Tag: Ronald Koeman

តារាឆ្នើមរបស់ Atletico Madrid កីឡាករ Luis Suarez អាចនឹងវិលត្រលប់មកកាន់ Barcelona វិញ បន្ទាប់ពីគ្រូបង្វឹកលោក Xavi បានបើកភ្លើងខៀវព្រមទទួលយកកីឡាករសញ្ជាតិអ៊ុយរ៉ាហ្កាយខាងលើមកកាន់កីឡដ្ឋាន Camp Nou វិញ។ ជាការពិតណាស់ កាលពីឆ្នាំ២០២០កន្លងទៅ Suarez មានការខកចិត្តយ៉ាងខ្លាំងបន្ទាប់ពីរូបគេបានសម្រេចចិត្តចាកចេញពី Barcelona ទាំងបង្ខំ ដោយសាររូបគេមិនស្ថិតនៅក្នុងផែនការរបស់អតីតគ្រូបង្វឹក Ronald Koeman។ រូបនេះក៏បានធ្វើឲ្យលោក Koeman សោកស្តាយតាមរយៈការផ្ទេរទៅកាន់ Atletico Madrid និង បានជួយក្រុមឲ្យឈ្នះពានរង្វាន់ La Liga ផងដែរ។ យ៉ាងណាក្តី បច្ចុប្បន្ននេះ កីឡាករដែលមានវ័យ៣៤ឆ្នាំខាងលើ នៅសេសល់កុងត្រាជាមួយ Atletico Madrid តែចំនួន៦ខែទៀតប៉ុណ្ណោះ ខណៈ ទំនាក់ទំនងរវាងគេជាមួយនឹងក្លិប កំពុងឃ្លាតឆ្ងាយគ្នាបណ្តើរៗហើយ។ បើយោងទៅតាមការចុះផ្សាយរបស់កាសែត Fichajes របស់អេស្ប៉ាញបានលើកឡើងថា Barcelona ជាជម្រើសមួយសម្រាប់ Suarez នារដូវកាលក្រោយ ខណៈ លោក Xavi ក៏ចង់ឃើញវត្តមានរបស់គេមកកាន់កីឡដ្ឋាន

អ្នក​ចាត់​ការ Xavi Hernandez បាន​​ផ្លាស់​ប្ដូរ​ការ​ត្រៀម​ខ្លួន​របស់ Barcelona មុន​ការ​ប្រកួត​សំខាន់​ជាមួយ Bayern Munich នៅ​ថ្ងៃ​ពុធ​ស្អែក។ Barca ត្រូវ​ការ​ឈ្នះ​ដាច់​ខាត​​ដើម្បី​មាន​ឱកាស​បាន​ឡើង​ទៅ​កាន់​វគ្គ​១៦​ក្រុម​ចុងក្រោយ​។ ហើយ​មុន​ការ​ប្រកួត​មក ក្រុម​របស់​លោក Xavi នឹង​នាំ​គ្នា​ទៅ​ហ្វឹកហាត់​នៅ​ឯ​កីឡដ្ឋាន Allianz Arena តែ​ម្ដង។ កន្លង​ទៅ​ការ​លេង​ក្រៅ​ដី​​ក្នុង​ពាន​រង្វាន់ Champions League នា​រដូវ​កាល​នេះ អតីត​អ្នក​ចាត់ការ​ចាស់ Ronald Koeman ​តែង​ហ្វឹកហាត់​​នៅ Camp Nou មុន​ពេល​ចេញ​ដំណើរ​​ទៅ​ប្រកួត។ ប៉ុន្តែ​​ក្រោម​ការ​ដឹក​នាំ​របស់ Xavi ក្លឹប Barca នឹង​ហោះ​ទៅ​ប្រទេស​អាល្លឺម៉ង់​មុន​ពេល​ដើម្បី​ហ្វឹកហាត់​នៅ​ទីលាន​សម្រាប់​ប្រកួត​តែ​ម្ដង។ ការ​ទៅ​ហ្វឹកហាត់​នៅ Allianz Arena នៅថ្ងៃ​អង្គារ​នេះ ​ដោយ​សារ​តែ​ Xavi ចង់​ឲ្យ​កីឡាករ​ស៊ាំ​នឹង​បរិយាកាស​ក្នុង​កីឡដ្ឋាន។ ការ​ប្រកួត​រវាង Bayern និង Barca នឹង​លេង​ដោយ​គ្មាន​​​អ្នក​គាំទ្រ​ផ្ទាល់ ដោយ​សារ​តែ​ការ​រឹត​បន្តឹង​បញ្ហា​​ជំងឺ​កូវីដ-១៩​នៅ​ទីក្រុង Munich៕

