បន្ទាប់​គេ​ក៏​ទទួល​បាន​កាត​លឿង​មួយ​ទៀត​ស្មើ​នឹង​កាត​ក្រហម​ត្រូវ​បណ្ដេញ​ចេញ​ពី​​ទីលាន។ នេះ​គឺ​ជា​​កាត​ក្រហម​ដំបូង​សម្រាប់​អតីត​ប្រធាន​ក្រុម Real Madrid ក្រោយ​លេង​ក្នុង​លីគ​បាន​២​ប្រកួត។ ងាក​ទៅ​មើល​គ្រាប់​បាល់​វិញ ក្រុម​​ម្ចាស់​ផ្ទះ Lorient ជា​អ្នក​រក​គ្រាប់​បាន​មុន​ដោយ​កីឡាករ Monconduit នៅ​នាទី​៤០។ ការ​ប្រកួត​ឈាន​ដល់​នាទី​៩០+១​ទៅ​ហើយ ខ្សែ​ប្រយុទ្ធ Mauro Icardi រក​គ្រាប់​គ្រាប់​តាម​ស្មើ​ឲ្យ PSG វិញ ខណៈ​ក្រុម​របស់​ខ្លួន​សល់​តែ​១០​នាក់។ លទ្ធផល​ស្មើ​នេះ PSG នៅ​តែ​បន្ត​ឈរ​លើ​កំពូល​តារាង​ពិន្ទុ Ligue 1 មាន​៤៦​ពិន្ទុ តាម​ពី​ក្រោយ​ពី​ក្រុម Nice មាន​៣៣​ពិន្ទុ ស្មើ​គ្នា​ជាមួយ​ក្រុម​លេខ​៣ Marseille៕

ខ្សែ​ប្រយុទ្ធ​របស់​ក្រុម​អ្នក​មាន​​ Paris St-Germain កីឡាករ Kylian Mbappe ​បាន​យល់​ព្រម និង​​គ្រោង​ចុះ​កុង​ត្រា​ជា​មួយ​​ Real Madrid នៅ​ខែ​មករា​នេះ​ហើយ (pre-contract) ប៉ុន្តែ​​​កុង​ត្រា​ផ្លូវ​ការ​ក្រុម​ស្ដេច​ស នឹង​ធ្វើ​ការ​ប្រកាស​នៅ​ខែ​​កក្កដា ​ឆ្នាំ​២០២២។ កុង​ត្រា​របស់ Kylian Mbappe ​នឹង​ផុត​ជា​មួយ PSG ​នៅ​ខែ​កក្កដា ឆ្នាំ​២០២២​ ​ជា​ពេល​ដែល​​ក្រុម Real Madrid គ្រោង​​​ប្រកាស​ជា​​ផ្លូវ​ការ​​ពី​ការ​យក​បាន​ខ្សែ​ប្រយុទ្ធ​ជម្រើស​ជាតិ​បារាំង​នេះ​​ដូច​គ្នា​។ យ៉ាង​ណា​​យុវជន​វ័យ​២២​ឆ្នាំ​​រូប​នេះ​បាន​ចាប់​អារម្មណ៍​ ចង់​ទៅ​កាន់​ Real Madrid យ៉ាង​ខ្លាំង​តាំង​ពី​ខ្លួន​នៅ​ក្មេង ហើយ​ក៏​នៅ​តែ​បន្ត​រហូត​ដល់​បច្ចុប្បន្ន​។ ​និយាយ​ពី Real គឺ​ពួក​គេ​កំពុង​ព្យាយាម​ពន្យារ​ពេល​ចុះ​កុង​ត្រា​យក​​ Mbappe ​ដោយ​រង់​ចាំ​ឲ្យ​កុង​ត្រា​ផុត​ដើម្បី​អាច​យក​​បាន​ដោយ Free ។ សម្រាប់​ក្រុម​របស់​អេស្ប៉ាញ​បាន​ព្យាយាម​តាម​លួងលោម​ឲ្យ PSG ព្រម​លក់​​ខ្សែ​ប្រយុទ្ធ​ខាង​លើ​ជា​ច្រើន​លើក​ច្រើន​សារ​មក​ហើយ ​ដោយ​ហ៊ាន​ផ្ដល់​តម្លៃ​រហូត​ដល់​២០០​លាន​អឺរ៉ូ​ ប៉ុន្តែ​ត្រូវ​បាន​ក្រុម​អ្នក​មាន​របស់​បារាំង​ច្រាន​​ចោល​។ ​ជាង​នេះ​ទៅ​ទៀត​ក្រុម​ PSG បាន​ព្យាយាម​លួងលោម​ឲ្យ Mbappe បន្ត​កុង​ត្រា​ថ្មី​ ប៉ុន្តែ​ខ្សែ​​​ប្រយុទ្ធ​រូប​នេះ​មិន​ព្រម​​ និង​ចង់​ចាក​ចេញ​ដើម្បី​សម្រេច​​​ក្ដី​ស្រមៃ​​​របស់​ខ្លួន​ បាន​ទៅ​លេង​នៅ Real Madrid ​នៅ​រដូវ​ក្ដៅ​​​ខាង​មុខ​នេះ​។

