Tag: Sergiño Dest

សារព័ត៌មាន Sport បានរាយការណ៍ថាលោក Xavi Hernandez គ្រូបង្វឹករបស់ក្រុម Barcelona បានបើកភ្លើងខៀវអនុញ្ញាតឲ្យក្លិបលក់ ខ្សែការពារ Sergino Dest ចេញ។​ កីឡាករវ័យ២១ឆ្នាំរូបនេះបានផ្ទេរពី Ajax មកកាន់ទឹកដី Camp Nou កាលឆ្នាំ២០២០ ប៉ុន្តែដោយសារក្លិបជិតនឹងនាំយក ខ្សែការពារ Andreas Christensen និង Cesar Azpilicueta ពី Chelsea នោះ គឺ Xavi គ្មានបញ្ហានោះឡើយបើសិនក្លិបលក់ Dest ចេញ។ Dest នៅតែពុំទាន់លេងបានល្អត្រូវចិត្តលោកគ្រូបង្វឹកសញ្ជាតិអេស្ប៉ាញនេះនោះឡើយ ហើយលោកត្រូវការខ្សែការពារដែលមានបទពិសោធន៍ច្រើនជាងនេះ។ ​គួរបញ្ជាក់ផងដែរថា Sergino Dest ចូលលេងឲ្យ Barcelona បាន៣០ប្រកួតនៅរដូវកាលនេះ៕

ក្លិបតោខៀវ Chelsea ត្រូវបានគេរាយការណ៍ថាកំពុងគ្រោងនឹងតាមទិញយកខ្សែការពារ Sergino Dest ពីក្លិប Barcelona នៅខែមករាខាងមុខ។ សារព័ត៌មាន Express បានបង្ហើបថាភាគីលោក Thomas Tuchel បានស្នើតម្លៃខ្លួនដល់គេចំនួន៣០លានផោន(ស្មើនឹងប្រមាណ ៤០.១លានដុល្លារ) សម្រាប់ទិញយក Dest ដោយចង់យកគេមកជំនួសខ្សែការពារ Ben Chilwell ដែលរងរបួខណៈដែលអនាគតខ្សែការពារ César Azpilicueta នៅមានភាពស្រពេចស្រពិល។ Dest បានផ្ទេរពីក្លិប Ajax មកកាន់ទឹកដី Camp Nou កាលពីឆ្នាំ២០២០ដោយគេអាចលេងជាខ្សែការពារបានទាំងស្លាបឆ្វេងនិងស្លាបស្តាំទើបអាចងាយស្រួលឲ្យ Chelsea ដាក់គេឲ្យលេងជំនួសកន្លែង Reece James ឬ Ben Chilwell បើសិនពួកគេរងរបួស៕

Xavi Hernandez ដែល​ជា​អ្នក​ចាត់​ការ​ថ្មី​របស់​ក្លឹប Barcelona កំពុង​សម្លឹង​ឃើញ​កីឡាករ​ Chelsea ដល់​ទៅ​៣​នាក់ និង​ត្រៀម​យក​មក​នៅ​ខែ​មករា​ខាង​មុខ​ដើម្បី​ជួយ​ពង្រឹង​ក្រុម។ អ្នក​ចាត់​ការ​សញ្ជាតិ​អេស្ប៉ាញ​​​កំពុង​សម្លឹង​ឃើញ​​លើ​ការ​ខ្ចី​ជើង​កីឡាករ​ថ្មី​ចូល ហើយ​ក្នុង​នោះសមាជិក​របស់ Chelsea ចំនួន 3 ​រូប​ដែល​មាន Christian pulisic, Hakim Ziyech និង Hudson-Odoi ​ស្ថិង​ក្នុង​ចំណាប់​អារម្មណ៍​របស់​លោក។ យោង​តាម​សារព័ត៌មាន Diario Sport ឲ្យ​ដឹង​ថា Barcelona ចង់​បាន​កីឡាករ​ទាំង​៣​ខាង​លើ ដែល​មិន​សូវ​បាន​លេង​ក្រោម​ការ​ដឹក​នាំ​របស់​លោក Thomas Tuchel។ ហើយ​ពួក​គេ​អាច​ជា​ជម្រើស​ប្រយុទ្ធ​​បន្ថែម​ដ៏​ល្អ​សម្រាប់​ក្រុម​លោក Xavi។ Pulisic រដូវ​កាល​នេះក្នុង​លីគ​ទើប​តែ​លេង​បាន​២ប្រកួត​ប៉ុណ្ណោះ ហើយ​ប្រសិន​បើ​គេ​ទៅ​ Barca វា​ជា​ឱកាស​អាច​​លេង​ជាមួយ​មិត្តរួម​ជាតិ​អាមេរិក Sergino Dest។ Ziyech ក៏​មិន​សូវ​បាន​បង្ហាញ​ខ្លួន​ឲ្យ​តោខៀវ​ដូច​គ្នា ខណៈ Hudson-Odoi ត្រូវ​ការ​ឱកាស​លេង​ច្រើន​ដើម្បី​បាន​ជាប់​ជម្រើស​ជាតិ​អង់គ្លេស​ទៅ​លេង​នៅ World Cup ឆ្នាំ​ក្រោយ៕

