Tag: Romelu Lukaku

ខ្សែ​ប្រយុទ្ធ​ Romelu Lukaku នឹង​អវត្តមាន​ពី​ប្រកួត​ UEFA Champions League តទល់​នឹង​ក្លឹប​ Real Madrid ក្នុង​ជើង​ទី​២ នៅ​ឯ​ទី​លាន​ Santiago Bernabeu នៅ​ថ្ងៃ​ទី​១៣​ ខែ​មេសា​ ឆ្នាំ​២០២២​ខាង​មុខ​ (ម៉ោង​កម្ពុជា​)។ នេះ​បើ​យោង​តាម​ការ​បញ្ជាក់​របស់​ លោក​ Thomas Tuchel អ្នកចាត់ការ​ក្លឹប​ Chelsea ក្នុង​សន្និសីទ​មុន​ប្រកួត​នៅ​ក្នុង​ថ្ងៃ​នេះ​។ Lukaku មិន​ធ្វើ​ដំណើរ​ជា​មួយ​ក្រុម​ទៅ​ប្រទេស​​អេស្ប៉ាញ​ ដើម្បី​ត្រៀម​ប្រកួត​ខាង​លើ​នោះ​ទេ​ ដោយ​សារ​តែ​កីឡាករ​នេះ​កំពុង​រង​របួស​គន្លាក់​ក​ជើង​ខាង​ក្រោយ​ ដែល​កើត​ឡើង​មុន​ប្រកួត​ត​ទល់​នឹង​ Southampton ក្របខ័ណ្ឌ​ Premier League ក្នុង​លទ្ធផល​ឈ្នះ​ ៦ ទល់នឹង​ ០ កាល​ពី​ថ្ងៃ​ទី​០៩ ខែ​មេសា​ ឆ្នាំ ​២០២២ កន្លងទៅ។ នៅ​ក្នុង​រដូវកាល​នេះ​ Lukaku ចូល​លេង​ឲ្យ​ Chelsea បាន​ ៣៦ប្រកួត​ហើយ​ ដោយ​ស៊ុត​ចូល​បាន​១២គ្រាប់​។ សូម​រំលឹក​ផង​ដែរ​ថា​កាល​ពី​ជើង​ទី​១ នៃ​ការ​ប្រកួត​ UCL ខាង​លើ​នៅ​ឯ​ទីលាន​ Stamford

ខ្សែបម្រើ Kai Havertz បានបង្ហើបថារូបគេពិតជាស្រឡាញ់ការលេងជាខ្សែប្រយុទ្ធកណ្ដាលខ្លាំងណាស់ ដោយគិតថាវាស័ក្តិសមនឹងគេ ដែលតំណែងនេះគឺ ជាតំណែងរបស់ ខ្សែប្រយុទ្ធ Romelu Lukaku ក្នុងក្រុម Chelsea ។ Havertz បានរួមចំណែកជួយឲ្យ Chelsea យកឈ្នះ Lille ២ ទល់នឹង០ ក្នុងការប្រកួតវគ្គ១៦ក្រុមពាន Champions League ជើងទី១ ដោយគ្រាប់ទី២រកបានដោយខ្សែបម្រើ Christian Pulisic ។ យ៉ាងណាមិញ គេសង្កេតឃើញថាលោក Thomas Tuchel មិនបានដាក់ខ្សែប្រយុទ្ធ Lukaku ឲ្យចូលលេងនោះឡើយបន្ទាប់ពីឃើញថាការលេងរបស់គេក្នុងការប្រកួតទល់នឹង Crystal Palace គឺអន់ខ្លាំង។ ក្រោយចប់ការប្រកួត Havertz បានបង្ហាញចំណាប់អារម្មណ៍ថា៖ “វាពិតល្អណាស់សម្រាប់រូបខ្ញុំ(ក្នុងការលេងជាខ្សែប្រយុទ្ធកណ្ដាល)។ ពួកយើងមានខ្សែប្រយុទ្ធល្អៗជាច្រើន ដូច្នេះវានឹងក្លាយជារឿងល្អបើសិនមានការផ្លាស់ប្ដូរ។ ថ្ងៃនេះវាល្អណាស់ ហើយខ្ញុំចូលចិត្តលេងតំណែងជាខ្សែប្រយុទ្ធនេះ”៕

