Tag: RONALDO

ខ្សែប្រយុទ្ធកីឡាករ Cristiano Ronaldo ត្រូវបានគេរាយការណ៍ថាកំពុងតេសប្បាយរីករាយយ៉ាងខ្លាំងក្រោយយកឈ្នះក្នុងលទ្ធផល ៣-២ ដោយ Ronaldo រកបាន១គ្រាប់ដោយបាល់ប៉េណាំងទី។ ជាការពិតណាស់ Ronaldo ត្រូវបានក្លិប Man Utd ផ្តាច់កុងត្រាបន្ទាប់ពីរូបគេមានរឿងជាមួយលោកគ្រូ Eric Ten Hag និងនិយាយថារូបគេត្រូវបានគេក្បត់នៅក្លិប Man Utd។ ជាក់ស្តែងគេសង្កេតឃើញថា Ronaldo ហាក់គ្មានប្រតិកម្មអ្វីនោះទេ ពីព្រោះរូបគេកំពុងផ្តោតជាមួយក្រុមជម្រើសជាតិព័រទុយកាលក្នុងព្រឹត្តិការណ៍ World Cup ដោយគ្រាន់តែលោកគ្រូបង្វឹកលោក Fernando Santos ឱ្យសម្រាកពីហ្វឹកហាត់ Ronaldo បាននាំមិត្តរួមក្រុមជម្រើសជាតិព័រទុយកាលទៅពិសាអាហារពេលល្ងាចនៅភោជនីយដ្ឋានដែលមានឈ្មោះថា Tatel De Doha លើកោះ Al Maha ដោយភោជនីយដ្ឋាននេះ រូបគេមានហ៊ុនរួមជាមួយកីឡាករវាយកូនបាល់ឈ្មោះថា Rafael Nasal។ គួរបញ្ជាក់ដែរថា Ronaldo ផ្តោតលើពានរង្វាន់នេះខ្លាំដោយសារតែវាជាឱកាសលើកចុងក្រោយរបស់គាត់ ពីព្រោះ World Cup 2022 រួចគាត់អាចនឹងចូលនិវត្តពីបាល់ទាត់ហើយ៕

ក្លិប Al Nassr របស់អារ៉ាប៊ីសាអូឌីតក្នុងមជ្ឈឹមបូព៌ាហ៊ានឲ្យ Cristiano Ronaldo ៦២លានផោនក្នុង១ឆ្នាំ (ប្រមាណ៧៥លានដុល្លារអាមេរិក) ប្រសិនបើរូបគេព្រមទៅលេងឲ្យនោះ។ ជាការពិតណាស់ Ronaldo ត្រូវបានក្លិប Man Utd ផ្តាច់កុងត្រាបន្ទាប់ពីរូបគេមានរឿងជាមួយលោកគ្រូ Eric Ten Hag និងនិយាយថារូបគេត្រូវបានគេក្បត់នៅក្លិប Man Utd ក្នុងបទសម្ភាសន៍ជាមួយលោក Piers Morgan។ ដូច្នេះមានន័យថា Ronaldo កំពុងតែជាកីឡាករ Free Agent ដែលគ្មានតម្លៃសំខាន់។​ អ្វីដែលកាន់តែពិសេសនោះគឺ ក្លិបយក្សនៅមជ្ឈឹមបូព៌ា Al Nassr កំពុងដាក់កុងត្រាស្នើទៅកាន់ Ronaldo ដោយកិច្ចសន្យារយៈពេល ៣ឆ្នាំមានតម្លៃ ១៨៦លានផោន (២២៥លានដុល្លារអាមេរិក) ប៉ុន្តែ Ronaldo មិនទាន់សម្រេចចិត្តនោះទេ ក៏ព្រោះតែរូបគេកំពុងតែជាប់ភារកិច្ចជួយក្រុមជម្រើសជាតិព័រទុយកាល់ក្នុងព្រឹត្តិការណ៍ World Cup 2022។ ដូច្នេះ តើ Ronaldo អាចប្តូរមកលេងនៅមជ្ឈឹមបូព៌ាដែរឬទេក្រោមតម្លែខ្លួន ៦២លានអុឺរ៉ូក្នុង១ឆ្នាំ?

