Tag: Santiago Bernabeu

កាលពីរាត្រីម្សិលមិញ ត្រូវនឹងថ្ងៃទី ៣០ ខែ មេសា ឆ្នាំ ២០២២ ក្រុមម្ចាស់ផ្ទះ Real Madrid បានបើកទ្វាកីឡដ្ឋាន Santiago Bernabeu របស់ខ្លួនទទួលស្វាគមន៍ក្រុមភ្ញៀវ Espanyol នៅក្នុងការប្រកួតសប្តាហ៍ទី ៣៤ នៃក្របខណ្ឌ La Liga របស់ អេស្ប៉ាញ។ ជាការពិតណាស់ ក្រុមម្ចាស់ផ្ទះ Real Madrid ពិតជាធ្វើបានល្អមែនទែន ដោយអាចទទួលជ័យជម្នះទៅលើក្រុមភ្ញៀវ Espanyol ៤-០ ក្នុងនោះ ៤ គ្រាប់របស់ក្រុម អធិរាជស គឺរកបានដោយ Rodrygo ២គ្រាប់នៅនាទីទី ៣៣ និង ៤៣, Marcos Asensio មួយគ្រាប់នៅនាទីទី ៥៥ និង គ្រាប់ចុងក្រោយរកបានដោយ Karim Benzema នៅនាទីទី ៨១។ តាមរយៈជ័យជម្នះនេះបានធ្វើឱ្យ Real Madrid ក្លាយជាជើងឯកនៃពានរង្វាន់ La

លោក Guti ថា ខ្សែការពារ Sergio Ramos ស្តាយក្រោយនៅពេលដែល សម្រេចចិត្តដើរចេញ ពី Real Madrid។   ជាការពិតណាស់ Ramos បានទៅចូលរួមជាមួយ Paris Saint Germain កាលពីរដូវក្តៅមុននេះ ដោយគ្មានតម្លៃខ្លួន បន្ទាប់ពីត្រូវផុតកុងត្រាជាមួយ Real Madrid។  Ramos ដែលធ្លាប់តែជា កីឡាករម្នាក់ដែលត្រូវបានគេចាត់ទុកថា ជាស្តេចការពារបាល់នៅ កីឡដ្ឋាន​ Santiago Bernabeu បែរទៅជួបរបួសច្រើនវិញ នៅ PSG ហើយពុំសូវមានឥទ្ធិពលដូចកំឡុងពេល នៅ Real Madrid ថែមទៀតផង។ លោក Guti បាននិយាយថា៖ “ខ្ញុំគិតថា Ramos ស្តាយក្រោយខ្លាំងនៅពេលដែលគេសម្រេចចិត្តដើរចេញ ពី Real Madrid។ គេប្រាកដជាដឹងខ្លួនហើយថា គេជ្រុលខ្លួនពេកជាមួយការចរចាជាមួយ PSG នេះ ហើយគេមិនដឹងទេថា សម្រាប់លោក Perez លោកបានចាត់ទុកក្លិប

ក្លិប AC Milan ត្រូវបានគេរាយការណ៍ថាចាប់អារម្មណ៍ចង់ចុះកុងត្រាយក ខ្សែប្រយុទ្ធ Gareth Bale ពីក្លិប Real Madrid ។ កីឡាករសញ្ជាតិ វេលស៍ រូបនេះនឹងចាកចេញពីទឹកដី Santiago Bernabeu នៅដំណាច់រដូវកាលនេះហើយស្របពេលក្លិប Real Madrid ប្រកាសជំហរមិនបន្តកុងត្រាថ្មីដល់គេឡើយ។ ដូច្នេះហើយទើប AC Milan ចង់យកគេមករួមក្រុមដោយគ្មានតម្លៃខ្លួនដោយអ្នកកាសែត Rudy Galetti បានចុះផ្សាយថា៖ “នៅប៉ុន្មានថ្ងៃមុននេះ ភាគីលោក Maldini មានការជួបគ្នាជាមួយភ្នាក់ងាររបស់ Bale ដោយមានការស្នើឲ្យចរចាយកកីឡាករសញ្ជាតិវេលស៍រូបនេះ។ កុងត្រារបស់កីឡាកររូបនេះនឹងអស់សុពុលភាពនៅចប់រដូវកាលនេះហើយជាមួយ Real Madrid”៕