Paris St-Germain បានបង្កើនគម្លាត ១៥ពិន្ទុដាច់លើកំពូលតារាង Ligue ១ សប្តាហ៏ទី២៣ ជាមួយនឹងជ័យជម្នះយ៉ាងប្រផិតប្រផើយលើក្រុមម្ចាស់ផ្ទះ Nantes កាលពីថ្ងៃទី៥ មករា ២០២០នេះ។ ២គ្រាប់របស់ក្រុមលោក Thomas Tuchel រកបានដោយកីឡាករ Mauro Icardi ប៉ះបាល់បញ្ចូលទីក្រោយការស៊ុតពីខ្សែបម្រើស្លាបនិងជាមិត្តរួមជាតិអាហ្សង់ទីន Di Maria ព្រមទាំងគ្រាប់ទី២រកបានដោយកីឡាករខ្សែការពារអាឡឺម៉ង់ Thilo Kehrer។ ក្រុមភ្ញៀវមិនមានវត្តមាន Neymar មុនពេលកីឡាករក្រុមម្ចាស់ផ្ទះ Moses Simon ធ្វើការវាយបកយកចិត្តអ្នកគាំទ្ រ១គ្រាប់មកវិញមុនបញ្ចប់លទ្ធផល ១ទល់និង២។ យ៉ាងណាស្ថានភាពលេងរបស់ PSG ហាក់មានភាពប្រសើរឡើងវិញក្រោយជួបប្រទះបញ្ហារបួសឆ្អឹងជំនីរបស់ Neymar ក្រោយពេលពិធីខួបកំណើតរបស់ខ្លួនកាលពីថ្ងៃអាទិត្យនិងទំនាក់ទំនងរបស់លោក Tuchel ជាមួយ Mbappe បានប្រសើរឡើងវិញ បន្ទាប់ពីរូបគេ មានការខឹងសម្បារកំលុងពេលផ្តួល Montpellier ៥:0កាលពីសប្តាហ៏មុន។ ម្ចាស់ជើងឯកបារាំង PSG ពេលនេះបានឈ្នះ ១០លើកក្នុងចំណោមការប្រកួតលីក ១១លើកចុងក្រោយបន្ទាប់ពី ចាញ់ Dijon ថ្ងៃទី១ ខែវិច្ឆិកា ២០១៩

ខ្សែប្រយុទ្ធអ៊ុយរុយហ្គាយ Edinson Cavani បានប្រាប់ក្លិប Paris St Germain ថាគេចង់ចាកចេញពីក្លិប បន្ទាប់ពី Atletico Madrid បានចូលមកទាក់ទង។ កីឡាករវ័យ៣២ឆ្នាំរូបនេះបានចូលលេងត្រឹម១៤លើកប៉ុណ្ណោះក្នុងរដូវកាល២០១៩-២០នេះ បន្ទាប់ពីការមកដល់របស់ខ្សែប្រយុទ្ធអាហ្សង់ទីន Mauro Icardi លើកិច្ចសន្យាខ្ចីពី Inter Milan។ លោក Leonardo នាយកកីឡារបស់ PSG បាននិយាយក្រោយពេល PSG ឈ្នះ Lorient ១-០ ក្នុងពាន French Cup ថ្ងៃអាទិត្យកន្លងទៅថា ជារឿងពិតដែលថា Cavani បានសុំចេញពីក្លិបនោះ ហើយរឿងថា Atletico ចូលមកទាក់ទងនោះក៏ជារឿងពិតដែរ។ លោកបន្ថែមថាក្លិបកំពុងសិក្សាពីស្ថានភាព។ សូមរំឭកថា Cavani បានផ្លាស់ពី Napoli មកចូលរួម PSG ក្នុងឆ្នាំ២០១៣ មកទល់ពេលនេះរកបាន១៩៨គ្រាប់សម្រាប់ PSG។លោក Leonardo បន្តថាក្លិបត្រូវតែស្ដាប់សំណើរបស់ Cavani ព្រោះក្លិបមានការគោរពយ៉ាងខ្លាំងចំពោះគេ។ប៉ុន្តែគ្រូបង្វឹក Thomas Tuchel និយាយថាលោកចង់ទុក