រដ្ឋមន្ត្រី​ក្រសួង​កីឡា​អារ៉ាប៊ីសាអ៊ូឌីត​ព្រះអង្គម្ចាស់ Abdulaziz bin Turki Al-Faisal បាន​ប្រាប់​សារព័ត៌មាន Sky Sports ថា ព្រះអង្គ​ចង់​ឃើញ​ខ្សែ​ប្រយុទ្ធ​ព័រទុយហ្គាល់​កីឡាករ Cristiano Ronaldo លេង​នៅ​ក្នុង​ប្រទេស​ទ្រង់។ ព្រះអង្គម្ចាស់​មាន​បន្ទូល​ថា៖ «តើ​នរណា​មិន​ចង់​បាន Ronaldo នោះ​?»។ បន្ថែម​ពី​នោះ​ទៀត រដ្ឋមន្ត្រី​ក្រសួង​កីឡា​មួយ​នេះ​បាន​លើកឡើង​ថា Ronaldo និង​ខ្សែ​ប្រយុទ្ធ​អាហ្សង់ទីន​ Lionel Messi ជា​គំរូ​ដ៏​ល្អ​មួយ​សម្រាប់​ក្មេងៗ​ជំនាន់​ក្រោយ ក្នុង​នោះ​ដែរ ប្រសិន​បើ​បាន​ Ronaldo នោះ​អារ៉ាប៊ីសាអ៊ូឌីត​អាច​ពង្រឹង​លីគ​បាល់ទាត់​របស់​ខ្លួន​ឱ្យ​ទៅ​ជា​ស្តង់ដា​ពិភពលោក។ អារ៉ាប៊ីសាអ៊ូឌីត​កំពុង​តែ​ធ្វើ​ការ​វិនិយោគ​លើ​វិស័យ​បាល់ទាត់ ដោយ​កាល​ពី​ឆ្នាំ២០២១ ប្រទេស​អារ៉ាប​មួយ​នេះ​បាន​ទិញ​យក​ក្លឹប​អង់គ្លេស Newcastle United តែ​ម្ដង។ ចំណែក​ឯ Ronaldo វិញ​នៅ​ពេល​នេះ​ដែរ​កំពុង​តែ​ស្ថិត​ក្នុង​សភាព​ជា​កីឡាករ​គ្មាន​ក្លឹប ក្រោយ​ពេល​ដែល Manchester Untied ប្រកាស​ផ្ដាច់​កុងត្រា​ជាមួយ​កីឡាករ​រូប​នេះ៕

Wayne Rooney បាន​និយាយ​ទៅ​កាន់​សារព័ត៌មាន​ Sports 18 នៅ​ក្នុង​ថ្ងៃ​នេះ​ថា​ លោក​មិន​មាន​អ្វី​ភ្ញាក់ផ្អើល​ទេ​ នៅ​ពេល​ឮ​ដំណឹង​ ខ្សែ​ប្រយុទ្ធ​ Cristiano Ronaldo និង​ក្លឹប​ Manchester United សម្រេច​បញ្ចប់​កុងត្រា​ជា​គ្នា​។ ទាក់ទង​នឹង​រឿង​ Ronaldo និង​ Man Utd កាល​ពី​ពេល​ថ្មីៗ​នេះ​គឺ​មាន​ភាព​មិន​ចុះ​សម្រុង​គ្នា​ខ្លាំង​ ដោយ​កំពូល​ខ្សែប្រយុទ្ធ​រូប​នេះ​បាន​ធ្វើ​និយាយ​ទៅ​កាន់​សាធារណៈ​នៅ​ក្នុង​ពេល​សម្ភាសន៍​ថា​ មិន​ពេញ​ចិត្ត​នឹង​ក្លឹប​នេះ​ ព្រោះ​អ្នកចាត់ការ​ Erik Ten Hag ថ្នាក់ដឹកនាំ​ និង​កីឡាករ​មួយ​ចំនួន​មិន​គោរព​គេ​ ព្រម​ទាំង​ថា​ក្លឹប​នេះ​គ្មាន​ការ​វិវត្តន៍​អ្វី​សោះ​ក្រោយ​ចប់​ពី​លោក​ Alex Ferguson ។ យ៉ាង​ណា​នៅ​ក្នុង​ថ្ងៃ​នេះ​ Man Utd ក៏​ចេញ​សារ​ប្រកាស​ជា​សាធារណៈ​ថា​ ភាគី​ក្លឹប​ និង​ Ronaldo គឺ​បាន​ព្រម​ព្រៀង​គ្នា​សម្រេច​បញ្ចប់​កុងត្រា​មុន​ពេល​កំណត់​។ ពាក់ព័ន្ធ​នឹង​រឿង​ Rooney បាន​លើក​ឡើង​ថា​៖” ​មិន​មាន​អ្វី​ភ្ញាក់ផ្អើល​ទេ​ ព្រោះ​តែ​គ្មាន​ជម្រើសជាតិ​អី​ផ្សេង​ក្រៅ​ពី​ហ្នឹង​នោះ​ទេ​ គ្រាន់​តែ​វា​រាង​អាម៉ាស់​បន្តិច​ ព្រោះ​ថា​គេ​ជា​កីឡាករ​ដ៏​អស្ចារ្យ​សម្រាប់​ក្លឹប​នេះ​ ខ្ញុំ​មាន​តែ​ជូនពរ​គេ​ឲ្យ​ជោគជ័យ​រាល់​កន្លែង​ដែល​គេ​ទៅ​ “។ Ronaldo ផ្លាស់​មក​ Man Utd ជា​លើក​ទី​២គឺ​ចាប់​ឆ្នាំ​២០២១មក​