​​លោក Thomas Tuchel ​បាន​និយាយ​ថា​នៅ​ពេល​នេះ​មិន​មែន​ជា​ពេល​ដែល​ត្រូវ​សើច​ចំអក ឬ​បន្ទោស​ទៅ​លើ​ខ្សែ​ប្រយុទ្ធ Romelu Lukaku ​ឡើយ ​ចំពោះ​បញ្ហា​ធ្លាក់​ទម្រង់​លេង​របស់​គេ។ ​Lukaku ​បាន​ប៉ះ​បាល់​តែ​៧​ដង​ប៉ុណ្ណោះ​ក្នុង​ការ​ប្រកួត​ដែល​ក្រុម Chelsea ​យក​ឈ្នះ​លើ​ក្រុម Crystal Palace ​បាន ១-០។ ដោយ​នេះ​ជា​ចំនួន​ស្ថិតិ​ប៉ះ​បាល់​តិច​បំផុត​របស់​កីឡាករ​នៅ Premier League ​ពេល​ពួកគេ​ចូល​លេង​ពេញ​៩០​នាទី ​ដោយ​គិត​ចាប់​តាំង​ពី​ឆ្នាំ​២០០៣​មក​។ ខណៈ​ដែល​ការ​ធ្វើ​មិន​បាន​ល្អ​នេះ​ដែរ ​ក៏​មាន​មតិ​រិះគន់​ច្រើន​ទៅ​លើ​កីឡាករ​បែលហ្សិក​នេះ​ដែរ។ ​យ៉ាង​ណា​សម្រាប់​លោក Tuchel ​បាន​និយាយ​ថា​៖ “គាត់​កំពុង​ស្ថិត​នៅ​ស្ថានភាព​មិន​ល្អ ​ហើយ​យើង​នឹង​ការពារ​គាត់។ Romelu ​តែងតែ​ស្ថិត​នៅ​ផ្នែក​មួយ​នៃ​ការ​រក​ដំណោះស្រាយ។ ច្បាស់​ណាស់​នេះ​មិន​មែន​ជា​អ្វី​ដែល​យើង​ចង់​បាន​ពី​គាត់​ទេ ​ហើយ​គាត់​ក៏​មិន​ចង់​ធ្វើ​មិន​បាន​ល្អ​បែប​នេះ​ដែរ។ វា​មិន​មែន​ជា​ពេល​សម្រាប់​សើច​ចំអក​ដល់​គាត់ ​និង​និយាយ​កំប្លែង​ដាក់​គាត់​ឡើយ”៕​

ក្រោយ Chelsea រងបរាជ័យក្រោមថ្វីជើងក្រុម Manchester City ក្នុងលទ្ធផល ១ ទល់នឹង ០ លោក Thomas Tuchel បានរិៈគន់ចំៗអំពីទម្រង់លេងរបស់ Romelu Lukaku ហើយលោកបានលើកឡើងថាខ្សែប្រយុទ្ធសញ្ជាតិ ប៊ែលហ្ស៊ិក បានធ្វើឱ្យខូចបាល់ជាច្រើនទាំងដែលនៅក្នុងការប្រកួតមិនមាននរណាមកដាក់សម្ពាធលើរូបគេផង។ ជាការពិតណាស់ បន្ទាប់ពី Man City ទទួលបាន ៣ ពិន្ទុយ៉ាងសំខាន់ពេលនេះពួកគេមាន ៥៦ ពិន្ទុ ដាច់ក្រុម Chelsea ជាលេខ ២ ដល់ទៅ ១៣ ពិន្ទុឯណោះ ដូច្នេះពួកគេកាន់តែមានភាគរយខ្ពស់ ក្នុងការឈ្នះពាន Premier League នៅរដូវកាលនេះ ខណៈនៅរដូវកាលមុនក៏ពួកគេជាក្រុមជើងឯកផងដែរ។ យ៉ាងណាមិញ ក្រោយ Chelsea ចាញ់យប់មិញលោក Tuchel ហាក់មិនសប្បាយចិត្តឡើង ក្នុងនោះលោកបានរិៈគន់កូនក្រុមរបស់ខ្លួនកីឡាករ Lukaku បន្ទាប់ពីរូបគេមានឱកាសទៅដល់មុខទីរបស់ Man City ជាច្រើនលើកប៉ុន្តែខ្សែប្រយុទ្ធម្ចាស់អាវលេខ ៩ រូបនេះមិនសម្រេចគ្រាប់បាល់បានសូម្បីមួយគ្រាប់។ ក្រោយបញ្ចប់ការប្រកួតលោក

ក្លិប Chelsea កំពុងសិក្សាអំពីតម្លៃផ្ទេររបស់ខ្សែប្រយុទ្ធ Napoli កីឡាករ Victor Osimhen ហើយបើតាមរបាយការណ៍បានបញ្ជាក់ថា កីឡាករសញ្ជាតិ នីហ្ស៊េរីយ៉ា រូបនេះមានតម្លៃចំនួន ៦៦ លានផោន ឬប្រមាណជា (៩០ លានដុល្លាអាមេរិក)។ ជាការពិតណាស់ អនាគតរបស់ Romelu Lukaku ត្រូវបានគេដឹងថា ហាក់មានភាពរកាំរកូសជាមួយ Chelsea ដ្បិតរូបគេបានចេញមុខសារភាព និងសូមទោសជាសាធារណៈ ទៅហើយក្តី បន្ទាប់ពីគាត់បានធ្វើកិច្ចសម្ភាសន៍ដ៏សម្រូងចម្រាស់មួយជាមួយកាសែត Sky Italia។ ស្របពេលជាមួយគ្នានេះ ក្រុម Paris Saint-Germain ក៏បង្ហាញការចាប់អារម្មណ៍ចង់ចុះកុងត្រាយកខ្សែប្រយុទ្ធសញ្ជាតិ ប៊ែលហ្ស៊ិក ផងដែរ ទោះបីបច្ចុប្បន្នខ្សែប្រយុទ្ធវ័យ ២៨ ឆ្នាំបានប្តេជ្ញាចិត្តចង់ស្នាក់នៅទឹកដី Stamford Bridge ក៏ដោយ ហើយរូបគេក៏បានចូលលេងឱ្យក្រុមតោខៀវក្រោមការដឹកនាំរបស់លោក Thomas Tuchel ផងដែរ នាការប្រកួត ២ លើកចុងក្រោយនេះ។ យោងតាមការចុះផ្សាយរបស់កាសែត El Nacional បានរាយការណ៍មកថា Chelsea កំពុងតាមដានខ្សែប្រយុទ្ធតម្លៃ