លោក​ Xavi គ្រូបង្គោល​ក្លឹប​ Barcelona បាន​និយាយ​នៅ​ក្នុង​កិច្ច​សម្ភាសន៍​ក្រោយ​ឈ្នះ​ក្លឹប​ Real Madrid នៅ​ទីលាន​ Santiago Bernabeu យប់​មិញ​នេះ​ថា​ លោក​មិន​រំពឹង​ក្រុម​របស់​លោក​ធ្វើ​បាន​ល្អ​ខ្លាំង​ រហូត​ដល់​ថ្នាក់​យកឈ្នះ​ក្នុង​លទ្ធផល​ ៤ ទល់នឹង ០ បែប​នេះ​នោះ​ទេ​។ លោក​ Xavi បាន​និយាយ​ថា​៖” យើង​ខិត​ខំ​ខ្លាំង​ណាស់​ រហូត​ដល់​ក្រុម​របស់​យើង​ទទួល​បាន​លទ្ធផល​បែប​នេះ​។ ប៉ុន្តែ​យើង​មិន​រំពឹង​ថា​យើង​ធ្វើ​បាន​ល្អ​ខ្លាំង​រហូត​ទទួល​បាន​លទ្ធផល​បែប​នេះ​ក្នុង​ទីលាន​របស់​ពួក​គេ​​នោះ​ទេ​ “។ លោក​បាន​បន្ត​ថា​៖” យ៉ាង​ណា​យើង​រំពឹង​នឹង​ជួប​ការ​ប្រកួត​ប្រជែង​បែប​តឹង​តែង​ខ្លាំង​ទៀត​។ ខ្ញុំ​សប្បាយ​ចិត្ត​មែន​ទែន​នឹង​លទ្ធផល​ និង​ការ​ប្រកួត​អស់​ទាំង​នេះ​ “។ នៅ​ក្នុង​រដូវកាល​នេះ​ Barca បាន​ប៉ះ​នឹង​ Real Madrid ចំនួន ៣ដង​ហើយ​ ដោយ​ចាញ់​២ដង​ និង​ឈ្នះ​១ដង​ក្នុង​យប់​មិញ​នេះ​។ នៅ​ក្នុង​ពេល​​ថ្មីៗ​នេះ​ Barca ត្រូវ​បានសង្កេត​ឃើញ​ថាឡើង​ទម្រង់​លេង​ខ្លាំង​ ដោយ​នៅ​ខណៈ​នេះ​កំពុង​ស្ថិត​ក្នុង​ចំណាត់​ថ្នាក់​ទី​៣ មាន​ ៥៤ពិន្ទុ​ ក្នុង​ការ​ប្រកួត​ La Liga រី​ឯ​ Real Madrid ជា​ក្រុម​នាំ​មុខ​មាន​ ៦៦ពិន្ទុ​៕

ខ្សែការពារក្លិប Real Madrid កីឡាករ Dani Carvajal បានលើកសរសើរមិត្តរួមក្រុមខ្លួន កីឡាករ Karim Benzema និង Luka Modric មុនជំនួប El Clasico រាត្រីនេះ។ ជាការពិតណាស់ នៅរាត្រីថ្ងៃទី ២០ ឈានចូលថ្ងៃទី២១ វេលាម៉ោង ៣ ក្លិប Real Madrid នឹងបើកកីឡដ្ឋាន Santiago Bernabeu របស់ខ្លួន ស្វាគមន៍ក្រុម Barcelona ក្នុងជំនួបដ៏ជក់ចិត្ត ញាក់សាច់ ដែលអ្នកទាំងអស់គ្នាស្គាល់ថា El Clasico។ យ៉ាងណាមិញ Carvajal ហាក់មានទំនុកចិត្តខ្ពស់ក្នុងការប្រកួតនេះ ដោយគេបានលើកឡើងបែបនេះ អំពីការមានវត្តមាន មិត្តរួមក្រុមឆ្នើមៗរបស់គេ Benzema និង Modric នៅក្នុងក្រុម។ Carvajal បាននិយាយថា៖ “រយៈពេលច្រើនឆ្នាំហើយ ប៉ុន្តែពួកគេនៅតែល្អ។ ពួកគេប្រៀបដូចជា កំពុងស្ថិតនៅក្នុងគ្រាដ៏ល្អបំផុតមួយនៃអាជីពរបស់ពួកគេ។ ពួកយើងពិតជាខ្វះ ពួកគេទាំងពីរមិនបានទេ”៕

