Tag: Paulo Fonseca

ក្លឹប Tottenham Hotspur មាន​គម្រោង​ទាក់ទង​លោក Paulo Fonseca អតីត​គ្រូ​ក្លឹប​អ៊ីតាលី Roma។ នេះ​បើ​តាម​ការ​ចុះ​ផ្សាយ​របស់​សារព័ត៌មាន Goal។ លោក Fonseca បាន​បញ្ចប់​កុងត្រា​នៅ​ក្លឹប Roma ក្រោយ​បញ្ចប់​រដូវ​កាល​ ២០២០/២១ ហើយ​ក្លឹប​ Roma បាន​តែងតាំង​លោក Jose Mourinho ដែល​ត្រូវ​បាន​ Spurs បញ្ចប់​ការងារ​កាល​ពី​ខែ​មេសា មក​ជំនួស​វិញ។ Goal បាន​ចុះ​ផ្សាយ​ថា លោក Fabio Paratici ដែល​នឹង​ត្រូវ​តែងតាំង​ធ្វើ​ជា​នាយក​ផ្នែក​កីឡា​របស់​ Spurs បាន​ជួប​ជាមួយ Fonseca ក្នុង​សប្ដាហ៍​នេះ ដោយ​អាច​ព្រមព្រៀង​ចុះ​កុងត្រា​រយៈពេល​ ៣ឆ្នាំ​ជាមួយ​ក្លឹប។ លោក Fonseca ជា​គ្រូ​បង្វឹក​ជនជាតិ​ព័រទុយហ្គាល់ ដែល​បាន​បង្ហាញ​ថ្វី​ដៃ​ដឹកនាំ​ក្លឹប​ព័រទុយហ្គាល់ មុន​នឹង​ត្រូវ​បាន​តែងតាំង​ជា​គ្រូ​នៅ Roma កាល​ពី​ឆ្នាំ២០១៩។ លោក​បាន​ដឹកនាំ​ Roma ក្នុង​ទម្រង់​លេង​ល្អ​ដែរ តែ​នៅ​ឆ្នាំ២០២១​ ក្លឹប​នេះ​ជាប់​លេខ ៧ នៅ​លីគ​អ៊ីតាលី ដែល​ធ្វើ​ឲ្យ​ក្លឹប​លែង​បន្ត​កុងត្រា​ឲ្យ​លោក៕

ក្លិបស្ករគ្រាប់ Everton  កំពុងស្វែងរកគ្រូបង្វឹកថ្មីម្នាក់បន្ទាប់ពីការចាកចេញរបស់លោក Carlo Ancelotti ទៅដឹកនាំក្លឹប Real Madrid ។ ក្លឹប Everton  មានអទិភាពជម្រើសគ្រូបង្វឹកជាច្រើននៅក្នុងបញ្ជីសម្រាំងរបស់ពួកគេក្នុងពេលតែមួយ។ ដំបូងនិងសំខាន់បំផុតពួកគេកំពុងពិចារណាទៅលើអ្នកចាត់ការដែលមិនទាន់មានការងារ: ពួកគេមាន Rafael Benitez, Paulo Fonseca និង Nuno Espírito Santo កំពុងតែទំនេរ។ លោក David Moyes (West Ham), Roberto Martinez (ក្រុមជម្រើសជាតិបែលហ្ស៊ិក) និង Erik ten Hag (Ajax) ក៏កំពុងត្រូវបានពិចារណាផងដែរ។ ក្លឹបថែមទាំងបានពិភាក្សាពីលទ្ធភាពនៃការអញ្ជើញអ្នកចាត់ការរបស់ក្លិប Ranger គឺលោក Steven Gerrard ដែលបានដឹកនាំក្លឹបមួយនេះលើកពានលីកកំពូល ស្កុតឡែន ជាលើកដំបូងក្នុងរយះពេល ១០ឆ្នាំចុងក្រោយ ។ ខណះលោក Benitez និង Moyes ត្រូវបានគេចាត់ទុកថាជាជម្រើសអាទិភាពដោយការតែងតាំងអ្នកផ្សេងទៀតទំនងជាមិនសូវមានទេ។