ខ្សែ​ប្រយុទ្ធ​របស់​តោ​ខៀវ Romelu Lukaku ​បាន​​ផ្ញើ​សារ​សុំ​ទោស​ទៅ​កាន់​អ្នក​គាំទ្រ​បន្ទាប់​​ពី​រូប​គេ​បាន​សាង​កំហុស​ដោយ​​មាន​បញ្ហា​ជា​មួយ​អ្នក​ចាត់​ការ​របស់​ខ្លួន​លោក Thomas Tuchel​​ រហូត​ត្រូវ​បាន​​អ្នក​ចាត់​ការ​មិន​ដាក់​ឲ្យ​លេង​។ “ខ្ញុំ​ទោស​ចំពោះ​អ្នក​គាំ​ទ្រ​ សម្រាប់​ការ​ខក​ចិត្ត​ដែល​ខ្ញុំ​បាន​បង្ក​ឡើង​។ ​នៅ​ទី​បំផុត​ខ្ញុំ​បាន​យល់​ច្បាស់​ពី​មូលហេតុ​ដែល​អ្នក​រាល់​គ្នា​ខឹង​ខ្ញុំ​ ហើយ​ខ្ញុំ​ត្រូវ​តែ​បង្ហាញ​ការ​ប្ដេជ្ញា​ចិត្ត​របស់ខ្ញុំ​​ឲ្យ​អ្នក​រាល់​គ្នា​បាន​ឃើញ​។ ខ្ញុំ​ក៏​សុំ​ទោស​​ទៅ​កាន់​អ្នក​ចាត់​ការ​ ថ្នាក់​ដឹក​នាំ​ក្លឹប និង​ក្រុម​របស់​ខ្ញុំ​ផង​ដែរ​»។ នេះ​ជា​សម្ដី​ទាំង​ស្រុង​របស់ Lukaku ។ រំលឹកថា កាល​ប្រកួត​មុន​ខ្សែ​ប្រយុទ្ធ​មាឌ​ធំ​រូប​នេះ​​ត្រូវ​បាន​អ្នក​ចាត់​ការ​ខាង​មិន​​ដាក់​ឲ្យ​លេង​ទល់​ Liverpool ឡើយ។ ប៉ុន្តែ​យប់​នេះ​​​ត្រូវ​បាន​គេ​ដឹង​ថា Lukaku នឹង​បង្ហាញ​ខ្លួន​ក្នុង​ជំនួប​ទល់​​មាន់​​ខ្នាយ​មាស​ Tottenham Hotspur សម្រាប់​ជើង​ទី​១​ពាន League Cup វគ្គ​ពាក់​កណ្ដាល​ផ្ដាច់​ព្រ័ត្រ​៕

គ្រូបង្វឹកក្រុមតោខៀវ Chelsea លោក Thomas Tuchel បាននិយាយប្រាប់សារព័ត៌មានមុនការប្រកួតជាមួយក្រុម Leicester ដោយនិយាយថា Romelu Lukaku នឹងមិនមានវត្តមាននៅថ្ងៃសៅរ៍នេះនោះទេ។ ខ្សែប្រយុទ្ធបែលហ្ស៊ិករូបនេះ ស្ថិតក្នុងភាពស្រពិចស្រពិលសម្រាប់ការប្រកួត Champions League ទល់នឹងក្រុម Juventus និងក្នុងលីកទល់នឹងក្រុម Manchester United នៅចុងសប្តាហ៍ក្រោយ។ សរុបមកខ្សឬប្រយុទ្ធវ័យ 28ឆ្នាំរូបនេះ បានអវត្តមានរយះពេលមួយខែដោយសាររបួសកជើង អំឡុងពេលដែលក្រុម Chelsea បានយកឈ្នះលើ Malmo របស់ន័រវេសក្នុងលិទ្ធផល 4 ទល់នឹង 0 ក្នុងក្របខ័ណ្ឌ Champions League កាលពីថ្ងៃទី 20 ខែតុលាកន្លងទៅ ។ លោក Thomas Tuchel បាននិយាយមុនការប្រកួតជាមួយក្រុម Leicester ថា៖“អ្វីដែលខ្ញុំអាចនិយាយបាននៅពេលនេះ យើងព្យាយាមយ៉ាងខ្លាំង។ ខ្ញុំមិនចង់ដាក់សម្ពាធលើគេទេ។ ប៉ុន្តែទុកអោយគេជាអ្នកដាក់សម្ពាធលើខ្លួនឯងទៅចុះ” ។ កាសែត Daily Mail រាយការណ៍ថាកីឡាករវ័យ 28 ឆ្នាំរូបនេះត្រូវបានគេរំពឹងថានឹងត្រលប់មកហ្វឹកហាត់ក្រុមវិញនៅចុងសប្តាហ៍នេះ៕

