Tag: The Telegraph

កាសែត The Telegraph រាយការណ៍ថា អ្នកចាំទី Jordan Pickford របស់ Everton អាចនឹងចូលរួមជាមួយ Tottenham Hotspur ។ យោងតាមប្រភពបានឱ្យដឹងថា អ្នកចាត់ការថ្មីរបស់ Spurs លោក Antonio Conte មានចំណាប់អារម្មណ៍ក្នុងការនាំយកកីឡាករអង់គ្លេសរូបនេះចូលរួមក្នុងក្រុមរបស់គាត់ដើម្បីជំនួសកន្លែងអ្នកចាំទី Hugo Lloris ។ កិច្ចសន្យារបស់អ្នកចាំទីវ័យ 27 ឆ្នាំរូបនេះជាមួយក្រុមស្ករគ្រាប់ Everton នឹងផុតកំណត់នៅរដូវក្តៅឆ្នាំ 2024 ខាងមុខនេះ ខណៈដែលតម្លៃទីផ្សាររបស់ Jordan Pickford ត្រូវបានគេប៉ាន់ប្រមាណថា 25 លានអឺរ៉ូ ដែលជាចំនួនពិតប្រាកដដែល Everton បានទិញអ្នកចាំទីរូបនេះពីក្រុម Sunderland កាលពីឆ្នាំ 2017 ។ Jordan Pickford បានរក្សា Clean Sheet 3 ដងក្នុងការបង្ហាញខ្លួន 10 លើកសម្រាប់ក្លឹបនៅរដូវកាលនេះ៕

គ្រូបង្វឹកក្រុម Paris Saint-Germain លោក Mauricio Pochettino មានបំណងចង់ត្រឡប់ទៅកាន់ប្រទេសអង់គ្លេសវិញបន្ទាប់ពីចូលកាន់ជិតមួយឆ្នាំមក។ យោងតាមសារព័ត៌មាន The Telegraph អ្នកចាត់ការសញ្ជាតិអាហ្សង់ទីនរូបនេះមានចំណាប់អារម្មណ៍ក្នុងការចង់ត្រលប់ទៅកាន់ក្របខ័ណ្ឌ Premier League វិញ ខណៈដែលកិច្ចសន្យាបច្ចុប្បន្នជាមួយក្រុមបារាំង PSG ផុតកំណត់នៅរដូវក្តៅឆ្នាំ 2023 ។ ប្រភពបានអះអាងថា Pochettino អាចនឹងជំនួសកន្លែងលោក Ole Gunnar Solskjaer នៅតំណែងរបស់គាត់ជាអ្នកចាត់ការក្រុមបិសាចក្រហម Manchester United ។ មុនពេលចូលរួមជាមួយក្រុមអ្នកមានបារាំង PSG លោក Pochettino ដឹកនាំក្រុម Tottenham Hotspur ចន្លោះឆ្នាំ 2014 និង 2019 ដឹកនាំក្រុមអង់គ្លេសមួយនេះទៅកាន់វគ្គផ្តាច់ព្រ័ត្រនៃក្របខ័ណ្ឌ Champions League ក្នុងឆ្នាំ 2018/19 តទល់ជាមួយក្រុមហង្សក្រហម Liverpool ៕

ទោះបីជាការពិតដែលថា Paul Pogba នឹងក្លាយជាកីឡាករឥតគិតថ្លៃនៅចុងបញ្ចប់នៃរដូវកាលនេះ Manchester United នឹងមិនមិនលក់គាត់នៅក្នុងខែមករានេះនោះទេបើយោងតាមកាសែត The Telegraph ។ Man United អាចនឹងមិន​ទទួលបានប្រាក់ក្នុងការលក់កីឡាករសញ្ជាតិបារាំងរូបនេះនឹងត្រូវខាតនូវទឹកប្រាក់ចំនួន 89 លានផោនដែលពួកគេបានចំណាយសម្រាប់ Pogba ទិញពី Juventus ក្នុងឆ្នាំ 2016 ។ Juventus គឺជាក្លឹបមួយក្នុងចំណោមក្លឹបដែលចាប់អារម្មណ៍ក្នុងការចុះហត្ថលេខាលើ Pogba។ កីឡាករវ័យ ២៨ឆ្នាំរូបនេះក៏ត្រូវបានផ្សារភ្ជាប់ជាមួយនឹងក្រុម Real Madrid និង Paris Saint-Germain ផងដែរ៕