Mauro Icardi អតីត​កីឡាករ​របស់​ក្លឹប Inter Milan ដែល​កំពុង​បម្រើ​អាជីព​នៅ​ក្លឹប Paris Saint-Germain ​បាន​ចាប់​ផ្តើម​ជាមួយ​លទ្ធផល​ផ្លែផ្កា​ជោគជ័យ​ច្រើន​នៅ​ដើម​រដូវ​កាល ២០១៩/២០ ខណៈ​ប៉ុន្មាន​ប្រកួត​ដំបូង​ធ្វើ​បាន​ល្អ​ជាង​ជំនាន់​នៃ​ការ​ចាប់​ផ្តើម​របស់ Zlatan, Mbappe, Neymar និង Cavani ទៅ​ទៀត។ ៧ គ្រាប់​ក្នុង ៧ ប្រកួត ដោយ​មាន ២ ប្រកួត​គត់​លេង ៩០ នាទី​ពេញ សេសសល់​ពី​នោះ​គឺ​លេង​នាម​ជា​កីឡាករ​បម្រុង​រុញ​ឲ្យ​រូប​គេ​មាន​ស្ថិតិ​គ្រាប់​បាល់​កើត​ឡើង​រៀងរាល់ ៦៦ នាទី​ម្តង។ ភាព​ចុះ​សម្រុង​នឹង​ប្រព័ន្ធ​លេង​នៅ​ក្លឹប PSG សម្រាប់​កីឡាករ​អាហ្សង់ទីន​ហាក់​ទទួល​ភាព​វិជ្ជមាន​ខ្លាំង​មែនទែន។ កីឡាករ​មួយ​រូប​គត់​គឺ Zlatan Ibrahimovic ដែល​មាន​ស្ថិតិ​ប្រហែល​គ្នា​នេះ ដោយ​ការ​ចាប់​ផ្តើម​ដំបូង​មាន​ស្ថិតិ​គ្រាប់​បាល់​រៀងរាល់ ៧៩ នាទី​ម្តង ខណៈ Cavani ​រៀងរាល់ ១១៤ នាទី ស្រប​ពេល Mbappe ​រក​បាន​ត្រឹម ៤ គ្រាប់​នៅ ៧ ប្រកួត​ដំបូង​ដូច​គ្នា៕

អតីតខ្សែការពារឆ្នើមអង់គ្លេស លោក Rio Ferdinand បានបង្ហាញក្ដីព្រួយបារម្ភខ្លាចថា កីឡាករ​ Eden Hazard បានចូលរួមក្រុម Real Madrid ចំពេលមិនល្អ ពោលគឺចំពេលភាពខ្លាំងរបស់ពួកគេធ្លាក់ចុះ។ Real បានចាញ់៣-០នៅទឹកដី Paris St Germain ក្នុងប្រកួតបើកឆាក Champions League យប់ថ្ងៃពុធទី១៨ខែកញ្ញាឆ្នាំ២០១៩។ ក្រុមលោក Zinedine Zidane បានបង្ហាញសមត្ថភាពមិនបានល្អដូចក្រុមចាស់ដែលលោកបានដឹកនាំលើកទី១ឡើយ ហើយ Hazard ដែលបានផ្ទេរមកពី Chelsea ក្នុងតម្លៃ១៣០លានផោន មើលទៅហាក់ដូចជាជនចម្លែកម្នាក់។ ក្រោយការប្រកួតយប់មិញ លោក Ferdinand បាននិយាយក្នុងនាមអ្នកវិភាគ BT Sport ថា៖ «នៅពេលអ្នកទៅចូលរួមក្លិបថ្មីមួយ ជាពិសេសក្លិបធំដូច Real Madrid នេះ អ្នកត្រូវតែមានសិទ្ធិក្នុងការធ្វើជាមនុស្សម្នាក់ដែលទទួលបានគ្រប់បាល់។ គាត់ត្រូវធ្វើអ្វីមួយក្នុងពេលហ្វឹកហាត់និងក្នុងពេលប្រកួតជាក់ស្ដែង។ ខ្ញុំខ្លាចក្រែងគាត់ទៅដល់ទីនោះ(Real)ខុសពេល។ ក្រុម Real បច្ចុប្បន្នកាន់តែចាស់ទៅៗ ពួកគេមិនមែនកំពុងឡើងទេ។ បច្ចុប្បន្ននេះពួកគេមិនមានភាពចំហេះខ្លាំងដូចមុនទេ។ ចំណុចនេះនឹងជះឥទ្ធិពលលើគេរយៈពេលវែង»។

