Tag: Serie A

ក្លិប Newcastle United ត្រូវបានគេរាយការណ៍ថាចាប់អារម្មណ៍ចង់យកលោក Jose Mourinho មកដឹកនាំក្រុមបើទោះបីជាគ្រូបង្វឹកបច្ចុប្បន្នគឺលោក Eddie Howe កំពុងដឹកនាំបានល្អក៏ដោយ។ សារព័ត៌មាន Marca បានចុះផ្សាយថាថ្នាក់ដឹកនាំរបស់ Newcastle មានមហច្ឆិតាខ្ពស់ចង់ពង្រឹងក្លិបឲ្យខ្លាំងសមល្មមអាចក្លាយជាក្លិបកំពូលបានទើបចង់បាន Mourinho ដែលជាគ្រូបង្វឹកដ៏មានបទពិសោធន៍ធ្លាប់ដឹកនាំក្លិបនៅ Premier League ដូចជា Manchester United,Chelsea និង Tottenham Hotspur ជាដើម។​ ឥលូវនេះ Mourinho កំពុងដឹកនាំក្លិប Roma នៅឯក្របខណ្ឌ Serie A ប្រទេសអ៊ីតាលីដោយដឹកនាំឲ្យក្លិបនេះឈរនៅលេខរៀងទី៦ក្នុងតារាង Serie A ។​ ខណៈនោះដែរលោក Eddie Howe បានដឹកនាំឲ្យ Newcastle ឈរនៅលេខរៀងទី១២ក្នុងតារាង Premier League មាន៤៦ពិន្ទុក្នុងដៃ៕

យោងតាមសារព័ត៌មាន Tuttomercatoweb បានចុះផ្សាយថា ភ្នាក់ងាររបស់ខ្សែប្រយុទ្ធ Paulo Dybala កំពុងចរចាជាមួយក្លិបបិសាចក្រហម Manchester United ដោយកំពុងពិភាក្សាពីភាពអាចទៅរួចក្នុងការផ្ទេរកីឡាករសញ្ជាតិអាហ្សង់ទីនរូបនេះមកទឹកដី Old Trafford ។ Dybala នឹងចែកផ្លូវជាមួយ Juventus នៅចប់រដូវកាលនេះដោយគ្មានតម្លៃខ្លួនបន្ទាប់ពីសម្រេចចិត្តមិនបន្តកុងត្រាជាមួយក្លិប។ ជាងនេះទៅទៀត លោក Erik Ten Hag ដែលនឹងក្លាយជាគ្រូបង្វឹករបស់ Man UTD ឆាប់ៗនោះគឺជាអ្នកគាំទ្រម្នាក់របស់ Dybala នឹងអាចចង់បានគេនៅរដូវកាលក្រោយ។ Dybala បានផ្ទេរពីក្លិប Palermo មកកាន់ទឹកដីក្រុង Turin កាលឆ្នាំ២០១៥ ដោយរកបាន១១៣គ្រាប់ក្នុងការបង្ហាញខ្លួន ២៨៦ប្រកួត។រូបគេបានឈ្នះពាន Serie A ៥ដង និង Coppa Italia ចំនួន៤ដង៕

កីឡាករឆ្នើម Lionel Messi ត្រូវបានរាយការណ៍ថា កំពុងចង់ចាប់ដៃគូជាមួយ កីឡាករវ័យក្មេង Luka Romero ដែលកំពុងប្រកបអាជីពនៅក្លិប Lazio។ ជាការពិតណាស់ Romero មានវ័យទើបតែ ១៧ឆ្នាំ ប៉ុណ្ណោះ ហើយកំពុងប្រកបអាជីពនៅក្លិប Lazio នៃលីគ Serie A​ របស់អ៊ីតាលី។ ទោះបីជា ពុំទាន់សូវរកគ្រាប់បាល់ដូចរៀមច្បងគេក្តី ក៏ Romero ត្រូវបាន​ Messi ចាប់អារម្មណ៍ចង់ធ្វើជាមិត្តរួមក្រុមដែរ ដោយ Messi បានមើលឃើញសមាសភាពល្អរបស់គេ។ បើយោងទៅតាមសារកាសែត Football Italia បានចុះផ្សាយថា Messi កំពុងរំអុកឲ្យ PSG យកកីឡាករវ័យក្មេងខាងលើមករួមក្រុម PSG ដោយ Messi បានសិក្សាឃើញទម្រង់លេងគេបានយ៉ាងល្អ កាលកំឡុងប្រកួតជាមួយក្រុមជម្រើសជាតិអាហ្សង់់ទីន៕

