Tag: Raphinha
Football News
Xavi ចង់យក Asensio មក Barcelona នៅខែមករាខាងមុខ
Barcelona កំពុងត្រៀមដេញថ្លៃទិញយកខ្សែបម្រើប្រយុទ្ធរបស់ Real Madrid កីឡាករ Marco Asensio មកកាន់ទឹកដី Camp Nou។ ក្រុមរបស់លោក Xavi កំពុងមានគម្រោងបន្តការចំណាយរបស់ពួកគេពេលដែលទីផ្សារដោះដូរកីឡាករបើកម្ដងទៀតនៅខែមករាខាងមុខ។ Asensio ត្រូវបានរាយការណ៍ថាជាគោលដៅមួយរបស់អ្នកចាត់ការវ័យ៤២ឆ្នាំ។ Asensio នៅសល់កុងត្រាតិចជាងមួយឆ្នាំក្នុងកិច្ចសន្យារបស់គេក្លឹប Madrid។ ហើយបើតាម The Sun កីឡាករវ័យ២៦ឆ្នាំឆាប់ៗអាចនឹងផ្លាស់មកកាន់ក្លឹបគូប្រជែង Barcelona។ កីឡាករសញ្ជាតិអេស្ប៉ាញមានការទាក់ទងផ្ទេរចេញពី Bernabeu អំឡុងពេលរដូវក្ដៅនេះ ប៉ុន្តែមិនអាចកើតឡើង ខណៈគេនឹងចាកចេញដោយគ្មានតម្លៃខ្លួននៅឆ្នាំក្រោយ។ ត្បិតរដូវក្ដៅនេះ Barca បាននាំចូលកីឡាករសំខាន់ៗដូចជា Robert Lewandowski និង Raphinha ប៉ុន្តែពួកគេនៅតែមានគម្រោងចង់បន្តចំណាយលុយទៀត ដើម្បីពង្រឹងខ្លួនឲ្យឡើងជាក្រុមកំពូលនៅអឺរ៉ុបវិញ។ Barca ចាប់អារម្មណ៍លើ Asensio ដោយសារតែគេនៅក្មេង កម្រិតនៃការលេង និងបច្ចេកទេស៕
20 Sep 2022
87 views
Football News
ទីបំផុត Barca បានយល់ព្រមផ្ដាច់កុងត្រាកីឡាករ Memphis Depay ហើយ
យោងតាមសារព័ត៌មាន Barca Universal គឺ ក្លិប Barcelona បានឈានដល់កិច្ចព្រមព្រៀងផ្ដាច់កុងត្រា ខ្សែប្រយុទ្ធ Memphis Depay ហើយ។ កីឡាករវ័យ២៨ឆ្នាំរូបនេះបានផ្ទេរពី Lyon មកកាន់ទឹកដី Camp Nou កាលពីឆ្នាំមុន ដោយបង្ហាញខ្លួនបាន៣៧ប្រកួត ក្នុងនោះរកបាន១៣គ្រាប់និងបញ្ជូនបាល់២គ្រាប់។ យ៉ាងណាមិញ នៅរដូវកាលនេះ ដោយសារភាគីលោក Xavi Hernandez មានខ្សែប្រយុទ្ធច្រើនដូចជា Robert Lewandowski ,Raphinha និង Pierre-Emerick Aubameyang ផងនោះ គឺ Depay ពុំសូវមានឱកាសបានបង្ហាញខ្លួនទេ។ ខណៈនោះក្លិបសេះបង្កង់ Juventus ចង់នាំយកគេទៅទឹកដី Allianz Stadium ដូច្នេះទើបកីឡាករសញ្ជាតិហូឡង់រូបនេះចង់ចាកចេញពី Barca ទៅលេងនៅ អ៊ីតាលី។ Barcelona ចង់លក់ Depay ក្នុងតម្លៃខ្ទង់២០លានដុល្លារ ប៉ុន្តែគេចង់ចាកចេញដោយគ្មានតម្លៃខ្លួនច្រើនជាង៕
22 Aug 2022
71 views
Football News
គ្រូបង្វឹក Xavi និយាយថា Raphinha លេងដូច Neymar ចំណែកការស៊ុតដូច Rivaldo