ខ្សែប្រយុទ្ធក្លិប Real Madrid កីឡាករ Karim Benzema មានភាគរយខ្ពស់ក្នុងការអវត្តមានជួយក្រុមទល់នឹង Barcelona នៅចុងសប្តាហ៍នេះ។ ជាការពិតណាស់ នៅថ្ងៃអាទិត្យនេះ Real Madrid នឹងត្រូវបើកទ្វារកីឡដ្ឋាន Santiago Bernabeu របស់ខ្លួនស្វាគមន៍ Barcelona នៃការប្រកួតក្របខណ្ឌ La Liga ខណៈ កាលពីប្រកួតជើងទី១ ក្រុមអធិរាជសទទួលបានជ័យជម្នះក្នុងលទ្ធផល ២ទល់នឹង១។ យ៉ាងណាក៏ដោយ សម្រាប់ជំនួបដ៏សំខាន់នេះ Real Madrid មានភាគរយខ្ពស់ណាស់ដែលត្រូវលេងដោយគ្មានវត្តមានរបស់ Benzema បន្ទាប់ពីរូបគេមានបញ្ហារបួស។ ខណៈ លោក Carlo Ancelotti ទំនងជានឹងមិនបង្ខំឲ្យគេចូលលេងឡើយ ដោយសារ ក្រុមត្រូវមានភារកិច្ចសំខាន់ទល់នឹង Chelsea នៃក្របខណ្ឌ Champions League នៅខែមេសាខាងមុខ៕

ខ្សែប្រយុទ្ធក្លិប Borussia Dortmund កីឡាករ Erling Haaland ត្រូវបានគេរាយការណ៍ថា នឹងយល់ព្រមផ្លាស់មកកាន់ Real Madrid លុះត្រាតែ Karim Benzema ចាកចេញពីកីឡដ្ឋាន Santiago Bernabeu។ ជាការពិតណាស់កីឡាករវ័យ២១ឆ្នាំខាងលើបានវិវត្តន៍ខ្លួនទៅជាខ្សែប្រយុទ្ធដែលល្អជាងគេម្នាក់នៅលើលោកតាមរយៈការបង្ហាញថ្វីជើងបញ្ចប់ទីយ៉ាងអស្ចារ្យរបស់ Dortmund ដោយក្នុងចំណោមការបង្ហាញខ្លួន ៧៩ប្រកួតគេអាចស៊ុតបញ្ចូលទីបានរហូតដល់ទៅ៨០គ្រាប់ឯណោះ។ Haaland ក៏តែងតែមានពាក្យចចាមអារ៉ាមក្នុងការផ្លាស់ទៅកាន់ក្លិបធំៗដូចជា Real Madrid, Barcelona និង Manchester City ជាដើម។ យ៉ាងណាក្តីបើយោងទៅតាមការចុះផ្សាយរបស់កាសែត El Nacional បានលើកឡើងថា Haaland បានរាយការណ៍ទៅកាន់ភ្នាក់ងាររបស់គេលោក Mino Raiola ថាគេនឹងចូលរួមជាមួយ Real Madrid លុះត្រាតែ Benzema ចាកចេញពីព្រោះគេគិតថាវត្តមានរបស់កីឡាករសញ្ជាតិបារាំងខាងលើនឹងក្លាយជាតួអង្គសំខាន់និង ជាអ្នកដឹកនាំក្លិប៕