Diario Sport អះអាងថា ខ្សែបម្រើ Philippe Coutinho របស់ Barcelona មិនមានចេតនាចាកចេញពីក្លឹបក្នុងខែមករាទេ។ កន្លងមកមានសេចក្តីរាយការណ៍ថាភាគីខាងក្លឹប Barcelona ចង់លក់ ឬយ៉ាងហោចណាស់ក៏បញ្ជូនកីឡាករប្រេស៊ីលឱ្យក្លឹបផ្សេងខ្ចីជើង ប៉ុន្តែមិនអាចស្វែងរកក្លឹបសមរម្យសម្រាប់ខ្សែបម្រើវ័យ 29ឆ្នាំរូបនេះចូលរួមបានទេ។ អតីតអ្នកចាត់ការក្រុម Barcelona លោក Ronald Koeman បានផ្តល់ឱកាសឱ្យ Coutinho បង្ហាញខ្លួនប៉ុន្តែ Coutinho បានបរាជ័យក្នុងការជាប់ជម្រើស១១នាក់ដំបូង។ Xavi Hernandez ដែលបានតែងតាំងឲ្យចូលដឹកនាំក្រុមកាលពីសប្តាហ៍មុន ត្រូវបានគេរាយការណ៍ថាសុខចិត្តពិភាក្សាជាមួយកីឡាករប្រេស៊ីលដោយផ្ទាល់ មុនពេលធ្វើការសម្រេចចិត្តលើអនាគតរបស់គេជាមួយក្លឹប។ សម្រាប់កីឡាករ Coutinho ផ្ទាល់បានបដិសេធមិនចាកចេញ ដោយប្តេជ្ញាចិត្តរងចាំបញ្ចប់រដូវកាលនេះទើបព្រមចាក់ចេញពីក្លឹបនៅអេស្ប៉ាញនេះ៕

Lionel Messi បាន​ចាកចេញ​ពី Barcelona កាល​ពី​រដូវ​ក្ដៅ​ ក្រោយ​​ពី​​ប្រកប​អាជីព​អស់​រយៈពេល​១៧​រដូវ​កាល ប៉ុន្តែ​​មជ្ឈដ្ឋាន​ជុំ​វិញ​របស់​ក្លឹប​ពិត​ជា​ចង់​ឲ្យ​គេ​ត្រឡប់​វិញ​ណាស់។ ​ការ​ចាកចេញ​របស់ Messi ដោយ​សារ​តែ​អស់​កុងត្រា​ជាមួយ​ក្លឹប ស្របពេល​ដែល Barca កំពុង​​ជួប​រឿង​វិបត្តិ​ហិរញ្ញវត្ថុ​និង​បំណុល​ជា​ច្រើន។ កីឡាករ​សញ្ជាតិ​អាហ្សង់ទីន​បាន​សម្រេច​ទៅ​ចូលរួម​ជាមួយ PSG​ ដែល​មាន​​អតីត​មិត្ត​រួម​ក្រុម​ Neymar នៅ​ទី​នោះ ដោយ​ទទួល​យក​កុងត្រា​២​ឆ្នាំ ពោល​ដល់​ឆ្នាំ​២០២៣។ តាម​រយៈ​កុងត្រា​នេះ​មាន​ការ​ជំរុញ​​ចង់​ឲ្យ Messi ត្រឡប់​មក Barca វិញ ពេល​ដែល​កុងត្រា​របស់​គេ​អស់។ លោក Victor Font ដែល​ឈរ​ឈ្មោះ​ជា​បេក្ខភាព​ប្រជែង​ធ្វើ​ជា​​ប្រធាន​ក្លឹប​កាល​ពី​ឆ្នាំ​២០២១ បាន​ជំរុញ​ក្លឹប​រៀប​គម្រោង​ហៅ Messi មក​វិញ។ ថ្មី​ៗ​នេះ Barca ទើប​តែ​តែងតាំង Xavi ធ្វើ​ជា​អ្នក​ចាត់​ការ​ថ្មី​ ក្រោយ​ក្លឹប​បណ្ដេញ​លោក Ronald Koeman ចេញ​ពី​តំណែង។ ប្រសិន​បើ Xavi អាច​រក្សា​តំណែង​រហូត​ដល់​ឆ្នាំ​២០២៣ វា​អាច​ជា​កត្តា​​ជួយ​រុញច្រាន​ឲ្យ​ Messi គិតគូរ​ត្រឡប់​មក Barcelona វិញ​ផង​ដែរ៕