​លោក​ Jose Mourinho គ្រូ​បង្គោល​ក្លឹប​ Roma បាន​និយាយ​ដាក់​អ្នកកាសែត​ មុន​ការ​ប្រកួត​តទល់នឹង​ក្លឹប​ Vitesse ក្របខ័ណ្ឌ​ Europa Conference League ជើង​ទី​២ នៅ​យប់​នេះ​ ដោយអំពាវនាវ​សុំ​​​ឲ្យ​បញ្ចប់សង្គ្រាម​នៅ​អ៊ុយក្រែន​ និង​បញ្ចប់​សង្គ្រាម​ទាំង​អស់​ផ្សេង​ទៀត​ដែល​កំពុង​កើត​មាន​​។ លោក​ Mourinho បាន​និយាយ​ថា​៖” ចំពោះ​ខ្ញុំ​និយាយ​ឲ្យ​ស្មោះត្រង់​ និង​ត្រឹមត្រូវ​តែ​ម្ដង​គឺ​ យើង​តែ​បញ្ចប់​សង្គ្រាម​នៅ​អ៊ុយក្រែន​និង​បញ្ចប់​សង្គ្រាម​ទាំង​អស់​ផ្សេង​ទៀត​ដែល​កំពុង​កើត​មាន​​។​ គួរ​តែ​បញ្ចប់​វា​ទៅ​។ ប្រសិន​ខ្ញុំ​ត្រូវ​បាន​គេ​និយាយ​អញ្ចឹង​ជា​រៀងរាល់​ថ្ងៃ​ ខ្ញុំ​ក៏​ព្រម​ដែរ​។ បញ្ចប់​សង្គ្រាម​ទៅ​ “។ លោក​បាន​បន្ត​ថា៖” ខ្ញុំ​នឹង​មិន​និយាយ​ពី​រឿង​ពាក់ព័ន្ធ​នឹង​នយោបាយ​ទេ​។ តែ​តាម​ពិត​ទៅ​ខ្ញុំ​ចាប់អារម្មណ៍​រឿង​នយោបាយ​ណាស់​ គ្រាន់​តែ​ខ្ញុំ​មិន​និយាយ​ជា​សាធារណៈ​។ តែ​យ៉ាង​ណា​ពាក្យ​មួយ​នេះ​ដែល​ខ្ញុំ​អាច​និយាយ​បាន​ និង​ស្រែក​បាន​ជា​រៀង​រាល់​ថ្ងៃ​គឺ​ បញ្ចប់​សង្គ្រាម​ បញ្ចប់​សង្គ្រាម​ដែល​កំពុង​កើត​មាន​ទៅ​ “។ ចំពោះ​សង្គ្រាម​នៅ​អ៊ុយក្រែន​ ខាង​វិស័យ​បាល់ទាត់​នៅ​អឺរ៉ុប​បាន​ចេញ​មុខ​ឈរ​នៅ​ជា​មួយ​ប្រជាជន​អ៊ុយក្រែន​ និង​សុំ​បញ្ចប់​សង្គ្រាម​មួយ​នេះ​ឲ្យ​បាន​ឆាប់​រហូត​មក​៕

ខ្សែ​បម្រើ​ប្រយុទ្ធ Henrikh Mkhitaryan បាន​សម្រេច​ចិត្ត​ចូលនិវត្តន៍​​ពី​ជម្រើសជាតិ​​ហើយ​ក្នុង​វ័យ​៣៣​ឆ្នាំ។ កីឡាករ​សញ្ជាតិ​អាមេនី​​លេង​បាន​ ៩៥​ប្រកួត និង​រក​បាន​៣២​គ្រាប់​អំឡុង​ពេល​លេង​ឲ្យ​ជម្រើសជាតិ​រយៈពេល​១៥​ឆ្នាំ។ Mkhitaryan បាន​ឡើង​ធ្វើ​ជា​ប្រធាន​ក្រុម​ជម្រើស​ជាតិ ចាប់​តាំង​ពី​ឆ្នាំ​២០១៥ ប៉ុន្តែ​​ពេល​នេះ​គេ​បាន​សម្រេច​ព្យួរ​ស្បែកជើង​ពី​បាល់ទាត់​ហើយ។ អតីត​កីឡាករ​របស់​ក្លឹប Man United និង Arsenal បាន​ប្រកាស​ដំណឹង​ពី​ការ​ចូល​និវត្តន៍​នៃ​ជម្រើសជាតិ​តាម​បណ្ដាញ​សង្គម Instagram។ ក្រោយ​ពី​បញ្ចប់​ភារកិច្ច​ជាមួយ​ជម្រើស​ជាតិ ពេល​នេះ​គេ​​​នឹង​ផ្ដោត​​ជាមួយ​ក្លឹប​អាជីព​វិញ ដោយ​បច្ចុប្បន្ន​​ជា​កីឡាករ​​របស់ AS Roma។ ក្នុង​រដូវ​កាល​នេះ Mkhitaryan បាន​លេង​ទៀងទាត់​ឲ្យ​ក្លឹប​ក្នុង​លីគ Serie A ដោយ​រក​បាន​៣​គ្រាប់ ក្នុង​ការ​បង្ហាញ​ខ្លួន​២៥​ប្រកួត៕