ខ្សែ​ប្រយុទ្ធ Romelu Lukaku អាច​ប្រឈម​មុខ​សម្រាក​​រយៈពេល​១​ខែ ព្រោះ​តែ​បញ្ហា​របួស​ក​ជើង​​ដែល​បន្សល់​ពី​ការ​ប្រកួត Champions League ទល់​នឹង​ក្រុម Malmö FF កាល​​ពី​ថ្ងៃ​​ពុធ។ កីឡាករ​សញ្ជាតិ​បែលហ្ស៊ិក​​បាន​របួស​ក​ជើង​​អំឡុង​ពេល​វគ្គ​​ទី​មួយ​ ខណៈ​ដៃ​គូ​ប្រយុទ្ធ Timo Werner ក៏​របួស​សរសៃពួរ​ដូច​គ្នា ក្នុង​ការ​ប្រកួត Chelsea យក​ឈ្នះ Malmo ៤-០។ ផ្អែក​តាម​ The Sun ឲ្យ​ដឹង​ថា Lukaku កំពុង​ប្រឈម​មុខ​សម្រាក​រយៈពេល​វែង បង្ក​ជា​ក្ដី​បារម្ភ​​ក្នុង​ការ​ប្រជែង​ពាន​លីគ​របស់ Chelsea។ ប្រសិន​បើ Lukaku អវត្តមាន​៤​សប្ដាហ៍​មែន​ នោះ​គេ​នឹង​​មិន​បាន​លេង​ក្នុង​ជំនួប​ជាមួយ Norwich, Newcastle និង Burnley ក្នុង​ Premier League។ ជាមួយ​គ្នា​នេះ​ គេ​នឹង​​អវត្តមាន​ក្នុង​ League Cup មួយ​ប្រកួត​ទៀត​ជាមួយ Southampton ហើយ​អាច​ត្រឡប់​មក​វិញ​ពេល​ប៉ះ Malmö FF៕

អ្នកចាត់ការទូទៅក្លិប Chelsea លោក Thomas Tuchel បានលើកឡើងថា មានតែ Mateo Kovacic និង Mason Mount ប៉ុណ្ណោះដែលលេងយល់ចិត្តគ្នាជាងគេជាមួយ Romelu Lukaku។ ជាការពិតណាស់ កាលពីដើមរដូវកាល កីឡាករសញ្ជាតិប៊ែលហ្សិកខាងលើ បានសម្រេចចិត្តចាកចេញពី Inter Milan ដើម្បីវិលត្រឡប់មកកាន់ Chelsea វិញក្នុងតម្លៃខ្លួន ៩៧.៥លានផោន (ឬប្រមាណ១៣២លានដុល្លារ) ហើយ រូបគេអាចរកគ្រាប់បាល់បានសរុបចំនួនបួនគ្រាប់ហើយ។ លោក Tuchel បាននិយាយថា៖ ខ្ញុំគិតថាបាល់ទាត់ក្នុងពេលបច្ចុប្បន្ននេះ គឺ អាស្រ័យទៅលើការទាក់ទងគ្នា។ Lukaku គាត់មានទំនាក់ទំនងល្អនៅលើទីលានជាមួយ Kovacic និង Mount។ ពួកគេតែងតែសម្លឹងរកគ្នីគ្នា និង យល់ចិត្តគ្នាណាស់។ សម្រាប់កីឡាករផ្សេងៗទៀត គឺ គាត់ត្រូវការពេលវេលាដើម្បីសិក្សាពីគ្នាបន្ថែមទៀត ៕