Andres Iniesta ជឿជាក់ Xavi Hernandez នឹង​អាច​ជោគជ័យ​នៅ Barcelona ក្នុង​នាម​ជា​គ្រូ ដូច​​កាល​ដែល​គេ​នៅ​ជា​កីឡាករ។ Iniesta ​ដែល​បច្ចុប្បន្ន​ជា​កីឡាករ​របស់​ក្លឹប Vissel Kobe ថា Xavi ដឹង​ច្បាស់​ពី Barcelona ហើយ​នេះ​​ជា​កត្តា​​ដែល​ជួយ​ឲ្យ​គេ​អាច​ធ្វើ​បាន​ល្អ​នៅ​ទី​នោះ។ “គេ​ (Xavi) បាន​ត្រៀម​ខ្លួន​រួចរាល់​។ គេ​កំពុង​តែ​រៀបចំ ហើយ​គេ​មាន​សមត្ថភាព។ គេ​ពិត​ជា​ស័ក្ដិសម​ណាស់”។ សម្ដី Iniesta ប្រាប់ beIng Sports។ ​​Iniesta ក៏​បាន​ជូនពរ​ Xavi ឲ្យ​មាន​សំណាង​ល្អ​ ហើយ​ពិត​ជា​រំភើប​ដែល​​គេ​អាច​ទទួល​យក​ការ​ប្រកួត​ប្រជែង​នេះ។ និយាយ​ទាក់ទង​នឹង Lionel Messi អតីត​ជម្រើស​ជាតិ​​អេស្ប៉ាញ​បាន​បន្ថែម​ថា គេ​ពិត​ជា​ចង់​ឲ្យ​កីឡាករ​សញ្ជាតិ​អាហ្សង់ទីន​នៅ Barcelona ហើយ​ពិត​ជា​ប្លែក​ពេល​ដែល​ឃើញ​គេ​ពាក់​អាច​ក្រុម​ផ្សេង។ កាល​ពី​ថ្ងៃ​ទី ០៦ ខែ វិច្ឆិកា ឆ្នាំ ២០២១ ក្រុម Barca បាន​ប្រកាស​តែងតាំង​ Xavi ធ្វើ​ជា​អ្នក​ចាត់​ការ​ថ្មី ដោយ​ផ្ដល់​កុងត្រា​ដល់​ឆ្នាំ​២០២៤ ក្រោយ​ក្លឹប​បាន​បណ្ដេញ​លោក Ronald

កាសែត Qatar Al-Sadd ទើបតែបានប្រកាសពីកិច្ចព្រមព្រៀងរបស់ពួកគេលើការផ្ទេរលោក Xavi Hernandez ទៅកាន់ក្លឹបអ្នកមានបុណ្យ Barcelona ។ ក្លឹប​កាតាឡាន​មួយនេះបាន​ចំណាយទឹកប្រាក់ចំនួន 5 លាន​អឺរ៉ូ​លើ​លក្ខខណ្ឌ​​​ដែល​មាន​ចែង​ក្នុង​កិច្ចសន្យាដើម្បីទទួលបានអ្នកចាត់ការ​សញ្ជាតិ​អេស្ប៉ាញ Xavi Hernandez ។ សេចក្តីថ្លែងការណ៍ផ្លូវការរបស់ក្លឹប Al-Sadd បាននិយាយថា៖“ Xavi គឺជាផ្នែកមួយដ៏សំខាន់នៃប្រវត្តិសាស្រ្តរបស់ក្លឹប Al-Sadd ហើយយើងសូមជូនពរឱ្យគាត់ទទួលបានជោគជ័យ។ គាត់បានប្រាប់យើងកាលពីប៉ុន្មានថ្ងៃមុនអំពីបំណងប្រាថ្នារបស់គាត់ក្នុងការទៅដឹកនាំក្លឹប Barcelona ក្នុងពេលជាក់លាក់នេះ ដោយសារតែដំណាក់កាលដ៏សំខាន់ដែលក្លឹបកំណើតរបស់គាត់កំពុងជួបបញ្ហារ ហើយយើងយល់ពីរឿងនេះ ហើយបានសម្រេចចិត្តតាមបំណងរបស់គាត់”។ គ្រូបង្វឹកសញ្ជាតិអេស្ប៉ាញរូបនេះធ្លាប់លេងឱ្យក្លឹប Barça ចន្លោះឆ្នាំ 1998 និង 2015 នឹងចូលរួមជាមួយ ក្លឹបរបស់កាតា គឺ Al-Sadd ក្នុងនាមកីឡាករ និងជាអ្នកចាត់ការទូទៅក្លឹប 4 ឆ្នាំក្រោយមកបានឈ្នះពានរង្វាន់ចំនួន 7 ជាមួយក្រុមមួយនេះ។ ក្រោមការដឹកនាំរបស់លោក Ronald Koeman ក្លឹប Barcelona ទទួលបានត្រឹមតែ 16 ពិន្ទុប៉ុណ្ណោះក្នុង 11 ប្រកួតដែលឈរនៅលេខ 9

ខ្សែបម្រើ Philippe Coutinho របស់ក្លឹប Barcelona ទំនងជាត្រូវចាកចេញពីក្លឹបនៅក្នុងទីផ្សារដោះដូរកីឡាករខាងមុខនេះ។ កាសែត Diario Sport អះអាងថាបន្ទាប់ពីការបណ្តេញលោក Ronald Koeman ចេញពីតំណែងកីឡាករប្រេស៊ីលរូបនេះលែងជាផ្នែកមួយនៃផែនការរបស់ក្រុមអ្នកមានបុណ្យ Barcelona ទៀតហើយ។ កីឡាករវ័យ 29 ឆ្នាំរូបនេះទំនងជាមិនបង្ហាញខ្លួននៅលើទីលានម្តងទៀតទេ ជាពិសេសដោយសារទម្រង់លេងរបស់ Xavi Hernandez អ្នកចាត់ការសញ្ជាតិអេស្ប៉ាញត្រូវបានគេរំពឹងថានឹងកាន់កាប់ក្លឹបកាតាឡានបន្ទាប់ពីការវិលត្រឡប់របស់កីឡាករនឹងជម្រើសជាតិវិញ។ ដោយមានបំណងលក់ Coutinho ក្លឹប Barça រំពឹងថា Newcastle នឹងចុះហត្ថលេខាលើខ្សែបម្រើខាងលើក្នុងរដូវរងារខាងមុខនេះនេះ។ បញ្ជាក់ Philippe Coutinho រកបានតែមួយគ្រាប់គត់ក្នុងការបង្ហាញខ្លួន 8 លើកសម្រាប់ក្លឹប Barcelona ក្នុងរដូវកាលនេះ៕

