Tag: Rodriguez

ខ្សែប្រយុទ្ធ Cristiano Ronaldo របស់ក្រុម Manchester United ត្រូវបង្ខំចិត្តផ្លាស់ប្តូរភូមិគ្រឹះក្រោយពីស្នាក់នៅបាន ៦ថ្ងៃ។ កីឡាករសញ្ជាតិព័រទុយហ្កាល់និងក្រុមគ្រួសាររបស់គាត់ត្រូវបានគេរាយការណ៍ថាបានផ្លាស់ប្តូរគេហដ្ឋានតែប៉ុន្មានសប្តាហ៍ប៉ុណ្ណោះបន្ទាប់ពីត្រលប់មកចក្រភពអង់គ្លេសវិញដោយសារសត្វចៀមធ្វើអោយក្រុមគ្រួសារខ្សែប្រយុទ្ធ Cristiano Ronaldo គេងមិនបានភ្ញាក់នៅពេលយប់។ យោងតាមសារព័ត៌មាន Mirror បានឱ្យដឹងថាកីឡាករវ័យ ៣៦ឆ្នាំរូបនេះនឹងមិត្តស្រីរបស់គាត់ឈ្មោះ Georgina Rodriguez និងកូនៗ របស់ពួកគេបានផ្លាស់ចេញពីភូមិគ្រឹះដែលមានតម្លៃ ៦ លានផោនហើយបានផ្លាស់ប្តូរទីលំនៅទៅភូមិគ្រឹះមួយទៀតដែលមានតម្លៃ ៣ លានផោន ។ ភូមិគ្រឹះថ្មីនេះត្រូវបានគេនិយាយថាមានអនាមយ័ខ្ពស់មានរោងកុន អាងហែលទឹក និងកន្លែងដាក់ឡាន ៤ ហើយក៏មានកាមេរ៉ាសុវត្តិភាព ទ្វារអគ្គិសនី និងត្រូវបានសន្តិសុខយាមល្បាតដើម្បីឱ្យគ្រួសាររបស់តារាឆ្នើមរូបនេះមានអារម្មណ៍ថាមានសុវត្ថិភាពនៅផ្ទះ។

James Rodriguez បាន​​បញ្ជាក់​ថា គេ​មិន​​ស្ថិត​ក្នុង​គម្រោង​របស់​លោក Rafa Benitez ឡើយ​ក្នុង​រដូវ​កាល​នេះ​ ហើយ​អាច​ចាកចេញ​ពី Everton ប្រសិន​មាន​សំណើត្រូវ​រ៉ូវ​ណា​មួយ​មក​ដល់។ ​កីឡាករ​ដែល​មាន​ថ្លៃ​ពលកម្ម​​ខ្ពស់​ជាង​គេ​ក្នុង​ក្លឹប Everton រូប​នេះ​ធ្លាប់​ត្រូវ​បាន​ចាប់​អារម្មណ៍​ពី​ក្លឹប​ធំ​ៗ​មួយ​ចំនួន​នៅ​អឺរ៉ុប​ ចាប់​តាំង​​ពី​លោក Carlo Ancelotti ចាកចេញ​។ AC Milan ជា​ក្លឹប​មួយ​ចង់​បាន Rodriguez ប៉ុន្តែ​ពួក​គេ​ត្រូវ​ដោះស្រាយ​ថ្លៃ​ពលកម្ម​​២២​ម៉ឺន​ផោន​ក្នុង​មួយ​សប្ដាហ៍​ដែល​កីឡាករ​ចង់​បាន។ Porto ក៏​​ចាប់​អារម្មណ៍​កីឡាករ​សញ្ជាតិ​កូឡំប៊ី​ដូច​គ្នា។ James បាន​លើក​ឡើង​ថា គេ​ចង់​លេង​​នៅ​ក្លឹប​ណា​មួយ​ ដែល​ត្រូវ​ការ​គេ​ប៉ុណ្ណោះ។ គេ​មិន​ដឹង​ថា​នឹង​មាន​អ្វី​កើត​ឡើង​នោះ​ទេ ប៉ុន្តែ​អ្វី​ត្រូវ​ធ្វើ​ពេល​នេះ​ដឹង​ត្រឹម​តែ​ប្រឹង​ហាត់ រៀបចំ​ខ្លួន​ឲ្យ​ល្អ​ និង​ហ្វឹកហាត់​ខ្លួន​ឯង៕

កីឡាករ James Rodriguez បានច្រានចោលព័ត៌មានដែលថារូបគេនឹងត្រឡប់ទៅកាន់ទ្រនំចាស់ Real Madrid វិញ, ខណៈខ្សែបម្រើរូបនេះបានចាយពេល ៦ រដូវកាលជាមួយក្លិបយក្សរបស់ អេស្ប៉ាញ និង ២ រដូវកាលក្នុងលក្ខខណ្ឌខ្ចីជើងជាមួយក្រុម Bayern Munich។ គួរបញ្ជាក់ថា Rodriguez បានចាកចេញពីក្រុម Real Madrid កាលពីរដូវក្តៅមុនមកចូលរួមជាមួយក្រុម Everton, ប៉ុន្តែថ្មីៗនេះមានពាក្យចចាមអារ៉ាមថា រូបគេនឹងអាចផ្លាស់ទៅលេងនៅក្លិបចាស់វិញ ក្រោយពេលលោក Carlo Ancelotti ចាកចេញពីក្រុមដែលមានរហស្សនាមថា ស្ករគ្រាប់ ហើយទៅដឹកនាំនៅទឹកដី Santiago Bernabeu ជាលើកទី ២។ នៅពេលអ្នកគាំទ្រម្នាក់បានសួរថា តើគាត់នឹងអាចត្រឡប់ទៅក្រុម អធិរាជស វិញទេ, ក្នុងនោះ Rodriguez ក៏បានឆ្លើយតបទៅវិញយ៉ាងដូច្នេះថា៖ ទេ, ខ្ញុំមិនបានគិតលើករឿងនេះទេ។ បច្ចុប្បន្ន វាគឺដល់ពេលកំណត់ហើយ, ដូច្នេះវានឹងមិនអាចកើតឡើងម្តងទៀតទេ។