កីឡាករ​ Cristiano Ronaldo បាន​ឆ្លើយ​តប​បន្ថែម​ទាក់​ទិន​នឹង​បទ​សម្ភាសន៍​ដែល​ខ្លួន​បាន​ធ្វើ​ការ​ទិ​តៀន​ខ្លាំងៗ​ទៅ​លើ​ក្លឹប Manchester United។ ក្នុង​សន្និសីទ​សារព័ត៌មាន​​នា​ថ្ងៃ​នេះ នា​ពេល​អ្នក​កាសែត​សួរ​ពាក់​ព័ន្ធ​នឹង​បទ​សម្ភាសន៍​របស់​ខ្លួន​នា​ពេល​ថ្មី​ៗ​នេះ Ronaldo បាន​បញ្ជាក់​ថា៖ “ខ្ញុំ​ចង់​និយាយ​នៅ​ពេល​ណា​ដែល​ខ្ញុំ​ចង់​និយាយ។​ ខ្ញុំ​មិន​បារម្ភ​អ្នក​ផ្សេង​គិត​អី​នោះ​ទេ។ អ្នក​ណា​ក៏​ដឹង​ដែរ​ថា ខ្ញុំ​ជា​អ្នក​ណា ហើយ​ខ្ញុំ​ជឿ​ជាក់​លើ​គោលការណ៍​អ្វី​ខ្លះ”។ កាល​ពី​សប្ដាហ៍​មុន Ronaldo បាន​ធ្វើ​បទ​សម្ភាសន៍​មួយ​ដែល​បាន​ប្រើ​សម្ដី​ខ្លាំងៗ​ក្នុង​ការ​ទិតៀន​ក្លឹប​បិសាច​ក្រហម។ ក្រោយ​ពី​ចេញ​បទ​សម្ភាសន៍​នេះ ក្លឹប Man Utd បាន​ប្រកាស​ថា​នឹង​ចាត់​វិធាន​ការ​សមស្រប​ផ្សេងៗ ដើម្បី​ឆ្លើយ​តប​នឹង​ទង្វើ​របស់​កីឡាករ​ព័រទុយហ្គាល់​រូប​នេះ។ រហូត​មក​ទល់​ពេល​នេះ ក្លឹប​មិន​បាន​បញ្ជាក់​ថា​វិធាន​ការ​នោះ គឺ​ជា​វិធានការ​បែប​ណា​នោះ​ទេ៕

អតីតខ្សែបម្រើក្លិប Manchester United កីឡាករ Paul Pogba បានទម្លាយឲ្យដឹងថា ការតាំងចិត្តរបស់ Cristiano Ronaldo គឺ ពិតជាអស្ចារ្យ ខ្លាំងណាស់។ ជាការពិតណាស់ អនាគតរបស់ Ronaldo ជាមួយ Man UTD ទំនងជានឹងដាច់ស្រាច់គ្នាហើយក្រោយបញ្ចប់ព្រឹត្តិការណ៍ World Cup បន្ទាប់ពីរូបគេបានទម្លាយអំពីបញ្ហារបស់ក្លិបជាសាធារណៈ ដែលធ្វើឲ្យថ្នាក់លើរបស់ក្រុមបិសាចក្រហមខឹងសម្ប៉ានឹងរូបគេជាខ្លាំង ខណៈ រូបគេកំពុងតែមានពាក្យចចាមអារ៉ាមក្នុងការផ្លាស់ទៅកា Chelsea,Bayern Munich និង Real Madrid ជាដើម។ ក្នុងនោះចំពោះការយល់ឃើញរបស់ Pogba បាននិយាយថា៖ “វាជាបុគ្គលិកលក្ខណៈរបស់គាត់ គាត់ជាអ្នកឈ្នះពិតតប្រាកដ គាត់មិនដែលពេញចិត្តនឹងអ្វីដែលគាត់បានធ្វើ គាត់តែងតែចង់បានលើសនេះ គាត់អាចធ្វើបានល្អជាងនេះ។ ការតាំងចិត្តរបស់គាត់ គឺ ពិតជាអស្ចារ្យ ខ្លាំងណាស់”៕

លោក Jose Mourinho បានចាត់ទុក Cristiano Ronaldo ជាកីឡាករដែលមានរដែលមានវិជ្ជាជីវៈបំផុត បំផុតដែលលោកបានធ្លាប់បានបង្វឹក។ ជាការពិតណាស់ លោក Mourinho ធ្លាប់បានរួមការងារជាមួយគ្នាបានម្តងជាមួយ Ronaldo នៅចន្លោះឆ្នាំ ២០១០-២០១៣ ជាមួយ Real Madrid ដោយពេលនោះ អ្នកទាំងពីរធ្លាប់បានឈ្នះពានរង្វាន់ចំនួនបីជាមួយគ្នាដូចជា La Liga, Copa Del Rey និង Supercopa de Espana។ លោក Mourinho បាននិយាយថា៖ “ការដែលបានបង្វឹក Ronaldo គឺ ជារឿងរ៉ាវល្អបំផុតក្នុងអាជីពជាគ្រូរបស់ខ្ញុំ។ គេជាកីឡាករមានរដែលមានវិជ្ជាជីវៈបំផុត ដែលខ្ញុំធ្លាប់បានបង្វឹក”៕

កាលពីថ្ងៃ សៅរិ៍ ទី ១៩ ខែវិច្ឆិកា ម្សិលមិញ, ក្រុមហ៊ុនសម្លៀកបំពាក់ដ៏ល្បីប្រចាំប្រទេសបារាំងយីហោម៉ាក Louis Vuitton (LV) បានធ្វើឱ្យពិភពលោកមានការភ្ញាក់ផ្អើលមែនទែនជាពិសេសអ្នកគាំទ្របាល់ទាត់ បន្ទាប់ពីពួកគេបានបង្ហោះរូបផ្សព្វផ្សាយពាណិជ្ជកម្មមួយសន្លឹកដែលមានភ្ជាប់រូបភាពរវាងកំពូលខ្សែប្រយុទ្ធ Lionel Messi និង Cristiano Ronaldo កំពុងលេងអុកជាមួយគ្នា។ យោងតាមការចុះផ្សាយរបស់កាសែតបរទេស American Post បានឱ្យដឹងថា Ronaldo ខ្សែប្រយុទ្ធរបស់ Manchester United ជាទូទៅតម្លៃផ្សព្វផ្សាយនៅលើ Instagram របស់លោកក្នុងមួយរូបគឺមានតម្លៃខ្ទង់ ២.៣៩៧ លានដុល្លារអាមេរិក, រីឯ Messi ខ្សែប្រយុទ្ធរបស់ Paris Saint-Germain វិញ ក្នុងមួយរូបលោកគិតតម្លៃចំនួន ១.៧៧៧ លានដុល្លារអាមេរិក។ ដោយឡែករូបថតដ៏អស្ចារ្យប្រចាំប្រវត្តិសាស្ត្រមួយរូបនេះគឺបានថតដោយអ្នកជំនាញថតរូបជនជាតិ អាមេរិក លោកស្រី Annie Leibovitz វ័យ ៧៣ ឆ្នាំ ដែលលោកស្រីត្រូវបានគេដឹងថា ថ្លៃសេវាក្នុងការថតរូបក្នុងមួយថ្ងៃគឺលោកស្រីទទួលបានដល់ទៅ ១៧ ម៉ឺនដុល្លារអាមេរិកឯណោះ ហើយពេលខ្លះគឺអាចច្រើនជាងនេះទៅទៀតអាស្រ័យទៅតាម Lens ដែលត្រូវប្រើ។

ខ្សែប្រយុទ្ធ Cristiano Ronaldo ថារូបគេពិតជាសប្បាយចិត្តដែលអាចបំបែកកំណត់ត្រាលក់អាវបានច្រើនជាង Lionel Messi ពេលផ្ទេរមក Manchester United ។ ក្រៅពីនោះ Ronaldo ក៏បានបំបែកកំណត់ត្រាមួយទៀតគឺ មានចំនួនអ្នកចុច Like ការបង្ហោះរបស់ Manchester United ដែលប្រកាសពីការត្រឡប់មកវិញរបស់គេ គឺច្រើនជាងការបង្ហោះពីការផ្ទេររបស់ Messi មកកាន់ Paris Saint-Germain ទៅទៀត។ ថ្លែងប្រាប់លោក Piers Morgan គឺ Ronaldo បាននិយាយថា៖ “បាទ ខ្ញុំពិតជាសប្បាយចិត្តណាស់(ដែលបានបំបែកកំណត់ត្រាលក់អាវបានច្រើនជាងគេបំផុត)។ ដូចដែលអ្នកដឹងហើយថា ខ្ញុំមិនរត់តាមកំណត់ត្រាទេគឺ កំណត់ត្រារត់តាមខ្ញុំ គឺជាអ្វីដែលត្រូវកត់បញ្ចូលក្នុងសៀវភៅរបស់ខ្ញុំ”៕