​ក្លឹប​ Barcelona បាន​បញ្ជូន​តំណាង​របស់​ខ្លួន​ដែល​មាន​លោក​ Rafael Yuste អនុប្រធាន​របស់​ក្លឹប​ ក៏​ដូច​ជា​លោក​ Mateu Alemany នាយក​បាល់ទាត់​របស់​ក្លឹប​ទៅ​ទី​ក្រុង​ដូហា​ ប្រទេស​កាតា​ ដើម្បី​ចរចា​យក​ Xavi មក​ធ្វើ​ជា​គ្រូ​បង្គោល​ថ្មី​ក្លឹប​របស់​ខ្លួន​ ពី​ក្លឹប​ Al Sadd កាល​ពី​យប់​ថ្ងៃ​អង្គារ​ ម្សិលមិញ​។ នេះ​បើ​យោង​តាម​ការ​ចុះ​ផ្សាយ​របស់​ Marca ។ ក្រោយ​បណ្ដេញ​លោក​ Ronald Koeman ចេញ​ពី​តំណែង​គ្រូបង្គោល​ Xavi ជា​បេក្ខជន​មួយ​រូប​ដែល​ខាង​ Barca ចង់​បាន​រហូត​មក​ ខណៈ​ដែរ​គ្រូ​បង្គោល​រូប​នេះ​នៅ​ជាប់​កុងត្រា​ជា​មួយ​ Al Sadd ដល់​ឆ្នាំ​២០២៣។ បើ​តាម​ចុះ​ផ្សាយ​របស់​ Goal នៅ​ខណៈ​នេះ​ Barca នៅ​តែ​រង់​ចាំ​ចម្លើយ​ពី​ Xavi ប៉ុណ្ណោះដោយ​ខាង​ក្លឹប​នេះ​​សម្រេច​ឲ្យ​កុងត្រា​ ២ឆ្នាំ​ កន្លះ​មក​ដឹក​នាំ​ក្លឹប​របស់​ខ្លួន​។ សូម​រំលឹកផង​ដែរ​ថា​ ក្រោយ​បញ្ចប់​តួនាទី​លោក​ Koeman លោក​ Sergi Barjuan ក្លាយ​ជា​គ្រូបង្គោល​បណ្ដោះ​អាសន្ន​របស់​ Barca ៕

ក្រុមអ្នកមានបុណ្យ Barcelona បានប្រកួតជាមួយ Alaves នៅកីឡដ្ឋាន Camp Nou កាលពីយប់មិញ ដែលជាការប្រកួតដំបូងរបស់លោក Sergi Barjuan បន្ទាប់ពីការបណ្តេញចេញរបស់លោក Ronald Koeman ដែលបានបញ្ចប់ក្នុងលទ្ធផលស្មើ (1:1)។ កីឡាករ Barcelona ចំនួន ២នាក់ត្រូវបានបង្ខំឱ្យផ្លាស់ប្ដូរចេញពីទីលានមុនកំណត់។ ខ្សែប្រយុទ្ធ Sergio Aguero ត្រូវ​បាន​ប្ដូរ​ចេញ​នៅ​នាទី​ទី 41 ដោយ​សារ​តែ​ឈឺ​ដើម​ទ្រូង។ ខ្សែប្រយុទ្ធសញញជាតិអាហ្សង់ទីនរូបនេះត្រូវបានបញ្ជូនទៅមន្ទីរពេទ្យដើម្បីពិនិត្យបេះដូង។ លើសពីនេះប្រធានក្រុម Gerard Pique ក៏មានរបួសកំភួនជើងខាងស្តាំ តម្រូវអោយមានការធ្វើតេស្តបន្ថែមទៀតនឹងកំពុងរង់ចាំដើម្បីស្វែងរកស្ថានភាពជម្ងឺពិតប្រាកដនេះបើយោងតាមសារព័ត៌មានរបស់ក្លឹបបានរាយការណ៍៕