Toni Kroos ខ្សែបម្រើរបស់ក្រុម Real Madrid បានលើកឡើងពីចំណុចពិសេសៗមួយចំនួនរបស់អតីតមិត្តរួមក្រុម Cristiano Ronaldo ហើយគាត់ប្រាប់ថាខ្សែប្រយុទ្ធសញ្ជាតិ ព័រទុយកាល់ តែងតែផ្តល់ជាកម្លាំងចិត្ត និងជម្រុញឱ្យក្រុមទាំងមូលលេងដោយភាពអង់អាច និង ឆន្ទៈ។ ជាការពិតណាស់ Ronaldo ត្រូវបានគេចាត់ទុកជាវីរបុរសមួយរូបរបស់ Real Madrid ដោយគាត់ធ្លាប់រួមរស់ជាមួយក្រុមអធិរាជសរយៈពេល ៩ ឆ្នាំ បន្ទាប់ពីចាកចេញពី Manchester United នៅឆ្នាំ ២០០៩, យ៉ាងណាមិញ ខ្សែប្រយុទ្ធវ័យ ៣៧ ឆ្នាំរូបនេះក៏ជាដៃគូដ៏យល់ចិត្តមួយរូបរបស់ Kroos ផងដែរ អំឡុងពេលស្នាក់នៅទឹកដី Santiago Bernabeu។ Kroos បាននិយាយរៀបរាប់ពី Ronaldo យ៉ាងដូច្នេះថា៖ “ញុំមិនមែនជាអ្នកគាំទ្ររបស់កីឡាករតែម្នាក់នោះឡើយប៉ុន្តែជាមួយ Cristiano ខ្ញុំមានអារម្មណ៍ថាគាត់អាចផ្តល់អ្វីៗគ្រប់យ៉ាងប្រសិនបើក្រុមទាំងមូលសហការគ្នាបានល្អ។ គាត់តែងតែជម្រុញឱ្យក្រុមទាំងមូលលេងដោយភាពអង់អាច និងឆន្ទៈ។ គាត់ជាកីឡាករម្នាក់ដែលអាចសម្រេចលទ្ធផលរបស់ក្រុមបាន”៕

ក្លិបតោខៀវ Chelsea និង Paris Saint-Germain ត្រូវបានគេរាយការណ៍ថាចាប់អារម្មណ៍ចង់ទិញយកខ្សែប្រយុទ្ធ Marco Asensio ពីក្លិប Real Madrid បន្ទាប់ពីឃើញថាកីឡាករសញ្ជាតិអេស្ប៉ាញរូបនេះស៊ុតបញ្ចូលទីបាន៧គ្រាប់ក្នុងការបង្ហាញខ្លួន២៣ប្រកួត។ កុងត្រារបស់ Asensio ក្នុងការស្នាក់នៅទឹកដី Santiago Bernabeu នឹងផុតកំណត់នៅរដូវកាលក្រោយដូច្នេះ Chelsea ដាក់គោលដៅចង់បានគេយកមកជំនួស Hakim Ziyech, Kai Havertz និង Timo Werner ជាដើមនិងអាចចាប់ផ្ដើមដាក់សំណើទិញយកគេនៅរដូវក្ដៅខាងមុខ។ PSG ឯណោះវិញដឹងច្បាស់ថា ខ្សែប្រយុទ្ធ Kylian Mbappe នឹងចាកចេញពីក្លិបដោយគ្មានតម្លៃខ្លួននៅរដូវក្ដៅនេះទើបចង់បាន Marco Asensio មកជំនួសកន្លែង។ គួរបញ្ជាក់ផងដែរថា  Asensio បានផ្ទេរពីក្លិប Real Mallorca មក Real Madrid កាលឆ្នាំ២០១៦ ដោយស៊ុតបញ្ចូលទីបាន១១គ្រាប់ក្នុងការបង្ហាញខ្លួន ២៦ប្រកួត នៅរដូវកាល ២០១៧/២០១៨ មុននឹងរងរបួសជង្គង់ធ្ងន់ធ្ងរកាលឆ្នាំ ២០១៩៕

