Tag: Sergio Rico
Other News
PSG ខ្ចីអ្នកចាំទីអេស្ប៉ាញ Sergio Rico ពី Sevilla លើកិច្ចសន្យាខ្ចី១រដូវកាលកាល
ក្លិប Paris Saint-Germain បាននាំយកអ្នកចាំទីអេស្ប៉ាញ Sergio Rico ពី Sevilla លើកិច្ចសន្យាខ្ចី១រដូវកាលកាល អមដោយជម្រើសទិញផ្ដាច់។ Rico វ័យ២៦ឆ្នាំ បានចំណាយរដូវកាល២០១៨-១៩លេងក្នុងក្របខ័ណ្ឌ Premier League សម្រាប់ Fulham លើកិច្ចសន្យាខ្ចី ហើយបានចូលលេង២៩ប្រកួត ខណៈ Fulham ត្រូវបានកាត់ទម្លាក់ទៅ Championship។ កីឡាករដែលធ្លាប់លេងឱ្យជម្រើសជាតិអេស្ប៉ាញបានម្ដងក្នុងឆ្នាំ២០១៦ បានចូលលេងឱ្យ Sevilla ១៦០ប្រកួតអំឡុងពេលឡើងពីថ្នាលយុវជនចូលក្រុមធំក្លិបនេះ៤ឆ្នាំ។ PSG ក្នុងរដូវកាល២០១៩-២០នេះ បានដាក់អ្នកចាំទីជម្រើសជាតិបារាំង Alphonse Areola ចូលលេង៣លើក និងអ្នកចាំទីវ័យក្មេងប៉ូឡូញ Marcin Bulka ចូលលេង១លើក ក្រោយការចាកចេញរបស់ Gianluigi Buffon កាលពីខែកក្កដា។ ក្រុមលោក Thomas Tuchel កំពុងឈរលេខ១ក្នុងតារាង Ligue 1 បន្ទាប់ពីឈ្នះ៣ប្រកួតនិងចាញ់១ប្រកួតពី៤ប្រកួតដំបូង៕
02 Sep 2019
513 views
Other News
Paris Saint-Germain បានចុះកុងត្រាទិញអ្នកចាំទី Sergio Rico ពីក្លឹប Sevilla
អ្នកចាំទី Sergio Rico របស់ក្លឹប Sevilla ដែលត្រូវបានខ្ចីជើងទៅលេងពេញមួយរដូវកាលមុននៅក្លឹប Fulham នោះ ឥឡូវនេះត្រូវបានក្លឹប Paris Saint-Germain ខ្ចីជើងមកលេងក្នុងរដូវកាល ២០១៩-២០២០។ ក្លឹប Paris Saint-Germain បានចុះកុងត្រាទិញអ្នកចាំទី Sergio Rico ពីក្លឹប Sevilla ដោយផ្ដើមពីការខ្ចីជើងនៅរដូវកាលដំបូង។ ក្លឹបម្ចាស់ជើងឯកលីគកំពូលបារាំងមួយនេះបានចូលទីផ្សារដើម្បីស្វះស្វែងរកទិញអ្នកចាំទីថ្មីម្នាក់ឱ្យបាន ហើយមានព័ត៌មានពាក់ព័ន្ធនឹងការចាប់អារម្មណ៍ចង់បានអ្នកចាំទី Keylor Navas របស់ក្លឹប Real Madrid។ អ្នកចាំទីបម្រុង Gianluigi Buffon បានចាកចេញពីក្លឹប PSG កាលពីចុងរដូវកាលមុន ទើបក្លឹបមួយនេះចាប់ផ្ដើមបាត់បង់ជម្រើសអ្នកចាំទី ខណៈដែលអ្នកចាំទី Alphonse Areola មិនត្រូវបានជ្រើសរើសជាអ្នកចាំទីជម្រើសទី១ នោះទេ នៅក្នុងការប្រកួតជាមួយក្លឹប Metz កាលពីថ្ងៃសុក្រ។ Bienvenue dans la capitale ?? ?? #ICICESTPARIS pic.twitter.com/Cwi7eaXPRr — Paris Saint-Germain
02 Sep 2019
78 views