គ្រូបង្វឹកលោក Xavi Hernandez បានបង្ហាញការកោតសរសើរទៅកាន់កីឡាករ Raphinha ដោយលោកបានមានប្រសាសន៍ថាខ្សែប្រយុទ្ធរូបនេះមានចំណុចពិសេសខុសពីកីឡាករប្រេស៊ីលដ៏ទៃដែលលោកធ្លាប់លេងជាមួយជាពិសេសរូបគេមានចង្វាក់លេងនៅស្លាបដូច Neymar ចំណែករបៀបស៊ុតវិញដូច Rivaldo។ ជាការពិតណាស់ នៅរដូវក្តៅនេះ Barcelona បានទិញយក Raphinha ពី Leeds United ក្នុងតម្លៃ ៥៥ លានផោន ឬប្រមាណជា (៦៦ លានដុល្លារអាមេរិក) អមជាមួយកុងត្រារយៈពេល ៥ ឆ្នាំពោលគឺដល់ខែមិថុនា ឆ្នាំ ២០២៧ ខណៈការចាប់ផ្តើមរដូវកាលដំបូងជាមួយក្រុមអ្នកមានបុណ្យខ្សែប្រយុទ្ធសញ្ជាតិប្រេស៊ីល កំពុងតែបង្ហាញសញ្ញាណវិជ្ជមាន ក្រោមការដឹកនាំរបស់លោក Xavi។ ទាក់ទងនឹងរឿងខាងលើ លោក Xavi បានមានប្រសាសន៍យ៉ាងដូច្នេះថា៖ “Raphinha គឺមានភាពខុសប្លែកពីកីឡាករ ប្រេស៊ីល ដ៏ទៃដែលខ្ញុំធ្លាប់លេងជាមួយ។ គាត់គឺលេងដូច Neymar ក្នុងនាមជាខ្សែប្រយុទ្ធស្លាប ប៉ុន្តែគាត់មានរបៀបស៊ុតដូច Rivaldo។ គាត់ជាកីឡាករម្នាក់ ដែលមានភាពសុខប្លែកពីគេ”៕
15 Aug 2022
165 views
Football News
Raphinha ថា បុរសម្នាក់នេះហើយដែលជួយឲ្យគេបានមកលេងនៅ Barca
ខ្សែប្រយុទ្ធ Raphinha បាននិយាយទៅកាន់សារព័ត៌មាន Mundo Deportivo នៅក្នុងថ្ងៃនេះថា លោក Marcelo Bielsa អតីតអ្នកចាត់ការ Leed United ក៏ដូចជាអតីតគ្រូក្រុមជម្រើសជាតិអាហ្សង់ទីន ដែលជួយឲ្យគេបានមកលេងនៅ Barcelona ដូចសព្វថ្ងៃនេះ។ Raphinha បាននិយាយថា៖” លោក Marcelo Bielsa នេះហើយជាគ្រូបង្វឹកដែលជួយខ្ញុំច្រើនមែនទែនតាំងពីពេលខ្ញុំមកដល់ Leeds ដំបូង។ គាត់តែងតែងទាមទារឲ្យយើងប្រឹងឲ្យអស់ពីសមត្ថភាពដែលយើងមានតែម្ដង ដោយតែតិចនិកគាត់អញ្ចឹងហើយបានខ្ញុំបានទៅក្រុមជម្រើសជាតិអាហ្សង់ទីន និង Barca នេះ។ ប្រសិនជាគ្មានការបង្ហាត់បង្ហាញពីគាត់ជាលក្ខណៈក្រុម ក៏ដូចជាឯកជនខ្ញុំផ្ទាល់ ប្រហែលជាថ្ងៃនេះ ខ្ញុំមិនបានមក Barca នេះទេ “។ កីឡាករនេះបន្តថា៖” ដោយសារតែតិកនិករបស់គាត់អញ្ចឹងហើយបានជាគាត់ហ្នឹងធ្លាប់ជាមនុស្សដែលសំខាន់ខ្លាំងសម្រាប់ខ្លួនខ្ញុំ ក៏ដូចជាអាជីពរបស់ខ្ញុំ។ ខ្ញុំនឹងចងចាំគាត់រហូត “។
28 Jul 2022
82 views
Football News
Barcelona ឈានដល់កិច្ចព្រមព្រៀងជាមួយ Kounde ហើយ
ក្លឹប Barcelona បានយកឈ្នះ Chelsea ក្នុងការចុះកុងត្រាផ្ទេរយកខ្សែការពារ Jules Kounde បន្ទាប់ពីយល់ព្រមលើតម្លៃខ្លួន៥៥លានអឺរ៉ូជាមួយ Sevilla។ Kounde វ័យ២៣ឆ្នាំធ្លាប់ត្រូវបាន Chelsea ដាក់សំណើដេញថ្លៃជាច្រើនដងកាលពីរដូវក្ដៅមុន និងឮដំណឹងខិតជិតផ្លាស់ទៅកាន់តោខៀវនៅចុងសប្ដាហ៍មុន។ យ៉ាងណាមិញ ក្រោយពីចាប់អារម្មណ៍ច្រើនសប្ដាហ៍ដូចគ្នា