ប្រធានក្លិបលោក Florentino Perez បានបង្ហាញការកោតសរសើរជាខ្លាំងចំពោះសមត្ថភាពរបស់ខ្សែបម្រើឆ្នើម Toni Kroos ក្នុងនោះលោកបានលើកឡើងដោយមិនលាក់លាមថា កីឡាករសញ្ជាតិ អាល្លឺម៉ង់ រូបនេះកើតមកគឺដើម្បីលេងឱ្យតែក្លិប Real Madrid មួយប៉ុណ្ណោះ។ ជាការពិតណាស់ Kross បានរួមរស់ជាមួយក្រុម អធិរាជស អស់រយៈពេល ៧ ឆ្នាំមកហើយ ដោយរូបគេបានផ្លាស់ចេញពីក្រុម Bayern Munich មកកាន់ទឹកដី Santiago Bernabeu តាំងពីឆ្នាំ ២០១៤ មកម្ល៉េះ ខណៈបច្ចុប្បន្នខ្សែបម្រើវ័យ ៣២ ឆ្នាំកំពុងក្លាយជាកម្លាំងចលករដ៏សំខាន់របស់ក្លិបក្រោមការដឹកនាំរបស់លោក Carlo Ancelotti។ ទាក់ទងនឹងរឿងខាងលើ, លោក Perez បានមានប្រសាសន៍យ៉ាងដូច្នេះថា៖“Kroos មានស្ទីលលេងមួយ ដែលធ្វើឱ្យអ្នកគាំទ្រទាំងអស់ចង់ធ្វើដំណើរមកកាន់ទីលានដើម្បីមើលគាត់លេងមែនទែន។ សម្រាប់ខ្ញុំ គាត់ជាកីឡាករម្នាក់ ដែលកើតមកសម្រាប់លេងឱ្យ Real Madrid មួយប៉ុណ្ណោះ” ៕

អ្នកកាសែតល្បីឈ្មោះលោក​ Matt Law បានទម្លាយឲ្យដឹងថាកីឡាកររបស់ Real Madrid ជាច្រើននាក់ជឿជាក់ថា ខ្សែការពារ Antonio Rudiger នឹងផ្លាស់មកកាន់កីឡដ្ឋាន Santiago Bernabeu នារដូវកាលក្រោយ។  ជាការពិតណាស់ កីឡាករសញ្ជាតិអាល្លឺម៉ង់ខាងលើ បានវិវត្តន៍ខ្លួនទៅ ជាកីឡាករដ៏សំខាន់ជាងគេម្នាក់នៅ ក្នុងក្រុម Chelsea ជាពិសេសក្រោមការដឹកនាំរបស់លោក Thomas Tuchel។ យ៉ាងណាក្តី បញ្ហាចម្បងនៅ ពេលនេះ គឺ កុងត្រារបស់គេនៅ ឯកីឡាករដ្ឋាន Stamford Bridge នឹងអស់សុពលភាពនៅ បញ្ចប់រដូវកាលនេះ។ ដូច្នេះមានន័យថា រូបគេអាចនឹងចាកចេញដោយគ្មានតម្លៃខ្លួនប្រសិនបើគេបដិសេធមិនបន្តកុងត្រាថ្មី។ ក្រៅពី Real Madrid មានក្លិបធំៗផ្សេងទៀតដូចជា Bayern Munich និង Paris Saint Germain ជាដើមដែលចង់បាន Rudiger មករួមក្រុម ប៉ុន្តែ ទិសដៅ បន្ទាប់ដែលគេចង់ទៅ ចូលរួមបំផុត គឺ ការប្រកបអាជីពនៅ ឯកីឡដ្ឋាន

ខ្សែ​ប្រយុទ្ធ​ Karim Benzema នឹង​បន្ត​លេង​ជា​មួយ​ក្លឹប​ Real Madrid រយៈ​ពេល​២ឆ្នាំ​បន្ថែម​ទៀត​ ។ នេះ​បើ​យោង​តាម​ការ​ចុះ​ផ្សាយ​ផ្ទាល់​របស់​ក្លឹប​នេះ​អម្បាញ់មិញ​នេះ​។ កីឡាករ​រូប​នេះ​បាន​ព្រម​ព្រៀង​ចុះ​កុងត្រា​​ និង​បន្ត​ពាក់អាវ​លេខ​៩ លេង​នៅ​ទីលាន​  Santiago Bernabeu ទៀត​រហូត​ដល់​ឆ្នាំ​២០២៣​ខាង​មុខ​។ បើ​តាម​កុងត្រា​ចាស់​ដែល​នឹង​បញ្ចប់​នៅ​ឆ្នាំ​២០២២ខាង​មុខ​ Benzema ទទួល​បាន​ប្រាក់​ពល​កម្ម​នៅ​ក្នុង​១ឆ្នាំ​ជាង​ ២០​លាន​ដុល្លារ​​ ខណៈ​ប្រាក់​ពលកម្ម​នៅ​ក្នុង​កុងត្រា​ថ្មី​នេះ​មិនទាន់​មាន​ប្រភព​ច្បាស់​ការ​ណា​មួយ​ចុះ​ផ្សាយ​នៅ​ឡើយ​។ ក្រោយ​ពី​បាន​ចូល​លេង​ជា​មួយ​ Real កាល​ពី​ឆ្នាំ​២០០៩មក​ Benzema បាន​ចូល​លេង​បាន​ ៥៦០​ប្រកួត​ និង​រក​គ្រាប់​បាល់​បាន​ ២៨១​គ្រាប់​៕

