Swansea City Archives

Football News

James ប្រាប់ថាឱ្យតែអាចស៊ុតចូលក្លិបចាស់ Man UTD គាត់នឹងអបអរដូចធម្មតា

Daniel James កីឡាកររបស់ Leeds United បានឆ្លើយដោយមិនលាក់លាម នៅពេលគេសួរថា តើគាត់នឹងធ្វើការអបអរគ្រាប់បាល់ឬទេប្រសិនបើគាត់អាចស៊ុតចូលទៅលើអតីតក្លិបចាស់ Manchester United? ជារួមខ្សែប្រយុទ្ធសញ្ជាតិ វែលន៍ រូបនេះបានប្រាប់ថា គាត់នឹងអបអរដូចធម្មតា។ ជាការពិតណាស់ James ជាអតីតកីឡាកររបស់ Man UTD មួយរូប ដោយរូបគេធ្លាប់ស្នាក់នៅទឹកដី Old Trafford ចំនួន ២ រដូវកាល បន្ទាប់ពីផ្លាស់ចេញពីក្រុម Swansea នៅឆ្នាំ ២០១៩, ហើយនៅរដូវកាលនេះរូបគេបានចាកចេញពីក្រុមបិសាចក្រហមទៅចូលរួមជាមួយ Leeds ហើយ ដោយសារពុំអាចប្រជែងកៅអីឈ្នះរាមច្បងបាន។ James បាននិយាយយ៉ាងដូច្នេះថា៖ “តើខ្ញុំនឹងអបអរឬទេ ប្រសិនបើអាចស៊ុតបញ្ចូលទី? ពិតណាស់ ខ្ញុំនឹងអបអរដូចធម្មតា។ ខ្ញុំមិនបានស្អប់ទៅលើក្រុម Manchester United ឡើយ។ ខ្ញុំបានចាកចេញដោយមានលក្ខខណ្ឌល្អៗ។ ខ្ញុំនៅតែមានមិត្តច្រើននៅទីនោះ។ វានឹងធ្វើឱ្យខ្ញុំមានអារម្មណ៍អស្ចារ្យនៅពេលអាចរកគ្រាប់បាល់បាន។ ដូច្នេះពិតណាស់ ខ្ញុំនឹងអបអរគ្រាប់បាល់នោះ”៕

21 Feb 2022

83 views

Football News

Renato Sanches កំពុងធ្វើការសម្រេចចិត្តផ្លាស់ប្ដូរក្លឹប

ខ្សែបម្រើអន្តរជាតិព័រទុយហ្គាល់ Renato Sanches មានអារម្មណ៍ថាត្រៀមខ្លួនរួចជាស្រេចដើម្បីធ្វើការផ្លាស់ប្តូរដ៏ធំមួយទៀត ដោយកាលពីមុនបានធ្វើការសម្រេចចិត្តចាកចេញពីក្លឹប Bayern Munich ។ ហើយបច្ចុប្បន្នក្លឹប Arsenal បានចាប់អារម្មណ៍លើខ្សែបម្រើរូបនេះ ខណះដែលក្លឹប Barcelona ក៏បានចាប់អារម្មណ៍រូបគេខ្លាំងផងដែរកាលពីរដូវក្តៅមុន។ ខ្សែបម្រើវ័យ 24ឆ្នាំរូបនេះធ្លាប់បានឈ្នះពានរង្វាន់ Golden Boy បន្ទាប់ពីបានជួយឲ្យជម្រើសជាតិព័រទុយហ្គាល់ឈ្នះជើងឯកអឺរ៉ុបឆ្នាំ 2016 ពេលដែលរូបគេមានអាយុត្រឹមតែ 19ឆ្នាំប៉ុណ្ណោះ។ Renato Sanches បានធ្លាក់ជើងលេងមិនបានល្អឡើយជាមួយក្រុម Bayern ហើយត្រូវបានក្លឹប Swansea City ខ្ចីជើង ប៉ុន្តែមិនបានដំណើរការដូចការគ្រោងទុកនោះទេ។ កេរ្តិ៍ឈ្មោះរបស់ Renato ត្រូវបានស្តារឡើងវិញជាមួយនឹងក្រុម Lille ដោយជួយឲ្យក្រុមបារាំងមួយនេះក្លាយជាម្ចាស់ជើងឯក Ligue 1 កាលពីរដូវកាលមុន៕