ខ្សែការពារស្លាបស្តាំក្លិប Barcelona កីឡាករ Sergino Dest បានរៀបរាប់វិធីដែលក្រុមរបស់ខ្លួនត្រូវធ្វើដើម្បីយកឈ្នះ Real Madrid បាន។ ជាការពិតណាស់ នៅរាត្រីថ្ងៃអាទិត្យស្អែកនេះ Dest ព្រមទាំង Barcelona នឹងត្រូវបើកទ្វារកីឡដ្ឋាន Camp Nou របស់ខ្លួនស្វាគមន៍ Real Madrid ក្នុងការប្រកួតក្របខណ្ឌ La Liga ខណៈពេលដែល ក្រុមអ្នកមានបុណ្យ ខកខានស្គាល់រសជាតិឈ្នះ ក្រុមអធិរាជសពីររដូវកាលមកហើយ។ Dest បាននិយាយថា៖ ខ្ញុំំគិតថាគន្លឹះដែលសំខាន់បំផុត គឺ យើងត្រូវសហការគ្នាជាក្រុម។ ពួកយើងនឹងរឹងមាំពេលដែលយើងនៅរួមគ្នាជាក្រុម។ ពួកគេយើងមិនអាចធ្វើវាបានតែម្នាក់ឯងបានឡើយ។ Barcelona បានទទួលជ័យជម្នះក្នុងការប្រកួតពីរលើកចុងក្រោយ ហើយ ពួកយើងកំពុងមានអារម្មណ៍ល្អ និង ត្រូវតែបន្តលទ្ធផលបែបនេះទៀត។ ខ្ញុំគិតថា El-Clasico ជា ការប្រកួតដ៏តានតឹង ប៉ុន្តែ ពួកយើងត្រូវតែធ្វើវាឲ្យបាន៕

ខ្សែការពារ Sergiño Dest របស់ក្រុម Barcelona អាចនឹងចាកចេញពីក្លឹបនូវរដូវកាលនេះ។ យោងតាមគេហទំព័រ Sport.es បានអោយដឹងថាក្លឹបតំបន់កាតាឡានមួយនេះមានឆន្ទៈពិចារណាលើការផ្តល់ជូនពីក្លឹបផ្សេងទៀតហើយបើសមរម្យគឺលក់កីឡាករវ័យ ២០ ឆ្នាំរូបនេះភ្លាម។ មានសេចក្តីរាយការណ៍ថាក្លឹប Bayern និង Inter Milan ស្ថិតក្នុងចំណោមក្លឹបដែលចាប់អារម្មណ៍នឹងកីឡាកររូបនេះ។ ក្លឹបអ៊ីតាលីអាចចុះហត្ថលេខាលើកីឡាកររូបនេះដោយខ្ចីជើងជាមួយនឹងជម្រើសទិញមួយចំណែកឯក្រុម Barcelona ចង់លក់ខ្សែការពារអាមេរិចរូបនេះដាច់តែម្ដង។ បញ្ជាក់ Sergiño Dest លេងបាន ៣០ ប្រកួតនិងរកបាន ២ គ្រាប់នៅ La Liga រដូវកាលមុន។