នៅ​ក្នុង​សប្ដាហ៍​នេះ​ ប្រិយមិត្ត​អ្នក​គាំទ្រ​វិស័យ​បាល់ទាត់​ ជាពិសេស​អ្នក​តាម​ដាន​ក្លឹប Manchester Untied និង​ខ្សែ​ប្រយុទ្ធ​ព័រទុយហ្គាល់​កីឡាករ Cristiano Ronaldo មាន​ភាព​ភ្ញាក់ផ្អើល​យ៉ាង​ខ្លាំង​ ក្រោយ​ពេល​ដែល​ Ronaldo ចេញ​មុខ​វាយប្រហារ​ក្លឹប​១០០ៗតែ​ម្ដង។ តាម​ពិត​ទៅ​ បើ​តាម​ព័ត៌មាន​ដែលទទួល​បាន កិច្ចសម្ភាសន៍​ថ្ងៃ​មុន​នោះ​គឺ​ចេញ​តែ​មួយ​ភាគ​ទេ ពោល​គឺ​នៅ​សល់​ ១ភាគ​ទៀត។ ភាគទី២ នឹង​ចេញ​ផ្សាយ​នៅ​យប់​ថ្ងៃ​ព្រហស្បតិ៍​នេះ​ឯង ដោយ​ផ្សាយ​នៅ​ម៉ោង ៨យប់ ម៉ោង​ប្រទេស​អង់គ្លេស ដែល​ត្រូវ​នឹង​ម៉ោង ៣ទៀប​ភ្លឺ​នៅ​ប្រទេស​កម្ពុជា។ នេះ​បើ​តាម​ការ​ចុះ​ផ្សាយ​របស់​សារព័ត៌មាន Goal។ កាល​ពី​ភាគ​ទី១ Ronaldo បាន​សម្ដែង​ក្ដី​មិន​សប្បាយ​ចិត្ត​នឹង​ថ្នាក់ដឹកនាំ​ក្លឹប Manchester United ហើយ​ថែម​ទាំង​អះអាង​ថា ខ្លួន​ត្រូវ​បាន​គេ​ក្បត់​ទៀត​ផង​៕

ខ្សែ​ការពារ​ក្លឹប Manchester United កីឡាករ Raphael Varane បាន​លើកឡើង​នៅ​ក្នុង​វិទ្យុ​បារាំង Europe 1 កាល​ពី​ពេល​ថ្មីៗ​នេះ​ថា រឿងរ៉ាវ​ជុំវិញ​ករណី​របស់​ខ្សែ​ប្រយុទ្ធ​ព័រទុយហ្គាល់​កីឡាករ Crisitiano Ronaldo ពិត​ជា​ប៉ះពាល់​ក្រុម​កីឡាករ​ទាំង​មូល​ណាស់។ «វា​ពិត​ណាស់​ រឿង​នេះ​វា​ប៉ះពាល់​ពួក​យើង»។ នេះ​ជា​ការ​លើកឡើង​របស់​ Varane។ ខ្សែ​ការពារ​រូប​នេះ​ធ្លាប់​លេង​ជាមួយ Ronaldo តាំង​ពី​នៅ​ក្លឹប Real Madrid។ Varane បាន​បន្ថែម​ថា៖ «ពួក​យើង​ទាំង​អស់​គ្នា​ព្យាយាម​រក្សា​នូវ​ការ​អត់ធ្មត់​ ហើយ​មិន​ចង់​លូក​ដៃ​ចូល​រឿង​នេះ​ទេ»៕

ក្លឹប​អារ៉ាប៊ីសាអ៊ូឌីត Al-Hilal ពិត​ជា​ធ្លាប់​ទាក់ទង​ខ្សែ​ប្រយុទ្ធ​ព័រទុយហ្គាល់​កីឡាករ Cristiano Ronaldo មែន​។ នេះ​បើ​តាម​ការ​បញ្ជាក់​របស់​ Ronaldo ក្នុង​បទ​សម្ភាសន៍​ជាមួយ​លោក Pier Morgan ដែល​ចាក់​ផ្សាយ​នៅ​ក្នុង​ថ្ងៃ​ព្រហស្បតិ៍។ កាល​ពី​រដូវ​ក្ដៅ​ឆ្នាំ២០២២​នេះ​ សារព័ត៌មាន​ជា​ច្រើន​បាន​ចុះ​ផ្សាយ​ថា ក្លឹប​អារ៉ាប៊ីសាអ៊ូឌីត​មួយ​ទាក់ទង​ទិញ​ Ronaldo ក្នុង​តម្លៃ​សរុប ៣០០លាន​អឺរ៉ូ ដោយ​កាល​នោះ​ស្មើ​នឹង​ ៣០០លាន​ដុល្លារ​អាមេរិក។ ក្នុង​នោះ​ដែរ ៣០លាន​ ចូល​ទៅ​ក្លឹប​បិសាចក្រហម ២០លាន​ចូល​ទៅ​ភ្នាក់ងារ​នានា ហើយ ២៥០លាន​ដុល្លារ​ឱ្យ Ronaldo ដែល​ចែក​ជា ២រដូវ​កាល។ ទាក់ទិន​នឹង​រឿង​នេះ​ដែរ Ronaldo បាន​និយាយ​ថា​៖ «វា​ជា​រឿង​ពិត​»។ លោក​បាន​និយាយ​ថា​ អ្វី​ដែល​ជា​រឿង​មិន​ពិត​គឺ «សារព័ត៌មាន​នៅ​តែ​បន្ត​ចុះ​ផ្សាយ​ថា ខ្ញុំ​ជា​សំរាម​ ដែល​គេ​មិន​ត្រូវ​ការ​ខ្ញុំ»។ បន្ថែម​ពី​នេះ​ទៅ​ទៀត Ronaldo បាន​ថា​ខ្លួន​ទាត់​ចោល​នូវ​សំណើ​របស់​ក្លឹប​នេះ ដោយសារ​តែ​ខ្លួន​ចង់​បន្ត​លេង​ជាមួយ​ក្លឹប Manchester United៕