បន្ទាប់ពីការបណ្តេញលោក Ronald Koeman លោក Joan Laporta បាននិយាយជាមួយកីឡាករ Barcelona នៅរសៀលនេះ។ បន្ទាប់ពីការបរាជ័យរបស់ក្រុម Barcelona ក្រោមស្នាដៃក្រុម Rayo Vallecano កាលពីយប់ថ្ងៃពុធ លោក Koeman ត្រូវបានបណ្តេញចេញ។ បុរសសញ្ជាតិហូឡង់បានចូលកាន់ដំណែងតាំងពីខែសីហាឆ្នាំ 2020 ប៉ុន្តែបន្ទាប់ពីមានសម្ពាធយ៉ាងធ្ងន់ធ្ងរជាច្រើនខែមក រជ្ជកាលដឹកនាំរបស់គាត់បានឈានដល់ការបណ្ដេញចេញដែលមិនអាចគេចផុតបាន។ ការស្វែងរកអ្នកជំនួសតំណែងរបស់លោក Ronald Koeman បានចាប់ផ្តើមរួចហើយ វាហាក់ដូចជាអតីតកីឡាករ និងជាអ្នកចាត់ការទូទៅរបស់ Al-Sadd គឺលោក Xavi Hernandez នឹងក្លាយជាអ្នកទទួលខុសត្រូវបន្ទាប់។ Laporta បានជួបជាមួយកីឡាករនៅមជ្ឈមណ្ឌលហ្វឹកហាត់ Cuitat Esportiva របស់ក្លឹបក្នុងពេលជាមួយគ្នា៕

​ក្រុម FC Barcelona ​មាន​ក្ដី​ស្រមៃ​ចង់​បាន​លោក Jurgen Klopp ​មក​ធ្វើ​ជា​អ្នក​ចាត់ការ​ក្រុម​របស់​ខ្លួន ប៉ុន្តែ​ឱកាស​នោះ​ហាក់​នៅ​ឆ្ងាយ​បន្តិច ព្រោះ​ពេល​នេះ​លោក​នៅ​សល់​កុងត្រា​ជាមួយ Liverpool ​ច្រើន​ឆ្នាំ​ទៀត។ ​ក្លឹប​យក្ស​អេស្ប៉ាញ​​ខាង​លើ​កំពុង​មាន​ទម្រង់​លេង​មិន​ល្អ​នោះ​ទេ ​ក្រោម​ការ​ដឹក​នាំ​របស់​លោក Ronald Koeman ​ដោយ​ឈរ​នៅ​លេខ​៩​ក្នុង​លីគ La Liga ។ ប្រភព​នៅ​អេស្ប៉ាញ​បាន​បញ្ជាក់​ថា​ក្លឹប​អ្នក​មាន​បុណ្យ​នេះ ​ក៏​កំពុង​ស្វែង​រក​អ្នក​ចាត់ការ​ថ្មី​មក​ត្រៀម​ជំនួស​តំណែង​អ្នក​ចាត់ការ​ហុល្លង់​ខាង​លើ​នេះ​ផង​ដែរ។ ​ដោយ​ម្នាក់​នោះ​គឺ​លោក Klopp ​ដែល​កំពុង​ដឹក​នាំ​ក្រុម Liverpool ​បាន​យ៉ាង​ល្អ ​មិន​ទាន់​ចាញ់​សោះ។ ​ការ​ចិញ្ចឹម​ចិត្ត​ចង់​បាន​របស់​ក្រុម Barcelona ​ទំនង​ជា​ពិបាក​ខ្លាំង​បន្ដិច​ហើយ ក៏​ព្រោះ​តែ​លោក Klopp ​នៅ​ពេល​នេះ​មាន​កុងត្រា​នៅ​ទឹក​ដី Anfield ​ដល់​ឆ្នាំ ​២០២៤។ ខណៈ​ដែល​អ្នក​ចាត់ការ​សញ្ជាតិ​អាល្លឺម៉ង់​រូប​នេះ​ក៏​មិន​មាន​បំណង​ចង់​ចាកចេញ​ពី​ក្រុម Liverpool ​ដែរ។ ​លោក​ធ្លាប់​និយាយ​ថា​ចង់​ដឹក​នាំ​ក្រុម​ហង្ស​ក្រហម​នេះ រហូត​ដល់​ថ្ងៃ​ចូល​និវត្តន៍​តែ​ម្ដង​ផង៕