លោក Antonio Conte អតីត​គ្រូ​របស់ Inter Milan បាន​និយាយ​ថា Chelsea មិន​ទាន់​ចេះ​ប្រើ​ខ្សែ​ប្រយុទ្ធ Romelu Lukaku​ នៅ​ឡើយ​ទេ។ Lukaku បាន​ត្រឡប់​មក​ចូលរួម​ជាមួយ Chelsea វិញ​ក្នុង​តម្លៃ​ខ្លួន​កំណត់ត្រា​របស់​ក្លឹប​៩៨​លាន​ផោន​​ក្នុង​រដូវ​ក្ដៅ​នេះ ហើយ​រក​បាន​ដល់​ទៅ​៤​គ្រាប់​ក្នុង​ការ​បង្ហាញ​ខ្លួន​លេង​៤​ប្រកួត​ដំបូង។ យ៉ាងណាក្ដី​លោក Conte ដែល​ធ្លាប់​ធ្វើ​ការ​ជាមួយ Lukaku នៅ Iner គិត​ឃើញ​ថា Chelsea គួរ​តែ​ចេះ​ប្រើ​កីឡាករ​ឲ្យ​ត្រឹមត្រូវ។ Chelsea បាន​បរាជ័យ​ក្រោម​ថ្វី​ជើង Juventus ១-០ កាល​ពី​យប់​មិញ​ក្នុង​កម្មវិធី Champions League។ ក្រោយ​ប្រកួត​នេះ​ចេះ Conte បាន​និយាយ​ពី Lukaku ថា គេ​នៅ​តែ​អាច​ធ្វើ​បាន​ល្អ​ជាង​អ្វី​ៗ​ទាំង​អស់​ជាមួយ​នឹង​បច្ចេកទេស​របស់​គេ។ គេ​កំពុង​ស្ថិត​នៅ​កម្រិត​ខ្ពស់ ប៉ុន្តែ​ជា​កីឡាករ​ម្នាក់​ត្រូវ​ពង្រឹង​រហូត​ដល់​ថ្ងៃ​ចូល​និវត្តន៍។ Conte បាន​បន្ថែម​ទៀត​ថា មាន​ខ្សែ​ប្រយុទ្ធ​ដូច Lukaku គឺ​ត្រូវ​តែ​ចេះ​ប្រើប្រាស់។ លោក​ក៏​មិន​ដឹង​ច្បាស់​ថា Chelsea ចេះ​ប្រើប្រាស់​កីឡាករ​​ឬ​នៅ​ទេ។ ប្រសិន​បើ​តោខៀវ​​​​​អាច​ស្វែង​យល់​ពី​របៀប​ប្រើ Lukaku ពួក​គេ​នឹង​ក្លាយ​ក្រុម​យក​​​ឈ្នះ​នៅ​ UCL រដូវ​កាល​នេះ៕

​ខ្សែ​ការពារ Giorgio Chiellini ​​របស់​ជម្រើស​ជាតិ​អ៊ីតាលី ​បាន​​បង្ហាញ​ក្ដី​សង្ឃឹម​​យ៉ាង​ខ្លាំង​ថា​ពាន Ballon d’Or ​ឆ្នាំ​នេះ​នឹង​បាន​ទៅ​មិត្ត​រួម​ជាតិ​ Jorginho ក្រោយ​ពេល​កីឡាករ​ Chelsea ​ទទួល​បាន​ជោគជ័យ​ទាំង​នៅ​ក្លឹប និង​នៅ​​ជម្រើស​ជាតិ​កាល​ពី​រដូវ​ក្ដៅ​​កន្លង​ទៅ​។ Chiellini ​នឹង​ត្រូវ​ប្រឈម​មុខ​ទល់​មិត្ត​រួម​ជាតិ Jorginho ​នៅ​យប់​នេះ​ក្នុង​ការ​ប្រកួត UEFA Champions League ​​វគ្គ​សន្សំ​ពិន្ទុ​​តាម​ពូល H ខណៈ​ដែល​ប្រកួត​បើក​ឆាក​របស់​ក្រុម​ទាំង​ពីរ​ឈ្នះ​ដូច​គ្នា​។ មុន​ពេល​ប៉ះ​គ្នា​យប់​នេះ​ខ្សែ​ការពារ​របស់ Juventus ​ខាង​លើ​បាន​​បង្ហាញ​អារម្មណ៍​រីករាយ ​និង​​ក្ដី​សង្ឃឹម​យ៉ាង​​ខ្លាំង​ថា Jorginho នឹង​ឈ្នះ​ពាន Ballon d’Or ព្រោះ​គេ​​ជា​បុគ្គល​ដែល​សក្តិសម​បំផុត​​ក្រោយ​ពេល​ជួយ Chelsea ឲ្យ​​ឈ្នះ Champions League​​ និង​ Euro 2020 ​នៅ​ឆ្នាំ​នេះ​។ ​ក្រៅ​ពី​ប្រឈម​មុខ​​ជា​មួយ Jorginho ខ្សែ​ការពារ​ខាង​លើ​នឹង​ត្រូវ​តាមបិទ Romelu Lukaku ដែ​ល​ជា​កីឡាករ​រក​បាន​​៣០​គ្រាប់ឲ្យ​​ក្រុម Inter Milan ​កាល​ពី​រដូវ​កាលមុន​​ក្នុង​ការ​ប្រកួត​សរុប​៤៤​ប្រកួត​ ដើម្បី​ជួយ Inter ឈ្នះ​ Serie A ដែល​បច្ចុប្បន្ន​​កំពុង​លេង​