លោក William Gallas គិតថាខ្សែប្រយុទ្ធ Cristiano Ronaldo អាចបន្តផ្លាស់ទៅ Chelsea នៅពេលគាត់ចាកចេញពី Man Utd បន្ទាប់ពីបញ្ចប់ព្រឹត្តិការណ៍ World Cup ។ កីឡាករអន្តរជាតិព័រទុយហ្គាល់ខាងលើ បានបង្កឱ្យមានការភ្ញាក់ផ្អើលយ៉ាងខ្លាំងនៅសប្តាហ៍នេះ បន្ទាប់ពីកិច្ចសម្ភាសន៍ដ៏ផ្ទុះមួយជាមួយលោក Piers Morgan ដែលបានចាក់ផ្សាយតាមទូរទស្សន៍ Talk TV ខណៈភាគទី២ នឹងចេញផ្សាយនៅចុងសប្ដាហ៍នេះ។ តាមរយៈការរិះគន់ក្លឹប និងលោក Ten Hag បានបង្ហាញឲ្យឃើញថា Ronaldo មានភាគរយតិចណាស់ នឹងបន្តនៅទឹកដី Old Trafford។ ជាមួយគ្នានេះ អតីតខ្សែការពារក្លិបកាំភ្លើងធំ Arsenal និង Tottenham លោក Gallas គិតថា Chelsea អាចជាក្លិបបន្ទាប់របស់ Ronaldo ។ Gallas បានលើកឡើងយ៉ាងដូច្នេះ ថា៖ “ខ្ញុំគិតថា Cristiano Ronaldo នឹងចាកចេញពី Manchester

ខ្សែប្រយុទ្ធ​ Cristiano Ronaldo បាន​និយាយ​នៅ​ក្នុង​កិច្ចសម្ភាសន៍​ជា​មួយ​លោក​ Piers Morgan ក្នុង​កម្មវិធី​ Talk TV កាល​ពី​ពេល​ថ្មីៗ​នេះ​ថា​ កីឡាករ​ក្មេង​ៗ​របស់​ Manchester United គ្មាន​ផ្លូវ​ឈរ​នៅ​កម្រិត​កំពូល​ក្នុង​អាជីព​បាល់ទាត់​បាន​យូរ​ដូច​ជំនាន់​គេ​បាន​នោះ​ឡើយ​។ Ronaldo បាន​និយាយ​ថា​៖” សម្រាប់​ខ្ញុំ​គឺ​ចម្លែក​ចិត្ត​មែន​ទែន​ ហើយ​​ក៏​មាន​ការ​សោកស្ដាយ​តិច​តួច​ផង​ដែរ​ ដែល​កីឡាករ​ក្មេង​ៗ​នៅ​នេះ​ ពួក​គេ​ហាក់​ដូច​ជា​មិន​សូវ​ជា​យក​តម្រាប់​តាម​យើង​ ព្រោះ​កាល​ខ្ញុំ​ ខ្ញុំ​ចាំ​បាន​ពេល​ខ្ញុំ​អាយុ​១៨-២០ អី​ហ្នឹង​ ខ្ញុំ​តែង​មើល​ និង​ធ្វើ​តាម​កីឡាករ​ឆ្នើម​ៗ​ទាំង​អស់​ហ្នឹង​ដូច​ជា​ Van Nistelrooy, Ferdinand, Roy Keane និង​ Giggs អញ្ចឹង​ហើយ​បាន​ជា​ខ្ញុំ​ជោគជ័យ​ និង​ឈរ​នៅ​កម្រិត​កំពូល​បាន​យូរ​ “។ កីឡាករ​នេះ​បន្ត​ថា​៖” តែ​នេះ​ពួក​គេ​នេះ​ដូចជាអត់​ខ្វល់ សាកល្បង​ជា​មួយ​យើង​ទេ​។ អ្នក​ខ្លះ​ក៏​បាន​ធ្វើ​អញ្ចឹង​ទៅ​ តែ​ភាគ​ច្រើន​គឺ​អត់​ទេ​។ សម្រាប់​ខ្ញុំ​ ខ្ញុំ​មិន​ភ្ញាក់ផ្អើល​ទេ​ ព្រោះ​តែ​ពួក​គេ​នឹង​អាច​ឈរ​នៅ​កម្រិត​កំពូល​ក្នុង​អាជីព​បាល់ទាត់​បាន​យូរ​នោះ​ទេ​ និយាយ​ទៅ​គ្មាន​ផ្លូវ​តែ​ម្ដង​។ ជំនាន់​ខ្ញុំ​ឃើញ​សម្រាប់​ហើយ​ កីឡាករ​ជា​ច្រើន​អាច​លេង​ក្នុង​កម្រិត​កំពូល​ដល់​អាយុ​៣៦-៣៨អី​ណោះ​។ តែ​ជំនាន់​នេះ​គឺ​មិន​អាច​យូរ​អញ្ចឹង​ទេ​ “។ ក្នុង​កិច្ច​សម្ភាសន៍​ខាង​លើ​នេះ​ទាំង​ស្រុង​នេះ​ Ronaldo បាន​បង្ហាញ​អារម្មណ៍​មិន​សប្បាយ​ចិត្ត​ និង​រិះគន់​​ Man Utd ក៏​ដូច​ជា​អ្នកចាត់ការ​ក្លឹប​