អតីត​អ្នក​ចាំ​ទី​ជម្រើស​ជាតិ​អ៊ីតាលី Gianluigi Buffon បាន​បន្ត​កុងត្រា​ថ្មី​ជាមួយ Parma រហូត​ដល់​ឆ្នាំ​២០២៤ នេះ​មាន​ន័យ​ថា​គេ​នឹង​ឈាន​ដល់​វ័យ​៤៦​ឆ្នាំ​ពេល​ដែល​កុងត្រា​នេះ​បញ្ចប់។ អតីត​សមាជិក​​ឈ្នះ​ពាន World Cup វ័យ​៤៤​ឆ្នាំ​បាន​ត្រលប់​មក​ចូលរួម​ជាមួយ Parma ដែល​កំពុង​លេង​នៅ Serie B ជាមួយ​កុងត្រា​រយៈពេល​២​ឆ្នាំ​កាល​ពី​រដូវ​ក្ដៅ​មុន។ Buffon ធ្លាប់​ឈ្នះ​ពាន Serie A ចំនួន ១០​​លើក​ជាមួយ Juventus និង​លេង​ក្នុង​កំណត់ត្រា​៦៥៨​ប្រកួត​ជាមួយ​ក្លឹប។ ក្រោយ​បន្ថែម​កុងត្រា​ថ្មី Buffon បាន​និយាយ​ថា សម្រាប់​គេ​និង​គ្រួសារ​នេះ​គឺ​ជា​ថ្ងៃ​ដ៏​អស្ចារ្យ។ គេ​សង្ឃឹម​ថា​ទីក្រុង​និង​អ្នក​គាំទ្រ​ទាំង​​អស់​នឹង​សប្បាយ​ចិត្ត។ Buffon ​ដែល​​បង្ហាញ​ខ្លួន​ប្រកួត​​លើក​ដំបូង​នៅ Serie A ជាមួយ Parma កាល​ពី​ឆ្នាំ​១៩៩៥ លេង​បាន​ ២៣​ប្រកួត​ក្នុង​លីគ​នៅ​រដូវ​កាល​នេះ​ហើយ៕

លោក​ Jose Mourinho គ្រ​បង្គោល​ក្លឹប​ Roma បាន​និយាយ​ទៅ​កាន់​សារព័ត៌មាន​ Corriere dello Sport ដោយ​បាន​ស្ដី​បន្ទោស​កីឡាករ​របស់​លោក​គ្រប់​គ្នា​ ក្រោយ​លេង​ចាញ់​ក្លឹប​ Inter Milan ២-០ ក្របខ័ណ្ឌ​ Coppa Italia កាល​ពី​ម្សិលមិញ​។ បើ​ប្រភព​ខាង​លើ​នេះ​ លោក​ Mourinho បាន​ស្ដី​ឲ្យ​កីឡាករ​លោក​បែប​គំរោះគំរើយ​ខ្លាំង​ ដោយ​លោក​ឆ្ងល់​នៅ​១០​នាទី​ដំបូង​នៃ​ការ​ប្រកួត​ ហេតុ​អី​កីឡាករ​លោក​ លេង​មើល​តែ​មុខ​គ្នា​ នៅ​ពេល​ប៉ះ​ជា​មួយ​ Inter Milan បែប​នេះ​ ហើយ​នៅ​ពេល​លេង​ជា​មួយ​ AC Milan កន្លង​ទៅ​ម៉េច​ក៏​មាន​បញ្ហា​អញ្ចឹង​ដែរ​។ លោក​ថា​កូន​ក្រុម​លោក​​ លេង​ខ្លាច​ៗ​ អត់​ហ៊ាន​ដណ្ដើម​បាល់​ លេង​ធ្វើ​មើល​តែ​ Roma ជា​ក្រុម​តូច​ទាប​អញ្ចឹង​។​ ​ លោក​បាន​មើល​ងាយ​កូន​ក្រុម​ចំ​ៗ​ថា​ បើ​នៅ​តែ​អញ្ចឹង​ទៀត​ទៅ​លេង​នៅ​ Serie C ទៅ​ព្រោះ​នៅ​ហ្នឹង​គ្មាន​ក្រុម​ណា​ជើង​ឯក​អី​ទេ​ គ្មាន​ទីលាន​ល្អ​ មិន​មែន​ជា​កន្លែង​ឲ្យ​រីក​ចម្រើន​ទៅ​មុខ​អី​ទេ​ អញ្ចឹង​នឹង​ក្លាយ​ជា​អ្នក​អត់​បាន​ការ​បំផុត​។ ងាក​មក​ការ​ប្រកួត​ Serie A វិញ​ Roma ឈរ​នៅ​ចំណាត់​ថ្នាក់​ទី​៧ ដោយ​​មាន​៣៩ពិន្ទុ