ខ្សែប្រយុទ្ធអាហ្សង់ទីន Mauro Icardi បានចូលរួម Paris Saint-Germain លើកិច្ចសន្យាខ្ចី១រដូវកាលពី Inter Milan។ កីឡាករវ័យ២៦ឆ្នាំរូបនេះបានបន្លាយកិច្ចសន្យាបន្ថែម២ឆ្នាំជាមួយ Inter ប៉ុន្តែ PSG មានជម្រើសទិញផ្ដាច់ក្នុងតម្លៃ៦៥លានអឺរ៉ូ។ Icardi និយាយថាគេនឹងប្រឹងអស់ពីសមត្ថភាពដើម្បីជួយ PSG ឱ្យបានឡើងដល់ចំណុចខ្ពស់បំផុតតាមដែលអាចធ្វើទៅបាននៅក្នុងពានរង្វាន់នានា។ អតីតយុវជន Barcelona ខាងលើ បានផ្លាស់ពី Sampdoria ចូល Inter ក្នុងឆ្នាំ២០១៣ ជាឆ្នាំដែលគេផ្ដើមជាប់ជម្រើសជាតិក្រុមធំអាហ្សង់ទីន។ ៦ឆ្នាំមកនេះ គេលេងឱ្យ Inter បាន២១៩ប្រកួត រកបាន១២៤គ្រាប់៕  

តាមព័ត៌មាន​ថា ក្លឹបយក្ស​បារាំង​ PSG បាន​ច្រាន​ចោល​សំណើ​ផ្ទេរ​ Neymar ត្រឡប់ទៅវិញរបស់​ក្លឹប Barcelona ។ក្លឹប​ទាំង​ពីរ​បានជួប​គ្នា​ជុំវិញ​លទ្ធភាព​ផ្ទេរនៅ​ទីក្រុងប៉ារីស​នៅ​សប្តាហ៍​នេះ ខណៈ​ក្លឹប Barcelona ព្យាយាម​នាំ​យក​កីឡាករ​ប្រេស៊ីលរូបនេះ​ត្រឡប់​មក​ពហុកីឡាដ្ឋាន Nour Camp ។ ក្រុម​ជើង​ឯក​ក្របខណ្ឌ La Ligaនេះ​មាន​ទំនុកចិត្ត​ក្នុង​ការ​សម្រេចកិច្ច​ព្រមព្រៀង​ផ្ទេរ​នេះ ហើយ​មន្ត្រីនៅពហុកីឡាដ្ឋាន Nou Camp សារភាពថា ការ​វិលត្រឡប់​របស់ Neymar កាន់តែ​ខិត្ត​ជិតមក​ដល់​ហើយ។ ប៉ុន្តែ​មាន​សេចក្តី​រាយការណ៍​នៅ​អេស្ប៉ាញ​លើកឡើង​ថា ក្លឹប PSG បាន​ច្រានចោល​សំណើ​របស់​ក្លឹប Barcelona ។ក្លឹប Barcelona មាន​បំណង​ផ្តល់​កញ្ចប់​ទឹកប្រាក់​ ១១៨​លានផោន​សម្រាប់​កីឡាករ​ Neymar បូក​បន្ថែមកិច្ច​សន្យា​ខ្ចីជើង​កីឡាករ​ណាម្នាក់​ក្នុងចំណោម​កីឡាករ​បី​រូបរបស់រូបរបស់ខ្លួន។ ទោះបីជាយ៉ាងណាក្លឹប PSG ចង់​បាន​ថ្លៃខ្ពស់ជាងនេះ ជាជាង​កិច្ច​ព្រមព្រៀង​ផ្ទេរមួយ​ដែល​មាន​លក្ខខណ្ឌបន្ថែម​នៅពេលក្រោយ​៕