28 Nov 2021

114 views

Football News

Manchester United ទៅទាក់ទងអ្នកចាត់ការនៅ Premier League ម្នាក់ ក្រោយដេញ Ole

Manchester United ត្រូវបានទម្លាយឲ្យដឹងថា បានទៅទាក់ទងអ្នកចាត់ការរបស់ក្លឹប Leicester City លោក Brendan Rodgers ដើម្បីមកជំនួសកន្លែងលោក Ole Gunnar Solskjaer។ ក្លឹបបិសាចក្រហមបានបញ្ចប់តួនាទីអ្នកចាត់ការសញ្ជាតិន័រវែសកាលពីថ្ងៃអាទិត្យ ក្រោយលោកដឹកនាំក្រុមចាញ់យ៉ាងអាម៉ាស់ ៤-១ ជាមួយ Watford។ នេះគឺជាបរាជ័យលើក៤ ក្នុងចំណោម៥ប្រកួតចុងក្រោយរបស់ Man Utd ក្នុងលីគ។ United ពេលនេះបានឲ្យលោក Michael Carrick មើលការក្រុមបណ្ដោះអាសន្នសិន។ ប៉ុន្តែបើតាម The Sun ឲ្យដឹងថា បិសាចក្រហមក៏កំពុងព្យាយាមស្វែងរកអ្នកចាត់ការថ្មីឲ្យបានឆាប់ៗដួចគ្នា និងបានទៅទាក់ទងលោក Rodgers។ ពួកគនឹងត្រៀមកញ្ចប់ទឹកប្រាក់៨លានផោនដើម្បីបង់ឲ្យ Leicester ដើម្បីនាំយកអ្នកចាត់ការវ័យ៣៨ឆ្នាំមកកាន់ Old Trafford។ លោក Rodgers មានបទពិសោធន៍ដឹកនាំក្រុមនៅអង់គ្លេសជាច្រើនដូចជា Watford, Reading, Swansea City, Liverpool និង Leicester City៕

22 Nov 2021

110 views

Football News

លេងល្អនៅ Euro ពេលនេះ Renato Sanches ត្រូវ Barcelona ចាប់អារម្មណ៍

ក្លឹប Barcelona កំពុងសម្លឹងមើលការផ្ទេរតារារបស់ក្លឹប Lille គឺ Renato Sanches បន្ទាប់ពីបង្ហាញទម្រង់លេងគួរឲ្យចាប់អារម្មណ៍ក្នុងព្រឹត្តិការណ៍ Euro ២០២០ ជាមួយព័រទុយហ្គាល់។ ក្រៅពី Barcelona ក្លឹបហង្សក្រហម Liverpool ក៏ជាក្រុមមួយចង់បាន Sacnhes វ័យ២៣ឆ្នាំដូចគ្នា។ Sacnhes បានធ្វើឲ្យខ្លួនឯងល្អប្រសើរឡើងវិញក្នុងអាជីពពេលមកលេងនៅ Lille ក្រោយចាកចេញពី Bayern Munich កាលពីឆ្នាំ២០១៩ និងខ្ចីជើងមួយរយៈនៅ Swansea City។ គេជាកីឡាករដ៏សំខាន់ជួយ Lille ឈ្នះពាន Ligue 1 យ៉ាងភ្ញាក់ផ្អើលកាលពីរដូវកាលមុន និងបង្ហាញការលេងល្អនៅព្រឹត្តិការណ៍ Euro ឆ្នាំនេះ។ សម្រាប់ Lille ក៏មានចិត្តចង់លក់ Sacnhes ចេញដែរដើម្បីទទួលបានចំណូលខ្លះមកវិញ។ Liverpool ជាក្រុមដែលចង់បាន Sacnhes ដូចគ្នា ដើម្បីយកមកបំពេញនៅតំបន់បម្រើកណ្ដាល ក្រោយពេល Georginio Wijnaldum បានផ្លាស់ទៅលេងនៅ Paris Saint-Germain៕

14 Jul 2021

171 views