ក្រុម​ជម្រើសជាតិ​សេណេហ្គាល់​បាន​ឈ្នះ​ពាន​រង្វាន់ Africa Cup of Nations ជា​លើក​ដំបូង​ ក្រោយ​ឈ្នះ​បាល់​ប៉េណាល់ទី​កាត់​សេចក្ដី ៤ ទល់នឹង ២ លើ​អេហ្ស៊ីប​កាល​ពី​យប់​មិញ។ ការ​ប្រកួត​​ដែល​រៀបចំ​ឡើង​ក្នុង​ប្រទេស​កាមេរ៉ូន ក្រុម​ជម្រើសជាតិ​សេណេហ្គាល់​​និង​អេហ្ស៊ីប​បាន​បញ្ចប់​ត្រឹម​លទ្ធផល ០ ទល់នឹង ០ ប៉ុណ្ណោះ​ក្រោយ​លេង​អស់ ​១២០​នាទី។ ដូច្នេះ​​ពួក​គេ​ត្រូវ​ទាត់​ប៉េណាល់ទី​កាត់​សេចក្ដី ជា​លទ្ធផល​សេណេហ្គាល់​បាន​យក​ឈ្នះ ៤ ទល់នឹង ២ លើ​អេហ្ស៊ីប។ លោក Aliou Cisse គ្រូ​របស់​ក្រុម​ជម្រើស​ជាតិ​សេណេហ្គាល់​បាន​និយាយ​ថា​ វា​បាន​បង្ហាញ​ថា ប្រសិន​បើ​អ្នក​ខិតខំ តស៊ូ អ្នក​នឹង​​ទទួល​បាន​ផល​នូវ​អ្វី​ដែល​អ្នក​ចង់​បាន។ លោក​ពិត​ជា​មាន​អារម្មណ៍​រំជួល​ចិត្ត ព្រោះ​តែ​ប្រជាជន​សេណេហ្គាល់​​ចង់​ឈ្នះ​ពាន​នេះ​​អស់​រយៈពេល​ ៦០​ឆ្នាំ​មក​ហើយ។ ម្ចាស់ផ្ទះ​កាមេរ៉ូន​បាន​ត្រឹម​ចំណាត់​ថ្នាក់​លេខ​៣​ប៉ុណ្ណោះ ក្រោយ​ឈ្នះ​បាល់​ប៉េណាល់ទី​កាត់​សេចក្ដី​លើ​ប៊ូគីណាហ្វាសូ ៥ ទល់នឹង ៣៕

យោងតាមសេចក្ដីរាយការណ៍បានឲ្យដឹងថា ប្រធានក្លិប Flamengo បានធ្វើដំណើរមកកាន់ប្រទេសអង់គ្លេស ដើម្បីព្យាយាមសម្រេចកិច្ចព្រមព្រៀងផ្ទេរយកខ្សែបម្រើក្រុមបិសាចក្រហម Manchester United កីឡាករ Andreas Pereira ជាអចិន្ត្រៃយ៍។ ខ្សែបម្រើវ័យ២៦ឆ្នាំខាងលើ តែងត្រូវបានក្លិប Man UTD ដាក់ឲ្យក្លិបផ្សេងៗខ្ចីជើង។ ជាក់ស្ដែងកាលពីរដូវកាល ២០២០-២១ រូបគេបានខ្ចីជើងលេងនៅ ក្លិប Lazio នៅលីគ Serie A លុះឈានដល់រដូវក្ដៅឆ្នាំមុន រូបគេបានបន្តទៅលេងខ្ចីជើងនៅទឹកដីកំណើតប្រទេសប្រេស៊ីល ដោយចូលរួមជាមួយក្លិប Flamengo ។ បន្ថែមពីនេះ បើតាមកិច្ចព្រមព្រៀង ក្លិប​ Flamingo មានសិទ្ធទិញ Pereira ផ្ដាច់ ក្នុងតម្លៃ១៧លានផោន (ឬប្រមាណ ២៣លានដុល្លារ) ប៉ុន្តែអនុប្រធានក្លិបយក្សប្រេស៊ីលខាងលើ លោក Marcos Braz បានបញ្ជាក់ថា លោកចង់បាន Pereira ក្នុងតម្លៃទាបជាងនេះ។ ជាមួយគ្នានេះ បើតាមការបញ្ជាក់របស់កាសែត Sport Witness ពេលនេះ មេធំ ក្លិប Flamengo