BBC បានរាយការណ៍កាលពីថ្ងៃអង្គារទី២៧ខែសីហាឆ្នាំ២០១៩ថាមន្ត្រី Barcelona និង Paris St Germain បានជួបគ្នានៅរដ្ឋធានីបារាំងដើម្បីពិភាក្សាអំពីកិច្ចព្រមព្រៀងដែលអាចទៅរួចមួយលើការផ្ទេរ Neymar ត្រលប់ទៅ Camp Nou វិញ។ លោក Guillem Balague បាននិយាយថាក្លិបទាំងពីរបានពណ៌នាជំនួបពិភាក្សានោះថា«វិជ្ជមាន» តែ«នៅសល់ការងារជាច្រើនទៀតត្រូវធ្វើ»។ សមាជិកក្រុមប្រឹក្សាភិបាល Barca លោក Javier Bordas បាននិយាយប្រាប់អ្នកសារព័ត៌មានក្រោយកិច្ចប្រជុំថាកិច្ចព្រមព្រៀងខិតជិតដល់ការឯកភាពហើយ តែការចរចាកំពុងបន្តធ្វើ។ Neymar បានចេញពី Barca ទៅ PSG ក្នុងតម្លៃ២២២លានអឺរ៉ូកាលពីឆ្នាំ២០១៧។ ពេលនេះ Barca ដាក់សំណើខ្ចីមួយរដូវកាលសិនដែលពួកគេត្រូវបង់ឱ្យ PSG យ៉ាងហោច៣៥លានអឺរ៉ូសម្រាប់ការខ្ចីនេះ មុនពេលទិញផ្ដាច់នៅឆ្នាំក្រោយក្នុងតម្លៃ១៧០លានអឺរ៉ូ។ Barca ទំនងដាក់បញ្ចូលកីឡាករទៅឱ្យ PSG ដើម្បីកាត់បន្ថយចំណាយជាសាច់លុយ។ តាម Fox Sports Asia ដែលដកស្រង់ការចុះផ្សាយរបស់ Le Parisien នៅថ្ងៃព្រហស្បតិ៍ទី២៩ខែសីហាឆ្នាំ២០១៩នេះ Barca បានដាក់ជម្រើស២នាក់ឱ្យ PSG គឺ Ousmane Dembele

អ្នករាយការណ៍របស់ BBC បានផ្សាយថា Barcelona និង Real Madrid បានដាក់សំណើបរាជ័យដូចគ្នាក្នុងការព្យាយាមប្ដូរយក Neymar ពី Paris St Germain។ Barcelona បានដាក់សំណើជាលុយ១០០លានអឺរ៉ូបូក Philippe Coutinho ទៅឱ្យ PSG។ Ivan Rakitic ក៏ត្រូវបានយកមកពិភាក្សាជាមួយក្លិបយក្សបារាំងផងដែរសម្រាប់ជាផ្នែកនៃកិច្ចព្រមព្រៀងប្ដូរយកខ្សែប្រយុទ្ធឆ្នើមប្រេស៊ីលវ័យ២៧ឆ្នាំ។ តែ PSG មិនទទួលយក។ ចំណែក Real Madrid វិញបានដាក់សំណើជាលុយបូកទាំង Gareth Bale និង James Rodriguez ទៅ PSG។ PSG ស្នើយក Vinicius Junior តែ Real មិនបញ្ចូលខ្សែប្រយុទ្ធប្រេស៊ីលវ័យក្មេងដ៏មានទេពកោសល្យរូបនេះឡើយ។ តាមដឹង PSG ចង់លក់ Neymar ទៅឱ្យ Real ជាងទៅឱ្យ Barca។ សូមរំឭកថា Neymar បានក្លាយជាកីឡាករបាល់ទាត់ថ្លៃបំផុតក្នុងប្រវត្តិសាស្ត្រ ពេលគេផ្លាស់ទៅ