​ក្រុម​អ្នក​មាន​បុណ្យ FC Barcelona ​នឹង​ត្រូវ​ប្រកួត​ជាមួយ​ក្រុម Dynamo Kyiv ​នៅ​រាត្រី​នេះ​សម្រាប់​ការ​ប្រកួត​ពាន​រង្វាន់ UEFA Champions League ​។ ​នៅ​រាត្រី​នេះ ​ក្រុម​អ្នក​មាន​បុណ្យ​ពិត​ ជា​ត្រូវ​ការ​ជ័យជម្នះ​ដាច់​ខាត​ហើយ ព្រោះ​ប្រកួត​២​ប្រកួត​កន្លង​មក ពួកគេ​បរាជ័យ​ទាំង​២​ប្រកួត​ទៅ​ហើយ។ ​ប៉ះ​ក្រុម Dynamo Kyiv ​ដែល​ជា​ក្រុម​ខ្សោយ​មួយ​ដែរ​នោះ ​ទាមទារ​ដាច់​ខាត​ណាស់ ​គឺ​៣​ពិន្ទុ​ឱ្យ​បាន ដើម្បី​បន្ដ​ក្ដី​សង្ឃឹម​អាច​ឡើង​ទៅ​វគ្គ​១៦​ក្រុម​ចុង​ក្រោយ​ទៀត​បាន។ ជាមួយ​ការ​ទាមទារ​នេះ​ដែរ Aguero ​ខ្សែ​ប្រយុទ្ធ​ទើប​ជា​សះស្បើយ​ពី​របួស​របស់​ក្រុម Barcelona ​បាន​បង្ហាញ​ចំណាប់​អារម្មណ៍​ថា​៖ “យើង​ត្រូវ​តែ​ឈ្នះ ព្រោះ​ប្រសិន​បើ​យើង​មិន​អាច​ឈ្នះ​ទេ យើង​ស្ទើរ​តែ​ធ្លាក់​ចេញ​ហើយ។ យើង​កំពុង​មាន​ទំនុក​ចិត្ត និង​យើង​មាន​មនុស្ស​ដែល​អាច​ជួយ​យើង​ឱ្យ​លេង​បាន​ល្អ​បំផុត​បាន”។ ​ក្រុម​របស់​លោក​ Ronald Koeman ​ស្ថិត​នៅ​ពូល​ E ​នៃ​ពាន​រង្វាន់ UEFA Champions League។ ​២​ប្រកួត​កន្លង​មក​នេះ ​ពួកគេ​បរាជ័យ​ទាំង​២​ប្រកួត ដោយ​ចាញ់ Bayern Munich ​៣-0 ​និង​ចាញ់ Benfica ​៣-០ ​ដែរ។ បច្ចុប្បន្ន​ស្ថិត​នៅ​បាត​តារាង ​ឆ្លង​កាត់​២​ប្រកួត។ ​ក្រុម

គ្រូបង្វឹកក្រុម​​ Barcelona លោក Ronald Koeman ជឿជាក់ថាលោកនៅតែមាន សង្ឃឹមក្នុងការជួយក្រុមឲ្យយកឈ្នះពានក្របខណ្ឌ La Liga បាន។ ជាការពិតណាស់ ក្រុម Barca កំពុងតែធ្លាក់ជើងខ្លាំងក្រោមការដឹកនាំរបស់លោក Koeman ដោយ Barca រងការបរាជ័យជាញឹកញាប់ ហើយបច្ចុប្បន្នកំពុងឈរនៅលេខ​៩ ក្នុងតារាងនៃក្របខណ្ឌ La Liga។ ទោះយ៉ាងលោក Koeman នៅតែមានសង្ឃឹមថា លោកអាចជួយស្រោចស្រង់ក្រុមបាន។ លោក Koeman បាននិយាយថា៖ ចាំពេលកីឡាកររបស់យើងដែលមានរបួសជាអស់វិញសិន ទើបខ្ញុំអាចរៀបទម្រង់លេងរបស់ក្រុមសាជាថ្មីបាន។ ពួកយើងនៅមិនទាន់មានសំណាងដោយសារ យើងនៅមានខ្សែប្រយុទ្ធរបួសច្រើន ដូច្នេះហើយដើម្បីពង្រឹងក្រុមឲ្យល្អជាងនេះបាន ទាល់តែយើងចាំពួកគេជាសះស្បើយអស់វិញសិន៕

ក្លិបសារិកាព្រៃ Newcastle United ត្រូវគេរាយការណ៍ថា បានដាក់រ៉ាដាលើខ្សែបម្រើប្រយុទ្ធ Philippe Coutinho របស់ក្រុម Barcelona ជាកីឡាករចំណូលថ្មីដំបូងគេដែលពួកគេចង់បាន ក្រោយមានវត្ដមានម្ចាស់ក្លិបថ្មី ជាព្រះអង្គម្ចាស់​នៃ​ប្រទេស​អារ៉ាប៊ីសាអ៊ូឌីត។ សារព័ត៌មានអេស្ប៉ាញ ​Sport.es បានអះអាងថា អ្នកតំណាងរបស់ Coutinho បានជួបពិភាក្សាជាមួយម្ចាស់ថ្មីរបស់ក្លិប Newcastle នៅដើមឆ្នាំនេះ ពោលគឺនៅមុនប៉ុន្មានខែដែលព្យាយាមទិញយកក្លិប។ របាយការណ៍បញ្ជាក់ដែរថាខ្សែបម្រើវ័យ ២៩ឆ្នាំរូបនេះក៏ទំនងជាចាប់អារម្មណ៍ក្នុងការផ្លាស់ទៅលេងនៅក្របខណ្ឌ Premier League វិញផងដែរ បន្ទាប់ពីរយៈពេល ៤ឆ្នាំនៃការចាកចេញពី Liverpool ទៅចូលរួម​ Barcelona។ ប៉ុន្ដែ នៅឯទឹកដីអេស្ប៉ាញ រូបគេមិនទាន់ជោគជ័យឡើយ ដោយសារបញ្ហារបួសញាំញី បូករួមទាំងការមិនពេញចិត្ដរបស់លោកគ្រូបង្វឹក Ronald Koeman។ គួរបញ្ជាក់ថា ម្ចាស់ក្លិបថ្មីដែលមានទ្រព្យច្រើនមហាសាល នឹងត្រៀមចំណាយលើកីឡាករចំណូលថ្មីៗ នាទីផ្សារដោះដូរកីឡាករនាពេលខាងមុខនេះ ដោយបានកត់ឈ្មោះកីឡាករគោលដៅចូលទៅក្នុងបញ្ជីរួចរាល់ផងដែរ៕