ក្លិបកាំភ្លើងធំ Arsenal អាចនឹងខ្ចីជើងយកខ្សែប្រយុទ្ធក្រុម Real Madrid កីឡាករ Luka Jovic ក្នុងរយៈពេលខ្លី ប្រសិនបើពួកគេ បរាជ័យក្នុងការបញ្ចុះបញ្ចូល យកខ្សែប្រយុទ្ធ Dusan Vlahovic មករួមក្រុមក្នុងខែមករានេះ។ អ្នកចាត់ការទូទៅក្រុមកាំភ្លើងធំលោក Mikel Arteta មានបំណងនាំចូល ខ្សែប្រយុទ្ធមកបន្ថែមក្នុងក្រុម ឲ្យបានមុនទីផ្សារដោះដូរកីឡាករបិទទ្វារ នៅថ្ងៃច័ន្ទសប្ដាហ៍ក្រោយ។ ប៉ុន្តែក្ដីសង្ឃឹម ក្នុងការចុះកិច្ចសន្យាយក តារាឆ្នើមក្រុម Fiorentina កីឡាករ Vlahovic ហាក់កាន់តែឆ្ងាយទៅៗ បើទោះជាព្យាយាម យ៉ាងសស្រាក់សស្រាំ ក្នុងការធ្វើកិច្ចព្រមព្រៀង ម្ដងហើយម្ដងទៀតក៏ដោយ។ យ៉ាងណាមិញ បើតាមការចុះផ្សាយរបស់កាសែត The Sun ក្លិប Arsenal កំពុងពិចារណា បង្វែរគោលដៅទៅរកដៃគូរួមជម្រើសជាតិ របស់ Vlahovic កីឡាករ Luka Jovic ។ គួរបញ្ជាក់ដែរថា Fiorentina បានត្រៀមរួចរាល់ ក្នុងការទទួលចំណូលពីការលក់ខ្សែប្រយុទ្ធវ័យ២១ឆ្នាំ ដោយ Arsenal គ្រោងនឹងចាយ៥០លានផោន បូកបន្ថែមនឹងការផ្ដល់

អ្នកចាំទីដៃទី២ របស់ Barcelona គឺ Neto Murara ត្រូវបានគេរាយការណ៍ថាចង់ចាកចេញពីក្លិប Barcelona ក្នុងខែ​​​មករានេះដើម្បីស្វែងរកនាទីលេងច្រើនជាងនេះ។ Barca បានប្រើប្រាស់អ្នកចាំទីដៃទី១ Marc Andre-Ter Stegen ក្នុងការប្រកួតសឹងតែទាំងអស់ដោយសារគេទទួលបានការទុកចិត្តពីក្លិបទើបធ្វើឲ្យ Neto កម្ររកពេលចូលលេងបានណាស់ដោយនៅរដូវកាលនេះគេបង្ហាញខ្លួនបានតែ៣ប្រកួតប៉ុណ្ណោះ។ នេះមិនមែនជាលើកទី១ទេដែល Neto ទាមទារចាកចេញព្រោះកាលពីរដូវកាលមុនក៏គេរំអុកក្លិបឲ្យលក់គេចេញដែរ ដោយលើកនេះគេចង់ផ្ទេរទៅក្លិបនៅ Premier League ឬ Serie A ដូច្នេះ គេអាចនឹងចាកចេញតែម្ដងឬទៅលេងខ្ចីជើងនៅក្លិបផ្សេង។ គួរបញ្ជាក់ផងដែរថា Barcelona ទំនងជាបើកផ្លូវឲ្យអតីតអ្នកចាំទីក្រុម Valencia រូបនេះចាកចេញព្រោះ​​កំពុងត្រូវការថវិកាសម្រាប់ទ្រទ្រង់​​​ក្លិប៕