  នៅត្រឹម​រយៈពេល​៤៨​ម៉ោង​ទៀត​ប៉ុណ្ណោះ Juventus នឹង​សម្រេច​ការផ្ទេរ​ដោយ​មិនបាច់​ចំណាយ​ប្រា​ក់មួយ​សេន​ដើម្បី​ទ​ទួល​បាន​ខ្សែបម្រើ Adrien Rabiot ពី​ក្រុម Paris St-Germain​។​ ​កិច្ចសន្យា​របស់​ខ្សែបម្រើ​សញ្ជាតិ​បារាំង វ័យ ២៤ ឆ្នាំ​ជាមួយ​ក្លិប​យក្ស​បារាំង​ត្រូវ​ផុតកំណត់​នៅ​ថ្ងៃទី​៣០ ខែមិថុនា ឆ្នាំ​២០១៩ ម្សិលមិញ​នេះ​។ ដូច្នេះ Rabiot អាច​សម្រេច​ទៅ​ចូលរួម​ជាមួយ​ក្លិប​ណា​ក៏បាន​ដោយ​គ្មាន​តម្លៃ​ផ្ទេរ​។ ក្រុម​រហស្សនាម​សេះបង្កង់ ដែលមាន​អ្នកចាត់ការ​ទូទៅ​ថ្មី​លោក Maurizio Sarri ជា​បេក្ខភាព​នាំមុខគេ​ក្នុងការ​ចរចា​យក Rabiot ទៅ​រួម​ក្រុម​រដូវ​កាល​ក្រោយ​។​ ក្នុង​រយៈពេល​ចុងក្រោយ Rabiot គឺ​មិន​ស្ថិតក្រោម​ជម្រើស​របស់​អ្នកចាត់ការ​ទូទៅ PSG លោក Thomas Tuchel ឡើយ​សូម្បីតែ​ជា​កីឡាករ​បម្រុង ទើប​ធ្វើ​ឲ្យ​រូបគេ​សម្រេច​មិន​បន្ត​កិច្ចសន្យា​ថ្មី​បន្ថែម​។ ដោយសារ​មិនសូវ​បានបង្ហាញ​ខ្លួន​ឲ្យ​ក្រុម​នេះហើយ ដែលជា​មូលហេតុ​ធ្វើ​ឲ្យ Rabiot មិន​ជាប់​ក្នុង​បញ្ជី​ឈ្មោះ​បឋម​សម្រាប់​ក្រុម​ជ្រើស​ជាតិ​បារាំង​ទៅកាន់​ការប្រកួត World Cup ឆ្នាំ​២០១៨ នៅ​រុស្ស៊ី​។​ នៅ​ថ្ងៃទី​៣០ ខែមិថុនា ម្ចាស់​ជើងឯក​លី​គ​កំពូល​អ៊ីតាលី Serie A បាន​បង្ហោះ​រូបភាព​ជាច្រើន​សន្លឹករ​បស់ Rabiot ដែល​បានធ្វើ​ដំណើរ​ទៅកាន់​ក្លិប​របស់​ពួកគេ​។ ប្រសិនបើ​ការចរចា​បាន​ជោគជ័យ មានន័យថា Rabiot នឹង​ក្លាយជា​កីឡាករ​ផ្ទេរ​ដោយ​គ្នាន​តម្លៃ​ខ្លួន​ទី​ពីរ​របស់

ក្លឹបយក្សបារាំង Paris St-Germain បានបន្តឈ្នះ 100ភាគរយដោយឈ្នះ 9ប្រកួតជាប់ៗគ្នាក្រោយពីផ្ដួល Lyon 5ទល់នឹង0 ប្រកួតក្នុងលីគ

ខ្សែប្រយុទ្ធសញ្ជាតិប្រេស៊ីលរូបនេះ ប្រើពេលតែ10 នាទី ប៉ុណ្នោះរកគ្រាប់បាល់បានមួយគ្រាប់ បន្ទាប់ពីបានបាល់ពីអ្នកចាំទី Brice Samba

ដូចដែលបានដឹងហើយ កាលពេលថ្មីៗនេះដូចបានដឹងហើយ Ronaldo បានជួយ Real Madrid ដោយទម្លាក់ក្រុមអ្នកមានបារាំង PSG

តារាជម្រើសជាតិប្រេស៊ីលវ័យ 26ឆ្នាំ រូបនេះ ត្រូវបានគេឃើញមកដល់ព្រលានយន្ដហោះ Rio de Janeiro កាលពីម្សិលមិញ

Ronaldinho គ្មាន​ក្លឹប​លេង​តាំង​ពី​ឆ្នាំ​២០១៥​មក​ម្ល៉េះ​ តែ​យ៉ាង​ណា​រូប​គេ​ទើប​តែ​ដាច់​ចិត្ត​ប្រកាស​លា​ឈប់​ពី​បាល់​នៅ​ថ្ងៃ​ម្សិលមិញ