កីឡាករ James Rodriguez បានច្រានចោលព័ត៌មានដែលថារូបគេនឹងត្រឡប់ទៅកាន់ទ្រនំចាស់ Real Madrid វិញ, ខណៈខ្សែបម្រើរូបនេះបានចាយពេល ៦ រដូវកាលជាមួយក្លិបយក្សរបស់ អេស្ប៉ាញ និង ២ រដូវកាលក្នុងលក្ខខណ្ឌខ្ចីជើងជាមួយក្រុម Bayern Munich។ គួរបញ្ជាក់ថា Rodriguez បានចាកចេញពីក្រុម Real Madrid កាលពីរដូវក្តៅមុនមកចូលរួមជាមួយក្រុម Everton, ប៉ុន្តែថ្មីៗនេះមានពាក្យចចាមអារ៉ាមថា រូបគេនឹងអាចផ្លាស់ទៅលេងនៅក្លិបចាស់វិញ ក្រោយពេលលោក Carlo Ancelotti ចាកចេញពីក្រុមដែលមានរហស្សនាមថា ស្ករគ្រាប់ ហើយទៅដឹកនាំនៅទឹកដី Santiago Bernabeu ជាលើកទី ២។ នៅពេលអ្នកគាំទ្រម្នាក់បានសួរថា តើគាត់នឹងអាចត្រឡប់ទៅក្រុម អធិរាជស វិញទេ, ក្នុងនោះ Rodriguez ក៏បានឆ្លើយតបទៅវិញយ៉ាងដូច្នេះថា៖ ទេ, ខ្ញុំមិនបានគិតលើករឿងនេះទេ។ បច្ចុប្បន្ន វាគឺដល់ពេលកំណត់ហើយ, ដូច្នេះវានឹងមិនអាចកើតឡើងម្តងទៀតទេ។

ពិតណាស់ ក្លិប Real Madrid បានចុះហត្ថលេខាយកខ្សែការពារ David Alaba ដែលជាកីឡាករពុំមានតម្លៃខ្លួន ពីក្លិប Bayern Munich នារដូវក្ដៅនេះ ក្នុងកិច្ចសន្យារយៈពេលវែងរហូតដល់ ៥ឆ្នាំ ប៉ុន្ដែពុំមានការបញ្ជាក់ផ្លូវការណាមួយ អំពីថ្លៃពលកម្មដែលរូបគេនឹងទទួលបាននោះឡើយ។ យ៉ាងណាមិញ យោងតាមទស្សនាវដ្ដីអាល្លឺម៉ង់ ​Der Spiegel បានទម្លាយអំពីថ្លៃពលកម្មដ៏គួរឲ្យភ្ញាក់ផ្អើល ដែលកីឡាករសញ្ជាតិអូទ្រីសរូបនេះ​នឹងទទួលបាននៅទឹកដី Santiago Bernabeu ។ ប្រភពបានទម្លាយថា Alaba នឹងទទួលបានថ្លៃពលកម្មសរុបចំនួន ១១៥លានអឺរ៉ូ (ឬប្រមាណ ១៣៦លានដុល្លារអាមេរិក) សម្រាប់រយៈពេល ៥ឆ្នាំ តែចំនួននេះពុំបានរាប់បញ្ចូលប្រាក់រង្វាន់ប្រចាំឆ្នាំ និងសប្ដាហ៍ទេ។ Alaba នឹងទទួលបានចំនួន ២៥លានអឺរ៉ូ (ជិត៣០លានដុល្លារអាមេរិក) ក្នុងមួយឆ្នាំ និងចំនួន ៣៧៦,០០០ផោន (ឬប្រមាណ ៥២ម៉ឺនដុល្លារអាមេរិក)ក្នុងមួយសប្ដាហ៍។ ជាមួយគ្នានេះ Real Madrid ក៏បានបង់ឲ្យភ្នាក់ងារកីឡាករ ដែលមានចំនួនសរុប ១១.៥លានអឺរ៉ូ (ឬប្រមាណ ១៣លានដុល្លារអាមេរិក) ផងដែរ។ គួរឲ្យដឹងដែរថា តាមពិតទៅ