ក្រុម​ Roma បាន​បរាជ័យ​ក្រោម​ថ្វី​ជើង​របស់ Juventus ដោយ​លទ្ធផល ៣ ទល់នឹង ៤ នៅ​​ការ​ប្រកួត​ក្នុង​ក្របខណ្ឌ Serie A កាល​ពី​យប់​មិញ។ ​ក្រុម​ Roma ដែល​ដឹក​នាំ​ដោយ​លោក Jose Mourinho បាន​​នាំ​មុខ​មុន​​ដល់​ទៅ ៣ ទល់នឹង ១ ប៉ុន្តែ​ពួក​គេ​បាន​ភ្លាត់​ឲ្យ Juventus វាយ​បក​ រហូត​រក​ជ័យជម្នះ​បាន​វិញ។ នៅ​២០​នាទី​ចុងក្រោយ​មុន​បញ្ចប់​ការ​ប្រកួត Juventus បាន​សម្រុក​​រក​បាន​៣​គ្រាប់​បន្ថែម​​វិញ​ ធ្វើ​បាន​ដោយ​កីឡាករ Locatelli, Kulusevski និង Sciglio។ នាទី​៨៣ កីឡាករ Pellegrini ​មាន​ឱកាស​ទាត់​ប៉េណាល់ទី​មួយ​គ្រាប់​ដើម្បី​តាម​ស្មើ​ឲ្យ Roma តែ​ធ្វើ​មិន​បាន​សម្រេច។ ដូច្នេះ​លទ្ធផល​ចុងក្រោយក្រុម​លោក Mourinho បរាជ័យ​ ៣ ទល់នឹង ៤។ ក្រោយ​​ប្រកួត​ចប់​អ្នក​ចាត់​ការ​សញ្ជាតិ​ព័រទុយហ្គាល់​បាន​និយាយ​ថា នៅ​៧០​នាទី​ដំបូង Roma ធ្វើ​បាន​ល្អ​ណាស់ ប៉ុន្តែ​នៅ​នាទី​បន្ទាប់​ពួក​គេ​​ដូច​​ជាបាក់​ទឹក​ចិត្ត។ ជ័យជម្នះ​របស់ Juventus បាន​ជួយ​ឲ្យ​ពួក​គេ​បន្ត​នៅ​លេខ​៥​ក្នុង​តារាង​ពិន្ទុ Serie A

សហព័ន្ធកីឡាបាល់ទាត់ប្រទេសនីហ្សេរីយ៉ា បានទាក់ទងទៅលោក Jose Mourinho ដើម្បីហៅមកដឹកនាំក្រុមបន្ទាប់ពីបានចែកផ្លូវគ្នាជាមួយលោកគ្រូបង្វឹក Gernot Rohr រួចមក។ Mourinho ទើបនឹងត្រូវបានតែងតាំងជាគ្រូបង្វឹករបស់ក្លិប Roma បាន៦ខែប៉ុណ្ណោះក្រោយត្រូវ Tottenham Hotspur បញ្ចប់តំណែងលោក។ សារព័ត៌មាន Daily Trust បានបង្ហើបថា សហព័ន្ធកីឡាបាល់ទាត់ប្រទេសនីហ្សេរីយ៉ា ចង់ហៅលោកមកដឹកនាំដើម្បីឲ្យពួកគេឈ្នះពាន Africa Cup Of Nations នៅឆ្នាំក្រោយ ដោយលោក Amaju Pinnick ក្នុងនាមជាប្រធានសហព័ន្ធផ្ទាល់បានទាក់ទងទៅអតីតគ្រូបង្វឹក Real Madrid រូបនេះរួចរាល់ហើយ។ គួរបញ្ជាក់ផងដែរថា លោក Jose Mourinho បានចុះកុងត្រា៣ឆ្នាំជាមួយក្លិប Roma ដោយក្លិបកំពុងស្ថិតនៅលេខរៀងទី៦ក្នុងតារាង Serie A ចាញ់ក្រុមកំពូលតារាង Inter Milan ចំនួន១៤ពិន្ទុ៕

លោក Mino Raiola ដែល​ជា​ភ្នាក់ងារ​របស់​ខ្សែ​ការពារ Matthijs de Ligt បាន​ទម្លាយ​ឲ្យ​ដឹង​ថា អតិថិជន​​របស់​ខ្លួន​មាន​បំណង​ចង់​ចាកចេញ​ពី Juventus។ De Ligt បាន​មក​ដល់​ទីក្រុង Turin កាល​ពី​ឆ្នាំ​២០១៩​ក្នុង​តម្លៃ​ខ្លួន​៧៥​លាន​អឺរ៉ូ បន្ទាប់​ពី​​ឈ្នះ​ពាន Golden Boy និង​​ជួយ Ajax ឡើង​ដល់​វគ្គ​ពាក់​កណ្ដាល​ផ្ដាច់ព្រ័ត្រ Champions League រដូវ​កាល​២០១៨-១៩។ អំឡុង​ពេល​លេង​នៅ Juventus គេ​ធ្លាប់​ឈ្នះ​ពាន Serie A និង Coppa Italia ប៉ុន្តែ​​ពេល​នេះ​ក្រុម​របស់​គេ​កំពុង​ជួប​បញ្ហា​ធ្លាក់​ទម្រង់​លេង​ស្ថិត​នៅ​លេខ​៧ក្នុង​តារាង​ពិន្ទុ Serie A។ ថ្មី​នេះ​លោក Raiola បាន​​ទម្លាយ​ថា De Ligt ចង់​ស្វែង​រក​ការ​ប្រកួត​ប្រជែង​ថ្មី។ នេះ​អាច​ជា​ដំណឹង​ល្អ​សម្រាប់ Chelsea ដែល​​ធ្លាប់​បង្ហាញ​ការ​ចាប់​អារម្មណ៍​លើ​កីឡាករ​សញ្ជាតិ​ហុល្លង់​វ័យ​២២​ឆ្នាំ​នៅ​ប៉ុន្មាន​ខែ​ថ្មី​ៗ​នេះ។ ខ្សែការពារ​របស់ Chelsea ៤​នាក់​នឹង​ត្រូវ​អស់​កុងត្រា​​នៅ​ឆ្នាំ​ក្រោយ​ក្នុង​នោះ​មាន Antonio Rudiger, Cesar Azpilicueta, Thiago Silva និង Andreas

