Tag: Telegraph

សម្រាប់ក្រុមណាដែលក្លាយជាជើងឯកនៃពានរង្វាន់ FA Cup នឹងមានកៅអីឡើងទៅលេងពានកំពូលរបស់អឺរ៉ុប Champions League ដោយស្វ័យប្រវត្តិតែម្តងចាប់ពីឆ្នាំ ២០២៤ តទៅ ខណៈបច្ចុប្បន្នច្បាប់ថ្មីនេះត្រូវបានព្រមព្រៀងដោយ UEFA ហើយ។ យោងតាមការចុះផ្សាយរបស់កាសែត Telegraph បានឱ្យដឹងថា ម្ចាស់ជើងឯកនៃពានរង្វាន់ FA Cup នឹងទទួលបានកៅអីលេងនៅ Champions League ដោយស្វ័យប្រវត្តិតែម្តង ប្រសិនបើក្រុមនោះធ្លាប់មានប្រវត្តិជោគជ័យក្នុងការប្រកួតប្រជែងជាមួយពានទីមួយរបស់ អឺរ៉ុបមួយនេះ (UCL) កន្លងមក។ គួរដឹងថា នៅពេលខាងមុខ UEFA មានផែនការគ្រោងនឹងពង្រីកក្រុមបន្ថែមដែលមានដល់ទៅ ៣៦ ក្រុម ដើម្បីប្រកួតប្រជែងនៅក្នុងពានរង្វាន់ UCL។ ហើយនេះអាចជាដើមចមមួយផងដែរ ដែលសមាគមន៍បាល់ទាត់ អឺរ៉ុប អនុញ្ញាតឱ្យក្រុម អង់គ្លេស អាចមានក្រុមបន្ថែមដើម្បីចូលរួមប្រកួតពាន UCL ក្រៅពីក្រុមដែលមានចំណាត់ថ្នាក់ Top ៤ នៅក្នុងលីគ៕

កីឡាករ Declan Rice ត្រូវបានគេបង្ហើបឱ្យដឹងថា គាត់មិនសប្បាយចិត្តនោះទេ ដែលក្រុម West Ham ដាក់តម្លៃខ្លួនផ្ទេរចេញរបស់គាត់ថ្លៃបែបនេះសម្រាប់ទីផ្សារដោះដូររដូវក្តៅ, ជាក់ស្តែងតម្លៃខ្លួនរបស់គាត់បច្ចុប្បន្នគឺបានឡើងរហូតដល់ទៅ ១០០ លានផោន ឬប្រមាណជា (១៣៦ លានដុល្លាអាមេរិក) ឯណោះ។ ខ្សែបម្រើកណ្តាលវ័យ ២២ ឆ្នាំ គឺជាគោលដៅធំមួយរបស់ក្រុម Chelsea និង Manchester United, ចំណែកឯក្រុម Manchester City ក៏បានចូលរួមដេញថ្លៃលើកីឡាករកំពុងឡើងកូដរូបនេះដែរ។ ប៉ុន្តែយ៉ាងណាគ្រប់ក្លិបទាំងអស់សុទ្ធតែមានការទាក់ទើរដោយសារតែតម្លៃខ្លួនរបស់បុរសសញ្ជាតិ អង់គ្លេស រូបនេះមានតម្លៃថ្លៃពេក។ យោងតាមរបាយការណ៍របស់គេហទំព័រ Telegraph បានឱ្យដឹងថា Rice មិនសប្បាយចិត្តនោះទេ ដែលក្រុមញញួរយក្សដាក់តម្លៃខ្លួនរបស់គាត់ខ្ពស់កប់ពពកបែបនេះ។ ហើយបើតាមការអះអាងរបស់ប្រភពដដែលបានបន្ថែមថា ខ្សែបម្រើកណ្តាលរូបនេះបានបដិសេធមិនបន្តកុងត្រាថ្មីជាមួយក្រុម West Ham ២ លើកមកហើយ, មែនទែនទៅគាត់គឺមិនចង់បន្តកុងត្រាថ្មីជាមួយក្រុមដែលមានមូលដ្ឋាននៅទីក្រុង ឡុងដ៍ មួយនេះទេ៕