Edin Dzeko បានស៊ុតបាល់បញ្ចូលទី ២ គ្រាប់ខណៈដែលក្រុមការពារតំណែងជើងឯកជើងឯក Serie A អ៊ីតាលី Inter Milan បានបំបាក់ក្រុម Bologna ដល់ទៅ៦ទល់និង១ក្នុងលទ្ធផលមិនធ្លាប់ជួបពីមុនមក។  ខ្សែប្រយុទ្ធ Lautaro Martinez បានជួយឲ្យ Inter Milan នាំមុខមុនក្រោយការបញ្ជូនបាល់ពី Denzel Dumfries ខណៈខ្សែការពារ Milan Skriniar បានតែតបាល់ពីការលើកចេញពីជ្រុងរបស់ Federico Dimarco,  Nicolo Barella និង Matias Vecino ក៏មានឪកាសរកបានគ្រាប់បាល់ជួយក្រុមផងដែរ។ ទោះយ៉ាងណា Theate មាន ឪកាសតដៃបាន១គ្រាប់បាល់វិញសម្រាប់ក្រុមភ្ញៀវនៅកៀកម៉ោងជិតបញ្ចប់ការប្រកួតតង់ទី២។ Inter Milan ដែលបានបាត់បង់គ្រូបង្វឹកជួយអោយពួកគេឈ្នះពាន Premier League លោក Antonio Conte និងអ្នកស៊ុតបញ្ចូលទីច្រើនជាងគេរដូវកាលមុន Romelu Lukaku និងកីឡាករមួយចំនួនទៀត នៅក្នុងរដូវក្តៅ​ក្រោមហេតុផលកាត់បន្ថយប្រាក់ឈ្នួល ទោះយ៉ាណាប៉ុន្តែពួកគេមិនស្គាល់ចាញ់សោះនៅ Serie A ក្រោមការ​ដឹកនាំរបស់លោក

កាលពីរាត្រីថ្ងៃ សៅរិ៍ កន្លងទៅត្រូវនឹងថ្ងៃទី ១១ ខែ កញ្ញា ឆ្នាំ ២០២១ ជាការប្រកួតសប្តាហ៍ទី ៤ នៃក្របខណ្ឌ Premier League រវាងក្រុមម្ចាស់ផ្ទះ Chelsea ទល់នឹងក្រុមភ្ញៀវ Aston Villa។ ជាការពិតណាស់ ក្រោមការដឹកនាំរបស់អ្នកចាត់ការលោក Thomas Tuchel ក្រុម Chelsea ពិតជាបង្ហាញទម្រង់លេងបានល្អឥតខ្ចោះមែនទែន នាការប្រកួតរដូវកាល ២០២១-២០២២ នេះ ហើយកាលពីយប់មិញទៀតសោត ពួកគេបានទទួលជ័យជម្នះទៅលើក្រុមភ្ញៀវ Aston Villa ក្នុងលទ្ធផល ៣ ទល់នឹង ០។ គិតមកត្រឹមសប្តាហ៍ទី ៤ នេះក្រុម Chelsea កំពុងឈរនៅលេងរៀងទី ២ នៃក្របខណ្ឌ Premier League មាន ១០ ពិន្ទុស្មើនឹងក្រុមកំពូលតារាង Manchester United ក្រោយឆ្លងកាត់ ១២ ប្រកួតពួកគេបានឈ្នះ ៣ ប្រកួត

ខ្សែប្រយុទ្ធ Romelu Lukaku របស់ក្រុមតោខៀវ Chelsea បានធ្វើអត្ថាធិប្បាយអំពីការប្រៀបធៀបជាមួយវីរបុរសរបស់ក្រុមបិសាចក្រហម Manchester United គឺ Cristiano Ronaldo ។ ថ្លែងនៅក្នុងសន្និសីទកាសែតមុនការប្រកួតរវាងក្រុម ប៊ែលហ្ស៊ិក ជួបជាមួយក្រុម សាធារណៈរដ្ឋឆេក នៅក្នុងវគ្គជម្រុះព្រឹត្តិការណ៍ World Cup ខ្សែប្រយុទ្ធ Lukaku បានរៀបរាប់យ៉ាងដូច្នេះថា៖ សូមកុំយកខ្ញុំទៅប្រៀបធៀបជាមួយនឹង Ronaldo អី។ Cristiano Ronaldo សម្រាប់ខ្ញុំ គាត់ជាខ្សែប្រយុទ្ធឆ្នើមម្នាក់ ក្នុងចំណោមកំពូលខ្សែប្រយុទ្ធទាំង ៣ នៃប្រវត្តិសាស្ត្របាល់ទាត់។ ខ្ញុំនឹងមិនចាត់ថ្នាក់គាត់ពីលេខរៀងទី ១ ដល់ទី ៣ នោះទេ ប៉ុន្តែគាត់បានស្ថិតនៅក្នុងនោះបាត់ទៅហើយ។ អ្វីដែលគាត់សម្រេចបាននៅក្នុងវិស័យបាល់ទាត់កំលុងពេលឥឡូវនេះ សម្រាប់កីឡាករដូចជាជំនាន់ពួកខ្ញុំគឺវាពិតជាពិសេសពិសាលខ្លាំងណាស់។ ខ្ញុំពិតជាសំណាងណាស់ ដែលអាចលេងតទល់ជាមួយគាត់តាំងពីនៅ អ៊ីតាលី ហើយឥឡូវគាត់បានត្រឡប់មក Premier League ទៀត, វាពិតជាល្អខ្លាំងណាស់ នៅក្នុងបាល់ទាត់អង់គ្លេស៕