ខ្សែប្រយុទ្ធ Cristiano Ronaldo បានទម្លាយថា Diogo Dalot និង Lisandro Martinez គឺជាកីឡាករវ័យក្មេងរបស់ Manchester United តែ ២ នាក់គត់ដែលខ្លួនគិតថាជាកីឡាករមានវិជ្ជាជីវៈពេញលេញ និងមានការគោរពវិន័យខ្លាំងបំផុត។ រម្លឹកថា Dalot ដែលបច្ចុប្បន្នវ័យ ២៣ ឆ្នាំបានចាកចេញពី Porto ផ្លាស់មកកាន់ទឹកដី Old Trafford នៅឆ្នាំ ២០១៨, ចំណែក Martinez វិញត្រូវបាន Man UTD ទិញយកពី Ajax នៅដើមរដូវកាលនេះក្នុងតម្លៃ ៥៧ លានផោន ឬប្រមាណជា (៦៨ លានដុល្លារអាមេរិក), ខណៈរដូវកាលនេះអ្នកទាំង២សុទ្ធតែកំពុងបង្ហាញសមត្ថភាពលេចធ្លោរខ្លាំងក្រោមការដឹកនាំរបស់លោក Erik ten Hag។ ថ្លែងនៅក្នុងកិច្ចសម្ភាសន៍ជាមួយលោក Morgan, នៅពេលគេសួរថា តើមិត្តរួមក្រុមរូបណាដែលមានវិន័យខ្លាំង និងអាចមានអាជីពជាកីឡាករបាល់ទាត់បានយូរអង្វែង? Ronaldo បានឆ្លើយទៅវិញយ៉ាងដូច្នេះថា៖ “Diogo Dalot, គាត់នៅក្មេងប៉ុន្តែគាត់ពិតជាមានវិជ្ជាជីវៈខ្លាំងណាស់។ ខ្ញុំគ្មានការសង្ស័យទេគាត់នឹងមានអាជីពក្នុងកីឡាបាល់ទាត់បានយូរអង្វែង។

ក្លិប Manchester United ត្រូវបានគេរាយការណ៍ នឹងផ្តាច់កុងត្រាដែលនៅសេសសល់របស់ Cristiano Ronaldo ប្រសិនបើសមីខ្លួនយល់ព្រមលើលក្ខខណ្ឌមួយនេះ។ ជាការពិតណាស់ នាពេលថ្មីៗនេះ Ronaldo បានផ្តល់កិច្ចសម្ភាសន៍ ជាមួយអ្នកកាសែត និង បានទម្លាយគ្រប់បញ្ហាទាំងអស់របស់ Man UTD ដែលគេបានជួបប្រទះ ដែលធ្វើឲ្យថ្នាក់លើរបស់ក្រុមបិសាចក្រហមខឹងសម្បារនឹងគេខ្លាំងមែន ក្នុងនោះបើយោងទៅតាមការចុះផ្សាយរបស់ The Telegraph បានលើកឡើងថា Man UTD នឹងផ្តាច់កុងត្រា Ronaldo ចោល ប្រសិនបើរូបគេយល់ព្រមក្នុងការយកប្រាក់ឈ្នួលដែលនៅសេសសល់សល់ពីកិច្ចសន្យា ៦ខែ ដែលមានតម្លៃដល់ទៅ ១៣លានផោន (រឺប្រមាណ ១៥លានដុល្លារ)៕