Lionel Messi ទើប​តែ​រ​ក​បាន​មួយ​គ្រាប់ឲ្យ Paris Saint-Germain ​ក្នុង​ការ​​លេង​ UEFA Champions League កាល​យក​​ឈ្នះ Manchester City បន្ទាប់​មក​ក៏​បរាជ័យ​ក្រោម​ថ្វី​ជើង ​Rennes ២-០កាល​ពី​សប្ដាហ៍​មុន​​នៅ​ Ligue 1 ។ ក្នុង​បទ​សម្ភាសន៍​មួយ​​​ជា​មួយ France Football ​ខ្សែ​ប្រយុទ្ធ​ជម្រើស​ជាតិ​អាហ្សង់ទីន​បាន​និយាយពី​ការ​ផ្ទេរ​ទៅ​កាន់ PSG ថា​ជា​ការ​សម្រេច​ចិត្ត​ដ៏​ត្រឹម​ត្រូវ​បំផុត​មួយ​សម្រាប់​រូប​គេ​។ «​ខ្ញុំ​​មិន​បាន​បង្កើត​កំហុស​ឡើយ ក្នុង​ការ​ផ្ទេរ​​ទៅ​កាន់​ក្លឹប​ថ្មី PSG »​នេះ​ជា​សម្ដី​របស់ Messi ។ បើ​ទោះ​ PSG មិន​ទាន់​​ទទួល​បាន​ផ្លែផ្កា​ពី​ការ​ទិញ​យក​ Messi ​ខ្លាំង​ ប៉ុន្តែ​ពូក​គេ​បំពេញ​ក្ដី​ស្រមៃ​​អ្នក​គាំទ្រ​របស់​ខ្លួន​ឲ្យ​សប្បាយ​ចិត្ត​ក្នុង​ការ​យក​បាន Messi ។ ទាក់ទ​ង​ការ​​​លេង​នៅ PSG របស់​ Messi នេះដែរ Koeman ​ក៏​បាន​និយាយ​ដែរ​ថា ​ខ្សែ​ប្រយុទ្ធ​​អាហ្សង់ទីន​ហាក់មិន​ទាន់​បង្ហាញ​ឲ្យ​គ្រប់​គ្នា​បាន​ឃើញ​ពី​កម្រិត​ដ៏​ល្អ​របស់​ខ្លួន​ដូច​កាល​នៅ Barca ដែល​គេ​ធ្លាប់​បាន​ធ្វើ​ និង​បាន​ឈ្នះ​ពាន​ឡើយ​។ ​​ខ្សែ​​ប្រយុទ្ធ​ដែល​ចាប់​ផ្ដើម​​អាជីព និង​បង្កើត​ភាព​ល្បីល្បាញ​នៅ Barcelona ​រូប​នេះ​មិន​ត្រូវ​បាន​គេ​គិត​ថា នឹង​ចាក​ចេញ​ពីទឹក​ដី​អេស្ប៉ាញ​​​ឡើយ។ ប៉ុន្តែ​គេ​មិន​អាច​​​នៅ

អ្នកចាត់ការក្រុម Ajax លោក Erik ten Hag អាចបន្តអាជីពរបស់គាត់នៅអេស្ប៉ាញជាមួយក្រុមអ្នកមានបុណ្យ Barcelona ។ យោងតាមសារព័ត៌មាន Marca ប្រធានក្លឹប Barcelona លោក Joan Laporta ចង់សហការជាមួយគ្រូបង្វឹកវ័យ ៥១ ឆ្នាំរូបនេះ។ អ្នកចាត់ការសញ្ជាតិហូឡង់រូបនេះស្ថិតនៅក្នុងបញ្ជីឈ្មោះអ្នកស្នងតំណែងដ៏មានសក្តានុពលរបស់ Ronald Koeman ជាមួយ Xavi Hernandez, Roberto Martinez និង Thierry Henry ក្នុងចំណោមពួកគេ។ នៅពេលសួរថាតើវាអាចទៅរួចទេសម្រាប់លោក Ten Hag ដើម្បីកាន់ដំណែងអ្នកចាត់ការទូទៅក្រុម Barça នៅថ្ងៃខាងមុខ ។ លោក Erik ten Hag បានឆ្លើយថា“ គាត់កំពុងរវល់ជាមួយក្រុម Ajax” ។ បច្ចប្បន្នក្រុមរបស់លោក Koeman ស្ថិតនៅលេខរាងទី ៩ នៅក្នុងតារាង La Liga ដែលមានត្រឹមតែ ១២