ជា​រឿង​ភ្ញាក់ផ្អើល​កាល​ពី​ព្រឹកមិញ​ដោយ​សារ​ព័ត៌មាន Sergio Ramos បាន​សម្រេច​ចិត្ត​ចាកចេញ​ពី Real Madrid ក្រោយ​លេង​អស់​រយៈពេល​១៦​ឆ្នាំ។ Ramos បាន​ផ្លាស់​ពី​ក្លឹប Sevilla ​មក​លេង​ឲ្យ Real Madrid កាល​ពី​ឆ្នាំ​២០០៥។ ក្នុង​ទឹក​ដី​កីឡដ្ឋាន​ Santiago Bernabeu គេ​បាន​ជួយ​ក្រុម​ឈ្នះ​ពាន​ចំនួន​២២។ ពេល​មក​ដល់​​ Madrid ដំបូង​បំណង​ប្រាថ្នា​របស់​គេ​គឺ​ចង់​ក្លាយ​ជា​ប្រធាន​ក្រុម​និង​វីរបុរស​របស់​ក្រុម។ នៅ​ចំណុច​ខ្លះ Ramos ​ក្លាយ​ជា​មនុស្ស​មាន​ឥទ្ធិពល​ម្នាក់​ក្នុង​ក្លឹប Real Madrid តែ​លោក Perez ជា​មនុស្ស​ចង់​បាន​អំណាច​ខ្លាំង​ជាង​គេ។ អ្នក​សរសេរ​ព័ត៌មាន​របស់​អេស្ប៉ាញ​ម្នាក់​ឈ្មោះ​ថា Guillen Balague ​ទម្លាយ​ឲ្យ​ដឹង​ថា តា Perez ចង់​ឲ្យ Ramos ចេញ ដូច​ពេល​ដែល​គាត់​​ចង់​ឲ្យ Ronaldo ​ចេញ​ដូច​គ្នា។ Ramos ជា​មនុស្ស​ដែល​មាន​ឥទ្ធិពល​​ទាំង​ក្នុង​និង​ក្រៅ​ទីលាន​ ប៉ុន្តែ​កន្លង​ទៅ Perez មិន​ទាន់​រក​វិធី​ឲ្យ​គេ​អាច​ចេញ​បាន​លឿន​នោះ​ទេ។ តែ​ពេល​នេះ Perez មាន​លេស​មួយ​ចំនួន​ដូច​ជា Ramos មាន​វ័យ​៣៥​ឆ្នាំ, លេង​បាន​តែ​៧​ប្រកួត​ក្នុង​ឆ្នាំ​២០២១ និង​មាន​បញ្ហា​របួស។ Perez ចង់​ត​កុងត្រា​ឲ្យ​​មួយ​ឆ្នាំ​ទៀត

Sergio Ramos ត្រូវបានគេរំពឹងថានឹងចាកចេញពីក្លិប Real Madrid នៅរដូវក្តៅនេះបន្ទាប់ពីបកិច្ចសន្យារបស់គាត់ជាមួយនឹងក្លឹបមិនចុះសម្រុងគ្នា។ កុងត្រារបស់ខ្សែការពារវ័យ ៣៥ ឆ្នាំរូបនេះនឹងផុតកំណត់នៅរដូវក្តៅនេះហើយ Real Madrid បានផ្តល់ជូនគាត់នូវកិច្ចព្រមព្រៀងថ្មីមួយឆ្នាំជាមួយនឹងការកាត់បន្ថយប្រាក់ខែដែលសមាជិកក្នុងក្រុមទាំងអស់បានទទួលយកប៉ុន្តែ Ramos បានបដិសេធហើយបានជំរុញឲ្យមានកិច្ចព្រមព្រៀងរយៈពេល ២ ឆ្នាំនឹងមិនមានការកាត់បន្ថយប្រាក់ចំណូល។ ក្រុមអធិរាជស Real Madrid បានបន្ថែមការផ្តល់ជូនដែលរួមបញ្ចូលទាំងជម្រើសឆ្នាំទី ២ ប៉ុន្តែការពិភាក្សានៅទ្រឹងហើយការចង្អុលបង្ហាញទាំងអស់គឺថាពេលវេលារបស់ខ្សែការពារសញ្ជាតិអេស្ប៉ាញ Sergio Ramos នៅ Santiago Bernabeu កំពុងតែឈានដល់ទីបញ្ចប់ហើយ។ កាសែត Cope បានប្រកាសថា Ramos នឹងចាកចេញពី Real Madrid នៅរដូវក្តៅនេះ។