យោងតាមសារព័ត៌មានអ៊ីតាលី  Romanista បានឲ្យអះអាងថា គ្រូបង្វឹកក្រុម AS Roma លោក Jose Mourinho ចង់បានខ្សែបម្រើ Ruben Loftus-Cheek របស់ Chelsea មករួមក្រុម។ លោក Mourinho នឹងអំពាវនាវឲ្យកីឡាករ Tammy Abraham ដែលអតីតខ្សែប្រយុទ្ធក្រុម Chelsea ជួយទាក់ទង Loftus-Cheek មកកាន់ទឹកដីអ៊ីតាលីដែរ។ ជាការពិតណាស់ Abraham និង Loftus-Cheek សុទ្ធតែបានរីកចម្រើសជាមួយគ្នា តាមរយៈថ្នាលយុវជនក្លិប Chelsea។ ហេតុនេះ អ្នកចាត់ការសញ្ជាតព័រទុយកាល់ សង្ឃឹមថាតាមរយៈអនុស្សាវរីយ៍ទាំងនោះ នឹងជួយឲ្យ Abraham អាចបញ្ចុះបញ្ចូលមិត្ដចាស់របស់គេ ឲ្យមក Serie A បាន។ ជាមួយគ្នានេះ មានការអះអាងថា ក្លិប Roma ចង់ចុះហត្ថលេខាក្នុងលក្ខខណ្ឌខ្ចីជើងជាមុន ជាមួយនឹងជម្រើសទិញផ្ដាច់ ប៉ុន្ដែក៏មិនទាន់ច្បាស់ថាក្លិប Chelsea នឹងយល់ព្រមជាមួយលក្ខខណ្ឌនេះ ឬ អត់នោះទេ៕

ខ្សែប្រយុទ្ធ Robert Lewandowski បាននិយាយផ្ទាល់មាត់ថាគេចង់មានឱកាសទៅលេងនៅក្របខណ្ឌ Serie A ឯប្រទេសអ៊ីតាលី បន្ទាប់ពីឈ្នះពាន Golden Player ឆ្នាំ២០២១ រួចមក។ នៅរដូវកាលនេះ កីឡាករសញ្ជាតិប៉ូឡូញរូបនេះរកបាន២៧គ្រាប់ក្នុងការបង្ហាញខ្លួន២៣ប្រកួតនិងបន្តក្លាយជាខ្សែប្រយុទ្ធជួរមុខមួយរូបក្នុងពិភពលោកនាពេលឥលូវនេះ។ យ៉ាងណាមិញពេលកាសែតអ៊ីតាលី Tuttosport បានសួរគេថាតើគេចង់មានឱកាសផ្ទេរមកលេងនៅអ៊ីតាលីទេ?ខ្សែប្រយុទ្ធរូបនេះបានថ្លែងថា៖ “ទៅលេងនៅ អ៊ីតាលី? ខ្ញុំមិនអាចនិយាយអីបានទេព្រោះខ្ញុំមិនទាន់ដឹងទេ។ ប៉ុន្តែខ្ញុំដឹងថានៅអ៊ីតាលី គឺខ្ញុំចូលចិត្ត។ វាអាចទៅ រួចព្រោះការមកលេងនៅ អ៊ីតាលី នឹងធ្វើឲ្យខ្ញុំមានឱកាសបានជួបជាមួយកីឡាករឆ្នើមៗជាច្រើន និងក្លិបល្អៗ”៕