ខ្សែ​ប្រយុទ្ធ Luis Suarez ​បាន​ព្រមាន​រំឭក​ដល់​អតីត​មិត្តរួម​ក្រុម Xavi Hernandes ឲ្យ​ទប់ទល់​នឹង​ការ​ល្បួង​ឲ្យ​ទៅ​ធ្វើ​គ្រូ​របស់ Barcelona ព្រោះ​ជា​ពេលវេលា​មិន​ស័ក្ដិសម។ កៅអី​​គ្រូ​របស់​លោក Ronald Koeman កំពុង​តែ​ក្ដៅ​មែនទែន​ហើយ ក្រោយ​លោក​ដឹក​នាំ Barcelona ចាញ់ Benfica កាល​ពី​ថ្ងៃ​ពុធ។ នាយក​របស់ Barca បាន​​បើក​ការ​ពិភាក្សា​គ្នា​រហូត​ដល់​ម៉ោង​៤​ទៀបភ្លឺ​ក្នុង​ទីក្រុង Lisbon ដើម្បី​ស្វែង​​យល់​ពី​ច្បាប់​ចាយ​វាយ (Financial Fair Play) របស់​ La Liga ក្នុងការ​ការ​បណ្ដេញ​លោក Koeman។ វីរបុរស​​របស់​ក្លឹប​ Xavi គឺ​ជា​បេក្ខភាព​ម្នាក់​​ដែល​អាច​នឹង​មក​ស្នង​តំណែង​នៅ Barca ខណៈ Andrea Pirlo និង​អ្នក​ចាត់​ការ​របស់​​បែលហ្ស៊ិក​ Roberto Martinez ត្រូវ​បាន​គេ​មើល​ឃើញ​ជា​បេក្ខភាព​ស័ក្តិសម​ដូច​គ្នា។ ​យ៉ាងណាមិញ Suarez ដែល​​​នៅ​តែ​មាន​ទំនាក់ទំនង​ជាមួយ​​កីឡាករ​ Barcelona ផ្សេង​ៗ​បាន​​ទទូច​កុំ​ឲ្យ Xavi ទៅ​ដឹក​នាំ​ពេល​នេះ​អី ព្រោះ​តែ​ភាព​តានតឹង​រវាង Koeman និង​ប្រធាន​ក្លឹប​លោក Joan Laporta និង​បញ្ហា​ផ្សេង​ទៀត​នៅ​ពី​ក្រោយ​ឆាក។

​លោក Ronald Koeman ​ដឹង​ខ្លួន​ច្បាស់​ថា​នឹង​ត្រូវ​ជួប​អ្វី ​ក្រោយ​ពី​ដឹក​នាំ​ក្រុម FC Barcelona ​បន្ដ​ចាញ់​ក្រុម Benfica ​ក្នុង​លទ្ធផល ​៣-០​​ក្នុង​ពាន​រង្វាន់ UEFA Champions League ។ ​ការ​បរាជ័យ​២​ប្រកួត​ជាប់​គ្នា​បើក​ឆាក​ក្នុង​ពូល​ពាន​រង្វាន់ UEFA Champions League ​នេះ​គឺ​ជា​កំណត់ត្រា​អាក្រក់​បំផុត​សម្រាប់​ក្រុម Barcelona ​ហើយ​ក្នុង​ប្រវត្តិសាស្ត្រ​របស់​ពួកគេ។ ខណៈ​ដែល​ការ​ចាញ់​នោះ​ទៀត​សោត គឺ​ចាញ់ ៣-០ ​ទាំង​២​ប្រកួត​តែ​ម្ដង​នា​រដូវ​កាល​នេះ។ ​ដោយ​ប្រកួត​ដំបូង​ចាញ់ Bayern Munich ​០-៣ ​និង​ប្រកួត​ទី​២​យប់មិញ ចាញ់ Benfica ​៣-០ ​ទៀត។ ​ដោយសារ​តែ​បែប​នេះ​ហើយ ទើប​បាន​ជា​លោក Koeman ​ដឹង​ខ្លួន​ច្បាស់​ថាអាច​​នឹង​ត្រូវ​ក្លឹប​ដក​ចេញ​មិន​ខាន​នា​ពេល​ខាង​មុខ​នេះ ព្រោះ​ថ្នាក់​ដឹក​នាំ​ក្លឹប​មិន​ពេញ​ចិត្ដ​នឹង​លទ្ធផល​បែប​នេះ​ឡើយ។ តែ​លោក​ក៏​មើល​ឃើញ​ថា​សមាជិក​ក្រុម​នៅ​តែ​ឈរ​នៅ​ពី​ក្រោយ​លោក​ជា​និច្ច​ផង​ដែរ។ តែ​លទ្ធផល​ពិបាក​ទទួល​យក​ពេក ​ដូច្នេះ​ហើយ​ទើប​បាន​ជា​លោក​យល់​ថា​តំណែង​ខ្លួន​ទំនងជា​មិន​អាច​រក្សា​នោះ​ទេ៕