លោក Zinedine Zidane អ្នកចាត់ការទូទៅរបស់ក្លិប Real Madrid ត្រូវបានគេរាយការណ៍ថាលោកបានប្រាប់កីឡាកររបស់គាត់ថាគាត់នឹងចាកចេញនៅចុងបញ្ចប់នៃរដូវកាលនេះ។ អ្នកចាត់ការសញ្ជាតិបារាំងរូបនេះបានចាកចេញពី Santiago Bernabeu រួចម្ដងទៅហើយដោយបានលាលែងពីតំណែងបន្ទាប់ពីក្រុមរបស់គាត់បានឈ្នះពានរង្វាន់ Champions League ជាលើកទី ៣ ជាប់ៗគ្នាក្នុងឆ្នាំ ២០១៨ ។ គាត់បានវិលត្រឡប់មកវិញនៅខែមីនាឆ្នាំ ២០១៩ និងបានឈ្នះពានរង្វាន់លីក Laliga មួយឆ្នាំក្រោយមកប៉ុន្តែពេលនេះគ្រូបង្វឹកខាងលើនឹងលាលែងដំណែងម្តងទៀតនៅចុងរដូវកាលនេះ។ យោងតាមគេហទំព័រ Goal បានអោយដឹងថាលោក Zidane បានប្រាប់ដល់កូនក្រុមរបស់លោកនៅក្នុងបន្ទប់ផ្លាស់សំលៀកបំពាក់របស់ក្លិប Real Madrid មុនពេលការប្រកួតជាមួយ Sevilla នៅថ្ងៃទី ៩ ខែឧសភាសប្ដាហ៍មុនថាគាត់នឹងមិនបន្តកុងត្រារបស់គាត់ជាមួយក្រុម Real Madrid នៅចុងរដូវកាលនេះទេហើយនឹងលាលែងពីតំណែងបន្ទាប់ពីបញ្ចប់រដូវកាលជាមួយក្រុម Villarreal ។

Real Madrid គ្រោងនឹងទិញយកខ្សែប្រយុទ្ធ PSG កីឡាករ Kylian Mbappe និងខ្សែប្រយុទ្ធ Erling Haaland របស់ក្រុម Borussia Dortmund ។ យោងទៅតាមសារព័ត៌មាន As ក្លឹបនៅទីក្រុងម៉ាឌ្រីដ ចង់ចុះហត្ថលេខាលើកីឡាករ Mbappe នឹង Haaland នៅរដូវក្តៅនេះ ។ ខណះកីឡាករសញ្ជាតិន័រវែសដែលកិច្ចសន្យារបស់គេ ជាមួយ Dortmund មានទឹកប្រាក់ ៧៥ លានផោនដែលចាប់ផ្តើមនៅរដូវក្តៅឆ្នាំ ២០២២ ។ Real Madrid សង្ឃឹមថានឹងទទួលបានខ្សែប្រយុទ្ធមុតស្រួចរបស់ Borussia Dortmund បើសិនជារដូវកាលក្រោយក្រុមមួយនេះ មិនបានលេងក្នុងពានរង្វាន់ Champions League ព្រោះខ្សែប្រយុទ្ធសញ្ជាតិន័រវេសរូបនេះប្តេជ្ញាថានឹងផ្លាស់ប្តូរក្លឹបប្រសិនបើក្រុមមិនលេងក្នុងការប្រកួតពានរង្វាន់អ៊ឺរ៉ុប ។ ប៉ុន្តែបើរឿងនោះមិនកើតឡើងទេក្រុម Real Madrid នឹងត្រូវជ្រើសរើសរវាង Mbappe និង Haaland ។ ទោះយ៉ាងណាក្លិប Real Madrid នៅតែមានក្តីសង្ឃឹមថាខ្សែប្រយុទ្ធឆ្នើមរបស់ក្រុម Borussia