​ក្រុម​តោខៀវ Chelsea នឹង​ធ្វើ​ដំណើរ​ទៅ​កាន់​ទឹក​ដី Anfield ​នៅ​ថ្ងៃ​សៅរ៍​​វេលា​ម៉ោង​១១​:៣០ នាទី​យប់​ស្អែក​នេះ​ ដើម្បី​​ប្រកួត​សប្ដាហ៍​ទី​៣​នៃ​ក្របខណ្ឌ​ Premier League ។ ក្នុង​​ជំនួប​ទល់​ក្រុម​​ខ្លាំង​ Liverpool នេះ​​លោក Ian Wright វីរបុរស​របស់​​ Arsenal យល់​ឃើញ​ថា ​Chelsea នឹង​មិន​ដាក់ Kai Havertz​ ក្នុង​ជម្រើស​ដំបូង​ដូច​ដែល​ក្រុម​តោ​ខៀវ​បាន​ធ្វើ​កាល​យក​ឈ្នះ​ក្រុម Arsenal ២-០​កាល​ពី​សប្ដាហ៍​មុន​នោះ​ទេ។​ វីរបុរស​របស់​ Arsenal ខាង​លើ​យល់​ឃើញ​ថា លោក Thomas Tuchel ​អ្នក​ចាត់​ការ​តោ​ខៀវ នឹង​ប្រើ​ Mason Mount ជា​ជំនួយ​ដល់​ការ​​សម្លាប់​របស់ Romelu Lukaku ​​​។ លោក​គិត​ថា ​តោ​ខៀវ​​ នឹង​ផ្លាស់ប្ដូរ​ទម្រង់​​មិន​​អាច​លេង​ដោយ​សេរី​ដូច​កាល​ប៉ះ Arsenal ទេ។ Chelsea បាន​ដឹង​យ៉ាង​ច្បាស់​​ថា បើ​សិន​ជា​ដាក់ Havertz ឲ្យ​លេង​ក្នុង​ជម្រើស​ដំបូង នោះ​Liverpool ពិត​ជា​ដឹង​ពី​វិធី​ក្នុង​ការ​បិទ​​ជាក់​ជា​មិន​ខាន​។ ​យ៉ាង​ណា​ប្រកួត​មុន​ពេល​យក​ឈ្នះ​​កាំភ្លើង​ធំ​២​-០នោះ​ Chelsea បាន​ដាក់ Havertz

កាលពីពេលថ្មីៗមកនេះ ខ្សែប្រយុទ្ធ Romelu Lukaku ទើបតែផ្ទេរមកក្លិបតោខៀវ Chelsea បន្ទាប់ពីធ្លាប់ចាកចេញនៅឆ្នាំ២០១៤ ដោយលើកនេះ Chelsea បានទិញយកគេពី Inter Milan ក្នុងតម្លៃខ្លួនជាង១៣០លានដុល្លារ។ ក្នុងនោះដែរកីឡាករសញ្ជាតិបែលស៊ិករូបនេះបានសារភាពថា ទាល់តែគេចាកចេញពីក្លិបបិសាចក្រហម Manchester United ទើបគេអាចក្លាយជាកីឡាករល្អមួយរូបបាន។ Lukaku ធ្លាប់លេងឲ្យ Manchester United បាន២រដូវកាលពោលគឺចាប់ពីឆ្នាំ២០១៧ ដល់ឆ្នាំ២០១៩ ដោយគេបានបង្ហាញខ្លួនចំនួន៩៦ប្រកួតប៉ុន្តែរកបាន៤២គ្រាប់ ហើយ៦ខែក្រោយ Ole Gunnar Solskjaer ចូលមកដឹកនាំ កីឡាកររូបនេះក៏បានចាកចេញពីទឹកដី Old Trafford ដោយសារមិនត្រូវស្ទាយ៍លេងរបស់លោកគ្រូ។ យ៉ាងណាមិញ Lukaku បានផ្ទេរទៅ Inter Milan បន្ទាប់ពីនោះនិងបានជួយឲ្យក្លិបលើកពាន Serie A លើកដំបូងក្នុងរយៈពេលដប់ឆ្នាំដោយគេរកបាន៣៤គ្រាប់ នៅរដូវកាលដំបូងហើយនៅរដូវកាលចុងក្រោយគេក៏រកបាន៣០គ្រាប់ទៀតមុននឹងចាកចេញមក Chelsea វិញ។