ពេលនេះ Barca បានឈានដល់កិច្ចព្រមព្រៀងជាមួយ Sevilla បញ្ចប់ក្ដីសង្ឃឹមរបស់ Chelsea។ នេះជាលើកទីពីរ អំឡុងទីផ្សារដោះដូរកីឡាករនៅរដូវក្ដៅនេះដែល Barca បានផ្ដួល Chelesa ក្នុងការប្រជែងទិញកីឡាករ។ លើកទីមួយពួកគេបានយកបានខ្សែបម្រើប្រយុទ្ធ Raphinha ពីក្លឹប Leeds United។ ប្រសិនបើការពិនិត្យសុខភាពជោគជ័យ Kounde នឹងក្លាយជាកីឡាករទី៦ដែល Barca នាំចូលក្នុងរដូវក្ដៅនេះ បន្ទាប់ពីការមកដល់របស់ Pablo Torre, Franck Kessie, Andreas Christensen, Raphinha និង Lewandowski៕
28 Jul 2022
91 views
Football News
Xavi៖ នៅ Barcelona …មិនគិតប្រកួតមិត្ដភាពអ្វីទេ សំខាន់ឈ្នះ
លោក Xavi បានអះអាងថាក្រុម FC Barcelona មិនដែលគិតថាប្រកួតមិត្តភាពឬផ្លូវការឡើយ ដោយពួកគេផ្ដោតតែលើលទ្ធផលឈ្នះប៉ុណ្ណោះ ជាពិសេសប៉ះក្រុម Real Madrid ។ មិត្តភាពនៅទឹកដីអាមេរិកម្សិលមិញនេះ ក្រុមBarcelona បានយកឈ្នះលើក្រុម Real Madrid ក្នុងលទ្ធផល ១-០ ដោយកីឡាករ Raphinha ជាអ្នកសម្រេចទីបាន។ ប្រកួតនេះដែរ ឃើញថាក្រុមទាំងសងខាងប្រឹងប្រែងរៀងខ្លួន ដោយដាក់កីឡាករល្អៗចូលលេង រហូតដល់មានការប៉ះទង្គិចគ្នាលើទីលានផងដែរ។ តែយ៉ាងលទ្ធផលចប់ការប្រកួត មានគ្រាប់បាល់កើតឡើងតែ១គ្រាប់ប៉ុណ្ណោះ។ លោក Xavi បាននិយាយក្រោយចប់ការប្រកួតថា៖ “យើងមកទីនេះដើម្បីឈ្នះ ហើយយើងបានធ្វើវា។ យើងរងសម្ពាធរហូតដល់ចប់ការប្រកួត ប៉ុន្តែខ្ញុំពេញចិត្តនឹងលទ្ធផលនៅថ្ងៃនេះ។ យើងជាក្រុមល្អប្រសើរហើយ។ នៅ Barcelona មិនមានការប្រកួតមិត្តភាពទេ…យើងតែងតែចង់ឈ្នះ ជាពិសេសទល់ក្រុម Real Madrid ”។ ដោយឡែកងាកទៅខាងលោក Carlo Ancelotti វិញ បានបង្ហាញចំណាប់អារម្មណ៍លើការប្រកួតនេះដែរថាក្រុមរបស់លោកធ្វើបានល្អ ហើយលោកគិតថា Real Madrid កំពុងមានសមាជិកក្រុមនៅរដូវកាលនេះល្អជាងរដូវកាលមុនទៀត។ ការប្រកួតមិត្តភាពនេះ លោកចង់ឱ្យកីឡាករបានបង្ហាញសមត្ថភាពនិងមាននាទីលេងដើម្បីស្ទង់មើលសមត្ថភាព៕
25 Jul 2022
61 views
Football News
លោក Thomas Tuchel ញជាមួយនឹងក្លិប Barcelona ខ្លាំងមែនទែន
អ្នកចាត់ការទូទៅក្លិប Chelsea លោក Thomas Tuchel បានសារភាពថា លោកពិតជាធុញជាមួយនឹងក្លិប Barcelona ខ្លាំងមែនទែន។ ជាការពិតណាស់ នៅក្នុងទីផ្សារដោះដូរកីឡាកររដូវក្តៅនេះ គឺ Barcelona និង Chelsea តែងតែពេញចិត្តនូវកីឡាករដូចៗគ្នា ប៉ុន្តែ ជាក់ស្តែង Raphinha ដែលក្រុមតោខៀវចង់បានខ្លាំងនោះ គឺ យល់ព្រមផ្លាស់ទៅកីឡដ្ឋាន Camp Nou រីឯ ខ្សែការពារ Jules Kounde នោះ ក្រុមទាំងពីរក៏កំពុងតែប្រជែងគ្នាផងដែរ។ លើសពីនេះទៀតសោត ក្រុមអ្នកមានបុណ្យ កំពុងតែមានទំនាក់ទំនងយ៉ាងជាប់លាប់ជាមួយ កីឡាករ Cesar Azpilicueta ក្នុងការនាំយករូបគេមកកាន់ទឹកដីអេស្ប៉ាញផងដែរ។ លោក Tuchel បាននិយាយថា៖ “ខ្ញុំធុញនឹង Barcelona ណាស់ ប៉ុន្តែ ខ្ញុំនឹងប្រឹងប្រែងឲ្យអស់ពីសមត្ថភាពដើម្បី Chelsea។ ខ្ញុំបាននិយាយជាមួយ Azpilicueta គាត់មិនពេញចិត្តទេ ប៉ុន្តែ គាត់យល់។ វាពិតជាតឹងតែងមែនទែនសម្រាប់គាត់ពីព្រោះ Barcelona កំពុងទាក់ទងគាត់ជាប់”៕
23 Jul 2022
180 views
Football News
ខ្សែប្រយុទ្ធទើបមកថ្មី Raphinha ថា Barcelona ល្អជាង Real Madrid
Raphinha ខ្សែប្រយុទ្ធទើបមកថ្មីរបស់ Barcelona បាននិយាយក្រោយប្រកួតមិត្តភាព Pre Season ឈ្នះ Inter Miami នៅក្នុងថ្ងៃនេះថា ក្លឹប Barca របស់គេគឺល្អជាងក្លឹប Real Madrid ។ Raphinha បាននិយាយថា៖” អ្វីដែលយើងត្រូវតែព្យាយាមនោះគឺស៊ុតឲ្យចូលទោះលេងជាមួយនរណាក៏ដោយ មិនប្រកួតនោះជាប្រកួតលើកដំបូង ឬក៏យ៉ាងម៉េចទេ។ អ្វីដែលសំខាន់នោះគឺជ័យជំនះ សម្រាប់ខ្ញុំ ខ្ញុំគិតថា Barca យើងគឺល្អជាង Real Madrid “។ កីឡាករនេះបន្តថា៖” ខ្ញុំពិតជាសប្បាយចិត្តមែនទែនដែលស៊ុតចូលគ្រាប់ដំបូងឲ្យក្លឹបនេះ។ការប្រកួតមួយនេះគឺល្អមែនទែន។ ខ្ញុំបានព្យាយាមប្រកួតឲ្យបានល្អ។ ខ្ញុំសប្បាយចិត្តខ្លាំងមែនទែន និងសង្ឃឹមថាតទៅមុខទៀតគឺបន្តនៅតែអញ្ចឹងទៀត “។ ក្នុងការប្រកួតខាងលើ Raphinha ស៊ុតចូល១គ្រាប់ កីឡាករនេះជាខ្សែប្រយុទ្ធថ្មីរបស់ Barca ដែលផ្លាស់មកពី Leeds United៕
21 Jul 2022
87 views
Football News
គ្រូ Bayern ៖ Barcelona ជាក្លឹបមួយគត់លើលោកដែលអត់លុយ តែទិញកីឡាករបាន
លោក Julian Nagelsmann អ្នកចាត់ការក្រុម Bayern Munich បាននិយាយត្រង់ៗថានៅលើលោកនេះមានតែក្លឹប FC Barcelona មួយគត់ដែលគ្មានប្រាក់ទេ ប៉ុន្តែពួកគេអាចទិញកីឡាករដែលពួកគេចង់បានបាន។ ខ្សែប្រយុទ្ធ Robert Lewandowski វ័យ៣៣ឆ្នាំបានក្លាយជាកីឡាករក្រុម Barcelona ជាផ្លូវការហើយ ក្រោយពីបង្ហាញខ្លួនលើទីលានជាមួយតម្លៃផ្ដាច់កុងត្រា ៤២,៦លានផោន។ ខណៈដែលនេះជាកីឡាករថ្មីម្នាក់ទៀតដែលក្រុមអ្នកមានបុណ្យនាំចូល បន្ទាប់ពីចំណាយប្រាក់ជាង៦០លានផោនទិញយក Raphinha ពីក្រុម Leeds United មកបាន។ ការចំណាយទាំងដែលក្លឹបកំពុងជំពាក់បំណុលដល់ជាង១ពាន់លានផោននេះហើយ ទើបធ្វើឱ្យគ្រូបង្វឹក Bayern Munich ឆ្ងល់ក្នុងចិត្តជាខ្លាំង។ លោក Nagelsmann បាននិយាយបែបនេះថា៖ “វាគឺជាក្លឹបតែមួយគត់នៅលើលោកដែលមិនមានលុយ ប៉ុន្តែពួកគេទិញកីឡាករទាំងអស់ដែលពួកគេចង់បានបាន។ ខ្ញុំមិនដឹងថាពួកគេធ្វើបានដោយរបៀបណាទេ។ វាពិតជាចម្លែក វាឆ្គួតបន្ដិចហើយ”៕