ខណៈ​លោក​ Mikel Arteta អ្នក​ចាត់ការ​ក្លឹប Arsenal កំពុង​រង​សម្ពាធ ក្លឹប​មាន​រហស្សនាម​កាំភ្លើង​ធំ​មួយ​នេះ កំពុង​គិត​គូរ​ក្នុង​ការ​ស្វែងរក​បេក្ខភាព​ថ្មី ដើម្បី​ជំនួស​បុរស​ជនជាតិ​អេស្ប៉ាញ​រូប​នេះ។ យោង​តាម​ការ​ចុះ​ផ្សាយ​របស់​សារព័ត៌មាន The Telegraph ខាង​ Arsenal យល់​ថា​បេក្ខភាព​លោក Antonio Conte ដែល​ជា​ទើបតែ​លាលែង​ចេញ​ពី​តំណែង​គ្រូ​បង្គោល​ក្លឹប Inter Milan កាល​ពី​ខែ​ឧសភា ជា​បេក្ខភាព​មួយ​ដ៏​សក្ដិសម​ក្នុង​ការ​ឡើង​មក​កាន់​ក្លឹប Arsenal។ លោក Conte បាន​ដឹកនាំ​ឱ្យ​ក្លឹប​អ៊ីតាលី​ខាង​លើ​នេះ​បាន​ឈ្នះ​ពាន​លីគ​កំពូល​អ៊ីតាលី Serie A ដោយ​បញ្ចប់​កំណត់ត្រា​ឈ្នះ​ពាន​លីគ ៩ឆ្នាំ​ជាប់ៗ​គ្នា​របស់​ក្លឹប Juventus។ បុរស​ជនជាតិ​អ៊ីតាលី​នេះ​ក៏​ធ្លាប់​ដឹកនាំ​ Cheslea ដែរ ដោយ​ដឹក​ឱ្យ​ឈ្នះ​ Premier League កាល​ពី​ឆ្នាំ២០១៧។ ទោះ​ជា​យ៉ាង​ណា​ក៏​ដោយ បើ​តាម Telegraph លោក Arteta នៅ​មាន​ពេល​រហូត​ដល់​ខែ​តុលា ដើម្បី​បង្ហាញ​ក្លឹប​ថា ទម្រង់​លេង​របស់​ក្លឹប​រាជធានី​ឡុងដុង​មួយ​នេះ​មាន​ភាព​ប្រសើរ​ឡើង​។ Arsenal ពេល​នេះ​កំពុង​តែ​មាន ០ពិន្ទុ ក្រោយ​លេង​លីគ​បាន​ ២ប្រកួត។ កាល​ពី​រដូវ​កាល​មុន ក្លឹប​នេះ​ជាប់​លេខ ៨ ដោយ​មាន​

លោក Zinedine Zidane បានលាឈប់ពីតំណែងជាគ្រូបង្វឹកក្រុម Real Madrid បន្ទាប់ពីរដូវកាល 2020/21 បានបញ្ចប់ក្នុងលីកប្រទេសអេស្ប់ាញ។ យោងតាមសារព័ត៌មាន The Telegraph បានអោយដឹងថាគ្រូបង្វឹកសញ្ជាតិបារាំងរូបនេះនឹងរង់ចាំដឹកនាំក្រុមជម្រើសជាតិបារាំងបន្ទាប់ពីព្រឹត្តិការណ៍ Euro 2020 ចប់រួចរាល់។ បច្ចុប្បន្ននេះលោក Didier Deschamps កំពុងទទួលបន្ទុកជាគ្រូបង្វឹកក្រុមជម្រើសជាតិបារាំងនូវឡើយ។ មានការកត់សម្គាល់ថាក្រុមមកពីអតង់គ្លេស Tottenham បានព្យាយាមទាក់ទងទៅអតីតគ្រូបង្វឹក Real Madrid លោក Zidane ថាតើគ្រូបង្វឹករូបនេះមានផែនការអ្វីខ្លះហើយតើគាត់នឹងមានឆន្ទៈធ្វើការនៅក្លឹបឡុងដ៍ឬយ៉ាងណា។ ប៉ុន្តែ Spurs ជឿជាក់ថាជម្រើសជាក់ស្តែងជាងនេះគឺអញ្ជើញលោក Antonio Conte ។