ខ្សែប្រយុទ្ធ Romelu Lukaku នឹង​ពាក់លេខ​៩ ដែល​ជា​លេខ​ក្ដៅ​ក្នុង​ក្លឹប​ Chelsea បន្ទាប់​ពី​ក្លាយ​ជា​កីឡាករ​ផ្លូវការ​របស់​ក្លឹប ហើយ​គេ​ចង់​បង្ហាញ​ខ្លួន​លេង​ឆាប់​ៗ។ កីឡាករ​ដែល​មាន​តម្លៃ​ខ្លួន​៩៧,៥​លាន​ផោន ផ្លាស់​ពី​ក្លឹប Inter Milan ត្រូវ​បាន​ក្លឹប​ទុក​ចិត្ត​ឲ្យ​លេខ​៩ ដែល​​អតីត​កីឡាករ​​មុន​​ៗ​ដូច​ជា Hasselbaink និង Gianluca Vialli ​​ធ្លាប់​ពាក់​ជោគជ័យ។ ប៉ុន្តែ​លេខ​មួយ​នេះ​​បាន​ក្លាយ​ជា​លេខ​ក្ដៅ​នៅ​រយៈ​កាល​ចុងក្រោយ ដោយ​ខ្សែ​ប្រយុទ្ធ​មួយ​ចំនួន​ដូច​ជា Fernando Torres, Crespo, Alvaro Morata និង Gonzalo Higuain ទទួល​យក​វា​​ហើយ​មិន​ជោគជ័យ​ជាមួយ​ក្លឹប។ ក្នុង​សន្និសីទកាសែត​​កីឡាករ​វ័យ​២៨​ឆ្នាំ​បាន​និយាយ​ថា គេ​ទទួល​​បាន​លេខ​៩ និង​សប្បាយ​ចិត្ត​ខ្លាំង​ណាស់ ហើយ​សំណាង​​ដែល​បាន​មក​ដល់​ក្នុង​ពេល​នេះ។ វា​ពិត​ជា​ល្អ​ដែល​បាន​ត្រឡប់​មក​វិញ។ ជា​កីឡាករ​បាល់ទាត់​ម្នាក់​ អ្នក​ត្រូវ​តែ​ប្រយុទ្ធ​ដើម្បី​សម្រេច​គោលដៅ​សុបិន្ត​របស់​អ្នក៕

លោក​ Thomas Tuchel សង្ឃឹម​ថា​ ខ្សែ​បម្រើ​ N’Golo Kante និង​ ខ្សែ​ប្រយុទ្ធ​ Romelu Lukaku នឹង​អាច​​មក​ជួយ​ Chelsea ក្នុង​ការ​ប្រកួត​ក្របខ័ណ្ឌ​ Premier League តទល់​នឹង​ Arsenal នៅ​ថ្ងៃ​ទី​អាទិត្យ​ ទី​២២ ខែ​សីហា ឆ្នាំ​២០២១​។ នេះ​បើ​យោង​តាម​ការ​ចុះ​ផ្សាយ​របស់​ក្លឹប​នេះ​ផ្ទាល់​។ Kante និង​ Lukaku ជា​កីឡាករ​ដែល​បាន​អនុ​វត្តមាន​ក្នុង​ការ​ប្រកួត​បើក​ឆាក​ដំបូង​នៃ​រដូវកាល​ថ្មី​ជា​មួយ​ក្លឹប​ Crystal Palace ក្នុង​លទ្ធផល​ឈ្នះ​ ៣-០។ បើ​តាម​ការ​បញ្ជាក់​របស់​ Tuchel ផ្ទាល់​ទាក់​ទង​នឹង​មូលហេតុ​មិន​បាន​ចូល​រួម​របស់​ Kante ក្នុង​ការ​ប្រកួត​ខាង​លើ​នេះ​គឺ​ដោយ​សារ​តែ​កីឡាករ​នេះ​រាង​មាន​បញ្ហា​កែង​ជើង​ក្រោយ​ប្រកួត​ចប់​​នឹង​ Villarreal ក្នុង​ក្របខ័ណ្ឌ​ UEFA Super Cup កាល​ពី​ថ្ងៃ​ព្រហស្បតិ៍​កន្លង​ទៅ​នេះ​។ ដូច្នេះ​លោក​ក៏​បាន​សម្រេច​ឲ្យ​កីឡាករ​នេះ​សម្រាក​ និង​ធ្វើការ​ព្យាបាល​សិន​ ដែល​រំពឹង​ថា​នឹង​ជា​សះស្បើយ​ ហើយ​ត្រលប់​មក​ចូល​រួម​ហ្វឹកហាត់​ជា​មួយ​ក្រុម​ដូច​ធម្មតា​វិញ​នៅ​ពាក់​កណ្ដាល​សប្ដាហ៍​នេះ​។ សម្រាប់​ Lukaku វិញ​ដែល​ជា​កីឡាករ​ថ្មី​សម្រាប់​ Chelsea ក្នុង​រដូវកាល​នេះ​ អ្នក​ចាត់​ការ​រូប​នេះ​ក៏​បាន​បញ្ជាក់​ផង​ដែរ​ថា​ គេ​កំពុង​ជាប់​ធ្វើ​ចត្តាឡីស័ក​ ហើយ​លោក​រំពឹង​ថា​កីឡាករ​នេះ​នឹង​បញ្ចប់​ការ​ធ្វើ​ចត្តាឡីស័ក​នេះ​តាម​ពេល​កំណត់​ និង​មក​ចូល​រួម​ហ្វឹកហាត់​ជា​មួយ​ក្រុម​នៅ​ថ្ងៃ​ទី​អង្គារ​