លោក Jose Mourinho បាន​រិះគន់​លើ​អ្នក​កាសែត​ម្នាក់​ និង​បដិសេធ​​ឆ្លើយ​សំនួរ​ផ្សេង​ៗ បន្ទាប់​ពី​ Roma ចាញ់ Inter Milan ៣-០ កាល​ពី​ចុង​សប្ដាហ៍។ ត្រឹម​វគ្គ​ទី​មួយ Roma បាន​របូត​​ដល់​ទៅ​៣​គ្រាប់ ហើយ​បាន​បរាជ័យ​នេះ​បាន​ធ្វើ​ឲ្យ​ពួក​គេ​ធ្លាក់​ទៅ​លេខ​៧​នៅ​ Serie A ខណៈ Inter ស្ថិត​នៅ​លេខ​ពីរ។ Roma ពេល​នេះ​គម្លាត​ដល់​ទៅ​១៣​​ពិន្ទុ​ពី​ក្រុម​កំពូល​តារាង AC Milan។ ក្រោយ​ពី​បញ្ចប់​ការ​ប្រកួត​លោក Mourinho បាន​បដិសេធ​ឆ្លើយ​​នូវ​សំនួរ​ទី​មួយ​របស់​អ្នក​កាសែត និង​បាន​តប​វិញ​ធ្ងន់​ៗ​ថា៖ “ការងារ​របស់​អ្នក​មាន​ភាព​ងាយស្រួល​ច្រើន​ជាង​ពួក​យើង ដែល​នេះ​ជា​ហេតុ​​ដែល​ពួក​​យើង​រក​ចំណូល​បាន​ច្រើន​ជាង​អ្នក”។ បន្ទាប់​ពី​នោះ​មក​ អ្នក​ចាត់​ការ​សញ្ជាតិ​ព័រទុយហ្គាល់​​មិន​បន្ត​ឆ្លើយ​សំនួរ​ណា​ទៀត​ឡើយ។ នេះ​មិនមែន​ជា​លើក​ទី​មួយ​ទេ លោក Mourinho តែងតែ​មាន​បញ្ហា​ជាមួយ​អ្នក​កាសែត​ពេល​ដែល​​ពួក​គេ​សួរ​សំនួរ​ធ្ងន់​ៗ ស្រប​ពេល​ដែល​ក្រុម​របស់​លោក​កំពុង​ចាញ់៕

ខ្សែ​ប្រយុទ្ធ​ចាស់​វស្សា​ Zlatan Ibrahimovic ​រក​បាន​មួយ​គ្រាប់​កាល​ពី​យប់​មិញ​នេះ ដើម្បី​ជួយ AC Milan យក​ឈ្នះ​ទៅ​លើ​ក្រុម Genoa ៣-០ ក្នុង​ពាន​រង្វាន់​ Serie A សប្ដាហ៍​​ទី​១៥ ។ គិត​ត្រឹម​ពេល​នេះ​បុរស​សញ្ជាតិ​ស៊ុយអែត​ខាង​លើ​វ័យ​៤០​​ហើយ​ ​​ខណៈ​ដែល​​កុង​ត្រា​របស់​ខ្លួន​នឹង​ផុត​នៅ​កក្កដា ឆ្នាំ​២០២២ ខាង​មុខ​នេះ​។ ​ប៉ុន្តែ​ក្រោយ​ពេល​​ធ្វើ​បាន​ល្អ​គេ​​​ក៏​មាន​គំនិត​ចង់​បន្ត​ស្នាក់​នៅ AC ដល់​ ២០២៣ ​ដោយ​បាន​និយាយ​ថា «ខ្ញុំ​ពិត​ជា​រីក​រាយ​​ណាស់​​សម្រាប់​ការ​ធ្វើ​ការ​ជា​មួយ​លោក Pioli អ្នក​ចាត់​ការ​របស់​យើង​។ ប៉ុន្តែ​ឥឡូវ​នេះ​​វា​ដល់​ពេល​ដែល​ត្រូវ​ពង្រីក​កុង​ត្រា​ថែម​ហើយ​ (និយាយ​រួច​ក៏​សើច​) បុរស​ម្នាក់​នេះ​ធ្វើ​ឲ្យ​ខ្ញុំ​រីករាយ​»។ ​​រដូវ​កាលនេះ​ Zlatan រ​ក​បាន​៦​គ្រាប់​ហើយ ​និង​រក​បាន​៣១​ គ្រាប់​ហើយ​ក្នុង​ការ​បង្ហាញ​ខ្លួន​ឲ្យ AC Milan ៤៦ ប្រកួត​គិត​ចាប់​ពី​ការ​ចូល​លេង​​ពី​ឆ្នាំ​២០២០ មក​ដក់​ពេល​នេះ​៕