ឃ្លីប​វីដេអូ​ខ្លី​មួយ​ដែល​ចេញ​ផ្សាយ​ដោយ​សមាគម​បាល់ទាត់​ព័រទុយហ្គាល់​បាន​បង្ហាញ​ឱ្យ​ឃើញ​ថា ខ្សែ​បម្រើ​ Bruno Ferdnandes បាន​បញ្ចេញ​ឫកពា​បែប​មិន​សប្បាយ​ចិត្ត​នឹង​ ខ្សែ​ប្រយុទ្ធ​ Cristiano Ronaldo។ Bruno បាន​ដើរ​ចូល​ក្នុង​បន្ទប់​ផ្លាស់​សំលៀកបំពាក់ ហើយ​ភ្លាមៗ​នោះ Ronaldo ក៏​ស្វាគមន៍​ដោយ​ការ​ចាប់​ដៃ ប៉ុន្តែ​ Bruno មិន​បាន​ចាប់​ដៃ​វិញ​ភ្លាម​នោះ​ទេ។ ដោយ​គ្រាន់​តែ​សកម្មភាព​បែប​នេះ​សោះ មតិ​ជា​ច្រើន​នៅ​បណ្ដាញសង្គម​ចាប់​ផ្ដើម​សង្ស័យ​ថា Bruno នៅ​មិន​សប្បាយ​ចិត្ត​នឹង​ Ronaldo ក្រោយ​កីឡាករ​ជើង​ឯក Ballon d’Or ៥សម័យ​រូប​នេះ​និយាយ​វាយប្រហារ​ក្លឹប។ ទោះ​ជា​យ៉ាង​នេះ​ក្ដី ខ្សែ​បម្រើ​ចាស់​វស្សា​របស់​ក្រុម​ព័រទុយហ្គាល់​កីឡាករ Joao Mario បាន​ប្រាប់​សារព័ត៌មាន​វិញ​ថា កីឡាករ​ទាំង​ពីរ​រូប​នេះ​គ្រាន់​តែ​កំប្លែង​លេង​ដាក់​គ្នា​នោះ​ទេ។ «ខ្ញុំ​នៅ​បន្ទប់​ហ្នឹង​នៅ​ពេល​នោះ ខ្ញុំ​ក៏​បាន​ឃើញ​រូប​ចែកចាយ​ពេញ​ហ្នឹង​ដែរ»។ នេះ​បើ​តាម​ការ​លើកឡើង​របស់ Mario។ កីឡាករ​រូប​នេះ​បាន​បន្ថែម​ថា៖ «Bruno ជា​អ្នក​មក​យឺត​ជាង​គេ ហើយ​ Ronaldo ក៏​និយាយ​ផ្លែផ្កា​ដាក់​ថា មក​យឺត​អញ្ចឹង​ដោយសារ​ជិះ​ទូក​មក​មែន»។ ខ្សែ​បម្រើ​រូប​នេះ​បាន​និយាយ​ម្ដង​ហើយ​ម្ដង​ទៀត​ថា ពួក​គេ​ទាំង​ពីរ​នេះ​អត់​មាន​បញ្ហា​ជាមួយ​គ្នា​ទេ ដោយ​គេ​គ្រាន់​តែ​លេង​ចំអន់​គ្នា​ប៉ុណ្ណោះ៕

ប្រធានក្រុមជម្រើសជាតិ ព័រទុយកាល់ គឺខ្សែប្រយុទ្ធ Cristiano Ronaldo  បានបង្ហោះសារមួយជូនដល់អ្នកគាំទ្រ មុនពេលព្រឹត្តិការណ៍បាល់ទាត់ពិភពលោកឈានចូលមកដល់។ Ronaldo ក្នុងនាមជាប្រធានក្រុម មានឈ្មោះត្រូវទៅលេងនៅព្រឹត្តិការណ៍ដ៏អស្ចារ្យនេះជាលើកទី៥ ដែលនឹងធ្វើឡើងនាប្រទេសកាតា ពីថ្ងៃទី២០ ខែវិច្ឆិកា រហូតដល់ថ្ងៃទី១៨ខែធ្នូ ដោយក្នុងនោះ ព័រទុយកាល់ ត្រូវជួបជាមួយក្រុមជម្រើសជាតិ ហ្កាណា ជាការប្រកួតបើកឆាកដំបូងគេនាថ្ងៃទី២៤ ខែវិច្ឆិកា ខាងមុខនេះ។ ដោយឡែក ម្ចាស់ពាន Ballon d’Or ៥សម័យរូបនេះកំពុងក្លាយជាប្រធានបទជជែកវែកញែកក្ដៅគគុក ក្រោយកិច្ចសម្ភាសន៍ទាក់ទងនឹងក្លិប Manchester United ដោយរូបគេបាននិយាយថា គេមានអារម្មណ៍ដូចត្រូវក្លិបក្បត់ ហើយគេមិនគោរព លោក Erik Ten Hag ក្នុងនាមជាគ្រូបង្វឹកនោះឡើយ។ យ៉ាងណាមិញ ពេលនេះ Ronaldo បាននិយាយថាខ្លួនផ្ដោតសមាធិលើការប្រកួតឲ្យក្រុមជម្រើសជាតិវិញ ដោយបានថ្លែងថា៖ “ខ្ញុំនឹងផ្ដោតសមាធិទាំងអស់ទៅលើការប្រកួតឲ្យក្រុមជម្រើសជាតិ។ នេះគឺជាក្រុមមួយដែលសហការគ្នាបានល្អ និងមានគោលដៅមួយរួមគ្នា គឺបំពេញក្ដីស្រមៃរបស់ប្រជាជនព័រទុយកាល់ទាំងអស់!”៕