20 Jul 2022
68 views
Football News
Barca ចុះកុងត្រាយកបាន Raphinha និងតកុងត្រាថ្មីនឹង Dembele ជាផ្លូវការក្នុងសប្ដាហ៍នេះ
លោក Joan Laporta ប្រធានក្លឹប Barcelona បាននិយាយនៅក្នុងថ្ងៃនេះថា ក្លឹបលោកនឹងធ្វើការប្រកាសជាផ្លូវការយកបាន ខ្សែស្លាប Raphinha ពី Leeds United ក៏ដូចជាធ្វើការប្រកាសបន្តកុងត្រាថ្មីជាមួយ ខ្សែប្រយុទ្ធ Ousmane Dembele នៅក្នុងសប្ដាហ៍នេះផងដែរ។ ចំពោះនៅក្នុងថ្ងៃនេះផ្ទាល់ Barca ក៏បានធ្វើការប្រកាសយក Raphinha ជាគោលការណ៍រួចទៅហើយផងដែរដោយកំពុងធ្វើតេស្តសុខភាព និងធ្វើការចុះកុងត្រាជាផ្លូវការតែម្ដង។ កីឡាករនេះចាកចេញ Leeds មក Barca ដោយចុះកុងត្រារយៈពេល៥ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៧។ រីឯ Dembele វិញគឺព្រមបន្តកុងត្រាថ្មីនៅ Barca ហើយដោយព្រមទម្លាក់ប្រាក់ពលកម្ម ដោយយោគយល់ទៅនឹងស្ថានភាពក្លឹប។ កីឡាករនេះនឹងបន្តកុងត្រាថ្មី២ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៤៕
13 Jul 2022
125 views
Football News
Barcelona ត្រៀមលក់កីឡាករ៨នាក់ចេញ ដើម្បីយកលុយទិញ Salah ឬ Raphinha
ក្លឹប Barcelona គ្រោងលក់កីឡាកររបស់ខ្លួន៨នាក់ចេញក្នុងរដូវកាលនេះដើម្បីកាត់បន្ថយការចំណាយនិងយកលុយទៅទិញខ្សែប្រយុទ្ធ Mohamed Salah ឬ Raphinha។ កីឡាករទាំង៨រូបដែល Barca ចង់លក់ចេញមានដូចជា Neto, Sergi Roberto, Clement Lenglet, Samuel Umtiti, Oscar Mingueza, Riqui Puig, Martin Braithwaite និង Luuk de Jong។ អ្នកចាត់ការ Xavi ចង់ពង្រឹងកីឡាកររបស់លោកក្នុងរដូវកាលថ្មី ហើយក៏កំពុងសម្លឹងក្នុងទីផ្សារក្នុងការនាំចូលកីឡាករ Free ផងដែរ។ យ៉ាងណាមិញ លោកត្រូវលក់កីឡាករចេញខ្លះ ដើម្បីនាំកីឡាករថ្មីចូល។ កុងត្រារបស់ខ្សែការពារ Christensen និង Azpilicueta នឹងអស់នៅរដូវក្ដៅនេះជាមួយ Chelsea ហើយវាជាឱកាសដ៏ល្អដែល Barca ចង់បានពួកគេ។ ពួកគេទាំងពីរទំនងមិនបន្តនៅ Stamford Bridge ទៀតឡើយ ដោយសារតែក្លឹបកំពុងត្រូវជាប់ទណ្ឌកម្មរបស់រដ្ឋាភិបាលអង់គ្លេស។ Salah និង Rafinha ជាគោលដៅខ្សែប្រយុទ្ធដែល Barca
30 Mar 2022
111 views
